--------------------
@rwayate
فتحت عيوني بعد هل ذكرى صغير ع صوت يعقوب ..
نارا خدي هدول حبوب مهدئ رح ترتاحي
اخدت حبتين منه شربتهن وبعدها رجعت سندت راسي ع طرف سرير..
حكيت بس بصعوبة
اليوم بكون صلي سنة هون..والاحلى من هيك اليوم عيد ميلادي. .
كل عام وانت بخير نارا..مرق سنة ع معرفتنا ببعض..بتذكري وقت اللي اجيت لهون..يوم مابنساه..
للاسف ولا انا..
لفيت راسي لعندوا وانا مستغربة
بس انتي ليش..
اول ماكنت بالمكان هاد لحالي وكنت ع وشك اني جن..اجيتي انتي رحمة علي لتخليني اتذكر اني صاحي مو مجنون..
كنت اول مرة بشوف بنت شعرها احمر ناري متل شعرك كنت مفكر هل شي مستحيل بس لما شفتك اتاكدت انو مافي شي مستحيل كنتي عم تصرخي وتحركي راسك يمين وشمال كانت خصلات شعرك عم طير كانها لهب نار ..وقتها ضليت نص ساعة وانا فاتح تمي من جمال مشهد اللي عم شوفوا..
ههههه عنجد اكتشفت انك مجنون لولاك مابعرف شو صار في
دق ع صدره
محسوبك بالخدمة دائما...نحن موجودن لنجعلك من اسعد الأشخاص. .
كنت عم اسمع كلام يعقوب واضحك هل شخص نزل علي متل ملاك لولاه الله يعلم شو كان صار فيني هو سندي هون هو كل حياتي دائما بيدعمني ...
نارا وين رحتي..
اه هون هون بس كنت عم فكر..
يلا بلا ما تفكري امشي نطلع ع حديقة نغير جوا بدل قن جاج اللي قاعدين فيه..
اول مانزلت اصابع رجلي للأرض ماحملوني ووقعت..
بسم الله عليكي صابك شي. .
دمعت عيوني اول مرة بحس حالي عاجزة
اجري ماعم حس فيهن..
من مفعول دوا. .قرب لعندي ورفعني بايده
ها ونحن بالخدمة..
نزلني يعقوب ليش حملتني..
يلا اليوم رح ريحك واحملك شوبدك دلال احلا من هيك..
كان يعقوب عم يحاول ينسيني اللي عم يصير في وألم اللي صاير برجلي لدرجة ماعم حس فيهن..
حملني بين ايده واخدني ع حديقة ولا احلا من هيك..وانتي بحضن اقرب شخص الك. .هاي الشغلة منيحة اللي بتجي من فقدان المصاري ..أصدقاء اوفياء..حطني يعقوب ع كرسي الحديقة..
يعقوب ..
نعم
ايمت رح نطلع من سجن اللي عايشنوا..
عن قريب نارا عن قريب..
انتبهت لاشخاص جاين لعندي..
شو بدكن لاتلمسني اتركني..
وقف يعقوب وصار يبعدهن عني
اتركوها حاج تعذبوها..
جاي دورك لاتستعجل..
دكتور طالب وجودك هلا مشان شوية فحوصات
جروني غصب عني وعيوني ملياني دموع وخوف من العذاب اللي رايحة لعندوا..
يعقوب كان عم يشوف مابيقدر يجي لانو وضعه أسوء من وضعي.
. @rwayate
اخدوني ع غرفة صغيرة اللي بكرها كتير وحطوني ع سرير. .بس كان وضع مختلف...كان دكتور عم يعاملني بطلف ع غير عادة فحصني ورجعوني ع حديقة. .
كنت مصدومة من طريقة تعاملهن..
شو صار ليش هيك.منظرك كانك شايفة شبح..
لا بس في شي غريب اليوم طريقة اللي عاملوني فيها كانت لطيفة ع غير العادة. .
عنجد غريب ياترى شوفي. .
كنت عم راقب ممرضين ومشرفين كيف عاملين استنفار بكل مشفى وناس تفوت بناس ..ياترى شوفي شوصاير..
قطع تفكيري صوت يعقوب..
بلكي شي مسؤول جاي يزور مشفى
. .
لمعت عيوني اول ماسمعت هاد كلام. .معقول طاقت القدر انفتح بوجهي..
نارا ليش انتي مبسوطة هيك ليكون اللي في بالي..
ايه مزبوط ..بدي قابل هاد شخص وخبره عن وضعي. .
يانارا ياحبيبتي ماجربتي من قبل مااستفتدي شي بس اخدت جلسات تعذيب اكتر..
والحل يعقوب والحل لمتى رح ضل هون اتعذب..هاي فرصتي الاخيرة الغريق بيتعلق بقشاية..
نارا مابدي افقدك صرتي جزء مني..
@rwayate
لا تخاف رح اتوكل ع الله وبس..
يارب ونعم بالله..انا تعبت بدي فوت ..مابدك تفوتي..
لا رح اقعد هون شوي وبعدها رح فوت..
ع كيفك..سلام..
لما فات يعقوب لجوا رجعت شردت بالماضي وذكرياته..
سحبت نفس وغمضت عيوني ورجعت لورا سندت ضهري بالمقعد..
________________________
ابي مافيك شي قوم ابي لا مامات لساتو عايش هلا رح يقوم ويحكي..
يابنتي خلص الله يرحمه عطاكي عمروا
لا مامات ابوي لاتتركني وين رحت وعدتني ضل معي ابي فتح عيونك مشاني..
@rwayate
كنت عم ابكي ع صدره وماني مصدقة انو ابي خلص تركني ومشي امبارح كان عم يحكي معي ويضحك وسمحلي نام حدوا ع سرير يمكن ابي كان عرفاني انو اخر ايامه
اول مافتحت عيوني كان ضاممني ع صدور كان جسمه بارد كتتير..حاولت خليه يقوم بس مافي فايده .
خلص ياروح خالتي خلص ادعيله بالرحمة يالله اتركيه لازم ياخده مشان يغسلوه وبعدها بدنا ندفنه..
لا لا ابي مافيه شي هلا بيصحا وبقلكن والله استنو بس شوي بس شوي..
وقعت ع ركبي وخبيت وجهي بايدي وكنت منهارة وماكنت مصدقة اللي صار.
قومي يابنتي يلا تعالي نطلع ع غرفتك
خالتي بدي ابي وامي كلهن تركوني ليش مااخدوني معهن ليش ..
مابصير ياروح خالتك هاد الكلام غلط وانا شو ليكي انا امك وكل عيلتك..قومي يلا