📚قصص||روايات||منوعة📚

#يوم_من_حياتي
#كامله_تحت_الصور
#بقلمي_امل_احمد_سلوم
@rwayate
للمره التاينه رح احكي هالقصه من الارشيف وهي اول تجربه الي بالكتابه… القصه اقتباس من فيلم هندي اسمه ظلم العداله وانا طبعا ضفت عليه لمساتي الخاصه
بتمنى تعجبكم
*╚══════ღღ══════╝
#رواية_يوم_من_حياتي
#بقلمي_امل_احمد
#الجزء_الاول
كانت عم تمشي بخطوات بطيئة بإتجاه غرفة السجين رقم 221
بتمشي ورا السجان وعم ترمي بنظراتها على كل غرفة نزيل بتتفحص بعيونها هالممر المظلم المعدوم من اي حياه
قاطع شرودها صوت السجان
السجان… نزيل رقم 221 زياره الك
بلعت ساميه ريقها وشدت على قبضتها وحاولت تتماسك
فاتت لعند السجين رقم 221 وهي متلهفه كتير لتجري معه حوار ونقاش بيقدر يفيدها ويفيده
ساميه .. محاميه عمرها 25 سنه بنت ببشره حنطيه وشعر بني ناعم وملامح حنونه وعيون واسعه… كرست حياتها لتكمل مشوار ابوها الراحل لتحقيق العدالة
ساميه: … كيفك جاسم
رفع جاسم عيونو بإستغراب كانت اخر مره سمع حد بيندهه بإسمه من عشر سنوات
جاسم : ………… .
ساميه: انا اسمي ساميه جيت لهون لارجع افتح ملف قضيتك وحقق العداله
جاسم :………… .
ساميه : سيد جاسم ممكن نحكي شوي لو سمحت صرلك عشر سنوات ساكت يمكن اجا الوقت لتكسر حاجز الصمت وتحكي
نزلت وتجلست على ركبها لتكون قباله وكملت كلامها بصوت حنون لانها عارفه انه هالمهمه صعبه بس لازم تحارب لتحقق حلم ابوها بتحقيق العدالة
ساميه : انا اطلعت على ملفك ولفت نظري انك مسجل كنزيل بإسم غير اسمك يا ترا ليش
جاسم :……… ..
ساميه : ارجوك سيد جاسم اسمحلي ساعدك اسمحلي حقق حلم بابا بتحقيق العدالة انت هون من عشر سنوات وكل السجناء بيشهدو بحسن اخلاقك وهدوئك
جاسم :…… ..
اطلعت ساميه بهالانسان يلي قبالها وكانت عم تتزكر كلام السجان عنه
السجان… بصراحه انا مابعرف اسمه يلي بعرفه انه السجين رقم 221 كان طول فترة سجنه انسان هادي عمرو ما عمل مشكله مع اي سجين تاني بالعكس كان يساعد بدون تتردد اي شخص بيحتاج مساعده
انا يا بنتي ما بعرف شو ممكن يفيدك كلامي بس صدقيني هالانسان انظف من انه يكون مجرم
كان كلام السجان عم يرن ب اذان ساميه وهيه مركزه عيونها على جاسم وتتفحص ملامحه يلي ظلمها القدر
حاولت ساميه تخلي جاسم يطلع من سكوته وسكونه بس جاسم كان هادي كتير كان هادي وبارد لدرجة انها حست حالها بتحكي مع انسان ميت
وبعد ماحست انها فشلت لتعمل مع جاسم اي نقاش قامت بهدوء لتتوجه للباب
كان في صوت لباص ركاب عم يزمر برا رفع راسه وحكا
جاسم… لليوم بتزكرها كيف كانت عم تحاول تركب بالباص
التفتت عليه ساميه بإهتمام وقربت منه بسرعه ونزلت قعدت حدو وهي عم تهز راسها
ساميه : مين هيه سيد جاسم
جاسم : سمر
ساميه : مين سمر
جاسم : سمر البنت اللي جمعت بنظرة عيونها كل النساء
ساميه : سمر تركتك يعني ؟؟
جاسم وبعدو محتفظ بملامحه الهاديه رغم الدمعه يلي علقت بطرف عينه والغصه يلي عم تخنقه
الحب الحقيقي لا يطفئه حرمان..
ولا يقتله فراق .. ولا تقضي عليه أية محاولة للهرب منه ..
لأن الطرف لآخر يظل شاخصا في الوجدان 💔
ـــــــــــــ
ـــــــــــــــــــــ
الوو. ماما عم تسمعيني
ام سمر .. لك سمر هاد انتي من وين عم تحكي وليش لهلأ مارجعتي والله ابوكي رح يهد الدنيا عراسي وراسك😡
سمر .. مممم ماما يمكن مارح اقدر ارجع اليوم 😣
ام سمر… شوووو شو هالحكي هاد عم قلك ابوكي رح يطربق البيت عروسنا واصلا هو حاطط كل الحق عليي لأني سمحتلك تسافري
سمر ب اسلوب طفولي .. لك ياماااماا يا روحي والله كنت رح ارجع اليوم بس فاتتني الطياره خلص بوعدك بكره ان شاء الله كون عندك وحاولي تخلي ابي مايعصب مني ب اسلوبك الحلووو ياحلووو 😜
ام سمر… استحي وليه… خلص امري ل الله بس بكرا بتكوني هون عم تفهمي سمر
سمر… قولي ان شاء الله امي حاضر بكرا بكون بالبيت لك انا كم كريمه عندي 😍
ام سمر .. هههههههه لك اخ منك ما حدا بيقدر عليكي طيب بنتي انتبهي عحالك وحاكيني اول ب اول مشي
سمر… مشي كرومتي 💋
سمر صبيه بعمر 22خريجة ادارة اعمال بنت بتملك جمال مو طبيعي بشعرها الاسود الطويل ودبحة عيونها ورموشها الشهل ببشره بيضه وصافيه متل التلج ورغم جمالها بس كانت انسانه طيبه ومتواضعه لأبعد الحدود والكل بيحبها حتى الخدم
سافرت سمر لتركيا بدون علم ابوها ع اساس يوم وبترجع بس،لسوء حظها فاتها موعد الطياره او يمكن القدر لعب لعبته ليخلي هالصبيه الفاتنه تنضج اكتر واكتر
كانت عم تتفتل ب اسطنبول وهيه كتير مبسوطه وبس خلصت جولتها يلي ما خلت قرنه الا زارتها تعبت كتير وصار بدا تركب تاكسي لتروح عالفندق
وهي واقفه وعم تنطر التاكسي ضربت عينها عالباص يلي بعمرها ماركبتو فضولها خلاها تروح ركض 🏃‍♂️ وبلشت تتعربش وادفش بس ماحسنت تركب كان الباص مليان ورح يتحرك
كانت عيون 👀 جاسم عم تراقبها بهدوء وهو ساند راسو لشباك الباص وشايف محاولاتها الفاشله انها تركب
جاسم شب عربي بشرتو حنطيه جذابه طويل وكتافو عراض وجسمو كلو عضلات بيشتغل ضابط حربي الطائرات المروحيه

