مسحت دموعا واخدت نفس عميق وفتحت باب السيارة
قمر : بخاطرك ..
قبل ماتنزل سحبا من ايدا وضما بقوة وكأنو بدو يفوتا على قلب اضلاعو ويخبيها عند قلبو .. وهية تمسكت فيه اكتر وصارت تبكي ... بعدين بعدت عنو بسرعة ونزلت وسكرت الباب وصارت تركض اتجاه الباب وهو ضل مكانو عم يضرب على الدركيسيون ويقول : رح حبك لموت .. رح حبك لمووووت ... بحبك ياقمري
وصلت على الباب والتفتت عليه لقتو بعدو واقف
مسحت دموعا واخدت نفس عميق ودقت على الباب وبيطلعو الحراس وبيفتحولا الباب ... وهون فارس دور سيارتو ومشي بسرعة
...........
انفتح باب الفيلا وفاتت قمر وكانت عيلتا مجتمعة وكلون قامو استقبلوها وهنن متفاجئين وفرحانين
ابو المجد : قمر ياعمري انتي رجعتي
قربت وضمتو واما عم تبكي وكأنو مانا مصدقا عيونا وراحت قمر ضمتا كمان وبعدين سلمت على اخوها وهية ساكتة
ام المجد : وين كنتي ياعمري انتي بخير انتي منيحة
قمر : اي ماما انا منيحة كتير
ابو المجد.: قعدي يابنتي اقعدي حكيلنا شو صار معك
قعدت قمر وحكت لأهلا كيف انخطفت بس ماقالتلون انها كانت محبوسة مع فارس بنفس المكان
مجد : وكيف هربتي اختي
قمر : في شب كان محبوس بتاني غرفة يمكن قدر يقتلون واجا فتلحلي الباب وطالعني ووصلني لهون يمكن بتعرفوه اسمو فارس الباش
مجد : فارس ؟؟ انا بعرفو لفارس
قمر : اي هاد هو
ابو المجد : طيب ماعرفتي شي من بكون الخاطفين
قمر : لا بابا اصلا يلي خطفونا هنن مجرد زعران اما الخاطف الحقيقي مابين
ام المجد : كل هاد مابهمني المهم انك رجعتي يا نور عيوني .. قوليلي ياعمري حدا زعجك حدا حكاكي حدا دايقك
قمر : لا ابدا حطوني بغرفة وسكرو علي
ابو المجد : انا رح اتصل بالشرطة مشان يجو ياخدو افتك ورح خبر خطيبك لانو كان كتير بالو مشغول عليكي
قمر : نزار
مجد : اي نزار شو عم يصير معك اختي
قمر : لا بس بدي اسألكن كيفو
مجد : منيح لا تقلقي بس كان رح يجن عليكي وهلق اذا خبر رح يفرح كتير
قمر : طيب ماشي انا طالعة على غرفتي غري تيابي واتحمم حاسة حالي بقرف.
ام مجد : جاي معك ياقلبي
قمر : لا ماما مافي داعي
ابو المجد : خليها على راحتها بتحمم وبتغير وبترجع
طلعت قمر على غرفتا فتحت الباب ورمت حالا ع التخت وصارت تبكي
قمر : رح اشتقلك كيف بدي عيش من غيرك .. كيييييف
.......
خلصت حمام وطلعت كانو عيونا حمر قعدت قدام المراي وصارت تنشف شعرا اندق الباب وفاتت شهد .. وقفت وضمتا وشهد كمان ضمتا وصارت تبوسا
شهد : كيفك قمورة والله كتير كنت خايفة عليكي
قمر : انا منيحة انتي كيفك شو صار بغيابي
شهد : والله كنا عايشين على اعصابنا على غيابك وانا عطول ادعيلك .. قوليلي ان شاء الله محدا اذاكي
قمر : لا الحمد لله
شهد : ااه نسيت ليش جيت ... بدي قلك نزار تحت بدو يشوفك
قمر : نزار ؟؟
شهد : اي نزار( وغمزاتا ) ما اشتقتيلو
قمر : اااااااه ... مبلا شتقتلو
شهد : قمر شو صاير معك احكي
قمر : ولا شي بعدي هيك خليني البس
شهد : طيب ماشي على راحتك انا نازلة جهزلكن شي تشربوه
..................
نزلت قمر من على الدرج وكان نزار قاعد مع العيلة ناطر قمر .. وصلت قمر لعندو وهو وقف وكان شكلو كتير مشتقلا وملهوف عليها
قمر مدت ايدا : كيفك نزار
نزار قرب وضما : شتقلك كتير .. كتير
ابو المجد : احمممم
نزار لاحظ على حالو وبعد عنا ..
نزار : تعالي قمر قعدي جنبي
قربت وقعدت
نزار : حبيبتي قوليلي كيفك انتي منيحة شو اخبارك
قمر بأبتسامة مزيفة : الحمد لله بخير
نزار : قوليلي ماعرفتي مين هدول
قمر : هئ
نزار : شبك حبيبتي باين عليكي مانك على بعضك
قمر : انا لا لا مافي شي
ام المجد : قمورة قوليلي شبك
قمر : ماما تعبانة بدي اطلع ارتاح
ابو المجد : قومي يابابا .. قومي
قمر : عن اذنكن .. عن اذنك نزار بس اعذرني
نزار : خدي راحتك حبيبتي الوقت جاي وبشبع منك .. وانا بعد يلي صار معد استحمل ابعد عنك
قمر : شو يعني ؟؟
نذار : من بعد اذن عمي بدنا نحدد موعد العرس وبأسرع وقت كمان
ابو المجد : متل مابدك يابني .... شو ياقمر
قمر وهية زعلانة ومقهورة : مابعرف
ابو المجد : انتي روحي ارتاحي ونحنا بنهتم بكلشي
حبست دمعتا وطلعت ركض على غرفتا .. فاتت ورمت حال ع التخت وصارت تبكي
...........................
فارس واقف على شباك غرفتو وشكلو مهموم وزعلان
فاتت امو من وراه
ام فارس : حبيبي انت منيح
التفت عليها فارس : اي منيح .. منيح
ام فارس : وين كنت ياعمري والله شغلتيلي بالي
قرب منها وباسا على راسا : لا تخافي علي ...ولازم تتعودي انا عطول بغيب هيك
ام فارس : بس والله هالمرة طولت
فارس : وعد معد غيب هيك منيح
ام فارس : كتير منيح ... يلا مابدك تتعشى
فارس : اي يلا
.......
وهو على سفرة العشا عم ياكل صار تلفونو يرن
حملو وقام وقف على البرندة ورد
فارس : الو .. نزار ؟؟
نزار : اي انا نزار كيفك فارس
فارس :االحمد لله تمام انت شو اخبارك
نزار : انا الحمد لله .. اتصلت مشان قلك الحمد لله ع