📚قصص||روايات||منوعة📚

#الحلقة_الثامنة 8

خبط بشكل قوي .. خفت وتركت يلي بإيدي وقرّبت من الصالة .. حكيت مين في هون؟ .. كان هدوء ومافي غير صوت المطر يلي برا والهوا القوي .. رجعت ?كمل ترتيب م?بسي وقلت اكيد سكّر من الهوا .. وبعد دقيقة سكّر باب تانية بقوة أكتر من يلي سمعتها بالباب ا?ول .. قلت مافي هوا بالبيت والبواب مسكّرة .. شو يلي بصير .. قربت مرة تانية للصالة وصرت أمشي بالبيت وأتطلع جوا الغرف بطرف وجهي .. وأنا ماشية وعم بتطلع في حد شد م?بسي من ورا .. لفيت راسي شفت تا? ..! كانت تا? ..! بس بشكل تاني .. عيونها جاحظة وشعرها واقف وأبشع من الشكل يلي كانت عليه .. فتحت تمها وشفت سنانها حادة ومدببة .. كأنه مو طفلة .. قلتلها شو جابك .. انتي طلعتي مع خالتي شو يلي رجعك .. حكتلي أنا مو تا? .. أنا البنت يلي ساكنة بهالبيت .. كان صوتها مختلف .. وقلبي صار يدق وصرت أمشي بسرعة لباب البيت ?طلع .. بس في شي سحبني لورا وصار يشدني غصب عني .. لفيت وجهي شفتها موجهة إيدها على راسي وبتحركني متل مابدها بأصبعها يلي بإيدها .. كانت بتتحكم فيه بدون ما أقرب منها وبتشدني من راسي ووجهي وبتوقعني على ا?رض حتى ما أهرب .. وأنا بصرّخ وبقلها اتركيني وهيه عم تضحك .. وفجأة قالتلي ليه حرمتيني منها .. أنا بدي أمي يلي أخدتيها مني .. حكيتلها أنا ما أخدتها منك .. انتي مابدك ياها .. حكت ?نها تركتني .. وعاشت معك .. حكيتلها رح أرجعلك ياها بس ? تأذيني .. قالتلي من اليوم مارح تشوفي النوم .. وحياتك رح تقلب لجحيم .. بدون ماتلمسني كنت عم أتحرك ? إرادياً من خ?ل أصبعها .. رفعتني للسقف ونزلتني ل?رض بلمح البصر لدرجة إنه نكسّر السرير من وقعتي .. حسيت بألم بظهري شلّني .. وماقدرت أتحرك بس تلفوني كان على ا?رض
.. وكنت شايفتها عم تقرّب مني وأنا مو عارفه أتحرك .. وفجأة سمعت صوت الباب بخبط .. وصوت بنادي عليه .. رزان .. وينك ..! ردي عليه .. الصوت علي والخبط أكتر .. حسيت الباب نكسر .. وأنا حاولت أقوم من وجعي ماعرفت .. شفت أيهم بالبيت مرة تانية .. وما في أي أثر لوجودها .. أختفت نهائياً .. شافني نصدم واستغرب من سريري المكسور وا?غراض المبعثرة بكل جهة .. قلي شو صاير؟ .. حكيتله أنا خايفة يلي صار مابتصوره عقل .. انت شو جابك .. حكالي ?زم نمشي من هون بسرعه .. في شخص اتصل معي وهددني بالقتل .. وقلي إنه مارح يتركك انتي كمان .. انتي مو ?زم تضلي لحالك .. سحبني من إيدي لنطلع من البيت بس ماقدرت .. وجع ظهري كان قوي وأنا ماكنت عارفه أمشي .. وفجأة سكّر باب البيت .. قام وتركني وراح يفتحه لنطلع سوا .. وأول ماقرّب منه في شي شدّه متلي لورا وبعدله إيده ووقعه على ا?رض .. وشفته بخبط راسه با?رض بدون وعي
يتبع ..