#يوم_من_حياتي
#بقلمي_امل_احمد
@rwayate
الجزء التاني والتالت والرابع
*****
************ساميه : سمر قبلت تروح معك عالضيعه
جاسم : اي قبلت
ساميه : شي غريب انه بنت ببلد غريب تقبل دعوة شخص غريب لمكان غريب .. ؟؟
جاسم :…… .
ساميه حست انه رح يرجع يسكت فضلت تدارك الموقف ليكمل كلامه
اممممممممم بس يمكن لأنك شخص عربي بمكان غريب عنها
جاسم : بصراحه انا ماتوقعت انها تقبل وماتوقعت اكون جريئ واطلب منها هيك طلب
ساميه والفضول رح يقتلها… .. واعطتك يوم من حياتها ؟؟
كانت اول مرة يبتسم من عشر سنوات
كانت ابتسامه ممزوجه بدموع لوعه وحرمان
رفع راسه للسقف وغمض عيونه وصارت الذكريات ترجع بباله وكأنه شريط سينمائي حافظ كل تفاصيلو بدقه
ساميه : انت منيح سيد جاسم
جاسم : صدقيني ما بعرف
ساميه : ما بتعرف كيف حالك ؟؟؟
جاسم :
- وكيف حالك الآن ؟
‏= مُنقسم تماماً.. جزء يُقاوم وجزء منهار، جزء يحن وجزء يصد، جزء ينتظر وجزء لايُبالي بشئ 💔
ورجع بذكرياته لورى ليوم سمر راحت معه عالضيعه
ـــــــ @rwayate
ـــــــــــــــــ
وبس وصلوا عالضيعه بلشت سمر تطلع هون وهون وهي طايرة من الفرح مافي اسواق كبيره ولا مولات ولا عمارات كانت ضيعه صغيره وفيها كم دكانه وبياع خضره عم يجول بعربايته ليسترزق انبسطت سمر وبلشت تاخد نفس عميييييق وهيه فارده ايديها على عرضهن ووجها للسما ومغمضه عيونها
اخيرا بعد ماعبت رئتيها بهوا الضيعه النظيف زفرت هوا صدرها وحست براااحه وسعاده مالها حد
كان جاسم عم يراقب كل تحركاتها ومبسوط فيها وهو شايفها بتلعب وبتركض متل الاولاد الصغار وقفت عند بياع ذره واطلعت بجاسم مع ابتسامة 😃 طفوليه وهي عم تميل راسها ع جنب وماسكها ايديها ببعض .. بدي ذره 😅
ابتسم جاسم وجاب كوزين ذره ومشيو وهنه ماشيين شافت بياع ببيع شي مابتعرفوا
فتلت راسها لعند جاسم وهي عم تسألو .. جاسم شو هاد
ضحك بصوت عالي وراح @rwayate اتناول قصبتين وقلها هاد اسمو قصب السكر وهيك بينأكل وقام عض عالقصبه وكسرها
ضحكت سمر وحاولت تقلده بس وجعوها سنانها ورغم هيك مايئست وبقيت طول الطريق اتعضعض بالقصبة وكأنه في شي تار بينهم
وصلو لعند واد وكان لازم يركبوا الكرسي المعلق ليقدرو يوصلو للجهه التانيه بس سمر خافت وقت شافت ارتفاع المكان
مسكلا ايدا وقلا مو على اساس بتحبي اتجربي كلشي جديد وقام قعدها عالكرسي وقعد حدها طبعا مافي لا حزم امان ولا شي تتحامي فيه بقيت متكلبشه ببلوزة جاسم ومغمضه عيونها لحتى سمعته بيقلا يالله ياجبانه وصلنا
حطت ايدا على صدرها وكانت دقات قلبها بتخفق بسرعه وانفاسها متسارعه بس هديت لما بلشت تشوف الضيعه من قريب وبلشت تتفتل بين الناس وتتفرج عالسوق الصغير يلي فيها والعاب الاولاد يلي كانت عبارة عن حجله وسبع حجار او واحد راكب عصايه وعم يركض وكأنه عنتره
اخيرا وصلو لبيت جاسم .. اول شي لمحته سمر ست ببشره حنطيه وملامح هاديه وحنونه كانت عم تنقي عدس ومو منتبهه عليهم @rwayate
وقف جاسم قبالها وتنحنح
جاسم .. احمم كيفا حبيبة قلبي ام جاسم
وبس شافتو امو قامت لعندو وهيه متفاجئه وبتسئل حالها معقول هالحيوان اتجوز بدون علمي
وقفت وراحت بسرعه لعندو وبس قربت منه شلحت من اجرها وبلشت تضرب فيه
لك يا حيوان بتتجوز بدون علمي وعلم ابوك والله لارجع ربيك من اول وجديد
تنحت سمر ب ارضها اما جاسم بلش يحضن ب امه ويضحك وهو بيقول خلص يانبع الحنان فضحتينا قدام الناس
ام جاسم .. هلأ هلأ بدي اعرف مين هالبنت ليكون خاطفها من اهلها ولا
طلع ابو جاسم على صوت جاسم وام جاسم ولفت انتباهه هالصبيه الحلوه يلي بشرتها احمرت من الخجل والهوا عم يلعب بشعرها بشكل بيخطف الانفاس
ابو جاسم ..حمدلله عالسلامه ابني
قالها وهو مسلط نظرو على سمر وسمر مو عارفه شو تحكي من لبكتها
اتوجه جاسم لعند ابوه بسرعه @rwayaate باس ايدو وقلو الله يسلمك بابا ووجه نظرو هو كمان لسمر يلي كانت واقفة تطلع من تم ساكت
جاسم… هي سمر صديقتي وهيه بكرا مسافره لبلدها فحبيت اهديها يوم ماتنساه بكل حياتها
حكا هيك واطلع ب امو وغمزها بخفه 😉
هديت شوي ام جاسم وتوجهت لسمر عانقتها وحكتلا ماتواخزيني يابنتي بس نحنا بالضيعه مافي شي اسمه صداقه بين بنت وشب وتفاجئت فيكي جايه مع جاسم
ابتسمت سمر وحكت .. ولايهمك خاله انا كتير بعتزر ازا اتسببت ب اي احراج
تبسمت ام جاسم لسمر وحكتلا لا بنتي ماتحكي هيك يامية اهلا وسهلا بجاسم وضيفته
ابو جاسم . اهلا وسهلا بنتي
سمر .اهلين فيك عمو
سلمت سمر على ابو جاسم يلي حست بعيونو حنية الكون وهو كمان حس انه هالبنت دره نادره بتحمل جواتها قلب ❤️ من الماس @rwayate
جاسم… . شو رح تغدينا امي
ام جاسم بتضحك .. ههههه كنت ناويه غديكم شوربة بس كرمال سمر رح اعمل شيشبرك شو رأيك بنتي
سمر .. مافي داعي تعزبي حالك خاله خلص مناكل من يلي موجود
ام جاسم لا غلبه ولاشي حبيبتي وليكك هون بتساعديني
سمر ب ابتسامه… هههههه لكان رح تاكلو بكرا 😂😂
جاسم .. لا دخيلك شو بكرا وينك مو سامعه عصافير بطني عم تعزف

حست بالخجل خصوصي انه انفاسهم اختلطت ببعض @rwayate كان قريب منها اكتر من اللازم وعم يحضنها بكل هدوء وهو شارد بعيونها
اخيرا حكا ..
جاسم ..فيكي تمشي
سمر .. اي
نزلها بهدوء وغمض عيونو كأنو عم يلعن الطياره يلي رح تاخدها منه
#ــــــــــــــــــــــــــــــــ
الأكثر وجعاً ، ليس ما لم يكن يوماٌ لنا ، بل ما امتلكناه برهةً من الزمن ، وسيظل ينقصنا إلى الأبد .
#ـــــــــــــــــــ
جاسم.. انتبهي عحالك سمر
سمر .
جاسم .. شبك ساكته
سمر .
جاسم… موجوعه شي ؟ اخدك للدكتور
سمر .. بدي تليفون
استغرب من كلامها واشرلها على كبينه
راحت سمر وطلبت رقم بيتها
كريمه .. الو
سمر . كيفك امي
كريمه انفجرت بسمر وبلشت تحكي بصوت @rwayate عالي وتبهدل فيها لان موبايلها مسكر طول الليل وكانت قلقانه عليها
سمر . يا امي اسمعيني
كريمه . بترجعي اليوم سمر عم تفهمي
سمر .
كريمه. ليش. ساكته ردي عليي
سمر كانت عم تطلع على جاسم وقلبها ماعم يطاوعها تتركه
وبلحظه تزكرت طلب جاسم ( اوهبيني يوم من حياتك )
سمر.. امي انا عطيت وعد ولازم اوفي فيه بترجاكي ماتزعلي مني امي
وسكرت الخط بدون ماتستنى رد امها وراحت جهة جاسم وابتسمت
جاسم .. هلأ بيجي الباص
سمر .. بس بعدني ماوفيت وعدي الك
ابتسم جاسم وقت فهم انه سمر وافقت توهبوا يوم من حياتها
هيه وافقت بدون ما تفهم شو قصدو من هالطلب وافقت لانها حست بشي عم يشدها لتبقى بهي الضيعه
رجعوا سوا عالضيعه وكان قلب جاسم رح يوقف من الفرحه وسمر ماكانت اقل منه فرحه بس مابتعرف السبب
( هي لا تدرك ان قلبها قد تعلق به وتكاد ترسم خارطة جديده لحياتها لتغيرها. للأبد )
نرجع للسجن……
ساميه… . اكيد رجعت معك لانها @rwayate حست انها بتحبك
اطلع جاسم بالارض وحكا بصوت مبحوح
جاسم : احيانا بنظن انه حصلنا عالشي يلي بدنا ياه وبننسى انه بعض الظن اثم… ـــ
ساميه بإستغراب… مافهمت يعني رجعت معك لانه بدها تعيش المغامرة !!
ضحك جاسم وانعدل بجلسته
جاسم : لا مو هيك بالضبط ممكن كان الوضع بوقتها لسمر اشبه بالمغامره بس هي رجعت لإيمانها انه هاد الصح الها
ساميه… ههههههه بطلت افهم شي .. طيب لما رجعتوا عالضيعه شو صار اتجرٱت وصارحتها بحبك ؟؟
جاسم :....................
سامية بجديه : لا لا لا مو وقت سكوتك وشرودك كملي شو صار
استوقف كلامهم صوت @rwayate السجان معلن انتهاء الزيارة
تأففت ساميه بضجر قامت ونفضت ملابسها بخفه واشرت لجاسم ب اصبعها بتحدي عفوي
ساميه ;لا تفكر حالك نفدت مني بكرا راجعه لنكمل كلامنا مشي
ضحك جاسم وهز راسو انه اي مشي
طلعت ساميه وهي عم تفكر بكل الكلام يلي حكالها ياه جاسم والف سؤال براسها
ازا كان حبها كل هالحب ليش مو معها هلأ
طيب شو سبب سجنه ؟؟
اففففففففف لازم بكرا اخليه يفتح قلبه ويقلي كل شي بس كيف خليه يكر كل شي مممممم كيف ياساميه كيف ياساميه
اهااااا اقرب طريق لقلب الرجل معدته ههههه بس انا مابدي بس قلبه بدي السانه ينطلق ويحكي كل شي لساعده

