📚قصص||روايات||منوعة📚

#الجزء_الأول
#بقلم_فتاة_من_ورق
Telegram:@rwayate
((تمسكوا بالأحلام ... لأن الأحلام إذا ماتت فإن الحياة سوف تشبه الطيور مكسورة الجناحين التي لا يمكن أن تطير ... فلا يوجد شيئ مثل الحلم لخلق المستقبل ...))

(في دمشق)

*الساعة 9 بالليل ، سهرانين انا و بنت عمي يلي هي بنفس الوقت بنت خالتي عالسطح و عم نتأمل السما و النجوم ...

ديانا : ميوش .
مايا : اي .
ديانا : شايفة هي النجمة يلي عاليمين .
مايا : قصدك هي اكتر نجمة عم تلمع ؟
ديانا : اي .
مايا : شبها ؟
ديانا : هي انا .. هيك رح صير نجمة المع بسما الفن ، رح صير اشطر رسامة بالعالم ، بيع لوحاتي كلهن و الناس تنطر ديانا ترسم لوحة ليتنافسو مين بدو يشتريها .
مايا : اووووه طولي بالك لسا بكرا اول يوم دوام النا بالمعهد .
ديانا : ليش هيك عم تحكي ؟ كأنك مو متحمسة و كأنو نسيتي انو هاد حلمنا يلي بدنا نحققو سوا ؟ انتي كمان رح تصيري نجمة لامعة متلي .
مايا : بعرف هالشي انا اكيد ما نسيت حلمنا بس انا بحب حقق كلشي بهدوء و تروي .. بحب اعطي كل وقت حقو يعني حكيك هاد منحكيه لما منتخرج ومنبيع اول لوحة اما هلأ خلينا نفكر ببكرا ، قولك كيف رح يكون اول يوم دوام ؟؟
ديانا : اكيد حلو .. رح نتعرف على صبايا بيشبهونا و نفس تفكيرنا .. و رح نصير نرجع عالبيت ايدينا الوان و خرابيش هههه .
مايا : هههههه مجنونة .
_________________________________________
#بقلم_فتاة_من_ورق

اسمي ديانا عمري 18 سنة و مايا بنت عمي كمان عمرها 18 سنة خلقنا انا وياها بنفس السنة بس انا اكبر منها بشهرين .. ربينا سوا لاننا ساكنين بنفس البناية .. ستي ام ابي ساكنة بالدور الارضي و بابا ساكن بالدور الاول و عمي ابوها لمايا ساكن بالدور التاني بالنسبة للبيت يلي بالدور التالت فاضي لانو هالبيت باسم عمتي هند الوحيدة متزوجة و مسافرة برات البلد ... جدي قبل ما يتوفى كتب كل بيت باسم ولد من ولادو و البيت الارضي سجلو باسم ستي لانو خاف عليها بيوم حدا يمل منها و يرميها بدار العجزة ...
_________________________________________
#بقلم_فتاة_من_ورق

(في بيروت)

وائل : هناء .. هناء وينك يا عمري .
هناء : اي حبيبي انا بالمطبخ ، الحمدلله على سلامتك .
وائل : شو عم تعملي ؟
هناء : عم حضر العشا روح بدل تيابك مشان ناكل .
وائل : انا ما قلتلك لا تعذبي حالك ولا تتحركي من محلك مشان ابننا يجي بخير و سلامة النا ناطرينو 3 سنين .
هناء : طيب والله مليت من القعدة و الراحة .
وائل : اي اطلعي من المطبخ انا بكمل تحضير الاكل .
هناء : كرمالي روح بدل تيابك ، تحضير الاكل مافي اسهل منو و بوعدك بكرا اتصل بالخدامة تجي تنضف البيت كلو .
وائل : الله يصبرني عليكي .
هناء : الله يخليلي ياك شو بحبك لما بتضوج .
وائل : وانا بحبك بكل حالاتك .
هناء : هههه يلا روح روح .
وائل : امرك .

*طلع وائل من المطبخ وهو عم يبتسملي ... تزوجنا انا و وائل من 3 سنين زواج تقليدي بلشنا نحب بعض و صار يكبر هالحب يوم بعد يوم و كأننا منعرف بعض من لما نولدنا ...

_________________________________________
#بقلم_فتاة_من_ورق

(في دمشق )
Telegram:@rwayate
محمد : شو بدكن تضلو قاعدين عالسطح ؟
ديانا : الجو حلو كتير تعال قعود معنا .
محمد : نزلو تعشو العيلة كلها اجتمعت ببيت ستنا وباقي انتي و مايا .
مايا : يلا نازلين اخي .

#بقلم_فتاة_من_ورق

*اجتمعت العيلة كلها حوالي السفرة .. ستي بتقعد براس السفرة .. ابي و امي ونحنا على يمينها .. عمي ابو محمد و عيلتو على يسارها ....

زهرية : ابو زيد .
ابو زيد : نعم امي .
زهرية : بكرا بتبعت 500 دولار لاختك .
ابو زيد : امرك امي .
زهرية : وانت ابو محمد بتحول 500 دولار متل اخوك .
ابو محمد : تكرم عيونك و عيون اختي .
زهرية : اذا اختكن عايشة بالغربة هاد ما بيعني انو ما نعزها .
ابو زيد : معك حق امي .
ابو محمد : لو بتطلب عيوننا منقدملها ياهن .
ام زيد : ايمتا رح تنزل هند مرت عمو ؟
زهرية : عالاغلب بعد شهر .
ام زيد : الله ييسرلها .
ام محمد : الله يجيبها بالسلامة .
زهرية : آمين ، يلا سمو بالله و كلو .
ابو زيد : بسم الله .
_________________________________________
#بقلم_فتاة_من_ورق
Telegram:@rwayate
( في بيروت )

وائل : هناء .
هناء : نعم حبيبي .
وائل : وانا راجع عالبيت شفت محل العاب ، هالمحل كان عارض عالباب سيارة كبيرة اول ما تولدي بدي جبلو ياها لابننا .
هناء : ليش بتضل بتقول ابننا ؟ يمكن تكون بنت لسا الي شهرين حامل وما منعرف شو معي .
وائل : بنت ! والله ما فكرت بهالموضوع .
هناء : يعني ما بدك بنت ؟
وائل : اذا بنت بتشبهك بدي عشر بنات .
هناء : هههه الله يبعتلنا الخلقة التامة .
وائل : امين .
هناء : حبيبي بتسمحلي بكرا روح عالسوق انا و رفيقتي سمية ؟
وائل : اي حبيبتي روحي بس ديري بالك عحالك ، بتحبي وصلك ؟
هناء : لا لا مافي داعي سمية معها سيارة .
وائل : تمام ، يمكن

#أراكِ_وطني
#الجزء_الثاني
#بقلم_فتاة_من_ورق

*ركضنا انا و ام كريم ورا كريم من خوفنا عليه .. انا ما قدرت سيطر على حالي وضل واقفة مكاني وهالطفل ركض هيك باتجاه السيارات السريعة و بلحظة سريعة سمعت صوت زمور سيارة قوي ، صارت الدنيا سودة و ماعاد حسيت على شي ...

سمية : يا لطيف شو هالصوت !
*حملت شنتايتي و نزلت عالشارع لشوف شو صاير ..

*الناس مجتمعة بنص الشارع و السيارات واقفة .. قربت وشفت يلي ما كنت متوقعة شوفو بحياتي .. رفيقتي الوحيدة غرقانة بدمها ...

ولاء : يا ربي دخيلك .
سمية : اسعاف اتصلوبالاسعااااااف ، هناء عم تسمعيني ؟ يا ربيييي هنااااااء .
ولاء : سيارة الاسعاف على وصول ، انتي بتعرفيها ؟
سمية : لك هي اختي والله ليندم يلي كان السبب .

*بعد ثواني وصلت سيارة الاسعاف ، طالعوا هناء بالسيارة وطلعت معهن ...
_________________________________________
#بقلم_فتاة_من_ورق

وائل : مهندسة هند .
هند : نعم مهندس وائل .
وائل : التصميم صار جاهز .
هند : حلو كتير يعطيك الف عافية .
وائل : الله يعافيكي .
هند : حاسة هالمشروع رح يربح كتير .
وائل : اكيد اذا مهندسين الديكور حطو لمستهن المميزة بيربح .
هند : بتعرف عنجد انت المميز .
وائل : هههه ليش ؟
هند : لانك ما بس بتصمم المشروع و بتمشي ، بتضل فوق راس الكل ليصير المبنى متل ما تخيلتو من برا و من جوا .
وائل : مشان تعرفي شهادة الهندسة ما لازم تنعطى الا للانسان يلي بيستحقها .
هند : معك حق ، خبرني هلأ كيفا هناء ؟
وائل : تمام منيحة الحمدلله .
هند : ان شاء الله بدنا نجي انا و سامر نزوركن قبل ما نسافر عالشام .
وائل : بتشرفونا ، ايمتا مسافرين ؟
هند : بعد شهر .
وائل : لساتكن مقررين تستقرو بالشام ؟
هند : اي والله هيك احسن مشان شغل سامر و احسن للبيبي يلي جاي عالطريق بيربى بين بيت جدو واهلو و ناسو ، وبصراحة انا تعبت من الشغل بالشركة صار لازم عيش جنب اهلي و اتفرغ لتربية ابني .
وائل : الله يخترلكن الخير .
هند : آمين ، و انت مو مفكر ترجع عالشام ؟
وائل : صعب كتير انتي بتعرفي انو هناء لبنانية و بتحب تضل جنب اهلها و ابي و امي معي هون ببيروت مشان شو بدي ارجع ؟!
هند : معك حق لا تبعدها عن اهلها صدقني المرة مهما دللها زوجها بتضل بحاجة اهلها جنبها بكل لحظة .
_________________________________________
#بقلم_فتاة_من_ورق

*وصلنا عالمشفى .. اخدو هناء بسرعة عالعناية المشددة و بقيت انا واقفة لحالي بالمشفى .. طالعت تلفوني و اتصلت بوائل ...

***************************
وائل : الو
سمية : كيفك وائل .
وائل : شوفي ؟! هناء فيها شي ؟
*غصيت و صرت ابكي ...
سمية : اي هناء بالمشفى .
وائل : شوووووو ، بسرعة بعتيلي اسم المشفى دقايق و بكون عندها .
***************************

هند : خير شوفي ؟
وائل : هناء بالمشفى .
هند : ليش ؟
وائل : ما ما بعرف ليش ، انا رايح هلأ .
هند : خير ان شاء الله ابقا طمني .

*طلعت من الشركة مو شايف بعيوني .. ركبت سيارتي و صرت سوق بسرعة بس بدي اوصل ...
_________________________________________
#بقلم_فتاة_من_ورق

( في دمشق )

ديانا : يا الله شو حلو هاليوم .
مايا : يا رب تضل كل ايامنا حلوة .
ديانا : آمين .
مايا : سجلتي اسماء الكتب يلي طلبهن الدكتور ؟
ديانا : اي اكيد .
مايا : معناها امشي نستكشف الجامعة مشان نلاقي المكتبة و نشتري الكتب .
ديانا : هههه تفضلي .

#بقلم_فتاة_من_ورف

ابو محمد : اخي .
ابو زيد : نعم .
ابو محمد : بدي احكي معك بموضوع بس ماني عرفان من وين بدي بلش .
ابو زيد : احكي اخي عم اسمعك .
ابو محمد : انا بدي تعطيني حصتي من المعمل ، بدي افتح شغل خاص .
ابو زيد : لك اخي انت جنيت ؟
ابو محمد : لا ابدا بس حابب يكون شغلي خاص .
ابو زيد : طول عمرنا ايد وحدة هيك ربانا ابوك وهيك امك عم تعاملنا هلأ آخر هالعمر صار بدك شغل خاص فيك ؟! ليش يا اخي اذا انا و انت عم ندير هالمعمل .
ابو محمد : انا بس كان بدي اتركلك المعمل الك و افتح شغل تاني و نزيد رزقنا .
ابو زيد : صدقني اخي الرزقة وحدة يعني لو انت طلعت من المعمل رح تنقص مبيعاتنا مشان تنرزق بشغلك الجديد ، وامك ما رح تقبل نفترق كل واحد بشغل ، سماع مني وشيل هالفكرة من بالك .
ابو محمد : خير ان شاء الله .
_________________________________________
#بقلم_فتاة_من_ورق

( في بيروت )

وائل : وينهاااا
سمية : اخدوها عالعناية المشددة .
وائل : ليش شبها شو صار فهمينييي .
سمية : هي اختارت تجي لعندي مشي وانا ضليت ناطرتها ببيتي بعد دقايق سمعت صوت سيارات وصوت صريخ نزلت عالشارع شفت الناس مجتمعين بعدتهن شفتها مرمية بالارض و غرقانة بدمها .
وائل : لك كيف هيك صار كييييف .
سمية : ما بعرف صدقني ما بعرفففف .
وائل : والله اذا بصرلها شي ما رح سامحك طول عمري .
سمية : بترجاك ما تحكي هيك انا ما ذنبي ما ذنبي .
وائل : لك اااخخخخ .

*تركت سمية و مشيت .. قعدت على كرسي و م

#أراكِ_وطني
#الجزء_الثالث
#بقلم_فتاة_من_ورق

وائل : هناء هناااااء

*دخلو الممرضات و الدكتور عالغرفة ، طالعوني لبرا وقفت انطر أيا حدا يقلي انها رجعت للحياة ...

ابتهال : وائل شو صار احكيييي .
طارق : ابني احكي .
*تطلعت بعيون حماتي و عمي ما قدرت احكي شي .. بعد ثواني طلع الدكتور ...

الدكتور : العمر الكن .
ابتهال : لاااااااا مستحيل مستحيل .
طارق : لا حول ولا قوة الا بالله .
ابتهال : بنتنا الوحيدة راحت يا طاااارق .

*تركتهن و بعدت .. صرت امشي ما بعرف لوين رايح .. بكيت لأول مرة بحياتي ؛ بكيت على فراق زوجتي و حبيبتي يلي ما توقعت بيوم افقدها ....