#أدرينالين_5 #أدرينالين
الحلقة الخامسة

صرخت بريم بصوت عالي وقلتلها ليه قلتي هيك!.. شو يلي بخليكي تتمني الزواج مني!.. قالتلي لأني رفضت كل يلي تقدمولي عشانك.. انت مابتعرف بس أنا ما كنت قادرة أحكيلك.. مارح أترك هالفرصة تروح مني.. لأنه مابعرف شو يلي ممكن يصير !.. قلتلها شو قصدك.. حكتلي مابعرف.. حكيتلها في شي أنا مابعرفه !.. قالت لأ.. بس هاد يلي لازم تعرفه.. حكيتلها مابدي ألعب.. قمت ضويت الضو وأعتذرت من الكل وقلتلهم اسف اللعبة مارح تكمل.. أنا ماتوقعت هالشي يصير.. صرخ بوجهي الياس زوج اختي وقال انت بليتنا هالبلوة وعيشتنا ليلة مرعبة عشان تعتذر منا.. وأشرف نفس الشي صار يصرّخ بوجهي ويقول أنا مارجعت من برا لحتى يصير هيك.. قلتلي انه سناء بتفكر فيني ولسه بتحبني وهيه قالتك هيك واللعبة رح ترجعنا لبعض وهلأ بتنسحب.. سناء قالت شوي في شي غلط.. أنا متى شفتك ومتى حكيتلك هالكلام.. أنا من وقت يلي تركنا بعض أنا وأشرف وماعدت فكرت فيه.. شغلت نفسي بشركة الأزياء للوقت يلي حكيت معي وقلتلي انه بدك يخطبك بس في لعبة رح ترجعنا لبعض بسهولة وأهلي يوافقو !.. انت كنت بتلعب فينا عشان تجيبنا لغرفتك لهون ونلعب هالشي.. كلهم صارو بدهم يروّحو من البيت.. وأنا صرت بترجاهم وبتوسللهم يضلو.. قلتلهم ريم رح تطلع من هون ورح أكمل آخر لعبة ليكملوا الألعاب الخمسة ورح أستبدلها بأي حد.. قالت ريم بمين قصدك !.. بوحدة من اخواتي.. حكيتلها رح أجيب روان.. اخت الصغيرة.. مارح تكون أقسى أحلامها إلا إنها تنجح بآخر سنة بمدرستها.. حكتلي حلمها إنها تتزوجك.. ومو بس روان واختي شيماء نفس الشي.. نحنا التلاتة بنحبك ولو جبتهم التلاتة لهون رح يحكو نفس الشي.. صدقني هاد السبب يلي منعني أحكي.. اخواتي.. بس هاي الفرصة الوحيدة لأقلك.. ماعندك خيار.. ولو خلصت الساعة يلي باقيه معنا قبل لتخلص آخر لعبة.. رح يخرب كل شي عليك.. أنا احترت ودخلت بدوامه بسبب كلامها.. وفجأة قلتلها رح أكملها معك.. طفيت الضو وقعدت معها على الأرض واللعبة جنبنا.. حطت إيدها على الحجر وصارت تحركه حسب الحروف.. كان المطلوب إنها تسأل اللعبة سؤال لتجاوبها بعد ماتقول أمنيتها.. سألتها رح تتحقق أمنيتي أو لأ.. ومن خلال تحركيها الحجر.. وقف على كلمة نعم.. انا صفنت فيها وغمضت عيوني قبل لأقول كلمه.. وفجأة صارت تتطلع لعند الحيط.. لفت راسها بطريقه غريبة وكأنها شايفه حد.. بقيت عم تلف وجهها لجهة اليمين ولورا كل القاعدين على ضو الشمعه.. قلتلها شو في ؟!.. ماجاوبتني.. وفجأة قالتلي شفت وجه ستي أم أمي.. خيالها كان عم يمشي.. وكانت عم تفتح تمها وكأنها بدها تقلي شي.. وأنا بتطلع للجهة يلي عم تتطلع عليها.. شفت ايدها عم تتحرك على اللوح