وقفت سمر غنى وركضت لعند رقيه بلشت ادقلا على ضهرها وشربتها مي
رقيه… يسلمو سمر
سمر… العفو اختي انتي منيحه
رقيه بخبث… اي منيحه منيحه كتير 🔥
سمر… .. ههههههه لي هيك بتطلعي عليي
رقيه… .. انتي اكيد بكرا راجعه على بيتك
سمر ب استغراب… اي ليش في شي رقيه
رقيه بعدم ارتياح… هاااا… لا ابدا بس حبيتك كتير وتمنيت تبقي معنا
انبسطت سمر من كلام رقيه وحست بالحب والامتنان ضمتها ووعدتها ترجع لتزورها بشي يوم
رقيه بقلبها… هه بوقتها بكون سرت مرتو لجاسم @rwayate
( هي لم تدرك انها اشعلت نار الغيره ولم تعلم ان لغيرة النسوان فعل الخنجري 👌
لم تدرك انها اشعلت صراع البقاء للأقوى فهي لاتؤمن الا ان البقاء للانقى )
… .................
سامية :ههههههههههههههههههه ولي على امتي راحت فيها سمر
جاسم :بصراحه انا كنت بعرف بحب رقيه الكبير الي بس بعمري ماقدرت احبها رغم جمالها اللي اي حد بيتمناه بس ماحد قدر يسلب قلبي الا عيون سمر
سامية : فعلا الحب اعمى
جاسم : الحب ابدا مو اعمى
ساميه: لكن شو الحب
جاسم : الحـب هو العطــاء دون مقـابل
الحــب هو الحياة والتضحيـة والأمـل
الحــب هو كـل شـيء جميـل في أنفسـنا
الحــب هو الشعـور النظيــف للآخـريـــن
الحـب هو الحنان والوفاء فأحبوا أنفسكم أولا @rwayate
الحب إنه الإحساس الصادق الذي يجعل الإنسان أكثر رقيا وترفعا إنه النبل والفضيلة حينما يتجسدان في علاقة حب لا غاية منها
ولا تسعى لإشباع رغبات أو غيرها سرعان ما يضيع معها كل شيء
الحب هو المسؤولية تجاه إنسان آخر نشعر أنه يمتلك أقدس الأشياء فينا وهي مشاعرنا أنه التوحد مع إنسان نرى فيه دون خلق الله
ساميه :وليش سمر دون سواها
جاسم : 🕊♥️
فيها تعابير مستحيل تشوفها بنفسها لأنها بتكون عفويه عشان هيك لا تستغربي لما غيرك يحب فيكي اشياء ما تتوقعيها....♥️
ساميه: كيف يعني ؟؟؟
جاسم. .. هناك ما يُلفت النَّظر وهناك ما يُلفت #القلب ...💛👌🏻
ساميه : كل هالعشق كان بقلبك بجد نيالها سمر
جاسم : نيالي بعيونها @rwayate
ساميه : هههههههه طيب بعد ما اعلنت رقيه الحرب شو صار
سكتت ملامح جاسم وكأنو تزكر شي خنقه وغابت الابتسامه عن وجهو
ساميه : جاسم… جاسم وين شردت
جاسم : انا هون
ساميه: بس عقلك مو هون
جاسم : ولا قلبي كمان
*╚══════ღღ══════╝
عوده للماضي ***********
ــــــــ
ـــــــــــــــــــــــ
رقيه… سمر ممكن تعطيني رقمك لاطمن عليكي كل فتره
سمر .... اي على عيني خدي سجلي عندك
رقيه بمكر… ما عندكم بالبيت خط ارضي
سمر بعفويه . اه .. اي امبلى
رقيه… طيب هاتيه بلكي @rwayate حبيت حاكيكي وكان جوالك مغلق او خارج التغطية ببقى بتصل ع الارضي
سمر… . اي تمام سجلي الرقم عندك
سجلت رقيه الرقم وعيونها بتقدح شرر
سمر… . رقيه… .بست شو وين رحتي
رقيه… وعيونها بعيون سمر…… معك حبيبتي معك يا اختي 🔥
سمر… بتعرفي شو
رقيه .. لا شو
سمر مو حابه سافر نفسي تصير معجزه وابقى هون على طول مابتتصوري قديه حبيت الضيعه واهلها وجا…… سكتت
رقيه… ليش سكتي كملي
سمر… ها امممممم لا ماسكتت بس جد رح اشتاق لجاسم هو كتير شخص منيح
رقيه .. 🔥 🔥 🔥
سمر يالله حبيبتي انا صار لازم ارجع ع البيت مو تنسي تتصلي هه 😉
رقيه… مشي حبيبتي تصبحي على خير
سمر .. وانتي بخير حبي @rwayate
راحت سمر مع جاسم واهله ع البيت وتركت رقيه عم تاكل اضافرها وبتفكر بخطه تمنع سمر من الرجعه للضيعه
سمر عاشت نهار بعمرها ماعاشت متلو… بساطة الناس يلي هون بتجنن وعلاقتهم بزوجاتهم وبناتهم كلا دفا وحنيه .. كانت سمر عم تحاكي حالها ونزلت منها دمعة وجع غمرت راسها لتستسلم لنوم عميق ..
********
ببيت سمر… .
كانت ام سمر قاعده مع شخص على اعصابها عم تروح وتجي وقلبها عم يغلي على بنتها
فجٱه رن جرس الهاتف الارضي .. قام الشخص بسرعة ورد
الشخص… . الو نعم
رقيه… مرحبا هاد بيت الانسه سمر
الشخص ب اهتمام … اي اتفضلي
رقيه… .. بصراحه سمر انخطفت وتعرضت للاغتصاب وهي هلٱ بالمشفى
الشخص .. شووووو اي مشفى الو الو الووووو
ام سمر… . شو في مين يلي بالمشفى
الشخص… اه لا لا هاد شب صاحبي تعرض لحادث عن ازنك رايح شوف شو القصه… استئزن وطلع بوجهو ع تركيا بدون مايخبر حدا عن هالمكالمه يلي اجت من انسانه مجهوله
………… ..
تاني نهار كان لابد انها سمر @rwayate ترجع شو ماكلف الامر وفعلا بلشت تودع رقيه و ام جاسم وابو جاسم عانقتهم بقوه وبكيو لفراقها
تقدم ابو جاسم من سمر ولبسها عقيقه صنعها الها ب ايدو
اتلفتت سمر بالعقيقه ومسكتها بقوه وكأنها عم تحاول تخبي دموعها يلي نزلو بدون ارادتها
قربت منها رقيه بدموع مصطنعه ضمتها وبكيت وطلبت منها ترجع لهون
سمر بتبكي… اي اي ان شاءالله يا اختي رح ارجع
رقيه بقلبها… هه لنشوف كيف بدك ترجعي 😏
حضنتها ام جاسم وطلبت منها ترجع تزوهم هزت سمر راسها وحكت اكيد وطبعت بوسه على جبين ام جاسم وابو جاسم وطلعت
كان جاسم هادي وماحكى ولا كلمه لحتى وصلو عند المحطة وقتها نطق
يالله نطلع بهاد الباص سمر

#يوم_من_حياتي 🖤
#بقلمي_امل_احمد ❣️
#الجزء #الخامس
@rwayate
جمال… اهلين سموره لك ليش هيك عملتي امك مشغول بالها عليكي وانا قلت بلحقك اطمن شو صار معك
سمر .. اي مرسي جمال انا منيحه
كان جاسم واقف وساكت ومو عارف مين جمال هاد بس يلي عارفه انه ماحبه وانها سمر تغيرت 180 درجه بس شافتو
اطلع جمال ناح جاسم
جمال بقلبه .. اكيد هاد يلي خطف سمر واغتصبها بس الغريب سمر مبين عليها هاديه انا لازم اتصرف بحذر
جمال .. مين بتكون حضرتك
جاسم.. انا جاسم
جمال… اهلا جاسم وانا جمال خطيب الانسه سمر تشرفت فيك
جمد جاسم مكانو وحول عيونو لسمر يلي كانت مدايقه وعيونها بالارض

(فيْ مَرحلةٍ مآ .. يجب أن تدركْ أنَّ بَعض
آلنآسِ يُمكنُ أن يَبقوْآ فيْ
قلبـــك .،وَ لكن ليسَ فِيْ حيَآتكْ)

جمال .. يلا سموره بلا ماتفوتنا الطياره واطلع لجاسم عن ازنك فينا نمر
كانت عيون جاسم متل الجمر كز على اسنانه وحكا لجمال بكل هدوء
جاسم .. انت هلأ معك سمر انتبه عليها
جمال وهو عم يحاوط سمر تحت ذراعه…مافي داعي توصيني على روحي
شد على ايده بقوه وهو شايفه كيف محاوط سمر وقريب منها كتير كان نفسه يلكمه بوجهو شي لكمه تفرغ كل غضبه
بس ليش لحتى يعصب من جمال وهو ماعمله شي
جاسم .. انت شخص محظوظ جدا سيد جمال
جمال . . هههههه اكيد.
جاسم… اذا بيوم زعلت سمر او تسبب بنزول دمعتها مارح سامحك
جمال بغضب… عفوا مافهمت كأنك مو ملاحظ انك عم تحكي عن خطيبتي… عن اذنك
اشر لسمر تلحقه ع الفندق لتاخد اغراضها وفات وقف عند الريسيبشن ليخلص امور سمر
سمر وجاسم عيونهم تعلقت ببعض بدون اي كلمه مدت ايدها وسلمت عليه حست ايدو بارده متل التلج اتجمعت الدموع بعيونها شد على ايدها وقلها اوعك تبكي اوعك هالعيون الحلوه تبكي هالعيون خلقت لتضحك
مسحت دمعتها بطرف ايدها وكانت رح تمشي بس جاسم بعدو ماسكها وبعدو شادد على ايدها
جاسم .. تأكدي انك وقت تحتاجيني رح تلاقيني رح تلاقي انسان مستعد يضحى بحياتو كرمالك .. وماعاد شد على ايدها اكتر
ربمآ كآن من ألأفضل_لي أن أحتفظ بدهشتي_ألأولى بكِ وألا_أقترب ✋💔

سمر مانطقت بحرف كانت بين الشعور واللاشعور عم تصارع نفسها معقول هي نهاية اللقاء معقول ماعاد شوفك
وانت الذي جئت مختلفا لست صديقاً ولا حبيباً ولكنك حياة⇜ هل قطعنا گل هذا الطريق معاً ، گي ننتهي غرباء 💔 !!
جاسم… . وعيونو كلها دموع… بتمنالك السعاده. سمر
سمر… مابدك تحكي شي
جاسم . كوني بخير لاكون
“‏ونظر إليها لـ ِآخر مرة وإلى الأبد بعينين أشد بريقاً , وأكثر حزناً وأعظم أمتناناً مما رأته طوال حياتها , وقالها بعينيه :
- الله وحده يعلم كم أحببتك .💙")

تركته وفاتت للفندق وهو فتل حالو للجهه التانيه ليمشي
كان يمشي خطوه ويرجع يطلع لورى وسمر كمان كانت تتلفت وراها وعيونها مليانين دموع
كانت عيناها عميقةً جِدّاً، عميقةٌ لدرجة أنّني لم أستطِع العَوم
وغرقتُ 💙🌸
… .
جمال بيكون ابن صاحب ابوها وابو لجمال كان بيدعم ابو سمر بحملته الانتخابيه وبيفرلوا كل التسهيلات اللازمة
سمر بعمرها ماحبت جمال ولا حست تجاهوا اي احساس بس ابوها جبرها توافق عليه كرمال مصلحته الشخصية
… ..
وصلت سمر اخيرا لبيتها حضنت امها وبكيت .. بكيت كتير وبشكل غريب وكأنه ع صدرها جبال بدها تزيحها
لمست كريمه على شعر بنتها وماحبت تقسى عليها لانها بتعرف انه سمر بداخلها الم وقهر من بطش ابوها وكانت حاسه انه في قنبله رح تنفجر بأي وقت لتغير حياة الكل للابد
كريمه… مالك يابنتي شو صاير معك
سمر .. ولا شي ماما اشتقتلك بس
حضنت كريمه سمر وهي عارفه انه طفلتها عم تعاني بس شو طالع ب ايدها تعمل
مرت الايام وابوها لسمر ماعم يحكي معها وفشلت كل محاولاتها لتراضيه
رجع جاسم لشغله بالحربيه بس كان قلبه عند سمر يلي ماكانت تروح من خياله لحظه
وعاشت سمر ايام واسابيع وشهور على امل تنسى انها شافت جاسم بشي يوم بس ماكانت تقدر
كانت تشوف صورتو بكل تفاصيل حياتها بصحوها ونومها كانت تسمع نبرة صوتو عم. تناديها وانفاسه قريبه منها
تعبت نفسيتها وانطوت ع نفسها وماكان الها ملجئ الا مربيتها يلي بتثق فيها كتير
وكل ماتسألها امها شو فيكي يا امي تقلها مافي ماما انا بخير

(- هي كاذبة جداً، فهي ليست بخير هذه الفترة، لا تأكل كثيراً وتفكر كثيراً، سكوتها مُلفت للأنتباه ونومها المُفاجئ الطويل مريع ودقاتُ قلبها موجعة💔😓*!)