*غابت شمسك عن سمائي يا حبيبتي، فأصبح الكون كلّه ظلامٌ دامس، أصبح الكون كلّه من دون أيّ ألوان، وملامح، وأصوات، لم يعد سوى صدى صوتك يرنّ في أذني، لم أعد أرى سوى صورة وجهك الحبيب، لم أعد أتذكّر إلّا صورة وجهك، و دموع عينيك عند الوداع ...
_________________________________________
#بقلم_فتاة_من_ورق

علي : ولاء .
*لما شفت زوجي حضنتو و صرت ابكي ...
علي : ولاء شبك ؟
ولاء : اليوم صار شي بشع كتير .
علي : شوفي احكي .
ولاء : كنت رح افقد ابننا .
علي : كيف ؟! شو صار ؟
ولاء : كنت ماسكة ايدو و بدي اقطع الشارع ترك ايدي و ركض بسرعة باتجاه السيارات ، لحقناه انا و مرة كانت واقفة جنبي ، باللحظة يلي مسكت كريم فيها و بعدتو عن الشارع صار شي بشع كتير .
علي : شو ؟
ولاء : ضربتها سيارة للمرة .
علي : لا حول ولا قوة الا بالله .
ولاء : ما قدرت اعمل شي غير اني غمض عيون كريم و اتصل بالاسعاف .
علي : وينو كريم هلأ ؟
ولاء : نايم .
علي : اهدي حبيبتي ان شاء الله المرة صارت بخير ، يلي عملتيه كتير منيح .
ولاء : اذا صرلها شي انا ما رح سامح حالي طول العمر .
علي : انتي ما ذنبك هاد قدرها .
ولاء : ماعاد بدي اطلع من البيت بدونك انا ماعاد عندي قدرة امشي خطوة برات هالبيت لحالي .
علي : ولا يهمك حبيبتي خلص اهدي .
_________________________________________
#بقلم_فتاة_من_ورق

بعد مرور 3 أسابيع

ام وائل : اهلا وسهلا تفضلو .
سامر : السلام عليكم .
ام وائل : وعليكم السلام .
هند : كيفك خالة .
ام وائل : والله مو منيحة ابدا .
هند : سلامتك .
ام وائل : سامر ابني .
سامر : نعم خالتي .
ام وائل : وائل من بعد العزا ماعاد طلع من غرفتو فوت احكي معو .
سامر : حاضر خالتي انا جاي كرمالو اصلا .
هند : المدير كل يوم بيسألني عنو .
ام وائل : لا حول ولا قوة الا بالله .

#بقلم_فتاة_من_ورق

*دقيت باب غرفة وائل ...
سامر : وائل انا سامر افتحلي الباب .
وائل : الباب مفتوح .

*دخلت لعند وائل .. اول مرة بشوفو بهالحالة ، الدخان معبي الغرفة ...

سامر : كيف قدران تبقى هون ريحة الغرفة كلها دخان .
*فتحت الشباك و قعدت عالكرسي ...

سامر : ليش هيك عم تعمل بحالك ؟
وائل : ما توقعت بيوم افقدها .
سامر : وصار و فقدها هي مشيئة رب العالمين .
وائل : انخطفت من بين ايديي سامر ، كنا عم نخطط لمستقبلنا وعم نحكي عن ابننا كانت حياتنا حلوة و هادية باليوم التاني بلمح البصر بتروح بتموت قدام عيوني .
سامر : الله يرحمها و يجعل مثواها الجنة ، الحياة مستمرة وانت لسا عمرك 28 سنة حرام تعمل بحالك هيك .
وائل : بربك لا تقلي عمرك هي راحت عمرها 23 سنة ، هي كانت وطني بهالغربة ، بتعرف باليوم يلي فقدتها فيه انا حسيت بالغربة .
سامر : انت لازم ترجع على شغلك ترجع على حياتك ، تدعيلها بكل صلاة اذا حابب تتواصل معها روح اقرألها الفاتحة بس ما لازم تحبس حالك بهالطريقة انت رجال و حياتك لساتها بأولها حرام يلي عم تعملو حرام ، انت بهالطريقة عم تعذبها بقبرها ، يلا قوم معي بدي اخدك مشوار .
وائل : ما الي نفس اطلع .
سامر : عم قلك قوم معي مو بكيفك ، يلا ، لسا حابس حالك بهالغرفة و عم تدخن ليش انت ايمت كنت تدخن اصلا !
وائل : رح بدل تيابي و الحقك .
سامر : بسرعة ناطرك .
_________________________________________
#بقلم_فتاة_من_ورق

( في دمشق )

ديانا : ستي .
زهرية : نعم .
ديانا : بدنا نطلب منك طلب انا و مايا .
زهرية : طلبو .
مايا : بتعرفي نحنا بلشنا بالبدايات و بحاجة غرفة نترك فيها لوحاتنا و كل الكراكيب يلي بتخصنا .
ديانا : لهيك نحنا بدنا ناخد غرفة بابا لما كان صغير و نقلبها مشغل الي و لمايا .
زهرية : بس هيك ؟
مايا : اي .
زهرية : ليش انا عندي اغلى منكن ، روحو حبيباتي رتبو الغرفة على كيفكن .
ديانا : الله يخليلنا ياكي يا احلى ست يالدنيا .
مايا : الله لا يحرمنا منك ستي .
زهرية : الله يوفقكن ويبيض ايامكن .

#بقلم_فتاة_من_ورق

*دخلنا عالغرفة و بلشنا نرتبها ...

ديانا : خلينا ننادي لمحمد و زيد يفكو التخت و الخزانة يطالعوهن عالمخزن يلي عالسطح .
مايا : اي هيك بتصير المساحة اكبر ، انتي بتاخدي زاوية وانا باخد زاوية و منخلي اغراضنا مشتركة بما انو شغلنا هون .
ديانا : اي اكيد ، وبس نتقن الرسم منرسم عالحيطان .
مايا : ا

ي مشان ستك تكسر راسي و راسك .
ديانا : هههه تضربي والله ستك مافي احن منها .
_________________________________________
#بقلم_فتاة_من_ورق

( في بيروت )

سامر : خالتي نحنا طالعين مشوار .
ام وائل : اي ابني الله معكن .
هند : سامر انا بقيانة عند الخالة لترجعو .
سامر : ماشي ، يلا وائل تفضل .
وائل : سلام .
ام وائل : الله معكن .

#بقلم_فتاة_من_ورق

هند : الله يعينو .
ام وائل : الله يعينو و يعين اهلها .
هند : انزلو استقرو بالشام يمكن يخف وجعو شوي .
ام وائل : ماعم استرجي احكي معو شي .
هند : الله يصبرو و يصبركن .
ام وائل : انتو جهزتو اموركن ؟
هند : اي مبارح قدمت استقالتي و ان شاء الله الاسبوع الجاي رح ارجع عالشام .
ام وائل : الله ييسرلكن .
هند : آمين .
ام وائل : خبرتي اهلك انو رح تستقري بالشام ؟
هند : لا خليتها مفاجأة .
ام وائل : الله يسعدكم .
هند : آمين و يصبر وائل و يسعدو .
ام وائل : من تمك لباب السما ، ايمتى بتولدي انتي ؟
هند : بعد شهرين ان شاء الله .
ام وائل : الله يتمملك على خير .
_________________________________________
#بقلم_فتاة_من_ورق

بعد مرور اسبوع

( في دمشق )

ام محمد : مرت عمو بيت هند صار جاهز .
زهرية : علقتو البرادي الجديدة ؟
ام محمد : اي .
ام زيد : مرت عمو شغلت البراد ماعم يشتغل ببيت هند .
زهرية : اتصلي بزوجك اليوم يشتري براد جديد ، بكرا بتوصل هند مافي وقت .
ام زيد : حاضر .
زهرية : الله يرضى عليكن يا بناتي انتو .
ام محمد : الله يخليلنا ياكي و يطول عمرك .
زهرية : اعطو الخدامة اجرتها خليها تمشي .
ام محمد : عطيتها مصاري و عطيتها الطبخة متل ما طلبتي .
زهرية : تمام .

#بقلم_فتاة_من_ورق

جهاد : حلو كبداية بس ايدك ما لازم تميل هيك .
ديانا : دكتور بحس لو ضليت مثبتة ايدي رح يطلع كأني راسمة بالمسطرة .
جهاد : اي هي الرسمة لازم تكون كأنها مرسومة بالمسطرة نسيتي شو حكينا المحاضرة الماضية .
مايا : يعني هيك دكتور ؟
جهاد : ايوا بالزبط حلو كتير مايا علمي ديانا .
زينب : مايا بس تعلمي ديانا تعالي ساعديني .
مايا : من عيوني .
_________________________________________
#بقلم_فتاة_من_ورق

( في بيروت )

سامر : بكرا انا و هند مسافرين .
وائل : توصلو بالسلامة .
سامر : ما بدي اتركك وانت بهالحالة .
وائل : لا تخاف عليي انا منيح .
سامر : بكرا رح ترجع عالشغل ؟
وائل : اي .
سامر : وعد ؟
وائل : وعد ، سامر بكرا قبل ما تسافر تركلي مفاتيح بيتك .
سامر : اي تكرم بس ليش ؟
وائل : بدي اترك بيتي و استأجر بيتك لاني عم شوفها بكل زاوية بهالبيت بدي اهرب لاني تعبت يا صاحبي تعبت .
سامر : ولا يهمك خلص بكرا قبل ما روح عالمطار بتركلك المفاتيح مع الوالدة .
وائل : توصلو بالسلامة ، سلملي على هند .
سامر : خليك قوي متل ما بعرفك وائل مافي شي بيكسرو .
وائل : ان شاء الله .
_________________________________________
#بقلم_فتاة_من_ورق

( في دمشق )

ابو زيد : والله في خربطة ، انا اخر شي حطيت بالخزنة 10 الاف دولار كيف هلأ صارو 8 الاف !! معقول اخي آخد شي !! لالا مستحيل يعمل هيك ابو محمد بلا ما يخبرني لانو مصارينا مشتركة اكيد انا مخربط بالحساب .

#يتبع
#بقلم_فتاة_من_ورق

#أراكِ_وطني
#الجزء_الرابع
#بقلم_فتاة_من_ورق

((باليوم التاني))

( في بيروت )

وائل : تفضلو .
ابو وائل : لو انك اجيت عشت عنا بالبيت مو احسن ما نترك بيتنا ؟
وائل : بابا بترجاك تركني اعمل يلي بدي ياه .
ام وائل : خلص حبيبي ولا يهمك البيت هون شرح اكتر من بيتنا وليك البلكونة كبيرة مشان تسهر فيها ابو وائل .
وائل : شو ناقصك للبيت امي ؟
ام وائل : ما بعرف لسا هلأ بشوف و بخبرك .
وائل : انا رايح مشوار وقت تعرفي اتصلي فيني و خبريني .
ام وائل : ماشي .
وائل : سلام .
ام وائل : الله معك .

#بقلم_فتاة_من_ورق

ابو وائل : انا بلشت اكره هالبلد .
ام وائل : ليش ؟
ابو وائل : صاير ماعم بيع كتير بالمحل و ابننا متغير حاسس انقطعت مياتنا من هالبلد .
ام وائل : بس يروق وائل بحكي معو كرمال نرجع .
ابو وائل : اذا هو ما بدو يرجع منرجع انا وانتي لحالنا .
ام وائل : مستحيل ما بترك ابني بعيد عني انت بتعرف انا اجيت لهون كرمال ابقى جنبو مستحيل اتركو ولا لحظة .
ابو وائل : لنشوف اخرتها معك و معو ، انا رايح افتح المحل .
ام وائل : الله يرزقك .
_________________________________________
#بقلم_فتاة_من_ورق

( في دمشق )

زهرية : يا روحي شو اشتقتلك ، الحمدلله على السلامة .
هند : الله يسلمك حبيبتي .
سامر : رضاكي مرت عمي .
زهرية : الله يرضى عليك و يحميك الحمدلله على سلامتكن .
سامر : الله يسلمك و يطول عمرك .
ديانا : نورت الشام عمتي .
مايا : اشتقنالك كتير .
هند : يا روحي شو حليانات .

*اجتمعنا حوالي سفرة الغدا .. كانت العيلة كلها مبسوطة بوجود عمتي هند ...

زهرية : ما قلتيلي هند اديش رح تبقي هون ؟
سامر : خبريهن .
هند : لا انت خبرهن .
سامر : مرت عمي قررنا انا و هند نستقر هون .
زهرية : الحمدلله و اخيرا ماعاد في بعد ولا وداع .
ابو محمد : شو صهر ناوي تشتغل معنا بالمعمل يعني ؟
سامر : لا ابدا انا تواصلت مع شركة هون من شهر و بكرا عندي مقابلة معهن .
ابو زيد : سمعني منيح صهري انت اخي التالت مو بس صهري اذا ما عجبتك الشركة ابواب المعمل مفتوحة الك بتشتغل معنا .
سامر : على راسي ابو زيد كبير العيلة انت ، بيشرفني اشتغل معكن بس انا اتفقت مع الشركة حاليا وان شاء الله خير .
زهرية : الله يرزقك .
ابو زيد : بما انك اعترفت اني كبير العيلة انا بطلب منك تعيش بالبيت يلي بالطابق التالت هاد بيتك انت و هند طبعا اذا بريحكن هالشي .
هند : اي سامر امانة خلينا نعيش ببناية اهلي .
سامر : ان شاء الله .
زهرية : الحمدلله .
هند : صحة وهنا حبيبتي .
زهرية : كملو اكلكن انا بدي روح اخد الدوا .
هند : انا بجبلك ياه ماما .
هند : لا حبيبتي خليكي قاعدة ، ابو محمد .
ابو محمد : نعم امي ؟
زهرية : تعال معي بدي اعطيك اسم دوا تجبلي ياه .
ابو محمد : امرك امي ، عن اذنكن .
_________________________________________
#بقلم_فتاة_من_ورق

( في بيروت )

*وصلت عند قبر هناء .. حطيت ورد عالقبر و قعدت بالارض ...

