📚قصص||روايات||منوعة📚

#إمسك_يدي
#الجزء_الأول
#بقلم_فتاة_من_ورق_بسمه_السباعي

علّمتني الحياة أنّ المرء حينما يقسو عليه الزّمن .. حينها فقط يعرف ما هي الرّحمة...

*فتحت عيوني على صوت خناق أمي و أبي .. تجلست و تطلعت بالساعة 03:49AM ...

ريما : يا الله و بعدين مع هالحالة .
رنيم : ريما .
ريما : نعم حبيبتي .
رنيم : ليش بابا و ماما عم يتخانقو ؟
ريما : مافي شي حبيبتي بيكونو عم يتناقشو بشي موضوع ارجعي نامي .
رنيم : اختي انا كتير خايفة .
ريما : ما تخافي تعالي خليني احضنك .

*حملت دبدوبي و رحت على تخت اختي ريما حضنتها و سكرت عيوني ...

#بقلم_فتاة_من_ورق_بسمه_السباعي

نهاد : لك انا بس بدي افهم شو غيرك ؟؟ ما كنت هيك ، كنت تحب ترجع على بيتك و تحبني و تحب بناتك ، كنت تخاف علينا من نسمة الهوا شو صرلك فهمني .
سليم : انا ما تغيرت بس انا بيحقلي عيش متل رفقاتي اطلع و اسهر و اصرف .
نهاد : يا حبيبي والله ما منعتك اسهر بس مو تضل سهران لوجه الصبح و تاركنا لحالنا انا و بناتك ، اصرف و انبسط بس ما تقصر علينا .
سليم : انا عم قصر عليكن ؟؟
نهاد : اي عم تقصر و كتير كمان ، روح شوف البراد فاضي و بناتك عم يروحو على المدرسة ما معهن مصروف ، هاد الشي شو بتسميه تقصير ولا مو تقصير ؟
سليم : بتعرفي مو الحق عليكي الحق عليي انا يلي رجعت عالبيت ، سلام .
نهاد : سليم .. سليم وين رايح .

*طلع سليم من البيت .. بوقتها ما كان بإيدي شي غير اني ابكي ...

نهاد : ياربي دخيلك ساعدنا ، ياربي انت بتعرف سليم بعمرو ما كان قاسي علينا هيك ، يا ربي تهديه و تسامحو و تغفرلو .

#بقلم_فتاة_من_ورق_بسمه_السباعي

*تطلعت على اختي رنيم لقيتها غفيانة ، غطيتها منيح و طلعت من الغرفة بهدوء ، وصلت على الصالون لقيت امي قاعدة بالأرض وعم تبكي ....

ريما : ماما .
نهاد : ريما حبيبتي شو يلي صحاكي .
ريما : شو بدو يصحيني غير صواتكن انتي و ابي .
نهاد : سامحينا بنتي بس والله ماعم اعرف كيف بدي اتصرف مع ابوكي .
ريما : معلش تفهميني ليش هيك متغير بابا ؟
نهاد : والله ما بعرف انا هاد يلي مجنني ، النا 15 سنة متزوجين ولا مرة تخانقنا ولا مرة نمنا زعلانين من بعض بس آخر كم شهر ما بعرف شو صرلو .
ريما : جربتي تسأليه ؟
نهاد : سألتو كتير وكل ما سألتو بيتغير و بيعصب و بيعلي صوتو عليي .
ريما : يا الله .
نهاد : لا تشيلي هم شي حبيبتي روحي نامي مشان صحيكي بعد شوي عالمدرسة .
ريما : بتوعديني لما ارجع من المدرسة تكونو متصالحين ؟
نهاد : ان شاء الله .

#بقلم_فتاة_من_ورق_بسمه_السباعي

*رجعت على تختي و انا عم فكر بأبي .. عم حاول كبر عقلي لاستوعب يلي عم يصير و استوعب التغير يلي حل على بيتنا فجأة ...
________________________________________

الساعة 7 الصبح ...

*رن المنبه طفيتو و قمت بسرعة عالحمام غسلت وجهي و مشطت شعري .. لبست تيابي و نزلت ...

أوس : صباح الخير .
غسان : صباح النور .
يسرى : صباح الورد حبيبي .
غسان : شو وينو اخوك ؟
أوس : كالعادة لسا ما صحي .
يسرى : رح اطلع صحيه .
غسان : اقعدي هالمرة انا طالع صحيه .

*طلع ابي على غرفة جواد و الشر بعيونو ...

أوس : الله يستر .
يسرى : ليش ما صحيتو وانت نازل ؟
أوس : ما بدي اتخانق معو من الصبح .

#بقلم_فتاة_من_ورق_بسمه_السباعي

غسان : جواد جوااااااد
جواد : اي بابا ، صحيت صحيت .
غسان : صحيت ؟؟ نسيان حالك انو هالسنة عندك تاسع ؟ المفروض تكون صاحي اول واحد بالبيت .
جواد : تأخرت بالدراسة مبارح لهيك ما قدرت اصحى بسرعة .
غسان : اي يلا قوم غسل و بدل تيابك .
جواد : حاضر .

*طلع أبي من الغرفة حملت المخدة و رميتها عالأرض ...

جواد : ما بعرف شو بدها تفيدنا الشهادة اذا شركة و مال عنا بس ما بيقدر ابي بلا ما يفتخر بدراسة ولادو قدام العالم .

#بقلم_فتاة_من_ورق_بسمه_السباعي

يسرى : شو صحي ؟
غسان : بيسترجي ما يصحى !
يسرى : الله يطول عمرك و يخليك فوق راسنا .
أوس : بابا .
غسان : نعم .
أوس : في موضوع بدي احكيه معك .
غسان : احكي عم اسمعك .
أوس : بابا السنة الماضية قلتلي اذا بتنجح بالتاسع و بتجيب مجموع عالي رح اشتريلك موتور ، ونجحت و جبت المجموع و صرت صف عاشر و بمدرسة الأوائل و لهلأ ما جبتلي الموتور .
غسان : معك حق ، انشغالي بالفترة الأخيرة خلاني انسى هالموضوع ، اليوم المسا باخدك و منشتري الموتور بس بدي توعدني وعد .
أوس : شو ؟
غسان : ممنوع تسوقو الا بعد ما تحصل على شهادة سواقة .
أوس : بوعدك بابا .
جواد : صباح الخير .
يسرى : صباح النور حبيبي .
غسان : صباح النور ، انا صار لازم امشي .
يسرى : ما كملت فطورك حبيبي .
غسان : الحمدلله ، يسرى الحقيني .
يسرى : حاضر .

#بقلم_فتاة_من_ورق_بسمه_السباعي

*مشيت ورا غسان لحتى وصلنا عند باب البيت ...

غسان : يسرى انا ما عاجبني وضع جواد فهميه بمعرفتك انو يحط عقلو براسو و يهتم بدراستو و يتعلم من أوس كيف يكون ، أوس عم يتعب على حالو بس جواد مريح حالو و مأمن و شايف حالو انو ابوه صاحب شركة ، فهميه ا

ذا ما بيتعب على حالو نهايتو ينزل على الصناعة ، انا بعمري ما امنت بحدا انا عملت حالي بإيدي و بدي ولادي يطلعو متلي .
يسرى : امرك يلي بدك ياه بيصير .
غسان : بدك شي ؟
يسرى : سلامتك حبيبي انتبه على حالك .
غسان : سلام .
يسرى : الله معك .

#بقلم_فتاة_من_ورق_بسمه_السباعي

جواد : كأني سمعت كلمة موتور و انا نازل من غرفتي ؟
أوس : اي اخي صحيح ، الموتور هدية نجاحي بالتاسع .
جواد : يعني هلأ رح يصير عندك موتور .
أوس : منقول ان شاء الله .
جواد : بسيطة كلها كم شهر و بخلص تاسع و رح جيب مجموع اعلى من مجموعك وقتها انا كمان بجيب احلى موتور .
أوس : ليش لا اخي الله ييسرلك و ينجحك و تحصل على كلشي بدك ياه .
يسرى : أوس ، جواد .
أوس : نعم امي .
يسرى : صارت الساعة 8 الا ربع اطلعو يلا ما تتاخرو عالمدرسة .
أوس : حاضر .

يسرى : بدرية .
بدرية : نعم يا خانم .
يسرى : شيلي الفطور و اعمليلي فنجان قهوة .
بدرية : امرك يا خانم .

#بقلم_فتاة_من_ورق_بسمه_السباعي

*طلعنا انا و جواد بالسيارة ...

أوس : صباح الخير يا عم تامر .
تامر : صباح النور .
أوس : الله يقويك يا عم كل يوم عم نعذبك بتوصيلنا .
تامر : هاد واجبي انا ماعم اعمل اكتر من واجبي ، الله يخليلك ابوك و يطول عمرو .
أوس : و يطول عمرك يا عم .
جواد : تامر يا ريت تستعجل لاننا متأخرين .
أوس : جواد شبك كم مرة نبهتك لازم تحترم العم تامر .
جواد : أنا احترم شوفير عنا لك اصحى أوس .
أوس : صار لازم خبر ابوك بتصرفاتك .
تامر : أوس ، جواد لساتو صغير لا تحاسبو ولا تخبر السيد غسان بهالشي .
جواد : سماع انا ما صغير و بعرف منيح شو عم احكي التزم صمتك و عميل واجبك .
أوس : جوااااد ، بيكفي .
________________________________________

#بقلم_فتاة_من_ورق_بسمه_السباعي

نهاد : ريما امسكي ايد اختك منيح ديري بالك عليها ، و انتبهو على دروسكن .
ريما : حاضر ماما .
رنيم : باي ماما .
نهاد : الله معكن حبيباتي .

*مسكت ايد اختي و طلعنا من البيت ...

رنيم : بابا و ماما تصالحو ؟
ريما : اي حبيبتي تصالحو .
رنيم : ريما من زمان ما اشتريت شيبس على بالي اشتري .
ريما : اليوم لما نرجع على البيت منطلب من بابا مصروف و منشتري اتفقنا ؟
رنيم : اي .
ريما : انتي هلأ صف سابع لازم تركزي على دروسك منيح السابع مو سهل ابداً .
رنيم : بتعرفي انا بحب صف السابع لانو صرت معك بنفس المدرسة .
ريما : الله لا يحرمني منك يا اختي .
رنيم : التاسع صعب ؟؟
ريما : بصراحة اي صعب شوي .
رنيم : يا رب تنجحي .
ريما : يا رب .

#بقلم_فتاة_من_ورق_بسمه_السباعي

*وصلنا على المدرسة و كل وحدة فينا راحت وقفت مع رفقاتها ...

ريما : صباح الخير .
لارا : صباح النور ، شو صار معك ريما حكيتي مع اهلك مشان تسجلي معنا بالمعهد .
ريما : اه .. لا والله نسيت احكي معهن .
مريم : كل يوم نفس الحجة ريما رح نوصل لنص الكتاب و انتي لسا بتنسي .
ريما : اليوم على الاكيد رح احكي معهن .
لارا : بدون المعهد مستحيل ننجح بالرياضيات .
مريم : معها حق لارا .
ريما : مننجح ان شاء الله ما تخافو .
________________________________________
#بقلم_فتاة_من_ورق_بسمه_السباعي

الساعة 10 الصبح .. فتحت باب البيت و دخلت .. شفت نهاد نايمة عالكنبة ، جبت حرام و غطيتها ...

سليم : اجا الوقت يلي خبرها بكلشي .

*دخلت على المطبخ لأعمل قهوة ...
________________________________________
#بقلم_فتاة_من_ورق_بسمه_السباعي

عماد : أوس أوس .
أوس : نعم .
عماد : اخوك جواد
أوس : شبو ؟
عماد : عم يضرب ولد و يدعس عليه .

*ركضت لعند اخي جواد على الصف ، فعلا كان عم يضرب ولد من صفو موقعو بالارض و عم يدعس عليه ...

جواد : انا ابن السيد غسان ، انت و اشكالك تحت امري فهمان .
أوس : جوااااااااد .
جواد : أوس لا تدخل .
أوس : ما على كيفك بعد هيك بعد .
@rwayate
*بعدت اخي و قربت على الولد ...

أوس : انت منيح ؟
وليد : شو شايف .
أوس : حقك على راسي ، قوم معي .
وليد : بقوم لحالي ماني بحاجتك يا ابن السيد غسان .
أوس : روق صدقني اخي جواد ما بيقصد ، هلأ منحل الخلاف يلي بينتاتكن .
وليد : نزل الدم من انفي و بتقلي ما بيقصد لكن لو كان بيقصد شو كان عمل ؟ ما بدي تحل شي اتركوني بحالي وبس .
أوس : عماد تعال ساعدو وديه عالحمام خليه يغسل .
عماد : حاضر .

#بقلم_فتاة_من_ورق_بسمه_السباعي

أوس : وانت بعدين معك ؟
جواد : منحكي بالبيت .
أوس : الحكي معك ماعاد ينفع .
جواد : منشوف منشوف .
أوس : بعد شوي اكيد رح يناديلك المدير صدقني ما رح ندافع عنك لا انا ولا ابوك .
جواد : ما مطلوب منكن هيك شي .
________________________________________
Telegram: @rwayate
#بقلم_فتاة_من_ورق_بسمه_السباعي

*قربت من نهاد حطيت ايدي على شعرها ...

سليم : نهاد .. نهاد قومي .
نهاد : حبيبي رجعت .
سليم : قومي بدي احكي معك .

*تطلعت بسليم حضنتو و بكيت...

نهاد : ليش هيك عملت فينا ، انا و بناتك ما النا غيرك .
سليم : خلص اهدي .

#يتبع

و يحل كل مشاكلك بمعرفتو ، فيك تروح على صفك هلأ .

*طلعت من عند المدير و نار الغضب عم تغلي جواتي .. وصلت على الصف بقيت ساكت بس الشر عم يطلع من عيوني ...
________________________________________
#بقلم_فتاة_من_ورق_بسمه_السباعي

سليم : نهاد افتحي الباب ، نهاد لو سمحتي ما تخربي كلشي بعد 15 سنة زواج .

*فتحت الباب وكنت متمنية وقتها طالع روح سليم بإيديي...

نهاد : اخرب كلشي ؟؟ انا اخرب كلشي ؟ ويلي عملتو انت شوووو ؟؟ بتعرف انو انا اغبى انسانة بالدنيا لأني كنت مفكرة سبب تغيرك عليي هو ظروف شغلك الصعبة طلعت متزوج متزوووووج ، ولا لحظة خطر ببالي انك تكون بشع هالقد ولا لحظة خطر ببالي انك تتزوج عليي بدون سبب .
سليم : نهاد انا برأيي تروحي تنامي ساعة ترتاحي و بعدها منتفاهم على رواق .
نهاد : انا برأيي تبعد عن طريقي .

*طالعت شنتايتي .. دفشت سليم و طلعت من الغرفة .. بعد لحظات اندق الباب ....

سليم : رح شوف مين عم يدق الباب .
نهاد : هاد اخي .

*سحبت شنتايتي و فتحت الباب ...

سهيل : شوفي نهاد ؟
نهاد : مسيك شنتايتي و انطرني بالسيارة اخي .
سهيل : خير ان شاء الله ، تكرمي .

*نزل اخي سهيل و انا التفتت على سليم و تطلعت بعيونو للمرة الأخيرة...

نهاد : طلقني .
سليم : نهاد .
نهاد : طلقني سليم احسن ما تتبهدل بالمحاكم .
سليم : انتي .. انتي طالق .
نهاد : الله لا يسامحك ولا يهنيك .

*نزلت ركض لعند اخي .. ركبت بالسيارة و صرت ابكي بطريقة هستيرية ...
________________________________________
#بقلم_فتاة_من_ورق_بسمه_السباعي

*الساعة 2 الضهر .. طلعنا بالسيارة انا و اخي جواد لنرجع عالبيت...

أوس : جواد .
جواد : نعم .
أوس : يلي صار اليوم بالمدرسة اندفن بالمدرسة ، ما رح خبر حدا عنو بس انت لازم تغير من حالك .
جواد : انا شايف حالي هيك تمام ، اهتم بحالك انت و خليك داير ورا رضا الناس .
أوس : جواد اسلوبك هاد رح يخليك تخسر كتير .
جواد : انا ما بخسر ، واذا بدك تخبر ابوك خبرو ماني خايف من شي .

