- خالد : منيح كتير منيح يوم خير علي وع بنتي كيف ما بدي كون منيح
- فتون : تمام بس بدي خبرك انو صار عندي وضع طارئ ويمكن اتأخر اليوم او يمكن ما اجي اذا تأخر الوقت كتير
- خالد : عنجد بس .. انا شفت مناوبتك بكررى
- فتون : اي مزبوط بس اليوم وضع طارئ .. ليه في شي ؟
- خالد : كنت .. خلص انسي مافي شي بس ترجعي منحكي
- فتون : ماشي
#سكرت الخط وشلفت الجوال ل يمان
- يمان : كان نكسر
- فتون : اخر همي
- يمان : همجية
- يوسف : مطولين انتو التنين
- فتون : هه
#وقف يمان قدام بيت فخم كتير.. بالحقيقة قصر مو بيت والحراسة بكل مكان نزل يمان وساعد يوسف لحتى ينزل وانا نزلت وقفت جامدة بمكاني ما عرفانة شو اعمل وكيف امشي .. طلعت وحدة منيحة بالعمر ومبين عليها هيبة وركضت لعند يوسف وضمتو وما تحكيلو غير يا ضناي .. لحقوها اكتر من وحدة منهن اكبر ومنهن اصغر وكمان ضموه وبوسوه وكل شي كان ريلاكس لحد ما اجت العفريتة " نور " ريتو الله ما كان جابا وركضت لعند يمان وضمتو وتحكيلو كنت خايفة عليك كتير هالحقيرة! وما بعرف ليش انا مزعوجة وعم فور واغلي وبعد ما خلصو حبن واهتمامن قررو بجلالة قدرن يلتفتو ويسألو عني
- مين هي ؟
- يمان ؛ هي الدكتورة يلي عالجت يوسف
- يوسف : يعني لولاها انا ما كنت عايش
- بعيد الشر لا تحكي هيك .. بنتي عنجد شكرا الك انقذتي ابني وحيدي
#تطلعت فيا وقلت بيني وبين حالي وحيدك ! كيف وحيدك وطول الوقت يمان بناديلو اخي وما بعرف شو !!
- فتون : ولو هاد واجبي يا خانم
- تفضلي تفضلي ما تواخذينا ما النا بالعادة ننسى ضيوفنا
- نور : ضيوف .. هه الله يبعد هيك ضيوف عنا
- عيب بنتي ليش هيك عم تحكي
- نور : ولا شي عمتي
- عيب تحكي هيك مع شخص واقف ببيتنا
- نور : بس عمتي
- بلا بس بلا شي يا ريت ما يتكرر هالموقف فهمانة
#ضحكت ضحكة استفزازية بوجها ودخلت لجوا معهن .. ضيفوني ورحبو فيني وحبوني واهتمو فيني واخر دلال ونور اعصابا عم تحترق .. الصراحة ما بعرف ليش بس كنت مبسوطة بهاد الشي.. مبسوطة كتير
#المسا
#كل واحد انشغل بحالو وانا قاعدة بالصالة مع نور وختيارة كبيرة بالعمر ونور وهالختيارة عم يحكو بمواضيع وع ناس وانا متل الاطرش بالزفة .. انتبهت ل يمان كان قاعد بالحديقة . وقفت وبدي روح لعندو
- لوين لك بنتي
- فتون : طالعة شم شوية هوا وارجع
- لا تطولي لان السفرة رح تجهز
- فتون : ماشي
#مشيت فتون وتطلعت نور وشافت يمان بالحديقة وعرفت انوو رايحة لعندو وقفت وبدها تروح توقفا
- بنتي وين رايحة انتي كمان
- نور : ستي هلأ بجي
- تعي كمليلي شو صار بعدين انقلعي
- نور : بس ستيي
- اقعدييي
#قعدت نور وهي عيونا ع الحديقة بس مو قدرانة تعمل شي غير تطلع من بعيد
____
#وصلت فتون لعند يمان كان قاعد ع الكرسي وعم يدخن وهي واقفة وراه بدون اي صوت
- يمان : شو بدك
- فتون : كيف عرفت اني هون
- يمان : حاسة سادسة
- فتون : ااا قلتلي
- يمان : صار شي
- فتون : بدي ارجع ع البيت
- يمان : تأخر الوقت .. اصلا اهلي ما رح يخلوكي تطلعي الليلة
- فتون : بس انا بدي اروح ومتل ما خطفتني لازم ترجعني
- يمان : فتون بلا نق
- فتون : ما بشتغل عندك لتحكيني هيك
#قام وقف قبالا وتطلع بعيونا
- يمان : بلا نق
#ضلت فتون واقفة مكانا وهنن التنين عم يتطلعو ببعض وهدووء .. نور كانت معصبة بعدين ما عاد تتحمل وقامت فتحت باب الحديقة وشافت ضو احمر ع يمان ..