وائل : اشتقتلك كتير ، الكل مفكرني بلشت انساكي و عيش حياتي ما بيعرفو اني كل يومين بزورك وما بخلي الورد ينشف ، اجيت خبرك اني تركت البيت .. ما قدرت ابقى فيه اكتر من هيك وانتي مو موجودة فيه ، شغلت كل اضوية البيت من يوم رحتي بس ضليت عم شوفو معتم ، اليوم بدي روح زور اهلك و اتطمن عليهن ، بعرف من زمان كان لازم زورهن بس والله صعبة عليي فوت عالبيت يلي اخدتك منو و ما لاقيكي فيه ... "بسم الله الرحمن الرحيم ، الحمدلله رب العالمين ....... "

*قمت من مكاني بعد ما قرأتلها الفاتحة ، حطيت نضاراتي الشمسية و مشيت ....
_________________________________________
#بقلم_فتاة_من_ورق

( في دمشق )

ابو محمد : اي امي شو اسم الدوا ؟
زهرية : من كل عقلك مفكر بدي ياك تجبلي دوا .
ابو محمد : اي ليش في غير هيك ؟
زهرية : صار عمرك 48 سنة وما بتعرف تحكي .
ابو محمد : ليش هالحكي امي ؟
زهرية : كيف بتسمح لحالك تحكي مع سامر بهي الطريقة ؟ خايف يشتغل معكن بالمعمل ؟؟ ليش المعمل باسمك ؟
ابو محمد : مو القصد بس ...
زهرية : لا تقلي بس لك هاد صهرك حامي عرضك و شايل اختك على كفوف الراحة بدك تحترمو غصب عنك و تعاملو كأنو اخوك ، بحالة وحدة بسمحلك تشيل عيونو اذا بيغلط بحق اختك و بيظلمها .
ابو محمد : امرك امي .
زهرية : شوف اخوك كيف بيعاملو و بيحترمو تعلم منو .
ابو محمد : حاضر .

#بقلم_فتاة_من_ورق

*طلعت معصب من لهجة امي معي ...

ابو محمد : ام محمد
ام محمد : نعم .
ابو محمد : الحقوني عالبيت انتي و الولاد .
ام محمد : حاضر .
هند : لوين اخي ؟ ما شفتك لسا وما شفت الولاد .
ابو محمد : المسا بشوفكن اختي ، سلام صهر .
سامر : الله معك .
هند : ناطرتك المسا اخي .
مايا : ماما بدي ابقا مع عمتي .
ام محمد : لا امشي عالبيت والمسا بتنزلي .
مايا : يا ربييي .
_________________________________________
#بقلم_فتاة_من_ورق

**مضيت الشهور و عمتي جابت صبي صار لعبة العيلة الكل يدللو و يهت

م فيه بما انو اصغر شي بالعيلة و الابن الاول لعمتي .. حياتنا هادية نوعا ما بس لولا عصبية عمي ابو محمد و تغير اطباعو ....**

_________________________________________
#بقلم_فتاة_من_ورق

( في بيروت )

ام وائل : ابني .
وائل : نعم .
ام وائل : بدي اقترح عليك اقتراح .
وائل : احكي عم اسمعك .
ام وائل : ترك التلفون و تطلع فيني .
وائل : وهي تركنا التلفون احكي .
ام وائل : حادثة المرحومة هناء رح يصرلها سنة ونحنا ماعاد النا حدا لنبقى هون خلينا نرجع عالشام على بلدنا نعيش مع اهلنا و ناسنا .
وائل : اذا حابة ترجعي فيكي ترجعي انتي و ابي بالنسبة الي بقيان هون .
ام وائل : كرمال مين بدك تضل هون ؟
وائل : ما كرمال حدا قلتلك بدك ترجعي انتي و ابي ارجعو انا بقيان هون ، تصبحي عخير .
ام وائل : وانت بخير .
_________________________________________
#بقلم_فتاة_من_ورق

( في دمشق )

سامر : شو نام عمر ؟
هند : اي نام .
سامر : الله يحميه .
هند : امين ويحميك يا ابو عمر .
سامر : حبيبتي الله يخليلي ياكي .
هند : اليوم حكيت مع الخالة ام وائل .
سامر : كيفها وكيفو العم ابو وائل .
هند : هن بخير الحمدلله ، بس قالتلي انو وائل متغير كتير ماعم تقدر ترجعو متل ما كان لهيك اقترحت عليها تحكي معو و يرجعو عالشام واذا هو ما قبل يرجع معهن بيرجعو لحالهن و بعدين انت بتتصل فيه و بتقنعو يلحقهن و يستقر هون .
سامر : انا كل يومين بتصل فيه وبقلو اديش مرتاح بالشام وهو بغير الحديث مشان ما قلو رجاع عالشام ، بس ان شاء الله تزبط خطتك .
هند : ان شاء الله .
_________________________________________
#بقلم_فتاة_من_ورق

باليوم التاني

ديانا : مايا كتير تعبت من حمل اللوحات .
مايا : وانا كمان تاني مرة لازم نخلي ابوكي او ابي يوصلنا و يرجعنا .
ديانا : حاسة حالي نجار هههه
مايا : اي والله .
ديانا : بس بتعرفي رغم كل هالتعب حاسة بسعادة كبيرة انو عم نحقق حلمنا .
مايا : سعادتنا رح تكبر اكتر لما نصير رسامات و نشترك بالمعارض و نعرض لوحاتنا .

*اندمجنا بالحديث انا و مايا ونحنا راجعين عالبيت مشي .. نسينا تعبنا ونحنا عم نحكي عن مستقبلنا ، شو حلو الواحد يحلم و يبلش يحقق حلمو بكل خطوة بتزيد سعادتو اضعاف ...

مايا : ديانا ليكي هي القارمة شكلها مرسومة رسم .
*التفتت لشوف القارمة يلي اشرتلي عليها مايا .. فجأة خبطت بشخص و وقعو اللوحات من ايدي ...

#يتبع
#بقلم_فتاة_من_ورق

#أراكِ_وطني
#الجزء_الخامس
#بقلم_فتاة_من_ورق

مايا : ديانا ليكي هي القارمة شكلها مرسومة رسم .
*التفتت لشوف القارمة يلي اشرتلي عليها مايا .. فجأة خبطت بشخص و وقعو اللوحات من ايدي ...

ديانا : لوحاتييييي
كنان : اسف اسف .
ديانا : يا ربي هلأ بيكونو توسخو .
كنان : اسف عنجد بعتذر منك ما انتبهت .
مايا : ولا يهمك ونحنا كمان ما كنا منتبهين .

*جمعلي الشب اللوحات و عطاني ياهن ...

ديانا : شكرا .
كنان : بعتذر مرة تانية .
ديانا : ولا يهمك ما صار شي ، بالاذن .
كنان : الله معك .

#بقلم_فتاة_من_ورق

*كملنا طريقنا انا و مايا ...

مايا : ما كان لازم تعصبي هيك لانو انتي يلي ما كنتي عم تطلعي قدامك .
ديانا : اول شي حتى هو شكلو ما كان عم يتطلع قدامو و تاني شي تذكري انو انتي يلي طلبتي مني التفت لشوف القارمة .
مايا : مع هيك ما بصير تعصبي .
ديانا : مايا انا مو ناقصتك خلقة متوترة من هالموقف انا حرة بدي عصب .
مايا : الله يهديكي .
_________________________________________
#بقلم_فتاة_من_ورق

( في بيروت )

*رجعت عالبيت شفت شناتي السفر قدام باب البيت ...

وائل : ليش ضابة شناتي السفر ؟
ام وائل : راجعين عالشام انا و ابوك .
وائل : متأكدة ؟
ام وائل : اي و مبسوطة كمان .
وائل : ايمتى ماشيين ؟
ام وائل : بكرا الساعة 10 الصبح .
وائل : توصلو بالسلامة .

*دخلت على غرفتي ، شلحت ساعتي و جاكيت الطقم رميتهن مع جنب و تسطحت بالتخت .. صرت اتأمل السقف و اتذكر ...
----------------------------------------
هناء : بدك ترجع عالشام ؟
وائل : انتي شو بريحك حبيبتي ؟
هناء : بريحني تستقر هون مشان ابقى جنب اهلي لانو اكيد لو رجعت عالشام انا مضطرة سافر معك وابعد عن اهلي .
وائل : وحياة عيونك الحلوين ما ببعدك عن اهلك ولا لحظة .
----------------------------------------
_________________________________________
#بقلم_فتاة_من_ورق

( في دمشق )

*فتحت الخزنة لضيف مبلغ جديد ، بس قبل طالعت المبلغ القديم و عديتو ..
ابو زيد : لعما شو هاد ناقص 4 الاف دولار !!!!
*ضفت المبلغ الجديد و سكرت الخزنة ...
ابو زيد : ما حدا بيعرف كلمة السر غير اخي شو لازم اعمل .

*قطع تفكيري دقة باب مكتبي ....

ابو زيد : تفضل .
ابو محمد : كيفك اخي .
ابو زيد : اهلين تفضل قعود .
ابو محمد : اخي انا مو جاي اقعد انا جاي استأذنك بشغلة .
ابو زيد : شو ؟
ابو محمد : لازمني مصاري من الخزنة بدي صلح سيارتي .
ابو زيد : اي اخي تكرم اديش بدك ؟
ابو محمد : 450 دولار .
ابو زيد : تكرم عينك .

*طالعت المبلغ لاخي ...و صرت حكي حالي ، كيف عم ينقصو المصاري اذا اخي اول ما احتاج اجا خبرني الي وما قرب عالخزنة من حالو ؟! و بنفس الوقت مافي حدا غيرو بيعرف كلمة سر الخزنة ، يا رب ساعدني لاعرف سبب كلشي عم يصير .

ابو زيد : تفضل اخي .
ابو محمد : الله يسلم ايديك .
ابو زيد : انا مو مداوم بكرا .
ابو محمد : ليش ؟
ابو زيد : تعبان شوي و بدي ارتاح .
ابو محمد : ما بتقصر اخي ولا تشيل هم انا رح مشي الوضع كأنك مداوم .
ابو زيد : الله يرضى عليك .
_________________________________________
#بقلم_فتاة_من_ورق

كنان : امي .
ام كنان : اهلين حبيبي يعطيك العافية ، حطلك الغدا ؟
كنان : تعالي هلأ ما بدي اتغدا في شي اهم .
ام كنان : شو هو ؟
كنان : لقيت البنت يلي بدي كمل معها باقي عمري و سميها شريكة حياتي .
ام كنان مين هي ؟ وين لقيتها ؟ وكيف شكلها ؟
كنان : ما بعرف من هي ، اليوم بعد ما نزلت من البيت رن تلفوني طالعت التلفون لشوف مين عم يتصل خبطت ببنت لا مو بنت خبطت بملاك .
ام كنان : ملاك !! وصفلي ياها .
كنان : عيونها خضر و بيضا كتير ، كانت لابسة شال لونو خمري هاللون زاد حلاها ، صورة وجهها ماعم تروح من بالي .
ام كنان : بتعرف وين بيتها لروح اخطبلك ياها ؟
كنان : اي لحقتها و عرفت البناية يلي ساكنة فيها بس ما عرفت بأيا طابق .
ام كنان : خلص ولا يهمك انت دلني عالبناية و ترك الباقي عليي .
كنان : تروحي هلأ ؟
ام كنان : شو هلأ طبعا لا خليها لبكرا لما ترجع من شغلك .
كنان : خير ان شاء الله .
_________________________________________
#بقلم_فتاة_من_ورق

بصباح اليوم التاني

ام زيد : تأخرت على شغلك .
ابو زيد : مو مداوم اليوم .
ام زيد : فيك شي حبيبي ؟ مريض ؟
ابو زيد : لا ابدا بس بدي ريح شوي .
ام زيد : بتحب اعملك فطور ؟
ابو زيد : لا عمليلي فنجان قهوة و لحقيني فيه عالبرندا .
ام زيد : اي من عيوني .

ديانا : صباح الخير .
ابو زيد : صباح النور حبيبتي .
ديانا : بابا معلش توصلنا انا و مايا عالجامعة ؟
ابو زيد : خلي عمك يوصلكن انا مو طالع اليوم .
ديانا : اوكي بابا ، يلا باي .
ابو زيد : الله معك .
ام زيد : انتبهي عحالك حبيبتي .
ديانا : حاضر .

#بقلم_فتاة_من_ورق

*طلعت من البيت و بلشت يومي بحيوية و نشاط كالعادة .. ركبنا انا و مايا مع عمي بالسيارة و رحنا عالجامعة .. حسيت هاليوم

رح يكون حلو و مميز ...

ديانا : ميوش مو كأنو السما صافية اليوم .
مايا : اي صافية حاسستك رح تكتبي موضوع تعبير السماء صافية و العصافير تزقزق .
ديانا : تضربي بلا سخافتك هلأ عنجد عم احكي .
مايا : شو قصتك اليوم ؟
ديانا : ما بعرف حاسة حالي مبسوطة و حاسة هاليوم رح يكون حلو و مميز .
مايا : اي ان شاء الله .
_________________________________________
#بقلم_فتاة_من_ورق

سامر : صباح الخير حبيبتي .
هند :صباح الفل و الياسمين يا روحي .
سامر : شو سر هالنشاط ؟
هند : اليوم جايين اهلو لوائل .
سامر : يوصلو بالسلامة .
هند : آمين يا رب ، صحيت من الصبح لاني بدي اطبخلهن .
سامر : لا تعذبي حالك انا بجبلهن غدا جاهز .
هند : لا هن بيحبو طبخي كتير ، المهم لا تنسى بدك تروح معي نوديلهن الغدا و نسلم عليهن .
سامر : أيا ساعة ؟
هند : عالساعة 3 .
سامر : تمام ، بدك شي ؟
هند : لا سلامتك .
سامر : يلا سلام .
هند : الله معك .
_________________________________________
#بقلم_فتاة_من_ورق

الساعة 2 بعد الضهر

ام كنان : شو جابك هلأ ؟
كنان : قومي يلا جهزي حالك بدي اخدك لعند الجماعة .
ام كنان : لك في حدا بالعالم بيروح بيخطب الساعة 2 هلأ الناس بيكونو عم يتغدو .
كنان : ما بيهمني هلأ بدي وصلك لعندهن يا امي البنت حلوة كتير بخاف تطير من ايدي .
ام كنان : الله يصبرني عليك يعني اذا تأخرنا ساعتين كمان بتكون انخطبت خلص و راحت من ايدك .
كنان : أمي انا طول اليوم عم راقبها لترجع عالبيت مشان اخدك تخطبيلي ياها ، انا نازل انطرك بالسيارة لا تتأخري .
ام كنان : الله يصبرني عليك .
_________________________________________
#بقلم_فتاة_من_ورق

ام زيد : شايفتك عم تلبس لوين رايح ؟
ابو زيد : واصل مشوار شغلة ساعة و برجع .
ام زيد : طيب انا رح انزل لعند مرت عمو .
ابو زيد : ماشي روحي .
ام زيد : بس ترجع من مشوارك رح كون ناطرتك ببيت مرت عمو .
ابو زيد : تمام ، يلا سلام .
ام زيد : الله معك بأمان الله .