*بهاللحظة حسيت بالخوف على اخي و تمنيت لو اقدر اثر عليه و غيرو للأحسن ...
________________________________________
#بقلم_فتاة_من_ورق_بسمه_السباعي

سهيل : نهاد معلش توقفي بكي و تفهميني شو صاير ؟
نهاد : قبل ما خبرك جاوبني انا بعمري كنت سيئة او غلطت بحق حدا ؟
سهيل : لا .
نهاد : بعمري تمنيت الشر لحدا ؟
سهيل : كمان لا .
نهاد : بعمري جرحت حدا او كسرت قلب حدا ؟
سهيل : لا لا لا .
نهاد : انا اليوم انجرحت و انكسر قلبي ، سليم طلع متزوج عليي و مرتو حامل ، لك يا ريت متزوج وحدة منيحة يلي تزوجها بنت شوارع مغنية بملهى ، رفعها لمستوايي انا بنت العالم و الناس ، دعس على كرامتي بدون ما ترفلو عين .
سهيل : طولي بالك اختي يمكن الموضوع مو هيك .
Telegram: @rwayate
نهاد : مافي مجال للشك هو يلي خبرني بكلشي و قبل ما انزل من البيت طلبت الطلاق و طلقني .
سهيل : لا حول ولا قوة الا بالله .

*وصلت على بيت اهلي .. نزلت من السيارة و انا مو شايفة شي ، عيوني مغبشة من كتر الدموع ...

ابو سهيل : نهاد ! شبك بنتي ؟؟
*حضنت ابي و بكيت كل ما يسألني شو صاير معك ابكي اكتر و ما اقدر احكي ، لحقني سهيل و خبر ابي بكلشي ....
________________________________________
#بقلم_فتاة_من_ورق_بسمه_السباعي

رنيم : انا جوعانة كتير .
ريما : شوي منوصل على البيت و منتغدى .
رنيم : يا ترى شو طابخة اليوم ماما ؟
ريما : نسيت اسألها الصبح ، شو ما كان كل طبخها طيب ، خبريني هلأ كيف كان يومك ؟
رنيم : كان حلو اجت لعنا على الصف بنت جديدة .
ريما : رافقتيها ؟
رنيم : اي و تمشينا مع بعض بالفرصة .

*حكينا كتير طول الطريق .. وصلنا على البيت لقينا الباب مفتوح ...

ريما : ماما .
رنيم : ماما نحنا اجينا .
Telegram: @rwayate
*دخلنا على الصالون شفنا ابي قاعد على الكنبه و شارد بالأرض ...

ريما : بابا .
رنيم : باباااااا .
سليم : اهلين حبيباتي .
ريما : وين امي ؟
سليم : بابا روحو غسلو و بدلو تيابكن .
رنيم : بابا وينها امي ؟
سليم : امكن راحت زيارة على بيت جدكن .
ريما : ليش ما نطرتنا نروح معها ؟
سليم : حبيباتي ما تسألو كتير روحو غسلو يلا بسرعة .

#إمسك_يدي
#الجزء_الثالث
#بقلم_فتاة_من_ورق_بسمه_السباعي

نهاد : شو يعني ممنوع اخد البنات ؟
ابو سهيل : انا ما مستعد ربي بنات سليم وما مستعد احمل مسؤوليتهم .
نهاد : بس هدول بناتي انا كمان .
ابو سهيل : وانتي بنتي إلي ، لما عطيتك لسليم قلتلو يحطك بعيونو بس شو عمل ؟ بكل بساطة كسر قلبك و ما سأل ، لهيك انا مستحيل ربيلو بناتو .
نهاد : هيك رح ينكسر قلبي مرة تانية .
ابو سهيل : بجبلك ياهن تشوفيهن ايمتا ما بدك بس ممنوع يعيشو عندي ، يا بنتي انتي ما بتتخيلي حجم حبي الك ، امك توفت من عشر سنين و انا ما فكرت اتزوج كرمال ما اكسر خاطرك و جيب وحدة تتفتل بهالبيت مكان امك ، بوعدك بأي لحظة تطلبي بناتك بجبلك ياهن بعيوني .
نهاد : معلش تجبلي ياهن اليوم ؟
ابو سهيل : من عيوني بس هلأ قومي نامي و ارتاحي ، لما تصحي رح تلاقيهن هون .
نهاد : الله لا يحرمني منك بابا .
ابو سهيل : الله يرضى عليكي .

*رحت على غرفة امي تسطحت مكان ما كانت تنام ، حضنت مخدتها ، ضليت ابكي لحتى غفيت ...
________________________________________
#بقلم_فتاة_من_ورق_بسمه_السباعي

ريما : بابا .
سليم : نعم .
ريما : حكت معك امي ؟
سليم : لا لسا .
ريما : اتصل فيها انت .
سليم : بعد شوي بتصل .
رنيم : بابا انا جوعانة كتير .
سليم : انا نازل جبلكن غدا ، انتبهو على بعض وما تفتحو الباب لحدا .
ريما : حاضر .

*اخدت تلفوني و مفاتيح السيارة و نزلت ...
****************************************
#بقلم_فتاة_من_ورق_بسمه_السباعي

ركبت بالسيارة و اتصلت بياسمين...

ياسمين : الو حبيبي شغلتلي بالي ليش ماعم ترد على اتصالاتي .
سليم : ياسمين انا مو منيح ابدا .
ياسمين : ليش يا عمري شبك ؟
سليم : خبرت نهاد بقصتنا و طلقتها .
ياسمين : ليش طلقتها ليييش .
سليم : هي طلبت الطلاق بعد ما عرفت كلشي .
ياسمين : البنات شو رح يصير فيهن ؟
سليم : ما بعرف انا هلأ طالع جبلهن غدا ، وبعدين رح خبرهن بكلشي .
ياسمين : ماشي يا روحي انتبه على حالك .
سليم : وانتي كمان ، بخبرك شو بيصير معي .
ياسمين : ناطرة اتصالك و شوفتك على احر من الجمر .
****************************************

*سكرت التلفون و شردت ...
سليم : يا الله اديش في فرق بين نهاد و ياسمين ، بس يا ترى لو ياسمين الأولى كانت تصرفت متل نهاد ؟!
________________________________________
#بقلم_فتاة_من_ورق_بسمه_السباعي

*اجتمعنا حوالي سفرة الغدا .. انا و اخي جواد عم نتطلع ببعض كل شوي .. كنت محتار خبر ابي او ابقى ساكت بعد ما شفت جواد ما هامو شي ...

غسان : اليوم قلعت واحد من العمال .
يسرى : خير ان شاء الله ليش ؟
غسان : هاد العامل من زمان كان عم يعمل مشاكل مفكر حالو عنتر زمانو و مستعبد كم واحد من حارتو لانو ابوه مختار الحارة و ساعدهن ، لهيك حطيتلو حد و قلعتو تقليعة الكلاب و زدت رواتب الشباب يلي كان مستعبدهن .
يسرى : الله لا يسامح كل واحد ظالم .
غسان : شو رأيك جواد ؟
جواد : بشو بابا ؟
غسان : بهالعامل بيستاهل التقليع ولا ما بيستاهل ؟؟
جواد : ببب بيستاهل .
غسان : انا شبعت الحمدلله .
يسرى : بس ما اكلت منيح .
غسان : اليوم وصلني خبر زعجني لهيك ما الي نفس آكل .
يسرى : ان شاء الله خير .
غسان : أوس .
أوس : نعم بابا .
غسان : قوم جهز حالك بدنا نروح نشتري الموتور .
أوس : يلا فورا .
________________________________________
#بقلم_فتاة_من_ورق_بسمه_السباعي

*وصلت عالبيت حطيت الغدا على الطاولة و رحت لنادي البنات...

رنيم : ليش هيك الماما عملت معنا ؟
ريما : والله ما بعرف بس متأكدة انو مخبايين علينا شي .

سليم : رنيم .. ريما
ريما : نعم بابا .
سليم : يلا حبيباتي جبتلكن الغدا تعالو نتغدى قبل ما يبرد .
رنيم : يسلمو ايديك بابا .

*صرت اتأمل بناتي و بلشت فكر كيف بدي خبرهن بالحقيقة...

ريما : بابا ، بابااا
سليم : اي حبيبتي .
ريما : ليش ماعم تاكل ؟
سليم : هلأ هلأ باكل ، كلو انتو صحتين و هنا .

#بقلم_فتاة_من_ورق_بسمه_السباعي
*بعد ربع ساعة اندق الباب...مشيت بكل هدوء و فتحت...

سليم : عمي ، اهلا و سهلا .
رنيم : جدوووو
ابو سهيل : اهلين يا جدو .
ريما : جدو الحمدلله انت منيح .
ابو سهيل : اي منيح ليش مين قلكن غير هيك ؟
ريما : ما حدا المهم انك منيح .
رنيم : جدو وين الماما ؟
ابو سهيل : روحو بدلو تيابكن مشان اخدكن لعندها .
ريما : حاضر جدو .

*ركضو بناتي على غرفتهن .. تطلعت بعمي بخجل ...

سليم : تفضل عمي ارتاح لبين ما يجهزو البنات .
ابو سهيل : انا ما برتاح ببيت واحد كلب متلك .
سليم : له يا عمي .
ابو سهيل : والله لولا الحرام كنت قتلتك و شربت من دمك ، مين انت لحتى تكسر قلب بنتي بهي الطريقة ؟
سليم : عمي انا
ابو سهيل : خراس ولا كلمة ، عم حكيك بصوت واطي مشان ما هينك قدام بناتك ، بس بتعرف انا غلطت غلط كبير اني عطيتك بنتي ، بنت الاكابر ، كان لازم من الاول اعرف شو مستواك .
سليم : لا عمي ما رح اخر

#إمسك_يدي
#الجزء_الرابع
#بقلم_فتاة_من_ورق_بسمه_السباعي

*بعد مرور ساعة من غياب بناتي قررت روح عند ياسمين...وصلت على بيتها فتحت الباب بهدوء و فتت...

*دورت عليها بكل الغرف ما لقيتها .. وقفت بنص البيت وبلش الشك يدخل لقلبي .. بعد لحظات طلعت ياسمين من الحمام ...

ياسمين : حبيبي انت هون .
*شردت بعيونها و تندمت لاني شكيت فيها و استبعدت فكرة انها تكون بالحمام....
ياسمين : حبيبي شبك ؟
سليم : ولا شي اعمليلي فنجان قهوة .
ياسمين : من عيوني .

*دخلت عالصالون ، شلحت جاكيتي و رميتو ، تمددت على الكنبة و حطيت ايدي على راسي ...

#بقلم_فتاة_من_ورق_بسمه_السباعي

ياسمين : هي اطيب فنجان قهوة لتاج راسي .
سليم : يسلم ايديكي .
ياسمين : يا حبيبي ليش مهموم ؟
سليم : ما كنت متوقع الامور توصل لهون ، ما تخيلت بيوم اني طلق نهاد .
ياسمين : شو كنت متوقع ؟ نهاد مرة مجروحة لانو زوجها تزوج بعد كل هالسنين ، ردة فعلها طبيعية .
سليم : اول مرة بشوف وحدة واقفة مع ضرتها .
ياسمين : مو هيك القصة ، انا مرة و بعرف شو احساسها هلأ .
سليم : يعني انا غلطت ؟
ياسمين : بنظرها و بنظر كل المجتمع انت غلطت لانو مافي سبب تتزوج عليها ، بس بنظري انا ، انت الشمس يلي ضويتلي عتمة ايامي ، صارت حياتي الها معنى بعد ما تزوجنا ، نهاد اختارت تتركك لانك تزوجت بس بالنسبة الي لو تتزوج غيري مستحيل اتركك او اتخلى عنك .
سليم : لهالدرجة بتحبيني ؟
ياسمين : انت كل دنيتي كيف ما بدي حبك هيك ؟ تأكد لو بتطلب مني موت بموت حالي هلأ و بدون ما ناقشك .
سليم : بعيد الشر عنك .
ياسمين : قلي هلأ وين بناتك ؟ تاركهن بالبيت لحالهن ؟
سليم : لا اجا ابو نهاد اخدهن يشوفو امهن و رح يرجعهن اليوم .
ياسمين : يعني نهاد ما بدها البنات يعيشو معها ؟
سليم : يلي فهمتو انو ابوها ما بدو ياهن يعيشو عندو .
ياسمين : طيب انت حاولت تحاكيها لنهاد ؟ جربت تصالحها ؟
سليم : لساتو الخبر جديد عليها لو حاولت حاكيها ما رح ترد .
ياسمين : بناتك ما خبرتهن انك متزوج ؟
سليم : اكيد امهن بتكون خبرتهن .
ياسمين : سليم ما تشيل هم شي ، اذا نهاد و ابوها ما بدهن البنات انا بدي ياهن ، انا بحطهن بعيوني و مستعدة اعمل أيا شي لرجعلك السعادة الك و لبناتي .
سليم : بناتك ؟
ياسمين : اي بناتي .

*استغربت من كلام ياسمين ، وحدة غيرها بتطلب اني اترك البنات مع امهن ، صرت اسأل حالي يا ترى ياسمين صادقة بكلامها ولا بس عم تحكي هيك ليزيد حبي الها ... ؟!
________________________________________
#بقلم_فتاة_من_ورق_بسمه_السباعي

غسان : اختيارك للموتور كان موفق ، هاد من احسن النوعيات .
أوس : اي عملت بحث عن كل الانواع لهيك اخترت هاد .
غسان : يوم الجمعة رح سوقو و بلش علمك عليه .
أوس : ليش انت بتعرف تسوق موتور بابا ؟
غسان : ههههه اي طبعا بعرف ، فيك تقول ضليت 7 سنين عالموتور .
أوس : اول مرة بتحكيلي شي عن حياتك .
غسان : انا كنت متلك ، هلأ بشد عليك و بحقق كل طلباتك لاني بشوف حالي فيك ، انت كتير بتذكرني بحالي .
أوس : ناطر يوم الجمعة بفارغ الصبر لشوفك عالموتور .
غسان : بس ما تنسى وعدك الي .
أوس : اكيد مستحيل انسى .
________________________________________
#بقلم_فتاة_من_ورق_بسمه_السباعي

ياسمين : حبيبي صار لازم تروح عالبيت قبل ما يرجعو البنات .
سليم : ما حابب اتركك .
ياسمين : هلأ نهاد صارت تعرف و لما يعرفو البنات وقتها ماعاد في سبب نضل بعاد عن بعض ، يا بتجي بتعيش هون انت و البنات يا اما انا بجي بعيش معكن .
سليم : ان شاء الله .
ياسمين : انا طبخت بامية مشان تاخدها معك تتغداها انت و البنات .
سليم : اليوم جبتلهن غدا جاهز .
ياسمين : هي اخر مرة بتجيب غدا جاهز انا كل يوم بطبخلكن بتجي بتاخد الطبخة من عندي قبل ما يرجعو البنات من المدرسة .
سليم : الله يرضى عليكي .
ياسمين : ومع هيك هلأ خود البامية معك تعشى منها انت و البنات .
سليم : يسلم ايديكي .
ياسمين : الله يسلمك وما يحرمني منك .

*طلعت من البيت بس قلبي ضل عند ياسمين .. كلماتها كانت ساحرة و حبها واضح من عيونها .. كيف هالمرة قدرت تأثر فيني بهالشكل ...؟!
________________________________________
#بقلم_فتاة_من_ورق_بسمه_السباعي

ابو سهيل : يلا جدو روحو لبسو جواكيتكن مشان ترجعو عالبيت .
رنيم : لا خلينا نضل مع الماما او خلي الماما ترجع معنا .
ريما : اي ماما ارجعي معنا انتي صرتي منيحة .
ابو سهيل : الله يجيبك يا طولة البال .
نهاد : لا حبيباتي ما رح تبقو هون وانا ما رح روح معكن ، البسو جواكيتكن و اسمعو كلام جدو .
رنيم : ليش ما بدك يانا ؟
نهاد : حبيبتي بدي ياكن بس حرام البابا يضل لحالو مو ؟
ابو سهيل : انا ناطركن بالسيارة ما تتأخرو .
ريما : حاضر جدو .

*بوسنا أمي و طلعنا لعند جدي .. طول الطريق ساكتين انا و رنيم و عم نتطلع من الشباك .. يمكن هي حاسة متل ما انا حاسة انو امي ماعاد بدها تكون معنا .. او يمكن بدها ترتاح مننا...

#بقلم_فتاة_

من_ورق_بسمه_السباعي

ابو سهيل : يلا جدو انزلو وصلنا .
ريما : شكرا جدو .
ابو سهيل : عفوا .
رنيم : باي جدو .
ابو سهيل : الله معكن .

*مسكت ايد رنيم و طلعنا عالبيت...

رنيم : ليش ماما ما بدها يانا نبقى معها ؟
ريما : صدقيني ما بعرف شي .

