📚قصص||روايات||منوعة📚

ي مشان ستك تكسر راسي و راسك .
ديانا : هههه تضربي والله ستك مافي احن منها .
_________________________________________
#بقلم_فتاة_من_ورق

( في بيروت )

سامر : خالتي نحنا طالعين مشوار .
ام وائل : اي ابني الله معكن .
هند : سامر انا بقيانة عند الخالة لترجعو .
سامر : ماشي ، يلا وائل تفضل .
وائل : سلام .
ام وائل : الله معكن .

#بقلم_فتاة_من_ورق

هند : الله يعينو .
ام وائل : الله يعينو و يعين اهلها .
هند : انزلو استقرو بالشام يمكن يخف وجعو شوي .
ام وائل : ماعم استرجي احكي معو شي .
هند : الله يصبرو و يصبركن .
ام وائل : انتو جهزتو اموركن ؟
هند : اي مبارح قدمت استقالتي و ان شاء الله الاسبوع الجاي رح ارجع عالشام .
ام وائل : الله ييسرلكن .
هند : آمين .
ام وائل : خبرتي اهلك انو رح تستقري بالشام ؟
هند : لا خليتها مفاجأة .
ام وائل : الله يسعدكم .
هند : آمين و يصبر وائل و يسعدو .
ام وائل : من تمك لباب السما ، ايمتى بتولدي انتي ؟
هند : بعد شهرين ان شاء الله .
ام وائل : الله يتمملك على خير .
_________________________________________
#بقلم_فتاة_من_ورق

بعد مرور اسبوع

( في دمشق )

ام محمد : مرت عمو بيت هند صار جاهز .
زهرية : علقتو البرادي الجديدة ؟
ام محمد : اي .
ام زيد : مرت عمو شغلت البراد ماعم يشتغل ببيت هند .
زهرية : اتصلي بزوجك اليوم يشتري براد جديد ، بكرا بتوصل هند مافي وقت .
ام زيد : حاضر .
زهرية : الله يرضى عليكن يا بناتي انتو .
ام محمد : الله يخليلنا ياكي و يطول عمرك .
زهرية : اعطو الخدامة اجرتها خليها تمشي .
ام محمد : عطيتها مصاري و عطيتها الطبخة متل ما طلبتي .
زهرية : تمام .

#بقلم_فتاة_من_ورق

جهاد : حلو كبداية بس ايدك ما لازم تميل هيك .
ديانا : دكتور بحس لو ضليت مثبتة ايدي رح يطلع كأني راسمة بالمسطرة .
جهاد : اي هي الرسمة لازم تكون كأنها مرسومة بالمسطرة نسيتي شو حكينا المحاضرة الماضية .
مايا : يعني هيك دكتور ؟
جهاد : ايوا بالزبط حلو كتير مايا علمي ديانا .
زينب : مايا بس تعلمي ديانا تعالي ساعديني .
مايا : من عيوني .
_________________________________________
#بقلم_فتاة_من_ورق

( في بيروت )

سامر : بكرا انا و هند مسافرين .
وائل : توصلو بالسلامة .
سامر : ما بدي اتركك وانت بهالحالة .
وائل : لا تخاف عليي انا منيح .
سامر : بكرا رح ترجع عالشغل ؟
وائل : اي .
سامر : وعد ؟
وائل : وعد ، سامر بكرا قبل ما تسافر تركلي مفاتيح بيتك .
سامر : اي تكرم بس ليش ؟
وائل : بدي اترك بيتي و استأجر بيتك لاني عم شوفها بكل زاوية بهالبيت بدي اهرب لاني تعبت يا صاحبي تعبت .
سامر : ولا يهمك خلص بكرا قبل ما روح عالمطار بتركلك المفاتيح مع الوالدة .
وائل : توصلو بالسلامة ، سلملي على هند .
سامر : خليك قوي متل ما بعرفك وائل مافي شي بيكسرو .
وائل : ان شاء الله .
_________________________________________
#بقلم_فتاة_من_ورق

( في دمشق )

ابو زيد : والله في خربطة ، انا اخر شي حطيت بالخزنة 10 الاف دولار كيف هلأ صارو 8 الاف !! معقول اخي آخد شي !! لالا مستحيل يعمل هيك ابو محمد بلا ما يخبرني لانو مصارينا مشتركة اكيد انا مخربط بالحساب .

#يتبع
#بقلم_فتاة_من_ورق

#أراكِ_وطني
#الجزء_الرابع
#بقلم_فتاة_من_ورق

((باليوم التاني))

( في بيروت )

وائل : تفضلو .
ابو وائل : لو انك اجيت عشت عنا بالبيت مو احسن ما نترك بيتنا ؟
وائل : بابا بترجاك تركني اعمل يلي بدي ياه .
ام وائل : خلص حبيبي ولا يهمك البيت هون شرح اكتر من بيتنا وليك البلكونة كبيرة مشان تسهر فيها ابو وائل .
وائل : شو ناقصك للبيت امي ؟
ام وائل : ما بعرف لسا هلأ بشوف و بخبرك .
وائل : انا رايح مشوار وقت تعرفي اتصلي فيني و خبريني .
ام وائل : ماشي .
وائل : سلام .
ام وائل : الله معك .

#بقلم_فتاة_من_ورق

ابو وائل : انا بلشت اكره هالبلد .
ام وائل : ليش ؟
ابو وائل : صاير ماعم بيع كتير بالمحل و ابننا متغير حاسس انقطعت مياتنا من هالبلد .
ام وائل : بس يروق وائل بحكي معو كرمال نرجع .
ابو وائل : اذا هو ما بدو يرجع منرجع انا وانتي لحالنا .
ام وائل : مستحيل ما بترك ابني بعيد عني انت بتعرف انا اجيت لهون كرمال ابقى جنبو مستحيل اتركو ولا لحظة .
ابو وائل : لنشوف اخرتها معك و معو ، انا رايح افتح المحل .
ام وائل : الله يرزقك .
_________________________________________
#بقلم_فتاة_من_ورق

( في دمشق )

زهرية : يا روحي شو اشتقتلك ، الحمدلله على السلامة .
هند : الله يسلمك حبيبتي .
سامر : رضاكي مرت عمي .
زهرية : الله يرضى عليك و يحميك الحمدلله على سلامتكن .
سامر : الله يسلمك و يطول عمرك .
ديانا : نورت الشام عمتي .
مايا : اشتقنالك كتير .
هند : يا روحي شو حليانات .

*اجتمعنا حوالي سفرة الغدا .. كانت العيلة كلها مبسوطة بوجود عمتي هند ...

زهرية : ما قلتيلي هند اديش رح تبقي هون ؟
سامر : خبريهن .
هند : لا انت خبرهن .
سامر : مرت عمي قررنا انا و هند نستقر هون .
زهرية : الحمدلله و اخيرا ماعاد في بعد ولا وداع .
ابو محمد : شو صهر ناوي تشتغل معنا بالمعمل يعني ؟
سامر : لا ابدا انا تواصلت مع شركة هون من شهر و بكرا عندي مقابلة معهن .
ابو زيد : سمعني منيح صهري انت اخي التالت مو بس صهري اذا ما عجبتك الشركة ابواب المعمل مفتوحة الك بتشتغل معنا .
سامر : على راسي ابو زيد كبير العيلة انت ، بيشرفني اشتغل معكن بس انا اتفقت مع الشركة حاليا وان شاء الله خير .
زهرية : الله يرزقك .
ابو زيد : بما انك اعترفت اني كبير العيلة انا بطلب منك تعيش بالبيت يلي بالطابق التالت هاد بيتك انت و هند طبعا اذا بريحكن هالشي .
هند : اي سامر امانة خلينا نعيش ببناية اهلي .
سامر : ان شاء الله .
زهرية : الحمدلله .
هند : صحة وهنا حبيبتي .
زهرية : كملو اكلكن انا بدي روح اخد الدوا .
هند : انا بجبلك ياه ماما .
هند : لا حبيبتي خليكي قاعدة ، ابو محمد .
ابو محمد : نعم امي ؟
زهرية : تعال معي بدي اعطيك اسم دوا تجبلي ياه .
ابو محمد : امرك امي ، عن اذنكن .
_________________________________________
#بقلم_فتاة_من_ورق

( في بيروت )

*وصلت عند قبر هناء .. حطيت ورد عالقبر و قعدت بالارض ...

وائل : اشتقتلك كتير ، الكل مفكرني بلشت انساكي و عيش حياتي ما بيعرفو اني كل يومين بزورك وما بخلي الورد ينشف ، اجيت خبرك اني تركت البيت .. ما قدرت ابقى فيه اكتر من هيك وانتي مو موجودة فيه ، شغلت كل اضوية البيت من يوم رحتي بس ضليت عم شوفو معتم ، اليوم بدي روح زور اهلك و اتطمن عليهن ، بعرف من زمان كان لازم زورهن بس والله صعبة عليي فوت عالبيت يلي اخدتك منو و ما لاقيكي فيه ... "بسم الله الرحمن الرحيم ، الحمدلله رب العالمين ....... "

*قمت من مكاني بعد ما قرأتلها الفاتحة ، حطيت نضاراتي الشمسية و مشيت ....
_________________________________________
#بقلم_فتاة_من_ورق

( في دمشق )

ابو محمد : اي امي شو اسم الدوا ؟
زهرية : من كل عقلك مفكر بدي ياك تجبلي دوا .
ابو محمد : اي ليش في غير هيك ؟
زهرية : صار عمرك 48 سنة وما بتعرف تحكي .
ابو محمد : ليش هالحكي امي ؟
زهرية : كيف بتسمح لحالك تحكي مع سامر بهي الطريقة ؟ خايف يشتغل معكن بالمعمل ؟؟ ليش المعمل باسمك ؟
ابو محمد : مو القصد بس ...
زهرية : لا تقلي بس لك هاد صهرك حامي عرضك و شايل اختك على كفوف الراحة بدك تحترمو غصب عنك و تعاملو كأنو اخوك ، بحالة وحدة بسمحلك تشيل عيونو اذا بيغلط بحق اختك و بيظلمها .
ابو محمد : امرك امي .
زهرية : شوف اخوك كيف بيعاملو و بيحترمو تعلم منو .
ابو محمد : حاضر .

#بقلم_فتاة_من_ورق

*طلعت معصب من لهجة امي معي ...

ابو محمد : ام محمد
ام محمد : نعم .
ابو محمد : الحقوني عالبيت انتي و الولاد .
ام محمد : حاضر .
هند : لوين اخي ؟ ما شفتك لسا وما شفت الولاد .
ابو محمد : المسا بشوفكن اختي ، سلام صهر .
سامر : الله معك .
هند : ناطرتك المسا اخي .
مايا : ماما بدي ابقا مع عمتي .
ام محمد : لا امشي عالبيت والمسا بتنزلي .
مايا : يا ربييي .
_________________________________________
#بقلم_فتاة_من_ورق

**مضيت الشهور و عمتي جابت صبي صار لعبة العيلة الكل يدللو و يهت

م فيه بما انو اصغر شي بالعيلة و الابن الاول لعمتي .. حياتنا هادية نوعا ما بس لولا عصبية عمي ابو محمد و تغير اطباعو ....**

_________________________________________
#بقلم_فتاة_من_ورق

( في بيروت )

ام وائل : ابني .
وائل : نعم .
ام وائل : بدي اقترح عليك اقتراح .
وائل : احكي عم اسمعك .
ام وائل : ترك التلفون و تطلع فيني .
وائل : وهي تركنا التلفون احكي .
ام وائل : حادثة المرحومة هناء رح يصرلها سنة ونحنا ماعاد النا حدا لنبقى هون خلينا نرجع عالشام على بلدنا نعيش مع اهلنا و ناسنا .
وائل : اذا حابة ترجعي فيكي ترجعي انتي و ابي بالنسبة الي بقيان هون .
ام وائل : كرمال مين بدك تضل هون ؟
وائل : ما كرمال حدا قلتلك بدك ترجعي انتي و ابي ارجعو انا بقيان هون ، تصبحي عخير .
ام وائل : وانت بخير .
_________________________________________
#بقلم_فتاة_من_ورق

( في دمشق )

سامر : شو نام عمر ؟
هند : اي نام .
سامر : الله يحميه .
هند : امين ويحميك يا ابو عمر .
سامر : حبيبتي الله يخليلي ياكي .
هند : اليوم حكيت مع الخالة ام وائل .
سامر : كيفها وكيفو العم ابو وائل .
هند : هن بخير الحمدلله ، بس قالتلي انو وائل متغير كتير ماعم تقدر ترجعو متل ما كان لهيك اقترحت عليها تحكي معو و يرجعو عالشام واذا هو ما قبل يرجع معهن بيرجعو لحالهن و بعدين انت بتتصل فيه و بتقنعو يلحقهن و يستقر هون .
سامر : انا كل يومين بتصل فيه وبقلو اديش مرتاح بالشام وهو بغير الحديث مشان ما قلو رجاع عالشام ، بس ان شاء الله تزبط خطتك .
هند : ان شاء الله .
_________________________________________
#بقلم_فتاة_من_ورق

باليوم التاني

ديانا : مايا كتير تعبت من حمل اللوحات .
مايا : وانا كمان تاني مرة لازم نخلي ابوكي او ابي يوصلنا و يرجعنا .
ديانا : حاسة حالي نجار هههه
مايا : اي والله .
ديانا : بس بتعرفي رغم كل هالتعب حاسة بسعادة كبيرة انو عم نحقق حلمنا .
مايا : سعادتنا رح تكبر اكتر لما نصير رسامات و نشترك بالمعارض و نعرض لوحاتنا .

*اندمجنا بالحديث انا و مايا ونحنا راجعين عالبيت مشي .. نسينا تعبنا ونحنا عم نحكي عن مستقبلنا ، شو حلو الواحد يحلم و يبلش يحقق حلمو بكل خطوة بتزيد سعادتو اضعاف ...

مايا : ديانا ليكي هي القارمة شكلها مرسومة رسم .
*التفتت لشوف القارمة يلي اشرتلي عليها مايا .. فجأة خبطت بشخص و وقعو اللوحات من ايدي ...