#يتبع#رواية #يوم_من_حياتي
#بقلمي_امل_احمد
#الجزء_السادس
ركت راسها ع @rwayate التخت لتنزل من عيونها دمعة الم وقهر
وفجأه حست ب ايد عم تمسحلا دمعتها فتحت عيونها وانصدمت بس شافت جمال قاعد حدها عطرف التخت وعم يطلع فيها
سمر… انت شو عم تعمل هون
جمال وهو عم يحاول يتحسس خدها
شفتك بتبكي ماقدرت ماواسيكي
زاحت سمر ايدو عن وجهها بسرعه وانكمشت عحالها وهي عم تحاول تمسح خدها بسرعه مكان مالمسها
جمال… لهدرجه قرفانه مني
سمر… لو سمحت حابه كون وحدي ممكن تتفضل
جمال .. لحتى تبكي ؟
سمر :…… ..
وقف جمال وفتل حالو وراح جهة الشباك وهو حاطط ايديه بجيابه عم يدخن سيجاره
جمال… .. ازا بدك اطلع هلأ بطلع بس بشرط
سمر :……… @rwayate
جمال : مابدي تبكي مشي
استغربت سمر من كلام جمال ليش من ايمت هيه بتفرق معه لحتى عم يطلب منها هلٱ ماتبكي
جمال : ههههههههههههههههه نسيانه انه هددني ازا بتبكي او ببكيكي رح يندمني
سمر… مم مم مين هوي
جمال بخبث… اللي سلمتيه شرفك يابنت الاكابر
انتفضت سمر ووقفت بسرعه وهي فاتحة عيونها على وسعهم
شووووووووووو لك جنيت انت لمين انا سلمت شرفي يا واطي يا حقير….. ورفعت ايدها لتضربه بس مسكها بقوه ولفها ورى ضهرها وقرب على دانها وبلش يهمس بصوت متل فحيح الافعى
جمال : ايدك بكسرها لو فكرتي ترفعيها مره تانيه
سمر : ترووووك ايدي يا حقير بكررررهك
جمال : بعرف انك @rwayate بتكرهيني بس ما بعرف انك رخيصه
سمر : لك اااااااخ تروووووك ايدي الله ياخذك انا اشرف منك ومن كل اهلك
جمال : انا رح ندمك على كل حرف وكل شي عملتيه ياسمر رح دمرك ودمر ابوكي وعيلتك
سمر بتبكي وموجوعه لانها مو قادره تفلت حالها من جمال
سمر : انت مييييين مفكر حالك لتجيب سيرة بابا لك انت نكره مفكر بسلطتك فيك تعمل يلي بدك ياه لك فووووق عحالك واعرف مع مين بتحكي
تركها واطلق ضحكه هزت كيان سمر وكأنه بهالضحكه عارف شي وعم يهددها ويستحقرها
تماسكت ومسحت دموعها وحاولت تضبط انفاسها لحتى مايحس بخوفها منه
سمر : اطلااااع لبرا جمال اطلاع لبرا واعلى مابخيلك اركبه
قرب جمال خطوه لسمر @rwayate وهي بلشت تتراجع لورى
خطوه تلو خطوه لحتى لزقت بالحيط حط ايديه عالحيط ليحاصرها وبلش يطلع بعيونها بغضب
جال : لهيك مابدك تتزوجيني مو
سمر : انا ماعم افهم ع شو عم تحكي ولشو بتلمح
جمال : لا فاهمه يا حلوه وازا بقيتي هيك رح اطر احكي لابوكي المحترم كلشي
توسعوا عيون @rwayate سمر هيه مو عارفه شو معنى كلامه ولا شو غايته بس يلي بتعرفه انها بتكرهوووو هلأ وبتقرف منه اكتر من اي وقت
سمر : عن شو بدك تحكيلو
بهاللحظه فكرت سمر انه جمال رح يخبر ابوها عن لقائه بجاسم والكلام يلي دار بينهم بس جمال ابدا ماكان يفكر هيك لانه ببساطه كل همه يتم هالزواج ليحصل من ابو سمر على كل ثروته مقابل سكوته عن كزبه اخترعها بمساعدة رقيه !!!!!!!

*****

جمال كان جاي ليطمن على ابو سمر بوقت رن هاتف 📞 بيت سمر… .. قرب بشويش ورد
جمال : الو
رقيه : الو لو سمحت انا كنت عم احكي مع الخاله ام محمد وفصل الخط ممكن تناديها وتقلها رقيه حابه تحكي معك @rwayate
جمال : صوتك مو غريب علي انت سبق واتصلتي لهون صح
رقيه ب ارتباك .. هه لا لا هي اول مرة بتصل
جمال : اي صح الهيئه انا مخربط وفكرتك يلي اتصلتي من مده لتخبري انه سمر انخطفت واغتصبوها
بلشت رقيه اتئتئ وما عرفت كيف اطلع حالها من هالموقف
رقيه : ل ل لا من مو انا اساسا ما بعرف انه سمر اجت لتركيا مع جاسم
ابتسم جمال بمكر بعد ما تأكد انه هي البنت نفسها يلي سبق وحكت معه
جمال : بس انا ماحكيت انه سمر انخطفت وهي بتركيا انتي كيف عرفتي
رقيه :…………………… .. هه

جمال : مابدي اتعبك ولا تتعبيني خدي رقمي سجليه عندك وخلينا نحكي بهدوء بعيد عن هون
رقيه : شو بدنا نحكي
جمال : الضاهر هدفنا واحد ورح تفيديني وافيدك
رقيه : ممكن اعرف مين بتكون
جمال : انا جمال خطيب سمر والضاهر انتي بتحبي جاسم ههههه لهيك خلينا نحكي ونرتب لنخلص من هالمشاكل
رقيه بفرح : اهااا تمام سيد جمال ناطره اتصالك باي
جمال : باي
*******
عوده للسجن
كان جاسم عم يحكي لساميه تفاصيل هداك النهار وهو قابض على ايدو بقوه لدرجة برزو شراينو
جاسم : الحقير قدر يخوفها للحظه
سمر كانت تحب ابوها وتخاف عليه جدا واكيد اي بنت بتهمها سمعتها وشرفها ونظرة اهلها الها
ساميه : بصراحه سمر غلطت لما حكت لامك انها بتحبك يعني لو خبت مشاعرها كان افضل الك والها لانه هلٱ كآنها اعطت جمال الكرت الربحان وخلتو يلوي ايدها وطبيعي بعد كلام سمر عنك امها ماتصدقها وتصدق جمال
جاسم : معك حق لهيك سمر قررت اصعب قرار بحياتها
ضمت حبها بقلبها وخافت على ابوها من جمال ومكرو
ولٱنها ماكانت تعرف عن مكالمتي مع المربيه ضنت اني ممكن اكون نسيتها وخذلتها وتخليت عنها
ساميه : اسفه يجاسم بس صدقني الموقف كان اقوى منها هاد شرف مو لعبه
غمض جاسم عيونه بقهر وحكا من بين اسنانه
جاسم : شرف !!!
ليش انا لي قبلت انسجن ظلم عشر سنوات ياساميه
ساميه بلهفه : اي ليش خبرني
استقطع كلامهم صوت السجان يلي اعلن انتهاء الزياره
ساميه : اوووووف يلعن هالشغله
جاسم : مو مشكله روحي ارتاحي وبكرا لنا لقاء
قامت ساميه بتٱفف وبس وصلت لعند الباب توسعوا عيونها واطلعت بجاسم بدهشه
ساميه : انت شو قصدت بكلامك ليش قبلت انسجن عشر سنين !!!
لتكون !!!!!!!!!!!!!!!!
جاسم : هههههههه شو لاكون
ساميه : مممممم انه يعني ممكن تكونو هربتو وهيك شي
جاسم : الضاهر انك جعتي ساميه يالله عالبيت وبكرا ماتنسي الفطاير بجبنه
تبسمت ساميه براحه وودعت جاسم وطلعت وهي عم تلوم حالها عكلامها معه
تاني يوم وقبل موعد الزياره بنص ساعه وصلت ساميه
السجان : كٱنك مبكره استازه لسه نص ساعه ع موعد الزياره
ساميه : بعرف بعرف بس لازم فوت لعند جاسم بسرعه وخود هدول هديه الك
اطلع السجان بالظرف وابتسم وفتح لساميه الباب وفوتها لعند جاسم
ساميه : صباح الخير
جاسم :……… ..
ساميه : بعرف انك زعلت من كلامي بجد بعتزر والله ماقصدت
جاسم :…………
ساميه : طيب ازا مانك حابب تحكي اليوم براحتك
جاسم : ليش ماجبتي الفطاير
اخذت ساميه نفس وضحكت من قلبها خافت يكون جاسم زعل منها لانه جدا انسان حساس
ساميه : امبلى جبتهم بس اغراضي لسه برا هلٱ بيجيبولي ياهم
جاسم : اممممممم طيب
ساميه :ايييييه وين وصلنا
…………… ..
عــــــــوده للمــاضـــــي
* * * *

حست سمر انه الدنيا سودت بعيونها ومالها مهرب من الزواج من جمال يلي كانت تكرهو لانه مغرور وبيستغل منصبه السياسي ليظلم الناس ويعمل يلي بدو ياه
صارت تصرخ من القهر… . لك ووووينك انت مو وعدتني لاقيك بس احتاجك مو وعدتني تضحي بحياتك كرمالي لك جااااسم انا موووووووووووت كرمال الله تعا
رمت حالها عالتخت وغرقت بنوبة بكاء مرير لحتى غفيت ع دموعها
*****