- نور : يمااااااااان
#تطلع يمان فيها وبعدين انتبه ع الضو ع فتون وفتون عم تطلع ع نور بعدين ضمها وفتل بسرعة بعد عن المكان وطلع صوت رصاصة وصرخت فتون
- فتوون : شو هااد
#الشب فورا هرب .. ونور نادت للحراس مشان يلحقوه وركضت لعند يمان
- نور : انت منيح
#طنشها وتطلع بفتون
- يمان : صرلك شييي
- فتون : لا انا منيحة
#انقهرت نور كيف تجاهلها وتطمن ع فتون
- يمان : هالندل صار يشتغل غدر
- فتون : ممكن تفهموني شو صااار
- يمان : ولا شي
#مشي يمان بدو يروح ورا الحراس مسكتو فتون من ايدو ونور واقفة عم تطلع بس .. التفت يمان وتطلع ع ايدها بعدين رفع راسو وشاف عيونها كلها دموع ورجع بلهفة
- يمان : شو في ؟؟ صرلك شي
- فتون : لا
- يمان : ليش عم تبكي
- فتون : بدي ارجع ع بيتي
- يمان : تمام بس ارجع باخدك
#نور كانت عم تحترق وبدها تصرخ وتبكي بس مسكت حالهاا .. مسكت ايد يمان وسحبتا من بين ايدين فتون
- نور : لازم تلحقن
#انتبه يمان انو انزعجت من يلي صار بس ما حكا شي وراح .. ورجعت فتون ع البيت لقت امو ليمان واقفة ع باب الحديقة وشافت نور عيونها مليانين دموع
- جليلة : نور !
#خبت نور دموععا فورا وضحكت
- نور : ايي
- جليلة : شو يلي صار ؟
- نور : ولا شي

#داء_وَ_دواء
#الحلقة_الثامنة
#ياسمينة ..
..
..
..
#فتون :
دخلنا ع الصالون هو وعم يجرني من ايدي كانت قاعدة جليلة وابي وتنين شكلن من الحراس وشيخ .. تطلعت بيمان ناطرة انو يشرحليي
- يمان ؛ رح نكتب الكتاب هلأ بس ما رح نعلن شي للعالم
#حركت راسي بمعنى لا .. قرب مني وهمسلي
- يمان : شايفة هدول التنين يلي جاين يشهدو ع زواجك بخليهن يشهدو ع موت ابوكي فاهمة ؟
#اخدت نفس وغمضت عيوني ما بدي ابكي.. ما بدي دموعي ينزلو
- فتون : تمام
#انكتب الكتاب وراح الشيخ قامت لعندي جليلة وضمتني
- جليلة : الف مبروك بنتي تتهنو .. صح ما عملتلك خطبة بس رح اعملك عرس خلي كل العالم تقول نيالها
- فتون : مو مشكلة
#حط ابي ايدو ع كتفي عم بطمني ابتسمت بوجهو ورجعنا اطلعنا لبرا ع الحديقة بس كنت باردة حاسة حالي عايشة خيبة امل مو طبيعية ليش !! ما لحقت افرح انو التغى العرس اجى وكتب الكتاب متل كأنو عم بقلي لا تفرحي ..انسي كلمة فرح وانا موجود ..
#خلصت الحفلة وبلشت العالم تروح واحد ورا واحد
دخل الكل ع الصالون وقبل ماادخل انا وقفني صوتو
- آدم : فتووون
- فتون : نعم
- ادم: تطلعي نشم شوية هوا
- فتون : انا..
