📚قصص||روايات||منوعة📚

الجزء التالت + الرابع #السحر_القوي
@rwayate
لقيتا نايمة ..
تفاجأت انها نايمة وماعم تبكي ..
فيقت ريما تقعد معي لان كنت رح موت من الخوف ..
فاقت ريما و اعدت معي ..
تقريباً مرت فترة اسبوعين عللقصة وزني نزل 20 كيلو شي رهيب ..
تغير شكلي كتير ..
كنت اعدة بالحديقة عم اشرب قهوة لحالي ..
تعبانة وقلبي صفيان على شعرو وبيوقف ..
عم فكر بالعلاج المستحيل ..
عم فكر بالصعوبة يلي عم عيشا انا وعيلتي ..
رجعت ع نفس المكان يلي كانت فيه اللعبة ..
اتصفنت الارض والتراب ..
كلشي كنت عم شوفو قدامي هي قطة سودا مرافقتني ..
ماعم تتركني ..
اعدت تحت الشجرة ارفع التراب وابكي .. احفر و ابكي ..
كل كمشة تراب تطلع بإيدي ارميها لبعيد ..
اجا بابا لعندي ضمني ..
هداني ..
انا رحت ع غرفتي ارتاح شوي ..
وبابا راح جاب الشيخ و اعدو سوا
..
الساعة صارت 2 بالليل وهنن اعدين .. و انا طلعت ع الصالون اتفرج ع التلفزيون .. سمعتن شو عم يحكو
الشيخ : البنت عم تضعف وتنسلا من شي موجود باللبيت
بابا : شو هالشي ..
الشيخ : تعا ..
( بابا والشيخ طلعو ع غرفة فيها شقفة زريعة كبو الزريعة والتراب منها .. قام طلعتلن شقفة لحمة وعليها دبابيس وصورتي )
لما شفت هاد المنظر كان رح يغط ع قلبي .. ورح افقد اعصابي ..
بس بابا دغري سندني و اخدني ع غرفتي ..
اعدت ماما فوق راسي ..
دموعا معبية خدودا ...
قالتلي خلص صار لازم نترك هالبيت ..
انا ماعد اتحمل ..
بنتي رح تضيع من بين ايديي ..
أنا كنت تقريباً ع فراش الموت وعم شوف الدنيا حوليي سودا وصوت امي كان صوت الو صدى و وجها مجرد نار ..
نمت وماعد حسيت ع شي لتاني يوم ..
اليوم كان الموعد مع الشيخ لحتى خلص ينفك السحر بالشكل الكامل ..
و ارتاح منو ..
شفت القطة السودا واقفة ادامي بعدين قربت وعضتلي رجلي ..
لما صرت عييط وصررخ ..
اهلي ما لئو شي ..
بس في آثار عضة ..
خلص انهارت اعصابي ماعد اتحمل ..

تسطحت ..
كنت حاسة الدم متجمد بعروقي ..
عيوني نظرتن ثابتة
وجهي اصفر وسواد الليل تحت عيوني ..
كل شي وجع بالدنيا كان صايبني ..
الغرفة كانت بنظري كلا عييون حمرا فيها دم وسواد ..
و كل يلي حوليي وجوهن كانت نار ..
بس كلو كان شي عادي قدام اليأس والشعور بالنهاية يلي كان صايبني ..
صارو يقرأولي و انا اصرخ و عييط ..
زوج اختي و بابا مسكوني ..
تالة كانت بالصالون مع ريما و ماما و عم تبكي ..
خايفة عليي وخايفة مني ..
شفت ادامي سماا زرقا فيها طيور .. هون اهديت وارتحت شوي ..
بعدين شفت رفيقتي امل عم تضحك ..
رجعت النار تشعل بزيادة .. #السحر
بقلم #رند_محمد


الجزء الاخير .. #السحر_القوي
@rwayate
يمكن انو الكل يستغرب انو رفيقتي تطلعلي و انا بنص عذابي ..
اي يمكن كتير غريب إني شوف وجه رفيقتي من نار وهي عم تضحك كتير ..
صرت صرخ اكتر وقول أمل روحي ..
بابا : أمل مو هون ، خلص هدي
بهالوقت كنت متمنية الموت ..
بس ماوصلتلو .. تعبت اعصابي وقلبي حيوقف ..
آخر شي بتذكرو هو إني قلت بصوت عالي يا الله ... وبعدا فقدت الوعي
لما فتحت عيوني وصحيت لقيت الكل حوليي ..
اجا الشيخ لعندي وقلي احكيلي عن امل ..
قلتلو : هي رفيقتي
الشيخ : احكيلي كلشي ..
قلتلو : هي اغلا رفيقة ونحنا متل الاخوات ..
الشيخ : مممم بتعرفي أنو هي الرفيقة عاملتلك سحر اسود ..
كان هالخبر بالنسبة الي اكبر من صدمة ، شعور كلو قهر ..
طيب ليش !! ..
هي رفيقتي يلي وقفت معها ..
يلي كانت تستند عليي بضعفا !
كل هالاسئلة ما كان الها اي جواب ..
كان في جنبا الف اشارة استفهام ..
الشيخ : يابنتي ، هي يلي اسما امل بتكرهكن انتي و اهلك وبتغار منكن ..
لهيك لجأت لشخص بيتعامل بهاد السحر ليساعدا ..
عملت السحر لكل افراد العيلة ..
اللعبة يلي كانت مدفونة والوراق يلي بقلبا .. كلا كانت انو تموتو ابشع الموتات ..
بس السحر صابك انتي والطفلة البريئة ..
وبفضل الله انا قدرت خلصكن من هالسحر ..
ويلي بدي ياه منك انو تبعدي عن هالبنت ..
وعقابا حيكون قريب ..
"" حالياً القصة صار ماضي عليها سنين ، ويلي بعرفو انو امل عم تقضي باقي حياتا بمشفى للامراض العقلية ""
وهي نهاية يلي بدو يأذي غيرو ..
( النهاية ) ..

#قلبي_علينا #الجزء_1

ابتسملي وهو عم يأشرلي بإيدو بمعنى " لفي كمان " ..
حط السيكارة بين شفايفو وحرك حواجبو وهو عم يقلي : لابقلك الفستان

اعدت ع طرف الكنباية يلي هو اعد عليها : يعني اشتريه ؟

- اممم حلو ، او قلك لا لا بلالك ياه ، شايفك سمنانة شوي
اشرلي بأصبيعو بمعنى اتركيه و الحقيني ..

غيرت تيابي و اخدت جزداني وطلعنا من المحل : شو صرلك فجأة بالاول كنت عم تقلي عجبك كتير شو عدا مابدا !! انا كتير حبيتو

حسن : اي ماعجبني وبس خلص امشي بلا كتر حكي رح وصلك ع البيت و انا رايح ع شغلي

فرح : طيب متل مابدك

" وصلني ع البيت بعدين راح ع شغلو "

مرح : اجيتي فوفو ، تعي طمنيني كيف كان مشوارك مع صهري المستقبلي ههههه

فرح : مجنون بعد مائست الفستان وعجبني ماخلاني اشتريه قلي غيري تيابك والحقيني وطلعنا وعصب فجأة وتغيرت ملامحو

مرح : ههههه طولي بالك بكون عندو شي ضروري ..

___________
___________

( بعد اسبوع ) ..

كنت اعدة عم ادرس ، قام اتصل فيني حسن
حسن : كيفا فرحتي

فرح : مشتاقتلك ، و انت كيفك

حسن : مشتقلك كتير
فرح بكرى بتنزلي ع الحديقة يلي بشوفك فيا بالعادة بدي شوفك دبري حالك

فرح : طيب رح حاول

حسن : فرح اكيد بتجي مشان الله ، شتقتلك كتير وبدي شوفك

فرح : و انا شتقتلك خلص رح اجي بوعدك

" تاني يوم "

فئت من بكير لبست ونزلت ع الحديقة يلي بشوفو فيا بالعادة لقيتو اعد ع كرسي ماحوليه حدا وعم يستناني ، قربت لعندو بشوق ولهفة وقلتلو : شتقتلك

حسن : تؤبريني ايمتا وصلتي

فرح : من شوي ، حسيتك مكتئب شبك ؟

حسن : ولاشي ، ثواني لاتصل بالمعلم
( رفع تلفونو و رن ع حدا بعدين سكر الخط وكملنا حكي )

خلال كم دقيقة اجا شب لعندي اعطاني باقة ورد حمرا ودبدوب احمر وكيس شيك ، كان في جواتو هداك الفستان يلي حبيتو .. تفاجئت بالكياس والشغلات يلي صارت بين ايديي وقتا عرفت انو هدول هدية ..

التفتت لعند حسن و انا مبسوطة : حبيبي يس..

حسن : كل سنة و انت الدقات لقلبي

فرح : يعني الفستان كان مفاجآة ؟

حسن : هههه اضطريت مشان اعرف شو القياس

كان هاد احلا يوم بحياتي احلا مفاجآة بتصير معي
رجعت ع البيت و انا مو عاطية فرحتي لحدا بإيد ماسكة الوردات و بالتانية الدبدوب والكيس

فتحت الباب وسكرتو برجلي وفتت و انا عم دندن ..