#بقلم_فتاة_من_ورق

مايا : ستي شو رأيك برسمتي ؟
زهرية : حلوة كتير .
ديانا : رسمتي احلى صح ستي ؟
زهرية : اي صح .
مايا : لا رسمتي احلى .
ديانا : ستك قالت رسمتي احلى .
زهرية : ايييييييه انتي وياها جايين تتخانقو فوق راسي روحو عالغرفة تخانقو كل وحدة راسمتلي خطين و جايين تسألوني مين احلى ، التنتين ابشع من بعض .
مايا : الله يسامحك .
ديانا : هاد فن فن مو خطوط .
زهرية : الباب عم يندق روحو شوفو مين .
ديانا : انا بفتح .

*ركضت و فتحت باب البيت ...

ام كنان : مرحبا .
ديانا : اهلا و سهلا ، تفضلي .
ام كنان : الله يزيد فضلك .
زهرية : مين عالباب ؟
ام كنان : السلام عليكم .
زهرية : وعليكم السلام اهلا وسهلا تفضلي .
ام كنان : انا جارتكن بنفس الحارة .
زهرية : تشرفنا ، ديانا روحي اعملي عصير .
ديانا : حاضر ستي .

*رحت عالمطبخ وانا متفاجأة من زيارة هالمرة ...

مايا : مين هي ؟
ديانا : ما بعرف متلي متلك بس سمعتها عم تقول لستك انها جارتنا بالحارة .
مايا : خير ان شاء الله .
ديانا : الباب عم يندق شكلهن امي و خالتي روحي افتحيلهن لبين ما جهز العصير .
مايا : اوكي .
_________________________________________
#بقلم_فتاة_من_ورق

* صفيت سيارتي بعيد شوي و كملت مشي عالمعمل .. دخلت من الباب الخلفي و طلعت على مكتبي فتحت الباب بهدوء و دخلت ... شفت اخي ابو محمد فاتح الخزنة و قاعد قبالها كان مدموج لدرجة انو ما حس بوجودي ...

ابو محمد : وهيك سحبت من كل رزمة مبلغ صغير ما رح يبين اني اخدت متل العادة .

ابو زيد : عم تسرق يا اخي ؟؟؟ عم تسحب من كل رزمة مفكرني مو حاسس انو عم يصير نقص من الخزنة ؟؟؟ لهالدرجة شايفني غبي ؟؟؟

#يتبع
#بقلم_فتاة_من_ورق

#أراكِ_وطني
#الجزء_السادس
#بقلم_فتاة_من_ورق

ابو زيد : عم تسرق يا اخي ؟؟؟ عم تسحب من كل رزمة مفكرني مو حاسس انو عم يصير نقص من الخزنة ؟؟؟ لهالدرجة شايفني غبي ؟؟؟
ابو محمد : انا انا..
ابو زيد : لك انت شو ؟ ما بتخجل من حالك ؟ انت بتعرف انو هي المصاري من حق اختك و امك مو بس من حقي و حقك ، لك انا شو منقص عليك بعمرك ما طلبت شي و قلتلك لا .
ابو محمد : انا ما قصدي اسرق .
ابو زيد : لكن شو قصدك شووو ؟؟؟ بتعرف انا ما رح احكي معك شي رح خلي امك هي يلي تحكي .
ابو محمد : اخي خليني اشرحلك ، ابو زيد ..

*طلعت من المعمل ركبت بسيارتي لارجع عالبيت ....
_________________________________________
#بقلم_فتاة_من_ورق

ام كنان : ما بخفي عليكن سر زيارتي انا اجيت لحتى اخطب لابني الصبية ام عيون خضر .
ام زيد : ديانا !
زهرية : قصدك ديانا ؟
ام كنان : عاشت الاسامي اي ديانا .
زهرية : ليش ابنك من وين بيعرفا ؟
ام كنان : مبارح شافها بالطريق لحقها و عرف بيتكن و جابني اليوم لحتى اخطبها ما بتتخيلو ابني اديش معجب فيها بتمنى انكن تقبلو .
ام زيد : يعني اهلا وسهلا فيكي بس انا ما بقدر اعطيكي جواب لاسأل ابوها .
ام كنان : اي اسألو على مهلكن و خدو راحتكن هي رقم تلفوني مشان تردولي خبر .

#بقلم_فتاة_من_ورق

*كنا واقفين انا وبنت خالتي ورا الباب عم نتسمع ...

مايا : ما يكون قصدها الشب يلي خبط فيكي مبارح .
ديانا : معقول هو ؟!
مايا : لا تستبعدي ، امشي امشي عالمطبخ شكلها بدها تروح .
_________________________________________
#بقلم_فتاة_من_ورق

هند : الحمدلله على سلامتكن والله نورت الشام بوجودكن .
ام وائل : النور نورك حبيبتي .
سامر : شو رأيكن بعمر ؟
ابو وائل : الله يحميه .
ام وائل : الله يحميه حبيبي ويفرحني بوائل و شفلو ولد قبل ما موت .
هند : الله يطول عمرك .
سامر : ببصملك خالتي بالكتير وائل عيارو شهر و بيرجع و بيعيش هون .
ام وائل : من تمك لباب السما .
هند : يلا تفضلو عالغدا هاد طبخي انا بعرفكن بتحبو طبخي .
ام وائل : الله يرضى عليكي .
_________________________________________
#بقلم_فتاة_من_ورق

*طلعت امي من البناية وانا كنت ناطرها بسيارتي عند الباب ...

كنان : شو صار معك امي ؟
ام كنان : حكيت معهن و قالت بدها تسأل ابوها للبنت .
كنان : معقول يكونو بدهن يخطبوها لحدا تاني ؟
ام كنان : لو بدهن يخطبوها لحدا تاني كانو خبروني ما كانو خلوني استنى .
كنان : شفتيها شو حلوة ؟
ام كنان : ما شاء الله عليها قمر .
كنان : الله يجعلها من نصيبي .
ام كنان : آمين .
_________________________________________
#بقلم_فتاة_من_ورق

*دخلت على بيت اهلي معصب ...

ام زيد : اهلين حبيبي .
ابو زيد : اطلعي عالبيت انتي و ولادك .
ام زيد : امرك .
ابو زيد : وانتي مرت اخي خدي ولادك و طلعي على بيتكن بدي ابقى مع امي لحالنا .
ام محمد : حاضر .

*بعد ثواني فضي البيت ...

زهرية : شوفي ؟
ابو زيد : اليوم لقطت اخي عم يسرق من الخزنة وهي مو اول مرة بيسرق .
زهرية : شووو
ابو زيد : متل ما سمعتي .
زهرية : ليش عم يسرق شو ناقصو ؟
ابو زيد : ما بعرف انا تركت الموضوع الك انتي حليه .
زهرية : ابني انا يسرق ؟! ليش ؟ انا ربيتكن كلكن نفس الترباي و طعميتكن نفس الاكل و من نفس الصحن ، ليييش ؟

*قعدت امي على كرسيها ناطرة اخي يجي لعندها ...
_________________________________________
#بقلم_فتاة_من_ورق

( في بيروت )

خالد : وائل ما بدك ترجع عالبيت ؟
وائل : لا بقيان بالمكتب بدي ارسم مخطط جديد .
خالد : بينرسم بالبيت المخطط ، رجاع على بيتك و ارتاح .
وائل : ليش بدي ارجع ؟ اذا اهلي سافرو و مرتي ميتة مشان مين بدي ارجع ؟
خالد : ليش هيك عم تعمل بحالك يا صاحبي ؟ لك مرتك الها سنة ميتة حلك تنسى و تبلش حياتك من جديد .
وائل : لو سمحت خالد روح رجاع على بيتك انا ما الي جلادة ناقش بهالموضوع .
خالد : طيب متل ما بدك ، سلام .
وائل : سلام .

*طالعت الاوراق و بلشت بالبدايات...
-----------------------------------------------
هناء : شو عم تصمم هالمرة ؟
وائل : فندق .
هناء : طيب واذا قلتلك ترك التصميم و تعال سهار معي .
وائل : بقلك من عيوني يا عيوني .
هناء : وانا بقلك تسلملي عيونك يا نبض قلبي .
------------------------------------------------
_________________________________________
#بقلم_فتاة_من_ورق

( في دمشق )

*دخل اخي على بيت اهلي تجاهل وجودي و قرب لعند امي ...

ابو محمد : امي انا .
*وقفت امي على رجليها و ضربت اخي كف بعمري ما بنساه ...
زهرية : عم تسرق ؟؟؟؟ ليييييييييش ليش ؟
ابو محمد : هاد حقي انا اخدت حقي ما سرقت .
زهرية : لو حقك بتاخدو قدام عيون الكل ما من ورا اخوك ، فهمني ليش شو ناقصك ؟ بيتك احلى بيت و سيارتك احلى سيارة و راتبك قد راتب عشر موظفين ، لييييش عم تسرق ؟
ابو محمد : لاني ماعاد بدي اشتغل مع اخي ، فتحت مشروع صغير

و عم اشتغل فيه بدي كون انا المدير انا صاحب الشغل و الرزق ، انتي و ابي اعتبرتو وجودي زيادة و كبرتو اخي سلمتوه كلشي الو بحجة انو هو اكبر مني و نسيتوني و هلأ لما بدي اشتغل لحالي وبلشت اسحب حصتي من المعمل صرت سراق !
زهرية : ابوك رباكن هيك لتضلو ايد وحدة ، ابوك سلم اخوك كلشي لانو اخوك اوعى منك مع انو اكبر منك بسنتين ، لنفترض انت استلمت المعمل رح يتدهور من اول اسبوع و يخسر لانو تفكيرك محدود و على قدك ما بتفكر غير بحالك وشو بدك وشو ناقصك ، اما اخوك بيشوف العيلة كلها شو ناقصها اخر شي بيشوف بيتو شو ناقصو ، اخوك عم يتصرف متل ما كان يتصرف ابوك بس انت عم تتصرف كأنك ولد مافي ببالك غير انك تكون المدير و صاحب الشغل .
ابو زيد : كان فيك تقلي اخي من الاخر انا بدي كون المدير ما كنت بزعل و بسلمك الادارة .
ابو محمد : من زمان طلبت منك تعطيني حصتي و روح اشتغل لحالي بس رفضت .
ابو زيد : رفضت لانو انا و انت لازم نضل ايد وحدة نحنا اخوة .
زهرية : طول ما انا عايشة بدكن تضلو سوا .
ابو محمد : الله يطول عمرك .
ابو زيد : الله يطول عمرك امي ، برجع بقول اذا بدو الادارة ياخدها .
زهرية : لااا الادارة بتضل انت مستلمها ، و بالنسبة للمشروع يلي فتحتو ياابو محمد بكرا بتدل اخوك عليه و بتشتغلو فيه تنيناتكن سوا يا اما اقسم بالله بغضب عليك .
ابو محمد : امرك ، سلام .
زهرية : روح .

#بقلم_فتاة_من_ورق

*طلعت على بيتي ...

ام محمد : الحمدلله على سلامتك .

*دخلت على غرفتي و قفلت الباب ...
ابو محمد : انا انضرب كف و عمري 48 سنة مشان المصارييي .

#بقلم_فتاة_من_ورق

ابو زيد : ليش ضربتيه امي ؟
زهرية : يلي بدو يغلط فيكن بدي اضربو مية كف لو بتصيرو جدود و خليه كل ما قرب عالخزنة يتذكر الكف يلي اكلو مني .
ابو زيد : روقي امي واهدي صدقيني اخي قلبو طيب انا خبرتك لانك لازم تعرفي و مشان تفهمي ليش هيك عمل ، مو مشان تعصبي .
زهرية : قلبي وجعني بس لاني حسيت ولادي بدهن يفترقو ، ابوك دفع شقا عمرو كلو مشان يعمل هالبناية لتضلو سوا ، تركلكن المعمل يلي بلش فيه من الصفر لتشتغلو سوا وما بدك ياني عصب .
ابو زيد : اهدي حبيبتي اهدي نحنا منضل ايد وحدة وهي الشغلات التافهة رح تمضى و ننساها و رح اثبتلك هالشي .
زهرية : ان شاء الله ،قوم امي قوم طلاع على بيتك شوف مرتك وولادك .
ابو زيد : وانتي ؟
زهرية : هلأ هند بتجي لعندي لا تشيل همي .
ابو زيد : حاضر ، تصبحي على خير .
زهرية : وانت بخير .
_________________________________________
#بقلم_فتاة_من_ورق

ام زيد : اهلين حبيبي .
ابو زيد : اهلين .
ام زيد : بتحب حطلك اكل ؟
ابو زيد : لا مو جوعان .
ام زيد : متل ما بدك ، بقدر احكي معك بموضوع ؟
ابو زيد : اي احكي .
ام زيد : اليوم اجاها خطابين لديانا .
ابو زيد : مين هن ؟
ام زيد : قال جيراننا بنفس الحارة و زوجها كان عندو محمصة قبل ما يتوفى و لما توفى ابنها باع المحمصة .
ابو زيد : اي اي عرفتهن هدول جماعة اوادم كتير .
ام زيد : المرة قالت فكرو على مهلكن بس مبين من حكيها انو رايدينها للبنت .
ابو زيد : انسيلي الموضوع هلأ شي اسبوع لبين ما اسأل عنهن اكتر .
ام زيد : اي حاضر .
_________________________________________
#بقلم_فتاة_من_ورق

مايا : ديانا دندوون الووو .
ديانا : اي معك .
مايا : بشو شاردة ؟
ديانا : عم فكر اكيد هو نفسو الشب يلي خبط فيني لانو ما حدا غيرو شافني مبارح بالحارة .
مايا : طيب شو يعني ؟
ديانا : احكيلك شي و بتوعديني يضل سر .
مايا : اي اكيد بوعدك .