#يتبع
#بقلم_فتاة_من_ورق

#أراكِ_وطني
#الجزء_الخامس
#بقلم_فتاة_من_ورق

مايا : ديانا ليكي هي القارمة شكلها مرسومة رسم .
*التفتت لشوف القارمة يلي اشرتلي عليها مايا .. فجأة خبطت بشخص و وقعو اللوحات من ايدي ...

ديانا : لوحاتييييي
كنان : اسف اسف .
ديانا : يا ربي هلأ بيكونو توسخو .
كنان : اسف عنجد بعتذر منك ما انتبهت .
مايا : ولا يهمك ونحنا كمان ما كنا منتبهين .

*جمعلي الشب اللوحات و عطاني ياهن ...

ديانا : شكرا .
كنان : بعتذر مرة تانية .
ديانا : ولا يهمك ما صار شي ، بالاذن .
كنان : الله معك .

#بقلم_فتاة_من_ورق

*كملنا طريقنا انا و مايا ...

مايا : ما كان لازم تعصبي هيك لانو انتي يلي ما كنتي عم تطلعي قدامك .
ديانا : اول شي حتى هو شكلو ما كان عم يتطلع قدامو و تاني شي تذكري انو انتي يلي طلبتي مني التفت لشوف القارمة .
مايا : مع هيك ما بصير تعصبي .
ديانا : مايا انا مو ناقصتك خلقة متوترة من هالموقف انا حرة بدي عصب .
مايا : الله يهديكي .
_________________________________________
#بقلم_فتاة_من_ورق

( في بيروت )

*رجعت عالبيت شفت شناتي السفر قدام باب البيت ...

وائل : ليش ضابة شناتي السفر ؟
ام وائل : راجعين عالشام انا و ابوك .
وائل : متأكدة ؟
ام وائل : اي و مبسوطة كمان .
وائل : ايمتى ماشيين ؟
ام وائل : بكرا الساعة 10 الصبح .
وائل : توصلو بالسلامة .

*دخلت على غرفتي ، شلحت ساعتي و جاكيت الطقم رميتهن مع جنب و تسطحت بالتخت .. صرت اتأمل السقف و اتذكر ...
----------------------------------------
هناء : بدك ترجع عالشام ؟
وائل : انتي شو بريحك حبيبتي ؟
هناء : بريحني تستقر هون مشان ابقى جنب اهلي لانو اكيد لو رجعت عالشام انا مضطرة سافر معك وابعد عن اهلي .
وائل : وحياة عيونك الحلوين ما ببعدك عن اهلك ولا لحظة .
----------------------------------------
_________________________________________
#بقلم_فتاة_من_ورق

( في دمشق )

*فتحت الخزنة لضيف مبلغ جديد ، بس قبل طالعت المبلغ القديم و عديتو ..
ابو زيد : لعما شو هاد ناقص 4 الاف دولار !!!!
*ضفت المبلغ الجديد و سكرت الخزنة ...
ابو زيد : ما حدا بيعرف كلمة السر غير اخي شو لازم اعمل .

*قطع تفكيري دقة باب مكتبي ....

ابو زيد : تفضل .
ابو محمد : كيفك اخي .
ابو زيد : اهلين تفضل قعود .
ابو محمد : اخي انا مو جاي اقعد انا جاي استأذنك بشغلة .
ابو زيد : شو ؟
ابو محمد : لازمني مصاري من الخزنة بدي صلح سيارتي .
ابو زيد : اي اخي تكرم اديش بدك ؟
ابو محمد : 450 دولار .
ابو زيد : تكرم عينك .

*طالعت المبلغ لاخي ...و صرت حكي حالي ، كيف عم ينقصو المصاري اذا اخي اول ما احتاج اجا خبرني الي وما قرب عالخزنة من حالو ؟! و بنفس الوقت مافي حدا غيرو بيعرف كلمة سر الخزنة ، يا رب ساعدني لاعرف سبب كلشي عم يصير .

ابو زيد : تفضل اخي .
ابو محمد : الله يسلم ايديك .
ابو زيد : انا مو مداوم بكرا .
ابو محمد : ليش ؟
ابو زيد : تعبان شوي و بدي ارتاح .
ابو محمد : ما بتقصر اخي ولا تشيل هم انا رح مشي الوضع كأنك مداوم .
ابو زيد : الله يرضى عليك .
_________________________________________
#بقلم_فتاة_من_ورق

كنان : امي .
ام كنان : اهلين حبيبي يعطيك العافية ، حطلك الغدا ؟
كنان : تعالي هلأ ما بدي اتغدا في شي اهم .
ام كنان : شو هو ؟
كنان : لقيت البنت يلي بدي كمل معها باقي عمري و سميها شريكة حياتي .
ام كنان مين هي ؟ وين لقيتها ؟ وكيف شكلها ؟
كنان : ما بعرف من هي ، اليوم بعد ما نزلت من البيت رن تلفوني طالعت التلفون لشوف مين عم يتصل خبطت ببنت لا مو بنت خبطت بملاك .
ام كنان : ملاك !! وصفلي ياها .
كنان : عيونها خضر و بيضا كتير ، كانت لابسة شال لونو خمري هاللون زاد حلاها ، صورة وجهها ماعم تروح من بالي .
ام كنان : بتعرف وين بيتها لروح اخطبلك ياها ؟
كنان : اي لحقتها و عرفت البناية يلي ساكنة فيها بس ما عرفت بأيا طابق .
ام كنان : خلص ولا يهمك انت دلني عالبناية و ترك الباقي عليي .
كنان : تروحي هلأ ؟
ام كنان : شو هلأ طبعا لا خليها لبكرا لما ترجع من شغلك .
كنان : خير ان شاء الله .
_________________________________________
#بقلم_فتاة_من_ورق

بصباح اليوم التاني

ام زيد : تأخرت على شغلك .
ابو زيد : مو مداوم اليوم .
ام زيد : فيك شي حبيبي ؟ مريض ؟
ابو زيد : لا ابدا بس بدي ريح شوي .
ام زيد : بتحب اعملك فطور ؟
ابو زيد : لا عمليلي فنجان قهوة و لحقيني فيه عالبرندا .
ام زيد : اي من عيوني .

ديانا : صباح الخير .
ابو زيد : صباح النور حبيبتي .
ديانا : بابا معلش توصلنا انا و مايا عالجامعة ؟
ابو زيد : خلي عمك يوصلكن انا مو طالع اليوم .
ديانا : اوكي بابا ، يلا باي .
ابو زيد : الله معك .
ام زيد : انتبهي عحالك حبيبتي .
ديانا : حاضر .

#بقلم_فتاة_من_ورق

*طلعت من البيت و بلشت يومي بحيوية و نشاط كالعادة .. ركبنا انا و مايا مع عمي بالسيارة و رحنا عالجامعة .. حسيت هاليوم

رح يكون حلو و مميز ...

ديانا : ميوش مو كأنو السما صافية اليوم .
مايا : اي صافية حاسستك رح تكتبي موضوع تعبير السماء صافية و العصافير تزقزق .
ديانا : تضربي بلا سخافتك هلأ عنجد عم احكي .
مايا : شو قصتك اليوم ؟
ديانا : ما بعرف حاسة حالي مبسوطة و حاسة هاليوم رح يكون حلو و مميز .
مايا : اي ان شاء الله .
_________________________________________
#بقلم_فتاة_من_ورق

سامر : صباح الخير حبيبتي .
هند :صباح الفل و الياسمين يا روحي .
سامر : شو سر هالنشاط ؟
هند : اليوم جايين اهلو لوائل .
سامر : يوصلو بالسلامة .
هند : آمين يا رب ، صحيت من الصبح لاني بدي اطبخلهن .
سامر : لا تعذبي حالك انا بجبلهن غدا جاهز .
هند : لا هن بيحبو طبخي كتير ، المهم لا تنسى بدك تروح معي نوديلهن الغدا و نسلم عليهن .
سامر : أيا ساعة ؟
هند : عالساعة 3 .
سامر : تمام ، بدك شي ؟
هند : لا سلامتك .
سامر : يلا سلام .
هند : الله معك .
_________________________________________
#بقلم_فتاة_من_ورق

الساعة 2 بعد الضهر

ام كنان : شو جابك هلأ ؟
كنان : قومي يلا جهزي حالك بدي اخدك لعند الجماعة .
ام كنان : لك في حدا بالعالم بيروح بيخطب الساعة 2 هلأ الناس بيكونو عم يتغدو .
كنان : ما بيهمني هلأ بدي وصلك لعندهن يا امي البنت حلوة كتير بخاف تطير من ايدي .
ام كنان : الله يصبرني عليك يعني اذا تأخرنا ساعتين كمان بتكون انخطبت خلص و راحت من ايدك .
كنان : أمي انا طول اليوم عم راقبها لترجع عالبيت مشان اخدك تخطبيلي ياها ، انا نازل انطرك بالسيارة لا تتأخري .
ام كنان : الله يصبرني عليك .
_________________________________________
#بقلم_فتاة_من_ورق

ام زيد : شايفتك عم تلبس لوين رايح ؟
ابو زيد : واصل مشوار شغلة ساعة و برجع .
ام زيد : طيب انا رح انزل لعند مرت عمو .
ابو زيد : ماشي روحي .
ام زيد : بس ترجع من مشوارك رح كون ناطرتك ببيت مرت عمو .
ابو زيد : تمام ، يلا سلام .
ام زيد : الله معك بأمان الله .

#بقلم_فتاة_من_ورق

مايا : ستي شو رأيك برسمتي ؟
زهرية : حلوة كتير .
ديانا : رسمتي احلى صح ستي ؟
زهرية : اي صح .
مايا : لا رسمتي احلى .
ديانا : ستك قالت رسمتي احلى .
زهرية : ايييييييه انتي وياها جايين تتخانقو فوق راسي روحو عالغرفة تخانقو كل وحدة راسمتلي خطين و جايين تسألوني مين احلى ، التنتين ابشع من بعض .
مايا : الله يسامحك .
ديانا : هاد فن فن مو خطوط .
زهرية : الباب عم يندق روحو شوفو مين .
ديانا : انا بفتح .

*ركضت و فتحت باب البيت ...

ام كنان : مرحبا .
ديانا : اهلا و سهلا ، تفضلي .
ام كنان : الله يزيد فضلك .
زهرية : مين عالباب ؟
ام كنان : السلام عليكم .
زهرية : وعليكم السلام اهلا وسهلا تفضلي .
ام كنان : انا جارتكن بنفس الحارة .
زهرية : تشرفنا ، ديانا روحي اعملي عصير .
ديانا : حاضر ستي .

*رحت عالمطبخ وانا متفاجأة من زيارة هالمرة ...

مايا : مين هي ؟
ديانا : ما بعرف متلي متلك بس سمعتها عم تقول لستك انها جارتنا بالحارة .
مايا : خير ان شاء الله .
ديانا : الباب عم يندق شكلهن امي و خالتي روحي افتحيلهن لبين ما جهز العصير .
مايا : اوكي .
_________________________________________
#بقلم_فتاة_من_ورق

* صفيت سيارتي بعيد شوي و كملت مشي عالمعمل .. دخلت من الباب الخلفي و طلعت على مكتبي فتحت الباب بهدوء و دخلت ... شفت اخي ابو محمد فاتح الخزنة و قاعد قبالها كان مدموج لدرجة انو ما حس بوجودي ...

ابو محمد : وهيك سحبت من كل رزمة مبلغ صغير ما رح يبين اني اخدت متل العادة .

ابو زيد : عم تسرق يا اخي ؟؟؟ عم تسحب من كل رزمة مفكرني مو حاسس انو عم يصير نقص من الخزنة ؟؟؟ لهالدرجة شايفني غبي ؟؟؟

#يتبع
#بقلم_فتاة_من_ورق

#أراكِ_وطني
#الجزء_السادس
#بقلم_فتاة_من_ورق

ابو زيد : عم تسرق يا اخي ؟؟؟ عم تسحب من كل رزمة مفكرني مو حاسس انو عم يصير نقص من الخزنة ؟؟؟ لهالدرجة شايفني غبي ؟؟؟
ابو محمد : انا انا..
ابو زيد : لك انت شو ؟ ما بتخجل من حالك ؟ انت بتعرف انو هي المصاري من حق اختك و امك مو بس من حقي و حقك ، لك انا شو منقص عليك بعمرك ما طلبت شي و قلتلك لا .
ابو محمد : انا ما قصدي اسرق .
ابو زيد : لكن شو قصدك شووو ؟؟؟ بتعرف انا ما رح احكي معك شي رح خلي امك هي يلي تحكي .
ابو محمد : اخي خليني اشرحلك ، ابو زيد ..

*طلعت من المعمل ركبت بسيارتي لارجع عالبيت ....
_________________________________________
#بقلم_فتاة_من_ورق

ام كنان : ما بخفي عليكن سر زيارتي انا اجيت لحتى اخطب لابني الصبية ام عيون خضر .
ام زيد : ديانا !
زهرية : قصدك ديانا ؟
ام كنان : عاشت الاسامي اي ديانا .
زهرية : ليش ابنك من وين بيعرفا ؟
ام كنان : مبارح شافها بالطريق لحقها و عرف بيتكن و جابني اليوم لحتى اخطبها ما بتتخيلو ابني اديش معجب فيها بتمنى انكن تقبلو .
ام زيد : يعني اهلا وسهلا فيكي بس انا ما بقدر اعطيكي جواب لاسأل ابوها .
ام كنان : اي اسألو على مهلكن و خدو راحتكن هي رقم تلفوني مشان تردولي خبر .

#بقلم_فتاة_من_ورق

*كنا واقفين انا وبنت خالتي ورا الباب عم نتسمع ...

مايا : ما يكون قصدها الشب يلي خبط فيكي مبارح .
ديانا : معقول هو ؟!
مايا : لا تستبعدي ، امشي امشي عالمطبخ شكلها بدها تروح .
_________________________________________
#بقلم_فتاة_من_ورق

هند : الحمدلله على سلامتكن والله نورت الشام بوجودكن .
ام وائل : النور نورك حبيبتي .
سامر : شو رأيكن بعمر ؟
ابو وائل : الله يحميه .
ام وائل : الله يحميه حبيبي ويفرحني بوائل و شفلو ولد قبل ما موت .
هند : الله يطول عمرك .
سامر : ببصملك خالتي بالكتير وائل عيارو شهر و بيرجع و بيعيش هون .
ام وائل : من تمك لباب السما .
هند : يلا تفضلو عالغدا هاد طبخي انا بعرفكن بتحبو طبخي .
ام وائل : الله يرضى عليكي .
_________________________________________
#بقلم_فتاة_من_ورق

*طلعت امي من البناية وانا كنت ناطرها بسيارتي عند الباب ...