صار وقت كتب الكتاب والقصر كان مليان عالم جايين يهنوا ويباركوا ويشاركوا بالفرحة
الكل كان مبسوط وسعيد الا سمر يلي تحولت مشاعرها لحجر وما عادت حست بشي وكأنها لعبة ابوها عم يمشيها كيف بدو
كانت متل الملكه بطلتها ومتل الحجر بسكونو
فستانها المطرز بالاحجار الكريمه والمجوهرات يلي لابستها بتخلي اي حد يفكر انها اسعد انسانه بالكون ومحدا كان شايف الجانب المظلم من معالم وجهها ولا حدا سامع صرخات قلبها اللي رح تهلكها
بكل خطوه عم تخطيها لتوصل للكرسي تبعها عم تشوف وجه جاسم وتتخيلو قدامها وتسمع صوتو عم يندهها 💔
#####
‏أصعب ما يمكنك فعله هو إجبار ملامح وجهك على اتخاذ معالم أخرى تعاكس إحساسك تمامًا 💔💔
########
قعد ثائر بيك وجمال وحطوا ايديهم ب ايدين بعض لحتى يكتبوا الكتاب… كانت سمر قاعده عالكرسي حدهم بهدوء لحد ماسمعت صوت الشيخ بيسألها
سمر ثائر الكيلاني بتوافقي على جمال حسين الجبل زوج الك على سنة الله ورسوله
تعبت عيونها دموع ورفعت راسها لتحكي موافقه بس وقتها لمحت طيف جاسم واقف قبالها غمضت عيونها بحسره وهي عم تلعن خيالها يلي رح يجننها
جاسم… . سمر💔
سمر .. جاسم !!!!!😳💔

🌺( وكٱن الكون قد خلا من خلق الله فلا ارى الا عيناها ولاتسمع الا انفاسي ) 🌺
@rwayate
هالمره ماكانت عم تتخيل هالمره جاسم واقف قبالها معلن التحدي بأنها سمر الو
وقفت سمر بهدوء وبدون اي وعي بلشت تخطي تجاه جاسم خطوات بطيئه… كانت خايفه يكون خيالها بس دقات قلبها ساقتها لعندو
نسيت ابوها وخطيبها وتهديداته نسيت انه عيون المعازيم عليها نسيت العادات والتقاليد نسيت نفسها وكل شي بتتزكرو جاسم
وصلت لعندو ودموعها عم تنزل وشفايفها عم ترجف
ججج جااسسم !!!
🌺🌺
و قد يأتي أحدهم خفيفًا يطفو بجانبك في كل هذا الغرق كجذعِ شجرةٍ يصلحُ للنجاة ." 💔
🌺
مدت ايدها برجفه لتتحسس وجهو ماكانت عم تصدق انه حبيبها قدام عيونها وبس لمست خدو غمرها جاسم وحضنها بقوه وسط دهشة الكل وخصوصا ابوها
كان عم يتنفس هواها كان حاضنها ومو سائل بحدا عم يمسح دمعتها يلي بتحرق قلبه وبيقربها لقلبه اكتر ليحسسها بالامان
@rwayate
#لاتحزني، #فالحزن #في #عينيك #من #ألد________أعدائي..

جاسم.. تتزوجيني سمر
سمر… ...… ......
جاسم… مو وقت سكوتك سمر انا جيت لحتى اخدك معي واعلن للدنيا كلها اني بحبك

كانت سمر بتطلع بعيونو وهو عم يحكي بحبك كانت اول مره تسمعها منه خفق قلبها بقوه ورجعت رمت حالها بحضنه
سمر… وانا بحبك جاسم لاتتركني وتروح
جاسم.. ماقطعت كل هالمسافه لارجع بدونك
🌺 @rwayate
‏لمْ يَبْقَ شَىءٌ سِوَى صَمْتٍ يُسَامِرُنَا
وَطَيْفِ ذِكْرَى يَزُورُ القَلْبَ أَحْيَانَا
🌺
بكيت بحضنو متل كأنها طفله حست جسمها عم يرتخي واعصابها عم تنهار لحد ماسمعت صراخ 😱 امها ثاااااااائرر
وعيت سمر وتلفتت وراها لقيت ابوها مرمي بالارض وايدو على قلبه ركضت لعندو بس بعدها عنه ا ا انتي د د دمرتيني سسسسمرررر
فقد الوعي وفورا استدعوا الدكتور لعندو
جاسم بعد يلي صار كان رح يترك القصر ويطلع بس لحقته المربيه ام محمد واخدته لغرفه بالقصر لتهدى الامور لانها كانت خايفه عليه وعلى سمر
ام محمد.. خليك هون يا ابني لحتى نشوف شو رح يصير
جاسم… كيف اترك سمر تواجهم لوحدها لازم كون @rwayate معها اتركيني اروح خاله
وطت ام محمد عند ايد جاسم وكانت رح تبوس ايدو بس جاسم سحب ايدو بسرعة ورفعها عن الارض
جاسم… استغفر الله يا خاله شو بتعملي
ام محمد .. بترجاك خليك هون لا تزيد الامور تعقيد
جاسم… .
ام محمد وهي بتمسح دموعها… خلص انا رايحه اشوف الوضع وبرجع اخبرك مشي
هز جاسم راسو بدون مايحكي
توجهت ام محمد عند الباب لتطلع وبس مسكت مقبض الباب وقفت ولفت وجهها على جاسم وهي بتبتسم بحنيه
ام محمد… بتتذكر وقت سألتك شو بتعنيلك سمر
جاسم… بتذكر خاله
ام محمد… انا وقتها زعلت لانك ماجاوبتني ونسيت انه الرجوله افعال مو اقوال
تبسم جاسم ومارد بحرف… استئذنت ام محمد وطلعت وتركت جاسم وحدو حاير شو رح يكون مصير سمر وياترى يلي عملته صح……
****@rwayate
عند ثائر بيك كان الدكتور عم يفحصه وسمر قاعده حد ابوها ماسكه ايدو وبتبكي وبتدعي ربنا مايصيرلو شي بسببها
فرغم قسوته عليها بس هو ابوها يلي بتحبو ومابتتحمل تشوفوا بيتألم بسببها 💔
كانت كريمه عم تطلع بسمر وبزوجها يلي رح يوطي راسو باقي عمرو بسبب عملة سمر وقررت تتصرف 👌
بلش ثائر بيك يستعيد وعيو وبس شاف سمر غمض عيونو ولف وجهو عالجهه التانيه والدكتور خاف يصير عند ثائر بيك مضاعفات خصوصا انه عضلة القلب عندو ضعيفه ومابيتحمل صدمات او عصبيه لهيك طلب من الكل يتركوه ليرتاح
توجهت كريمه لعند سمر ورفعتها بشويش وسحبتها لبرا وفاتو لغرفتها
كانت سمر متوقعه امها تضربها وتعصب عليها بس كانت كريمه هاديه متل التلج فوتت سمر لغرفتها وطلعت بهدوء
***** @rwayate
رجعت ام محمد لعند جاسم وخبرتو ان الوضع برا كتير مكركب
ام محمد .. جاسم ابني انت بتبقى هون ومابتطلع لمكان لحتى تهدأ الامور
وقف جاسم وتوجه لعند ام محمد وحط ايدو على كتفها
جاسم… بس انا ماجيت هون لاستنى انا بدي سمر
ام محمد… اهدى لك ابني وان شاء الله بتنحل هالقصه على خير
بهالوقت دق الباب راحت ام محمد لتفتح وتفاجئت بكريمه واقفه قبالها
ام محمد… @rwayate كريمه خانوووم. !!!!
****
كانت سمر عم تصلي لسلامة ابوها وتدعي الله مايصيرله شي
يارب اشفي بابا وعافيه وماتحرمني منه يارب
يارب ازا صرله شي مارح سامح حالي طول عمري
حطت ايديها على وبلشت تبكي بحسره وقهر
قامت شلحت اسدالها واطلعت بحالها عالمراي كانت منهاره وعيونها احمرو من البكي
ليش يابابا بعمرك ماحسيت فيي ليش بدك تعزبني والله انا بحبك وبدي رضاك يابابا حس فيي 😭
رمت حالها عالتخت وظلت تبكي لحتى نامت بلا وعي

خالد : بكفي دموع قلتلك انا منيح بدك قوم نط عالتخت لتصدقي
ساميه : بعد فيك حيل تمزح 😒
خالد : هههه شو اعملك لتصدقي اني منيح وكلها كم يوم وبطلع من هون بس بدي منك طلب ساميه
ساميه وهي عم تمسح دموعها .. ايه اطلب
اطلع خالد ب امه وغمزها لتاخد ام ساميه وتتركهم وحدهم شوي
وبعد ماصارو وحدهم اشرلها تجي تقعد بحدو
قعدت ساميه بخجل وكانت متلهفه تسمع خالد شو رح يحكي
خالد : اول شي مابدي تبكي مفهوم
هزت ساميه راسها بخجل : مفهوم
خالد تاني شي بدي منك وعد
ساميه وعد شو
خالد : تكوني بالجلسه جسد ساميه وروح ماجد وقلب خالد
ساميه ب استغراب… كيف ؟؟
خالد : يعني جسدك يحضر الجلسه وروح ابوكي تحكي وقلب يلي يعطي قرارات
ساميه : فهمت عليك خلص بوعدك
خالد : ساميه
ساميه : نعم
خالد : انا هون شبه عاجز بدي تساعديني لاخد تاري من حسن
ساميه : ان شاء الله خالد
صفن خالد بعيونها الدبلانه وكمل كلامه
وقت جيت لعندك عالمشفى لاخد افادتك ماكانت صدفه
ساميه :…………… .
خالد : بصراحه انا بعرف كل تحركاتك ومطلع على قضية سليم الشافعي من اولها
ساميه : قصدك جاسم !!
خالد : لا لا انا بقصد سليم الشافعي بذاته
ساميه : مافهمت وضح اكتر
خالد : شوفي ساميه انا بدي توثقي فيي متل ما انا واثق فيكي
ساميه بعجل… خالد انا
خالد : لو سمحتي خليني اكمل كلامي للآخر
ساميه : تفضل
خالد : انتي رفعتي قضيه على جمال وحسن وهي خطوه ممتازه كتير بس،لازم تعرفي انه حسن عندو اساليب غير قانونيه بتخليه يطلع من القضيه متل الشعره من العجين
واحتمال تستمر هالقضيه سنوات طويله وانا بدي تكسبيها من اول جلسه
ساميه بتوتر : ايه بس
خالد : بدون بس….
مد خالد ايدو علق عيونو بعيونها هاتي ايدك ساميه
مدت ايدها ومسكتلو ايدو حاول يسند نفسه بس حس ب الم
ساميه : لك شوووو عم تعمل خليك مرتاح
خالد : ماتفلتي ايدي الا بس تعاهديني
ساميه : على شو
خاد : نفوت هالحرب سوا ونخوضها سوا حتى لو كنت عاجز اتحرك حاليا بس بعرف كيف اخليكي تكسبي بس عاهديني و واعطيني ثقتك
مسكت ساميه ايد خالد ب ايديها التنتين وشدت عليها .. بعاهدك خالد
بعد هيك بلش خالد يشرح لساميه شو تعمل وفهمها كل التفاصيل وهي عيونها بتلمع وبتهز راسها
خالد : اول شي رح تروحي على هاد العنوان وتعملي كل يلي فهمتك ياه وانتبهي ساميه تكوني مراقبه كل تعبنا بيضيع
ساميه : اطمن خالد رح نفذ كلامك بالحرف
قربت عليه وطبعت بوسة ع جبينه
ساميه : شكرا خالد
خالد بخجل : على شو
ساميه : انت اعطيتني معلومات سريه ومهمه وقربت عليي الطريق
خالد : طريقنا واحد وهدفنا واحد ساميه
ساميه : انت هدفك حسن وانا هدفي جمال
خالد : حسن هدفك وعدوك كمان
ساميه : عدوي !!
خالد : حسن هو يلي بعت رجالو ليقتلوكي وهو قاتل ابوكي
شهقت ساميه وماعادت حست عحالها ووقعت ع الارض مغمى عليها
☆☆☆☆
#بالمــحــكمـــــه ♗
المنادي : محكمه
فات القاضي والمستشارين للقاعه وجلسوا ب اماكنهم وبعدها جلس جميع الحضور
ساميه عم تطلع بجاسم وجاسم عم يقويها لتبلش مرافعتها
القاضي : نادي للمدعي عليهم