#يتبع
#بقلم_فتاة_من_ورق

#أراكِ_وطني
#الجزء_السابع
#بقلم_فتاة_من_ورق

ديانا : احكيلك شي و بتوعديني يضل سر .
مايا : اي اكيد بوعدك .
ديانا : انا عم ادعي تكون هالمخلوقة يلي طلبتني امو للشب يلي خبطت فيه ، كتير حسيتو راقي و اكابر .
مايا : ايوا حب من اول خبطة هههه
ديانا : هههه تضربي ما بينحكالك شي .
مايا : يعني لو كان نفسو الشب بتقبلي تنخطبي ؟
ديانا : اي بقبل .
مايا : و دراستك ؟
ديانا : شو دخل دراستي بخطبتي اكيد ما رح تأثر عليها .
مايا : خير ان شاء الله ، انا بدي روح عالبيت نام .
ديانا : خليكي نامي عنا .
مايا : اوكي معناها قومي عمليلي عشا .
ديانا : ليكي انا برأيي تروحي تنامي ببيتك اريحلك ههههه
مايا : هههههه فظيعة شو قليلة مروة ، انا بعمل عشا .
_________________________________________
#بقلم_فتاة_من_ورق

بصباح اليوم التاني

*اجتمعنا كلنا ببيت أمي لنفطر ....

ابو زيد : وينو ابو محمد ؟
ام محمد : بالبيت ، من مبارح دخل عالغرفة و قفل عحالو الباب وماعم يرد عليي .
ابو زيد : انا طالع شوفو ، باب الدار مفتوح ؟
ام محمد : اي .
ابو زيد : لا تفطرو لجيب ابو محمد .
زهرية : ناطرينك .
هند : ليش هيك عم يعمل شو صاير ؟
ام محمد : والله ما بعرف قلتلكن ماعم يرد عليي .
هند : خير ان شاء الله .
ديانا : ستي انا و مايا لازم نروح عنا محاضرة بعد ساعة .
زهرية : اي حبيباتي روحو الله يوفقكن .
ام زيد : انتبهو عحالكن .
ام محمد : اشترو شي فطروه عالطريق .
مايا : حاضر ، سلام .

#بقلم_فتاة_من_ورق

*دخلت على بيت اخي .. قربت من باب غرفتو و دقيت الباب ...

ابو زيد : اخي افتحلي الباب ، زاهر برحمة ابوك تفتح الباب .

*بعد دقيقة فتح الباب ...

ابو محمد : لو ما حلفتني برحمة ابوك ما كنت فتحت الباب .
ابو زيد : ليش هيك عم تعمل ؟
ابو محمد : لاني نضربت وانا عمري 48 سنة .
ابو زيد : حقك على راسي من فوق ، امك عملت هيك لانو ما بدها نفترق صدقني يا اخي اذا افترقنا الناس كلها رح تشمت فينا و رح يعرفو اننا صرنا ضعاف لانو كل واحد لحالو .
ابو محمد : معك حق .
ابو زيد : يلا جهز حالك مشان ننزل نفطر و بعدها نروح عالشغل وما بدي ياك تزعل من امك لانو هي ست الكل ولو عصبت بتكون عم تعصب لمصلحتنا .
ابو محمد : سامحني اخي .
ابو زيد : الله يسامحنا جميعا ، يلا ناطرك لا تتأخر .
_________________________________________
#بقلم_فتاة_من_ورق

( في بيروت )

وائل : الو .
سامر : يسعد صباحك شريك .
وائل : الله حيك ابو عمر صباح النور .
سامر : كيفك .
وائل : منيح انت كيفك وكيفن اهلي .
سامر : كلنا بخير ما ناقصنا غير وجودك معنا .
وائل : تسلمو كلكن يلي بيهمو وجودي ما بيتركني و بيمشي .
سامر : له لك وائل ما بعرفك هيك .
وائل : انا تغيرت كتير يا صاحبي ، اهلي بدال ما يبقو معي تركوني و رجعو .
سامر : لا تلومهن وائل اهلك كبرو بالعمر بدهن يكملو هالكم سنة ببلدهن بين اهلهن و ناسهن و انت صار لازم ترجع شو لسا الك ببيروت ؟
وائل : فيك ما تفتح معي هالموضوع .
سامر : لا بدي افتح هالموضوع واذا ما بترجع عالشام انا نازل على بيروت جيبك .
وائل : ليك سامر انا بدي روح على شغلي .
سامر : اي تهرب من هالموضوع قد ما فيك بس نهايتك ترجع عبلدك .
وائل : سلملي على اهلي و على هند .
سامر : الله يسلمك .
وائل : سلام .

*الوحدة صارت عنوان حياتي .. و البيت صار بس لنام فيه .. ليش ماعم اقدر اترك هالبلد ؟!
_________________________________________
#بقلم_فتاة_من_ورق

( في دمشق )

* نزل اخي و قرب لعند امي مسك ايدها و باسها ....

ابو محمد : يسعد صباحك .
زهرية : الله يرضى عليك .
ابو زيد : يلا صار فيكن تفطرو .
هند : و اخيرا متنا من الجوع .
_________________________________________
#بقلم_فتاة_من_ورق

بعد مرور اسبوع

كنان : و بعديييين هي مضى اسبوع ونحنا ناطرين .
ام كنان : طبيعي يوم خطبني ابوك لبعد 9 ايام لردينا خبر .
كنان : 9 ايام !!!!! يا ربي تعبت وانا الحقها لشوفها من بعيد لبعيد و ما استرجي احكي معها .
ام كنان : الله يجعلها من نصيبك و تحكي معها لتشبع .
كنان : امين يا رب ، انا رايح عشغلي .
ام كنان : الله معك .

*طلعت من الغرفة سمعت صوت رنة تلفون امي .. رجعت ركض و قعدت جنبها ...

******************
ام كنان : وعليكم السلام .
ام زيد : تفضلو زورونا منتشرف فيكن ام كنان .
ام كنان : نحنا يلي منتشرف فيكن ان شاء الله بكرا منجي انا و ابني و سلفي منطلب ديانا رسمي من ابوها .
ام زيد : مية اهلا و سهلا .
*******************

كنان : شو قبلو ؟
ام كنان : اي و بكرا منروح انا وانت وعمك منطلبها .
كنان : لك ليش مو اليوووم .
ام كنان : ابني شبك شو صايرلك .
كنان : بدي ياها بأسرع وقت .
ام كنان : اي بكرا اسرع وقت يلا هلأ روح على شغلك روووح .
كنان : سلام .
_________________________________________
#بقلم_فتاة_من_ورق

باليوم التاني

مايا : ليش لهلأ ما جهزتي

حالك ؟
ديانا : خايفة ما يكون نفسو .
مايا : عادي بترفضي اذا ما كان نفسو وانتهت القصة ، يلا قومي جهزي حالك .
ديانا : رح البس هدول اينو اكتر شال بيليق عليهن ؟
مايا : الشال العنابي .
ديانا : معناها اعطيني سكربينتك البيضا .
مايا : اي من عيوني رح روح جبلك ياها .
_________________________________________
#بقلم_فتاة_من_ورق

( في بيروت )

ياسر : بدك ياني وقعلك على طلب استقالتك ؟
وائل : اي سيد ياسر بعد اذنك .
ياسر : ليش يا وائل ؟ اذا بدك بزدلك راتبك بس لا تتركنا .
وائل : لالا مو هيك القصة ابدا بس انا بدي ارجع على بلدي ، انت بتعرف وضعي منيح انا ماعاد الي حدا هون .
ياسر : انا بعمري ما رفضتلك طلب لانو ما رح لاقي مهندس عمارة متلك بس طالما هي رغبتك انا مجبور وقعلك عالطلب بس يكون بعلمك اني مو رضيان على هالشي ابدا .
وائل : شكرا لانك تفهمتني .
ياسر : وعدني اذا ما زبط وضعك ببلدك ترجع و تشتغل عندي بالشركة .
وائل : بوعدك .
ياسر : بالتوفيق .

*لميت غراضي و طلعت من الشركة ، رحت عالمقبرة لزور هناء اخر مرة ...

وائل : سامحيني بس انا تعبت من الوحدة ، بدي ارجع لعيش مع اهلي ، انتي كنتي تحبيني كتير بس بنفس الوقت ما قبلتي تبعدي عن اهلك وانا بحبك و رح ضل حبك بس بدي ارجع عيش مع اهلي هن بحاجتي انا ابنهن الوحيد وانا بحاجتهن لاني صرت وحيد كتير ، سامحيني حبيبتي .
_________________________________________
#بقلم_فتاة_من_ورق

( في دمشق )

*اجتمعت العيلة كلها ببيت ستي ليتعرفو على العريس و اهلو ... استقبلهن ابي ، حاولت شوفهن من المطبخ بس ما قدرت ...

ام زيد : اهدي ولا تتوتري ، بتبلشي ضيافة من اليمين .
ديانا : حاضر .
ام زيد : يلا روحي .

*حاولت ما اتوتر بس ما قدرت كانت رجفة ايديي واضحة ... ضيفت الكل و وصلت لعند العريس ...

*كنت عم اتطلع بالصينية لانو ما عندي الجرأة اتطلع فيه ... همسلي بصوت واطي ..
كنان : كيفهن لوحاتك ؟
*رفعت عيوني تطلعت فيه و عرفت انو نفسو الشب يلي خبطت فيه .. ما قدرت ما ابتسملو .. حسيت بسعادة كبيرة .. كملت تضييف القهوة و ركضت عالمطبخ ...

#بقلم_فتاة_من_ورق

مايا : شو ؟
ديانا : نفسو .
* صرنا ننط و نرقص انا و مايا بالمطبخ ...
مايا : خلص انا برأيي نهدا شوي لا يجي حدا عالمطبخ فجأة .
ديانا : ما بتتخيلي اديش مبسوطة ، قلي بهمس كيفهن لوحاتك ؟

#بقلم_فتاة_من_ورق

ابو زيد : ما قلتلي ابني شو دارس انت ؟
كنان : دارس محاسبة و عم اشتغل بشركة .
ابو محمد : حلو كتير .
ابو زيد : الله يرزقك .
ابو فارس : انا بيشرفني اطلب ايد كريمتكن لابن اخي كنان .
ابو زيد : المرحوم ابو كنان راح بس ترك وراه السمعة الطيبة ، و شب متل الوردة و يلي خلف ما مات ، نحنا منتشرف فيكن .

#يتبع
#بقلم_فتاة_من_ورق

#أراكِ_وطني
#الجزء_الثامن
#بقلم_فتاة_من_ورق

باليوم التاني

(في دمشق)

ام وائل : مين عند الباب ؟
وائل : انا وائل امي افتحي .
ام وائل : يا عمري انت ماعم صدق عيوني .
*حضنت امي .. حسيت حالي الي سنين ما شفتها ...
ام وائل : اشتقتلك كتير .
وائل : وانا كمان اشتقتلك حبيبتي .
ام وائل : رح ترجع على بيروت ؟
وائل : لا خلص قررت استقر هون .
ابو وائل : الحمدلله على سلامتك ابني .
وائل : الله يسلمك ويطول عمرك .
ابو وائل : بتقعد هون و بتنسى طريق الرجعة على بيروت .
وائل : هو هيك امرك ابي ، ما بدكن تغدونا ميت من الجوع .
ام وائل : من عيوني فوت تحمم لبين ما جهز الاكل .
وائل : قبل الحمام بدي اعمل تلفون صغير .

**************************
سامر : الو
وائل : كيفك شريك .
سامر : اهلين بالغالي .
وائل : وينك انت ؟
سامر : والله بالشغل .
وائل : ايمتا بتخلص شغل بدي شوفك .
سامر : تشوفني ؟!!!
وائل : اي انا صرت بالشام .
سامر : ساعة و بكون عندك .
وائل : ناطرك .
**************************
_________________________________________
#بقلم_فتاة_من_ورق

*كتبنا كتابنا بالمحكمة بعدين رحنا عالصايغ لنختار المحابس ...

ديانا : كتير حلو هاد المحبس .
كنان : بس انا عجبني التاني اكتر .
ام كنان : من يوم يومك مذوق يا ابني .
ديانا : خلص معناها مناخد يلي اخترتهن انت .
ام زيد : الف مبروك الله يهنيكن .
كنان : مرت عمي الخطبة بعد بكرا .
ام زيد : بعد بكرا بس لسا مو جاهزين ولسا ما اشترينا البدلة لديانا .
كنان : اليوم منشتريها و الخطبة بالصالة يعني مافي شي تجهزوه .
ام زيد : متل ما بدكن .
_________________________________________
#بقلم_فتاة_من_ورق

*صارت خطبتي و رجعت داوم بالجامعة بس طبعا كنان هو بيوصلني وهو بيرجعني وهيك مضى شهر على خطبتنا ...

ديانا : مرحبا .
كنان : اهلا وسهلا حبيبتي ، كيف كان يومك ؟
ديانا : متعب و حلو بنفس الوقت .
كنان : الله يقويكي ، شو وينها مايا ؟
ديانا : مايا لسا عندها محاضرة .
*مسك ايدي كنان و باسها ... ابتسمت بخجل ..
كنان : جبتلك هدية .
ديانا : عنجد !
كنان : اي امسكي هي العلبة فتحيها .
*مشي كنان بالسيارة و انا فتحت العلبة ...
ديانا : شو حلوة هالساعة ، بس شو المناسبة ؟
كنان : المناسبة اني بحبك و بموت فيكي .
ديانا : وانا كمان .
كنان : انتي كمان بدك تجيبيلي هدية ؟
ديانا : هههه انا كمان بحبك .
كنان : حبيبتي بدي اطلب منك طلب .
ديانا : تفضل .
كنان : انا ما عاجبني لبسك بدي ياكي تلبسي شي طويل للارض .
ديانا : بس جواكيتي كلهن تحت الركبة .
كنان : مع هيك انا ما بحب ام ولادي تطلع بالشارع بجواكيت بتلبسي شي للارض .
ديانا : امرك .
كنان : بظن صرتي تعرفيني اديش بغار عليكي .
ديانا : بعرف ولا يهمك المسا مننزل انا وامي عالسوق بشتري تياب طويلة .
كنان : اي اتصلي فيني وانا بجي باخدكن .
ديانا : حاضر .
كنان : وصلنا يلا نزلي .
ديانا : نزيل تغدا عنا .
كنان : بدي ارجع عالشغل تأخرت .
ديانا : الله يقويك ، باي .
كنان : باي .