كنان : شو صار معك امي ؟
ام كنان : حكيت معهن و قالت بدها تسأل ابوها للبنت .
كنان : معقول يكونو بدهن يخطبوها لحدا تاني ؟
ام كنان : لو بدهن يخطبوها لحدا تاني كانو خبروني ما كانو خلوني استنى .
كنان : شفتيها شو حلوة ؟
ام كنان : ما شاء الله عليها قمر .
كنان : الله يجعلها من نصيبي .
ام كنان : آمين .
_________________________________________
#بقلم_فتاة_من_ورق

*دخلت على بيت اهلي معصب ...

ام زيد : اهلين حبيبي .
ابو زيد : اطلعي عالبيت انتي و ولادك .
ام زيد : امرك .
ابو زيد : وانتي مرت اخي خدي ولادك و طلعي على بيتكن بدي ابقى مع امي لحالنا .
ام محمد : حاضر .

*بعد ثواني فضي البيت ...

زهرية : شوفي ؟
ابو زيد : اليوم لقطت اخي عم يسرق من الخزنة وهي مو اول مرة بيسرق .
زهرية : شووو
ابو زيد : متل ما سمعتي .
زهرية : ليش عم يسرق شو ناقصو ؟
ابو زيد : ما بعرف انا تركت الموضوع الك انتي حليه .
زهرية : ابني انا يسرق ؟! ليش ؟ انا ربيتكن كلكن نفس الترباي و طعميتكن نفس الاكل و من نفس الصحن ، ليييش ؟

*قعدت امي على كرسيها ناطرة اخي يجي لعندها ...
_________________________________________
#بقلم_فتاة_من_ورق

( في بيروت )

خالد : وائل ما بدك ترجع عالبيت ؟
وائل : لا بقيان بالمكتب بدي ارسم مخطط جديد .
خالد : بينرسم بالبيت المخطط ، رجاع على بيتك و ارتاح .
وائل : ليش بدي ارجع ؟ اذا اهلي سافرو و مرتي ميتة مشان مين بدي ارجع ؟
خالد : ليش هيك عم تعمل بحالك يا صاحبي ؟ لك مرتك الها سنة ميتة حلك تنسى و تبلش حياتك من جديد .
وائل : لو سمحت خالد روح رجاع على بيتك انا ما الي جلادة ناقش بهالموضوع .
خالد : طيب متل ما بدك ، سلام .
وائل : سلام .

*طالعت الاوراق و بلشت بالبدايات...
-----------------------------------------------
هناء : شو عم تصمم هالمرة ؟
وائل : فندق .
هناء : طيب واذا قلتلك ترك التصميم و تعال سهار معي .
وائل : بقلك من عيوني يا عيوني .
هناء : وانا بقلك تسلملي عيونك يا نبض قلبي .
------------------------------------------------
_________________________________________
#بقلم_فتاة_من_ورق

( في دمشق )

*دخل اخي على بيت اهلي تجاهل وجودي و قرب لعند امي ...

ابو محمد : امي انا .
*وقفت امي على رجليها و ضربت اخي كف بعمري ما بنساه ...
زهرية : عم تسرق ؟؟؟؟ ليييييييييش ليش ؟
ابو محمد : هاد حقي انا اخدت حقي ما سرقت .
زهرية : لو حقك بتاخدو قدام عيون الكل ما من ورا اخوك ، فهمني ليش شو ناقصك ؟ بيتك احلى بيت و سيارتك احلى سيارة و راتبك قد راتب عشر موظفين ، لييييش عم تسرق ؟
ابو محمد : لاني ماعاد بدي اشتغل مع اخي ، فتحت مشروع صغير

و عم اشتغل فيه بدي كون انا المدير انا صاحب الشغل و الرزق ، انتي و ابي اعتبرتو وجودي زيادة و كبرتو اخي سلمتوه كلشي الو بحجة انو هو اكبر مني و نسيتوني و هلأ لما بدي اشتغل لحالي وبلشت اسحب حصتي من المعمل صرت سراق !
زهرية : ابوك رباكن هيك لتضلو ايد وحدة ، ابوك سلم اخوك كلشي لانو اخوك اوعى منك مع انو اكبر منك بسنتين ، لنفترض انت استلمت المعمل رح يتدهور من اول اسبوع و يخسر لانو تفكيرك محدود و على قدك ما بتفكر غير بحالك وشو بدك وشو ناقصك ، اما اخوك بيشوف العيلة كلها شو ناقصها اخر شي بيشوف بيتو شو ناقصو ، اخوك عم يتصرف متل ما كان يتصرف ابوك بس انت عم تتصرف كأنك ولد مافي ببالك غير انك تكون المدير و صاحب الشغل .
ابو زيد : كان فيك تقلي اخي من الاخر انا بدي كون المدير ما كنت بزعل و بسلمك الادارة .
ابو محمد : من زمان طلبت منك تعطيني حصتي و روح اشتغل لحالي بس رفضت .
ابو زيد : رفضت لانو انا و انت لازم نضل ايد وحدة نحنا اخوة .
زهرية : طول ما انا عايشة بدكن تضلو سوا .
ابو محمد : الله يطول عمرك .
ابو زيد : الله يطول عمرك امي ، برجع بقول اذا بدو الادارة ياخدها .
زهرية : لااا الادارة بتضل انت مستلمها ، و بالنسبة للمشروع يلي فتحتو ياابو محمد بكرا بتدل اخوك عليه و بتشتغلو فيه تنيناتكن سوا يا اما اقسم بالله بغضب عليك .
ابو محمد : امرك ، سلام .
زهرية : روح .

#بقلم_فتاة_من_ورق

*طلعت على بيتي ...

ام محمد : الحمدلله على سلامتك .

*دخلت على غرفتي و قفلت الباب ...
ابو محمد : انا انضرب كف و عمري 48 سنة مشان المصارييي .

#بقلم_فتاة_من_ورق

ابو زيد : ليش ضربتيه امي ؟
زهرية : يلي بدو يغلط فيكن بدي اضربو مية كف لو بتصيرو جدود و خليه كل ما قرب عالخزنة يتذكر الكف يلي اكلو مني .
ابو زيد : روقي امي واهدي صدقيني اخي قلبو طيب انا خبرتك لانك لازم تعرفي و مشان تفهمي ليش هيك عمل ، مو مشان تعصبي .
زهرية : قلبي وجعني بس لاني حسيت ولادي بدهن يفترقو ، ابوك دفع شقا عمرو كلو مشان يعمل هالبناية لتضلو سوا ، تركلكن المعمل يلي بلش فيه من الصفر لتشتغلو سوا وما بدك ياني عصب .
ابو زيد : اهدي حبيبتي اهدي نحنا منضل ايد وحدة وهي الشغلات التافهة رح تمضى و ننساها و رح اثبتلك هالشي .
زهرية : ان شاء الله ،قوم امي قوم طلاع على بيتك شوف مرتك وولادك .
ابو زيد : وانتي ؟
زهرية : هلأ هند بتجي لعندي لا تشيل همي .
ابو زيد : حاضر ، تصبحي على خير .
زهرية : وانت بخير .
_________________________________________
#بقلم_فتاة_من_ورق

ام زيد : اهلين حبيبي .
ابو زيد : اهلين .
ام زيد : بتحب حطلك اكل ؟
ابو زيد : لا مو جوعان .
ام زيد : متل ما بدك ، بقدر احكي معك بموضوع ؟
ابو زيد : اي احكي .
ام زيد : اليوم اجاها خطابين لديانا .
ابو زيد : مين هن ؟
ام زيد : قال جيراننا بنفس الحارة و زوجها كان عندو محمصة قبل ما يتوفى و لما توفى ابنها باع المحمصة .
ابو زيد : اي اي عرفتهن هدول جماعة اوادم كتير .
ام زيد : المرة قالت فكرو على مهلكن بس مبين من حكيها انو رايدينها للبنت .
ابو زيد : انسيلي الموضوع هلأ شي اسبوع لبين ما اسأل عنهن اكتر .
ام زيد : اي حاضر .
_________________________________________
#بقلم_فتاة_من_ورق

مايا : ديانا دندوون الووو .
ديانا : اي معك .
مايا : بشو شاردة ؟
ديانا : عم فكر اكيد هو نفسو الشب يلي خبط فيني لانو ما حدا غيرو شافني مبارح بالحارة .
مايا : طيب شو يعني ؟
ديانا : احكيلك شي و بتوعديني يضل سر .
مايا : اي اكيد بوعدك .

#يتبع
#بقلم_فتاة_من_ورق

#أراكِ_وطني
#الجزء_السابع
#بقلم_فتاة_من_ورق

ديانا : احكيلك شي و بتوعديني يضل سر .
مايا : اي اكيد بوعدك .
ديانا : انا عم ادعي تكون هالمخلوقة يلي طلبتني امو للشب يلي خبطت فيه ، كتير حسيتو راقي و اكابر .
مايا : ايوا حب من اول خبطة هههه
ديانا : هههه تضربي ما بينحكالك شي .
مايا : يعني لو كان نفسو الشب بتقبلي تنخطبي ؟
ديانا : اي بقبل .
مايا : و دراستك ؟
ديانا : شو دخل دراستي بخطبتي اكيد ما رح تأثر عليها .
مايا : خير ان شاء الله ، انا بدي روح عالبيت نام .
ديانا : خليكي نامي عنا .
مايا : اوكي معناها قومي عمليلي عشا .
ديانا : ليكي انا برأيي تروحي تنامي ببيتك اريحلك ههههه
مايا : هههههه فظيعة شو قليلة مروة ، انا بعمل عشا .
_________________________________________
#بقلم_فتاة_من_ورق

بصباح اليوم التاني

*اجتمعنا كلنا ببيت أمي لنفطر ....

ابو زيد : وينو ابو محمد ؟
ام محمد : بالبيت ، من مبارح دخل عالغرفة و قفل عحالو الباب وماعم يرد عليي .
ابو زيد : انا طالع شوفو ، باب الدار مفتوح ؟
ام محمد : اي .
ابو زيد : لا تفطرو لجيب ابو محمد .
زهرية : ناطرينك .
هند : ليش هيك عم يعمل شو صاير ؟
ام محمد : والله ما بعرف قلتلكن ماعم يرد عليي .
هند : خير ان شاء الله .
ديانا : ستي انا و مايا لازم نروح عنا محاضرة بعد ساعة .
زهرية : اي حبيباتي روحو الله يوفقكن .
ام زيد : انتبهو عحالكن .
ام محمد : اشترو شي فطروه عالطريق .
مايا : حاضر ، سلام .

#بقلم_فتاة_من_ورق

*دخلت على بيت اخي .. قربت من باب غرفتو و دقيت الباب ...

ابو زيد : اخي افتحلي الباب ، زاهر برحمة ابوك تفتح الباب .

*بعد دقيقة فتح الباب ...

ابو محمد : لو ما حلفتني برحمة ابوك ما كنت فتحت الباب .
ابو زيد : ليش هيك عم تعمل ؟
ابو محمد : لاني نضربت وانا عمري 48 سنة .
ابو زيد : حقك على راسي من فوق ، امك عملت هيك لانو ما بدها نفترق صدقني يا اخي اذا افترقنا الناس كلها رح تشمت فينا و رح يعرفو اننا صرنا ضعاف لانو كل واحد لحالو .
ابو محمد : معك حق .
ابو زيد : يلا جهز حالك مشان ننزل نفطر و بعدها نروح عالشغل وما بدي ياك تزعل من امك لانو هي ست الكل ولو عصبت بتكون عم تعصب لمصلحتنا .
ابو محمد : سامحني اخي .
ابو زيد : الله يسامحنا جميعا ، يلا ناطرك لا تتأخر .
_________________________________________
#بقلم_فتاة_من_ورق

( في بيروت )

وائل : الو .
سامر : يسعد صباحك شريك .
وائل : الله حيك ابو عمر صباح النور .
سامر : كيفك .
وائل : منيح انت كيفك وكيفن اهلي .
سامر : كلنا بخير ما ناقصنا غير وجودك معنا .
وائل : تسلمو كلكن يلي بيهمو وجودي ما بيتركني و بيمشي .
سامر : له لك وائل ما بعرفك هيك .
وائل : انا تغيرت كتير يا صاحبي ، اهلي بدال ما يبقو معي تركوني و رجعو .
سامر : لا تلومهن وائل اهلك كبرو بالعمر بدهن يكملو هالكم سنة ببلدهن بين اهلهن و ناسهن و انت صار لازم ترجع شو لسا الك ببيروت ؟
وائل : فيك ما تفتح معي هالموضوع .
سامر : لا بدي افتح هالموضوع واذا ما بترجع عالشام انا نازل على بيروت جيبك .
وائل : ليك سامر انا بدي روح على شغلي .
سامر : اي تهرب من هالموضوع قد ما فيك بس نهايتك ترجع عبلدك .
وائل : سلملي على اهلي و على هند .
سامر : الله يسلمك .
وائل : سلام .

*الوحدة صارت عنوان حياتي .. و البيت صار بس لنام فيه .. ليش ماعم اقدر اترك هالبلد ؟!
_________________________________________
#بقلم_فتاة_من_ورق

( في دمشق )

* نزل اخي و قرب لعند امي مسك ايدها و باسها ....

ابو محمد : يسعد صباحك .
زهرية : الله يرضى عليك .
ابو زيد : يلا صار فيكن تفطرو .
هند : و اخيرا متنا من الجوع .
_________________________________________
#بقلم_فتاة_من_ورق

بعد مرور اسبوع

كنان : و بعديييين هي مضى اسبوع ونحنا ناطرين .
ام كنان : طبيعي يوم خطبني ابوك لبعد 9 ايام لردينا خبر .
كنان : 9 ايام !!!!! يا ربي تعبت وانا الحقها لشوفها من بعيد لبعيد و ما استرجي احكي معها .
ام كنان : الله يجعلها من نصيبك و تحكي معها لتشبع .
كنان : امين يا رب ، انا رايح عشغلي .
ام كنان : الله معك .