*دقينا الباب و فتحلنا ابي...

سليم : اهلا و سهلا بأميراتي الحلوات .
ريما : طولنا عليك بابا ؟
سليم : اي طولتو و اشتقتلكن كتير .
رنيم : ونحنا اشتقنالك .
ريما : شو هي الريحة ؟
سليم : هي ريحة بامية ، فوتو بدلو تيابكن مشان نتعشاها .
ريما : اكلتي المفضلة مين طبخها ؟
سليم : انا طبختها .
ريما : انت بتعرف تطبخ ؟
سليم : اي طبعا بعرف .
ريما : رح بدل تيابي بسرعة لاني جوعانة كتير .

*توقعت البنات يكونو زعلانين مني بس هالشي ما صار ، معقول تقبلو فكرة اني تزوجت على امهن بهالبساطة ؟؟

#بقلم_فتاة_من_ورق_بسمه_السباعي

رنيم : ممممم كتير طيبة طلعت شاطر بالطبخ بابا .
ريما : الشيف سليم ههههه
سليم : هههههه ، خبروني كيف كان يومكن مع الماما ؟
ريما : كانت طول الوقت زعلانة لأن راسها عم يوجعها .
رنيم : اي وما قبلت انو ترجع معنا و ما سمحتلنا نبقى عندها .
ريما : وكان جدو معصب .
سليم : ما حكولكن شي ؟
ريما : لا ابداً شو بدهن يحكو ؟ اصلا امي كانت عم تبتسملنا بس و عيونها منفخين .
رنيم : انا حسيت انو امي بطلت تحبنا .

*تفاجأت انو نهاد ما خبرت البنات بشي ، قررت انا خبرهن لحتى اقدر جيب ياسمين تعيش معنا ...

سليم : بابا انا بدي خبركن بشي بتمنى تفهموني وما تزعلو مني .
ريما : احكي بابا .
سليم : من كم شهر تعرفت على بنت فقيرة و يتيمة ما عندها لا اب ولا ام ولا حتى اخوة .
رنيم : يا حرام .
سليم : انا زعلت على هي البنت و خبرت امكن اني كل يوم رح وديلها اكل و مصاري .
رنيم : انت احسن اب بالدنيا .
سليم : صرت كل يوم وديلها اكل على باب بيتها و اعطيها مصاري و روح ، بيوم من الايام شافني شيخ الجامع يلي بحارة هالبنت و سألني انت بتقربها قلتلو لا انا غريب عم ساعدها ، قلي انت لازم تتزوجها لهالبنت لحتى الناس ما تحكي عليها لانك غريب ، فكرت و فكرت و عرفت انو كلام هالشيخ صح ، و تزوجتها .
رنيم : بس نحنا ولا مرة شفناها .
سليم : اي ما شفتوها لاني كنت خايف تزعلو ، خبرت امكن ولما عرفت زعلت مني ، وانا ما بقدر طلقها لانو هي وحيدة ومافي حدا يوقف جنبها و كمان هي حامل يعني رح يصير عندكن اخ او اخت عن قريب .
ريما : يعني مشان هيك امي راحت على بيت جدو و ماعاد بدها ترجع ؟
سليم : اي .
ريما : اديش عمرها البنت ؟
سليم : 27 سنة .
ريما : اي هي مو صغيرة كانت بتقدر تشتغل و تصرف على حالها وما تحتاج حدا .
سليم : معك حق بس هي ما دارسة شي و كل ما تروح بدها تتوظف يقلعوها .
رنيم : يعني هلأ انت متزوج وحدة تانية غير ماما ؟
سليم : اي ، بس اذا هالشي بيزعلكن بطلقها و بترجع فقيرة و وحيدة ما الها حدا .
رنيم : لا بابا حرام ، خليها تجي تعيش معنا و تجي الماما و يتعرفو على بعض يمكن يحبو بعض .
سليم : ان شاء الله ، شو ريما ليش ساكته ؟
ريما : بابا انا خايفة .
سليم : من شو حبيبتي ؟
ريما : خايفة هي المرة تعذبنا اذا اجت عاشت معنا و خايفة ماما تضل بعيدة عننا .
سليم : لا تخافي حبيبتي هي ما بتعذب حدا ايمت ما بتحبو بخليكن تتعرفو عليها و اذا ما حبيتوها او عذبتكن بطلقها متل ما قلتلكن .
رنيم : بكرا بدنا نتعرف عليها بابا .
سليم : اي من عيوني ، وانتي ريما حابة تتعرفي عليها بكرا ؟
ريما : انا بدي فكر هلأ .
سليم : اي فكري على راحتك المهم اميراتي الحلوات ما يزعلو .

#بقلم_فتاة_من_ورق_بسمه_السباعي

*رحت على تختي ما عرفت نام من التفكير .. كيف رح تكون هي المرة الجديدة ؟ وليش امي بعدتنا عنها و بعدت عننا بسبب زواج ابي مع انها بتعرف انو المرة فقيرة وما الها حدا .. ليش امي تركتنا كان فيها تطلب من ابي انها ما تشوف مرتو طول حياتها وتضل معنا ، معقول امي ما بتحبنا ؟؟؟
________________________________________
#بقلم_فتاة_من_ورق_بسمه_السباعي

*باليوم التاني رحنا على المدرسة .. كان الدوام عادي متل كل يوم .. ولما رجعنا عالبيت دقينا الباب فتحتلنا مرت ابي....

ياسمين : اهلا و سهلا ، تفضلو يا اميرات .
رنيم : مرحبا .
ياسمين : اهلين حبيبتي تعالي بوسك .
سليم : بعرفكن على خالتكن ياسمين امكن التانية ، ياسمين بعرفك هي ريما و هي رنيم .
ياسمين : اهلا يا ريما كيفك حبيبتي .

*ابتسمتلي ياسمين بلطف و مدت ايدها لتسلم عليي..تطلعت فيها و بعد لحظات مديت ايدي و سلمت ...

ياسمين : انتي يلي صفك تاسع ؟
ريما : اي .
ياسمين : مبين عليكي شطورة و انا متأكدة انك رح تنجحي و تجيبي علامات عالية .
ريما : ان شاء الله .
ياسمين : وانتي الحلوة رنيم يلي صفها سابع صح ؟
رنيم : اي .
ياسمين : يا حبيبتي ما احلاكي اكيد انتي شاطرة متل اختك .
رنيم : اي انا بتعلم منها .
ياسمين : الله يحميكم ، انا حضرتلكن الغدا بتحبو تبدلو تيابكن و تتغدو ولا بتحبو هلأ تتغدو ؟
ريما :

نحنا متعودين نبدل تيابنا و نتغدا .
ياسمين : يلا انا ناطرتكن .

#بقلم_فتاة_من_ورق_بسمه_السباعي

سليم : ما توقعت تكون هيك ردة فعلهن معك خصوصي انو ما اخدت موافقة ريما بانها تتعرف عليكي ، طلع اصرارك على استقبالهن بمحلو .
ياسمين : بوعدك طول ما انا بحياتك نعيش باستقرار و حب و دفا .
سليم : ان شاء الله .
________________________________________
#بقلم_فتاة_من_ورق_بسمه_السباعي

*كالعادة قعدنا حوالي سفرة الغدا .. كنت شارد وعم حرك الاكل بملعقتي...

غسان : جواد .
جواد : نعم بابا .
غسان : ليش ماعم تاكل ؟
جواد : بصراحة مو جوعان .
غسان : صاير معك شي اليوم بالمدرسة ؟
جواد : لا ابداً .
أوس : كان يومنا هادي و طبيعي .
غسان : اي الحمدلله .
يسرى : صحيح غسان عنجد يوم الجمعة بدك تسوق الموتور و تعلم أوس ؟
غسان : اي صحيح .
جواد : مو على اساس ليطالع شهادة سواقة اول ؟
غسان : رح علمو هلأ بس ما رح اسمحلو يسوق لحالو لحتى يطالع الشهادة و بعدو انت ان شاء الله .
جواد : انا ما بحب الموتورات .
غسان : شو بتحب لكن ؟
جواد : ما بحب شي .
يسرى : جواد شبك ؟
جواد : ولا شي ، من بعد اذنكم انا طالع على غرفتي .
غسان : الله معك .

#بقلم_فتاة_من_ورق_بسمه_السباعي

*طلعت على غرفتي ، وقفت عند الشباك و صرت اتفرج على موتور أوس....

جواد : مشتهي احرق هالموتور او احرق حالي ، يا ريتني مكانك يا أوس .
________________________________________
#بقلم_فتاة_من_ورق_بسمه_السباعي

ياسمين : عجبكن الاكل ؟
رنيم : اي عجبنا .
ريما : طبخ امي اطيب .
ياسمين : صحة و هنا ، اكيد حبيباتي مافي اطيب من طبخ الام ، يا ريت امي عايشة و تطبخلي .
ريما : الله يرحمها ، بابا .
سليم : نعم .
ريما : انا نسيت خبرك مبارح ، لازم سجل بمعهد لاني بحاجة لدروس رياضيات .
سليم : اصبري عليي شوي حبيبتي بوعدك اول ما يصير معي كم ليرة رح سجلك .
ريما : بس رفقاتي رح يوصلو لنص الكتاب خايفة ما لحق .
ياسمين : ما تخافي حبيبتي انا مخباية كم ليرة رح اعطيكي ياهن لتسجلي .
ريما : لا خالة تسلمي البابا بيعطيني .
ياسمين : شو هالحكي حبيبتي اصلا المصاري يلي معي من ابوكي ، ابوكي ساعدني و وقف جنبي كتير و هلأ اجا الوقت لساعدو انا ، اقبليهن مني و اعتبريهن هدية .

*تطلعت بأبي و انا مستغربة ، غمزني و هز براسو بمعنى (اي)....

ريما : شكرا خالة .
ياسمين : لا تشكريني حبيبتي هاد واجبي .

*قعدنا مع ياسمين و تعرفنا عليها ما بنكر اننا استلطفناها .. بس بنفس الوقت ما حبيناها .. بعد ساعتين اجا جدي و اخدنا لعند امي ....

#بقلم_فتاة_من_ورق_بسمه_السباعي

رنيم : اشتقتلك ماما .
ريما : ماعم نعرف ننام لانك ما معنا .
نهاد : وانا اشتقتلكن يا روحي ، كيف كان دوامكن ؟
ريما : منيح .
رنيم : اليوم المعلمة عطتنا برنامج امتحانات الشهر الاول .
نهاد : اعطيني خليني شوفو .
ريما : ماما ايمتا رح ترجعي عالبيت ؟
نهاد : ما رح ارجع .
ريما : ليش لأنو ابي تزوج المرة الفقيرة الوحيدة ؟
رنيم : ماما والله هي حبابة كتير .
ريما : ما كان لازم تتركينا ابي خبرك بقصتها من زمان ، نحنا شو ذنبنا تتركينا ؟
نهاد : خبركن بالقصة ابوكن ؟
ريما : اي خبرنا انو هو انجبر يتزوجها لانها فقيرة و وحيدة وما الها حدا .
رنيم : كمان قلنا انو شيخ حارتها قلو يتزوجها لحتى الناس ما تحكي عليها لانو ابي غريب .

*تفاجأت كيف لعب بعقل البنات بهالبساطة و حكالهن قصة بتخالف القصة الحقيقية تماماً ليكسب حبهن ... تطلعت فيهن ما قدرت احكي ولا حرف و كأنو ارتبط لساني ....

ريما : ماما بترجاكي ارجعي معنا لا تتركينا بس لأنو ابي تزوج .
رنيم : صرت فكر انك ما بتحبينا نحنا شو دخلنا تتركينا اذا ابي تزوج ؟

*شفت العتب و اللوم بعيون بناتي .. نزلو دموعي و بقيت ساكته .. حاولت احكي بس ما طلع صوتي ما بعرف ليش ...

ريما : رح تضلي ساكته ؟
رنيم : احكيلنا ايا شي ماما .

*قمت من مكاني و رحت على غرفتي تسطحت على تختي وضلت دموعي عم تنزل .. صرت قول لحالي دافعي عن حالك خبريهن بالقصة الحقيقية ، خبريهن انك تطلقتي لتحفظي كرامتك ، خبريهن انو جدهن هو يلي ما بدو ياهن مو انتي ، احكي يا نهاد وين راح صوتك احكيييي ....

#بقلم_فتاة_من_ورق_بسمه_السباعي

ريما : جدو ليش هيك امي عم تعمل ؟
ابو سهيل : البسو جواكيتكن انتي و اختك يلا بدي رجعكن عالبيت .
رنيم : بس هلأ اجينا .
ابو سهيل : قلت البسو يلا .
ريما : البسي رنيم ما تخلي جدو يعصب .

*رجعنا عالبيت و حاملين معنا الف اشارة استفهام ...
________________________________________
#بقلم_فتاة_من_ورق_بسمه_السباعي

كريم : بتعرفي سناء اشتقت لبنات اخي كتير النا زمان ما زرناهن .
سناء : اي والله .
كريم : قومي خلينا نروح نزورهن نتطمن عليهن .
سناء : اتصل بأخوك شوفهن اذا بالبيت لبين ما روح جهز حالي .
كريم : طيب بس استعجلي ما بدي ضل ناطرك 5 ساعات .

*مسكت تلفوني و اتصلت بأخي...

********************************

****
سليم : الو .
كريم : كيفك اخي .
سليم : اهلين اخي كيفك انت شو اخبارك .
كريم : عايش والله من البيت للشغل .
سليم : الله يقويك ، حقك على راسي اخي انا مقصر بحقك بس والله حياتي مقلوبة قلب .
كريم : ان شاء الله خير ، انتو بالبيت ؟
سليم : اي بالبيت .
كريم : شي ساعة و منكون عندكن انا و سناء .
سليم : اهلا و سهلا فيكن .
****************************************
#بقلم_فتاة_من_ورق_بسمه_السباعي

ياسمين : لمين عم تقول اهلا و سهلا ؟؟
سليم : هاد اخي الكبير كريم بدو يجي يزورنا هو و مرتو .
ياسمين : اليوم ؟؟
سليم : اي بعد ساعة .
ريما : شو بابا عمو كريم جاي ؟
سليم : اي حبيبتي .
ريما : هيييي والله اشتقنالو كتيييير رح روح رتب حالي .
رنيم : اي وانا كمان .
ياسمين : كأنو البنات بيحبو اخوك كتير ؟
سليم : اي بيحبوه كتير لانو هو بيحبهن .
ياسمين : طيب شو بدك تقلو مشان موضوعنا ؟
سليم : رح احكيلو الحقيقة .
ياسمين : اذا بدك انا ببقى بالغرفة ليروحو .
سليم : ياسمين انتي مرتي و حاملة ابني ببطنك صار لازم اهلي يتعرفو عليكي و اتباها فيكي بين اهلي .
ياسمين : بس ماضيي
سليم : هسسسس ولا كلمة ماضيكي احترق وصار رماد ، واكبر دليل انو نهاد ما حكت شي للبنات ، وبالنسبة لأهلي رح احكيلهن نفس القصة يلي حكيتها للبنات .
ياسمين : واذا ما صدقو ؟
سليم : ما بيهمني المهم نبقى سوا طول العمر .
ياسمين : الله لا يحرمني منك .
________________________________________
#بقلم_فتاة_من_ورق_بسمه_السباعي

ابو سهيل : ليش ضليتي ساكته ؟ ليش ما خبرتيهن الحقيقة ؟؟
نهاد :.......
ابو سهيل : لك احكي ليش ساكته ؟

*ما كنت عم اقدر رد على ابي .. عم يعاتبني و يحاسبني على شي مو بإيدي .. ضليت عم ابكي و اسمعو بدون ما رد ....

ابو سهيل : يا بنتي بترجاكي احكي شي كلمة .
نهاد :......
ابو سهيل : لا حول ولا قوة الا بالله .. طيب متل ما بدك لا تحكي شي ، والبنات ما رح جيبهن لحتى تحكي و تطلبي مني جيبهن ، تصبحي على خير .
________________________________________
#بقلم_فتاة_من_ورق_بسمه_السباعي

*وصل عمي لعنا .. ركضنا انا و اختي رنيم و حضناه .. كانت سعادتنا ما بتنوصف لانو من زمان ما شفناه ...

سليم : اهلا و سهلا اخي .
كريم : والله يا اخي انا زعلان منك ، اذا الحياة شاغلتك شو ذنبي تحرمني من البنات وانت بتعرف الله ما رزقني بنات ؟
سليم : حقك على راسي اخي ما بعرف كيف نسيت ، تفضلو .. تفضلي مرت اخي .
سناء : الله يزيد فضلك .