سوسن ( مرت ابي ) : الله الله الله ، دب ورد كيس نرتب ، وعم تغني ، الله يسمع ابوكي الاخبار الطيبة

فرح : رفقاتي حبو يحتفلو بعيد ميلادي بكون غلط ولا عيب ؟

سوسن : ههههه مذوقين رفقاتك

تركتا ورحت ع غرفتي و انا معصبة من تصرفاتا الباردة حطيت الغراض ع تختي ورتبت كلشي بمكانو ، غيرت تيابي وتمددت ع تختي و السماعات بأداني و انا عم فكر بحسن .. لحد ماغفلت وماعد ةعيت ع شي

صحيت بنص الليل ع صوت رنة موبايلي < اتطلعت ع الشاشة >
كان رقم حسن ..
- الووو

حسن : فرحتي قومي طلعي ع البرندا شتقتلك كتير ، هلأ خلصت شغلي قلت بمرئ بلمحك

- فرح : لك مجنون انت ، يلله طالعة

لبست ع حالي جاكيت ووقفت ع البلكون ، الشارع هدوء والسما صافية من كلشي مافيا غير ضو القمر يلي عاكس ع بلور سيارة مواجه غرفتي ..
وقفت انا وحسن نتطلع ببعض وعم نحكي ع التلفون ..

وقتا كنت حاسة بحنية و امان من هالعالم البشع ، كلماتو الحنونة اخر الليل بتعطيني امل بكل يوم عم عيشو
وقت يحسسني اني اهم وحدة بحياتو ، وقت يحكيلي اديش بحبني و اديش حياتو عتمة بدوني ..

بحس حالي خلقت مو بس لعيش انا لحالي ، خلقت لعيش وعييش معي روح تانية ..

بقينا اكتر من ساعة عم نحكي مع بعض بعدين هو راح و انا فتت نمت ..
اول ربع ساعة بغفلتي حلمت بكابوس ، كانت دقات قلبي عم تتسرع ونفسي عم يضيق حسيت كأني مربطة ومحطوطة جوات صندوق ماعم بقدر اطلع منو كل ما حاول ارفع ادي حس في شي ثبتني من جديد ، لحد ماشفت شب ابيض بدقن وشعر من سواد الليل ، قرب عليي وحط ايدو ع راسي بعدين شفت حسن من بعيد عم يهز براسو وكأنو عم يعبرلي عن رضاه بخصوص شي ، هون قدرت اصحا و انا عم اشهق و اسعل ..
فقت و انا عرقانة و تيابي مبللة بالمي ..
غسلت وشي و رجعت لغرفتي ، فتحت موبايلي وبعتت لحسن ، كنت مفكرتو نايم قام رد عليي حكينا شوي بعدين كملت نومتي ..

فئت الصبح ع صوت سوسن : يلله ياست بدور وراكي مدرستك ياطالبة البكلوريا و ابوكي متعشم تصيري دكتورة ههههه اومي اومي نئبري ع مدرستك بس ترجعي عندك تعزيل ، لكن سهرانة لنصاص الليالي الله بييعلم مع مين

فرح : خالتي شبك شبك شو صايرلك مشان الله

سوسن : يلله وليه اومي

لبست ولملمت غراض مدرستي وطلعت ، اول مانزلت من البناية لقيت حسن واقفلي ع الطرف التاني وهو مرتكي ع الشجرة : حسن شو جابك

حسن : اشتقتلك يادبة

فرح : و انا شتقتلك ، الله ينزع صباحا سوسن

حسن : شو عملتلك اليوم كمان

فرح : مابتعرف معاملتا معي

حسن : اخخخ على ما احرقلك ياها وريحك منا

فرح : هههههه ، يلله انا فايتة ع المدرسة و انت طير ع ش

غلك

حسن : فرحتي ، بحبك كتير

فرح : و انا بحبك ، يلا باي
_______
_______

خلصت دوامي ورجعت ع البيت ، طول الوقت كان ممحي من بالي اي شي الو علاقة بالمشاكل كان كل همي وتفكيري مرتبط بحسن ، مستحيل تمر لحظة بدون مافكر فيه ويخطر ببالي وقول بحبك فيها الف مرة ولو بيني وبين حالي
مستحيل اسمع صوت الادان وما ادعي ربي يكون حسن إلي

وصلت ع البيت ، دخلت ع غرفتي شلحت تيابي و تسطحت ع التخت غمضت عيوني و الاحلام عم تاخدني وتجيبني شي بحسن وشي بالخطبة والزواج والولاد يلي رح يجو بيشبهوه ..

دائما سوسن بتقطعلي سلسلة احلامي بصوتا العريض : يلله قومي ع التعزيل خلصينا حاج شاردة ابصر بمين

وماعليي الا لبي الاوامر ، لانو ازا تمردت سوسن بتخبر بابا بعلاقتي مع حسن ، شافتني مرة واقفة معو ومسكتا عليي وصارت تهددني فيا و انا ماقدرت الا طيعا بكلشي ..

طلعت ساعدتا وبلشنا شغلنا بل بيت والتنضيف
ماخلصت الا و انا هلكانة وفارطة ، عملت دوش وغيرت تيابي وقلتلا نازلة اتمشا شوي داق خلقي

نزلت تمشيت و اتصلت بحسن يجي لعندي ع الشارع نتمشا شوي ونتسلا ..
( وصل حسن ) اعدنا ع رصيف بالشارع يلي ورى بيتنا ، كان الحي هدوء ومافي ولا حدا ..

فرح : ماتأخرت

حسن : لا كنت قريب من هون

فرح : تعبانة كتير

حسن : سلامتك تؤبريني من كل التعب ، ريتو لعدوينك نشالله

فرح : حسن انا بحبك كتير ومافيني عيش بدونك

اتطلع فيني نظرة غرام و ابتسملي بعدين مسك ايدي وباسا

فرح : انا تأخرت صار لازم روح هلأ سوسن بترفع فيني بطاقة بحث

حسن : اخخخ الله يكرمني وخلصك من هالعيشة

فرح : الله كريم حبيبي ..

رجعت للبيت كان بابا راجع من شغلو ومتسطح ع الكنباية وسوسن اعدة عم تشرب قهوة .. ق
بابا : وينك لهلأ ؟

فرح : عم بتمشا ، عزلنا البيت وهلكت نزلت شتريت عصير وتمشيت بعدين اعدت شوي بالحديقة وهي رجعتي

جلس ع حيلو وقرب لعندي ، حط ايدو ع راسي وهو عم يدق عليه : وليه ازا بتتأخري برات البيت رح ادفنك و انتي عايشة فهمانة

فرح : اي اي امرك
________

تعرفت ع حسن قبل سنتين بالصدفة التقيت فيه بالحديقة كنت اعدة انا و اخي الصغير هو عم يلعب بالمرجوحة و انا واقفة جنبو قام وقع وصار ينزلو دم من خدو وقتا ركد لعندي حسن وساعدني حملو ومسحلو الدم من وقتا تعرفنا ع بعض وحبينا بعض ..

#يتبع #رند_محمد

#قلبي_علينا #الجزء_2
@rwayate
ليش هيك عيشتي وحياتي ياربي ، امي ماتت و انا لساتني صف اول نحرمت من حنيتا ووجودا ابي تجوز مرة ظالمة بتعاملني كأني خدامتا ، سوسن جابت اختي مرح يلي بحبا كتير وبعتبرا كلشي بحياتي اصغر مني بسنتين
و محمد اخي الصغير عمرو 7 سنين

كنت اعدة ومكتئبة حاسة كل الدنيا سودة بوجهي
اتصلت بحسن وطلبت شوفو ، لبست وطلعت من البيت وطبعا ادام مرت ابي عأساس رايحة ع درس خصوصي

فرح : حسن لايمتا هيك رح نضل

حسن : اخخخ والله رح يطئ قلبي عليكي بس مو طالع بإيدي شي

فرح : بس انا مليت صرلي سنتين معك و رح نصير بالتالتة ، انت املي لاخلص من الظلم وعييشتي مع اهلي والله عم بشتقلك مافيي عيش بدونك

حسن : هه يمكن انا ماكان لازم حب وعلقك فيني يلي متلي غلط يحبو ، ابي عاجز و امي مريضة و شغلي يادوب مكفي مصروف البيت ويلي دراستي وويلي شغلي وويلي انتي

فرح : ندمان لان حبيتني ؟

حسن : مو ندمان لان حبيتك ، ندمان لاني علقتك فيني و انا وضعي هيك بس والله بحبك والله انتي اثرتي فيني

فرح : كل يوم عم بدعي ربي يعطيني ياك لانو مافيني عيش بدونك مافيني اتخيل حالي لواحد تاني هاد العذاب بحد ذاتو ، مشان الله ياحسن حاول احكي مع اهلك جرب

حسن : خلص رح شوف شو بصير معي ، اومي طلعي ع البيت بلا ما مرت ابوكي تعملك مشكلة هلئ لان تأخرتي

تركت حسن وطلعت ع البيت
اول مافتحت الباب حسيت كأني دخلت ع شي فرع امن
طلعت سوسن بوشي : وين كنتي ؟

فرح : يعني مابتعرفي انو بدرس الرياضيات عند منال

سوسن : منال اتصلت وبدا منك شوية دروس وقالتلي انك مو عندا ، كنتي معو

فرح : مع مين شو عم تخبصي

مرح : خلص ماما كانت عند منى اليوم الدرس ببيتا

سوسن : لاتستري عليها ، الله ياخدك يافرح بدك تفضحينا

صارت تعلي صوتا عليي هيك لحتى سمعا بابا اجا ع صواتنا : شوفي ليش عم تصرخو

فرح : عم نتخانق مم مشان شغل البيت

سوسن : اي مشان الشغل فرح ماعم تساعدني

ابي : وليه ماتعينيا لخالتك

فرح : خلص رح صير ساعدا انا اسفة خالتي

تركتن وهربت ع غرفتي سكرت الباب وصرت ابكي ، برات البيت قرف وجوات البيت ظلم وقرف وخناق و حسن يلي هو املي الوحيد بهالدنيا كمان قصتي معو ماعم تتحرك

تسطحت وغمضت عيوني و انا عم امسح دموعي من ع المخدة هيك لحتى غفيت ، فقت الصبح ماكنت قدرانة احكي ولا ارفع راسي يمكن اد ماغصيت وخنقت قبل بيوم التهب حلقي ونزلو لوزاتي وراح صوتي
ضليت متسطحة كل الوقت ..