*طلعت من الغرفة سمعت صوت رنة تلفون امي .. رجعت ركض و قعدت جنبها ...

******************
ام كنان : وعليكم السلام .
ام زيد : تفضلو زورونا منتشرف فيكن ام كنان .
ام كنان : نحنا يلي منتشرف فيكن ان شاء الله بكرا منجي انا و ابني و سلفي منطلب ديانا رسمي من ابوها .
ام زيد : مية اهلا و سهلا .
*******************

كنان : شو قبلو ؟
ام كنان : اي و بكرا منروح انا وانت وعمك منطلبها .
كنان : لك ليش مو اليوووم .
ام كنان : ابني شبك شو صايرلك .
كنان : بدي ياها بأسرع وقت .
ام كنان : اي بكرا اسرع وقت يلا هلأ روح على شغلك روووح .
كنان : سلام .
_________________________________________
#بقلم_فتاة_من_ورق

باليوم التاني

مايا : ليش لهلأ ما جهزتي

حالك ؟
ديانا : خايفة ما يكون نفسو .
مايا : عادي بترفضي اذا ما كان نفسو وانتهت القصة ، يلا قومي جهزي حالك .
ديانا : رح البس هدول اينو اكتر شال بيليق عليهن ؟
مايا : الشال العنابي .
ديانا : معناها اعطيني سكربينتك البيضا .
مايا : اي من عيوني رح روح جبلك ياها .
_________________________________________
#بقلم_فتاة_من_ورق

( في بيروت )

ياسر : بدك ياني وقعلك على طلب استقالتك ؟
وائل : اي سيد ياسر بعد اذنك .
ياسر : ليش يا وائل ؟ اذا بدك بزدلك راتبك بس لا تتركنا .
وائل : لالا مو هيك القصة ابدا بس انا بدي ارجع على بلدي ، انت بتعرف وضعي منيح انا ماعاد الي حدا هون .
ياسر : انا بعمري ما رفضتلك طلب لانو ما رح لاقي مهندس عمارة متلك بس طالما هي رغبتك انا مجبور وقعلك عالطلب بس يكون بعلمك اني مو رضيان على هالشي ابدا .
وائل : شكرا لانك تفهمتني .
ياسر : وعدني اذا ما زبط وضعك ببلدك ترجع و تشتغل عندي بالشركة .
وائل : بوعدك .
ياسر : بالتوفيق .

*لميت غراضي و طلعت من الشركة ، رحت عالمقبرة لزور هناء اخر مرة ...

وائل : سامحيني بس انا تعبت من الوحدة ، بدي ارجع لعيش مع اهلي ، انتي كنتي تحبيني كتير بس بنفس الوقت ما قبلتي تبعدي عن اهلك وانا بحبك و رح ضل حبك بس بدي ارجع عيش مع اهلي هن بحاجتي انا ابنهن الوحيد وانا بحاجتهن لاني صرت وحيد كتير ، سامحيني حبيبتي .
_________________________________________
#بقلم_فتاة_من_ورق

( في دمشق )

*اجتمعت العيلة كلها ببيت ستي ليتعرفو على العريس و اهلو ... استقبلهن ابي ، حاولت شوفهن من المطبخ بس ما قدرت ...

ام زيد : اهدي ولا تتوتري ، بتبلشي ضيافة من اليمين .
ديانا : حاضر .
ام زيد : يلا روحي .

*حاولت ما اتوتر بس ما قدرت كانت رجفة ايديي واضحة ... ضيفت الكل و وصلت لعند العريس ...

*كنت عم اتطلع بالصينية لانو ما عندي الجرأة اتطلع فيه ... همسلي بصوت واطي ..
كنان : كيفهن لوحاتك ؟
*رفعت عيوني تطلعت فيه و عرفت انو نفسو الشب يلي خبطت فيه .. ما قدرت ما ابتسملو .. حسيت بسعادة كبيرة .. كملت تضييف القهوة و ركضت عالمطبخ ...

#بقلم_فتاة_من_ورق

مايا : شو ؟
ديانا : نفسو .
* صرنا ننط و نرقص انا و مايا بالمطبخ ...
مايا : خلص انا برأيي نهدا شوي لا يجي حدا عالمطبخ فجأة .
ديانا : ما بتتخيلي اديش مبسوطة ، قلي بهمس كيفهن لوحاتك ؟

#بقلم_فتاة_من_ورق

ابو زيد : ما قلتلي ابني شو دارس انت ؟
كنان : دارس محاسبة و عم اشتغل بشركة .
ابو محمد : حلو كتير .
ابو زيد : الله يرزقك .
ابو فارس : انا بيشرفني اطلب ايد كريمتكن لابن اخي كنان .
ابو زيد : المرحوم ابو كنان راح بس ترك وراه السمعة الطيبة ، و شب متل الوردة و يلي خلف ما مات ، نحنا منتشرف فيكن .

#يتبع
#بقلم_فتاة_من_ورق

#أراكِ_وطني
#الجزء_الثامن
#بقلم_فتاة_من_ورق

باليوم التاني

(في دمشق)

ام وائل : مين عند الباب ؟
وائل : انا وائل امي افتحي .
ام وائل : يا عمري انت ماعم صدق عيوني .
*حضنت امي .. حسيت حالي الي سنين ما شفتها ...
ام وائل : اشتقتلك كتير .
وائل : وانا كمان اشتقتلك حبيبتي .
ام وائل : رح ترجع على بيروت ؟
وائل : لا خلص قررت استقر هون .
ابو وائل : الحمدلله على سلامتك ابني .
وائل : الله يسلمك ويطول عمرك .
ابو وائل : بتقعد هون و بتنسى طريق الرجعة على بيروت .
وائل : هو هيك امرك ابي ، ما بدكن تغدونا ميت من الجوع .
ام وائل : من عيوني فوت تحمم لبين ما جهز الاكل .
وائل : قبل الحمام بدي اعمل تلفون صغير .

**************************
سامر : الو
وائل : كيفك شريك .
سامر : اهلين بالغالي .
وائل : وينك انت ؟
سامر : والله بالشغل .
وائل : ايمتا بتخلص شغل بدي شوفك .
سامر : تشوفني ؟!!!
وائل : اي انا صرت بالشام .
سامر : ساعة و بكون عندك .
وائل : ناطرك .
**************************
_________________________________________
#بقلم_فتاة_من_ورق

*كتبنا كتابنا بالمحكمة بعدين رحنا عالصايغ لنختار المحابس ...

ديانا : كتير حلو هاد المحبس .
كنان : بس انا عجبني التاني اكتر .
ام كنان : من يوم يومك مذوق يا ابني .
ديانا : خلص معناها مناخد يلي اخترتهن انت .
ام زيد : الف مبروك الله يهنيكن .
كنان : مرت عمي الخطبة بعد بكرا .
ام زيد : بعد بكرا بس لسا مو جاهزين ولسا ما اشترينا البدلة لديانا .
كنان : اليوم منشتريها و الخطبة بالصالة يعني مافي شي تجهزوه .
ام زيد : متل ما بدكن .
_________________________________________
#بقلم_فتاة_من_ورق

*صارت خطبتي و رجعت داوم بالجامعة بس طبعا كنان هو بيوصلني وهو بيرجعني وهيك مضى شهر على خطبتنا ...

ديانا : مرحبا .
كنان : اهلا وسهلا حبيبتي ، كيف كان يومك ؟
ديانا : متعب و حلو بنفس الوقت .
كنان : الله يقويكي ، شو وينها مايا ؟
ديانا : مايا لسا عندها محاضرة .
*مسك ايدي كنان و باسها ... ابتسمت بخجل ..
كنان : جبتلك هدية .
ديانا : عنجد !
كنان : اي امسكي هي العلبة فتحيها .
*مشي كنان بالسيارة و انا فتحت العلبة ...
ديانا : شو حلوة هالساعة ، بس شو المناسبة ؟
كنان : المناسبة اني بحبك و بموت فيكي .
ديانا : وانا كمان .
كنان : انتي كمان بدك تجيبيلي هدية ؟
ديانا : هههه انا كمان بحبك .
كنان : حبيبتي بدي اطلب منك طلب .
ديانا : تفضل .
كنان : انا ما عاجبني لبسك بدي ياكي تلبسي شي طويل للارض .
ديانا : بس جواكيتي كلهن تحت الركبة .
كنان : مع هيك انا ما بحب ام ولادي تطلع بالشارع بجواكيت بتلبسي شي للارض .
ديانا : امرك .
كنان : بظن صرتي تعرفيني اديش بغار عليكي .
ديانا : بعرف ولا يهمك المسا مننزل انا وامي عالسوق بشتري تياب طويلة .
كنان : اي اتصلي فيني وانا بجي باخدكن .
ديانا : حاضر .
كنان : وصلنا يلا نزلي .
ديانا : نزيل تغدا عنا .
كنان : بدي ارجع عالشغل تأخرت .
ديانا : الله يقويك ، باي .
كنان : باي .

*نزلت من السيارة وكالعادة حاسة بسعادة ما بتنوصف ...
_________________________________________
#بقلم_فتاة_من_ورق

وائل : بتعرف ابو عمر .
سامر : شو ؟
وائل : من لما رجعت عالشام وانا حاسس حالي مرتاح كتير .
سامر : الحمدلله وان شاء الله منزوجك و منفرح فيك .
وائل : اتزوج !
سامر : اي ليش شو ناقصك ؟
وائل : ما ناقصني شي بس انا ماعاد بدي اتزوج بعد هناء الله يرحمها .
سامر : من كل عقلك عم تحكي ؟
وائل : سامر انا لساتني بحبها لهناء ، يعني اذا تزوجت ما رح اقدر حب زوجتي الجديدة وهيك رح اظلمها معي .
سامر : متل ما قدرت تترك بيروت و تستقر هون رح تقدر تحب مرة تانية و تتزوج وتبلش من جديد ، ما بدك ولد يقلك بابا ؟ اي بربي لما بيضحكلي عمر بحس حالي ملكت الدنيا وما فيها .
وائل : خير ان شاء الله .
سامر : شو عندك بكرا ؟
وائل : ولا شي .
سامر : معناها عميل حسابك بكرا انت و اهلك معزومين عنا عالغدا .
وائل : ان شاء الله رح نجي اكيد .
_________________________________________
#بقلم_فتاة_من_ورق

ديانا : ماما اليوم بدو يجي كنان ياخدنا عالسوق .
ام زيد : ليش ؟
ديانا : مشان اشتري تياب جديدة .
ام زيد : شبهن تيابك ؟
ديانا : ما شبهن شي بس ما حب طولهن بدو ياني اشتري تياب اطول .
ام محمد : شو هالحكي هاد ؟!
زهرية : معلش بنتي حقو هاد رح يصير زوجك .
ديانا : وانا هيك عم قول ستي .
زهرية : بزماناتو جدك طلب مني غطي وجهي .
ديانا : عنجد !!!
زهرية : اي ليش تفاجأتي ؟
ديانا : لاني ولا مرة شفتك غطيتي وجهك لما بتطلعي
زهرية : اي شلتو بعد ما ختيرت مين بدو يتطلع فيني لسا .
ديانا : هههه لا تحكي هيك ستي لساتك بتاخدي العقل .
زهرية : اي جامليني كمان هههه

مايا : مرحبا .
ديانا : اجت ميوش .
ام محمد : اهلا و سهلا حبيبتي .
مايا : سمعت صوتكن وانا داخلة عالبناية عرفت انكن مجتمعين ببيت

ستي .
ديانا : كيف الرجعة لحالك ؟
مايا : بشعة كتير حسيت بالوحدة تضربي دندون لا عاد ترجعي بدوني .
ديانا : هههه من عيوني .
مايا : ديانا بدي اطلع اخد كتاب من عندك .
ديانا : اي امشي منطلع سوا .

*طلعنا انا و مايا عالبيت ...

ديانا : ميوش اذا في شي عاجبك من تيابي خديه .
مايا : ليش قررتي تورتيني تيابك فجأة ؟
ديانا : لانو كنان ماعاد بدو ياني البسهن لازم البس تياب طويلة للارض .
مايا : معقول هو ؟! ترا تحت الركبة يعني مو قصار .
ديانا : بتعرفي شو أحلى شي بالحياة .
مايا : شو ؟؟
ديانا : إنك تلاقي الانسان يلي يحبك من جوات قلبو و يغار عليكي .
مايا : بالنسبة الك هاد أحلى شي بس في بالحياة كتير اشياء اهم من الحب و الغيرة .
ديانا : انتي عم تحكي هيك لأنك ما جربتي هالشعور لسا .

*سكتت مايا و تطلعت بالارض ...

ديانا : شبك ؟
مايا : ولا شي ، انا نازلة لعند ستك .
ديانا : مايا زعلتي مني ؟
مايا : لا عادي معك حق انا لسا ما جربت هالشعور لحتى احكي ، باي .

*حسيت بالذنب بعد ما نزلت مايا لعند ستي يمكن انا جرحتها بطريقة حكيي بس بالنسبة الي حب كنان هو احلى شي صار بحياتي ...
_________________________________________
#بقلم_فتاة_من_ورق

ابو زيد : بعد ساعتين بتوصل الآلات الجديدة .
ابو محمد : حلو .
ابو زيد : انت رح تستقبل الخبراء .
ابو محمد : انا !
ابو زيد : اي ليش شو ناقصك لحتى ما تستقبلهن ؟
ابو محمد : بس بالعادة انت يلي بتستقبل الخبراء وقت بتجيب الات جديدة .
ابو زيد : و غيرت هالعادة انت لازم تبلش تشتغل شغلي انت اخي و سندي لنفرض انا شي يوم تعبت المعمل انت رح تستلمو .
ابو محمد : بعيد الشر الله يقويك و يديم عليك الصحة انا بدونك ما بسوا شي .
ابو زيد : الله يرضى عليك .
_________________________________________
#بقلم_فتاة_من_ورق

*المسا اخدنا كنان انا و امي عالسوق و كانت حماتي معنا ...