لوحدها.. قلتلها ايدك عم تمشي لوحدها.. قالتلي شايفتها عم تتكلم.. قمت للمكان يلي قالت انها شايفه حد فيه وقلتلها وين.. حكتلي عاليمين لعند الستارة.. وقفت عند الستارة.. مديت أيدي يمين ويسار وأنا أأشرلها وين بالضبط.. حكتلي جنبك.. كلهم صفنو فيني.. وإيدها كانت بتتحرك كل ما تقول إنه جدتها عم تحكي حرف.. وكأنه الحروف يلي عم تقولهم بيترجمو على اللوح من خلال إيدها.. حرف الألف وبعدين حرف النون.. وبعده حرف التاء.. ويلي وراه حرف القاف.. وبترجع إيدها على حرف الألف وآخر شي بتلف على حرف الميم وبتوقف.. قلتلها شو قالت !.. حكتلي تركيب الكلمة صار.. إنتقام !.. استغربت وقلت اعطيني ياها من إيدك.. حطيت إيدي عليها وكان باقي نص ساعه لتخلص جلسة الألعاب كاملة.. كنت خايف ومتردد ومابعرف شو يلي رح أقرأه.. سألت اللعبة شو يلي رح يصير معي.. وبهاللحظة رجعت اتذكر لحظات من حياة جدي وجدتي قبل ليموتو.. مابعرف شو الرابط بإني أتذكرهم أول ما أبدا ألعب وأشوفهم بوضوح جوا دماغي.. حكتلي ريم شو يلي بصير معك وليه غمضت عيونك.. وفجأة فتحت عيوني وقلتلها أشخاص كانو قريبين مني وماتو.. عم بسترجع ذاكرتي وأشوفهم.. كأنهم عم بوصلولي رسالة متل ماشفتي خيال أم أمك.. قالتلي إنها لسه شايفيتها.. وخايفة كتير.. خصوصاً إنها توفّت مقتولة.. قلتلها كيف هالشي.. قالت قصة طويلة.. وقبل لتكمل كلامها إيدي كانت عم تتزحلق على اللوح الخشب وكأنها عم تحكي شي وتوصل كلام من الحروف.. ريم صارت تقرأ كل حرف.. لحد ما تجمّعت الحروف وشكّلت كلمة زواج.. وبعدين كلمة موت.. كلمتين مع بعض بوقت واحد.. زواج و موت.. سألت مين يلي رح أتزوجه ومين رح يموت.. ريم قالت أنها خايفه من اللعبة وماتوقعت تكون هاللعبة هيك.. صرت أسأل وإيدي ماتتحرك أبداً.. لحد ما خلص الوقت يلي اعطاني ياه الموقع للعب الخمس الألعاب ويلي كان خمس ساعات.. انتهى الوقت وساعتي رنّت.. طفيت الشمعه وولعت الإنارة كاملة وصرنا كلنا بحيرة.. ركضت بسرعه على جهاز الكمبيوتر وفتحت الموقع.

#أدرينالين_6 #أدرينالين
الحلقة السادسة

صابتني قشعريره..
وحسيت بإني تعبان لدرجة صار يتهيألي أشخاص معي بالغرفه ناس مابعرفهم قاعدين عم بتطلعو عليه وبس أفتح عيوني منيح بعرف أني نايم بس شبه صاحي.. لهيك عم بهلوس بردت وماكان حد بالبيت.. بابا طالع وامي لسه عند جارتنا فاطمه.. كان عليه سخونه وحاسس بإني على وشك أمرض بتطلع على جهاز الكمبيوتر ومو قادر أقرّب منه خايف منه خايف من قدري من الشي يلي مخبى.. وألف سؤال جوا راسي.. صدقت يلي صار معهم ولهيك صابتني هالكمية الكبيرة من القلق.. بإنه في شي مبهم أنا ما فهمته يمكن يكون أذيه لإلي.. واليوم عرفت ليش كلهم وافقو يجربو هالألعاب وصدقوا بسرعه