*كنت واقفة بالمطبخ و متوترة كيف بدي اتعرف على أهل سليم .. حملت صينية العصير اخدت نفس و طلعت ...

ياسمين : اهلا و سهلا فيكن شرفتونا .
سليم : بعرفكن على مرتي ياسمين .
كريم : شو ؟؟ مرتك ؟؟
سناء : ليش وين نهاد ؟؟
سليم : ياسمين خدي البنات و روحو شوي .
ياسمين : امرك .

#بقلم_فتاة_من_ورق_بسمه_السباعي

كريم : فهمني شو صاير ؟
*بلشت احكي لأخي نفس القصة يلي حكيتها لبناتي .. كانت علامات الصدمة واضحة على وجه اخي و مرتو ...

سليم : وهلأ يلي صار صار ، لا نهاد بدها ترجع ولا انا عاد بدي رجعها .
كريم : لك شو عم تخبص انت ؟ مفكر هي القصة رح صدقها ؟ انت في شي بينك وبين المخلوقة انا متأكد ، و نهاد بدها ترجع على بيتها غصب عنك .
سليم : اخي هي حياتي انا ، وانا يلي اخترت ياسمين و نهاد هي يلي اختارت الطلاق ، اتركني كمل حياتي على راحتي انا ما عاد ولد صغير .
كريم : قومي سناء خلينا نرجع عالبيت .
سناء : يلا حاضر .
سليم : اخي هي حياتي ليش عم تحاسبني هيك ؟
كريم : ما هامك غير حياتك و نسيت بناتك ؟
سليم : بناتي تقبلو ياسمين بكل حب ، لو سمحت تقعد شوي و تروق و تتعرفو على مرتي ، يا اخي انت لو تزوجت انا ما رح اتدخل فيك و حاسبك .
كريم : انا ما بتزوج على مرتي بعد كل هالسنين .
سليم : ماشي اخي انتو كلكن انبياء ومافي منكن بس ما رح اسمحلكن تدخلو بحياتي لهون وبس ، نهاد ما رح رجعها و ياسمين ما رح اتخلى عنها .
كريم : انا رح امشي هلأ و بكرا بدي شوفك عم تفهم.. بدي شوفك .
سليم : ان شاء الله .
________________________________________
#بقلم_فتاة_من_ورق_بسمه_السباعي

*طلعت من بيت اخي سليم معصب و متوتر ركبت بالسيارة ومشيت...

سناء : طول بالك حبيبي هو حر بحياتو .
كريم : خرب حياتو وعم تقولي حر ؟
سناء : انت شو يلي زاعجك ؟
كريم : يلي زاعجني انو نهاد بنت اصل ومستحيل تطلب الطلاق لهاد السبب انا متأكد في شي مخبيه سليم عني و لازم اعرف شو هالشي .
سناء : بتعرف انا كمان هيك حسيت و هالشي خلاني خاف على البنات .
كريم : من شو ؟
سناء : خايفة تتمقطع فيهن هي المخلوقة يلي مو معروفة من وين .
كريم : ما بتسترجي ما تخافي .
سناء : كريم انا و انت منحب ريما كتير صح .
كريم : اي صح .
سناء : لهيك صار الوقت انو نخطبها لابننا شادي .

#يتبع
#بقلم_فتاة_من_ورق_بسمه_السباعي

#إمسك_يدي
#الجزء_الخامس
#بقلم_فتاة_من_ورق_بسمه_السباعي

سناء : كريم انا و انت منحب ريما كتير .صح ؟
كريم : اي صح .
سناء : لهيك صار الوقت انو نخطبها لابننا شادي .
كريم : بس لساتها البنت صغيرة عمرها 14 سنة .
سناء : ابنك عقلو صعب مستحيل يتفاهم مع بنت عمرها 20 سنة وفوق ، بعدين من لما خلقت ريما نحنا عم نقول ريما لشادي ، وهلأ أنسب وقت نخطبها بما انو جدها مو قبلان يعيشو مع امهن ، بصير انا امها و بهتم فيها .
كريم : معك حق باللي عم تقوليه بس
سناء : بدون بس ، بكرا لما تشوف اخوك احكي معو بهالموضوع .
كريم : خير ان شاء الله .
________________________________________
#بقلم_فتاة_من_ورق_بسمه_السباعي

ريما : بابا ليش راح عمو ؟
رنيم : لسا ما شفناه .
سليم : ريما حبيبتي خدي اختك و روحو نامو .
ريما : حاضر بابا .

ياسمين : قلتلك خليني بالغرفة ليروحو .
سليم : لو خليتك بالغرفة اليوم و الايام الجاية شو ؟؟ انا لإيمتى بدي ضل مخبي عن الدنيا كلها ؟
ياسمين : خلص روق ما تعصب .
سليم : كيف ما عصب و اخي الكبير زعل مني .
ياسمين : بكرا الصبح اتصل فيه و حدد مكان مشان تتقابلو حاكيه بهدوء و حاول تشرحلو ولو انجبرت تحكي الحقيقة احكي حتى لو هالشي كانت نهياتو انفصالنا .
سليم : لك انتي شو عم تحكي ؟ ياسمين انا بحبك و ماعاد اقدر اتخيل حياتي بدونك .
ياسمين : و انا بعشقك بس ما بسمح لحالي كون سبب ببعد الاخوة عن بعض .

*تطلعت بياسمين نظرات حب و حسيتها هي اكتر وحدة بدها سعادتي بالدنيا ، قربت منها و حضنتها...

سليم : مستحيل اتخلى عنك لو بدي حارب عيلتي كلها .
________________________________________
#بقلم_فتاة_من_ورق_بسمه_السباعي

*بصباح اليوم التاني...

*فتحت عيوني لقيت ابي حاطط كرسي و قاعد عليه قبال تختي و مغمض عيونو...تأملتو و عرفت وقتها انو الأهل بيحبو اولادهن اكتر ما يحبوهن اولادهن...كل الوقت كنت عم ابكي انو راحو بناتي من ايدي ، كل الوقت كان تفكيري الوحيد ببناتي وما فكرت ولا لحظة بأبي...بس أبي كان خايف عليي أنا و كل همو ارجع طبيعية متل ما كنت...

*سكرت عيوني و نزلو دموعي يلي ما كانو يخلصو....

سهيل : بابا ، بابا
ابو سهيل : اهلين ابني ايمتى اجيت ؟
سهيل : هلأ ، شو ليش نايم هون ؟
ابو سهيل : طول الليل كانت اختك عم تئن ، غطيتها و بقيت جنبها و نمت بدون ما حس ، وشوفة عينك لهلأ نايمة .
سهيل : رح جرب صحيها .
ابو سهيل : اي صحيها .

*قربت من نهاد ومسحت دموعها بإيدي...

سهيل : نهاد اختي يلا قومي بيكفي نوم ، اليوم ما فطرت مع مرتي لانو على بالي افطر معك و نحكي قصص و اخبار متل ايام زمان .

*فتحت عيوني و ابتسمت ابتسامة مكسورة و مليانة حزن .. جلست حالي ببطئ كنت حاسة جسمي مكسر .. حاولت احكي ما قدرت ...

سهيل : بس ابتسامة ؟؟ طيب ما بدك تقوليلي شي ؟
ابو سهيل : من مبارح ما حكت ولا كلمة .
سهيل : ليش ؟
ابو سهيل : ما بعرف .
سهيل : لازم آخدها عالدكتور .
ابو سهيل : لا ابني ما بدها دكتور يمكن هي مو حابة تحكي .
سهيل : حتى لو مو حابة تحكي بدي اخدها على الدكتور اتطمن عليها ، نهاد قومي معي اختي .

*قمت من تختي .. غسلت وجهي ، بدلت تيابي و طلعت مع اخي...
________________________________________
#بقلم_فتاة_من_ورق_بسمه_السباعي

*طلعت من البيت بعد ما اتفقت التقي بأخي كريم بكفتيريا .. وصلت طلبت شاي و قعدت استناه...

كريم : صباح الخير .
سليم : صباح النور .
كريم : احكي عم اسمعك .
سليم : شو بدي احكي ؟
كريم : احكي مين هي ياسمين ؟
سليم : مرتي .
كريم : وقبل ما تكون مرتك ؟
سليم : عشيقتي .
كريم : اها شايف اقوالك عم تتغير عن مبارح .
سليم : بالفترة الاخيرة توترت علاقتي بنهاد ضلينا نتخانق لحتى طفشت من البيت و بالصدفة تعرفت على ياسمين عشقتها و تزوجتها ، ياسمين بالنسبة الي هي مصدر راحتي ، هي يلي رجعتلي شوي من استقراري النفسي .
كريم : و نهاد ؟
سليم : نهاد اختارت تكمل حياتها بعيد عني ، صدقني ما كنت بدي طلقها بس هي اصرت على الطلاق .
كريم : طيب خير ان شاء الله ، انا بقترح عليك اليوم تروح تجرب تراضيها وان ما قبلت خلص منسكر على هالموضوع .
سليم : امرك اخي يلي بدك ياه بيصير .
كريم : هاد اقل شي ممكن تعملو بعد كل هالعشرة .
سليم : معك حق .
كريم : المهم هلأ اجا الوقت المناسب لاخد امانتي من عندك .
سليم : امانة شو ؟
كريم : انا طالب ايد ريما لابني شادي .
سليم : شو ؟!
كريم : شبك ليش تفاجأت ؟ من لما خلقت ريما و انا طلبتها منك لابني شادي و انت قبلت و قلتلك رح خليها امانة عندك ليصير الوقت المناسب .
سليم : بس ريما لساتها صغيرة .
كريم : ريما بنتي مو بس بنتك ، بحطها بعيوني رح تكون طلباتها اوامر و ما تحتاج شي ، فكر بالموضوع بالنهاية ريما و شادي لبعض وخير البر عاجل ، عن اذنك انا لازم روح على شغلي .
سليم : الله معك .

*فكرت شوي بكلام اخي .. بعدين حاسبت و رحت على شغلي ...

______________________________________

#بقلم_فتاة_من_ورق_بسمه_السباعي

*بعد ما راحو ريما و رنيم عالمدرسة .. بلشت اتفتل بالبيت لوصلت على غرفة سليم ، فتحت خزانتو و صرت شم ريحة تيابو ...

ياسمين : والله بحبك و بموت فيك و بحمد الله انك طلقت نهاد لتضل الي لحالي و نكمل عمرنا سوا بدون ما تقاسمني فيك نهاد .

*فتحت الخزانة التانية كانت خزانة نهاد .. بقيان كم قطعة من تيابها و بقلب الخزانة كان في جرار فتحتو .. لقيتو مليان صور لنهاد و سليم صرت اتفرج عليهن .. كانت نظرات نهاد مليانة حب ...

ياسمين : لا .. مستحيل اسمحلكن ترجعو لبعض خلص صار سليم ملكي انا .. انا و بس ، انا عملت جهدي لوصلت لهون ما رح انهزم بهي السهولة .

*دورت على شنتة لحتى لقيت .. ضبيت فيها تياب نهاد الباقية و الصور و كل ذكرياتهن .. سكرت الشنته و خبيتها تحت التخت ...

ياسمين : يارب ما تبعد سليم عني و ما تفرقنا عن بعض ، سليم كلشي بحياتي ما بدي اخسرو ، يارب كون معي و ساعدني .
__________________________________________
#بقلم_فتاة_من_ورق_بسمه_السباعي

شادي : صباح الخير .
سناء : صباح النور يا عريس ، يلا تعال فطار مشان تلحق ابوك عالشغل .
شادي : لحظة شو قلتي ؟ عريس !
سناء : هههه اي عريس و احلى عريس .
شادي : تفضلي ست الكل احكيلي من وين جبتي هالكلمة ؟
سناء : اليوم ابوك طلب ايد بنت عمك ريما الك .
شادي : ريما .
سناء : اي ريما ، ما بتتذكر وقت خلقت ريما وانت كان عمرك عشر سنين وقتها حملها ابوك و قال ريما لشادي ، بيومها انت سألتني شو يعني قلتلك يعني ريما رح تكون مرتك بالمستقبل و صرت حضرتك تهتم فيها و تلاعبها و تجبلها اكلات طيبة .
شادي : اي بتذكر هالحكي كلو بس فكرت انو مجرد حكي و انتسى .
سناء : لا حبيبي ما انتسى ، ان شاء الله عن قريب رح نخطبلك ياها رسمي .
شادي : ان شاء الله ، انا رايح جهز حالي مشان انزل عالشغل .
سناء : الله يحميك و يقويك .

*رحت على غرفتي .. طالعت تيابي وانا عم اضحك ...

شادي : هههه ريما !! يا بنت عمي بكرا بيجو ولادنا نسخة مصغرة عن ستنا و جدنا ههههههه
________________________________________
#بقلم_فتاة_من_ورق_بسمه_السباعي

سهيل : شو دكتور طمنا .
الدكتور : جهازها النطقي سليم ، بتوقع انها متعرضة لصدمة نفسية وهالشي خلاها تفقد النطق .
سهيل : شو يعني دكتور اختي ما رح ترجع تحكي ؟
الدكتور : متل ما فقدت النطق فجأة رح ترجع تحكي فجأة ، هالشي اذا تعالجت نفسيا ، او اذا صار موقف يستفزها بيجبرها تحكي وقتها رح ترجع تنطق .

*طلعنا من عند الدكتور .. كان اخي مهموم و زعلان ، بس بالنسبة الي ما كان فارق معي شي .. ركبنا بالسيارة التفتت لجهة الشباك و صرت اتفرج على الناس و الطرقات ...

سهيل : لا تشيلي هم اختي رح دور على اشطر طبيب نفسي يعالجك لترجعي تحكي متل اول و احسن .
________________________________________
#بقلم_فتاة_من_ورق_بسمه_السباعي

*جهزت الطبخة و تطلعت بالساعة كان باقي ربع ساعة ليرجعو البنات من المدرسة .. اخدت نفس عميق لحتى اقدر سايرهن و اتحملهن ...

ياسمين : مجبورة تمثلي و تتحملي كتير يا ياسمين لتضلي محافظة على مكانتك بقلب سليم و تضلي عايشة بجو العيلة اللي مليان حب و دفا وانتي فقدتيه من زمان .

*سمعت صوت مفاتيح عند الباب ، عرفت انو رجع سليم .. ركضت وقفت عند الباب و اول ما فتح الباب حضنتو متل طفلة صغيرة ...

سليم : ههههه شبك .
ياسمين : طولت عليي كتير .
سليم : كان عندي شغل اعذريني حتى ما فضيت رد على اتصالاتك .
ياسمين : ولا يهمك المهم انك بخير ، خبرني شو صار معك انت و اخوك ؟
سليم : ما صار شي اقتنع بكلامي بكل سهولة بس طلب مني شي ما كنت متوقعو .
ياسمين : شو ؟
سليم : طلب ايد ريما لابنو شادي .

*حسيت حالي رح طير من الفرحة بعد ما سمعت هالجملة ، اذا تزوجت ريما بيقبى البيت الي و لسليم و منعيش بهدوء و سلام و مستحيل ترجعلو نهاد وقتها ، بالنسبة لرنيم مو مشكلة بقدر سيطر عليها بكل سهولة ...

سليم : الو ياسمين وين شردتي ؟
ياسمين : اه لا ولا شي ، انت شو قلتلو لأخوك ؟
سليم : ما قلتلو شي .
ياسمين : فكر منيح حبيبي هيك مواضيع بدها تفكير كتير خصوصي انو ريما لساتها صغيرة .
سليم : وانا هيك عم قول بس ريما رح تروح لبيت اخي واكيد رح يخافو عليها و يهتمو فيها متلي و اكتر .
ياسمين : معك حق و مبين انو اخوك كتير حنون على البنات .
سليم : الله يقدم يلي فيه الخير .
ياسمين : آمين .

#بقلم_فتاة_من_ورق_بسمه_السباعي

*رجعو البنات من المدرسة .. تغدينا و حكيت معهن بلطف متل ما عودتهن....

ياسمين : صحيح ريما تركتلك المصاري بغرفتك مشان تاخديهن بكرا و تسجلي بالمعهد .
ريما : شكرا خالة .
ياسمين : ولو حبيبتي مافي داعي تشكريني انتي بنتي .
سليم : انا بدي روح عندي مشوار ضروري .
ياسمين : رح تتأخر ؟
سليم : ما بعرف .
ياسمين : ترجع بالسلامة .

#بقلم_فتاة_من_ورق_بسمه_السباعي

*طلعت من البيت اشتريت باقة ورد و رحت على بيت نهاد...