ديانا : ليك هاد الجاكيت طويل و حلو كتير .
كنان : لونو احمر .
ديانا : اي شو يعني ؟
كنان : من كل عقلك مفكرة ممكن اسمحلك تلبسي احمر مشان كل الناس تتفرج عليكي ، حبيبتي انا بغار عليكي و بشيل عيونو يلي بدو يتطلع عليكي .
ديانا : طيب خلص بلاه الاحمر اخترلي انت اللون و الموديل .
كنان : خدي هاد الكحلي و التاني الرمادي .
ديانا : حاضر .
ام زيد : بس هالالوان بتكبرها .
كنان : ديانا مو صغيرة مرت عمي ، نسيانة انها رح تصير صاحبة بيت ؟
ديانا : عادي ماما انا عجبوني كتير .
ام زيد : اعملو يلي بريحكن .
ام كنان : دخيل قلبكن اديش متفاهمين .
_________________________________________
#بقلم_فتاة_من_ورق

هند : ماما بكرا عازمين وائل و اهلو عالغدا عم خبرك مشان تطلعي تتغدي معنا .
زهرية : لا حبيبتي العزيمة بتصير ببيتي هيك اوجب بما انو في اهلو لوائل .
سامر : والله عم تحكي درر يا مرت عمي .
هند : متل ما بدك امي ، وينهن ام زيد و ديانا ؟
مايا : راحو عالسوق .
هند : وليش عم تحكيها بنبرة حزن ؟
مايا : ديانا كانت توأمي من لما نخطبت ماعاد شفتها منيح .
هند : هههه دخيلو الغيران ، بكرا انتي كمان بتنخطبي وماعاد تفضي لحدا .
مايا : انا غيرانة لاني حاسة كنان اخد توأمي مني مو غيرانة لانها مخطوبة وانا لا .
زهرية : دعيلها بالسعادة لانو هي سنة الحياة مهما ضليتو سوا بالنهاية كل وحدة منكن رح تروح على بيت زوجها .
مايا : الله يسعدها و يهنيها .

#يتبع
#بقلم_فتاة_من_ورق

#أراكِ_وطني
#الجزء_التاسع
#بقلم_فتاة_من_ورق

بصباح اليوم التاني

مايا : شو المناسبة ليش عم تلفو ورق عنب ؟ عازمين كنان عالغدا ؟
هند : لا حبيبتي عازمين رفيق سامر و اهلو .
زهرية : مايا روحي نادي لديانا خليها تجي تساعدنا باللف .
ام زيد : مستحيل تنزل هلأ .
زهرية : ليش ؟
ام زيد : عم تحكي عالتلفون .
مايا : والله هالكنان سرقلها عقلها مو بس قلبها .
هند : هههه الله يهنيون يا رب انا و سامر بايام الخطبة كنا نغفى عم نحكي مع بعض و اول ما نصحى نحكي مع بعض .
ام محمد : اي بتذكر و مرت عمو تعصب منك .
هند : ههههه
_________________________________________
#بقلم_فتاة_من_ورق

كنان : مافي داعي تطلعي ترسمي بالبرندا ولا بالجنينة ببيت جدك .
ديانا : ليش ؟
كنان : هيك ماعم يعجبني هالشي .
ديانا : حاضر متل ما بدك .
كنان : انا بحبك ديانا بحبك كتير لهيك بخاف عليكي وبدي تضلي متخبية بالبيت .
ديانا : وانا كمان بحبك و بخاف عليك .
كنان : الله يخليلي ياكي ، شو رأيك العرس بعد شهر ؟
ديانا : لا كنان اتفقنا لصير سنة رابعة و ليكني هلأ رح خلص سنة تاني .
كنان : يعني لسا بدنا مضل مخطوبين سنة .
ديانا : اي ليش مو مبسوط بأيام الخطبة ؟
كنان : مبسوط حبيبتي كتير مبسوط بس حابب ضل شايفك طول الوقت مليت من الحكي عالتلفونات .
ديانا : اي بكرا بتمل مني بس نتزوج .
كنان : انا ما بمل من حبيبتي و روحي .
ديانا : بتعرف شو .
كنان : شو ؟
ديانا : وانا عم حكيك خلصت واجب الرسم .
كنان : الله يعطيكي العافية صوريلي ياها متل العادة .
ديانا : من عيوني ، صار لازم تروح على شغلك .
كنان : صرت بالسيارة وهلأ ماشي .
ديانا : انتبه عحالك حبيبي .
كنان : وانتي كمان يا عمري .

*سكرت الخط و حضنت التلفون ...
ديانا : بحبككككك

ام زيد : خلصتي حكي ؟
*تطلعت بأمي نظرات خجل ..
ديانا : اي .
ام زيد : يلا انزلي مشان تساعدينا بالشغل ببيت ستك اليوم في عزيمة .
ديانا : والله ! لمين ؟
ام زيد : رفقات زوج عمتك .
ديانا : معلش قلو لكنان يجي ؟
ام زيد : انتي جنيتي ؟ هي العزيمة لرفقات زوج عمتك شو دخل كنان ، يا ربي تصبرني على هالبنت .
_________________________________________
#بقلم_فتاة_من_ورق

*متل العادة بلشت اسعل بالمكتب .. حطيت ايدي على تمي وانا عم اسعل ولما شلت ايدي تفاجأت بنقط دم صغيرة ...

ابو زيد : اكيد انجرح حلقي من كتر ما سعلت .

*دق باب المكتب اخي ابو محمد .. مسحت ايدي و رميت المحرمة بالزبالة ...

ابو زيد : تفضل اخي .
ابو محمد : اخي هي التقارير يلي كتبوها خبراء الآلات .
ابو زيد : تمام يعطيك العافية .
ابو محمد : الله يعافيك اخي ، ليش وجهك تعبان ؟ مريض شي ؟
ابو زيد : لا الحمدلله انا تمام بس مبارح تأخرت لنمت .
ابو محمد : اذا بدك رجاع عالبيت نام شوي لانو اليوم مجتمعين عند امك جاي رفيقو لسامر .
ابو زيد : اي صحيح كنت نسيان هالموضوع ، معناها تعال قعود محلي لروح عالبيت نام ساعة زمان .
ابو محمد : الله معك .
_________________________________________
#بقلم_فتاة_من_ورق

مايا : حليتي الواجب ؟
ديانا : اي وانا عم احكي مع كنان حليتو .
مايا : تضربي من ايمتا بتحلي واجبك لحالك ؟
ديانا : اسفة بس لقيت اللوحة قدامي حليتو .
مايا : ديانا انتي كتير متغيرة .
ديانا : كيف ؟
مايا : صاير همك الوحيد هو كنان و كلشي حلمناه سوا و قررنا نحققو سوا بلشنا نفترق فيه .
ديانا : معقول تفكري هيك ؟ انا مستحيل افترق عنك ميوشتي .
مايا : اكيد ؟
ديانا : اي اكيد .
مايا : معناها هلأ بس نخلص شغل منروح منحل واجبي سوا .
ديانا : من عيوني .
مايا : تسلملي عيونك .
_________________________________________
#بقلم_فتاة_من_ورق

الساعة 4 العصر

*وقفت قبال المراية زريت زرار القميص و لبست جاكيت البدلة ، حملت علبة العطر و رشيت منها على رقبتي ...

ام وائل : يا عمري انت هيئتك عريس .
وائل : هههه وحدي الله امي شو عريس .
ام وائل : الف بنت بتتمناك تطلع على حالك بالمراية شوف هالشبوبية ريتك ما تبلا يا عيون امك انت .

*التفتت و تطلعت على حالي بالمراية ...
--------------------------------------------
هناء : انا بزبطلك الكرافة .
وائل : ليش انا بقدر اطلع من البيت اذا ما مرتي حبيبتي زبطلتي الكرافة .
هناء : الله لا يحرمني منك ، ما تبلا هالرجولية ، والله بلشت خاف عليك .
وائل : هههه ليش ؟
هناء : بخاف شي صبية تسرقك مني .
وائل : انا لهناء و هناء الي ، نحنا خلقنا لنكون لبعض و بس .
هناء : الله يخلينا لبعض .
وائل : آمين .
-----------------------------------------

ام وائل : وااااااائل .
وائل : اي امي .
ام وائل : بشو شردت ؟ تأخرنا عالجماعة .
وائل : يلا تفضلو .
_________________________________________
#بقلم_فتاة_من_ورق

زهرية : يا مية اهلا و سهلا شرفتونا .
ام وائل : نحنا يلي تشرفنا بمعرفتك زهرية خانم .
ابو زيد : تفضلو يا جماعة اعتبرو البيت بيتكن .
ابو وائل :

الله يسلم ايديكن .
وائل : و الله انا بلشت احسد سامر على بيت حماه .
سامر : هههه بيت عمي مافي منهن .
ابو محمد : والله انت يلي مافي منك يا سامر .
هند : اي بديني لو عندي اخت كنت خطبتك ياها وائل .
وائل : اكيد بتشرف بس انا اخدت نصيبي من هالدنيا .
زهرية : لساتك بأول عمرك ابني و نصيبك مستنيتك .

مايا : ليش هاد هيك عم يحكي شو قصتو ؟
ديانا : ما بعرف والله علمي هلمك .
مايا : بس يروحو منسأل عمتك .
ديانا : فظيعة اديشك فضولية .

هند : وائل بعرفك على بنات اخواتي ، مو بس انت مهندس معماري و بترسم مخططات هن كمان رسامات بيرسمو احسن منك .
وائل : ههههه على عيني و راسي والله .
ديانا : تسلم .
مايا : كلك ذوق .
وائل : عم تدرسو هندسة ؟
ديانا : لا عم ندرس رسم .
وائل : درستوها مشان المجموع ولا عندكن موهبة و بدكن تنموها .
مايا : الرسم هوايتنا انا و ديانا من لما كنا صغار ، كنا نرسم على الحيطان بالجنينة ببيت جدي و نتخيلها لوحة وصرنا نحلم اننا نصير رسامات بالمستقبل .
ديانا : و كبرنا و كبر حلمنا وهلأ عم نحققو .
وائل : حلو كتير الله يوفقكن .
*سكتت بعد هالجملة و شردت...

سامر : وائل كول شبك شردت لا يكون ما عجبك الاكل ؟
وائل : هههه ما شردت بالعكس الاكل كتير طيب يسلمو ايديكن .
هند : وايديك صحة ومية هنا .
_________________________________________
#بقلم_فتاة_من_ورق

*الساعة 10 كل عيلة رجعت على بيتها ... دخلت على غرفتي و اتصلت بكنان ..

كنان : وينك لهلأ ؟ ليش ماعم تردي على اتصالاتي ؟
ديانا : روق حبيبي كان عنا عزيمة و هلأ لحتى فضيت امسك تلفوني .
كنان : ليش ما خبرتيني الصبح بهالعزيمة ؟
ديانا : ما عرفت فيها لبعد ما سكرت معك .
كنان : تاني مرة بتخبريني بكل تفصيل بيصير معك .
ديانا : امرك بس روق .
كنان : خير ان شاء الله .
ديانا : اشتقتلك .
كنان : وانا كمان اشتقتلك لهيك معصب .
ديانا : بكرا مداومة ما تنسى مشان توصلني .
كنان : من عيوني .
_________________________________________
#بقلم_فتاة_من_ورق

ام وائل : ما شاء الله عليهن اهل هند شو مرتبين .
ابو وائل : عيلتهن معروفة هدول اكابر مو حيلا .
ام وائل : ولا هالصبايا شو راكزات و انيقات .
ابو وائل : الله يحميهن .
ام وائل : ابني ليش ساكت ؟
وائل : شو بدي احكي عم اتسمع عليكن .
ام وائل : الله يفرحني فيك وان شاء الله بيكونو بيت حماك متل بيت حماه لسامر .
وائل :........

*وصلنا عالبيت ... دخلت على غرفتي و سكرت الباب ...

وائل : اديش بتشبهي هناء كأنك توأمها لولا العيب ما كنت شلت عيوني من عليكي .
_________________________________________
#بقلم_فتاة_من_ورق

*زادت سعلتي بالليل .. طلعت وقفت عالبرندا ...

ام زيد : حبيبي شبك ؟
ابو زيد : مافي شي انتي شو صحاكي ؟
ام زيد : صوت سعلتك .
ابو زيد : عادي بسيطة .
ام زيد : رح جبلك دوا سعلة .
ابو زيد : ماشي .

*اخدت نفس و تطلعت بالسما ...

ام زيد : سعلتك هي من الدخان مية مرة قلتلك بلالك ياه .
ابو زيد : والله معك حق .
*طالعت باكيت الدخان من جيبتي و رميتو بالزبالة ...
ابو زيد : خلص ماعاد في دخان .
ام زيد : شراب هاد الدوا هلأ بترتاح .
ابو زيد : ان شاء الله .
_________________________________________
#بقلم_فتاة_من_ورق

باليوم التاني

*طلعت من شغلي لروح جيب ديانا من الجامعة .. اخدت معي باقة ورد و دخلت عالجامعة لفاجئ ديانا ...

مايا : دندون مو هاد كنان ؟
ديانا : اي والله اول مرة بيفوت عالجامعة .

*ركضت لعند كنان مبسوطة وعم اضحك ...

كنان : هدول الوردات لوردتي الحلوة .
ديانا : يا الله شو حلوين .
مايا : اهلا و سهلا كنان .
كنان : اهلين فيكي يلا طلعو بالسيارة بدي اخدكن احلى مشوار .
مايا : انا مافيني روح عندي دراسة .
كنان : لا مو على كيفك ، بعد المشوار برجعكن عالبيت و بتدرسو سوا .

*مشينا باتجاه السيارة ....

حازم : انسة مايااا ، انسة ديانااااا .
كنان : مين هاد ؟
مايا : هاد حازم ، اهلين حازم .
حازم : شكرا لانو عطيتوني ادواتكن مبارح مشان الواجب .
مايا : عفوا .
حازم : شكرا انسة ديانا .
ديانا : اهلا .
حازم : يلا سلام .
كنان : استنى يا حازم .
حازم : نعم .
كنان : سماع يا حباب اذا تاني مرة بتقرب صوب هالانستين بدي شيل عيونك .
حازم : ليش هيك عم تحكي هن زميلاتي مافي غير هيك .