بإنها ممكن تحقق أمنياتهم.. ماكان بدهم يشككو بعض بإنهم عاملين شي.. وبنفس الوقت يبعدو عن حالهم أي لحظة شك.. بس الموقع فضحهم.. ومابعرف لسه شو مخبيلي! كنت رح أقوم عن التخت بس ماقدرت التعب سيطر عليه.. لسمعت صوت أمي فتحت الباب وكان معها حدا.. دخلت عليه تنادي ولقت الباب مفتوح.. شافتني على التخت وجبيني كله عرق وباين إني تعبان ومو قادر أفتح عيوني.. خافت وصارت تسألني شو يلي صار.. ريم خايفه ومو قابله ترد على أمها وأنا جيت أسألك واتصلت مع ابوك وشوي وبيجي.. بس فهمني أبني.. بقيت تسألني لعرفت إني فعلاً مريض.. اتصلت مع جارتنا فاطمه وحكتلها خلي خديجه تيجي تشوف ايهاب.. تعبان كتير.. بهاللحظة غفيت.. صحيت كانت خديجه فوق راسي.. قالتلي اعطيتك ابره وانت غافي.. وحرارتك نزلت.. خير شو صرلك.. يمكن من البرد.. بحكو الجو السنة رح يكون قاسي.. بابا كان واقف عند امي وبسألها شو يلي صرله ومين كان هون وليش الغرفه هيك.. كانت غرفتي مقلوبه من بعد ماراحو.. وبهالوقت كان نص ليل.. قلت لأمي خليني مع خديجه شوي بدي أقلها شي.. طلعت مع بابا وضليت مع خديجه.. خبرتها بكل شي.. عن الموقع والألعاب وكل الأشخاص يلي كانو هون.. استغربت وقالتلي كيف بتعمل هيك.. انت مابتعرف انه في ألعاب فعلاً ممكن تكون حقيقه وخطيرة وتسببلك مشاكل.. ويلي بقلك إنه هيك أمور ممكن تحققلك شي بدك ياه بتكون غلطان.. حكيتلها اسمعيني وركزي.. الألعاب نلعبت خلص.. ويلي صار صار.. مافيني أتراجع وماتعودت أندم.. أنا حاسسني قلبي إنه من هالليلة رح تبدأ تظهر نتائج الألعاب.. أنا قرأت كل الشروط وكل التفاصيل.. أنا رح أحتاجك.. لازم تساعديني لأقدر أخلص من هالبلوة يلي بليت نفسي وغيري فيها.. حكتلي بشو.. قلتلها رح تقيسيلي الهرمون من خلال آله اشتريتها اليوم.. بس أنا مابعرف كيف بستخدموها.. انتي دكتورة ورح تعرفيلها اكيد.. طلعتها واعطيتها ياها وفهمتها انها رح تحسب مقدار الهرمون بدماغي ودماغ كل يلي اشتركو باللعبة.. وهاد شرط من شروط اللعبة.. أنا لازم أتفوق عليهم لحتى لين ترجعلي.. حكتلي انت صاحي؟.. متأكد ماعم تهلوس إيهاب!.. قلتلها أنا منيح ومركز معك.. انتي اعملي يلي بقلك عليه وبس.. وبدي تعرفي إنه ريم بنت أختك فاطمه دخلت معنا اللعبة.. وكانت امنيتها انها تتزوجني.. صفنت فيه واستغربت وبعد دقيقه دخلت امي.. قالت شو الموضوع السري يلي بتحكو فيه!.. قلتلها ولا شي كنت بستفيد من خبرتها.. في حال صرلي شي بالليل لأعرف اتصرف.. قالتلي امي وانا شو بعمل.. رح أنام عندك.. قلتلها لأ بنام لوحدي.. طلعت خديجه لأنه تأخر الوقت وصارت الساعه وحده ونص بعد نص ليل.. قلتلها في شال أزرق لفاطمه اختك هون.. نسيته من اسبوعين عندي.. طلعته واعطيتها ياه..