- ادم: ما قصدي احرجك ابدا بس انا شفتك متدايقة قلت بخليكي تغيري جو
- يمان : انا يلي بدي غيرلك جو
#كان واقف قريب منا ..قرب لعنا وحط ايدو ع كتف ادم والغضب بعيونو
- يمان : انت تعا معي .. فتون انتي ادخلي لجوا
#ما نطرني حتى لجاوب ومشي هو وادم بس انا اقعد عاقلة لا والله لحقتن بسرعة كانو واقفين ورا البيت اول مرة بشوف هالمنطقة مافي اي شباك او برندة بالبيت بطل لهون
- ادم: شو في يمان
#قرب يمان ومسكو من قبة قميصو وضربو . رجع ادم لورا وحط ايدو ع الدم اللي نزل من انفو
- يمان : ع فتون ما عاد تقرب عم تفهم
#رجع ادم وردلو الضربة ع فكو
- ادم : ليش لتكون بتخصك
#بزق يمان الدم من تمو وفشكلو ل ادم وقع بالارض .. نزل لعندو وحط ايديه التنتين ع رقبتو عم يخنقو
- يمان : بتخصني وكتير
#كان عم يحاول ادم انو يفك ايدين يمان بس ما عم يقدر .. ما قدرت ضل واقفة واتفرج كيف عم يموت بين ايديه
- فتون : يمااان
#التفت يمان لعندي واخدو ادم ع غفلة ودفشو وقام عم يحاول يرد النفس
- يمان : انا ما قلتلك فوتي ع البيت
#ضربو ادم ووقعو بالارض
- فتون: يمااان
#قام يمان وردلو الضربة ورجع ادم ردلو ياها وانا واقفة محدا فيهم برد عليي .. بقيو هيك لحتى شوهو بعض .. قعد ادم ع الارض عم يلقط انفاسو بصعوبة
- ادم: اوووه بتعرف انو من زمان ما تقاتلت مع حدا هيك عنجد فادتني
- يمان : ايمت ما بدك تعا اهلا وسهلا
- فتون : لا انتو اكيد مريضين نفسيا
- يوسف : لسه الخير لقدام رح تشوفي شغلات كتيرة من هدول التنين
#تركتن ومشيت ودخلت ع البيت
- جليلة: هاا بنتي خليتن يجهزولك غرفة فوق جنب غرفة نور
- فتون : تمام
#دخلو يوسف ويمان وادم
- جليلة : انتو شو صاير معكم
- يمان : ولا شي امي
- جليلة: كيف ولا شي لك ابني ووجوهكم هي يلي ما بتتفسر
- ادم: تسلينا شوي
#طلعت ع غرفتي وتركتن تحت.. دقايق وسمعت صوتن طالعين ع الدرج ضليت رايحة جاي بالغرفة وانا متحرقصة بعدين ماعاد اتحمل نزلت لتحت اخدت علبة الاسعافات الاولية وطلعت دقيت الباب ع غرفة يمان ما رد ..فتحت الباب كان نايم متل عادتو شالح الكنزة وحاطت ايديه تحت راسو قربت لعندو اتأمل فيه كانت الجروح كتيرة ع وجهو
- يمان : مو ناوية تحكي شي
- فتون : ككيف
#تجلس وتطلع فيني
- يمان : اكيد مو جاي لهون لحتى تتصفني فيني
- فتون : ابدا .. جاي عقملك جروحك
- يمان: مافي داعي فيكي تطلعي
#قعدت ع طرف التخت وطالعت المعقم وبلشت عقملو وهو ساكت وعم يتطلع فيني بس
- فتون : شو في
- يمان : شو في
- فتون : ليش عم تطلع فيني هيك
- يمان : انا عم بتطلع فيكي
- فتون : لكا اانا
- يمان : ليش لاتطلع فيكي شايفة حالك حلوة
#سكرت علبة الاسعافات الاولية وبكل ثقة حكيت
- فتون : حلوة.. وكتير
#ضحك ع جنب واخد علبة الاسعافات مني ورماها ع الارض ودفشني ع التخت وقلب حالو فوقي
- يمان : ابدا مو حلوة
- فتون : يماا..ن
- يمان : امم
- فتون : شو عم تعمل..