سليم : مرحبا عمي .
اب

#إمسك_يدي
#الجزء_السادس
#بقلم_فتاة_من_ورق_بسمه_السباعي

*رجعت عالبيت معصب و متوتر من نهاد .. دخلت على غرفتي و سكرت الباب ...

ريما : شبو البابا ؟
ياسمين : ما بعرف رايحة شوفو .

*دقيت الباب دقات خفيفة و فتحت...

ياسمين : سليم شبك ؟
سليم : اطلعي برات الغرفة هلأ .
ياسمين : شو صايرلك ؟ ليش هيك معصب حبيبي ؟ وين كنت ومين شفت لحتى هيك صايرة حالتك ؟
سليم : ياسمين قلتلك اطلعي برات الغرفة .
ياسمين : ما رح اطلع لإتطمن انك صرت منيح ، مستحيل اتركك بهي الحالة حبيبي خبرني شبك ؟
سليم : ماعاد بدي اسمع اسم الكلبة نهاد .
ياسمين : ليش شو صاير ؟
سليم : اخدت باقة ورد و رحت لحتى صالحها ...

*لما سمعت هالكم كلمة من سليم حسيت النار شعلت بقلبي ، معقول لسا رايح تصالحها وانا يلي فكرت حالي نسيتك ياها ؟

سليم : ياسمين انا مصدوم منها نهاد بحياتها ما رفعت صوتها بوجهي من وين اجتها هالقوة لحتى تتصرف هيك ؟!

*سمعت اول كلامو و نهاية كلامو ما بعرف شو يلي صار بالزبط بس يلي بعرفو هلأ اني لازم امسك حالي لحتى ما اهدم كلشي بنيتو .

ياسمين : اهدى يا روحي ما بدي يصرلك شي بسببها ، نهاد صفحة و انطوت ، دفتر عتيق و انحرق ما بدي أي تصرف منها يعكرك ، انت عملت يلي عليك قدام ربنا حاولت تصالحها و هي ما قبلت ، هلأ كمل حياتك بسعادة و راحة بال و خلينا عم ننتظر ابننا يلي جاي عالطريق .
سليم : لولاكي كنت جنيت .
ياسمين : بعيد الشر عن قلبك .
سليم : كيفو ابننا ؟
ياسمين : هههه منيح اليوم اشتقلك متلي صار يدفش .
سليم : يارب يجي بخير و سلامة .
ياسمين : آمين .
سليم : رح اتصل بأخي كريم خبرو باللي صار مشان ما يرجع يتدخل بحياتي .
ياسمين : خود راحتك ، انا رايحة اعملك كاسة عصير مشان تروق .
سليم : يسلم ايديكي .

#بقلم_فتاة_من_ورق_بسمه_السباعي

رنيم : ريما .
ريما : نعم .
رنيم : اشتقت لأمي .
ريما : وانا كمان .
رنيم : ليش اليوم ما اجا جدو اخدنا نشوفها ؟
ريما : ما بعرف .
رنيم : يمكن هي ماعاد تحبنا او ماعاد بدها يانا .
ريما : لا حبيبتي ما تقولي هيك .

*قربت من اختي و حضنتها .. لأول مرة بحس حالي كبرت ، حسيت حالي لازم اهتم بأختي اكتر اعطيها الحنان و الحب و الدفا .. حضنتها و انا عم اسأل حالي معقول امي ماعاد تحبنا ...؟!
________________________________________
#بقلم_فتاة_من_ورق_بسمه_السباعي

سناء : مين كان عم يحكيك ؟
كريم : اخي سليم .
سناء : ردلك خبر مشان نخطب ريما ؟
كريم : لا عم يحكيلي شو صار بينو و بين نهاد .
سناء : رجعو لبعض ؟
كريم : يا ريت ، بعدو عن بعض اكتر و اكتر ، راح ليصالحها رمت بخلقتو باقة الورد و قلعتو .
سناء : اوف معقول نهاد تتصرف هيك تصرف ؟
كريم : حياتها انخربت بسبب مرة شو متوقعة منها .
سناء : الله يعينها و يكون معها .
كريم : المهم هلأ ، بكرا بتروحي بتزوريها و بتحاولي تخففي عنها و بتخبريها اني طلبت ريما لشادي و حتى لو طلبت نأجل الموضوع منأجلو بدون نقاش لانو المخلوقة تعبانة نفسيتها هالفترة .
سناء : من عيوني .
________________________________________
#بقلم_فتاة_من_ورق_بسمه_السباعي

جواد : شو أوس شايفك كل نهارك جنب هالموتور .
أوس : اي والله فرحان فيه ومو مصدق ايمتى يصير بكرا .
جواد : ليش شوفي بكرا ؟
أوس : رح نطلع رحلة و ابوك رح يسوق الموتور و يعلمني عليه .
جواد : اي منيح ، انا ما رح روح .
أوس : ليش ؟
جواد : عندي دراسة شو نسيان انو عندي تاسع السنة ولا امنت على حالك اخدت التاسع بأعلى العلامات .
أوس : اخي انت شو عم تحكي ؟ انا ما بفكر بهي الطريقة ، كل القصة اني حابب وجودك معنا نحنا عيلة وحدة .
جواد : اي بس اخلص من التاسع على خير منرجع عيلة وحدة .
أوس : الله يفرح قلبك اخي .

*حطيت ايدي على كتف اخي جواد وانا عم ابتسملو .. شال ايدي و دار وجهو ومشي...

أوس : الله يهديك .

*تطلعت من الشباك شفت العم تامر عم يسقي الشجر .. نزلت ركض لساعدو...

أوس : يعطيك العافية عمي تامر .
تامر : الله يعافيك يارب .
أوس : بشو ساعدك ؟
تامر : مافي شي تساعدني فيه
أوس : عم نعذبك معنا .
تامر : هاد واجبي .
أوس : لازمك شي عمي محتاج شي ؟
تامر : سلامتك الله يرضى عليك .

*بقيت واقف جنب العم تامر ، كنت ازعل عليه كتير لانو ما عندو اولاد و ما حدا عاطيه قيمة .. بس انا شفت فيه العم الحكيم يلي بيقدر يوقف جنب أيا انسان بهالدنيا ...
________________________________________
#بقلم_فتاة_من_ورق_بسمه_السباعي

نهاد : بابا .
ابو سهيل : عيونو .
نهاد : بدي شوف بناتي .
ابو سهيل : رح جبلك ياهن بس وعديني ما يصير فيكي متل هديك المرة لو شو ما سمعتي منهن .
نهاد : قصص سليم ماعاد تأثر فيني ، انا طفيت ناري لما قلعتو و هنتو ، هلأ صار الوقت ركز على حياتي و على بناتي .
ابو سهيل : الله يرضى عليكي ، رح بدل تيابي و روح جيبهن .
نهاد : الله لا يحرمني منك .

*لميت شعري و ربطتو .. دخلت على المطبخ و بلشت اعمل الكيك يلي بيحبوه بناتي...
__

__________________________________
#بقلم_فتاة_من_ورق_بسمه_السباعي

*سمعنا دقة الباب .. ركضنا انا و اختي رنيم و فتحنا..

رنيم : جدووو
ابو سهيل : حبيباتي بسرعة بدلو تيابكن و انزلو انا ناطركن بالسيارة ، امكن مشتاقتلكن و بدها تشوفكن .
ريما : ونحنا اشتقنالها كتير ، ثواني و مننزل جدو .

*من فرحتنا لبسنا جواكيتنا فوق البيجامات و نزلنا ركض .. استقبلتنا امي بابتسامة و بوجه بشوش .. صارت تضحكنا و خلتنا نزين الكيك يلي منحبو سوا متل ما تعودنا .. بنفس الوقت كانت واضحة نظرة الحزن يلي بعيون امي ... ضلينا سوا للساعة 9 بالليل ....

نهاد : بابا .
ابو سهيل : نعم ؟
نهاد : بكرا جمعة ، بتسمحلي نيم بناتي جنبي الليلة ؟ وبكرا الصبح بتوديهن .
ابو سهيل : اذا هالشي بيسعدك اكيد موافق .
نهاد : الله لا يحرمني منك .

*اخدت بناتي و فتنا على الغرفة ، تسطحت ريما على يميني و رنيم على يساري ، ضليت احكيلهن حكايات لحتى غفينا بدون ما نحس...

#بقلم_فتاة_من_ورق_بسمه_السباعي

ياسمين : تأخرو البنات كتير .
سليم : اكيد بيكونو نامو عند امهن .
ياسمين : الله لا يسامحو جدهن اديه قلبو قاسي ، كيف بيسمح لحالو يفرق ام عن اولادها .
سليم : من يوم يومو قلبو قاسي .
ياسمين : مو مهم المهم انو البنات بخير هلأ .
سليم : الحمدلله .
________________________________________
#بقلم_فتاة_من_ورق_بسمه_السباعي

*بصباح اليوم التاني...

*صحينا الصبح و حضرنا الفطور مع امي ، فطرنا و بعدها بلشت امي ترتبلنا شعرنا بكل حنية متل ما عودتنا ...

نهاد : يلا يا اميراتي روحو لبسو جواكيتكن مشان يوديكن جدكن لعند البابا هلأ بيكون اشتقلكن .
رنيم : اي حتى خالة ياسمين بتكون اشتاقتلنا .
ريما : اسكتي رنيم .
رنيم : اسفة .
نهاد : عادي حبيبتي احكي شو ما بدك ، من زمان اتفقنا ما بيصير الاولاد يخبو على امهن شي ، صح ؟
رنيم : اي صح مشان هيك انا حكيت .
نهاد : الله يرضى عليكن ، انتبهو على حالكن منيح .
ريما : حاضر .
________________________________________
#بقلم_فتاة_من_ورق_بسمه_السباعي

*اليوم اول مرة بصحى نشيط هالقد و حاسس بسعادة ما بتنوصف ، لبست بيجامة الرياضة و نزلت ...

أوس : صباح الخير .
غسان : صباح النور .
يسرى : شو سر هالنشاط ؟
أوس : اليوم احلى يوم بالنسبة الي ، ابي رح يعلمني سوق الموتور .
غسان : بس اهم شي ما ننسى الوعد .
أوس : اكيد .
جواد : صباح الخير .
غسان : صباح النور .
يسرى : يسعد صباحك حبيبي .
جواد : اليوم ما رح روح معكن ، بدي اكسب الوقت و ادرس كم درس احسن .
غسان : الله يرضى عليك هيك بدي ياك .
يسرى : الله يوفقك و ينولك مرادك .
جواد : آمين .

*جهزنا حالنا و طلعنا انا وابي و امي ...
________________________________________
#بقلم_فتاة_من_ورق_بسمه_السباعي

*خلصت ترتيب البيت و بلشت جهز الطبخة .. كنت شاردة و عم فكر باللي صار معي .. قطع تفكيري صوت جرس البيت...

نهاد : مين عند الباب ؟
سناء : افتحي نهاد انا سناء مرت كريم .

*ما بعرف ليش حسيت بسعادة لما سمعت صوتها .. يمكن لأنو سناء كانت بالنسبة الي متل الأخت مو بس السلفة و الرفيقة .. فتحت الباب و حضنتها ....

نهاد : اهلا و سهلا نورتيني .
سناء : يا قلبي انتي سامحيني لاني قصرت بحقك بس والله ما كنت بعرف .
نهاد : تفضلي سناء فوتي اكيد ما رح نضل نحكي عند الباب .

*جهزت كاستين شاي و دخلت لعند سناء...

نهاد : وهي كاسة شاي متل ما بتحبيها ، على فكرة انتي يلي حببتيني فيها .
سناء : يسلمو ايديكي والله و انا ماعاد حبيت الشاي الا من ايدك .
نهاد : خبريني كيفك و كيفو شادي ؟
سناء : كلنا مناح الحمدلله ، انا خجلانة منك كتير .
نهاد : ولا يهمك سناء ، بلا ما نرجع نفتح موضوعي ، قصتي مع سليم صفحة و انطوت .
سناء : كنت بتمنى ترجعو لبعض ، بس خلص طالما ما بدك افتح هالموضوع ما رح احكي فيه ابدا .
نهاد : شكرا .
سناء : على شو عم تشكريني الله يسامحك ، نهاد .
نهاد : نعم .
سناء : بصراحة من بعد يلي صار قررنا انا و كريم قرار .
نهاد : شو ؟
سناء : من بعد موافقتك طبعا ، نخطب ريما لشادي خلال هالفترة ، بعرف ريما لساتها صغيرة بس بالنهاية هنن لبعض و خير البر عاجل .
نهاد : بعرف بس ما فهمت شو دخل يلي صار بخطبة شادي و ريما ؟
سناء : بصراحة ما بدي هي الزفته يلي ما بتتسمى تزعج ريما بما انو ما رح يعيشو البنات عندك ، هيك انا بجيب ريما تعيش عندي من بعد ما تتزوج هي و شادي و انتي بتقنعي ابوكي تاخدي رنيم تعيش عندك احسن ما تبقى لحالها مع مرت الاب ، شو قلتي ؟
نهاد : بس ريما لساتها صغيرة .
سناء : وحياتك لحطها بعيوني ، ريما بنتي مو بس بنتك شو نسيتي انو ربينا ولادنا سوا ، بعدين انا بيحقلي افرح بابني الوحيد وانتي بيحقلك تفرحي ببنتك بعد كل هالحزن يلي مريتي فيه .
نهاد : الله يقدم يلي فيه الخير .
سناء : يعني موافقة ؟
نهاد : موافقة بس بشرط .
سناء : شو ؟
نهاد : ما منعمل الخطبة لبعد ما خلص عدة لانو متل ما ق

#إمسك_يدي
#الجزء_السابع
#بقلم_فتاة_من_ورق_بسمه_السباعي

*كنت طول الوقت راكض ورا أوس .. لحتى صار الحادث ، وقفت مصدوم ، انا صحيح كان بدي ياه يخلف الوعد لصير انا المفضل عند ابي بس ما كان بدي ياه يتعرض لحادث أبداً...

*نزل شب من السيارة و ركض لعند أوس ، بهي اللحظة خفت قرب ما خطر ببالي غير انو اتصل بأبي...

غسان : نعم جواد .
جواد : بابا أوس .
غسان : شبو أوس ؟
جواد : عمل حادث .
غسان : اعطيني مكان الحادث بسرعة مشان احكي مع الاسعاف .

*شرحت لأبي وين مكان الحادث ، سكرت التلفون و صرت امشي اتجاه أوس وانا متردد...

جواد : يارب ما يكون مات يارب .

*وصلت لعندو ، قعدت على ركبي عم اتأملو و مصدوم .. الشب صاحب السيارة تأكد انو أوس لساتو عايش و اتصل بالاسعاف .. بعد لحظات وصلو الاسعاف اخدو اخي و راحو .. بعدهم وصل ابي...

غسان : جواااااد .
*ركضت لعند ابي ركبت بسيارتو و لحقنا سيارة الاسعاف..كنت عم ارجف و حاسس بخوف ، يمكن لأنو انا السبب او يمكن لأني ما بدي اخسر أخي...تطلعت على ابي كان وجهو اصفر و عم يفك الكرافة بعصبية بدون ما يحكي شي....
________________________________________
#بقلم_فتاة_من_ورق_بسمه_السباعي

سناء : كريم .
كريم : امريني .
سناء : اليوم بدي انزل عالسوق اشتري تياب جديدة .
كريم : شو المناسبة ؟
سناء : شو نسيت اليوم بدنا نروح نطلب ريما من اخوك .
كريم : لا ما نسيت ، امسكي هدول المصاري جيبي تياب جديدة الك و لشادي و بطريقك جيبي هدية لريما .
سناء : الله يخليلنا ياك و يرزقك .
كريم : بدك شي غيرو ؟
سناء : بدي سلامتك ، الله يحميك .
________________________________________
#بقلم_فتاة_من_ورق_بسمه_السباعي

سليم : اليوم جاي اخي كريم و عيلتو مشان يطلبو ريما .
ياسمين : ايمتى عطيتهن الموافقة ؟
سليم : ما عطيتهن الموافقة ، مبارح بالليل اتصل فيني و خبرني انو رح يجي يطلبها اليوم .
ياسمين : اي وانت شو قررت ؟
سليم : اكيد ما رح قول لا ، بالنهاية شادي و ريما لبعض .
ياسمين : طيب اخدت رأي ريما بالموضوع ؟
سليم : لا هلأ رايح خبرها .
ياسمين : وانا رايحة جهز الفطور .
سليم : الله يعطيكي العافية .

#بقلم_فتاة_من_ورق_بسمه_السباعي

*كنت قاعدة بغرفتي و مسكرة الباب وعم احفظ دروسي .. اندق باب الغرفة دقة خفيفة...