ساميه : والغضب تمكن منها وهي بترفع اصبعها بوجه حسن وقااااتل يوسف المحمد والد الرائد خالد المحمد ابن زوجتك
قربت ساميه من حسن وصرخت فيه .. انت انتهيت يامجرم وسرت كرت محروق وهلأ الدور على ابنك
……
فجأه طلع صوت طلقه صدعت جدران المحكمه رافقها صوت جاسم… ساااااااااااااااااااااميااااااااااااااااااااا

✺✺✺✺✺
#يتبع#رواية__يوم_من_حياتي
#بقلمي_امل_احمد
#الجزء_الثالث_عشر #قبل_الاخير
هدوء عم ارجاء المحكمه ل لحظات انخلط بالدهشه لرؤية مشهد يخطف الانظار… .
بالوقت يلي كانت ساميه عم توجه كلامها لحسن المحاوط بالشرطه بعد محاولته الهرب
ساميه : انت انتهيت حسن انتهيت
حسن : ههههههه انا بنهي مابنتهي
هجم حسن على احد افراد الشرطه يلي كان بيطلع بساميه وهيه عم تصرخ بحسن وسحب مسدسه واطلق طلقه براسه افقدته الحياه فورا
وقع حسن ع الارض ميت تارك وراه ابنه العاجز عم يصرخ ابيييييييييييي
جمدت ساميه بمكانها هيه ماكان بدها هيك كان بدها تشوفو على حبل المشنقة ليش استعجل ليش
فضت الجلسه وتم التحفظ على جمال وهو بحالة انهيار تام

القاضي: يؤجل النطق بالحكم لبعد خمس ايام رفعت الجلسه
و طلب من ساميه يشوفها بعد الجلسه
… .
كانت واقفه عند باب غرفة القاضي عم تستجمع قوتها وتحاول تبين طبيعيه بعد الموقف يلي تعرضتله من ساعه
دقت عالباب بخفه واستنت الرد
القاضي: تفضل
دخلت ساميه لمكتب القاضي يلي اشرلها تقعد فورا
القاضي : انتي تمام
ساميه : ايه الحمد لله .. خير حضرة القاضي ليش طلبت تشوفني
القاضي بجديه : اولا مابدي اللي صار بقاعة المحكمه يحبط عزيمتك
ساميه : اكيد
القاضي : وتانيا يمكن تستغربي من كلامي بس انا احتراما لابوكي ولاني بعرف تفانيه واخلاصه لعمله رح اخبرك شي مهم ماحبيت اطرحه بقاعة المحكمه
بلعت ساميه ريقها وحست بالخوف رجف صوتها .. ب ب بخصوص جاسم !!!
القاضي : بالضبط
ساميه : بس انا قدمت المحكمه كل الادله اللي بتثبت برائة موكلي وانه مو سليم
القاضي : صحيح لكن بيبقى السؤال القوي مين بيكون هالسجين
انتي بتعرفي انه اسمه مسجل مع الوفيات بحادثة الطياره صح
ساميه : اي صح
القاضي : لهيك يابنتي انا حبيت احكي معك لحتى ماتنصدمي بعدين
ساميه بقلق : تفضل عم اسمعك
القاضي : انا من اول جلسه حكيتلك نحنا قضاه والرأي المجرد مالو قيمه نحنا بنعتمد ع الادله الملموسة
ساميه : اي صح
القاضي : المفروض نطقت بالحكم اليوم بس انتي شفتي اللي صار ويمكن هالشي تدبير من رب العالمين
ساميه: العفو منك بس والله ماعم افهم عليك
القاضي : لو نطقت اليوم بالحكم كان السجين رقم 221 رح يتبرأ من تهمة انه جاسوس وعميل بس السؤال ليش استنى كل هالمده وهو ساكت ليش ماحاول يثبت برائته
فهمت ساميه قصد القاضي ونزلت راسها ب اسى
ساميه : انا بعرف هالشي وبعرف هالنقطة مارح تكون من صالح موكلي ورغم انه عندي دليل قوي لاثبت برائته وانه جمال ورا كل هالشي بس مافيي اتي ب اي حركة
القاضي : حتى لو كان الثمن خسارتك للقضيه وسجن موكلك وتوجيه تهمه جديده اله وهي القبول ب انتحال شخصية سليم
غمضت ساميه عيونها وشدت على ايدها هيه بتعرف انه مفتاح خلاص جاسم مع سمر لكنها اعطت جاسم عهد انها ماتذكر اسمها بالقضيه ابدا
ساميه : انا رح حاول حل الموضوع مع موكلي
القاضي : وانتبهي يابنتي من عيلة الجبل صح حسن مات وجمال رهن الاعتقال بس الهم رجال وعيون بكل مكان ومابدي اللي صار بصديقي ماجد يصير معك
هزت راسها ووقفت لتستئزن وتمشي والافكار عم تتجمع براسها
ساميه : في احتمال اخسر القضيه !!
رجع القاضي بالكرسي لورى وحكا بهدوء…
لاتستبقي الامور وتصرفي بحكمه متل ماجد الله يرحمه
☆ ☆ ☆ ☆
ماشيه بالشارع سرحانه بخطوات ثقيله عم تفكر كيف ممكن تقنع جاسم انه مافي حل لينال حريته الا بضهور سمر
اخيرا وصلت ع المشفى.. كان خالد عم يستناها على نار وامها وعمتها نرجس موجودين عندو لينتبهوا عليه
ساميه : مرحبا
خالد : ليييششش اتأخرتي انشغل بالي عليكي
ام ساميه وهي بتحضن بنتها ..حمدلله عسلامتك ياقلبي وين كنتي
نرجس : شو صار معك ساميه وجهك مابيبشر بالخير
كانت ساميه عم تتنقل بعيونها بوجوهم وهي بعالم تاني نزلت منها دمعه ورا دمعه وبعدين انفجرت بالبكي
خالد بقلق : ساميه عم تبكي !!! لك شوووو في شو صار فهميني
ام ساميه : يابنتي احكي شو القصه حاج تبكي
مسحت ساميه دموعها وحكت بصوت مخنوق .. حسن ماستنى حكم المحكمه وقوص حاله بنص القاعه
خالد : ولهيك عم تبكي
ام ساميه : لجهنم وراه
نرجس : اي والله لستين جهنم وراه مابيستاهل دمعة من عيونك
ساميه : انا ماعم ابكي كرمال حسن اصلا اشتفى قلبي وقت شفتو غرقان بدمه
خالد : لكن شو قصتك هاتي لشوف مين بكى استازتنا
ساميه : حكا معي القاضي بعد الجلسه
خالد بإهتمام : ايه
ساميه : بصراحه حسب مافهمت منه والوعد يلي مقيدني جاسم فيه بهيك بكون خسرت القضيه وجاسم رح ينحكم بتهمة التستر والسكوت على اخفاء معلومات والتواطئ مع حسن
خالد : وشو بالنسبه لجمال