- يمان: عم اخد حقوقي
#حاولت ادفشو بايدي بس عبث
- يمان : برأي لا تقاومي
- فتون : اللي عم تحكيه تخبيص ما الك حقوق عندي
- يمان : ولوو نسيتي كيف انكتب كتابنا من شوي
- فتون : لا بس شكلك نسيت كيف كنت مجبورة ع هالشي
#حط ايدو ع رقبتها وبلش يشد شوي شوي وبلشت تختنق
- يمان : اوعك الشي اللي صار بالحديقة ينعااد
- فتون : يم..اان..
#جرحني باضافيرو بعدين قام
- يمان : هي عقوبة انك رقصتي اليوم مع ادم اوعك تفكري تعيدي هيك شي
#رجع تسطح ع التخت وهي قامت تركض ع المراية

- يوسف : لا من هالناحية اتطمني مافي مصايب اليوم
- فتون : منشوف
#ركبنا بالسيارة وطلعنا بدون ما اعرف اي شي
#بالطريق
- فتون : يمان
- يمان : امم
- فتون : شو ح تعمل
- يمان : قلتلك ح اخطفك
- فتون : ما قصدت هاد الموضوع ..بقصد لمار يعني امك
- يمان : نحن طالعين نريح راسنا وما بدنا نفكر بالقصص هي
- فتون : كيف فيك تكون هيك .. كل ما اتذكر اللي عملتو بجن بحس بالف احساس وبحس بدي انتقم مدري ابكي مدري اتناسى ما بعرف كيف فيك تكون هيك
- يمان ؛ تعودت
- فتون : ليش ما خبرتني
- يمان : شو كنتي ناطرة اجي قلك فتون نحن اخوات لان امنا ما عندا مسؤولية وعندا عادة انو ترمي ولادها
- فتون : كنت بتعرف انو عايشة
- يمان : بعرف
- فتون : كيف ما عرفتا بالمشفى
- يمان : كانت عيوني بالارض لحتى ما حدا يشك فيني وما انتبهتلا
- فتون : و..
- يمان : حاج اسئلة حاج
- فتون : تمام سكتت
#فتلت وجهي ع الشباك ودموعي نزلت حاولت خبيها بس ما قدرت ما كنت قادرة اتجاهل كل شي وكأن شيئا لم يكن
#وصلنا ع مزرعة فيها كل شي .. يمكن بتضيع فيها ع قد مو كبيرة وقد مو فيها
- فتون : اديه عنكن بيوت
- يمان : اوووه لسه ما خفي كان اعظم .. تعالي نتمشى شوي
- فتون : اووووه يمان بيك المحترم شو هالتطورات هي
- يمان : اذا ما عجبك منرجع للاصدار القديم
- فتون : لا لا عاجبني وكتير كمان
#بقينا نتمشى ونفتل بالمزرعة للمسا بعدين دخلنا ع البيت
- يمان : جعتي
- فتون ؛ ح تتحول لشيف مثلا
- يمان : نحن عنا مواهب مدفونة
- فتون : عم تمزحح
#ضحكت لا اراديا
- فتون : يمان اللي ما بيعرف غير يمسك سلاح بيعرف يطبخ
- يمان ؛ والله لما تنجبري تقعدي ببيت يومين وتلاتة بدك تتعلمي هالقصص يعني عالمنا كمان اله ايجابيات
#قعدت ع طرف الطاولة وهو كان عم يجهز الخضرة وهالقصص والله طلع بيعرف يطبخ اكتر مني
- فتون : شي مرة فكرت تترك عالم المافيا
- يمان : مررات .. بس هو ما كان يتركني
- فتون : القصة ما بتصير بيوم وليلة
- يمان : فتون خانم عندك خبرة بهالموضوع وعم تعطي نصايح كمان
- فتون : امم لكن ..