ريما : تفضل .
سليم : صباح الخير حبيبتي .
ريما : صباح الورد بابا .
سليم : من أي ساعة اميرتي الحلوة صاحية عم تدرس ؟
ريما : من الساعة 5 الصبح .
سليم : الله يرضى عليكي و يفرحني فيكي .
ريما : آمين .
سليم : بنتي بدي احكي معك بموضوع .
ريما : احكي بابا عم اسمعك .
سليم : انتي هلأ صرتي صبية .. صبية حلوة كتير ، و صرتي قادرة تعتمدي على نفسك بكلشي .
ريما : اي .
سليم : لهيك اتصل فيني عمك و قلي
ريما : شو قلك بابا ؟
سليم : قلي بدو يطلب ايدك لشادي .

*انصدمت و حسيت بالخجل...ما كنت متوقعة اني انخطب هلأ...

سليم : ريما حبيبتي من لما اجيتي على هالدنيا و عمك قال ريما لشادي ، بس بالنهاية القرار لإلك اذا ما موافقة كلشي بيلتغى ، شو رأيك ؟
ريما :........
سليم : طيب لا تعطيني رأيك هلأ ، فكري على مهلك معك للمسا بتكوني اخدتي قرارك وشو ما كان قرارك انا موافق عليه .

*طلع ابي من الغرفة .. مشيت و تطلعت على حالي بالمراية .. ابتسمت ، حسيت حالي فرحانة و بنفس الوقت خايفة ، بتذكر شادي لما كان يلاعبني و يدللني و يهتم فيني ، بتذكر منيح كيف كان يضرب أيا حدا بيزعلني ، بتذكر انو كان كل عيد ميلاد لإلي يجبلي هدية و يقلي "اشتريتلك ياها من مصروفي" ...

ريما : بس دراستي و التاسع و مدرستي شو رح يصير فيهن ؟؟ و امي يلي ما بتعرف .

*طلعت من الغرفة ملهوفة ...

ريما : بابا .
سليم : نعم .
ريما : امي بتعرف ؟
سليم : اي بتعرف ، عمك خبرني انو سألوها و قالت انها موافقة .
ريما : و دراستي ؟
سليم : بتكمليها عادي .
رنيم : شوفي ؟
ريما : مافي شي .

*رجعت على غرفتي مسكت كتابي بس ما قدرت اقرأ ولا كلمة و انا عم فكر...
________________________________________
#بقلم_فتاة_من_ورق_بسمه_السباعي

*كنا عايشين انا و ابي على اعصابنا .. منمشي شوي و منرجع منقعد عالكراسي ناطرين أي خبر عن أوس المهم نتطمن عليه...

جواد : بابا تلفونك عم يرن .

****************************************
غسان : الو .
يسرى : وينك ؟ وين الاولاد ؟
غسان : نحنا بالمشفى .
يسرى : ليش شوفي ؟
غسان : رح ابعتلك اسم المشفى برسالة بس تجي بفهمك كلشي ما تتأخري ، سلام
****************************************

#بقلم_فتاة_من_ورق_بسمه_السباعي

ابو سهيل : مين عالتلفون ؟
نهاد : هي سناء عم تخبرني انو اليوم رايحين يطلبو ريما .
ابو سهيل : ما توقعتك تقبلي تزوجيها هلأ .
نهاد : بابا انا ماعم زوجها لغريب ، شادي ابن عمها ربيو سوا و سناء و كريم كتير بيحبو بناتي و بيحنو عليهن يعني انا رح كون متطمنة عليها عندهن احسن ما تعيش تحت رحمة مرت الأب ، و الأهم م

ن كل هاد انا ماعاد عندي طاقة لإهتم بحدا ، حاسة حالي تعبانة كتير بابا .
ابو سهيل : سلامتك يا بنتي شو هالحكي لسا كل عمرك 38 سنة شو بقول انا ؟
نهاد : العمر مجرد رقم ، المواقف هي يلي بتكبرنا او بتخلينا محافظين على شبابنا ، حبي لسليم ما كان بينوصف لهيك اجتني الصدمة منو كبيرة كتير .
ابو سهيل : وحبي لأمك ما كان بينوصف ، تركتني و راحت و لهلأ ما قدرت روح لعندها .
نهاد : بعيد الشر عن قلبك ما تحكي هيك انا ما الي غيرك .
ابو سهيل : معناها بدي ياكي تقوي حالك متل ما انا قويت حالي ، متل ما انا عايش مشانك و مشان اخوكي انتي لازم تعيشي مشان بناتك .
نهاد : من بعد يلي صار معي اذا بدي عيش كرمال حدا هو كرمالك انت و اخي بس .
ابو سهيل : و بناتك ؟
نهاد : بناتي بحبهن كتير بس قدرو يعيشو بدوني و يتقبلو مرت ابوهن ، اما انت وقفت معي و كرهت سليم كرمالي ، كان همك ارجع طبيعية ، وسهيل كان همو ارجع انطق ، انتو التنين يلي فكرتو فيني انا بينما بناتي و سليم فكرو بحالن ، ليش الحياة مو عادلة ؟؟ ليش منترك اهلنا لنروح نربي ولادنا و اخر شي ما بيكون حب ولادنا متل حب اهلنا النا ؟؟
ابو سهيل : هي سنة الحياة يا بنتي ، الولد بحاجة لحب الاب و الام بحاجة لإهتمامهن و عطفهن لو صار عمرو مية سنة ، و رب العالمين زرع بالاهل حب الاولاد و الاهتمام فيهن ليقدرو يربوهن بدون تعب و ملل وهيك بتستمر الحياة .
نهاد : بتعرف بابا لو الي خبر هيك رح يصير معي ما كنت تزوجت ، كنت بقيت جنبك و جنب امي الله يرحمها و ما بعدت عنكم ولا لحظة .
ابو سهيل : ما تزعلي يا بنتي ، انتي هلأ عم تعيشي اختبار من رب العالمين ليشوف صبرك (ان الله مع الصابرين) .
نهاد : والنعم بالله .
ابو سهيل : شو رأيك تجدديلنا القهوة لأنو هلأ بيجي سهيل .
نهاد : من عيوني .
________________________________________
#بقلم_فتاة_من_ورق_بسمه_السباعي

*وصلت عالمشفى بدون ما اعرف شو صاير .. تطلعت بغسان و سألتو بخوف ...

يسرى : ش شو شوفي ؟
غسان : أوس عمل حادث .
يسرى : مااات ؟
غسان : لا لا بعيد الشر هو بالعناية المشددة هلأ .
يسرى : ياربي شو هالمصيبة ايمتى صار هالشي ؟ وليش ما خبرتوني ؟
غسان : ايديي مربطة ما بعرف شو بدي اعمل .
يسرى : بدي شوف ابني .
غسان : مافيكي تشوفيه هلأ ليسمح الدكتور .
يسرى : ياربي تنجي ابني ياربي تقومو بالسلامة ياربي ما تختبرني فيه .
________________________________________
#بقلم_فتاة_من_ورق_بسمه_السباعي

ياسمين : وهيك منكون رتبنالها شعراتها للأميرة ريما .
ريما : شكرا .
ياسمين : العفو حبيبتي ولو .
رنيم : طيب وانا رتبيلي شعراتي كمان .
ياسمين : من عيوني .
ريما : خالة انتي شو رأيك ؟
ياسمين : بشو ؟
ريما : بموضوع خطبتي من شادي .
ياسمين : برأيي هو ابن عمك و اكيد بيحبك كتير لهيك بدو يخطبك من هلأ .
ريما : رح روح اتصل بأمي .
ياسمين : ليش لهلأ ما اتصلتي فيها ؟
ريما : لا .
ياسمين : ما بيصير كان لازم تتصلي من الصبح ، روحي اتصلي بسرعة قبل ما تزعل .
ريما : يلا رايحة .

*حكيت مع امي و خبرتها بكلشي صار معي .. بعد ساعة وصلو بيت عمي ، استقبلناهن كالعادة و سلمت عليهم بخجل .. لحتى وصلت لعند شادي...

شادي : اوووه الأميرة الحلوة كبرت و صارت احلى صبية بالعالم .
ريما : شكرا .
سناء : كتير حلوين شعراتك ريما مين رتبلك ياهن هيك ؟
ريما : خالتي ياسمين .
سناء : تعالي اقعدي جنبي .
ريما : حاضر .

كريم : المهم اخي اليوم انا اجيت لأطلب ايد ريما لشادي .
سليم : البنت بنتك اخي .
كريم : شو يا ريما موافقة على ابن عمك شادي ؟

*تطلعت بشادي ابتسملي بكل لطف ، نزلت راسي وانا خجلانة .

كريم : ما سمعتك علي صوتك عمي موافقة ؟

*هزيت براسي بمعنى اي ...

كريم : سمعونا الفاتحة على نية التوفيق .
سليم : صدق الله العظيم .
سناء : جبنالها للحلوة هدية ان شاء الله تعجبها .
ريما : شو هي ؟

*طالعت مرت عمي من العلبة سنسال و لبستني ياه ، تطلعت عليه كانت التعليقة على شكل فراشة ملونة .. حبيتو كتير حطيت ايدي عليه و ابتسمت....

كريم : عجبك عمي ؟
ريما : اي كتير يسلمو ايديكن .
رنيم : طيب و انا ؟
سناء : هههههه حبيبتي انتي .
كريم : اكيد ما نسيتك يا عمي تعالي لعندي .

*طالع عمي سنسال بيشبه سنسالي بس كانت التعليقة على شكل وردة لونها زهري .

كريم : عجبك ؟
رنيم : اي اي كتير عجبني شكرا عمو .
سليم : يسلم ايديك اخي .
كريم : ولو اخي هدول بناتي .
ياسمين : تعيش و تجيب ابو شادي .
كريم : الله يسلمك مرت اخي .

*كنت حاسة بسعادة ، كل شوي اتطلع على شادي لما يبتسملي اخجل و نزل راسي .. حسيت بدفا العيلة مرة تانية بس بنفس الوقت كان ناقصني وجود امي جنبي لشوفها فرحانة فيني و عيونها عم تضحك ...
________________________________________
#بقلم_فتاة_من_ورق_بسمه_السباعي

*بعد مرور 3 أيام...

غسان : طمني عن وضع ابني دكتور .
الدكتور : ما بقدر احكي شي ليصحى ، بس ما بخفيك انو في اصابة بالراس وهي يلي مخوف

ي انا اجيت اليوم لإحكي معك .
سليم : تفضل .
كريم : صار الوقت لنرجع المي لمجاريها ، يعني انت و نهاد صار لازم ترجعو لبعض .
سليم : اخي انا ضايع بتعرف شو يعني ضايع ، ماعم اقدر انسى ياسمين وماعم اعرف فكر بنهاد و ارجع بلش من جديد .
كريم : ما رح تنسى ياسمين الانسان ما بينسى ولا لحظة عاشها بحياتو ، هلأ اختلف الوضع صار عندك طفل صغير عمرو شهر بحاجة لأم تضل جنبو 24 ساعة ، رنيم لساتها صغيرة وما بتعرف تهتم فيه منيح وانت بعمرك ما اهتميت بطفل صغير ، هاد الولد بيبقى عند نهاد للساعة 2 الضهر و الجمعة و السبت ما بيشوفها ، خبرتني سناء انو ما بيسكت و بيهدا غير بإيد نهاد ، بيكفي انانية اخي هلأ ابنك اهم منك ومن شعورك .
سليم : خايف اظلم نهاد معي .
كريم : ما رح تظلمها لأنك بتحبها ، عيونك ما انشالت عنها يوم عرس ريما و شادي علما انو ياسمين كانت لساتها عايشة ، يلي بينك وبين نهاد 15 سنة ما يوم ولا اسبوع .
سليم : ما بعرف شو قلك .
كريم : انت ما رح تقول شي هلأ ، بكرا رح نروح انا و سناء و نقنع نهاد تقبل ترجعلك ، وقتها منروح انا و انت و منطلبها من جديد .
سليم : واذا ما قبلت ؟
كريم : ساعتها بيكون ماعاد الكن نصيب ببعض .

*ضليت طول الليل عم فكر بكلام اخي ، حسيت معو حق ابني اهم مني هلأ وهو بحاجة لنهاد تضل جنبو كل الوقت ، وبنفس الوقت نهاد كانت مرتي لمدة 15 سنة بتفهمني و بفهمها و بيكفيني انو ما رح لاقي احسن منها لتحن على اسمر ...
________________________________________
#بقلم_فتاة_من_ورق_بسمه_السباعي

*بصباح اليوم التاني ، صحيت الساعة 9 كان يوم جمعة ، كنت زعلانة لأني ما رح شوف أسمر اليوم ، حضرت الفطور لأبي و صحيتو...

ابو سهيل : الله يرضى عليكي .
نهاد : صحة ومية هنا بابا .
ابو سهيل : على قلبك .
نهاد : بابا ممكن بعد الصلاة توديني على بيت ريما .
ابو سهيل : تكرم عينك .
نهاد : الله يكرمك يارب .
________________________________________
#بقلم_فتاة_من_ورق_بسمه_السباعي

*صحيت من النوم غسلت وجهي ، تطلعت على حالي بالمراية كان في اثر خفيف للكف ، دخلت على غرفتي تمكيجت لإخفي الأثر....

ريما : شادي يا شادي .
شادي : اي حبيبتي .
ريما : يلا اصحى بدنا نطلع نفطر عند بيت عمو .
شادي : الله يخليلي هالوجه الحلو، اي كل يوم صحيني وانتي ملونتيه هيك .
ريما : ههههه يلا قوم هلأ بيزعلو اذا تأخرنا .
شادي : اسبقيني شوي و بلحقك .
ريما : حاضر .

*طلعت ركض على بيت عمي ، سلمت عليهم و بلشت حضر السفرة مع مرت عمي...

سناء : تمنينا تروحو معنا مبارح .
ريما : اخدني شادي على السوق اشترالي فستان و بعدها تعشينا برا و تمشينا .
سناء : بالهنا .
ريما : الله يهنيكي مرت عمو .
سناء : هلأ عمك بدو يحكي شي رح يفرحك .
ريما : شو هو ؟
سناء : بس نقعد عالسفرة بتعرفي .
ريما : بلشت افرح قبل ما اعرف شو هالشي .
سناء : ان شاء الله على طول بشوفك فرحانة ، خبريني كيف شادي معك ؟
ريما : شادي .. منيح مافي منو الله يخليلي ياه .
سناء : آمين .

*هربت من وجه مرت عمي لحتى ما تسألني كمان سؤال بخصوص شادي...
________________________________________
#بقلم_فتاة_من_ورق_بسمه_السباعي

رنيم : بابا شو اعمل لأسمر ماعم يسكت .
سليم : هاتيه انا بجرب سكتو .
رنيم : خلينا نوديه لعند امي .
سليم : امك ما مجبورة فيه ، اليوم عطلة انا يلي لازم اهتم فيه .
رنيم : تفضل احملو .

*حملت اسمر و حاولت سكتو بس ما كان في شي عم يسكتو...

رنيم : عملتلو يانسون شربو ياها .
سليم : ايمت شربتيه حليب اخر مرة ؟
رنيم : عال٧ الصبح .
سليم : هاتي اليانسون و روحي اعمليلو ببرونة حليب يمكن جاع .
رنيم : حاضر .
________________________________________
#بقلم_فتاة_من_ورق_بسمه_السباعي

*اجتمعنا حوالي السفرة ، كنت متحمسة بدي اعرف عمي شو بدو يحكي ..

ريما : عمو قالتلي مرت عمو انو في شي حلو بدك تحكيه .
كريم : اي صحيح .
شادي : شو هو بابا ؟
كريم : لما نرجع انا و شادي من الصلاة بدي اخدكن و نروح على بيت نهاد نقنعها ترجع لسليم .
ريما : عنجد عمو .
كريم : اي طبعا واذا قبلت بكرا منجيب الشيخ يكتب كتابهم و بترجع معززة مكرمة على بيتها .
ريما : يارب تقبل ياااارب .

#بقلم_فتاة_من_ورق_بسمه_السباعي

*كنت ناطرة رجعة عمي من الصلاة على احر من الجمر .. وصل عمي و نزلنا انا ومرت عمي ركبنا معو بالسيارة و رحنا على بيت امي....
________________________________________
#بقلم_فتاة_من_ورق_بسمه_السباعي

ابو سهيل : يلا نهاد جهزي حالك مشان اخدك لعند ريما .
نهاد : ربع ساعة و بكون جاهزة .

*قعدت بالصالون ناطر نهاد .. بعد عشر دقايق بيندق الباب..مشيت و فتحت ...

