دي اجازة لمدة 24 ساعة ، الوالد تعبان و بالعناية المشددة ، بس بدي روح شوفو لأنو خايف تكون هي آخر مرة بشوفو .
الضابط : خيبت ظني فيك يا صلاح .. من كم يوم كنت بإجازة معقول تخترع هيك كذبة لتاخد اجازة تانية .
صلاح : بحلفلك انها ما كذبة يا سيدي .
الضابط : صلاااااح
صلاح : نعم سيدي .
الضابط : اطلاع لبرا ، الله معك .
*طلعت و الشر بعيوني...بلشت فكر بحل تاني لإقدر شوف أبي بأسرع وقت....
________________________________________
#بقلم_فتاة_من_ورق_بسمه_السباعي*كنت عم اشتغل بسرعة لحتى لحق خلص قبل ما يرجع أمين...ما بعمري انحطيت بهيك موقف...كنت حاسة بضغط كبيرو كل شوي عم اتطلع بالساعة...و بلحظات سريعة و بدون ما انتبه وقعت ابريق المي على الارض و كسرتو....
نورا : يا الله هلأ وقتو .
*قربت و بلشت لم الأزاز يلي انكسر و ليزيد الأمر سوء جرحت إيدي .
نورا : يا ربيييي .
احلام : شو عملتي ؟
نورا : اسفة خالة كسرت الابريق و جرحت ايدي بالغلط .
احلام : لك غبية انتي وين عقلكككك هاد الابريق هدية من امي الله يرحمها .
نورا : والله مو بقصدي .
احلام : روحي من وجهي رووووحي .
*مشيت و الدمعة بعيني .. تذكرت لما انجرحت إيدي ببيت اهلي....
=====================================
ابو فارس : ليش عم تبكي يا عيوني عم توجعك ايدك ؟
نورا : اي .. شوي .
ابو فارس : لا تبكي حبيبتي شوي و بتخف ، اهم شي لا تبكي لأنو دموعك بتكويلي قلبي .
=====================================
*غسلت ايدي من الدم و لزقتها...
أمين : نوارة .. خالتي وينكن .
احلام : اهلين حبيبي .
أمين : شبك خالتي ليش عم تبكي .
احلام : نورا كسرت ابريق أمي .. والله انكسر قلبي معو هاد الشي الوحيد يلي بقيان من ستك .
أمين : كيف كسرتو ؟
احلام : ما بعرف يمكن عملت هيك لأني كنت تعبانة و خليتها تشتغل كل شي بالبيت لحالها .
أمين : نوراااااااااا .
نورا : والله مو بقصدي .
أمين : من اول يوم جبتك فيه على هالبيت فهمتك انو خالتي هي أمي التانية يعني اذا بتقلك موتي بتموتي .
نورا : بعرف والله بعرف بس غصب عني انكسر .
أمين : روحي على الغرفة هلأ ما بدي شوفك ولا اسمع صوتك .. رووووحي .
نورا : امرك .
أمين : خلص خالتي اهدي ، هلأ منروح على السوق و بتجيبي واحد متلو .
احلام : ماعاد يمشي الحال ، اصلا مافي متلو هاد الابريق من على دور امي .
أمين : طيب شو اعمل لترضي ؟
احلام : رضيانة حبيبي وقفتك جنبي خلتني ارضى و سامح مرتك .
أمين : اكيد ؟؟
احلام : اي أكيد .
أمين : نوراااا
نورا : نعم .
أمين : تعالي بوسي ايد خالتي .
نورا : امرك .
احلام : الله يرضى عليكي يا بنتي .
نورا : بعتذر منك .
احلام : ولا يهمك ما صار شي .
أمين : الله يخليلنا ياكي خالتي .
نورا : عن اذنكم رايحة حضر السفرة .
احلام : استعجلي شوي اكيد ابني بيكون جوعان .
أمين : اي والله جوعان كتير .
احلام : يا عمري انت .
*دخلت على المطبخ .. كنت حاسة حالي عم اختنق .. بلشت جهز السفرة و بهاللحظة ما قدرت امنع دموعي تنزل....
________________________________________
#بقلم_فتاة_من_ورق_بسمه_السباعيختام : اختي خلينا نروح على البيت .
ام بلال : لا بدي ضل جنبو .
ختام : يا حبيبتي هو ما حاسس انك جنبو ، انتي هون بس عم تتعبي ، خلينا نروح على البيت ننام ساعتين و نرجع .
ام بلال : بلكي صرلو شي بغيابي .
ختام : ما رح يصرلو شي بإذن الله .
سمر : خالتي لازم ترتاحي لتقدري تسهري هون اليوم .
ام بلال : طيب بس مو اكتر من ساعتين .
ختام : وحياتك بعد ساعتين منكون هون .
*طلعت من المشفى و قلبي مو مرتاح....
سمر : خالتي هي لمى عم تتصل .
ام بلال : لمى يا عمري .
****************************************
ام بلال : اهلين يا روحي .
لمى : كيفك ماما اشتقتلكن كتير .
ام بلال : و نحنا اشتقنالك يا روحي .
لمى : كيفو البابا .
ام بلال : ابوكي الحمدلله .
لمى : شو اخبار عصافيري .
ام بلال : الحمدلله مناح .
لمى : خير ماما فيكي شي ؟
ام بلال : لا يا روحي بس اشتقتلك .
لمى : حبيبتي عن قريب رح تجي لعندي و شوفك ، غسان عم يشتغل بأوراقك .
ام بلال : الله يرضى عليكي و عليه .
لمى : اعطيني بابا اذا جنبك .
ام بلال : ابوكي هلأ .. هلأ راح يصلي .
لمى : الله يتقبل منو حبيبي ، انتبهوا على حالكن ماما و انا كل ما صرلي فرصة بتصل فيكي .
ام بلال : ان شاء الله وانتي انتبهي على حالك و سلمي على غسان .
لمى : الله يسلمك حبيبتي .
ام بلال : بحفظ الرحمن .
****************************************
ختام : منيح ما خبرتيها .
ام بلال : والله بتموت اذا خبرتها .
ختام : بعيد الشر عنكم ، ان شاء الله بيتحسن ابو بلال وما بيكون في داعي تخبروها ابداً .
ام بلال : يا رب.
________________________________________
#بقلم_فتاة_من_ورق_بسمه_السباعي*بعد الغدا .. رتبت المطبخ و رحت على غرفتي...
أمين : نوارتي الحلوة شبها ما على بعضها ؟
نورا : كيف بدي كون منيحة بعد ي