*نزلت من السيارة وكالعادة حاسة بسعادة ما بتنوصف ...
_________________________________________
#بقلم_فتاة_من_ورق

وائل : بتعرف ابو عمر .
سامر : شو ؟
وائل : من لما رجعت عالشام وانا حاسس حالي مرتاح كتير .
سامر : الحمدلله وان شاء الله منزوجك و منفرح فيك .
وائل : اتزوج !
سامر : اي ليش شو ناقصك ؟
وائل : ما ناقصني شي بس انا ماعاد بدي اتزوج بعد هناء الله يرحمها .
سامر : من كل عقلك عم تحكي ؟
وائل : سامر انا لساتني بحبها لهناء ، يعني اذا تزوجت ما رح اقدر حب زوجتي الجديدة وهيك رح اظلمها معي .
سامر : متل ما قدرت تترك بيروت و تستقر هون رح تقدر تحب مرة تانية و تتزوج وتبلش من جديد ، ما بدك ولد يقلك بابا ؟ اي بربي لما بيضحكلي عمر بحس حالي ملكت الدنيا وما فيها .
وائل : خير ان شاء الله .
سامر : شو عندك بكرا ؟
وائل : ولا شي .
سامر : معناها عميل حسابك بكرا انت و اهلك معزومين عنا عالغدا .
وائل : ان شاء الله رح نجي اكيد .
_________________________________________
#بقلم_فتاة_من_ورق

ديانا : ماما اليوم بدو يجي كنان ياخدنا عالسوق .
ام زيد : ليش ؟
ديانا : مشان اشتري تياب جديدة .
ام زيد : شبهن تيابك ؟
ديانا : ما شبهن شي بس ما حب طولهن بدو ياني اشتري تياب اطول .
ام محمد : شو هالحكي هاد ؟!
زهرية : معلش بنتي حقو هاد رح يصير زوجك .
ديانا : وانا هيك عم قول ستي .
زهرية : بزماناتو جدك طلب مني غطي وجهي .
ديانا : عنجد !!!
زهرية : اي ليش تفاجأتي ؟
ديانا : لاني ولا مرة شفتك غطيتي وجهك لما بتطلعي
زهرية : اي شلتو بعد ما ختيرت مين بدو يتطلع فيني لسا .
ديانا : هههه لا تحكي هيك ستي لساتك بتاخدي العقل .
زهرية : اي جامليني كمان هههه

مايا : مرحبا .
ديانا : اجت ميوش .
ام محمد : اهلا و سهلا حبيبتي .
مايا : سمعت صوتكن وانا داخلة عالبناية عرفت انكن مجتمعين ببيت

ستي .
ديانا : كيف الرجعة لحالك ؟
مايا : بشعة كتير حسيت بالوحدة تضربي دندون لا عاد ترجعي بدوني .
ديانا : هههه من عيوني .
مايا : ديانا بدي اطلع اخد كتاب من عندك .
ديانا : اي امشي منطلع سوا .

*طلعنا انا و مايا عالبيت ...

ديانا : ميوش اذا في شي عاجبك من تيابي خديه .
مايا : ليش قررتي تورتيني تيابك فجأة ؟
ديانا : لانو كنان ماعاد بدو ياني البسهن لازم البس تياب طويلة للارض .
مايا : معقول هو ؟! ترا تحت الركبة يعني مو قصار .
ديانا : بتعرفي شو أحلى شي بالحياة .
مايا : شو ؟؟
ديانا : إنك تلاقي الانسان يلي يحبك من جوات قلبو و يغار عليكي .
مايا : بالنسبة الك هاد أحلى شي بس في بالحياة كتير اشياء اهم من الحب و الغيرة .
ديانا : انتي عم تحكي هيك لأنك ما جربتي هالشعور لسا .

*سكتت مايا و تطلعت بالارض ...

ديانا : شبك ؟
مايا : ولا شي ، انا نازلة لعند ستك .
ديانا : مايا زعلتي مني ؟
مايا : لا عادي معك حق انا لسا ما جربت هالشعور لحتى احكي ، باي .

*حسيت بالذنب بعد ما نزلت مايا لعند ستي يمكن انا جرحتها بطريقة حكيي بس بالنسبة الي حب كنان هو احلى شي صار بحياتي ...
_________________________________________
#بقلم_فتاة_من_ورق

ابو زيد : بعد ساعتين بتوصل الآلات الجديدة .
ابو محمد : حلو .
ابو زيد : انت رح تستقبل الخبراء .
ابو محمد : انا !
ابو زيد : اي ليش شو ناقصك لحتى ما تستقبلهن ؟
ابو محمد : بس بالعادة انت يلي بتستقبل الخبراء وقت بتجيب الات جديدة .
ابو زيد : و غيرت هالعادة انت لازم تبلش تشتغل شغلي انت اخي و سندي لنفرض انا شي يوم تعبت المعمل انت رح تستلمو .
ابو محمد : بعيد الشر الله يقويك و يديم عليك الصحة انا بدونك ما بسوا شي .
ابو زيد : الله يرضى عليك .
_________________________________________
#بقلم_فتاة_من_ورق

*المسا اخدنا كنان انا و امي عالسوق و كانت حماتي معنا ...

ديانا : ليك هاد الجاكيت طويل و حلو كتير .
كنان : لونو احمر .
ديانا : اي شو يعني ؟
كنان : من كل عقلك مفكرة ممكن اسمحلك تلبسي احمر مشان كل الناس تتفرج عليكي ، حبيبتي انا بغار عليكي و بشيل عيونو يلي بدو يتطلع عليكي .
ديانا : طيب خلص بلاه الاحمر اخترلي انت اللون و الموديل .
كنان : خدي هاد الكحلي و التاني الرمادي .
ديانا : حاضر .
ام زيد : بس هالالوان بتكبرها .
كنان : ديانا مو صغيرة مرت عمي ، نسيانة انها رح تصير صاحبة بيت ؟
ديانا : عادي ماما انا عجبوني كتير .
ام زيد : اعملو يلي بريحكن .
ام كنان : دخيل قلبكن اديش متفاهمين .
_________________________________________
#بقلم_فتاة_من_ورق

هند : ماما بكرا عازمين وائل و اهلو عالغدا عم خبرك مشان تطلعي تتغدي معنا .
زهرية : لا حبيبتي العزيمة بتصير ببيتي هيك اوجب بما انو في اهلو لوائل .
سامر : والله عم تحكي درر يا مرت عمي .
هند : متل ما بدك امي ، وينهن ام زيد و ديانا ؟
مايا : راحو عالسوق .
هند : وليش عم تحكيها بنبرة حزن ؟
مايا : ديانا كانت توأمي من لما نخطبت ماعاد شفتها منيح .
هند : هههه دخيلو الغيران ، بكرا انتي كمان بتنخطبي وماعاد تفضي لحدا .
مايا : انا غيرانة لاني حاسة كنان اخد توأمي مني مو غيرانة لانها مخطوبة وانا لا .
زهرية : دعيلها بالسعادة لانو هي سنة الحياة مهما ضليتو سوا بالنهاية كل وحدة منكن رح تروح على بيت زوجها .
مايا : الله يسعدها و يهنيها .

#يتبع
#بقلم_فتاة_من_ورق

#أراكِ_وطني
#الجزء_التاسع
#بقلم_فتاة_من_ورق

بصباح اليوم التاني

مايا : شو المناسبة ليش عم تلفو ورق عنب ؟ عازمين كنان عالغدا ؟
هند : لا حبيبتي عازمين رفيق سامر و اهلو .
زهرية : مايا روحي نادي لديانا خليها تجي تساعدنا باللف .
ام زيد : مستحيل تنزل هلأ .
زهرية : ليش ؟
ام زيد : عم تحكي عالتلفون .
مايا : والله هالكنان سرقلها عقلها مو بس قلبها .
هند : هههه الله يهنيون يا رب انا و سامر بايام الخطبة كنا نغفى عم نحكي مع بعض و اول ما نصحى نحكي مع بعض .
ام محمد : اي بتذكر و مرت عمو تعصب منك .
هند : ههههه
_________________________________________
#بقلم_فتاة_من_ورق

كنان : مافي داعي تطلعي ترسمي بالبرندا ولا بالجنينة ببيت جدك .
ديانا : ليش ؟
كنان : هيك ماعم يعجبني هالشي .
ديانا : حاضر متل ما بدك .
كنان : انا بحبك ديانا بحبك كتير لهيك بخاف عليكي وبدي تضلي متخبية بالبيت .
ديانا : وانا كمان بحبك و بخاف عليك .
كنان : الله يخليلي ياكي ، شو رأيك العرس بعد شهر ؟
ديانا : لا كنان اتفقنا لصير سنة رابعة و ليكني هلأ رح خلص سنة تاني .
كنان : يعني لسا بدنا مضل مخطوبين سنة .
ديانا : اي ليش مو مبسوط بأيام الخطبة ؟
كنان : مبسوط حبيبتي كتير مبسوط بس حابب ضل شايفك طول الوقت مليت من الحكي عالتلفونات .
ديانا : اي بكرا بتمل مني بس نتزوج .
كنان : انا ما بمل من حبيبتي و روحي .
ديانا : بتعرف شو .
كنان : شو ؟
ديانا : وانا عم حكيك خلصت واجب الرسم .
كنان : الله يعطيكي العافية صوريلي ياها متل العادة .
ديانا : من عيوني ، صار لازم تروح على شغلك .
كنان : صرت بالسيارة وهلأ ماشي .
ديانا : انتبه عحالك حبيبي .
كنان : وانتي كمان يا عمري .

*سكرت الخط و حضنت التلفون ...
ديانا : بحبككككك

ام زيد : خلصتي حكي ؟
*تطلعت بأمي نظرات خجل ..
ديانا : اي .
ام زيد : يلا انزلي مشان تساعدينا بالشغل ببيت ستك اليوم في عزيمة .
ديانا : والله ! لمين ؟
ام زيد : رفقات زوج عمتك .
ديانا : معلش قلو لكنان يجي ؟
ام زيد : انتي جنيتي ؟ هي العزيمة لرفقات زوج عمتك شو دخل كنان ، يا ربي تصبرني على هالبنت .
_________________________________________
#بقلم_فتاة_من_ورق

*متل العادة بلشت اسعل بالمكتب .. حطيت ايدي على تمي وانا عم اسعل ولما شلت ايدي تفاجأت بنقط دم صغيرة ...

ابو زيد : اكيد انجرح حلقي من كتر ما سعلت .

*دق باب المكتب اخي ابو محمد .. مسحت ايدي و رميت المحرمة بالزبالة ...

ابو زيد : تفضل اخي .
ابو محمد : اخي هي التقارير يلي كتبوها خبراء الآلات .
ابو زيد : تمام يعطيك العافية .
ابو محمد : الله يعافيك اخي ، ليش وجهك تعبان ؟ مريض شي ؟
ابو زيد : لا الحمدلله انا تمام بس مبارح تأخرت لنمت .
ابو محمد : اذا بدك رجاع عالبيت نام شوي لانو اليوم مجتمعين عند امك جاي رفيقو لسامر .
ابو زيد : اي صحيح كنت نسيان هالموضوع ، معناها تعال قعود محلي لروح عالبيت نام ساعة زمان .
ابو محمد : الله معك .
_________________________________________
#بقلم_فتاة_من_ورق

مايا : حليتي الواجب ؟
ديانا : اي وانا عم احكي مع كنان حليتو .
مايا : تضربي من ايمتا بتحلي واجبك لحالك ؟
ديانا : اسفة بس لقيت اللوحة قدامي حليتو .
مايا : ديانا انتي كتير متغيرة .
ديانا : كيف ؟
مايا : صاير همك الوحيد هو كنان و كلشي حلمناه سوا و قررنا نحققو سوا بلشنا نفترق فيه .
ديانا : معقول تفكري هيك ؟ انا مستحيل افترق عنك ميوشتي .
مايا : اكيد ؟
ديانا : اي اكيد .
مايا : معناها هلأ بس نخلص شغل منروح منحل واجبي سوا .
ديانا : من عيوني .
مايا : تسلملي عيونك .
_________________________________________
#بقلم_فتاة_من_ورق

الساعة 4 العصر

*وقفت قبال المراية زريت زرار القميص و لبست جاكيت البدلة ، حملت علبة العطر و رشيت منها على رقبتي ...

ام وائل : يا عمري انت هيئتك عريس .
وائل : هههه وحدي الله امي شو عريس .
ام وائل : الف بنت بتتمناك تطلع على حالك بالمراية شوف هالشبوبية ريتك ما تبلا يا عيون امك انت .

*التفتت و تطلعت على حالي بالمراية ...
--------------------------------------------
هناء : انا بزبطلك الكرافة .
وائل : ليش انا بقدر اطلع من البيت اذا ما مرتي حبيبتي زبطلتي الكرافة .
هناء : الله لا يحرمني منك ، ما تبلا هالرجولية ، والله بلشت خاف عليك .
وائل : هههه ليش ؟
هناء : بخاف شي صبية تسرقك مني .
وائل : انا لهناء و هناء الي ، نحنا خلقنا لنكون لبعض و بس .
هناء : الله يخلينا لبعض .
وائل : آمين .
-----------------------------------------

ام وائل : وااااااائل .
وائل : اي امي .
ام وائل : بشو شردت ؟ تأخرنا عالجماعة .
وائل : يلا تفضلو .
_________________________________________
#بقلم_فتاة_من_ورق

زهرية : يا مية اهلا و سهلا شرفتونا .
ام وائل : نحنا يلي تشرفنا بمعرفتك زهرية خانم .
ابو زيد : تفضلو يا جماعة اعتبرو البيت بيتكن .
ابو وائل :

سمع منك ، المهم هلأ هاد الحكي سر ما بدي مخلوق يعرف فيه .
ابو محمد : ولا حتى امك ؟
ابو زيد : جنيت انت اذا الكل عرف امك ما لازم تعرف .
ابو محمد : امرك اخي .
ابو زيد : يلا روح كمل شغلك .
_________________________________________
#بقلم_فتاة_من_ورق

ديانا : حبيبي ما قلتلي .
كنان : شو قلك ؟
ديانا : ما بدنا نروح شهر عسل ؟
كنان : شهر شو ما سمعت .
ديانا : شهر عسل
كنان : حبيبتي انا بعد بكرا نازل عالشغل دوبني سد ديون العرس .
ديانا : شو يعني ؟
كنان : يعني حاليا شيلي فكرة شهر العسل من بالك بس يصير معي مصاري باخدك وين ما بدك .
ديانا : الله يرزقك .