رن موبايلي ..

حسن : كيفك فرح

( جاوبتو بصوتي المبحوح ع الاخر ) : منيحة

حسن : شبو صوتك شوفي

قلتلو مو ادرانة احكي ، سكرت وحكينا ع الواتساب

تواعدنا نشوف بعض المسا وقت يكون بابا بالسهرة ..
لبست ونزلت بدون مايشوفوني اتفقت انا ومرح تغطي عليي ..

حسن : لك شبو وشك ليش هيك مريضة هالقد نشالله بموت ريتني انا ولا انتي ياعمري

فرح : بعيد الشر عنك ، هلأ تحسنت شوي عن قبل ، بس مافيني اتأخر قلي بسرعة ليش بدك ياني اجي

حسن : اول شي كنت بدي اتطمن عنك ، تاني شي انا حاكيت اهلي بموضوع الخطبة

فرح : اي ؟

حسن : رفضو رفض تام ، ابي قلي مامعك ولا ليرة لمصاريف الزواج والخطبة وشغلك مو ثابت ونحنا مو خرج نساعدك ، بس يسالك ابوها شو عندك شو رح تقلو ؟ وين بدك تسكنا ومنين رح تعيشا ..
و امي قالتلي حق خاتم مامعك سكر ع القصة

فرح : ياربي ( حطيت راسي ع رجليي وصرت ابكي ) ..

حسن : الدنيا مسكرة بوشي ، رزقتي قليلة و يادوب مكفية و اهلي مامعهن وبحب بنت العالم ريتو الله ياخدني ويريحني ..

التفت عليي وشافني كيف طابة راسي وعم ببكي ، قرب عليي رفع راسي لعند كتفو وضمني وهو عم بقلي : خلص حبيبتي لاتبكي الله يجعلك من نصيبي لاتبكي

فرح : ماعد اقدر اعد اكتر وماعد اتحمل موجوعة ، انا طالعة ع البيت

حسن : طيب روحي وطمنيني عنك

طلعت ع البيت والحمدلله سوسن مانتبهت ع غيابي ، ماعملت شي تسطحت ونمت و انا عم ادعي بحرقة

- صعب الانسان يحب شخص ويتعلق فيه ومايضمن يكون الو بيوم من الايام
الحب حلو بس وقت يتحول لتعب وخوف ووهم بصير بيوجع وببكي .. ساعات بقول خلص علاقة مو معروف نهايتا مسحيا من حياتك وبلشي من جديد وساعات بقول مافيني عيش بدونو هو نفسي وكملي يابنت مع الشخص يلي قلبك ختارو كملي مع يلي بحبك وبتحبيه ..

مر يومين بدون ما احكي مع حسن كان موبايلو معطل وماقدر يحكيني غير مرة وحدة دقيقتين ، شتقتلو كتير مو بالعادة هيك يغيب عني

لما كنت مريضة غبت تلت ايام عن مدرستي ، واليوم تحسنت شوي قمت لبست وطلعت بس بدال ماروح ع المدرسة رحت لعند حسن ع شغلو
( هو كان بيشتغل بمكتب سياحة وسفر وماعندو حدا )
اعدنا حكينا وتسلينا وشربنا قهوة ، الاوقات يلي بكون فيها معو بحسا بتمضا بسرعة مع اني بتمناها ماتخلص ..
____________
( بالبيت )

ابي : اهلا وسهلا .. اي هون بيت فرح خير

المديرة : انا مديرة مدرستا لفرح
بدي اتطمن ع فرح خير ليش ماعم تجي صرلا 4 ايام عم تغيب

#قلبي_علينا #الجزء_3
@rwayate
ضليت محبوسة بالغرفة تلت ايام يزتولي الاكل ويطلعو ويقفلو عليي ، مرح كانت تحاكيني من ورى الباب وتخبرني شو عم يصير ، بابا راح ع المدرسة وقلن انو انا مريضة كتير هالفترة مارح داوم ، وهنن ماحكو شي عطوه عذر

كل يوم كان عليي اصعب من يلي قبلو حسن مابيعرف شي عني و انا مابعرف شي عنو ، اكيد هو خايف عليي لانو ماعم احكي معو ومنقطعة عنو ، طلبت من مرح تاني يوم تروح لعندو ع المحل وتحكيلو يلي صار ..
__________
( مرح التقت بحسن بمكان قريب من شغلو )

مرح : كيفك حسن

حسن : تمام ، قليلي شو صاير مع اختك ليش ماعم تحاكيني

مرح : بابا عرف انو هي غابت عن المدرسة وراحت لمكان تاني ، كزبت عليه وعلى امي لهيك عصب منا كتير وضربا وحبسا بغرفتا ومنع عليها كلشي

حسن : نشالله بموت انا ، يبعتلي حما لك كيف هيك كيف بدا تتحمل

مرح : والله بابا كسرا تكسير جسما كلو مورم ومعلم عليه الضرب

حسن : ياربي يالله يالله دخيلك .. خلص روحي انتي بس طمنيني عنا مشان الله

مرح : حسن بس سماع هالكلمتين ؛ فرح بتموت فيك ، كون رجال معا وتعا خلصا من هالمصيبة يلي حلت عليها لان بابا ماعد يتركا بحالا ..

مرح تركت حسن بعد ماحكت هالكلمتين ومشيت ، اجت لعندي خبرتني شو صار ماكان طالع بإيدي شي كأني عايشة بعالم تاني ، انا منفصلة عنهن تماماً ..

مافي شي تغيير انا لساتني محبوسة بالغرفة وكل يوم بسمع كلام بشع هاد اذا ما بابا كان معصب وفات تفشش فيني
( بعد يومين ) ..

سوسن طلعت تجيب غراض ، وتركت مرح بالبيت ومعها المفتاح نبهت عليها انو ماتخليني اطلع الا اذا مضطرة ، مرح قدام اما كانت تحسسا انو هي بتكرهني ومعاملتا شيئة بس مشان اما تأمنلا ..

بعد ماطلعت سوسن ، مرح فتختلي الباب وطلعت اعدت برات الغرفة ، اتصلت بحسن ..

فرح : الو حبيبي
حسن : فرحتي كيفك شتقتلك ياعمري

( صرت ابكي ) : انا رح موت ، يلي صار رح يموتني ساعدني مشان الله

حسن : سامحيني بسببي صار معك هيك ، تطمني تؤبريني رح ساعدك ، حكيت مع ابي وجنيت عليه ورضيو يخطبولي ياكي

فرح : عنجد عم تحكي

حسن : اي والله المسا رح تتصل امي وتاخد موعد وتجي لعندكن هي وخالتي وعأساس انا وياكي مامنعرف بعض من قبل ، هيك حدى دلنا عليكن

فرح : حسن بحبك .. هلئ رح سكر قبل ماتجي خالتي لاتتصل لهون ، يلا باي .....

سكرت التلفون ومسحت الرقم من الكاشف ، ركدت لعند مرح ضميتا و انا عم امسح دموعي ..
رجعت ع غرفتي وهي سكرت الباب عليي وقفلتو

غرقت بالاحلام والفستان الابيض والامان يلي رح عيش فيه ، صرت فكر بكلشي بعدين ونسيت انا هلئ وين وشو صاير فيني

اجا المسا و انا كنت ناطرة اسمع صوت رنة التلفون ع أحر من الجمر ، ابي وسوسن و اخواتي اعدين بالصالة عم ياكلو ويضحكو و انا جابلو صينية فيا صحنين اكل ع غرفتي بس نسيت كلشي وكل تقكيري كان متركز ع التلفون ، اعدة بالارض ومنسندة ع التخت ايديي محاوطين ركبي يلي مقربتن ع صدري و مخي مو معي ..

بعد شوي رن التلفون ، انتفضت برجفة ..
سوسن : اهلا وسهلا ، اي هون تفضلي
اي دلوكن ع فرح ؟ ممم طيب شرفونا بكرى العصر ع الساعة 4 .. وسكرت الخط

صرت نط ع تختي و ع الخزانة و اضحك وزت المخدات ع الارض ، فرحتي لاتوصف ..
سمعت سوسن شو حكت مع بابا : خطابين لفرح
بابا : مين هنن
سوسن : مابعرف قالتلي حدا داللن
بابا : يلله منيح خلينا نخلص من هالهم

اجا تاني يوم ، طلعت من غرفتي تحممت وغيرت تيابي ، لبست بنطلون جينز وبلوزة مشلحة حمرا وفردت شعراتي وحطيت مكياج ناعم ..
وصلت امو وخالتو استقبلتن سوسن منيح ورحبت فيهن
اعظو بالصالة ، بعد شوي دخلت وبإيدي صينية القهوة و ايديي عم يرجفو

فرح : مرحبا

ام حسن : اهلا وسهلا حبيبتي

فرح : كيفك خالة

ام حسن : الحمدلله و انتي

فرح : الحمدلله

اعدت شوي ، وبعدين ئمت لبرى وضليت عم اسمع شو عم يحكو ، سوسن سألتا عن شغل حسن و دراستو .. و ازا عندو بيت وهدول الشغلات ..
لما راحو الجماعة اعدنا مع بعض ماحكت معي ولا كلمة

لما قرب موعد رجعة بابا ، فتت ع غرفتي ورجعو قفلو الباب
سوسن صارت تحكيلو لبابا عن الجماعة .