- يمان : انا خلقت بين السلاح .. خلقت بعالم مافيا يعني من انا وصغير كنت مستهدف ابن مصطفى .. انا وعيت ع الهجوم والرصاص والقتل والضرب والتار وكل هاد انا ما دخلت هاد العالم ب ارادتي
- فتون : بس فيك تطلع منو ب ارادتك
- يمان : صعب هلأ
#مسكت ايدو
- فتون : رح كون جنبك
- يمان ؛ بفهم منك اذا بقيت بعالم المافيا ما ح تبقي جنبي
- فتون : يمان انا يمكن خلفت بوعدي وقتلت ما بنكر هاد الشي بس اكيد ما رح استسلم فورا وارجع ادخل برجليي ع هاد العالم يعنيي مافيني عيش وانا ما بعرف اذا ح ترجع ع البيت عايش او لا .. ما فيني عيش ونحن ملاحقين طول الوقت .. متل ما انت كنت مستهدف ك ابنو لمصطفى ابنك رح يكون مستهدف .. ما فيني اتخيل هالشي ما فيني اتحمل عيش كل يوم ع اعصابي
- يمان : فتون اسمعي
- فتون : يمان انت اسمعني .. انتو عنكن شغلكن بالعالم الطبيعي البعيد كليا عن عالم المافيا يعني فيك تبقى تشتغل فيه فيك تبعد عن المافيا .. انا بعرف انو عندك القدرة تتخلى بس انت ما بدك .. انت
#تركتو وطلعت ع الحديقة شم هوا وبقيت لحالي ما كلف نفسو ولحقني ..
#بعد_فترة
#حط الجاكيت ع كتافي .. رفعت كتافي ما بدي اي شي منو
- يمان : لا تعاندي
#تركتو ومشيت بدي ادخل لجوا
- يمان : فتوون
- فتون : شو فتوون هاد اللي شاطر فيه اصلا
- يمان : تمام
- فتوون : شو تمام!؟
- يمان : تمام رح حاول
- فتون : بشو رح تحاول ؟
- يمان : فتون خلصنا
- فتون : احكيييي
- يمان ؛ رح حاول اترك القتل والسلاح وكل شي وراي وابني حياة جديدة
#ابتسمت ومسكت ايديه
- فتون : نبني حياة جديدة مع بعض .. صدقني رح ترتاح كتير انا متأكدة
- يمان : تمام تعالي .. الاكل صار جاهز
- فتون : تمام
#طول الوقت كنت عم بتطلع فيه واضحك .. البسمة ما كانت عم تفارق وجهي ابدا من كتر الفرحة
- يمان : حاج تضحكي
- فتون : ليش ضحكتي موو حلوة
- يمان ؛ ابدا
- فتون : نننن حلوة وكتير
#خلصنا اكل وغسلنا الصحون كنت كتير مبسوطة يمكن عنجد هاد اكتر وقت بكون فيه مبسوطة ومن قلبي .. انا تعلقت فيه وتعودت عليه وحبيتو بكل شي فيه .. حتى عصبيتو ونبرة صوتو بلشت حبها ..