*قرب كنان و مسك حازم من تيابو ...

مايا : كنان اتركو الشب مؤدب .
كنان : بتنسى انو هالبنتين موجودات معك بالجامعة فهمتتتت .
حازم : فهمت فهمت .
كنان : يلا نقلع .

*طلعنا بالسيارة .. طالع كنان الباكيت و صار يدخن .

ديانا : هاد الشب مسكين هو الوحيد يلي منحكي معو بالجامعة و...
كنان : ولا حرف .
مايا : روق كنان مافي شي مستاهل .
كنان : ديانا .
ديانا : نعم .
كنان : من هاللحظة بتنسي الجامعة .

#يتبع
#بقلم_فتاة_من_ورق

#أراكِ_وطني
#الجزء_العاشر
#بقلم_فتاة_من_ورق

كنان : من هاللحظة بتنسي الجامعة .
ديانا : انت شو عم تقول ؟
كنان : متل ما سمعتي .
ديانا : ليش انا شو عملت .
مايا : حرام عليك كنان ديانا ما ذنبها .
كنان : مايا ما تدخلي انتي .
ديانا : كنان بترجاك روق والله انا ما عملت شي لحتى تحرمني من الجامعة .
كنان : بعرف ما عملتي شي بس انتي مرتي يلي بحبها و بغار عليها وما بقبل حدا يحكي معها حرف .
ديانا : طيب بوعدك ضل ساكتة بالجامعة .
كنان : اذا ضليتي ساكتة بتمنعيهن من انو يحكو معك بس مافيكي تمنعي نظراتهن الك .
ديانا : حبيبي هن احرار بنظراتهن بس
كنان : بدون بس رأيي ما رح غيرو ، اشتري كلشي ناقصك لانو عرسنا عن قريب .

*سكتت و نزلت راسي .. دمعو عيوني و حسيت بقهر و حسيت بكره كبير للشب يلي اسمو حازم اعتبرتو هو السبب بتدمير حلمي...

كنان : شو بلاقيكي سكتتي .
ديانا : شو بدي احكي .
كنان : يا عمري انا بحبك و لأني بحبك بغار عليكي من كل يلي حواليكي ، هلأ سؤال انتي اذا شفتي بنت عم تحكي معي بتغاري ولا ما بتغاري ؟
ديانا : بغار .
كنان : معناها لا تزعلي مني انا بدي ياكي اميرة ببيتي و مع الايام بخليكي تكملي دراستك .
ديانا : وعد ؟
كنان : وعد ، بس ورجيني الضحكة الحلوة .
*تطلعت بعيون كنان و ابتسمت ...
كنان : الله لا يحرمني من هالضحكة ، وصلنا نزلو .
مايا : يسلم ايديك كنان .
كنان : وايديكي .
ديانا : انتبه على حالك .
كنان : وانتي كمان حبيبتي .
_________________________________________
#بقلم_فتاة_من_ورق

وائل : سامر .
سامر : نعم .
وائل : خلص ولا شي .
سامر : احكي وائل شبك ؟
وائل : بدي اسألك سؤال بس خجلان منك و بتمنى ما تفهمني غلط .
سامر : انت اخي لك وائل كيف بدي افهمك غلط ، تفضل سألني عم اسمعك .
وائل : مبارح لما كنا عم نتغدا سوا كان في بنتين عرفتني عليهن هند .
سامر : اي .
وائل : الصبية يلي لون عيونها عسلي هي مخطوبة ؟
سامر : قصدك مايا لا مو مخطوبة بس ديانا مخطوبة .
وائل : خير ان شاء الله .
سامر : شو وائل ناوي تخطب يعني ؟
وائل : ما بعرف .
سامر : الله يخترلك الخير .
_________________________________________
#بقلم_فتاة_من_ورق

*دخلت على بيت ستي و بلشت ضب لوحاتي ...

مايا : شو عم تعملي ؟
ديانا : شوفة عينك عم ضب لوحاتي .
مايا : يعني بدك تتركي الجامعة ؟
ديانا : اي .
مايا : من كل عقلك ديانا لك هاد حلمنا .
ديانا : هو وعدني كمل بعدين لهيك بدي ضب لوحاتي مشان ما يخربو .
مايا : انتي اكيد جنيتي .
ديانا : كنان خطيبي و زوجي يلي بيحبني و بيغار عليي بكون مجنونة بس اذا بكسر كلمتو .
مايا : حقك تسمعي كلمتو اذا كنتي غلطانة بس انتي ما غلطتي وما لازم تتخلي عن حلمك بهالسهولة .
ديانا : مايا معلش ما تدخلي بحياتي ؟ .
مايا : متل ما بدك .
_________________________________________
#بقلم_فتاة_من_ورق

ابو زيد : شو دكتور ؟
الدكتور : بصراحة وضعك ما بيطمن انت كيف ساكت لهلأ ؟
ابو زيد : فكرتها سعلة عادية و بتروح .
الدكتور : كتبتلك على تحاليل و صورة اشعة للرئتين بدي ياهن باسرع وقت .
ابو زيد : ماشي .

*طلعت من عند الدكتور ركبت بسيارتي و رحت عالمعمل ...

ابو محمد : اخي وينك لهلأ ؟
ابو زيد : كان عندي شغلة ، قلي شوفي ؟
ابو محمد : هي الحسابات كاملة بس باقي انت تدققها .
ابو زيد : اخي دققهن انت انا بوثق فيك .
ابو محمد : شو صاير معك انت ؟ كلشي بترميه عليي .
ابو زيد : لاني عم شوفك احسن مني و اشطر مني .
ابو محمد : لا اخي انا من بعدك .
ابو زيد : يلا روح على مكتبك و دقق الحسابات .
ابو محمد : حاضر .
_________________________________________
#بقلم_فتاة_من_ورق

ام وائل : يعطيك العافية .
وائل : الله يعافيكي يامو .
ام وائل : روح بدل تيابك و تعال مشان نتغدا .
وائل : جوعان كتير باكل بعدين ببدل تيابي .
ابو وائل : كيف شغلك ؟
وائل : الحمدلله تمام .

*بعد الاكل رحت على غرفتي .. تمددت على تختي و صرت اتذكر ...
^^^^^^^^^^^^^^^^^^^^^^^^^^^^^^^^
مايا : الرسم هوايتنا انا و ديانا من لما كنا صغار ، كنا نرسم على الحيطان بالجنينة ببيت جدي و نتخيلها لوحة وصرنا نحلم اننا نصير رسامات بالمستقبل .
^^^^^^^^^^^^^^^^^^^^^^^^^^^^^^^^

وائل : طريقة حكيك و طريقة اكلك ابتسامتك و لفتة عيونك كأنك نسخة عن هناء ..

*طلعت من غرفتي ...

وائل : امي .. اميييي
ام وائل : نعم .
وائل : انا قررت اخطب .
ام وائل : عنجد عم تحكي ؟
وائل : اي عنجد .
ام وائل : الحمدلله يا ربي الحمدلله .
وائل : بدي تخطبيلي مايا .
ام وائل : مين مايا ؟
وائل : بتتذكري الصبايا يلي دلت عليهن مبارح هند لما كنا عندهن .
ام وائل : اي .
وائل : الصبية يلي لون عيونها عسلي هي هيي مايا .
ام وائل : من عيوني اليوم بحكي مع هند .
وائل : على مهلك لا تستعجلي .
ام وائل : شو ما استعجل انا ما صدقت اسمع منك كلمة خطبيلي .
_________________________________________
#بقلم_

فتاة_من_ورق

ديانا : شو رايك شعراتي هيك حلوين .
مايا : كتير حلوين شو المناسبة تعمليهن هيك ؟
ديانا : مافي مناسبة جاي كنان .
مايا : بتحبيه ؟
ديانا : بحبو كتير ما بتخيل حالي عيش بدونو لو بيطلب روحي بعطيه ياها بدون ما فكر .
مايا : وهو بتحسيه بيحبك ؟
ديانا : كل تصرفاتو و عم تسأليني بيحبك ، كنان بيموت فيني .
مايا : الله يخليكن لبعض ، انا نازلة لعند ستك باي .
ديانا : بس يروح كنان بلحقك .
مايا : اوكي .

#بقلم_فتاة_من_ورق

*عملت قهوة و نزلت لعند ستي ....

مايا : عملتلك اطيب فنجان قهوة .
زهرية : الله يرضى عليكي .
هند : عم تشربو قهوة بدوني .
زهرية : حماتك بتحبك هلأ جهزتلي القهوة مايا .
مايا : خدي فنجاني عمتي انا رح جيب فنجان الي .
هند : اي حبيبتي يسلمو ايديكي .

#بقلم_فتاة_من_ورق

*بعد نص ساعة اجا كنان ...

كنان : اشتقتلك .
ديانا : وانا اشتقتلك كتير .
كنان : حجزت الصالة لعرسنا بعد 25 يوم .
ديانا : عنجد ؟!! بس لسا ما جهزت كل اغراضي .
كنان : معك 25 يوم بتجهزي و بكل رياحة .
ام زيد : اهلا و سهلا صهري .
كنان : اهلين فيكي مرت عمي .
ديانا : ماما كنان حجز الصالة عرسنا بعد 25 يوم .
ام زيد : كتير بكير صهري و لسا ديانا ما بتكون عطلت من الجامعة .
كنان : الجامعة شو ما خبرتيها لامك ديانا ؟
ديانا : ماما اتفقنا انا و كنان اترك الجامعة هلأ و بعدين بكمل .
ام زيد : ما بعرف شو بدي قلكن ، على راحتكن .

#بقلم_فتاة_من_ورق

مايا : عمتي .
هند : نعم .
مايا : شو قصة رفيقو لعمو سامر ؟ مبارح لما جبتولو سيرة الزواج قال انا اخدت نصيبي من الدنيا .
هند : كان متزوج و ماتت مرتو .
مايا : الله يرحمها كيف ماتت ؟
هند : بحادث سيارة .
زهرية : الله يرحمها .
هند : آمين .
مايا : ما عندو ولاد ؟
هند : لا ماتت مرتو لما كانت حامل بالشهر التاني .
مايا : الله يعينو منيح ما عندو ولاد كانو عاشو حياة بشعة كتير .
هند : بظن لو كان عندو ولاد ما كانت حياتهن بشعة لانو وائل انسان حنون و فهمان و بعمرو ما زعلها للمرحومة مرتو .
_________________________________________
#بقلم_فتاة_من_ورق

بصباح اليوم التاني

*رحت الصبح عالمشفى عملت التحاليل و الصورة ...

الدكتور : لا حول ولا قوة الا بالله .
ابو زيد : شو دكتور ؟
الدكتور : مابعرف شو بدي احكي .
ابو زيد : احكي دكتور انا متوقع كلشي .
الدكتور : حسب الصورة و التحاليل تبينلي انو معك سرطان بالرئة .

*طلعت من عند الدكتور وجملة "سرطان بالرئة" ضلت بادني ... بهي اللحظة ما زعلت على شي قد ما زعلت على بنتي و مرتي شو رح يصير فيهن من بعدي ؟
_____________________________________________
#بقلم_فتاة_من_ورق

*******************
هند : الو .
ام وائل : صباح الخير .
هند : صباح الورد .
ام وائل : هند ايمتى فاضيين بدي اجي زوركن ؟
هند : بتنوري بأي وقت .
ام وائل : بس هي مو زيارة عادية .
هند : ما فهمت .
ام وائل : هي زيارة خطبة ، بدي اجي اخطب مايا لابني وائل .
هند : مية اهلا و سهلا منتشرف فيكن .
ام وائل : نحنا يلي منتشرف ، فاضيين اليوم الساعة 7 ؟
هند : اي .
ام وائل : اتفقنا لكن .
********************

*سكرت التلفون عم اضحك ...

سامر : شوفي ؟
هند : هي ام وائل بدها تخطب مايا لوائل .
سامر : اي ليش لا والله وائل مافي منو ، بتعرفي سألني عنها .
هند : والله شو قلك ؟
سامر : بس سألني اذا مخطوبة او لا .
هند : معناها اعجب فيها اكيد .
سامر : الله ييسر امرهن .

#يتبع
#بقلم_فتاة_من_ورق

#أراكِ_وطني
#الجزء_الحادي_عشر
#بقلم_فتاة_من_ورق

*طلعت من البيت لروح على جامعتي ...

هند : مايااا مايااااا
*التفتت شفت عمتي واقفة عالبرندا ...
مايا : نعم .
هند : لوين رايحة ؟
مايا : عالجامعة .
هند : طيب لا تتأخري في موضوع ضروري نحكي فيه .
مايا : حاضر .

*كملت طريقي .. حسيت بالوحدة بدون ديانا و كل خطوة عم اخطيها حسيت بتقلها .. وصلت عالجامعة ما الي نفس احكي ولا اضحك ...

الدكتور جهاد : انسة مايا .
مايا : نعم دكتور .
جهاد : بدي اسألك .
مايا : تفضل .
جهاد : ليش ديانا ماعاد داومت ؟
مايا : ديانا تركت الجامعة .
جهاد : ليش ؟؟؟
مايا : لانو عرسها قرب .
جهاد : رح تتزوج ؟!
مايا : اي .
جهاد : شكرا الك .
مايا : العفو .
جهاد : مايا خبري الطلاب مافي محاضرة اليوم .
مايا : خير دكتور ؟
جهاد : كلو خير ان شاء الله .

*مشي الدكتور جهاد وانا واقفة مصدومة من ردة فعلو ...
مايا : يلا احسن .
_________________________________________
#بقلم_فتاة_من_ورق

ام محمد : وائل !!
هند : اي وائل والله شب متل الوردة .
ام محمد : بس كان متزوج .
هند : انتي قلتيها كان يعني هلأ مو متزوج و ما عندو ولاد .
ام محمد : ما بعرف شو رأي ابوها بالموضوع .
هند : ليطلبوها اول بعدين بتعرفي رأي اخي .
ام محمد : أيّ ساعة رح تجي ام وائل ؟
هند : عالساعة 7 .
ام محمد : اهلا و سهلا .
_________________________________________
#بقلم_فتاة_من_ورق

*بلشت تزيد بقع الدم كل ما سعلت ...