#أدرينالين_7 #أدرينالين
الحلقة السابعة

مديت إيدي لأدور على التلفون مره تانيه بنفس المكان يلي كان فيه قبل لأقوم أسكّره من الهوا القوي يلي طلع منه.. مالقيته.. والغرفه مع الدهان الأسود والستاير السوده كانت عبارة عن كحل أسود.. ويلي حاسه بهاللحظة أني سامع أصوات وبس.. الخزانه بتتحرك يمين وشمال بصوت مزعج خفيف وبطيء كتير.. والستاير عم ترفرف بقوة عالشباك.. قمت وتلمست الحيطان لوصلت لباب الخزانه.. سكرته وصرت بحرك رجليه لأشوف التلفون وين طار.. تأكدت إنه المخده يلي وقعت زاحته لشي مكان وأنا مابعرف لوين.. مشيت بالغرفه بدور وبس بدي أوصل للشباك.. وشباك غرفتي جنب السرير بالضبط.. وفوقه تماماً وبدون حمايه.. ونظامه كبير وواسع ليدخل منه الشمس والهوا بشكل أفضل لتهوية الغرفة.. قمت للتخت وشديت الستارة بإيدي لأوصل لإيد الشباك.. وقبل لأمسكها سمعت صوت الخزانه فتحت مرة تانيه بقوة أكبر من يلي قبلها.. بهاللحظة خفت وتوترت.. بس قلت الشباك عم بفتح من الهوا لأنه أصلاً حتى ملابسي كانت عم ترفرف بقوة من البرد يلي برا وكأنها عواصف مو بس هوا.. عدا إنه كهارب الحارة مطفيه بسبب تصليحات سنوية لإلها قبل الشتا وماكانت لسه كاملة وباينه إنارة بسيطة للشارع.. مديت إيدي لأسكّر الشباك.. فجأة شي سحبني لبرا.. متل المغناطيس.. شدني بقوة.. تمسّكت بالستارة بس كنت عم بنسحب لا إرادياً.. صرخت بصوت عالي.. وناديت على اهلي ليسمعوني.. بس ماكان حد سامع.. غرفتهم بعيدة عني وبيتنا بعيد عن بيوت الجيران.. وجايه غرفتي لناحية الشارع مش لناحية البيوت.. أنا فعلاً كنت بنشد لبرا من شي غير محسوس.. وبنرفع أكتر والتخت بنزاح من تحت رجلي.. الستارة نمزعت بإيدي وأنا بشدها وصفيت برا الشباك.. بطني على البلاطه الخارجيه.. يعني نص جسمي برا صار.. ورجليه بعاد عن التخت.. وجهي ماكنت قادر أرجعه لورا.. لأني ماكنت شايف شي غير آخر الشباك.. وجوا الغرفه عتمه.. وضو واحد بسيط من الأضوية من برا طالع على الشارع.. بقيت بصرخ.. وبصرخ.. لحد ماسمعت صوت امي ورا باب غرفتي بتحاول تفتحه.. وبتنادي إيهاب.. ليش مسكّر الباب.. افتح!.. افتح وتعال اسمع اختك شو بتقول.. تلفوني صار يرن.. والغرفه كلها ضوّت من ضوّه.. رفعت راسي وأنا نص جسمي برا.. وبشد بإيدي على البلاطه لقدرت أرجع خطوه وحده.. شفت خيال ضخم لواحد مالي الحيط يلي جنب الباب.. وشفت التخت صار عند الباب تماماً.. مسكّر على مدخل الباب.. وعيوني شايفه خيال كبير كأنه لإنسان ضخم وجهم.. وكان عم بتموّج متل منظر ضباب النار وقت تشتعل.. رفعت صوتي بأعلى قوة.. وصار صوت امي يعلى.. وأنا لسه عم بنشد لتحت.. نحنا بالطابق الخامس.. ولو وقعت من الشباك مارح أضل عايش أكيد.. وأنا بحاول اسحب نفسي لورا.. سمعت صوت التخت رجع ينزاح.. وأنا عحفة الموت.. بابا كان بكسر بإيد الباب بالشاكوش وسامع صراخ امي.. جرجرة التخت رجعت تقرّب كأنه في حد عم بجرّه بالغرفه.. وحسيت