سوسن : شغلو موظف بمكتب ، عمرةدو 23 ، السكنة عند اهلو ، مافي شي خاص فيه ، بيدرس اعلام سنة تالتة

ابي : اييييييي شو صرلك ماعد سكتتي

سوسن : عم احكيلك عن عريس بنتك شبك

ابي : يعني انتي مافيكي نظر معقول جووز بنتي لواحد مابيملك قشة ، بالنهاية هي بنت مابرميها كيف ماكان شو جنيت سكري ع القصة وبس يتصلو قليلون مافي نصيب

رجعت لورى خطوتين دموعي ع خدودي بدون صوت ، تمسكت بغطا الطاولة وحسيت حالي دايخة ، بعدين ماعد توازنت وقعت ع الارض انا والغراض يلي ع الطاولة ..

اهلي سمعو صوت الفازة وقت انكسرت وصوت شي تقيل وقع ع الارض فتحو الباب عليي ، وفاتو لما شافوني هيك حملوني حطوني ع التخت وصارو يصحوني ..

فتحت عيوني و انا ماعم اتحرك ومصدومة بس عم اتطلع بالسقف وحجر عيني جامد ..

ابي : ليكا صحيت يلله تركوا وتعو
______________

تاني يوم اتصلت امو لحسن تاخد الجواب ، وطبعاً رفضو ، يمكن انا تعودت ع الضربات يلي بتوقع على راسي
ماعدتزاد اني اتحمل شي اكتر من هيك ، الدموع ماعم تفارق عيوني ووجع الراس والتعب معشش بدماغي

بعد مدة اسبوع و انا ع هالحالة ، دراستي وتركتا ، حسن وماعد عرفت شي عنو .. بس طالعوني من الحبس يلي كنت فيه مرت ابي صارت تقول لابي يطالعني كرمال ساعدا بشغل البيت ونكفلت انو ماتخليني اطلع من البيت ولا اتحرك بدون ماتشوفني

حاسة حياتي وقفت ع الاخر خاصة يوم التنين الساعة 6 المسا ..
( لما اجا بابا )

بابا : سوسن ، مرح ، فرح تعو لعندي

التمينا حولبه كلياتنا ..
بابا : رفيقي ابو ياسر طلب فرح لابنو ياسر

نسندت ع الكنباية وتنهدت وغصيت ..

بابا : سمعيني فرح انتي بنتي رغم كلشي ، انا بدي اعطيكي لشخص اوثق فيه و اغرفو خرج يحميكي ويكون سند الك ، ياسر انسان مناسب الك هو عايش بتركيا بسبب هالاوضاع هو عمرو 26 و دارس وعندو شغل و انا شايف فيه رجولية وقدرة ع المسؤولية
وخدي هالكلمتين مني ، انا فهمان عليكي شبك بس الوقت مو خرج انتظار ومو خرج زواج بدون ماتطلعي لمستقبلك ..

هزيت براسي وابتسمت ، قربت ايديه ع خدودي ومسحلي دموعي ..
________
( ببيت حسن )

لك يالله يالله ليششش هيك ( كان عم بصرخ بملات صوتو ويكسر كلشي قدامو ) ..
يارب ليش هيك عملت فيني ازا خلقتني فقير شو ذنبي لحتى ماتعطيني البنت يلي حبيتا شو ذنبي لينكسر قلبي
لك يالله ..

ام حسن : خلص يا امي الله يرضا عليك لاعد تبكي حرقتلي قلبي تؤبرني خلص كلو نصيب خلص
__________

#رند_محمد يتبع ..

#قلبي_علينا #الجزء_4
@rwayate
تزوجت ياسر وسافرت لعندو ع تركيا سكنت ببيت كبير ومرتب ، حياتي كانت حلوة بيت كبير وعايشة لحالي انا وياسر بدون مشاكل وهموم لا في اهل و لا عيلة معنا مشاكلنا مابتزيد عن طبخة او اكلة
ياسر شب كتير منيح معاملتو معي خلتني بلش حبو

كان حنون كتير معي ويحبني ويعطيني شو مابدي وماينقص عليي شي خصوصا انو هو مقتدر ووضعو منيح ..

مضو اول اربع شهور من زواجي وكانت حياتي عم تتحول من بنت متعزبة لمدام واعية ومسؤولة عن بيت وزوج
طلعت حامل كان هالخبر هو السعادة بحد ذاتا بالنسبة الذي ولزوجي كل تفكيرنا كان ع هالبيبي يلي رح يجي ويعمل شي جديد بحياتنا انا و ياسر ، الاهتمام و الدلال و الحنان كان مملي حياتي عليي

بعد الاوضاع يلي زادت بالشام خبرت انو حسن سافر ع تركيا اختي مرح هي يلي عرفت وقالتلي
بس حسن ماعاد بحياتي الا ذكرى عابرة ، كان شي حلو حرك مشاعري و اخد قلبي بس هالشي كان بوقت معين ..

صرت بالشهر السابع من حملي و انا عم انطر البيبي على نار ، كنت حاسة انو عم يكبر جواتي ويتنفس من نفسي
يوم ورى يوم مضو التسع شهور ..
وخلفت بنتي ألين فعلاً ملاك شقرا بعيون خضر وشعر ناعم وبياض التلج ..

هي كانت فرحتنا انا و ابوا ونور عيوني ..
طبقت الين السنة ، وحتفلنا بعيد ميلادا سوا

( بصبح فيه ضباب وغيومو رمادية )
كانت الساعة 7 الصبح ، اعدت انا وياسر ع البرندا عملنا قهوة لنشرب قبل مايطلع ع شغلو
الجو كان غايم وشكلو رح يمطر ، صوت فيروز عم يرن بأداني ..
كيفك قال عم بقوولو صار عندك ولاد ..
أنا والله كنت مفكرتك برات البلاد ..
شوبدي بالبلاد ..
الله يخلي الولاد ..
اييييه .. كيفك انت .. ملا انت ..

ياسر : فرح انا رايح ع شغلي ديري بالك ع الين
انا بحبك كتير ، خليا بعيونك

فرح : ياسر ليش هيك عم تحكي روح ع شغلك وبلا زناخة هالكلام

اتطلع بألين وفيني بنظرة غريبة وكأنو عم بقلي مارح ارجع ..
ضمني وباسني ، قرب من ألين وباسا ..
طلع ع شغلو ، و انا رحت نضفت بيتي و بلشت بتجهيز الغدا ..
( رن التلفون )

عامر : كيفك فرح

فرح : اهلين عامر

عامر : ياسر بالمشفى عمل حادث بسيارتو رح اجي اخدك انتي و الين ..

زتيت الموبايل من ايدي و الدموع معبية عيوني لبست بسرعة و حملت بنتي ونزلت استنا بالشارع لحد ماوصل عامر لعندي ، طلعنا بالسيارة ووصلنا للمشفى ..
ناولت الين لعامر و صرت اركد لعند السكرتيرة : جوزي وينو مشان الله وينو ياسر

لسكرتيرة : هدي مدام ، هو بقسم العمليات ( طبعا هي عم تحكي بالتركي )

طلعت ع قسم العمليات ، كان هلئ الدكتور طالع من الغرفة ، شال الكمامة عن تمو وعم يلقط نفس ، ركدت لعندو : مشان الله ياسر وين وين

الدكتور : روقي ، الاعمار بإيد الله

فرح : شوووو شو يعني شو عم تقول لك .. لا لا

عامر : فرح اهدي

وقعت ع الارض وماحسيت ع حالي الا ع سرير بغرفة بالمشفى صحيت و انا عم ببكي و اصرخ و اضرب الغراض يلي حوليي وقعت السيروم ع الارض و الابرة جرحتلي ايدي .. كنت عم اخبط و اضرب كلشي حوليي ..
اجو الدكاترة ، اعطوني ابر وماعد حسيت ع حالي ..

الدكتور حلل الحالة يلي صابتني بالانهيار العصبي نتيجة الصدمة القوية يلي اكلتا ، ضليت بالمشفى اسبوع بدون حركة وكلام او اي تصرف

عامر هو رفيق زوجي وشريكو بالشغل ، وقف معي وماتركني لحالي لا هو ولا مرتو طول الوقت عندي بالمشفى ومرتو صارت تدير بالا ع الين يلي نسيتا انا و نسيت انو عندي بنت اساسا ، صارت ترضعا مع ابنا و تغيرلا وتهتم فيا و انا لا حس ولا خبر .. وحتى دموع ما عد نزل وماعد بكيت بس مفتحة عيوني وعم اتطلع بالسقف

اجا الدكتور لعندي ، وصار يحكيني ..
علاجي كان الحكي بقساوة وقوة ، والدكتور صار يقلي : جوزك مات الله يرحمو بس الطفلة يلي عندك شو ، بدك تموتيا مشان جنانك انتي ام اومي ديري بالك ع بنتك وبلا كزب وتمثيل يلله تحركي هون ماعد نستقبلك ..

بعد لحظات من كلامو انفجرت بالدموع و الصوت .. وقتا الدكتور اتطلع بعامر وقلو مشي الحال ... اليوم المسا خرجوا من المشفى ونشالله معافاية ..

طبعا كلشي حوارات مع المشفى و الدكاترة كانت عم تدور باللهجة التركية ..

خرجوني المسا و اخدوني لبيتي ، كنت متحسنة عن قبل صرت اهتم ببنتي ولاعبا ، زبطت بيتي و حاولت قوي حالي مشان ماحسس بنتي اني ضعيفة ومو حمل مسؤولية ..