ابو محمد : اخي دققت كل الحسابات .
ابو زيد : الله يعطيك العافية .
ابو محمد : الله يعافيك ، هلأ بخصوص الآلات الجديدة
ابو زيد : التقارير يلي كتبوهن الخبراء معك اختار كم عامل و خليهن يدرسو التقارير و يبلشو يشغلو الآلات .
ابو محمد : اخي فيك شي ؟
ابو زيد : لا اخي بس تعبان شوي بدي روح عالبيت ارتاح .
ابو محمد : خير ان شاء الله .

*طلعت من المعمل و رحت عالصيدلية اشتريت مسكن و قعدت بالسيارة ...

ابو زيد : يا رب رحمتك .
_________________________________________
#بقلم_فتاة_من_ورق

ديانا : كنان .
كنان : عيونو .
ديانا : اذا اجانا صبي اول شي بدي سميه زيد على اسم اخي الله يرحمو .
كنان : صحيح كيف توفى زيد ؟
ديانا : كان عمرو شهر ارتفعت حرارتو كتير و توفى .
كنان : الله يرحمو .
ديانا : آمين ، ما قلتلي شو رأيك بالفكرة ؟
كنان : مو موافق .
ديانا : ليش ؟
كنان : بدي سمي على اسم ابي ، الله يرحمو .
ديانا : الله يرحمو ، طيب اذا اجتنا بنوتة اول شي بدي سميها مايا .
كنان : لا منسميها رحاب على اسم امي .
ديانا : كلشي عندك لا .
كنان : حبيبتي هلأ خلينا نغير هالموضوع ليجي الصبي منصلي عالنبي .
ديانا : متل ما بدك .
كنان : جبتلك هدية رح اهديكي ياها يوم عرسنا .
ديانا : شو هي ؟
كنان : يوم العرس بتعرفي ، ديانا .
ديانا : نعم .
كنان : بعشقك .
ديانا : هههه وانا كمان .
_________________________________________
#بقلم_فتاة_من_ورق

*فتت لعند ستي مكتئبة ...

زهرية : شبها الحلوة راجعة بكير و مكتئبة ؟
مايا : الدوام بدون ديانا بشع كتير و الدكتور اعتذر .
هند : اجت عروستنا .
مايا : ديانا ؟
هند : لا انتي .
مايا : انا ؟!!!!
هند : اي انتي اجاكي عريس .
مايا : مين ؟
هند : وائل .
مايا : مين وائل ؟
هند : شبك هلأ ماعاد تعرفي وائل يلي توفت مرتو .
ام محمد : يلا حبيبتي طلعي جهزي حالك .
مايا : شو جهز حالي وشو عروس مين قلكن انا بدي اتزوج ؟!
هند : ميوش يعني معقول نقلع الجماعة ؟
مايا : لا طبعا بس انا ما بدي جهز حالي ولا بدي فوت .
زهرية : ما بصير حبيبتي حتى لو ما بدك تتزوجي لازم تلبسي احلى لبس و تفوتي .
ام محمد : مزبوط حكي ستك .

*تطلعت فيهن بعصبية و طلعت عالبيت ركض ...

هند : بنتك بتكون مجنونة اذا بترفض وائل .
ام محمد : طالعة شوفها .
زهرية : لا تضغطو عالبنت .
_________________________________________
#بقلم_فتاة_من_ورق

*شفت خالتي طالعة عالبيت ...

ديانا : شبها مايا خالتي ؟
ام محمد : ما بعرف شو صرلها .

*طلعنا انا و خالتي عالبيت .. كانت مايا قاعدة على تختها و عم تبكي ...

ديانا : شبك شوفي ؟
مايا : ما بدي اتزوج .
ديانا : مين جاب سيرة الزواج ؟
ام محمد : اليوم جاية ام وائل تطلبها لوائل وهي رافضة .
ديانا : ما بدك المهندس وائل ؟!! مجنونة انتي ؟
مايا : اي ما بدي ياه وما بدي اتزوج .
ديانا : ليش هيك عم تحكي ؟
مايا : لاني خايفة .
ديانا : من شو ؟
مايا : خايفة يكون متل كنان يضل يعصب عليي و يحرمني من الجامعة .
ديانا : اول شي كنان ما بيعصب عليي الا لانو بيغار وتاني شي هو ما حرمني من الجامعة نحنا اتفقنا كمل بعدين .
ام محمد : حبيبتي اذا صار نصيب بتتعرفي عليه بالخطبة و بتعرفي اخلاقو لا تحكمي على حدا ما بتعرفيه ومو كل اصابعك متل بعض .
ديانا : قومي خليني ساويلك شعراتك مو معقول تفوتي شعرك منكوش .
مايا : ههههه
ديانا : اي هيك اضحكي لانو الموضوع طبيعي واذا ما عجب

ك بتقولي مو موافقة .
مايا : ان شاء الله .
ديانا : يلا امشي معي .
_________________________________________
#بقلم_فتاة_من_ورق

*وصلت امي على بيت مايا ...

وائل : انطرك هون ؟
ام وائل : لا حبيبي روح بتصل فيك .
وائل : متل ما قلتلك ماما بدي اتعرف عليها قبل الخطبة .
ام وائل : ماشي ، سلام .
وائل : الله معك .

#بقلم_فتاة_من_ورق

هند : مية اهلا و سهلا خالة .
ام وائل : اهلين فيكي .
ام محمد : شرفتينا ام وائل .
ام وائل : انا يلي تشرفت فيكن .

*دخلت على غرفة الضيوف بابتسامة باهتة ... قربت من ام وائل و ضيفتها القهوة ...

ام وائل : يسلمو ايديكي حبيبتي .
مايا : وايديكي .
ام وائل : ما شاء الله عليكي من لما شفتك يوم العزيمة وانتي ببالي و حابة اخطبك لوائل و قبل ما افتح معو الموضوع هو طلب مني اخطبك .
ام محمد : الله يقدم يلي فيه الخير .
ام وائل : بس بعد اذنك ام محمد ابني حابب يتعرف عليها عالتلفون قبل الخطبة .
ام محمد : اي مافي مشكلة ، اليوم بحكي مع ابو محمد و باخد اذنو .
ام وائل : هي رقم وائل تفضلي .
_________________________________________
#بقلم_فتاة_من_ورق

الساعة 10 اجتمعنا ببيت ستي عالعشا

ام محمد : اليوم اجت ام وائل و طلبت مايا .
ابو محمد : ام المهندس وائل ؟
ام محمد : اي .
ابو محمد : والله والنعم منهن .
ابو زيد : هالشب مافي منو والله .
سامر : وائل رفيقي من زمان ولو كان عندي بنت و طلبها مستحيل ارفض .
ام محمد : بس هو طلب يتعرف على مايا عالتلفون قبل الخطبة .
زهرية : اي ليش لا هيك بيفهمو بعض اكتر و بيقررو اذا بدهن يكملو مع بعض ولا لا .
ابو محمد : رأيي من رأي امي .
سامر : بس ما عرفنا شو رأي مايا ؟
مايا : ما بقدر قول رأيي بحدا ما بعرفو .
هند : انا متأكدة بس تتعرفو على بعض رح تكملو حياتكن سوا .
ام زيد : الله يخترلهن الخير .
ام محمد : آمين .
_________________________________________
#بقلم_فتاة_من_ورق

باليوم التاني

*سجلت رقم وائل و اتصلت فيه...
***********************
وائل : الو
مايا : مرحبا .
وائل : اهلين ، مين ؟
مايا : انا مايا .
وائل : اهلا و سهلا مايا كيفك .
مايا : الحمدلله .
وائل : كتير فرحت باتصالك .
مايا : تسلم .
وائل : ما حابة تعرفي عني شي ؟
مايا : عمو سامر و عمتو هند حكولي عنك كتير حكي حلو .
وائل : وقالولك اني كنت متزوج ؟
مايا : الله يرحمها .
وائل : آمين ، يعني ما عندك مشكلة بهالشي ؟
مايا : انا ما عندي مشكلة الا بشغلة وحدة .
وائل : شو ؟
مايا : خايفة انك تطلب مني اترك الجامعة و هالشي مستحيل اقبل فيه لاني عايشة كرمال حقق حلمي .
وائل : هههه مين قلك رح اطلب منك هيك طلب ؟ مايا انتي اذا وافقتي رح تصيري مرتي و ام ولادي وانا ما بقبل ام ولادي ما تكون متعلمة و ما معها شهادة ، انا بدي لما اقعد مع الناس افتخر بمرتي .
مايا : شكرا وائل .
وائل : على شو ؟ هاد حقك تتعلمي و تحققي حلمك انتي ماعم تطلبي اكتر من حقك .
مايا : انت ما بتتخيل اديش ارتحت بعد ما حكيت معك كنت خايفة كتير .
وائل : لا تخافي مايا طول ما انا معك ما تخافي .
مايا : ان شاء الله .
وائل : بكرا رح نجي انا و امي و نطلبك من ابوكي .
مايا : اهلا و سهلا .
*********************

*سكرت التلفون وانا عم ابتسم .. حسيت براحة و صدقت حكي عمتي عن وائل ..

#بقلم_فتاة_من_ورق

(باليوم التاني اجا وائل و طلبني من ابي .. وهيك بلشت حياة جديدة مع هالانسان ..)

مايا : ديانا شو رأيك بمحبسي ؟
ديانا : حلو كتير مين اختارو ؟
مايا : انا .
ديانا : ما شاء الله ، الله يهنيكن .
مايا : بتعرفي ديانا وائل كتير قلبو طيب .
ديانا : ههههه يلي بيشوفك هلأ ما يشوفك قبل 5 ايام كيف كنتي عم تبكي ما بدك ياه .
مايا : هههه اي ما كنت بعرفو .
ديانا : الله يسعدكن .
مايا : ويسعدك مع كنان .
ديانا : آمين .
_________________________________________
#بقلم_فتاة_من_ورق

ابو زيد : فادية .
ام زيد : نعم .
ابو زيد : وقعي هون .
ام زيد : شو هاد ؟
ابو زيد : وقعي بتعرفي .

*مسكت القلم لحتى وقع ...

ام زيد : كتبت البيت باسمي ؟
ابو زيد : اي حبيبتي مبروك عليكي .
ام زيد : ليش ؟؟؟؟
ابو زيد : بدي اضمنلك حقك ، انا ما بعرف ايمتا بروح من هالدنيا .
ام زيد : بعيد الشر عن قلبك ليش هيك عم تحكي ، انت رح تضل حبيبي و جنبي و سندي .
ابو زيد : ان شاء الله ، يلا وقعي .
ام زيد : انت مخبي عليي شي ؟ التعب مبين على وجهك .
ابو زيد : لا تخافي حبيبتي انا منيح .
_________________________________________
#بقلم_فتاة_من_ورق

*مضيت الايام و اجا اليوم يلي رح تفارقنا ديانا ....

ديانا : كيف طالعة ؟
مايا : بتجنني ، حلوة كتير .

*قربت من ديانا و حضنتها ما قدرت امنع دموعي بهاللحظة ...

ديانا : ميوش بيكفي بكي نزلو دموعي هلأ بيخرب مكياجي .
مايا : مو بايدي والله .
هند : خلص عمتي حاج تبكو هاد عرس شبنا .
ام زيد : الله يحميكي و يسع

#أراكِ_وطني
#الجزء_الثاني_عشر
#بقلم_فتاة_من_ورق

بصباح اليوم التاني

***********************
مايا : الو .
وائل : صباح الخير .
مايا : صباح الورد .
وائل : شبو صوتك كأنك عم تبكي ؟
مايا : اي .
وائل : ليش ؟
مايا : هاد اول صباح بدون ديانا .
وائل : ههه مايا حبيبتي هي سنة الحياة ، المهم نبسطتي بالعرس مبارح ؟
مايا : اي وفي وحدة خطبتني وزعلت لما عرفتني مخطوبة هههه
وائل : الحمدلله لحقت حالي و خطبتك قبل ما حدا ياخدك .
مايا : هههه
وائل : معك نص ساعة لتجهزي حالك .
مايا : ليش ؟
وائل : بدي اجي اخدك نفطر برا .
مايا : اوكي ناطرتك .
*************************
_________________________________________
#بقلم_فتاة_من_ورق

ام كنان : كنان ، ديانا يلا الفطور جاهز .
كنان : يلا امي جايين .

ديانا : صباح الخير .
كنان : صباح الفل حبيبتي ، امي ناطرتنا عالفطور .
ديانا : يلا لاحقتك .

*غسلت وجهي ، رتبت شعري ، تعطرت و طلعت ...

ديانا : صباح الخير مرت عمو .
ام كنان : صباح النور بنتي .
كنان : يسلم ايديكي امي .
ام كنان : صحة وهنا ، شو رأيك بالفطور ديانا ؟
ديانا : يسلمو ايديكي كتير طيب .
ام كنان : كل يوم الصبح بتعملي متل هالفطور ، انا اليوم دللتك لانو صباحية عرسك بس ابتداءً من بكرا ماعاد الك حجة .
كنان : طبعا امي ديانا رح تصير مسؤولة عن كلشي ، صح حبيبتي ؟
ديانا : اي صح .

*ابتسمت ابتسامة باهتة و كملت اكلي بدون نفس ...
_________________________________________
#بقلم_فتاة_من_ورق

ام زيد : جمال عملتلكم قهوة .
ابو زيد : الله يسلم ايديكي .
ام زيد : البيت فاضي بدون ديانا ، بالعادة كل يوم حكي و ضحك من الصبح ، الله يسعدها .

*تطلعت بمرتي .. كانت عم تحكي عن ديانا و الدمعة بعينها .. شو رح يصير فيكي من بعدي ؟ كيف رح تكملي حياتك ؟

ام زيد : جمال بشو شردت ؟
ابو زيد : ولا شي معك حق البيت فاضي بدونها .

*بلشت اسعل .. ركضت عالحمام وغسلت تمي من الدم ...