*بلشت تمضى الايام و كل يوم متل يلي قبلو .. بشتغل بالبيت و بطبخ و بشوف طلبات حماتي و كنان .. كنت متخيلة انو كنان رح يضل يحبني و يجبلي هدايا و يدللني بس اكتشفت انو هالشي بس بالخطبة ...
_________________________________________
#بقلم_فتاة_من_ورق

بعد مرور شهرين

كنان : شايفك لابسة لوين رايحة ؟
ديانا : اي حبيبي خبرتك مبارح انو بدي روح عالصالون مع مايا مافيني اتركها اليوم عرسها .
كنان : اي انا بوصلك ليش ايمتى كنتي تطلعي لحالك ؟
ديانا : ناطرتك .

*جهز حالو كنان و طلعنا بالسيارة ... شغلت الراديو طلعت غنية وائل كفوري ...

ديانا : بحبك انا كتير يا حبيبي ضلك طل علي
كنان : ديانااا راسي عم يوجعني .

*طفى كنان الراديو وهو مزعوج ...

ديانا : اسفة ، اخدت دوا ؟
كنان : اي اخدت بطيخ .
ديانا : سلامة قلبك .
كنان : و فوق هاد رايحة عالصالون يعني اليوم كلو مشغولة مع الست مايا .
ديانا : بيعينك الله على هاليوم .

*تنهدت و التفتت ، صرت اتفرج عالدنيا من الشباك ، حسيت بدوخة ...

ديانا : وقف وقففف
كنان : شبك ؟
ديانا : وقف السيارة .

*وقف كنان السيارة .. فتحت الباب و صرت استفرغ ...

كنان : شبك شو صرلك ؟
ديانا : ما بعرف دايخة كتير .
كنان : في شي عم يوجعك ؟
ديانا : لا بس تعبانة .
كنان : وجهك اصفر يمكن نزل ضغطك .

*غير الطريق و صار يمشي باتجاه المشفى....
_________________________________________
#بقلم_فتاة_من_ورق

مايا : ماما تأخرت ديانا كتير .
ام محمد : بتكون عالطريق حبيبتي .
مايا : اتصلي فيها .
ام محمد : بعد ساعة اذا ما اجت منتصل فيها لانو لسا في وقت .
مايا : طيب .

*بلشت حس بتوتر ... وينها ديانا لهلأ ؟! معقول متزاعلة مع كنان ؟!
_________________________________________
#بقلم_فتاة_من_ورق

ام زيد : خليني اطلبلك الاسعاف .
ابو زيد : مافي داعي انا منيح .
ام زيد : شو منيح وانت ماعم تقدر تقوم من الفرشة و وجهك شاحب حتى صوتك مبحوح من هالسعلة يلي ماعم تتركك .
ابو زيد : خليكي جنبي لضل منيح .
ام زيد : انا جنبك ما رح اتركك .

*صرت اتأمل ام زيد وكأني عم ودعها .. حسيت انو صارت ايامي قليلة بهالحياة .. جسمي مهدود و ماعاد الي مهرب من الموت ...
_________________________________________
#بقلم_فتاة_من_ورق

ام وائل : الحمدلله انو الله خلاني عايشة لهاليوم .
ابو وائل : الله يطول عمرك .
ام وائل : ويطول عمرك .
وائل : شبكون الله يطول عمركن انتو التنين وان شاء الله بتشوفو ولادي و ولاد ولادي .
ام وائل : ولادك حلمي شوفهن بس ولاد ولادك هههه هيك كتير .
وائل : الله يخليلي ياكن .
ام وائل : الله يهنيك و يسعدك ، ايمتى لازم نروح نجيب العروس ؟
وائل : عالساعة 8 .
_________________________________________
#بقلم_فتاة_من_ورق

كنان : طمنينا دكتورة ؟
الدكتورة : وضعها تمام و البيبي وضعو تمام .
كنان : شو ؟ بيبي ؟
ديانا : ههههه شو دكتورة ؟
الدكتورة : انتي حامل ، الف مبروك .
كنان : ههههه الحمدلله يا ربي .
ديانا : بلاقيك صرت تضحك ان شاء الله طاب راسك على هالخبر ؟
كنان : اي والله هي الاخبار يلي بتطيب الاوجاع .
الدكتورة : الله يتمم على خير ، كتبتلها على فيتامينات لازم تاخدهن طول فترة الحمل .
كنان : اي هلأ منجيبهن .

*طلعنا من المشفى .. هالخبر رجعلنا الضحكة الي و لكنان ... ركبنا بالسيارة .. مسك كنان ايدي و باسها ...

كنان : الله يتمملنا على خير حبيبتي .
ديانا : آمين .
كنان : مبسوط كتير .
ديانا : وانا كمان .
كنان : يا رب يكون صبي .
ديانا : اهم شي الخلقة التامة ، وصلني لعند مايا تأخرت عليها .
كنان : من عيوني .
ديانا : ولا تنسى تجبلي الفيتامينات من الصيدلية .
كنان : تكرم عيونك و عيون ابني ، ما جاي عبالو ابني شي اكلة ؟
ديانا : ههههه لا لسا ما جاي عبالو شي غير يروح يشوف مايا .
كنان : ايوا

#بقلم_فتاة_من_ورق
*وصلت لعند مايا .. اول ما شفتها حضنتها وانا عم اضحك ...

مايا : وينك لهلأ ؟
ديانا : كنت بالمشفى ؟
مايا : ليش فيكي شي مريضة شي ؟
ديانا : قالتلي الدكتورة انا و البيبي بخير .
ام محمد : انتي حامل ؟
ديانا : ههههه اي .
مايا : الف مبرووووك .
ام محمد : الله يتمملك على خير حبيبتي .

*بعد ساعات صرنا جاهزين .. اجا عمي و اخدنا من

الصالون لانو طلعة مايا من البيت ...

#بقلم_فتاة_من_ورق

ابو محمد : مايا .
مايا : نعم بابا .
ابو محمد : هلأ بتطلعي على بيت عمك بتودعي عمك .
مايا : اي حاضر بابا .

*طلعنا انا و مايا على بيت اهلي .. شفت ابي بالفرشة تعبان .. هي اول مرة بشوفو بهالحالة ...

ديانا : بابا شبك .
ابو زيد : تعبان شوي حبيبتي لا تخافي .
مايا : شو يلي عم يوجعك عمو ؟
ابو زيد : جسمي كلو عم يوجعني كأني مكرب .
ديانا : سلامة قلبك يا حبيبي .
مايا : سلامتك عمو .
ابو زيد : ام زيد اعطيني هدية مايا .
ام زيد : من عيوني .. تفضل .
ابو زيد : هاتي ايدك عمي .

*لبسني عمي اسوارة هدية عرسي ... مسكت ايدو و بستها...

ابو زيد : الله يرضى عليكي ويسعدك .
مايا : الله يطول عمرك .
ديانا : وانا ما بدك تهديني ؟
ابو زيد : ههههه غيورة .
ديانا : لا مو غيرة انا بدي هدية لاني حامل .
ام زيد : الف مبروك يا حبيبتي .
ابو زيد : الله يتمملك على خير يا عيوني ، معناها هاتي هدية ديانا .
ديانا : ههههه عم امزح بابا .
ام زيد : هي هديتك اشتراها ابوكي من لما تزوجتي مشان لما تبشرينا هالبشارة .
ابو زيد : قربي لعندي .

*لبسني ابي سنسال بحياتي ما شفت ولا رح شوف احلى منو ...

ابو زيد : الله يرضى عليكن ، يلا ام زيد جهزي حالك مشان تروحي عالعرس .
ام زيد : لا بدي ابقى معك .
ابو زيد : انا صرت منيح ، رح نام شوي لترجعي .
ام زيد : حاضر .
_________________________________________
#بقلم_فتاة_من_ورق

*حفلة عرس مايا من احلى الحفلات يلي حضرتها ... نظرة عيون وائل لمايا نظرة عاشق و متيم بالحب ومايا ما كانت واسعتها الدنيا من فرحتها ...

#بقلم_فتاة_من_ورق
*خلص العرس و رجعنا على بيوتنا ...

كنان : من وين هالسنسال ؟
ديانا : هداني ياه بابا لاني طلعت حامل .
ام كنان : انا بعرف بيهدو لما بتولدي ما لما بتحملي .
ديانا : الي هدية تانية لما اولد .
ام كنان : اي الله يخليلك هالبابا .
ديانا : آمين .
_________________________________________
#بقلم_فتاة_من_ورق

زهرية : الله يهنيها و يسعدها .
ام محمد : امين .
هند : انا مأمنة عليها مع وائل الله يسعدهن .
ام زيد : الله يبيض ايامهن ، انا بدي اطلع عالبيت تصبحو على خير .
زهرية : وانتي بخير .

*طلعت على بيتي وانا مبسوطة ...

ام زيد : جمال حبيبي لهلأ نايم ؟! قوم لاحكيلك شو صار بالعرس ، والله شكلك بسابع نومة .

*وقفت قبال المراية مسحت مكياجي وقربت لحتى غطي زوجي ... تفاجأت من دم طالع من تمو وماعم يتنفس .. بلشت تختفي ابتسامتي و دقات قلبي صارت تتسارع ...

ام زيد : جمال ، جمال حبيبي رد عليي جمااااال .

#يتبع
#بقلم_فتاة_من_ورق

#أراكِ_وطني
#الجزء_الثالث_عشر_الأخير
#بقلم_فتاة_من_ورق

*وقفت قبال المراية مسحت مكياجي وقربت لحتى غطي زوجي ... تفاجأت من دم طالع من تمو وماعم يتنفس .. بلشت تختفي ابتسامتي و دقات قلبي صارت تتسارع ...

ام زيد : جمال ، جمال حبيبي رد عليي جمااااال .

*حضنت جمال وصرت صرخ و ابكي ....

#بقلم_فتاة_من_ورق

ابو محمد : هاد صوت مرت اخي .
ام محمد : اي صوت فادية ، خير ان شاءالله .
ابو محمد : اخي .

*نزلت من بيتي و صرت دق باب بيت اخي بقوة ...

ابو محمد : افتحي ام زيد .
*كنت عرفان انو هاليوم رح يجي بس يلي ما كنت عرفانو انو بيوجع هالقد ...
_________________________________________
#بقلم_فتاة_من_ورق

بصباح اليوم التاني

ام كنان : قوم ابني قوم صحي مرتك و خدها على بيت اهلها .
كنان : والله خايف عليها شو بدو يصير فيها لما تعرف ، لا حول ولا قوة الا بالله .
ام كنان : اول عن آخر رح تعرف قوم وديها من هلأ خليها تودع ابوها قبل ما يدفنوه .
كنان : حاضر .

*دخلت على الغرفة .. قربت من ديانا و صحيتها بهدوء ..

كنان : ديانا حبيبتي .
ديانا : اي كنان .
كنان : قومي اشربي قهوة معي قبل ما روح على شغلي .
ديانا : اديش الساعة ؟
كنان : الساعة 7 .
ديانا : عملت قهوة ؟
كنان : اي عملت بس قومي .
ديانا : الله لا يحرمني منك شو بحب يومي لما بتصبح فيك ، عنجد لا عاد تتركني نايمة و تروح عالشغل كل يوم صحيني معك .
كنان : تكرم عيونك .
_________________________________________
#بقلم_فتاة_من_ورق

وائل : يسعد صباحك يا عروس .
مايا : صباح الفل حبيبي .
وائل : حضرتلك الفطور .
مايا : الله يخليلي ياك .

*غسلت وجهي .. رفعت شعري بالملقط و قعدت عالسفرة ...

وائل : بس تخلصي اكل ضبي شنتة صغيرة مشان نروح نودع اهلي و نسافر .
مايا : لوين بدنا نسافر ؟
وائل : ما بدنا نبعد كتير على تركيا ، اسبوع زمان و منرجع .
مايا : اي تمام .
وائل : ليش هيك رافعة شعرك فرديه .
مايا : هههه حاضر .
_________________________________________
#بقلم_فتاة_من_ورق

كنان : ديانا قومي جهزي حالك .
ديانا : ليش ؟
ام كنان : اهلك بدهن ياكي .
ديانا : غريبة ليش ما خبروني مبارح !
كنان : يلا حبيبتي بسرعة جهزي حالك مشان ما اتأخر على شغلي .
ديانا : اوكي ثواني .

*دخلت على غرفتي لحتى بدل تيابي ...

ام كنان : ليش ما خبرتها ؟
كنان : مافيني خلص اهلها بيخبروها .
ام كنان : بدك تتركها و تروح عشغلك ؟
كنان : لا طبعا أيّا شغل هاد وعمي توفى .
ديانا : شو .. شو قلت كنان ؟
كنان : ولا شي .
ديانا : مين عمك يلي توفى ؟ ميييين ؟
ام كنان : ديانا اهدي بنتي .
ديانا : ليش عم تقوليلي اهدي مرت عمو .. بابا ؟ كنان بتقصد بابا ؟
كنان : لا حول ولا قوة الا بالله ، اهدي حبيبتي هي سنة الحياة الله يرحمو و يغفرلو .
ديانا : ولي على آمتي وليييي على آمتي .

*رحت على بيت اهلي .. لأول مرة بشوف هالبيت اسود رغم الإضاءة .. تمنيت لو اني متت قبل ما شوف هاليوم .. حسيت بالبرد عم ينخر عضامي .. حسيت قلبي احترق و صار رماد ...
_________________________________________
#بقلم_فتاة_من_ورق

*دخلنا على بيت حمايي .. استقبلتنا حماتي بكل برود و بدون ابتسامة ...
ام وائل : اهلا و سهلا .
وائل : كيفك امي .
مايا : طمنينا عنك مرت عمو .
ام وائل : الله يرضى عليكن .
وائل : وينو ابي ؟
ام وائل : طلع من الصبح .
وائل : كنا بدنا نودعو انا ومايا قبل ما نسافر .
ام وائل : ابني اجلو سفرتكن هلأ .
وائل : ليش ؟
ام وائل : ما بيصير تسافر لانو .. لانو
وائل : لانو شو ؟ احكي امي .
ام وائل : لانو اليوم الصبح وصلنا خبر وفاة ابو زيد عمها لمايا .
مايا : عميييييييي
وائل : شو ؟ كيف ؟؟؟

*فتحت الباب و نزلت عالشارع ركض ...

وائل : مايا استني مايا .
_________________________________________
#بقلم_فتاة_من_ورق

*بعد مرور عدة أشهر*

ام زيد : مرت عمو ولدت ديانا بدي روح عالمشفى بدك شي ؟
زهرية : سلامتك يا بنتي ، يا رب قلبي ماعاد يتحمل فقدان ابني .. يا رب خدني و ريحني .