اهلي لما خبرو صارو بدن ياني انزل ع الشام مشان ماضل عايشة لحالي ، بس هاد الشي كان مستحيل لان شغل جوزي كلو صار برقبتي صرت انا متوكلة فيه ولبين ما انهي شغلو و زبط الوضع و انقلو للشام بدي لايقل عن سنة خاصة انو عندي عدة وفاة الزوج لبين ماتخلص لابدا بشغلي ..

#تسع_قطع #الحلقة_3
@rwayate
#بقلم_رند_محمد
عمي ماكان عم يحكي مع عادل مو بس عمي حتى حماتي و ولاد حمايي كلن مقاطعينا ماعدا عامر كان هو الوحيد اللي عم يتصل ويتطمن علينا ..
كان يوم زيارتنا ببيت حمايي ، عادل اعد ع طرف الكنباية وحاطت ايدو ع راسو وباين عليه مهموم وزعلان قربت لعندو سألتو شبك !!
عادل : اخخخخ لاتسألي شبني ياريحان
ريحان : زعلان مشان اهلك
عادل : اي والله ، رح جن
ريحان : بتتصالحو حبيبي مارح تضلو هيك والله رح تتصالحو
عادل : نشالله
ريحان : رح اعملك فنجان قهوة تروق حالك فيه
طلعت من الصالون واخدت موبايلي معي ، رحت ع المطبخ اتصلت بسلفي عامر وطلبت منو يجي لعنا بدون مايقول لحدا حتى مايخبر عادل انو انا يلي حكيت معو ..
والله ماكذب خبر نص ساعة وعامر كان عنا ..
عادل وقت لقى عامر اجا فرح كتير كنت مبسوطة لانو فرحان وفي لمعة سعادة جوات عيونو ..
عامر : قلت لاجي زوركن
ريحان : يامية اهلا وسهلا
عادل : لك مية اهلين اب فادي
ريحان : رح اعمللكن عصير
طلعت ع المطبخ فتحت لباب و اجيت بدي فوت ع ليه شفت المرة نفسا نفسااااا واقفة ودايرة وجها عل شباك صابتني الحالة نفسا جسمي تشنج و اعصابي نربطت وعيوني تفنجرو ماعد فيني صرت حس روحي علقانة بحنجرتي ماقدرت احكي ولا اصرخ ..
عامر : عنئذنك اخي بس فوت ع الحمام ..
طلع من الغرفة وشافني بهالحالة .. ركد عليي بسرعة وحملني ..
عامر : لك عادل تعااا شوف ريحان شو صرلا
سطحوني ع الكنباية وكنت لسعتني بالحالة نفسا حاولو يرشو عليي مي بس ماستفادو شي ضليت مشنجة رجليي و ايديي كأنو كل عضمة بجهة ..
عامر صار يقرالي قرآن صرت اصرخ بصوت عالي وقول : سكوووت بسسسس
حطيت ايديي ع راسي و قوووول بسسسس لككك عم مووووت ..
لحتى ارتميت وماعد حسيت ع شي ، بعد شوي فئت وكنت عم برجف وجسمي متل النار ، عيوني كان قلبن احمر كتير و شفايفي زرق ..
عادل : عامر معقول يكون صاير مع ريحان شي مرض عصبي ومنهارة
عامر : اخي انت نتبهت انو لما قرأتلا قرآن تغيرت وجنت بزيادة
عادل : شو يعني !؟
عامر : كأنو ريحان متأذية
---------------
ببيت حمايي ..
حماتي : لعما والله غريب
تغريد : شوفي امي
حماتي : الديك يلي جابو ابوكي من يومين لقيتو مييت اجريه مقطعين ورقبتو مقطوعة مالقيتا شكلا هاجمة شي قطة عليه و اكلتو والله زعلت
تغريد : ليش ماقفلتي عليه القفص مبارح
حماتي : لك مبلا بس القطة بتفوت من بيت القضبان ...
صحي وينا سارة !!
تغريد : مابعرف ، سمعتا عم تحكي مع رفيقتا وبدا تروح ع السوق ..
حماتي : يبعتلا حما ريحان مو طايقتا والله
تغريد : فعلاً
حماتي : اخوكي اتصل الصبح وقال انو تعبانة كتير بدي روح شوفا اليوم
تغريد : طيب ماشي ..
------------
عادل بشغلو و انا متسطحة بتختي عم حاول الهي حالي مشان ماخاف او فكر بشغلات مو منيحة ، بعد شوي بيندئ الباب انا خفت افتح وخايفة اتحرك ..
بس ئمت شوي شوي وفتحت الباب لقيت حماتي ، دخلت اعدت معي وحكينا ...
بعدين سألتني شبني وشو يلي صار معي ومسببلي التعب ..
بس لما حكيتلا يلي صار ضحكت و قالتلي جنيتي ، فوق انك مابتجيبي ولاد جنيتي
ريحان : ماما ليش هيك عم تحكي معي ليش بدي كزب انا
حماتي : مو ناقصني اعد بين ناس مجنين ومريضين نفسياً ، اصلاً انتي صرتي مريضة نفسية من لما عرفتي انك مابتجيبي ولاد صار عندك عقدة و انفصام شخصية ..
ريحان : لك ليش هيك لك شو عملتلك ، مو مسدئتيني سألي عامر هو بيشهد مبارح كان هون وشاف يلي صار
حماتي : ايوا عامر كان هون ، يعني كسر كلمة ابوه و اجا طيب ،،، باي
-------------
عمي : وشووووو يلي اخدك لبيت اخوووك انت مابتفهم
عامر : ليش مابفهم
عمي : شفت اخوك كيف هانني ادام مرت ومرت مهيب و اانا ماعد حكيت معهن رحت انت تحكي وتكسر كلمتي
عامر : لانكن مابتخافو الله ، ولسا بتتهمو ريحان انو هي مابتجيب ولاد و بتقللو من قيمتا مو حرام !!
هي الشغلة بإيد رب العالمين مو بإيد عادل ولا بإيد ريحان
-----------
كنت متسطحة و عم اشتغل بالصوفو، عادل اعد جنبي عم يتفرج ع المباراة ، حسيت بتعب ودوخة هالوجع ماعم يفارقني صار متمسك فيني من فترة ..
بعد دقايق حسيت انو ماعد شفت بعيوني ناديت عادل لحقني ..

#بناء_الشيطان_الجزء_الاخير_رند_محمد
Telegram@rwayate
رجعت ع البيت و الافكار عم تاخدني وتجيبني .. محتار بين كلام هالرجال يلي طلع فجأة وبين صدقو او كذبو ... بس ابوه لعلي حكا انو رجال كتير قلبو ل الله وطيب وماعندو غلط ..
غمضت عيوني و استرخيت و كنت على وشك انو اغفل ..

قمت مفزوع
" المرة عندا ولدين وزوجا متوفي وعندا بيبي صغير .. كل فترة بساعدا وبعطيا مبلغ مصاري "

جلست حالي و اعدت تذكرت هديك المرة رفيقتا لعمتي .. يلي بتساعدا وبتعطيا مصاري و بتغسلا تيابا ..

طلعت ع الصالون وصرت افتل بالبيت .. وفكر كيف بدي اوصلا
دخلت المطبخ لقيت طنجرة الاكل ع الغاز .. مافي غير هالطريقة
سكبت صحن ورتبتو و اخدتو ونزلت لعندا .. وصلت ع بنايتا..

هي كانت ساكنة بالطابق الاول بس الطابق ما بيدخلو شمس ابداً وريحة الرطوبة معششة بكل زاوية فيه

دقيت الباب .. فتحتلي صبية عمرا شي 30 وحلوة : اهلاً مين حضرتك؟

نبيل : انا جاركن بالبناية التانية .. امي شتهتلك هالصحن ممكن تقبليه !!
Telegram@rwayate
الصبية : مين امك انا مابعرفا ؟

نبيل : عمتي بتكون رفيقتك منى !!

وقت قلتلا هيك انقلبت من حدا لطيف لحدا مخيف .. دفشتني لبرا وسكرت الباب وقالتلي روح ولاتجي لهون .. مابدي شي انا ..

لفيت ضهري وبدي اطلع من البناية و انا مستغرب من تصرفا يعني المحتاج مابرد بهالطريقة هي .. طلعت ع البناية كنت سامع صوت حدا عم يغني

" يلا تنام يلا تنام لادبحلك طير الحمام "

طلعت باتجاه الصوت كان من الطابق التالت .. الباب مفترح وفي حدا جوا ... دخلت ع مهلي لقيت اختي ... اختي ملك معها تياب ولاد صغار وعم تفردن ع الارض وبكل مكان وتغنيلن يلا تنام ..

نبيل : ملك ؟
Telegram@rwayate
ملك : لبرا .. لبرا .. لبرا

نبيل : شو عم تعملي لك شبك شبك ... شو صايرلك ملك

ملك : حرموني صير ام ..

نبيل : اهدي اهدي .. يلا تعي معي لننزل لتحت.. يلا تعي

اخدت ملك وطلعنا من البيت وسكرنا الباب ونزلت ع بيتنا .. لقيت ابي و أمي اعدين ع الكنباية وعابسين .. وقت دخلت وبأيدي ملك .. حاولت اتظاهر انو مافي شي .. وحكيت لملك تروح ع غرفتا بسرعة ..

فتت لعند امي و ابي سلمت عليهن و اعدت..