ام زيد : جمال انت منيح ؟
ابو زيد : اي حبيبتي انا منيح ، اعمليلي كاسة زهورات .
ام زيد : اي من عيوني .
_________________________________________
#بقلم_فتاة_من_ورق

وائل : عجبك المطعم ؟
مايا : اي بس مافيني ابقى اكتر من ساعة لانو عندي محاضرة .
وائل : لا تخافي انا بوصلك .
مايا : وائل .
وائل : نعم .
مايا : انا في عندي زميل بالجامعة اسمو حازم بساعدو و بعطيه ادواتي يحل الواجبات لانو ما عندو ادوات هالشي بيزعجك ؟
وائل : ليكي مايا مافي رجال بالعالم ما بينزعج اذا مرتو حكت و تعاملت مع حدا غريب بس طالما هالتعامل ضمن الحدود ما عندي مشكلة ابدا .
مايا : يا الله اديش بتختلف عن كنان .
وائل : كنان شب صغير بالعمر بكرا بيكبر عقلو و بيتغير .
مايا : يعني كنت تعامل المرحومة مرتك متل ما كنان بيعامل ديانا ؟
وائل : الله يرحمها .

*لحظة صمت ، رجعتني جملة مايا بالزمن .. ذكرتني بهناء يلي صارت حرقة بقلبي ...

وائل : مايا فيني اطلب منك طلب .
مايا : اي اكيد .
وائل : ممكن تنسي موضوع المرحومة وماعاد تجيبي سيرتها ؟
مايا : اسفة اذا زعجتك ما كنت بعرف انو هالموضوع بيزعجك هيك .
وائل : لا تتأسفي ولا يهمك ، خلينا بمستقبلنا هلأ .
مايا : اي .
وائل : النا شهر مخطوبين ما حددنا موعد العرس .
مايا : بعد شهرين بكون صرت سنة تالتة .
وائل : تمام اتفقنا .
مايا : يلا قوم وصلني عالجامعة .
وائل : من عيوني ، تفضلي .
_________________________________________
#بقلم_فتاة_من_ورق

*وصلت عالمعمل متأخر....

ابو محمد : اخي وينك لهلأ ؟ شو صايرلك ؟
ابو زيد : زاهر بدي احكي معك بموضوع ضروري .
ابو محمد : احكي اخي .
ابو زيد : انا ما بعرف اديش باقيلي بهالحياة يمكن اسبوع يمكن شهر يمكن سنة بس يلي بعرفو انو ورايي اخ رح يسند عيلتي من بعدي .
ابو محمد : بعيد الشر عنك اخي الله يطول عمرك .
ابو زيد : هاد قدري مافيني اهرب منو .
ابو محمد : كلنا ما منعرف ايمتى بنموت بس ما منحكي هيك .
ابو زيد : كلكن مو متلي .
ابو محمد : اخي زعجتني بحكيك فهمني شبك .
ابو زيد : انا معي سرطان بالرئة .
ابو محمد : شووو .. كيف ؟ ومن ايمتى بتعرف ؟
ابو زيد : بعرف من اكتر من شهر .
ابو محمد : و ساكت ؟؟؟!!! ليش ماعم تتعالج ؟
ابو زيد : لانو ماعاد ينفع العلاج لو مكتشفين المرض ابكر من هيك كنت تعالجت بس هلأ فات الاوان .
ابو محمد : مستحيل مافي شي ما الو علاج ، بسفرك على اوروبا تتعالج .
ابو زيد : اخي الله يرضى عليك انا خبرتك مشان تعذرني على تقصيري و سفر برات هالبلد ما رح سافر بدي عيش هالايام الباقية معكن وانا مبسوط .
ابو محمد : الله يطول عمرك .
ابو زيد : وفي شي تاني لازم تعرفو .
ابو محمد : شو ؟
ابو زيد : حصتي بالمعمل كتبتها باسم بنتي ديانا ، حاسس هالبنت ما رح ترتاح بحياتها لهيك ضمنتلها حقها .
ابو محمد : الله يعافيك و يطول عمرك اخي .
ابو زيد : اتعافى من السرطان لك اخي ؟! بكل الاحوال امين الله ي

الصالون لانو طلعة مايا من البيت ...

#بقلم_فتاة_من_ورق

ابو محمد : مايا .
مايا : نعم بابا .
ابو محمد : هلأ بتطلعي على بيت عمك بتودعي عمك .
مايا : اي حاضر بابا .

*طلعنا انا و مايا على بيت اهلي .. شفت ابي بالفرشة تعبان .. هي اول مرة بشوفو بهالحالة ...

ديانا : بابا شبك .
ابو زيد : تعبان شوي حبيبتي لا تخافي .
مايا : شو يلي عم يوجعك عمو ؟
ابو زيد : جسمي كلو عم يوجعني كأني مكرب .
ديانا : سلامة قلبك يا حبيبي .
مايا : سلامتك عمو .
ابو زيد : ام زيد اعطيني هدية مايا .
ام زيد : من عيوني .. تفضل .
ابو زيد : هاتي ايدك عمي .

*لبسني عمي اسوارة هدية عرسي ... مسكت ايدو و بستها...

ابو زيد : الله يرضى عليكي ويسعدك .
مايا : الله يطول عمرك .
ديانا : وانا ما بدك تهديني ؟
ابو زيد : ههههه غيورة .
ديانا : لا مو غيرة انا بدي هدية لاني حامل .
ام زيد : الف مبروك يا حبيبتي .
ابو زيد : الله يتمملك على خير يا عيوني ، معناها هاتي هدية ديانا .
ديانا : ههههه عم امزح بابا .
ام زيد : هي هديتك اشتراها ابوكي من لما تزوجتي مشان لما تبشرينا هالبشارة .
ابو زيد : قربي لعندي .

*لبسني ابي سنسال بحياتي ما شفت ولا رح شوف احلى منو ...

ابو زيد : الله يرضى عليكن ، يلا ام زيد جهزي حالك مشان تروحي عالعرس .
ام زيد : لا بدي ابقى معك .
ابو زيد : انا صرت منيح ، رح نام شوي لترجعي .
ام زيد : حاضر .
_________________________________________
#بقلم_فتاة_من_ورق

*حفلة عرس مايا من احلى الحفلات يلي حضرتها ... نظرة عيون وائل لمايا نظرة عاشق و متيم بالحب ومايا ما كانت واسعتها الدنيا من فرحتها ...

#بقلم_فتاة_من_ورق
*خلص العرس و رجعنا على بيوتنا ...

كنان : من وين هالسنسال ؟
ديانا : هداني ياه بابا لاني طلعت حامل .
ام كنان : انا بعرف بيهدو لما بتولدي ما لما بتحملي .
ديانا : الي هدية تانية لما اولد .
ام كنان : اي الله يخليلك هالبابا .
ديانا : آمين .
_________________________________________
#بقلم_فتاة_من_ورق

زهرية : الله يهنيها و يسعدها .
ام محمد : امين .
هند : انا مأمنة عليها مع وائل الله يسعدهن .
ام زيد : الله يبيض ايامهن ، انا بدي اطلع عالبيت تصبحو على خير .
زهرية : وانتي بخير .

*طلعت على بيتي وانا مبسوطة ...

ام زيد : جمال حبيبي لهلأ نايم ؟! قوم لاحكيلك شو صار بالعرس ، والله شكلك بسابع نومة .

*وقفت قبال المراية مسحت مكياجي وقربت لحتى غطي زوجي ... تفاجأت من دم طالع من تمو وماعم يتنفس .. بلشت تختفي ابتسامتي و دقات قلبي صارت تتسارع ...

ام زيد : جمال ، جمال حبيبي رد عليي جمااااال .

#يتبع
#بقلم_فتاة_من_ورق

#أراكِ_وطني
#الجزء_الثالث_عشر_الأخير
#بقلم_فتاة_من_ورق

*وقفت قبال المراية مسحت مكياجي وقربت لحتى غطي زوجي ... تفاجأت من دم طالع من تمو وماعم يتنفس .. بلشت تختفي ابتسامتي و دقات قلبي صارت تتسارع ...

ام زيد : جمال ، جمال حبيبي رد عليي جمااااال .

*حضنت جمال وصرت صرخ و ابكي ....

#بقلم_فتاة_من_ورق

ابو محمد : هاد صوت مرت اخي .
ام محمد : اي صوت فادية ، خير ان شاءالله .
ابو محمد : اخي .

*نزلت من بيتي و صرت دق باب بيت اخي بقوة ...

ابو محمد : افتحي ام زيد .
*كنت عرفان انو هاليوم رح يجي بس يلي ما كنت عرفانو انو بيوجع هالقد ...
_________________________________________
#بقلم_فتاة_من_ورق

بصباح اليوم التاني

ام كنان : قوم ابني قوم صحي مرتك و خدها على بيت اهلها .
كنان : والله خايف عليها شو بدو يصير فيها لما تعرف ، لا حول ولا قوة الا بالله .
ام كنان : اول عن آخر رح تعرف قوم وديها من هلأ خليها تودع ابوها قبل ما يدفنوه .
كنان : حاضر .

*دخلت على الغرفة .. قربت من ديانا و صحيتها بهدوء ..

كنان : ديانا حبيبتي .
ديانا : اي كنان .
كنان : قومي اشربي قهوة معي قبل ما روح على شغلي .
ديانا : اديش الساعة ؟
كنان : الساعة 7 .
ديانا : عملت قهوة ؟
كنان : اي عملت بس قومي .
ديانا : الله لا يحرمني منك شو بحب يومي لما بتصبح فيك ، عنجد لا عاد تتركني نايمة و تروح عالشغل كل يوم صحيني معك .
كنان : تكرم عيونك .
_________________________________________
#بقلم_فتاة_من_ورق

وائل : يسعد صباحك يا عروس .
مايا : صباح الفل حبيبي .
وائل : حضرتلك الفطور .
مايا : الله يخليلي ياك .

*غسلت وجهي .. رفعت شعري بالملقط و قعدت عالسفرة ...

وائل : بس تخلصي اكل ضبي شنتة صغيرة مشان نروح نودع اهلي و نسافر .
مايا : لوين بدنا نسافر ؟
وائل : ما بدنا نبعد كتير على تركيا ، اسبوع زمان و منرجع .
مايا : اي تمام .
وائل : ليش هيك رافعة شعرك فرديه .
مايا : هههه حاضر .
_________________________________________
#بقلم_فتاة_من_ورق

كنان : ديانا قومي جهزي حالك .
ديانا : ليش ؟
ام كنان : اهلك بدهن ياكي .
ديانا : غريبة ليش ما خبروني مبارح !
كنان : يلا حبيبتي بسرعة جهزي حالك مشان ما اتأخر على شغلي .
ديانا : اوكي ثواني .

*دخلت على غرفتي لحتى بدل تيابي ...

ام كنان : ليش ما خبرتها ؟
كنان : مافيني خلص اهلها بيخبروها .
ام كنان : بدك تتركها و تروح عشغلك ؟
كنان : لا طبعا أيّا شغل هاد وعمي توفى .
ديانا : شو .. شو قلت كنان ؟
كنان : ولا شي .
ديانا : مين عمك يلي توفى ؟ ميييين ؟
ام كنان : ديانا اهدي بنتي .
ديانا : ليش عم تقوليلي اهدي مرت عمو .. بابا ؟ كنان بتقصد بابا ؟
كنان : لا حول ولا قوة الا بالله ، اهدي حبيبتي هي سنة الحياة الله يرحمو و يغفرلو .
ديانا : ولي على آمتي وليييي على آمتي .

*رحت على بيت اهلي .. لأول مرة بشوف هالبيت اسود رغم الإضاءة .. تمنيت لو اني متت قبل ما شوف هاليوم .. حسيت بالبرد عم ينخر عضامي .. حسيت قلبي احترق و صار رماد ...
_________________________________________
#بقلم_فتاة_من_ورق

*دخلنا على بيت حمايي .. استقبلتنا حماتي بكل برود و بدون ابتسامة ...
ام وائل : اهلا و سهلا .
وائل : كيفك امي .
مايا : طمنينا عنك مرت عمو .
ام وائل : الله يرضى عليكن .
وائل : وينو ابي ؟
ام وائل : طلع من الصبح .
وائل : كنا بدنا نودعو انا ومايا قبل ما نسافر .
ام وائل : ابني اجلو سفرتكن هلأ .
وائل : ليش ؟
ام وائل : ما بيصير تسافر لانو .. لانو
وائل : لانو شو ؟ احكي امي .
ام وائل : لانو اليوم الصبح وصلنا خبر وفاة ابو زيد عمها لمايا .
مايا : عميييييييي
وائل : شو ؟ كيف ؟؟؟

*فتحت الباب و نزلت عالشارع ركض ...

وائل : مايا استني مايا .
_________________________________________
#بقلم_فتاة_من_ورق

*بعد مرور عدة أشهر*

ام زيد : مرت عمو ولدت ديانا بدي روح عالمشفى بدك شي ؟
زهرية : سلامتك يا بنتي ، يا رب قلبي ماعاد يتحمل فقدان ابني .. يا رب خدني و ريحني .

#بقلم_فتاة_من_ورق

مايا : ما شاء الله شو ناعمة هالبنت ، كتير بتشبهك ديانا .
ديانا : حبيبتي ميوش الله يفرحنا بقيامك بالسلامة .
مايا : آمين .
ام كنان : صورتي مايا ؟
مايا : اي خالة .
ام كنان : شو طلع معك ؟
مايا : صبي ان شاء الله .
ام كنان : عقبال كنتي لما تجيب الصبي و تفرح قلب ابني .
مايا : الله كريم .
*توترت من جملة حماتي و حاولت غير الموضوع ...
ديانا : كنان خلينا نسميها مايا .
كنان : بعدين منحكي بهالموضوع .
مايا : عن اذنك دندون انا بدي روح عالجامعة المسا برجع بجي لعندك .
ديانا : الله معك حبيبتي .
_________________________________________
#بقلم_فتاة_من_ورق

وائل : كيف شفتيها للصغيرة ؟
مايا : الله يحميها بتجنن .
وائل : و ابني كيفو ؟
مايا : هههه منيح الحمدلله .
وائل : مو مصدق ايما يجي على هالدنيا و احملو بايديي و ي