كريم : السلام عليكم عمي .
ابو سهيل : وعليكم السلام .
كريم : بعد امرك جايين لنشوف حضرتك و نشوف اختي نهاد .
ابو سهيل : تفضل اهلا و سهلا .
ريما : كيفك جدو .
ابو سهيل : اهلا يا جدو نورتي.

*سمعت صوت بنتي ريما ، لبست تيابي بسرعة و ط

#إمسك_يدي
#الجزء_الحادي_عشر
#بقلم_فتاة_من_ورق_بسمه_السباعي

*تطلعت فيهم و بلشت اتذكر اليوم يلي اعترفلي فيه سليم بحبو لياسمين..كان يوم بشع و صعب كتير ما بتمناه لحدا..رجعت بذاكرتي اكتر...
=====================================

*بهداك اليوم لما كان عمر رنيم 4 سنين .. كنت قاعدة على تختي و عم ابكي لما اجا لعندي سليم ...

سليم : ليش عم تبكي حبيبتي ؟
نهاد : هلأ رجعت من عند الدكتور .
سليم : شو قلك ؟
نهاد : قلي انو لازم اعمل عملية مستعجلة عندي اورام حميدة بالرحم بس لازم شيل الرحم ، يعني انا ماعاد فيني جيب اولاد .
سليم : ما تبكي حبيبتي اهم شي صحتك و الحمدلله الله رازقنا بأحلى اميرتين بالدنيا شو بدي اكتر من هيك ؟
نهاد : يعني ما رح تتخلى عني ؟
سليم : مستحيل اتخلى عنك كرمال هيك سبب و مستحيل اتزوج عليكي كرمال الاولاد ، المهم ما تبكي انتي .
نهاد : الله يخليلي ياك .
سليم : امسحي دموعك يا عمري .
=====================================

*تذكرت اديه كان سليم يحبني بس لو ما فاتت على حياتنا ياسمين .. تذكرت انو وقف جنبي بأبشع لحظات عمري يمكن لو حدا غيرو كان تخلى عني .. بيستحق اعطيه فرصة تانية...

#بقلم_فتاة_من_ورق_بسمه_السباعي

كريم : شو قلتي اختي ؟
نهاد : معك حق ابو شادي ، انا موافقة ارجعلو لسليم بس عندي شروط .
كريم : تفضلي .
نهاد : سيرة ياسمين ماعاد بدي اسمعها بحياتي ، وبدي يغير كل فرش البيت لحتى ما يبقى اثر لياسمين ، و الكل بيصير بيناديلي ام اسمر .
كريم : بس هيك ؟
نهاد : واذا رجع تزوج سليم ساعتها لا هو ولا البنات رح يعرفو وين اراضيي .
كريم : كل طلباتك رح تتنفذ ام اسمر .
نهاد : وهلأ الكلمة الاخيرة لأبي .
ابو سهيل : اذا هي رغبتك انا موافق .
سناء : معناها منقول الف مبروك .
ريما : الحمدلله و اخيرا رح ترجعي تنوري البيت ماما .
________________________________________
#بقلم_فتاة_من_ورق_بسمه_السباعي

*بعد اسبوع .. كان البيت جاهز متل ما طلبت .. كتبنا كتاب جديد و رجعت مع سليم على بيتنا....

سليم : نورتي بيتك ام اسمر .
نهاد : منور بوجودك .
سليم : بعتذر
نهاد : ما تكمل ، كلشي صار بالماضي انتهى و لازم ننساه ، متل ما انكتب كتابنا من جديد بدنا نبلش حياة جديدة .
سليم : بوعدك ماعاد اخذلك بعمري .
نهاد : بتمنى هالشي .

*بلشت حياة جديدة مع سليم .. جديدة بكل نواحيها .. كان سليم عم يعطيني الحب ليكسب ثقتي من جديد ، بالنسبة الي ما كنت قادرة اعطي سليم نفس حبي القديم ، تغيرت اولوياتي بالحياة ، صرت كل يوم روح لعند ابي رتبلو البيت و اطبخلو و بعدين ارجع درس رنيم و اهتم بأسمر ، و اتواصل مع ريما لإتطمن عليها ، فهمت سليم انو هو آخر همي بس لو يقدر يشوف شوفي بقلبي بيعرف اني بحبو و بعشقو و لهالسبب رجعتلو ...
________________________________________
#بقلم_فتاة_من_ورق_بسمه_السباعي

بعد مرور سنة

*نجح اخي جواد بمجموع عالي ، رفع راس ابي و صار سبب ليفتخر ابي بأولادو اكتر .... بالنسبة لمعهدي زاد عدد الطلاب بشكل كبير ، صرنا نقسمهم مجموعات وكل مجموعة الها وقت محدد ....

زيد : الله يعطيك العافية استاذ أوس .
أوس : الله يعافيك يا رب .
زيد : استاذ انا كتير حبيت عزفك و طريقة تدريبك لهيك نقلت من التدرب على البيانو لعندك .
أوس : ان شاء الله بكون عند حسن ظنك .
زيد : صحيح انو رب العالمين بياخد شي و بيعطي مكانو شي احسن .
أوس : ما فهمت .
زيد : رب العالمين اخد منك نظرك بس اعطاك موهبة قليل مم الناس عندهم ياها .
أوس : الحمدلله .
زيد : ايمتى منبلش بأول درس ؟
أوس : بكرا الساعة 9 الصبح .
زيد : ان شاء الله 8 ونص بكون بالمعهد .
أوس : ان شاء الله ، بالاذن هلأ .
زيد : الله معك استاذ .

*مشيت خطوتين بعدين اجا تامر ليوصلني عالبيت...
________________________________________
#بقلم_فتاة_من_ورق_بسمه_السباعي

ريما : شكرا مرت عمو كانت زيارة حلوة .
سناء : ولو حبيبتي انتي بنتي وهيك كل ما طلعت زيارة بدي اخدك معي ، يلا فوتي على بيتك بسرعة و اعملي شي طبخة قبل ما يجي شادي .
ريما : حاضر سلمي على عمو .
سناء : الله يسلمك .

*فتحت باب البيت و دخلت .. شفت شادي قاعد على الكنبة و عم بتطلع بساعة ايدو ...

ريما : حبيبي انت هون .
شادي : وين كنتي ؟
ريما : مرت عمو اخدتني معها زيارة لعند رفيقتها .
شادي : وما بتتصلي فيني بتخبريني انك مقلوعة برات البيت .
ريما : ما خطر على بالي خبرك لانو طالعة مع مرت عمو يعني امك .
شادي : الساعة 3 الضهر كان لازم ترجعي من ساعة لانك بتعرفيني بجي عالبيت بهالوقت .
ريما : معك حق انا نسيت .
شادي : كيف بتنسي صرلنا سنة متزوجين و بتنسي موعد رجعتي ولا اخد عقلك الطلعات .
ريما : اهدى و روح بدل تيابك لحضرلك الغدا .
شادي : بتكوني طالق اذا بتنقلعي برات البيت بدون اذني مرة تاني .
ريما : ليش معصب وعم تقول تنقلعي ؟ انا ما غلطت انا طلعت مع مرت عمو و رجعت معها وهي اول مرة بنسى خبرك و ما برجع

س بالذنب اتجاه ريما ، ما بعرف من وين اجتها القوة تهرب مني و تخبر ابي بعد ما كانت هي اكتر انسانة تخاف مني بالدنيا....

كريم : ريما ، تعالي على الصالون بنتي .

*كانت مرت عمي حاضنتني وعم تبكي معي..تطلعت فيها بعد ما نادالي عمي ...

سناء : اي حبيبتي روحي شوفيه .
ريما : حاضر .

كريم : شادي اقعود هون ما تتحرك .

*وصلت على الصالون رجفت و صرت ارجع لورا ...

كريم : تعالي عمي ما تخافي انا معك .
ريما : نعم عمو .
كريم : قربي عمي اقعدي جنبي .

*قعدت جنب عمي و نزلت راسي بالارض...

كريم : سامحيني بنتي ما قدرنا نحميكي وما قدرنا نكون اهلك التانيين متل ما وعدنا ابوكي و امك .
ريما : مسامحتك عمو بس بترجاك رجعني لعند ابي و امي .
كريم : رح رجعك ، شادي .
شادي : نعم بابا .
كريم : ارمي على ريما يمين الطلاق .
شادي : بس انا
كريم : بدون بس طلقهااااا .
شادي : ريما انتي طالق .

*ركضت لعند مرت عمي ، ما كنت بدي شوف شادي بعد هاللحظة ...

كريم : وهلأ امشي معي بدي وديك عالمطار .
شادي : ليش ؟
كريم : حجزتلك على امريكا رح تسافر .
شادي : بابا
كريم : كلمة تاني بغضب عليك و بتبرا منك عم تفهم ، انت رح تخليني عيش طول عمري خجلان من عمك ، انا ماعاد اقدر اتطلع بأخي بسببك ، حطيتني بموقف ما بعرف كيف بدي اتصرف فيه ، ماعاد بدي شوف خلقتك ، امشي قدامي .

*وديت شادي عالمطار و بقيت معو لحتى دخل على بوابة المسافرين و بعدها رجعت عالبيت ....

#بقلم_فتاة_من_ورق_بسمه_السباعي

كريم : وين ريما ؟
سناء : نامت من كتر ما بكيت ، ما كنت متوقعة شادي عمل فيها كل هالشي .
كريم : والله ما عاد عرفان شو بدي اعمل وشو بدي قول لأخي .
سناء : الله يسامحو على هالمصيبة يلي حطنا فيها ، صحيح وينو ؟
كريم : سافر على امريكا .
سناء : ليش ؟
كريم : لأني مو طايق شوف خلقتو .
سناء : يا الله دخيلك .
كريم : انزلي عالبيت ضبي تياب ريما ، بكرا الصبح بدي وديها على بيت اخي .
سناء : يا خجلتنا منهم .
كريم : ما وقت الندب هلأ روحي اعملي متل ما قلتلك .
سناء : حاضر امرك .

*ضبيت تياب ريما و بلشت لم الأزاز المكسور و نضف البيت ....
________________________________________
#بقلم_فتاة_من_ورق_بسمه_السباعي

*بصباح اليوم التاني...

نهاد : صحة و هنا كملو فطوركن انا بدي روح اتصل بريما .
سليم : لسا الساعة 8 بتكون نايمة .
نهاد : ما بعرف بالي مشغول عليها كتير ، مبارح ما حكيتها .
سليم : انطري لتصير الساعة 10 و اتصلي هلأ بتكون نايمة ما تزعجيها .
نهاد : طيب امري ل الله .
سليم : لازمك شي غير الاغراض يلي جبتلك ياهن مبارح ؟
نهاد : اي ناقصني علبة حليب لأسمر جيبها و انت راجع من الشغل .
سليم : حاضر .
نهاد : تأخرت على شغلك .
سليم : لا اليوم مافي شي مهم بروح عالساعة 10 .
نهاد : متل ما بدك .
________________________________________
#بقلم_فتاة_من_ورق_بسمه_السباعي

*صحيت من النوم كنت حاسة حالي بردانة كتير ، قمت من التخت لإستوعب انا وين ، تذكرت اني ببيت عمي ، تطلعت على حالي بالمراية كان نازل دم من انفي و تحت عيني ازرق و خصلة منتفة من شعري ...

ريما : ههههههههه معقول انا هيك صار شكلي ههههههههه .

*ركضو لعندي عمي و مرت عمي....

ريما : ههههههه عمو .. مرت عمو شوفو كيف شكلي ههههههه .
كريم : سلامة قلبك يا بنتي روحي غسلي وجهك .
سناء : سلامتك يا حبيبتي .
ريما : عمو وديني لعند اهلي .
كريم : حاضر هلأ غسلي و بدلي تيابك و باخدك .

*حسيت حالي بس بدي اخلص من هالبيت ، غسلت و نزلت عالبيت لقيت تيابي مضبوبة بالشنتة ، فتحت شنتة و طالعت منها تياب نضيفة لبستهن و رجعت سكرتها...تطلعت على البيت لآخر مرة .. كان مليان ذكريات حزينة ، جريت شنتايتي و طلعت لبرا ...

ريما : عمووو انا جاهزة .
كريم : يلا عمي اركبي بالسيارة .

#بقلم_فتاة_من_ورق_بسمه_السباعي

*طول الطريق ما حكيت ولا كلمة و عمي ما حكا ، وصلت على بيت اهلي فتحت الباب و رحت ركض دقيت الباب ...

سليم : خير خير مين هيك عم يدق .

*فتحلي الباب ابي ، حضنتو و رجعت ابكي متل بنت صغيرة...

ريما : ما تتركني بابا ، قلي رح احميكي من الدنيا متل ما كنت تقلي و انا صغيرة .
سليم : شبك حبيبتي .
ريما : انا عندك كنت اميرة و هلأ رجعت الاميرة على قصرها .
نهاد : ريما يا عمري شبك .
ريما : ماما بدي ضل جنبك .
نهاد : يا ربي شبها البنت .
رنيم : اختي شو صاير معك .

*حملت شناتي ريما و وقفت عند باب بيت اخي ...

سليم : كريم شوفي شو صاير ؟
كريم : سامحني اخي ما عرفنا انا و ابني نحافظ على الامانة يلي عطيتنا ياها ، ماعاد عرفان كيف بدي اتطلع فيك من يوم و رايح ، عن اذنك .
سليم : اخي استنى فهمني شو صاير بس .

*ركب كريم بسيارتو و راح ... رجعت قعدت مع ريما ...

سليم : حبيبتي فهميني شو صاير معك ؟
نهاد : مشان الله احكي يا بنتي ، مين عامل بوجهك هيك ؟
ريما : رح احكي بس عمو ومرت عمو ما ذنبهم عم تفهموني .
سليم : عم نفهمك بس احكي .

*بلشت احكي لأهلي كلشي

صار معي من اول يوم زواج لحد هاللحظة...
________________________________________
#بقلم_فتاة_من_ورق_بسمه_السباعي

غسان : بدي تشد حيلك هالسنة كمان ، العاشر تمهيد للبكلوريا و بدي مجموعك عالي .
جواد : حاضر بابا .
غسان : رح درسك ادارة اعمال مشان تصير ايدي اليمين بالشغل المهم جبلي مجموع عالي .
جواد : ان شاء الله .

*سمعت حكي ابي و اخي جواد .. صرت امشي شوي شوي لحتى طلعت برات الفيلا....

تامر : أوس ، ليش طالع لحالك ؟
أوس : لا تهتم يا عمي تامر صرلي اكتر من سنة فاقد نظري تعودت و صرت اعرف امشي لحالي .
تامر : الله يعافيك ، ليش حاسك مقهور ؟
أوس : هه لا ابدا مبسوط كتييييير ابي عم يحضر اخي جواد ليكون ايدو اليمين .
تامر : ابوك بيحبكن انتو التنين قد بعض ، و اعتمد على جواد شوي هاد الشي ما بيعني انو فقد الامل منك ، لساتو لهلأ عم يدور على متبرع بالقرنية ، معبي الجرايد و المجلات و حاطط اخبار بكل مكان ، بس شو بدك تعمل لسا ربك ما اذن تلاقو متبرع ليرجعلك نظرك ما بدي ياك تزعل .
أوس : انا ما زعلان عمي ، الله كريم ، بعرف ابي بيحبنا كتير الله يخليلنا ياه ، خبرني لساتها الجنينة بنفس شكلها ؟
تامر : اي طبعا .
أوس : الله يقويك يا عمي .
________________________________________
#بقلم_فتاة_من_ورق_بسمه_السباعي

*بعد ما خلصت ريما كلامها طلعت من البيت وماعم شوف بعيوني من العصبية ...

ريما : بابا وين رايح ، باباااا .
نهاد : تركيه .
ريما : عمي و مرت عمي ما ذنبهن والله .
نهاد : يا روحي انتي ما تخافي ابوكي ما بيزعج عمك و مرتو .
ريما : ماما اذا اجا يوم و زوجتي اختي رنيم ما توصيها متل ما وصيتيني .
نهاد : انا ما كان قصدي تخبي كل هالشي ، انا قصدت بأسرار البيت الكلام يلي بيخبرك فيه زوجك عن شغلو او عن شي زاعجو .
ريما : بس قلتيلي لو تخانقتو ما حدا يعرف الا لما بدك تطلقي ، سمعت كلامك و طلعت من البيت و خبرت عمي لاتطلق .
نهاد : يا روحي انتي ما تفكري بشي هلأ ، الله يكسر ايديك يا شادي .
رنيم : كل هالشي صاير معك و متحملة يا اختي .
ريما : انا تعبانة كتير هلأ بدي اتحمم و نام .
نهاد : متل ما بدك حبيبتي ، رنيم .
رنيم : نعم ماما .
نهاد : خدي اخوكي و اقعدو بالصالون و سكرو الباب ما بدي صوتكن يطلع مشان اختك تنام منيح .
رنيم : حاضر .
________________________________________
#بقلم_فتاة_من_ورق_بسمه_السباعي

*وصلت على بيت شادي صرت اخبط الباب بكل قوتي...