نبيل : خير بابا شوفي ؟

بابا : شو مخبي عني ؟

نبيل : ولاشي

ماما : تصرفاتك انت و اختك ؟؟

نبيل : ملك وبتعرفوا كيف بتتصرف مافي داعي اتحاسب اذا هديتا
Telegram@rwayate
بابا : شو المسجات يلي بكمبيوترك ؟

انقلب لوني ودقات قلبي صارت الف : اي مسجات

بابا : المسجات يلي وصلانتك عن اختك .. دير بالك عليها ومنا . وهالحكي هاد... لك بابا شو عم تخبي عني احكي لافهم اتصرف

ماعد فيني اسكت وخبي مضطر احكي كل شي لبابا يمكن يساعدني بشي تصرف.... بعد ماقلتلو كلشي عم يصير بالبيت ومع ملك سكت .. بعدين جاوبني

ابي : في شي غربب عم يصير يعني مسجات مجهولة عم تحذرك من ملك وعليها وتصرفات ملك متل المجنين و الاصوات .. كل هالقصص بتحط العقل بالكف

امي : مشان الله لاقو حل اعرفو بنتي شو صاير معا وشبها

نبيل : انشالله امي
Telegram@rwayate
تركت اهلي ورحت ع غرفتي شلت نضارتي و اتسطحت وغمضت .. مر شريط كلشي صار معي بثواني .. تذكرت كلام الرجال رفيق ابوه لعلي ..

(( مرة عندا ولاد عم تشتغل لمصلحة مادية )) الجارة .. مافي غيرا يلي عندا ولاد وبتعرفنا وهي بتتواصل مع عمتي .. رفضا للاكل يلي اخدتلا ياه ورفضا لوجودي كان فيه شي من الخوف و الشك
: بس ليش .. الجارة شو دخلا ومعقول عمتي السبب ؟؟ لا مستحيل شو الا مصلحة عمتي انو تأذينا .. اعدت وماعد اجا لعيوني نوم..

باليوم التاني رحت لعند عمتي .. وقت دخلت حسيتا تكركبت كتير بس مافيا تألعني .. كل شوي تقوم تتحرك بطريقة غريبة وكأن ناطرة شي ..

نبيل : شبك عمتي ؟

منى : راسي واجعني بدي نام شوي

نبيل : كان قصدا انو قوم روح .. بس انا طنشت وقلتلا يلا تعي اتسطحي هون رح اسكت انا

كان بدي تدير ضهرا لأخد موبايلا خبيه معي مشان ماتتصل بحدا وتلغي الشي يلي ناطرتو .. طفيت الموبايا وحطيتو بجيبتي
Telegram@rwayate
بعد شوي اندئ الباب ... عملت حالا مو سامعة

نبيل : عمتي الباب

عمتي : بكونو ولاد الحارة هيك بالعادة مارح افتح ..

قمت انا وفتحت الباب .. شفت بوجهي رفيقتا .. وقت شفتني انتفضت و تغيير لونا : مرحبا ..

نبيل : تفضلي .. عمتي هي رفيقتك الجارة

دخلت رفيقتا وكانو هن التنتين متكركبين اعدت شوي وبأيدا في كيس اسود .. حطتو ع الارض جنبا و اعدت شوي وصفنو ببعض هي وعمتي

نبيل : رح اعمللكن قهوة ..

قمت ع المطبخ وقصدت امرء من جنب الكيس وادفشو وقت عملت هيك وقع ع الارض و نكب منو وراق و العاب عليها دبابيس

شهقو هن التنتين وصارو يرجفو

نبيل : شو هاد ؟ سحر

عمتي : لا لا .. هدول وراق للكب

نبيل : .ايوا .. انا بعرف هيك كتابات ورسومات هنن سحر

الجارة : استغفر الله انت مخربط هدول رسمات ولادي وشوية غراض علئ بدي كبن بس اطلع

نبيل : ممممم

وصلت ع الجامعة لقيت نسرين واقفة هيه و صفوان .. اول ما شافني عطاني الرواية و طلب مني رجعا للبيت بسرعة لان اساسا ليوم ماعندي محاضرات و اجيت بس مشان الرواية ..
بس انا رفضت ارجع ع البيت لان كنت خايفة.. اعدت انا ونسرين لحالنا بعد ماصفوان مشي ع محاضرتو .. وحكيتلا يلي عم بصير معي .. ارتعبت بس ضلت عم تواسيني و تفهمني انو يمكن يلي صار مجرد تعب و ارهاق .. مع انو احساسي ماكان هيك ابداً في شي غريب عم يصير وماني عارفتو شو هو !!؟؟؟؟؟

#بقلم_رند_محمد يتبع

امي : انت كيف بتفوت بدون أذن ؟

صفوان : مرت عمي الباب مفترح وسمعت دلع عم تصرخ مافيني اتحمل دق الباب ..

دلع : صفوان تعا عود هون .. انتو طلعو لبرا..

طلعو أهلي من غرفتي و صفوان أعد جنبي و سكت .. قربت عليه وحطيت راسي ع صدرو و صرت ابكي ..
@rwayate
صارت الساعة 11 بالليل أمي و أبي نامو و الهدوء صار تام .. طلعت انا وصفوان من البيت و دخلنا ع بيت جارنا الغريب انو الباب كل الوقت مفتوح .. دخلنا كانت الغرفة كبيرة وفاضية وبس مافي مكان تاني ولا غرفة تانية .. البيت عبارة عن اربع حيطان مهرهرين و بس .. طلعنا بأنحاء الغرفة مالقينا شي غريب ..

دلع : يلا صفوان خلينا نطلع من هون قبل مايرجع جارنا

اتطلع صفوان عالحيط يلي ورايي وقرب عليه .. كان في لوحة كبيرة حط أيدو عليها وحركا .. حسينا انو بترتفع بسهولة .. رفعا طلع في وراها باب ..
اتطلعنا ببعض ونحنا مو فاهمين شي شو هالباب ؟
فتح الباب صفوان كان في درج لقبو تحت الارض بس مو مبين شي تاني لان إ
آخرو كان عتمة كتير .. مسك ايدي و نزلنا ع مهلنا ومعنا ضو صغير ونحنا عم ننزل ع الدرجات شفنا ضو قوي جاي من تحت و تبينلنا انو في غرفة .. بس طلعنا بسرعة انا وصفوان و هربنا برات البيت قبل مايكشفنا ..
@rwayate
صفوان راح ع بيته و انا فتت ع بيتنا .. اهلي نايمين و انا أعدت بغرفتي لحالي لتصلت برفيقتي نسرين وحكيت معا وخبرتها يلي صار حكيتلا أني مو قادرة بقى انزل عالجامعة هالكم يوم و أعصابي تلفانة كتير .. وعدتني انو هي رح تجي لعندي بكرا ..

فيقتني ماما الساعة ٦ ونص كانت القهوة جاهزة ع البرندا وهي وبابا آعدين .. طلعت أعدت معهن و اعتذرت منن ع يلي تصرفتو مبارح بعدين أعدت و سكتت ..

ماما : ايمتا راح خطيبك مبارح ؟

دلع : شي 11

ماما : نحنا نمنا بحدود ال 10 كان لازم تتركيه يروح ع بيتو هيك بتنزعي نظامك كلو

بابا : يا صباح تركيا لبنتك ساعة سهر زيادة مارح تأثر بنظاما

دلع : اليوم رح تجي لعندي رفيقتي نسرين

ماما : أي ساعة ؟ حاولي أنو تجي وقت الغدا مشان تتغدا معنا مانسخن لان الأكل اذا تسخن بتروح فوائدو ...

دلع : رح شوف شو عندا وخبرا

بابا : اهلا و سهلا ..

رتبت غرفتي و بعدين أعدت انتظر نسرين لتجي ..
ماما عملت غدا و طلعت لعند خالتي تقضي نهار عندا .. و بابا تركنا انا ورفيقتي مشان مايأثرنا وراح ع القهوة يلي بالشارع التاني

وصلت نسرين أعدنا انا وياها بغرفتي ..
طلعت اعمل عصير وأنا بالمطبخ و بارمك ضهري لمحت خيال مرئ بسرعة .. فتلت مالقيت شي بعد لحظة سمعت صوت نسرين عم تصرخ ...
ركدت بسرعة لقيت شخص ضخم ملتم ومعو سكينة هاجم علبها صرت اصرخ انا كمان بعدين دفشنا ع التخت وفتح باب البيت وهرب ..

وقعنا و ماعد قدرنا نرفع راسنا صرنا نبكي .. اتصلت بأبي و أمي خبرتهم فوراً يجو .. بعد شوي وصل بابا و بعدو ماما ..
حكيتلن يلي صار و نسرين كانت عم ترجف و تبكي ووجها أصفر ..

طلع بابا دوور عليه حولين البيت بس مالقا حدا .. نسرين وصلا بابا ع بيتا و انا بهالليلة نمت بغرفة ماما و بابا .. تاني يوم الصبح طلعت ع الجامعة وهنيك قابلت صفوان

صفوان : شو عم تحكي انتي ؟؟

دلع : متل ما خبرتك .. انا صرت خايفة من هالشي المجهول .. مابعرف فسّر يلي عم بصير معي .. سحر جن وهم ما ماعم بعرف بس والله رح يطئ عقلي ...

صفوان : هاد الرجال أكيد جاركن .. اليو بالليل رح اكشف اسرارو كلا

دلع : دير بالك ع حالك حبيبي مابدي ياك تنضر

صفوان : مارح انضر اهم شي ماتخبري حدا

#بقلم_رند_محمد يتبع

#المجهول #الجزء_الخامس
@rwayate
و انا بطريق رجعتي ع البيت رن تلفوني وكان بابا ..
طلب مني و انا راجعة اشتريله ورق ..

رجعت ع البيت أول مادخلت ناديت لبابا و أعطيته الورق ..

بابا : بنتي الحلوة شتهتني بورق و الله عندي يابابا ليش عذبتي حالك ..