إنه رجع لنفس المكان يلي كان فيه.. بضربه قوية وسريعه.. شعرت فيها إنه الحيط يلي أنا عليه تشقق.. فتح الباب والتلفون رجع يرن.. شافوني أهلي معلق على الشباك وبمد إيدي.. ومابقيلي لأوقع منه إلا شوي.. قرب بابا وسحبني وامي ضلت تصرخ.. وقعت على الأرض جنب التخت وأخيراً وامي سكّرت الشباك وفتحت الضو.. شافت وجهي أزرق.. قالتلي وجهك أزرق يا ابني شو هاد يلي على جبينك!.. قلتلها شو في!.. قالتلي كأنه في حد ضاربك.. وجهك كله منفّخ.. قرّبت من المرايه وشفت وجهي.. كان نافخ وأزرق.. وتحت شفتي مشقق.. قلتلها سمعتك بتقولي تعال شوف اختك.. شو في!.. حكتلي اختك ايمان اتصلت معنا تلفون وقالت إنه إبنها الصغير براء بالمسشتفى.. حكيتلها شو صارله!.. قالت بتحكي خلصو عشا وراحو ينامو.. ابنها طلب يدخل على الحمام بنص الليل.. ماكانت قادره وهلكانه وقالتله روح لوحدك.. فتح باب الحمام وصار يصرخ ويقول في وحده ميته بالبانيو ومفتحه عيونها وبترمش وبتتطلع عليه.. والحمام كان فاضي.. بس قال إنها نطقت وقالتله اسمها سونيا.. واهلك جابوني ومابعرف شو.. والولد اغمى عليه.. ولما صحيت تتفقده كان واقع على الأرض صحوه وقال هالكلام وضل يهذي ويحكي عنها قالتلي خبّري ايهاب إنه يلي عمله معنا مارح يمر على خير أنت شو عاملهم يا ابني فهمني! قلتلها مافي شي أنا لازم أطلع على المستشفى عندهم قالتلي لوين وانت بهالحالة وجهك منفّخ شوف حالتك والساعه تلات الفجر انت مو قادر تمشي.. شو يلي عمل فيك هيك وشو يلي سحبك لبرا الشباك! بابا حس انه في شي غلط قال شو عملت الي

#أدرينالين_9 #أدرينالين
الحلقة التاسعة
خربطتني وخوفتني.. معقول اللعبة هيه يلي عملت هيك.. كل الأحداث المخيفه يلي صارت مبارح مع الكل ممكن تكون صابها شي ونحنا مابنعرف.. شافتني وأنا أصلاً مو موجود وتوهملها يلي صار بس يلي عمل فيها هيك شي تاني.. يلي صابني مبارح بخليني أشك إنها مو واعيه !.. قلتلها لا تنسي أنا ليه عملت هاللعبة.. عملتها لحتى لين ترجعلي.. نحنا رح نطلق أول ماترجعلي.. فاهمه!.. حكتلي انا صح حبيتك بس ماتوقعت تعمل معي هيك لتستغل حبي إلك.. وماكان بدي أصير متل عمتي خديجه وأنا لسه بستناك وما اتزوج!.. قلتلها انا صدقتك بس اوعديني انه رح تتركيني وقت ماترجع لين.. تطلعت فيه وفتحت الباب وطلعت من الغرفه.. اتصلت مع خديجه وقلتلها تعي بسرعه.. أجت للبيت وكان معها روان.. وبابا طلع غضبان لعند صاحبه وامي راحت تهدّي فاطمه بسبب يلي صار.. قلتلها يلي عم بصير بخوّف كتير.. صدقيني انا ماعملت شي مع بنت اختك.. اللعبة يلي لعبناها عملتلنا بلاوي مبارح بالليل ومو بس أنا.. الكل.. فيمكن ريم صابها يلي صابنا.. قالتلي أنا كنت صاحيه الساعه تلات الفجر.. نمت ساعتين من بعد ماطلعت من عندكم وصحيت أدقق رسالة الدكتوراه.. شفتها طالعه من البيت وكان باين منظرها غريب ومخيف.. ناديتها ماردت وخفت أحكي لأختي تفكر في شي وتخاف..