ساميه : ازا جاسم مابيسمحلي انكث العهد يلي عاهدتو ياه فجمال رح يطلع منها متل الشعره من العجين لانه مافي اي اوراق او دليل تثبت انه كان شريك ابوه بالاعمال الوسخه وكمان مافي دليل يثبت انه هوي يلي سجن جاسم وهدده غير ضهور سمر وجاسم مابدو مني جيب سيرة سمر بالقضيه ابدا
خالد : اوف وليش مابدو ياها تشهد اذا كانت شهادتها لصالحه
ساميه : احسن شي روح جيب شي نشربه واحكيلك قصة جاسم من طقطق لسلام عليكم
نرجس : خليكي حبيبتي انا بروح بجيبهن انتي اعصابك تعبانه
ساميه : شكرا عمتو
نرجس : ولو يا اميرتي (◕‿◕✿)
قعدت ساميه حد خالد واجت ام ساميه ونرجس ليستمعوا للقصه كامله لانهم تشوقوا الها حتى ام ساميه يلي بتعرف القصه كانت قاعده ومتلهفه لتسمع قصة حب جاسم وسمر من جديد
✿✿✿
كانت ساميه تحكي والكل ساكت واحيانا تنزل دمعه من عيونها يمسحها خالد بلطف ويشد على ايدها ليقويها
خالد عاش القصه بخياله وتصور نفسه مكان جاسم معقول كان رح يضحي ب اجمل سنوات عمرو بالسجن ليحمي شرف بنت يادوب عرفها
ساميه : وهي قصة جاسم من اولها لاخرها
نرجس : ولي على امتي عليهن اكيد اتعزبو انا بعمري ماسمعت قصة حب هيك
ام ساميه : فعلا جاسم عاشق متيم
خالد : جاسم رجل قبل مايكون عاشق
انسان ب اخلاقه حرام ينرمي بورده والحقير جمال خلاه يقضي عشر سنوات بالسجن ظلم ااااخ
ساميه ب الم : خلص انا رح اخسر القضيه 😔
خالد : بتعرفي شو عيبك الوحيد ساميه
ساميه :…………… ..
خالد : انتي وقت تحزني بتستسلمي ومابتعودي بتفكري
ساميه : انا
خالد : ايه انتي……….
سامية : 🥺
خالد : حكيتيلي جاسم كان يشتغل ضابط بسلاح الجو بالحربيه صح
ساميه : اي امبلا
خالد : ههههههه لك يامجنونه خلص محلوله حاج تبكي
ساميه : كييييييف قلي
خالد : بتبعتي حدا بتوثقي فيه لتركيا لمكان ماكان يشتغل جاسم
ساميه : ايه
خالد : بتطلبي منه يجيبلك كشف كامل عن دوام جاسم ومتى اخد اجازه بالتواريخ
ساميه : ايه
خالد : وبتخليه يروح للضيعه مكان اقامة جاسم ويجيب جميع اوراقه الثبوتيه وشهادات تخرجه وازا حسن يجيب امه وابوه بتكون انحلت… . شفتي اديش الموضوع سهل بس انتي فورا بتبلشي تبكي غاويه نكد
توسعوا عيون ساميه ورسمت على وجهها ابتسامه عريضه هجمت عخالد باستو من خدو بوسه كبيره
خالد بخجل : خاله سهيله هي بنتك يلي باستني مو انا
ام ساميه : هههههه لك والله مجنونه
وقفت ساميه واطلعت بخالد… ليك خالد انت ساعدتني بالمره الاولى وبعتني لعند مريم يلي كشفت كل اوراق حسن
خالد : اي بشو عم تفكري هلأ
ساميه : بصراحه انا مابثق بحدا لابعته مكاني لهيك انا يلي رح سافر
ام ساميه : لا مارح اسمحلك
شدت نرجس ع ايد ام ساميه انه تسكت وماتوقف بطريق بنتها
خالد : انتي رائعه ساميه ياريتني بصحتي كنت ماتركتك تسافري وحدك
قربت ساميه لعند خالد وحطت ايدها ع خدو وهمستله
ساميه : انا بعمري مارح انسى وقفتك معي خالد. انت هلأ ارتاح وبس ارجع بدي شوفك واقف على اجريك تمام
خالد عم يتنفس بصعوبه وهو حاسس ب انفاسها قريبه منه وقلبه ماعاد هدى هز براسه وقال ماشي وانتي انتبهي عحالك وحاولي تتحركي بسرعة
###
تاني نهار من الصبح بكير كانت ساميه مجهزه امورها للسفر ومابقي عليها الا تروح لعند جاسم تخبرو وبالفعل ركبت تاكسي وتوجهت لعند جاسم فورا
ساميه : صباح الخير
جاسم : اهلا ساميه اتوقعت جيتك
ساميه : جاسم انا مسافره
استغرب جاسم بس متل عادته مابيبين اي ردة فعل
جاسم : لوين ؟
ابتسمت ساميه وخبرت جاسم بكل شي اتفقت عليه هيه وخالد
جاسم : بس انا مو موافق
ساميه : نعم !!!!
جاسم : حاج تعرضي حالك للخطر كرمالي
ساميه وهي عم ترسم ابتسامه دافيه على وجهها .. ممكن سؤال ❔
جاسم : اكيد
ساميه : لو انا بحاجة مساعدتك بتتركني
جاسم : ارجوكي ساميه الوضع بيختلف
ساميه : لا مابيختلف انت مارح تتخلى عني وانا وعدتك ما اتخلى عنك خالصين وهلأ عن ازنك عندي طياره مابدي تفوتني
مسك ايدها وحط فيها عقيقه
ساميه : شو هي
جاسم : هي العقيقه اشتغلها ابي لسمر وقت كانت عنا بالضيعه وقعت منها ب اخر لقاء بينا واحتفظت فيها
ساميه : وليش عم تعطيني ياها
جاسم : بكل بساطه لانه اهلي بيعتبروني ميت ووقت يشوفوا هي العقيقه رح يعرفوا اني عايش
ساميه : رح تسامحني لو خسرت القضيه
ابتسم جاسم وطبع قبله ع جبين ساميها وقلها روحي لحقي طيارتك الله يحميكي
###
طلعت ساميه وهي عم تدعي ربها يوفقها ومايخيب رجاها
وصلت اخيرا لتركيا وفورا طلعت عالعنوان يلي عطاها ياه جاسم بمكان عمله
التقت برجال بالاربعين من عمرو قاعد بيشرب شاي ومركز بالاواق يلي قباله
ساميه ( بالتركي )… مرحبا
الرجال : اهلا كيف لي ان اخدمك سيدتي
سألت ساميه عن شخص اسمه رامي السرحان… اشرلها الرجال انه بالمكتب يلي قباله
راحت ساميه بخطوات بطيئة عم تطلع بوجه هالشخص يلي وصلت عندو
ساميه : احممم حضرتك الاستاز رامي السرحان
رامي بعدم اهتمام : تفضلي
ساميه : انا من طرف الطيار جاسم القاسم
اطلع رامي فيها وبلش يتفحصها

الجزء الرابع عشر
#يوم_من_حياتي
@rwayate
(◕‿◕✿)
‏لا توجد أزمة ليس لها حل، لأن ذلك ليس من العدل الإلهي، فكل ابتلاء يأتي معه الحل المناسب.
علينا فقط أن نجتهد في البحث عنه.💔

ساميه : انتي سمر ثائر الكيلاني
سمر :……… ايه
ساميه : بنت كريمه
سمر بشك : مين انتي !!
طلعت ساميه العقيقه من شنتتها وحطتها ب ايد سمر
اطلعت سمر بالعقيقه لثواني وهيه فاتحه عيونها والدموع عم تتجمع فيهم .. دقات قلبها عم تصرخ ليطلع من جواها الم كل هالسنين
سمر وهيه مسلطه عيونها بساميه
جـ جـ جاسم عايش !!
هزت ساميه راسها وحضنت سمر يلي انفجرت بنوبه من البكي وعم تصرخ جاااااااسم عاااايش جاااااسم عاااايش ااااااااااه ياربي
جاااااااسم عااااايش خديني لعندو كرمااال الله
كان حال ساميه مو اقل من سمر كانت عم تبكي وتشهق وهيه حاضنه سمر ومو مصدقه عيونها
وبعد بكاء هستيري ارتخت اطراف سمر وغابت عن الوعي غابت عن الوجود او يمكن غابت عن الواقع لانها خايفه تكون بحلم ومابدها تصحى منه
سندتها ساميه وبعض الطالبات يلي طلعوا على صوت سمر وبكاها ودخلوها لجوه
كانت ساميه عم تحاول تصحي سمر بالعطر ماكانت تصحى
ساميه لوحده من الطالبات
لو سمحتي هاتيلي راس بصل وناديلي حدا من الانسات بسرعه
الطالبه : تكه لنادي للانسه وراحت تركض
فشلت كل محاولات ساميه انها تصحي سمر وبلش الخوف يتسلل لقلبها .. فجٱه سمعت صوت انثوي وراها
لو سمحتي بعدي شوي هلٱ بصحيها
قامت الانسه وجابت لفحه صوف رجاليه وقربتها من سمر
وساميه بتراقب ومستغربه
شمت سمر ريحة انفاس جاسم يلي كانت عالقه باللفحه وبلشت تستعيددك وعيها ..جـ جـ جاسم
الانسه : ههههه لا مو جاسم قومي رعبتي الضيوف
فتحت سمر عيونها ع وسعهم وبلشت ادور ع ساميه خافت تكون عم تحلم وبس شافتها صرخت جااااسم جااااسم جااااسم عايش يارقيه عااااااايش
ساميه : رقيـــــــه !!!!!!
رقيه : اهدي حبيبتي شو صرلك ماحلك تفهمي انه جاسم عند يلي احسن مني ومنك
ساميه : جاسم عايش يارقيه
التفتت رقيه ناح ساميه وعلامات الدهشه على وجهها
رقيه : عايش !!
ساميه : ايه عايش
رقيه : ومين انتي
ساميه : انا اسمي ساميه المحاميه يلي ماسكه قضية جاسم
سمر ورقيه : قضيه !!!
بعد ماهديت سمر راحت هيه وساميه ورقيه لبيت جاسم وفتحتوا واشرت لساميه تفوت لجوا
دخلت ساميه وعم تطلع بكل شي حواليها البيت مو امبين مهجور وفي ريحة اكل مشيت لاول غرفه شافت فيها غرفة ام جاسم وابو جاسم وريحة الباخور عم تفوح منها دخلت لتاني غرفه وبلشت عيونها تدمع .. صور جاسم بكل زاويه من وهو صغير لحتى تخرج وصار طيار بالحربيه اكاليل الورد على اكبر صوره وعبارات بخط سمر
الشَيء الوحِيد.. الذِي يَفوق حُبي لَك، هُو خَوفِي علَيك...!💔💔
يسع قلبي الكون بلحظة ، ثم يضيق فلا يسعني 💔 ..
سأراك 💔
سأراك في وهمي حبيبا فرقتنا الأمنياات 💔

ساميه عم تطلع بغرفة جاسم وتبكي معقول في بالكون حب ووفاء متل هيك
♡♡♡♡
طلعت من شرودها على صوت رقيه
رقيه : تفضلي اشربي الشاي
ساميه : ايه جايه
طلعت لبرا وقعدت مع سمر ورقيه وبلشت تحكيلهم قصتها مع جاسم من لما عرفته لحتى تركته اليوم الصبح
ساميه : وهي كل القصه
سمر ساكته ومافي شي بيتحرك فيها الا سيل من الدموع
مسكتلا ساميه ايديها وطلبت منها ماتبكي لأن جاسم كان يقلها عدوي الوحيد دموع سمر
مسحت سمر دموعها وتزكرت وصية جاسم
إذا #أردت مني #وصية، #عيناك و #السلام. 💌

♕#لا تحزني، #فالحزن في #عينيك من#ألد________أعدائي... 😔

ساميه : انتي من ايمت هون سمر
ركت سمر راسها للكرسي اللي كان قاعد عليه جاسم وكأنها عم تتحسس دفاه
سمر : وقت اجا جاسم ليقلي انه مافيه يوطي راس امه وابوه وقرر يرجع لهون كنت رح موت لافهم ليش هيك عمل وبوقت لمحت السلسله تبع امي برقبته عرفت انها ورا القصه كلها
ساميه : ايه
سمر : جمال ماكتب كتابه عليي ولا لمس شعره مني وابي بنفسه يلي فسخ هالخطبه
ساميه : شوو عنجد
اطلعت سمر برقيه لتخبر ساميه شو صار بهداك النهار نفس اليوم يلي وقعت الطياره اللي كان جاسم مسافر فيها
######
عــــــــوده للمــاضـــــي ⇦⇦