حضني وبلش يلعبلي بشعري
- فتون : يماان
- يمان ؛ نامي بلاها اسئلتك باخر هالليل
- فتون : يمااااان
- يمان ؛ خير فتون خير
- فتون ؛ ايمت بلشت تحبني وتتعلق فيني
- يمان : برأي لو تنامي مو احسن
- فتون : لا مو احسن احكيليي
- يمان : ما بعرف ايمت يعني انا دخلتك بمصيبة كنت خاف عليكي وفكر انو خوفي مجرد مسؤولية وانو ما بدي يصرلك شي بسببي وهيك

الانفجار اللي مات فيه مصطفى ع اساس انا اللي دبرتو بس مع الاسف كمان ضل عايش يعني مو معقول اكتر انسان بتكرهيه متعربش بهالحياة ومو راضي يتركك بحالك
- لمار : اللي مو معقول هو كمية المرض النفسي فيكيي
- جليلة ؛ استني استني حتى انا اللي اقترحت انو نقول انو مصطفى مات ونخليه عايش بين اربع حيطان متل الكلب لحالو وطبعا يوسف ويمان ما بيرفضو كلمة لامهن .. حتى بتعرفي سلام سمعتني مرة وكانت رح تكشفني وتكشف كل شي انا اللي دبرت مقتلها هي وزوجا رغم انو كانو كتير مناح وحرام نور خسرت اهلها من هي وصغيرة بزعل عليها اوقات ربيت بدون ام ولا اب حتى يمان كان بيجرحها خطي .. شو بدنا نعمل لو سلام ما كانت حشرية كتير ما كانت بنتا ربيت يتيمة
- لمار : حتى القتل حرام فيكي
#مشت خطوتين ومسكت الكاميرا اللي كانت عم تصور
- جليلة : شو هاد .. شو ..شو عملتي انتي لا لا عم تمزحي انتي ما سجلتي حكي صحح
- لمار ؛ بكفيني ابني يعرف الحقيقة
- جليلة : لاا لا كذابة حقيرة حقيرة
#كانت عم تتحرك وتحاول تفك حالها من ع الكرسي متل المجنونة وتركتها لمار وطلعت
- لمار : مصطفى منيح
- منيح يا خانم والدكتور طول الوقت جنبو اصلا
- لمار : فكوها وارموها بالشارع الرئيسي اللي جنب بيتها خليها ترجع لعندهم
- متل ما بدك يا خاانم
_____________
#الكل متوتر وخايف بنفس الوقت مو عرفانين شو يعملو ايديهن ورجليهن مربطين .. كان يمان برا بالحديقة وعم يدخن .. طلعت لعندو فتون
- فتون : يمان
- يمان : خير فتون خيرررر
- فتون : اكيد رح نلاقي حل
- يمان : نلاقي حل ! كلو بسببك فتون كلو بسببك انتي السبب بموت ابي وامي وبكل شي بصرلن .. انتي السبب بكل شي صار ب حياتي من مشاكل ومصايب .. لك خنتيني ب اكتر من مرة بكل مرة حتى .. بكل مرة جرب اوثق فيكي تخونيني .. انا غلطت لما دخلتك ع حياتي فتون انتي خربتي حياتي وحياة عيلتي انتي خربتي كل شي انتي السبب بكلل شي فتون انتيي
#كان عم يصرخ بشكل مو طبيعي وبعدين شال الكرسي وضربو بالحيط
- يمان : طلعي من حياتي .. ما بقى بدي شوفك ولا اعرف اي شي عنك ولا اسمع خبر واحد بس عنك اطلعي فتون روحي .. بكفي خربتي حياتي كفاية
- فتون : يما..
- يمان : قلتلكككك انقلعييي براااا حياااتي ما عاد بدي شوف وجهك
#مسحت دموعي اللي نزلت بسرعة ودخلت لجوا عم اركض واستقبلتني ريم
- ريم : انا قلتلك من الاول يمان بلف وبدور بيرجع لعندي لانو انا الاساس
- فتون : مو ناقصتك
- ريم : اكيد وانا ما رح لهيكي ابدا لانو لازم تضبي غراضك وتنقلعي من هون باسرع وقت وتتركينا نعيش حياتنا برواق بكفي تزعجيني انا ويمان وتخربي حياتنا خلص يمان رماكي متل الزبالة روحي وحافظي ع شوية الكبرياء اللي بقي عندك حرررااام بتزعلييي
- نور : ريمممم .. انقلعي لجوا
- ريم : انا ..
- نور : انا وانتي منعرف السبب كتير منيح اللي مخليكي قاعدة هون انقلعي لجوا وبلا كتر حكي والا ح خلي يمان يرميكي انتي بالزبالة كمان
#تأفأفت من نور وطلعت لعند يمان
- نور : لا تهتمي للي حكتو
- فتون : عادي
#طلعت ع الغرفة وبالفعل بلشت ضب اغراضي وقررت روح وشو ما صار ما ح يوقف ب طريقي .. دقت الباب نور ودخلت
- نور : قررتي تروحي
- فتون : انبسطي رح ترتاحي مني
#قعدت ع طرف التخت
- نور : انا بلشت اعتبرك اختي وكنت مقررة حسن علاقتي معك بس شوفي الحظ رح تروحي وتتركيني متل الكل
#استغربت من حكيها وقعدت جنبا ع التخت
- نور : اكيد عم تقولي شو عم تخبص هالمجنونة
- فتون : صراحة اي
- نور ؛ انا ما بحبو ليمان وانا تأخرت كتير لاكتشفت هاد الشي
- فتون : !!