#بقلم_فتاة_من_ورق

مايا : ما شاء الله شو ناعمة هالبنت ، كتير بتشبهك ديانا .
ديانا : حبيبتي ميوش الله يفرحنا بقيامك بالسلامة .
مايا : آمين .
ام كنان : صورتي مايا ؟
مايا : اي خالة .
ام كنان : شو طلع معك ؟
مايا : صبي ان شاء الله .
ام كنان : عقبال كنتي لما تجيب الصبي و تفرح قلب ابني .
مايا : الله كريم .
*توترت من جملة حماتي و حاولت غير الموضوع ...
ديانا : كنان خلينا نسميها مايا .
كنان : بعدين منحكي بهالموضوع .
مايا : عن اذنك دندون انا بدي روح عالجامعة المسا برجع بجي لعندك .
ديانا : الله معك حبيبتي .
_________________________________________
#بقلم_فتاة_من_ورق

وائل : كيف شفتيها للصغيرة ؟
مايا : الله يحميها بتجنن .
وائل : و ابني كيفو ؟
مايا : هههه منيح الحمدلله .
وائل : مو مصدق ايما يجي على هالدنيا و احملو بايديي و ي

كبر و يقلي بابا جبلي طابة .
مايا : ان شاء الله حبيبي ، بتعرف كتير زعلانة على ديانا .
وائل : ليش ؟
مايا : زوجها و حماتها كتير مزعوجين لانو اجتهن بنت .
وائل : يحمدو ربهن انو طعمهن الخلقة التامة .
مايا : اي والله اهم شي الخلقة التامة .
وائل : ايمتى ارجع اخدك ؟
مايا : بعد ساعتين .
وائل : انتبهي عحالك يا عمري .
مايا : وانت كمان حبيبي .
_________________________________________
#بقلم_فتاة_من_ورق

باليوم التاني

*رجعت عالبيت و راح كنان ليسجل البنت...

ام زيد : بنتي بيكفي زعل ما بيسوالك .
ديانا : مو بايدي ماما ، كنان ما شال البنت الا لما ادنلها و حماتي لهلأ ما مسكتها وعم تندب حظها وحظ ابنها كل هاد لانو بنت ، اصلا من يوم وفاة ابي انا ماعاد عرفت الفرحة .
ام زيد : الله يرحمو ، المهم هلأ بدي ياكي تفرحي بالبنوتة ليكي شو حلوة و اديش بتشبهك .
ديانا : خديني لعندك عالبيت ما بدي ابقى هون .
ام زيد : لا حبيبتي ما بصير لبعد اسبوع لانو بدهن يجو قرايبين زوجك يباركولك .
ديانا : ريتني ما عرفت هالعيلة .
ام زيد : شو قلتي ؟
ديانا : ولا شي عم قول بدي نام شوي .
ام زيد : اي حبيبتي نامي و ارتاحي انا رح اهتم بالصغيرة .

*حملت حفيدتي و طلعت لبرا ...

ام كنان : لا تنسي تطبخي لبنتك .
ام زيد : مو نسيانة .
ام كنان : ليش شايلة الصغيرة تركيها بكرا بتتعود عالشيل و امها مو فاضية دوبها تلحق شغل البيت .
ام زيد : والله هي بنت بنتي ومستعدة ضل شايلتها طول العمر .

*بعد نص ساعة رجع كنان عالبيت ....

كنان : كيفك امي .
ام كنان : اهلين حبيبي ، شو سميتها ؟
كنان : رحاب على اسمك .
ام كنان : الله يرضى عليك اي ها هلأ صار فيني شيلها ، قال مايا قال .

*دخلت على غرفتي لبدل تيابي...

ديانا : رجعت حبيبي .
كنان : صحيتك ؟
ديانا : لا صاحية ، شو سميت البنت ؟
كنان : تفضلي هي الورقة شوفي بعينك .
*مسكت الورقة و انا مبتسمة ولما قرأت الاسم اختفت ابتسامتي ...
ديانا : ليش هيك عملت ؟
كنان : رضا امي اهم من الدنيا كلها .
ديانا : بس حرام عليك يعني بنات جيلها كلن اسماءهن حلوة و ناعمة وهي رحاب .
كنان : شو قصدك اسم امي بشع .
ديانا : مو هيك قصدي بس
كنان : بدون بس سكريلي على هالسيرة يرضى عليكي ما بدنا نتخانق .
*التفتت عالجهة التانية و صرت ابكي بدون صوت ...
_________________________________________
#بقلم_فتاة_من_ورق

*مضيت الايام و الشهور وما قدرت غير شي بكنان .. وما قدرت غير شي بحياتي .. كل الوعود ايام الخطبة كانت مجرد حكي .. الحلم تبخر و وعدو الي بتكميل دراستي صار منسي ...

#بقلم_فتاة_من_ورق

*بعد مرور سنة*

كنان : شو شايفك عم تجهزي حالك .
ديانا : اي حبيبي اليوم حفلة تخرج ميوش .
كنان : وين الحفلة ؟
ديانا : بالجامعة .
كنان : انسي مافي روحة .
ديانا : ليش ؟
كنان : اقعدي مع بنتك المريضة ، انتي حرام تكوني ام راكضة ورا حفلات التخرج و بنتك مريضة .
ديانا : هلأ عطيتها الدوا و رح اخدها معي عالحفلة .
كنان : قلتلك مافي روحة ، نقطة انتهى .
_________________________________________
#بقلم_فتاة_من_ورق

*طلعت بالسيارة كانت مزينة ورد ...

مايا : هههه لك شو عامل هلأ بيفكروها سيارة عروس .
وائل : حفلة تخرج مرتي حبيبتي وما زينلها السيارة ، وينو سعيد ؟
مايا : حلفت عليي مرت عمو خليه عندها ، قالتلي انبسطي انتي و زوجك اليوم و تركولي الصبي انا بهتم فيه .
وائل : الله يطول عمرها .
مايا : آمين ، والله بحسها امي مو حماتي .

*وصلت عالجامعة .. حفلة تخرجي هي احلى حفلة بعمري بس كان ناقصها وجود ديانا معي .. جربت اتصل فيها اكتر من مرة بس ما ردت ...

مايا : هلأ خلينا نرجع عالبيت بخاف سعيد يكون عم يعذب مرت عمو .
وائل : تطمني لو عم يعذبها بتتصل فيني ، هلأ خلينا نروح انا و انتي نحتفل بشي مطعم و قدملك هدية تخرجك .

*بالطريق وصلتني رسالة من ديانا ....
************************
ديانا : الف مبروك تخرجك يا توأمي ، سامحيني لاني ما حضرت وماعم رد عليكي بس كنان ما سمحلي اجي احضر حفلتك كنت عم ابكي لهيك ما رديت على اتصالك ما بدي اخربلك فرحتك ، الف مبروك مرة تانية ام سعيد الحلوة .
************************

مايا : هاد مجنون مستحيل يكون طبيعي .
وائل : مين ؟
مايا : كنان زوج ديانا ما سمحلها تحضر حفلة تخرجي .
وائل : الله يعينها ، المهم هلأ ما بدي تخربي فرحة تخرجك انسي الموضوع و ورجيني الضحكة الحلوة .
_________________________________________
#بقلم_فتاة_من_ورق

ام كنان : شو بدك تضلي عم تبكي ؟ قومي اطبخي هلأ بيجي زوجك .
ديانا : اطبخو لحالكن انا ما بدي اكل .
ام كنان : هيك صار الحكي .
ديانا : اي هيك .

*ضليت طول اليوم بغرفتي و بطلت احكي مع كنان على امل انو يصالحني .. بس اعتبر اني مو موجودة بالبيت و صار يضحك مع حماتي ولا كأنو زعلني ...
_________________________________________
#بقلم_فتاة_من_ورق

*ب

عد يومين .. اخدت كل لوحات مايا و حطيتهن بالمعرض .. و بلشت لف على قرايبينا واعطيهن كروت الدعوة لحضور المعرض .. هي مجرد مفاجأة صغيرة لفرح مايا و خليها تحقق حلمها والمفاجأة الاكبر قررت خبرها ياها بالمعرض....

وائل : تفضل كنان .
كنان : شو هاد الكرت قررت تتزوج مرة تانية ؟
وائل : هههه ما بتزوج على ام سعيد ، هاد الكرت دعوة تتفضل انت و زوجتك و الوالدة لتحضرو معرض مايا بكرا .
كنان : اي ان شاء الله .
وائل : بس نبه على مرتك ما تخبر مايا لانو هي مفاجأة .
كنان : اي ولا يهمك ، تفضل شراب قهوة .
وائل : لسا عندي فوق ال20 كرت بدي وزعهن عن اذنك .
كنان : الله معك .

*حملت الكرت و قلبتو بايديي و صرت اضحك ...
كنان : هه هيك و دارسة رسم لكن لو دارسة هندسة او صيدلة شو بيعمل .

ديانا : شو هاد الكرت كنان ؟
كنان : دعوة لحضور معرض الرسامة مايا .
ديانا : يا روحي ميوش ، بدنا نروح صح ؟
كنان : لا مو صح لاني بكون بالشغل وقت المعرض .
ديانا : الله يخليك خليني روح لا تمنعني من هالروحة متل ما منعتني احضر حفلة تخرجها .
ام كنان : سمحلها تروح ابني .
كنان : طيب بس نص ساعة مو اكتر .
ديانا : الله يخليلي ياك .
_________________________________________
#بقلم_فتاة_من_ورق

باليوم التاني

*جهزت حالي و جهزت بنتي و رحت ... كنت حاسة بسعادة انو مايا عم تحقق حلمنا ... دخلت عالمعرض و صرت اتفرج على لوحاتها...

مايا : وائل لوين اخدني ؟
وائل : امشي امشي هلأ بتعرفي
مايا : طيب فكلي الربطة عن عيوني .
وائل : ما بصير لنوصل .
مايا : يا ربي اديش باقي لنوصل .
وائل : يلا خطوتين كمان .

*وقفت و شلي وائل الربطة عن عيوني ... فتحت عيوني شفت قرايبيني كلهن و الكل صار يحيني ... ركضت ديانا لعندي و حضنتني ...

ديانا : احلى رسامة بالعالم .
مايا : هههه انا لهلأ مو مستوعبة شو صاير هون ؟
وائل : هاد معرض باسم الرسامة مايا فيه كل لوحاتها .
مايا : عنجد ماعم صدق عيوني ، كيف جهزت كلشي بهالسرعة .
وائل : كرمال نجاحك و سعادتك مستعد أعمل أيّ شي بس لشوفك مبسوطة و عم تضحكي .
مايا : يا الله اديش انا محظوظة فيك .
وائل : انتي عمري كلو انا يلي محظوظ فيكي ، قبل ما اعرفك كنت عايش بغربة حتى بين اهلي و ببلدي عايش بغربة بس لما عرفتك صرتي وطني و نسيتيني الغربة و الحزن .
مايا : الله لا يحرمني منك .
ام محمد : الله يخليكن لبعض .
ابو محمد : بالله نزلولي هي اللوحة بدي اخدها عالبيت .
وائل : هههه من عيوني عمي .
ديانا : الله يهنيكن .

*بلشت حس بغيرة وين صارت مايا و وين وقفت انا .. انا وقفت حياتي و تخليت عن حلمي كرمال كنان بس مايا كملت حياتها بسعادة وحققت احلامها مع وائل ....

وائل : وهلأ بدي خبرك بالمفاجأة التاني .
مايا : شو ؟
وائل : بعد بكرا رح نسافر على ايطاليا في معرض للرسامين المبتدئين رح اعرض لوحاتك فيه .
مايا : ههههه والله حاسة حالي بحلم .
ام وائل : من هلأ عم قلكن سعيد بيضل عندي .
ام محمد : الله يخليكن لبعض .
ديانا : الله يسعدكن .

*تطلعت بساعتي انتبهت انو الي ساعة بالمعرض .. ودعت الكل و طلعت من المعرض .. رن تلفوني ...

*****************
ديانا : الو .
كنان : لهلأ ما رجعتي عالبيت .
ديانا : هلأ طلعت من المعرض نسيت حالي .
كنان : نسيتي حاااااالك مو الحق عليكيييي الحق علييي انا سمحتلك تروحيييي انتي ما بتنعطي وجه لازم تضلي بالبيت و محرومة الطلعة .

*سكرت الخط بوجه كنان .. طالعت الشريحة و كسرتها .. غيرت طريقي و رحت على بيت اهلي ....
*****************
_________________________________________
#بقلم_فتاة_من_ورق

ام زيد : ديانا .
*رميت رحاب بحضن امي و رحت على غرفتي .. بكيت كتير .. بكيت دم مو بس دموع .. بكيت من قهري على حالي و بكيت اني مسحت شخصيتي مع كنان كل هاد ليش ؟!!! لاني حبيتو ...

*طالعت الشنتة يلي ضبيت فيها لوحاتي .. فتحتها و صرت اتأملهن ......
^^^^^^^^^^^^^^^^^^^^^^^^^^^^^^^^^^^
ديانا : شايفة هي النجمة يلي عاليمين .
مايا : قصدك هي اكتر نجمة عم تلمع ؟
ديانا : اي .
مايا : شبها ؟
ديانا : هي انا .. هيك رح صير نجمة المع بسما الفن ، رح صير اشطر رسامة بالعالم ، بيع لوحاتي كلهن و الناس تنطر ديانا ترسم لوحة ليتنافسو مين بدو يشتريها .
^^^^^^^^^^^^^^^^^^^^^^^^^^^^^^^^^^^

ديانا : ليش عملتي بحالك هيك !؟ ليش تخليتي عن حلمك ؟!
ام زيد : بنتي زوجك عم يتصل فيني خبرتو انك عندي .
ديانا : شو قلك ؟
ام زيد : قلي انو جاي ياخدك .
ديانا : اتصلي بعمي خليه هلأ يجي .
ام زيد : اي من عيوني .

#بقلم_فتاة_من_ورق

*بعد نص ساعة وصلو عمي و كنان سوا ...

كنان : انا تسكري بوجهي هيك ؟؟؟
ابو محمد : اهدى كنان خليني افهم شو صاير .
ديانا : رح احكيلك يا عمي شو صاير بس اول ما بدي اسمع ولا حرف من كنان طول ماعم احكي .
ابو محمد : متل ما بدك بس احكي .
ديانا : هاد الانسان يلي اسمو زوجي دمرني .. حولني من بنت ضحوكة و سعيدة وعندها احلام