بس البيت مبارح بالليل كان بديّق الخلق ومابعرف كيف.. وفكرتها نزلت عالمزرعه تحت البيت تشم هوا.. بس رجعت وجهها كان مضروب ومنفّخ وشكلها شايفه شي راعبها.. قلتلها متل ماتوقعت.. عكل حال أنا حكيت مع الكل ورح يجو بعد شوي.. رح تقيسي الهرمونات وتعرفي مين يلي عاش اكتر ليلة مرعبه!.. ومن بعد ما اقنعت الكل يجي على البيت.. ساعه ونص وكانو موجودين بالصالة.. قلتلهم لين حكت معي.. وأنا تزوجت ريم.. مو هدول الشغلتين كانو من ضمن الأمنيات.. اليوم تحققو !.. يعني يلي تمنيتوه رح يتحقق صدقوني.. أشرف قال مابدي شي غير إنه طلعني من هاللعبة.. رجعلي حياتي متل الأول.. أنا مانمت بسببك.. طول الليل وأنا عم بتهيأ شخص بوجه بلا جسم عم بلحقني وموجود بالغرفه.. أنا مانمت.. شوف عيوني.. قالت سناء وأنا من بعد ماعرفت حقيقتك انك حرامي وبتمد إيدك على الحرام مش ممكن أتزوجك.. ماتحلم إنه امنيتك تتحقق.. انا بدي ترجع حياتي متل الأول.. هلأ رجعها.. أنا تهيألي نفس يلي شافه.. شفت وجه الشخص يلي شفناه ونحنا عم نمشي بالبيت بالشمع وكان بلا جسم.. شفته ورا ستارة الغرفه وطلع من وراها من بعد ما شغلت شمعه صغيرة.. كان متل الشبح.. بمشي وبتموّج بسرعه قوية.. ولمّا قرّب مني.. عيوني ماعدت شفت فيهم وحسيته رح يأذيني.. تعبت كتير ومارح أغفرلك لو مارجعت حياتي متل الأول.. قالت ريم.. روح ستي أم أمي مافارقتني طول الليل.. وكنت بشوفها بتمشي بالمزرعه من بعد مانزلت من البيت الفجر وسمعت صوت.. ويلي عملته فيه كان أقسى من ما أشوف وحدة ميته ظهرت روحها للحياة من جديد.. قتلهم بكفي تلوموني.. بكفي بترجاكم.. ماحد عرف شو صار معي.. ولا عارفين إني كنت رح أموت.. طلبت من خديجه تقيس الهرمون لنخلص من القلق يلي عايشينه.. كلهم مدو ايدهم وبلشت توخد عينات من دمهم.. وتفصحها من خلال الجهاز.. وتسجل.. ونحنا بنترقب.. قالت الأرقام صارت واضحه حسب الأسماء.. أكبر رقم إلك إيهاب.. وبعده ريم.. وبعده سناء.. ويلي وراه فاضل وحور.. أشرف.. الاء وعمر.. واخر شي ايمان والياس.. قالتلي خديجه الظاهر باقي الأدرينالين عندك قوي مبارح.. شو يلي صار معك؟.. قلت شي صعب كتير ولهيك الأمنية يلي طلبتها بسرعه صارت وريم نفس الشي!.. تغيرت ملامح الكل وبهاللحظة صارو مصدقين بإنه أمنياتهم رح تتحقق بالترتيب أو حسب قوة الليلة المرعبه.. حسيتهم انبسطو ونقلب مزاجهم !.. شو يلي صارلهم.. تشجعو لحتى تيجي الليلة التانيه ليعشو الرعب مرة تانية وهمه مبسوطين ومو سائلين!.. إتفقت معهم على إتفاق.. بإنه الكل يسهر اليوم لحتى كل واحد فينا يعرف الشي يلي رح يصير مع التاني..ونتواصل عن طريق التلفونات وتطبيقات المنسجر.. ونحاول نصوّر الأحداث لبعض وقت تبلش تصير.. وأنا لسه بتكلم معهم رن تلفوني.. شفت رقم لين!.. سألوني ليه صافن هيك ومين برنلك؟.. رديت.. وسمعت صوتها عم تقلي إنها بدها تشوفني.. سألتها شو في.. طوّلت لجاوبت.. بس قالتلي أنا وخطيبي تركنا بعض..