سليم : طلاع يا رجال ، عم تتقاوا على بنتي ، طلاع ولاااا .

*سمعت صوت اخي سليم ، نزلت لعندو...

كريم : اخي شادي مو هون .
سليم : وين هرب هالكلب ضرب بنتي و هرب .
كريم : اخي روق و اهدى .
سليم : لو كان عندك بنت كنت حسيت بشعوري و ما هديييييت .
كريم : معك حق والله معك حق .
سليم : انا رايح هلأ وبس يرجع هالكلب الجبان رح يكون حسابو عسير .
كريم : متل ما بدك .
________________________________________
#بقلم_فتاة_من_ورق_بسمه_السباعي

*رجعت عالبيت .. طول الليل ما عرفت نام و انا عم فكر ببنتي .. ليش هيك صار فيها ؟ فجأة خطرت على بالي جملة قلي ياها عمي....
(((ابو سهيل : رح قلك كلمتين قبل ما امشي ، لو كنت مكاني و اندعس على كرامة بنتك بهاد الشكل صدقني وقتها رح ينكوى قلبك و رح تتمنى تقتل زوجها لتطفي نارك)))

سليم : آاخ يا ربي معقول لهلأ عم اتحاسب على يلي عملتو بنهاد !
________________________________________
#بقلم_فتاة_من_ورق_بسمه_السباعي

سناء : وليييي منيح انك سفرتو والله كان سليم دبحو و شرب من دمو .
كريم : لا حول ولا قوة الا بالله .
سناء : لازم اتصل بنهاد و اعتذر منها .
كريم : اوعك تتصلي هلأ ، اذا بتتصلي رح تكوني عم تكبي الزيت على النار .
سناء : يا ربي تهدي النفوس ، كريم كأنو تلفونك عم يرن .
****************************************
كريم : الو .
شادي : ابي انا شادي صرت بأمريكا اتصلت لطمنك .
كريم : ماعاد تفكر ترجع لهون بحياتك .
****************************************

*سكرت الخط بوجه شادي ...

سناء : هاد شادي ؟
كريم : اي .
سناء : ليش هيك قلتلو ؟
كريم : لانو ما بدي تزيد المشاكل بيني وبين اخي معقول بعد كلشي شفتيه لسا عم تسألي .
________________________________________
#بقلم_فتاة_من_ورق_بسمه_السباعي

*صحيت من النوم ... كانت نومة طويلة كتير ، قررت قوم من تختي و اول ما حطيت رجليي عالارض وقعت....

ريما : ماما .. مامااااا

#يتبع
#بقلم_فتاة_من_ورق_بسمه_السباعي

#إمسك_يدي
#الجزء_الثالث_عشر_الأخير
#بقلم_فتاة_من_ورق_بسمه_السباعي

بعد مرور خمس سنوات

*خلال السنين يلي مضت .. قررت ارجع كمل حياتي و اتناسى كلشي صار معي .. نطرت لحتى صارت رنيم صف تاسع و قدمناه سوا و نجحنا و بعد سنتين قدمنا البكلوريا سوا و كانت الفرحة الكبيرة لما نجحنا سوا و دخلت كل وحدة فينا التخصص يلي بتتمناه...

هلأ عمري 21 سنة .. صرت سنة تانية بتخصص البصريات .. تناسيت ماضيي تماما وما خبرت حدا من رفقاتي عنو .. عشت حياتي بشكل طبيعي و لحسن حظي ما قابلت شادي ولا مرة خلال هالسنين يلي مضت...

اختي رنيم صار عمرها 19 سنة .. عم تدرس بمعهد تصميم ازياء كان هاد حلمها و تحقق ...

*ضحكتلنا الحياة من جديد بعد كلشي صعب مرينا فيه .. كل مرة كنا نحس فيها وصلنا للنهاية رب العالمين بنتشلنا من نص العذاب و يعطينا الأمل لنكمل حياتنا و نستمر ....

ريما : وينك لهلأ تأخرتي كتير .
تمارة : صحيت متأخرة .
ريما : والله رح تجننيني صارت الساعة وحدة لهلأ نايمة ؟ اصلا شو جابك عالجامعة باقي بس محاضرتين و بيخلص الدوام .
تمارة : اي اجيت احضرهن احسن من ولا شي ، المهم اخدتو شي مهم بالمحاضرات ؟
ريما : اي اخدنا .
تمارة : بما انك رفيقتي الشاطرة المجتهدة خليني صورهن منك .
ريما : تفضلي ، الله يصبرني عليكي .
________________________________________
#بقلم_فتاة_من_ورق_بسمه_السباعي

عفاف : شو رنيم راجعة عالبيت ؟؟
رنيم : اي طبعا وين بدي روح .
عفاف : شو رأيك تروحي معي على معهد الموسيقا .
رنيم : لا شو بدو ياخدني .
عفاف : الله يخليكي روحي معي كتير قريب المعهد من هون بس بدي شوف الاستاذ اسألو أي ساعة الدوام بكرا و منطلع .
رنيم : اكيد ما منتأخر ؟
عفاف : اي اكيد .

*مشيت مع عفاف لحتى وصلنا...دخلنا سوا على المعهد و وقفنا قبال الصف...شفت استاذ عم يعلم العزف على الكمان كان حاطط نضارات شمسية سود استغربت منو...

رنيم : هاد هو استاذك ؟
عفاف : أي .
رنيم : هههه ليش حاطط نضارات بقلب الصف .
عفاف : ما تضحكي الاستاذ كفيف .
رنيم : كفيف ؟!!
عفاف : اي والله .
رنيم : مستحيل اكيد عم يمزح معكن ، مو شايفتيه استاذ و عزفو بيجنن .
عفاف : ليش انتي هيك تفكيرك ؟ هاد احسن استاذ ممكن يعلم العزف على الكمان ، الله عاطيه موهبة كبيرة الكل بيتمناها .

*سكتت و بقيت واقفة عم اتأملو و اسمع عزفو الحنون .. لحتى خلص دخلنا لعندو انا و عفاف ....

عفاف : مرحبا استاذ .
أوس : اهلا يا عفاف .
عفاف : ممكن تخبرني بكرا أي ساعة رح تكون فترة تدريبي ؟
أوس : الساعة 12 الضهر ، مناسب ؟
عفاف : اي كتير مناسب .
أوس : مين معك ؟؟
رنيم : بسم الله كيف عرفت انو في حدا معها ؟
أوس : هههههه
عفاف : هي رفيقتي معي بمعهد التصميم .
رنيم : اسمي رنيم عمري 19 .
أوس : اهلا و سهلا فيكي رنيم و انا أوس عمري 21 .
رنيم : تشرفت بمعرفتك استاذ .
أوس : الي الشرف .
عفاف : عن اذنك استاذ .
أوس : الله معكن .

*طلعنا انا و عفاف من المعهد و صرت فكر بهالاستاذ .. سبحان الله كيف رب العالمين بياخد من الانسان شي بس بيعوضو بشي احسن....
________________________________________
#بقلم_فتاة_من_ورق_بسمه_السباعي

*رجعت على بكير من شغلي .. سلمت على امي و قعدت...

سناء : شبك ابني حاسة بتمك في حكي .
شادي : بصراحة اي .
سناء : احكي عم اسمعك .
شادي : من فترة تعرفت على صبية دارسة ادب انجليزي .
سناء : اي .
شادي : ضلينا نحكي ٣ شهور و خبرتها اني مطلق يعني حكيتلها كل قصتي و هي خبرتني انها كانت مخطوبة و فسخت خطبتها لانها ما تفاهمت مع خطيبها ، الاسبوع الماضي عرضت عليها الزواج وهي قبلت و هلأ اذا بتقبلي امي اخطبيلي ياها .
سناء : يا عمري انت طبعا بقبل ، انا صدقت انك ترجع تفكر بالزواج .
شادي : معناها اليوم المسا باخدك تتعرفي عليها و على اهلها .
سناء : الله يقدم يلي فيه الخير .
________________________________________
#بقلم_فتاة_من_ورق_بسمه_السباعي

الساعة 3 العصر ... كالعادة رجعنا كلنا عالبيت لنجتمع حوالي سفرة الغدا....

غسان : كيف المعهد أوس ؟
أوس : تمام ابي كتير منيح .
غسان : وانت جواد كيف جامعتك ؟
جواد : الحمدلله تمام .
غسان : جواد بدي ياك تشد حيلك ، انت رح تصير ايدي اليمين بالشغل لازم تكون فهمان كلشي بدراستك لتقدر تمشي معي .
جواد : حاضر بابا .
يسرى : الله يفرحني فيكن .
أوس : الحمدلله انا شبعت .
يسرى : بس ما اكلت منيح .
أوس : بدي اطلع شم شوية هوا برا كان عندي ضغط بالتدريب اليوم ، باكل بعدين .
غسان : على راحتك ابني .

*طلعت من الفيلا سمعت صوت المي .. عرفت انو العم تامر عم يسقي الشجر .. صرت الحق الصوت لحتى وصلت لعندو...

تامر : اهلا بالغالي .
أوس : كيفك عمي .
تامر : هلأ صرت منيح لما شفتك .
أوس : الله يطول عمرك .
تامر : خبرني كيف كان دوامك اليوم ؟
أوس : الحمدلله حلو و متعب بنفس الوقت .

#بقلم_فتاة_من_ورق_بسمه_السباعي

يسرى : عم يتقطع قلبي على أوس .
غسان : وانا

متلك يسرى .
يسرى : اعميل شي سفرو برات البلد .
غسان : من هون لسنة اذا ما لقيت متبرع بدي سفرو .
يسرى : و ليش ما هلأ ؟؟
غسان : عندي ضغط شغل كبير ومافي حدا يساعدني ، أوس تحمل كل هالسنين بيقدر يتحمل كمان سنة .
يسرى : شغلك اهم من ابنك ؟؟
غسان : خلص يسرى انا تعبان وما الي قدرة احكي هلأ ، على فكرة انا مقهور عليه اكتر منك بس مافي بإيدي حل ، طالع نام شوي .
يسرى : الله يصبرك يا ابني .

#بقلم_فتاة_من_ورق_بسمه_السباعي

تامر : أوس شبك ؟ شو زاعجك ؟
أوس : انت الوحيد يلي بتفهم عليي .
تامر : احكي ابني فضفض .
أوس : والله يا عمي مقهور على حالي كتير ، ابي نسيني و نسي انو لازم اعمل عملية لإرجع شوف ، مركز على جواد وبس .
تامر : لا اوس ما تفكر صدقني ابوك مانو نسيانك بس شو يعمل اذا لهلأ ما لقى متبرع بالقرنية ؟؟
أوس : ايمتى رح نلاقي انا اشتقت شوف الدنيا ، متمني اعرف كيف صار شكلي و متمني شوف معهدي و طلابي .
تامر : الله كريم ابني انا متأكد رح يجي يوم و ترجع تشوف .
أوس : يااااااااا رب.
________________________________________
#بقلم_فتاة_من_ورق_بسمه_السباعي

*بعد الغدا دخلنا انا و ريما على غرفتنا .. كل وحدة قعدت على تختها و فردت كتبها ... كانت ريما مشغولة بمراجعة دراستها بس انا عم فكر بالاستاذ اوس و بموهبتو ....

رنيم : ريما .
ريما : نعم .
رنيم : عم فكر بشغلة .
ريما : شو ؟
رنيم : بما اني رح خلص دراستي بمعهد تصميم الازياء و اتخرج منو عم فكر سجل بمعهد موسيقا شو رأيك ؟
ريما : طالما حابة هالشي اعمليه ليش لا .
رنيم : يعني برأيك اذا قلت لابوكي و امك ما رح يعارضو ؟
ريما : طبعا لا حبيبتي .

أسمر : ريما .

ريما : تعال حبيبي ليش زعلان ؟
أسمر : انا بكره المدرسة .
ريما : هههههه ليش ؟
أسمر : صف الاول صعب صعب .
ريما : هههههه يا ويلي .
رنيم : اذا صف الاول صعب شو خليت لباقي الصفوف ؟
أسمر : بدي صير متل صف رنيم ارسم و لون بس .
ريما : ههههههه
رنيم : و اخيرا لقيت حدا يتمنى يصير متلي ، تعال حبيبي هي ورقة وهي الوان ارسم و لون لتشبع .
أسمر : اي هلأ رح ارسم رسمة حلوة كتير .
ريما : الله يقويك .

#بقلم_فتاة_من_ورق_بسمه_السباعي

*ضليت فكر بموضوع معهد الموسيقا...بالليل كنا سهرانين انا و اهلي...

رنيم : بابا .
سليم : عيونو .
رنيم : انا حابة سجل بمعهد موسيقا .
نهاد : تخرجي من معهد التصميم أول .
رنيم : ماعاد باقي شي لإتخرج و بصراحة عندي وقت فراغ كتير حابة اشغل حالي بالموسيقا .
سليم : متل ما بدك حبيبتي بكرا بسألك عن معهد موسيقا و بسجلك فيه .
رنيم : لا بابا رفيقتي عفاف مسجلة بمعهد قريب من معهد التصميم بدي سجل معها .
نهاد : اي قولي هيك من الاول .
سليم : معناها الشغلة غيرة .
رنيم : لا والله مو غيرة خلص انسو ما بدي سجل .
سليم : عم نمزح معك بابا طول ما انا عايش تدللي و طلبي ، روحي بكرا انتي و رفيقتك و سجلي فيه .
رنيم : الله يخليلي ياك وما يحرمني منك .
________________________________________
#بقلم_فتاة_من_ورق_بسمه_السباعي

*باليوم التاني .. رحنا انا و عفاف و سجلت بالمعهد....

رنيم : بقدر من اليوم بلش تدريب استاذ ؟
أوس : هههههه لا رنيم ما بتقدري ، انتي لسا بدك تاخدي المستوى الأول و هدول درسهن بيكون الساعة 9 الصبح بيناسبك ؟
رنيم : اي بيناسبني .
أوس : معناها تعالي بكرا لتاخدي اول درس .

*حسيت بفرحة كبيرة .. صرت كل يوم روح عالمعهد و كون اول وحدة بين زملائي جاهزة لإحضر الدرس .. بعترف اني معجبة بالاستاذ اكتر من اعجابي بالموسيقا ...
________________________________________
#بقلم_فتاة_من_ورق_بسمه_السباعي

*كنت طالعة من باب الكلية .. وناطرة رفيقتي تمارة لتجي ...

بسام : يعطيكي العافية آنسة ريما .
ريما ؛ الله يعافيك .
بسام : انا بسام طالب هندسة عمارة سنة خامسة ، يعني كم شهر و بتخرج .
ريما : مبروك سلفا ، بقدر اعرف كيف عرفت اسمي ؟
بسام : بصراحة ريما انا شفتك من اول ما دخلتي على الجامعة ، اعجبت فيكي و صرت لاحقك من بعيد لبعيد سألت عن اسمك و عمرك و ضليت لاحقك لحتى اجت هاللحظة يلي صار لازم اعترفلك فيها اني معجب فيكي و حابب اتقدملك .
ريما : كل الاحترام الك و لصراحتك بس بعتذر منك انا ما بدي اتزوج .

*كملت طريقي بدون ما التفت ورايي .. صحيح قدرت اتناسى شادي بس كانت فكرة الزواج رعب بالنسبة الي...

*وهيك مضى اسبوعين ونسيت موضوع بسام....
________________________________________
#بقلم_فتاة_من_ورق_بسمه_السباعي

أوس : رنيم .
رنيم : نعم استاذ .
أوس : انا ملاحظ انك كل يوم بتكوني اول وحدة بالصف بس بدي افهم ليش رفقاتك احسن منك بالعزف ؟
رنيم : يمكن .. يمكن
أوس : يمكن شو ؟
رنيم : يمكن لأنو انا استيعابي قليل .
أوس : هههههه مافي حدا استيعابو قليل ، في حدا جاي لانو بيحب يتعلم الموسيقا و حدا جاي ليتسلى و يروح ، اذا ضليتي هيك للاسبوع الجاي انل بعتذر منك مضطر اطردك .
رنيم : ليش ؟
أوس : لان