صفنت فيه : بابا شو عم تحكي ؟ مو انت اتصلت فيني وطلبت ورق قلي مو انت ¿¿!

بابا : لا والله يابنتي انا ما اتصلت فيكي .. أساساً عندي ورق كتير شوفيون برا ع المكتب ..

قربت ع المكتب و فعلاً كان مليان ورق ابيض .. رجعت لعند بابا و كنت حاسة بتعب جوا دماغي : انا ما جنيت والله انت دقيتلي .. رح ورجيك المكالمة ع السجل ، فتحت تلفوني ع السجلات بس الغريب انو فعلاً ماكان في اتصال وبابا مو متصل فيني ..

اتطلع فيي و هز براسو وحكالي روحي ارتاحي ونامي منيح ..

فتت لغرفتي سكرت الباب و صرت أبكي ، أوقات الانسان بيضعف كتير بس مو لدرجة انو يحس حالو مجنون و يلي حواليه عم يشفقو عليه ، معقول أوصل لمرحلة انو اهلي يشفقو عليي ويعاملوني متل مجنونة .. شو هالشي المجهول يلي عم يمشي بدمي وماعم أقدر أعرفه شو هو ..

و أنا بهالحالة هي رن تلفوني وكان صفوان حكيت معه وخبرني انو خلال ساعتين رح يكون هون و مالازم حدا يشوفو او يدرى انو اجا ..
غيرت تيابي و أعدت انطرو وقت وصل علملي رنة و سكر .. استنيتو ورا بيتنا وقفنا مع بعضو قلي استناه برا البيت و أي شي بصير وبكون غريب ابعتلو مسج فوراً ..

دخل صفوان ع بيت جارنا و انا بقيت برا ناطرتو بعد عشر دقايق سمعت أصوات غريبة جاي من البيت .. كاقدرت اتحمل وضل برا فتحت الباب و دخلت لجوا لقيت جارنا عم يحاول يخنقو لصفوان صرت صرّخ بعدين حملت عصاية وضربتو فيا لحتى غمي ..
اتطلعنا ببعض انا وصفوان و فكرناه مات .. بلحظة صمت سمعنا صوت سيارات الشرطة برا ..

بابا وقت سمع أصوات غريبة بالبيت ماقدر يقرب بس اتصل بالشرطة بدون مايعرف مين يلي جوا .. دخلو الشرطة وبعد شوي طالعونا انا وصفوان مقيدين بالحديد .. اتطلع فينا بابا وصار يرجف و يقلي شو عملتو شو صاررر

بعد شوي طالعو جارنا ع النقالة و اسعفوه ..
رحنا ع المخفر وهنيك وقفونا ليلة انا و صفوان .. كل الليل كنت بين المسجونات يلي اشكالن بتخوف و انا عم ابكي و أعدة بالزاوية براسي في اصوات بشعة ومخيفة ..

اجا لعندي الشرطي الحرس وحكالي : اطلعي معي ..
@rwayate
اخدني و طلعنا ع مكتب الضابط كان هنيك صفوان و جارنا حالتو متحسنة بس جرحو مضمد و الحمدلله انو مامات لأن كنت رحت فيا انا ..

الضابط : يلا ياصفوان حكيلي شو فوتكن ع بيت جاركن و ليش اعتديتو عليه ؟

صفوان : جارنا عندو سر كبير .. ولما عرف اني كشفتو كان رح يقتلني يا سيادة الضابط .. رح اكتفي انو آخدكن للبيت وتكشفوه لحالكن .

طلعنا كلياتنا بسيارة الشرطة .. و دخلنا ع البيت
قرب صفوان وبعّد اللوحة يلي كانت بالحيط و نزل هو و الضابط و شرطي لتحت و بقيت انا وباقي الشرطة و أهلي فوق ...

بعد شوي طلعو ومعهن مرة ؟؟ نفس المرة يلي شفتا بالليل دقت عليي الشباك ..
نفس شكلا .. اتطلعت فيني و ابتسمتلي

رجعنا ع المخفر ووقعنا ع الضبط و طلعنا براءة وجارنا هداك انحبس .. لأن كان عم يدّعي انو مرتو ميتة وهو حابسا بقبو البيت ومانع عنا كلشي بسبب جنونو و مرضو و نحنا قدرنا ننقذ حياتا .. البشع انو الإنسان يموت وهو ع وجه الحياة وقيد التنفس ..
@rwayate
كانت هالليالي صعبة عليي كتير و حسيت من بعدا براحة نفسية .

قضيت هالليلة بغرفة أهلي عم نام جنبن ع التخت بس هاليوم كنت حاسة من أوله أنو في شي بشع بدو يصير .. سمعت صوت جرس الباب عم يندئ
قمت ، اتطلعت من العين الساحرة مالقيت حدا .. بعدين سمعت صوت دعسات خفيفة حد باب البيت وكل ما اتطلع من العين الساحرة ماشوف حدا .. فتحت الباب بسرعة مالقيت حدا بس ورقة كانت جنب باب البيت ..
حملتا وقرأت فيا : " أنتي اخترتي هيك "

اخدتا و دخلت لجوا ، اتصلت بصفوان بس ماكان عم يرد عليي .. حكيت لنسرين يلي صار و خبرتني انو ممكن يكون طايرة بالغلط او حدا عم يتسلا فيني و يضيع وقت ..
تركت الورقة بدرجي و طلعت ..
أعدت مع اهلي كانو عم بحكو عن خالتي .. وماما خبرتني انو رح تروح لعندن تزور اذا بدي الحقا بعد كم ساعة ..

مشفى لقيت الدكتور رائد عم يستناني ع باب مكتبي و بإيدو باقة ورد وكتبا وفنحان قهوة ..
رائد : يسعد صباحك يا أحلى دكتورة
بتول : وصباحك ... شو هاد ورد و قهوة يا الله احلا شغلتين بالعالم ..
رائد : تلت شغلات و انتي الصادقة
بتول : شو التالتة ؟
رائد : الورد و القهوة و أنتي
بتول : ههههه طيب .. يلا تعا نشربا سوا

انا وعم اشرب القهوة رن تلفوني : الو
- : حضرتك الدكتورة بتول ؟
بتول : اي تفضل
- : من مدة كان بدك تفتحي تحقيق بخصوص البناية يلي هبطت صح ؟! ووقتا انرفض فتح التحقيق ..
بتول : اي تمام .. عرفتو شي جديد
-- : البناية هبطت بس خطأ إنشاءي هاد الشي تبيين بعد وجود مهندسين هن يلي قررو الخطأ من وين .. و التحقيق رح ينفتح تحت اسمك
بتول : اه طيب شكراً كتير . . الله يوفقكن بشغلكن ..

سكرت التلفون ..
رائد : مين اتصل ؟
بتول : هدول الشرطة .. فتحو تحقيق بخصوص البناية يلي وقعت
رائد : شو كان بدك بهالفوتة ؟؟ انتي بتعرفي انو هي المنطقة ابوكي كان مستلم شغل فيا .. لبقوم يوصل البل لدقنو
بتول : بابا اشرف من هالحكي كلو .. اساساً هو لو بيعرف مين عم يخرب الأبنية ليروح يشتكي عليه
رائد : مابعرف .. بس برأيي كان غلط انك تحركي الموضوع
بتول : مابأثر .. بكفي يكون في حدا عم يدافع عن حق الناس الأبرياء

رجعت ع البيت كان بابا عم يشتغل لمخطط تنظيم منطقة جديدة .. ماما نايمة و حنان عم تحكي هي و نور .. و ديمة نايمة بغرفتا ..
غيرت تيابي و عملت قهوة للكل .. ضيفتن و أعدت معهن
بتول : حنان .. اليوم بلش التحقيق بقضية البناية ..
حنان : روحي الله يبشرك بالخير

بابا رمى القلم من إيدو وسحب سيكارة من الباكيت : انا مافهمتك انو ماتدخلي بهيك قصة ؟!! بتعرفي أنو أنا كنت متعهد المشروع و وقت التحقيق رح فوت بسين وجيم وهاتي يصدقو انو ما الي يد بالقصة !!

بتول : بابا أنت مو متأكد أنو ما الك علاقة ؟

بابا : طبعاً متأكد

بتول : لاتخاف لكن .. ماحدا بيتحاسب وهو مو مأذنب ..

بابا : لاتتفلسفي .. ولاتبقي تتصرفي من راسك ....

اجت ماما بعد شوي : سمير رح ضبلك الفرد بخزانتك ومشان الله لاعد تحملو بس تطلع من البيت

بابا : ناقصتيني انتي التانية ..

ماما : معلش .. بلا مايطلع خلقك ع حدا و يقوى عليك الشيطان مابدنا ..

راحت ماما ضبت الفرد بالخزانة .. بعدين أعدت معنا ..

فتت ع غرفة ديمة .. فيقتا
ديمة : تركيني معلش
بتول : لا مو معلش
ديمة : شو بدك ..

رفعت الحرام عن راسا و كانت عم تبكي ووجها احمر وعيونا منفوخين
بتول : ليش عم تبكي ؟ انتي ماغلطتي بشي

ديمة : أنا وثقت ... و أنا أذيت حدا .. متخيلة أديش قضى إيام عم يفكر بكلامي !؟ متخيلة أديش حس بالقرف من فقرو ووضعو !! متخيلة أديشني تافهة وحقيرة !؟؟؟ أنا مو زعلانة منو لأن عمل هيك .. أنا زعلانة لأن وثقت بحدا أذيتو ماكنت عرفانة أنو بسبب الأذى تبعي رح تنعدم ثقتي ..
أنا زعلانة لأن أجا يوم و لساني كان سكين ..