- نور : لما كنا صغار كنا انا ويمان مقربين كتير لبعض دائما مع بعض نلعب مع بعض ناكل مع بعض نروح ونجي وطول الوقت مع بعض حتى .. حتى انو وقت اللي توفو اهلي انا اول حدا رحت لعندو هو يمان كان ملجأ بالنسبة الي .. شكلا العيلة فسرت هاد الشي على انو حب ومن انا وصغيرة رسخو ببالي فكرة انو نور ليمان ويمان لنور ونور ويمان رح يتزوجو بس يكبرو والقصص هي كلا وكبرت وكبر جواتي شعور التملك تجاه يمان .. اللي كنت مفكرتو حب وبقيو كل يوم يرسخو هاد الشي ببالي بس .. بس لما تزوجت يوسف انا فعليا عرفت شو يعني حب حسيت باحساس بعمري ما حسيتو تجاه يمان لما يلعبلي بشعري لما يحكيني كلمة حلوة ضل يوم كامل عم ارقص من الفرحة
- فتون : ولما يزعل منك بتحسي انو الدنيا كلا وقفت ضدد وكلا زعلانة منك
- نور : تماما .. انا عرفت هاد الشي كلو مع يوسف
- فتون : يوسف انسان كتير منيح وبيستاهل كل خير
- نور : لا تروحي .. يمان عم يحكي هاد الحكي لانو معصب ولانو خايف انو يخسر امو وابو بكرى رح يندم صدقيني رح يندم

- فتون : يما..
- يمان : قلتلكككك انقلعييي براااا حياااتي ما عاد بدي شوف وجهك
#مسحت دموعي اللي نزلت بسرعة ودخلت لجوا عم اركض واستقبلتني ريم
- ريم : انا قلتلك من الاول يمان بلف وبدور بيرجع لعندي لانو انا الاساس
- فتون : مو ناقصتك
- ريم : اكيد وانا ما رح لهيكي ابدا لانو لازم تضبي غراضك وتنقلعي من هون باسرع وقت وتتركينا نعيش حياتنا برواق بكفي تزعجيني انا ويمان وتخربي حياتنا خلص يمان رماكي متل الزبالة روحي وحافظي ع شوية الكبرياء اللي بقي عندك حرررااام بتزعلييي
- نور : ريمممم .. انقلعي لجوا
- ريم : انا ..
- نور : انا وانتي منعرف السبب كتير منيح اللي مخليكي قاعدة هون انقلعي لجوا وبلا كتر حكي والا ح خلي يمان يرميكي انتي بالزبالة كمان
#تأفأفت من نور وطلعت لعند يمان
- نور : لا تهتمي للي حكتو
- فتون : عادي
#طلعت ع الغرفة وبالفعل بلشت ضب اغراضي وقررت روح وشو ما صار ما ح يوقف ب طريقي .. دقت الباب نور ودخلت
- نور : قررتي تروحي
- فتون : انبسطي رح ترتاحي مني
#قعدت ع طرف التخت
- نور : انا بلشت اعتبرك اختي وكنت مقررة حسن علاقتي معك بس شوفي الحظ رح تروحي وتتركيني متل الكل
#استغربت من حكيها وقعدت جنبا ع التخت
- نور : اكيد عم تقولي شو عم تخبص هالمجنونة
- فتون : صراحة اي
- نور ؛ انا ما بحبو ليمان وانا تأخرت كتير لاكتشفت هاد الشي
- فتون : !!