الو جمال عم تسمعني
جمال : ايه رقيه معك شو صار نفذتي يلي طلبته منك
رقيه : ايه طبعا بس خايفه ثائر بيك يقتل سمر
جمال : لا ماتخافي هو اجبن من انه يعمل هيك شي… المهم بتروحي هلأ مع عماد وصفوان وهنه بيتصرفوا
رقيه : ماشي بس قبلها لازم اشوفك ضروري
جمال : في شي
رقيه : ايه ومابينفع خبرك ع الموبايل انا رايحه هلأ عالشقه وبس تجي وشوفك بتبعتلي الشباب مشي
جمال : تمام
سكرت رقيه الخط وتفلت على جمال وحقارته وابتسمت بخبث هه بدك ياني شوه سمعتي وسمعة سمر وبعدا تخلي فيي انت لعبت مع الشخص الغلط ياحقير
كان جمال متفق مع رقيه تروح لثائر بيك وتقلو انه جاسم اعتدى عليها وعلى سمر بس لحسن حظها سمعت كلامه مع صفوان وعماد وعرفت شو بيخطط لهيك قررت تلعب فيه
نفذت كل اوامره وراحت لعند ثائر بيك وطلبت تشوفوا
ثائر بيك : تفضلي مين انتي وشو بدك
رقيه : انا هون لفتح عيونك ع الحقيقه وخليك تعرف صاحبك من عدوك
ثائر بيك : ؟؟
خبرت رقيه ثائر بيك عن خطة جمال ليوقع بسمر ويشوه سمعتها ويستولي على ثروته وفهمته انا جايه هون وجمال فاهم اني رح خبرك الكلام يلي هوي بدو ياه بس فشر
ثائر : وانتي شو مصلحتك من هالشي
لمعوا عيون رقيه وقالتلو بعدين بتعرف مصلحتي بس بدي منك حمايه لاقدر اوصل للضيعه
ثائر بيك : بتبقي هون وانا بأمنلك سفرك وببعت معك حراسه
رقيه : هلأ عندي شغله مهمه لازم اعملها ولو بقيت هون جمال رح يشك فيي لهيك خليني ماشيه بلعبتي متل مابدي
وطلعت رقيه من بيت سمر وهيه عم تخطط شو رح تعمل
###
نرجع للصبــايا
ساميه : الله ينتقم منه شو حقير قديه الفرق كبير بينه وبين جاسم يلي انسجن عشر سنين ظلم ليحافظ على شرف سمر
رقيه : جمال شخص مريض نفسي
ساميه : وانتي شو كان هدفك وقت طلبتي من جمال يجي لعندك عالشقه
تلفتت سمر لرقيه وقالت : صرلك سنين مو قابله تحكي لحدا شو صار معك يمكن هلأ اجا الوقت رقيه
رقيه : ايه اجا الوقت ورح كون معكم بالمحكمه ووقتها رح تعرفوا كل شي
ساميه بتوجه كلامها لسمر : يعني انتي جيتي لهون مع رقيه !!
سمر : اول ماعرف بابا حقيقة جمال اتصل لحسن بيك وفسخ الخطبه بدون مايوضحلو السبب
وقتها الدنيا ماوسعتني من الفرحه وقررت الحق جاسم لهون بس كان القدر اسرع مني
نزلت راسها وضمت ايديها لصدرها
وقت اجاني الخبر انه الطياره يلي كان فيها جاسم وقعت بالبحر وكل يلي فيها ماتو انهرت تماما ايام واسابيع وانا ودمعتي رفقات دخلت بحاله نفسيه سيئه وكانت رقيه السند الوحيد ليقويني
وبيوم الاربعين للحادثه المشؤومه حلمت بجاسم عم يناديلي رحت لعندو كان لابس ابيض والتعب امبين عليه سألتو مالك اشرلي ع الضيعه والمدرسه ونزلت دمعته
صحيت اصرخ ب اسم جاسم اجا ابي وامي وخبرتهم اني قررت روح عالضيعه مع رقيه لاكمل حلم جاسم
ساميه : حبك كان اقوى من اي شي
سمر : بعد ماراح جاسم رهنت نفسي اعيش على ذكراه كل يوم بجي لهون بكنس البيت وببخرو وبطبخ واوقات بغفى على هاد الكرسي… كتير قصص كنت احكيها لجاسم وكتير من المرات اجاني بالحلم بهيئة ملاك مره بحلم اني مكشفه وهو يغطيني ومره كنت بردانه وهو يدفيني كان يغطيني ويدفيني وهو هناك مكشف وبردان لك ااااخ شو اشتقتلو
ساميه : راح الكتير ومابقي الا القليل بكرا رح تشوفيه وتكحلي عيونك فيه
سمر : ان شاء الله
ساميه يالله خلونا ننام لانه ع بكير عنا اجرائات السفر مامعنا كتير وقت
قامو البنات وراحت رقيه لبيتها اما سمر بقيت بحضن ساميه عم تحاول تشم ريحة جاسم وغفيت وهي،بتحلم بلقياه
ساميه : اخيرا نمتي .. لك سو انتي ملاك ولا بشر معقول بنت اتضحي بحياتها وتترك القصر والعز والجاه لتجي لضيعه صغيره لتكمل حلم حبيبها
سبحان الله بالوقت اللي جاسم بالسجن ليحافظ على شرفك انتي ببيته لتكملي حلمه ♡♬♡

✿ عن اي فراقا يتكلمون !!! ✿
♡♡♡
اخيرا اجا اليوم لتسافر سمر وترجع لبلدها يلي عم بيظم جاسم
اخدت معها كل الاوراق والصور وصلت الفجر وركعتين طلب حاجه دعت فيهم ربنا يوفق مع جاسم ويفك اسره
انطلقوا الصبايا بعد صلاة الفجر وراحو عالمدينه ليركبوا الطياره
كانت ساميه متوتره مو باقي كتير لموعد الجلسه… يارب نلحق يارب
#####
بالمــــحــــكـــمـــه
المنادي : محكمه
دخل القاضي والمستشارين وجلسوا اماكنهم
كان خالد وام ساميه ونرجس موجودين بالقاعه وخالد عم يطلع بساعته ويراقب الباب منتظر تدخل ساميه ب اي لحظه
جاسم متل عادته هادي بس حاسس بخفقه قويه بقلبه ماعرف يفسرها الا انها خوف على ساميه
نادو للقضيه الاولى والتانيه وكانت التالته قضية جاسم
القاضي : وين محامي الدفاع
المنادي : محامي الدفاع يتفضل
اطلع القاضي ودور بعيونو على،ساميه بس ماكانت موجوده بين الحاضرين
جمال واضح عليه علامات الراحه لغياب ساميه وعم يزور خالد وجاسم بعيونه جاسم بيبادله النطره ببرود اما خالد كانت الشياطين بتتنطط قدام عيونو
القاضي : بعد خمس دقائق ان لم يحضر محامي الدفاع س انطق الحكم……… وبقلبه ( وينك بنتي ساميه )
جمال فرحان وهو بيعد الدقايق وناطر النطق بالحكم
القاضي : انتهت المهله ســـ
اجا صوت ساميه من بعيد : انا هوووون سيادة الرئيس
اطلع فيها القاضي بفرح وتوجهت جميع نظرات يلي بالقاعه لساميه يلي. كانت واقفه عالباب وعم تلهت
خالد بقلبه : كنت متأكد انك رح تجي عالموعد بالتوفيق اميرتي
تقدمت ساميه للمنصه الخاصه للمحامين
ساميه : انا بعتذر على التأخير سيادة القاضي وهلأ فينا نبلش
حولت نظرها لجمال يلي ماعاد تفسرت معالم وجهو وانخطف لونه
بسم الله الرحمن الرحيم
لتبدأ الجلسه
القاضي : شو انسه ساميه قدرتي تجيبي دليل ملموس يثبت انه هالشخص جاسم القاسم
قربت ساميه من المنصه واعطت القاضي جميع الاوراق يلي حصلت عليها من رامي واثبتت بالتواريخ انه جاسم مواليد تركيا ولم يغادرها الا مره واحده وكانت لهون لسوريه وللاسف مارجع
القاضي الاوراق سليمه ميه بالميه باقي بدنا دليل اخير لسبب سكوت جاسم كل هالسنين ووجه كلامه لجاسم
ياجاسم انت الان بنظر الجميع جاسم القاسم لكن هيئة المحكمه لابد ان تعرف سبب سكوتك ومن المسبب الرئيسي لوجودك بالسجن
جاســـــم : سيدي الرئيس ممكن اسأل حضرتك سؤال
القاضي : تفضل
جاسم : شو يلي اغلى من الروح
القاضي : الارض والعرض
جاسم : وانا هون مو حاسس نفسي بغربه انا هون بين اهلي وناسي ومو مهم لو خسرت القضيه المهم كون رجل وموت رجل
القاضي : هاد اخر كلام عندك
هز جاسم راسه : نعم سيدي
ابتسم جمال بخبث لانه عارف انه جاسم مستحيل ينطق بحرف وبهيك القضيه بجيبته
اطلع جاسم بعيون ساميه وكأنه بيقلها اســـــف مابقدر
القاضي : انسه ساميه عندك اي شي بتحبي اتضيفيه قبل النطق بالحكم
ابتسمت ساميه ابتسامه واسعه ابتسامه كلها امل وتحدي
ايه… ايه عندي واطلعت للباب ونادت بصوت عالي تفضلي ســـمـــر
انتفض قلب جاسم من مكانه وقف ومسك الحديد بقوه كان بدو يخترق الحواجز ليمنع سمر تفوت بس وقت لمح طيفها فايته عالقاعه وعيونها معلقين بعيونو وبس وكأن الدنيا خليت من الانس والجنس ومابقي الا انفاسهم ودقات قلوبهم وعيونهم يلي كانو يحكوا مع بعض فيها
هو ☜♡
✿من اجلك تحملت عتمة السجن وانا مقفلا شفتاي ✿
هي ♡☜
✿ لاجـــلك عشــت كـل هــــذه الايـام مــع دمـــوعـــي التــي لاتتـــوقـــف ✿
هو ♡☜
✿ لكـن فـي قلـبي شـعـلة الحـــ♡ــب لاتتـوقــف ✿
هي ☜♡
✿ بقــيت مشـتـعله لاجــلك فـقـط لاجــــ♡ـــلك ✿
###