بتول : كلشي كان ماضي و انتي كنتي صغيرة ماعندك وعي زايد .. يمكن هاد درس إلنا كلياتنا لنتعلم منه أنو مانجرح حدا .. أو مانقارن حدا بوضعنا ... الحمدلله انو ماصرلك شي .. و الحمدلله أنو عندك ضمير و أحساس خلاكي تحسي بغلطك ..
كوني قوية و أمشي صح ..

أجا الليل .. وتسطحت بتختي طفيت الأضوية و صفنت بالغرفة .. كنت عم فكر لو الدنيا كلا ناس مناح يمكن ماكان حدا قدر يلعب بمواد البناء و يأذي ناس أبرياء متل حنان وعيلتا ..
كان ماحدى فكر مجرد تفكير انو يقتل حدا كرمال ياخد عضو من جسمو .. او يأذي طفل ..
ماحدى كان فكر يخطف متل ما خطفوني ولا حدا كان فكر متل ما إياد فكر يعمل بأختي كرمال ينتقم منا ..
#مابعد_الاكتمال #الجزء_السادس_ماقبل_الاخير_رند_محمد

بهاد اليوم كان عندي عملية .. رحت ع المشفى بكير ..
اول مرة بحس بالتوتر يلي حاسستو قبل هالعملية.. بالعادة مابخاف.. بس هالمرة مابعرف ليش في شي جواتي عم يرجف..
طلبت من الدكتور رائد انه يدخل معي ع غرفة العمليات و يساعدني بالعملية... لبست تياب معقمة و غسلت.. بعدين دخلت للغرفة..
مسكت المشرط بإيدي و أنا عم ارجف كأن أول مرة بعمل عملية.. غمضت عيوني وزادت رجفتي
رائد : شبك بتول؟ تعبانة
بتول : مابعرف عم ارجف كتير
رائد : يلا قوي قلبك

شديت إيدي ع المشرط و قدرت شق مكان العملية.. بلشت بشغلي و عرقي كان عم ينزل عن جبيني و رائد واقف مقابيلي عم يتفرح عليي كيف عم ارجف ..
بعدين صرت اتنفس بصعوبة..
رائد : خلص تركي .. انا رح خييط الجرح انتي طلعي
بتول : طيب..

طلعت من غرفة العمليات و أنا عم اتسند برا لقيت الممرض واقف هو و الدكتور مسكوني من إيدي و اخدوني ع غرفة.. قاسولي ضغطي و فحصو نبض قلبي... الدكتور حكالي انه تعب و إرهاق لازم نام و ارتاح حتى مايزيد..

رجعت المسا بس خلصت شغلي ع بيتنا كانو كل عيلتي اعدين عم يحكو مع بعض.. نادولي بس ماكان الي حيل اسهر معهن، رحت ع غرفتي غيرت تيابي و غفيت بدون ما اعمل شي حتى

بتوقع حالي لفيت مرتين او تلاتة بهالممر نفس و انا عم اتلمس الحيطان بدون مالاقي أي دليل .
انسندت ع الحيط و صرت ابكي .. و اضرب راسي لورا ..
حسيت في شي طري .. الحيط القاسي عم يزحل شوي .. يعني شي مابيتسدئ
صرت حاول ادفش أكتر .. حسيت انو انزاح الحيط سنتيمترات قليلة .. عرفت وقتا انو هون المخرج .. بس أكتر من هيك ماكنت قادرة ازحلو من كتر مو وازن وتقيل ..
بعدت عنو و اعدت ع الارض بالجهة التانية .. حطيت راسي ع رجليي وصرت أبكي .. حتى صوتي مو مسموع ابدا .. يعني لو صرخت فصوتي ماعم يطلع ..
بعد وقت حسيت في صوت غميق كتير.. صوت حكي بس غميق كتير ...
صرت ركّز فيه بس ماكان واضح ابداً وبعيد كتير .. بعد هيك صرت حس في شعاع ضو صغير كتير صار يدخل ع الممر .. وقفت و صرت اتطلع..
مكان الباب يلي زحلتو أنا كان عم ينفتح ع مهلو ..
بعد شوي انفتح منيح ونزلت منو وحدة لابسة عباية حمرا وحاطة طاقية العباية ..
انا بعدت شوي عن المكان .. لشوف شو يلي بدو يصير وقفت بمكان عتم شوي بس كنت شايفة لأن الضو من جهة الحيط قوي... وقت نزلت هي المرة مشيت بجهة الحيط التاني حطت كف إيدا ع الحيط وضربت تلات ضربات قام انفتح الحيط ونزلت منه بعدين تسكر الحيط رجع وكأن شيئاً لم يكن .. ركدت لمكان الحيط يلي أجت منه وصرت اتطلع لفوق كان درج كبير و طويل كتير بيشبه الدرج اللي نزلت منه ..
إجيت بدي اطلع منه وشوف لوين بوصل بس ما رضيت .. قررت انو انزل من المكان نفسه يلي نزلت منو المرة و اكتشف شوفي وشو هالمكان.. ومين هي المرة يلي نزلت
قربت للحيط يلي نزلت منو حطيت كف إيدي وضربت تلات ضربات.. انفتح الحيط وكان في درج طويل كتير صرت انزل منه لحد ما وصلت لممر تاني طويل بس هاد الممر كان فيه غرف كبيرة كتير وبكل غرفة في شمعة طويلة و مضوية المكان .. بس مافي حدا ..
ضليت امشي و دوور لحتى لقيت آخر غرفة .. كان فيا أربع نسوان لابسين عباية حمرا وحاطين الطواقي و آعدين بشكل دائري وماسكين إيدين بعض و في وحدة واقفة و بإيدا شمعة كبيرة عم تفتل حوليهن ..
بعد ماشفت هالشي خفت كتير .. طلعت من الممر هاد وطلعت من الدرج للممر يلي فوقو.. بعدين حطيت كف إيدي ع الحيط يلي كان طالع منو ضو وقت نزلت المرة .. قام انفتح الحيط وطلعت منه... ضليت اطلع ع الدرج و انا خايفة ومتوترة و جسمي كلو عرق و متحسس من قلة الاوكسجين ..
هيك لحتى وصلت لآخر الدرج كان في حيط لمستو كمان بنفس الطريقة قام انفتح الحيط .. وهو كانت المفاجأة لما طلع هاد الحيط هو نفسو يلي كنت شوفو بغرفة أمي يعني انا هلأ طلعت من غرفة أمي ..
مجرد مادخلت للغرفة اتسكر الباب .. وقعت ع الأرض وماعد حسيت ع شي .. بعد ساعة صحيت وكانت أمي و انجيلا وفارس فوق راسي ..
أمي : صحيتي بنتي... يبعتلي حما وين رحتي شو صار معك ..
كنت ساكتة وماعم بقدر احكي ولا حرف يمكن لساني مربوط
انجيلا : ماما شوفي جسما كيف مقشر كلو ومتحسس ..
فارس : خلونا ناخدا ع المستشفى ..
هون قدرت احكي : لا مابدي مستشفى .. انا طلعت ع الشارع اتمشى شوي ووقعت ع راسي وماعد حسيت ع شي فقت و انا دايخة فتت ع البيت وماكان حدا منتبه فتت شوف ماما ازا بغرفتا ووقعت هون غميت من أول وجديد
ماما : بنتي ايمت فتي نحنا كل الوقت آعدين مع فارس ابن عمتك .. فارس صح هالحكي ولا لأ
فارس : مزبوط مرت خالو نحنا ماتحركنا من الصالون انتي من وين فتي وما شفناكي ..
جويل : انا فتت من حديقة المطبخ و يمكن من دوختي ووجعي ماشفتكن انو بالصالون

سكتت وصفنت بيني و بين حالي ، إذا الكل هون مين يلي نزل لكن .. مين المرة يلي انا شفتا نزلت ..
ماما : صرلنا ساعة عم نسأل وينك آخر شي يبعتلي حما طلعتي واقعة ع راسك
جويل : ماما اديه صرلي بالضبط برات البيت
َماما : ساعة ونص .. انا مفكرتك رجعتي و بغرفتك بس من ربع ساعة انجيلا قالتلي انك ما اجيتي لسا و انا فار قلبي عليكي
جويل : معلش ماما هلأ صرت منيحة .. بدي فنجان قهوة لصحصح

ضليتني اعدة طول الوقت بغرفتي وعم فكر ماكنت ادرانة ارتاح .. الشي يلي صار معي دليل ع شي غريب عم يصير ..
شو قصة هالطريق السري ؟! ومين المرة يلي نزلت من بيتنا !! ومين المرة يلي شفتا وقت كنت بالحديقة !! مين النسوان يلي كانو اعدين تحت !! شو هالطقوس يلي عم يعملوا ياترى وكيف وصلو لهون .. ؟
@rwayate
كانت اسئلة محيرة وكبيرة كتير عم تدور بعقلي مافيني لاقي جواب ولا على وحدة كلشي عم يصير الو سبب ماعم بعرفو شو هو ..

طول هاد الوقت كنت سهرانة بغرفتي لحالي والكل نايمين ..
فتحت الدرج و أخدت الكتاب ورجعت اقرأ فيه من أول وجديد ..
الكتاب كلو عبارة عن 28 صفحة بس .. فأنا قررت عيدو من الأول ورجعت بديت بالصفحة الأولى وكل ما اقرأ صفحة حس بنعس اكتر يمكن نتيجة الاندماج الزايد و التركيز .. وبالآخر وصلت لعند الصفحة 12 قرأت كلمة الموت .. وبعدا اجيت اقلب الصفحة بس غلبني النوم و نمت .

#رند_محمد يتبع