- نور : لما كنا صغار كنا انا ويمان مقربين كتير لبعض دائما مع بعض نلعب مع بعض ناكل مع بعض نروح ونجي وطول الوقت مع بعض حتى .. حتى انو وقت اللي توفو اهلي انا اول حدا رحت لعندو هو يمان كان ملجأ بالنسبة الي .. شكلا العيلة فسرت هاد الشي على انو حب ومن انا وصغيرة رسخو ببالي فكرة انو نور ليمان ويمان لنور ونور ويمان رح يتزوجو بس يكبرو والقصص هي كلا وكبرت وكبر جواتي شعور التملك تجاه يمان .. اللي كنت مفكرتو حب وبقيو كل يوم يرسخو هاد الشي ببالي بس .. بس لما تزوجت يوسف انا فعليا عرفت شو يعني حب حسيت باحساس بعمري ما حسيتو تجاه يمان لما يلعبلي بشعري لما يحكيني كلمة حلوة ضل يوم كامل عم ارقص من الفرحة
- فتون : ولما يزعل منك بتحسي انو الدنيا كلا وقفت ضدد وكلا زعلانة منك
- نور : تماما .. انا عرفت هاد الشي كلو مع يوسف
- فتون : يوسف انسان كتير منيح وبيستاهل كل خير
- نور : لا تروحي .. يمان عم يحكي هاد الحكي لانو معصب ولانو خايف انو يخسر امو وابو بكرى رح يندم صدقيني رح يندم
- فتون ؛ هاد الشي كان لازم يصير من زمان نور بس انا كنت لاحقة قلبي ومطنشة عقلي ع الاخر
- نور : الحب لسه بيعمل فيكي اكتر من هيك
- فتون : اووه نور خانم شو هالعشق هاد
- نور : شايفة الاخوة شو عملت فينا
- فتون : شايفة شايفة
#قمت لكمل ضب الغراض شفت من الشباك يمان قاعد وريم جنبو وعم تلعبلو بشعرو وبلشت تجاكرني اول ما انتبهتلي
- فتون : ولسه بتقليلي رح يندم
#كملت ضب الغراض ونزلت
- نور : خليني خبرك انو ما ح تخلصي مني بسهولة . طمنيني عنك دائما ماشي
- فتون : ماشي
#مشي ابي قدامي وقفت وتطلعت لاول مرة بحس بغصة رح تقتلني وانا طالعة من هاد البيت .. البيت اللي حاولت كتير اتخلص منو ومن اللي فيه اليوم انا عم اطلع منو وقدامن كلن وما حدا عم يوقفني .. البيت اللي غير حياتي كليا .. ايه فتون رح ترجعي لحياتك الطبيعية واخيرا لازم تكوني مبسوطة
- خالد : بنتي انتي متأكدة
- فتون : متأكدة واكتر مرة بكون فيها متأكدة بابا
#طلعنا من البيت ورحنا وهيك بتكون خلصت قصتي مع هالعيلة .. او ع الاقل انا كنت مفكرة هيك
______________
#رموها بالشارع وراحو .. شالت الغطا عن عيونها لقت حالها قدام بيتها ركضت ودخلت
- ريم ؛ جليلة
#تطلع فيها يمان والتفت فورا لورا شاف جليلة داخلة وعم تركض راح لعندها ويوسف اللي كان قاعد جوا انتبهلن وركض لعندهم كمان
- يوسف: انتي منيحة
- جليلة : منيحة
- يمان : ابي وينو
- جليلة : ما بعرف رموني قدام البيت وراحو
- يوسف : الله يلعنن
- يمان : انتي منيحة ما عملولك شي يعني
- جليلة ؛ منيحة منيحة بس انقذو ابوكن
#بهاللحظة وصلت رسالة للكل يوسف .. يمان .. نور .. فتون .. والرسالة كانت عبارة عن مقطع الفيديو اللي جليلة بتحكي فيه كل شي
_______
#قاعدين بالصالون
- يوسف : انا ما عم صدق انو كل هاد طلع منك
- يمان : سنين وانا عايش مع شعور ما بينوصف طول الوقت عم فكر ليش امي تركتني واديه انتي منيحة احتويتيني وربيتيني وكأني ابنك . طول الوقت خايف ع زعلك طول الوقت عم اعملك كل شي بدك ياه ولو تطلبي روحي كنت رح اعطيكي ياها ..ليش
- يوسف : كنتي عم تستغلي الكل
#تركهم يمان وطلع من البيت كلو وبهالوقت نزلت نور من ع الدرج شوي شوي وب ايدها الجوال وعيونا مليانة دموع