#في_علم_الغيب_قصص
#في_علم_الغيب_5 #في_علم_الغيب
الحلقة الخامسة
Telegram:@rwayate
الجنون وصل حدّه.. وكان لازم أعمل كمان جلسة طاقة ريكي لأفتح بصيرتي أكثر وأحلم أكثر!.. كان بدي أشوف خنساء!.. بدي أشوف البنت يلي أسرتني وتملكتني وبدي أعرف حياتي لوين رح توصل.. طلعت من الجامعة وقفلت تلفوني.. رجعت على البيت وقلت لعزة بدي رقم تسنيم.. حكت شو بدك فيه قتيبة؟.. قلتلها لازم تساعدني بشغلة.. قالت ما بعطيك ياه إلا لتحكيلي شو لسه بدك منها للبنت!.. قلتلها ما تخافي ما رح أقلها شي عن مستقبلها وكيف رح تموت!.. لأنه الحكي بوضع البلد رح ينفيني وينهيني.. أنا انخرست بس أخوكي مهدد بالقتل.. يمكن انكشفت أني منضم لحزب سياسي!.. خافت وقالت لأ مستحيل قتيبة ارجوك.. حكيتلها اعطيني الرقم.. قالت وين بدك تشوفها.. البنت من عيلة محافظة يعني حتى موهبة العزف عملت المستحيل لحتى أبوها وافق تمارسها.. لا تورطها بشي!.. اعطتني الرقم وحكيت معها.. قالتلي صعب أشوفك برا.. فيني اجي على بيتكم؟.. الحكي كان خطير أنا كيف رح أتفاهم معها.. بس ما كان قدامي غير هالسبيل.. وصلت البيت.. ودخلتها على غرفتي وسكّرت الباب بالمفتاح.. حكتلي قتيبة شو بتعمل رح تفضحني!.. أمك شو رح تحكي!؟.. قلتلها أبوس رجليكي أوقفي معي.. بترجاكي!.. حكت انت شو صرلك؟.. قلتلها أنا بحلم أحلام بتتحقق.. شفت بنت رح أشوفها بالمستقبل.. شفت حبيبتي يلي طول عمري بحلم فيها.. شفت الأنثى يلي من الخيال.. وبدي تساعديني أوصللها.. أنا حلمت فيكي من قبل لأشوفك.. فجأة سمعت صوت طبل على الباب.. عزة بتقول قتيبة لا تحكي شي!.. قتيبة!!.. قلتلها تسنيم بلدنا رايحة للهاوية.. كل شي رح يخرب.. قالت شو يعني؟!.. حكيتلها حرب أهلية رح تقتل كل شي حلو.. وانتي.. زاد الطبل على الباب.. قتيبة لا تحكي.. قتيبة لا تدمر البنت!.. تسنيم خافت وحكت افتح الباب وطلعني أنا مو فاهمة شي ومو حلو وضعنا هيك!.. قلتلها انتي رح تموتي.. وتحت القصف.. وبيتك رح يوقع فوق راسك!.. حكتلي مجنون.. قلتلها تعودت على هالكلمة.. المطلوب بكرا تيجي معي على الجامعة وتحكي إنه دانيا كانت منضمة لحزب تغيير سرّي.. وانها كانت تحت تهديد البنت يلي بشوفها بمنامي.. خنساء.. اوصفيها بأوصاف غريبة حتى إذا شفتها ما نأذيها ولا نأذي غيرها.. مطلوب منك بتحكي هالكلام وصدقيني كل شي رح يخلص.. أنا ما فيني أبحث بجامعة فيها أكتر من خمسين ألف طالبة عن كل يلي إسمهم خنساء إلا بهالطريقة.. قالتلي واذا ما كانت بالجامعة؟ وقتها رح تهتم إنك ورطتني ووسخت سمعة بنت صارت بقبرها؟.. قالت أنا فيني أساعدك.. قلتلها أنا رح أختصر عليكي أحداث حياتك.. وأحكيلك شو رح يصير معك.. لو حطيتك براسي رح أحلم فيكي وأقلك حياتك لوين رح توصل.. حتى ما تغلطي.. بالرغم ما بعرف اذا هالشي ممكن إنه الواحد يغيّر قدره.. بس ما بعرف!.. انا يلي خايف منه يصيرلي شي وما أقدر أشوف خنساء.. بترجاكي تسنيم!.. عزة عصّبت وصارت تضرب الباب.. قتيبة افتح!.. كنت شايف تسنيم مصدومة وبهاللحظة سمعت صوت ريان.. بقول شو في؟!.. حكتله ريان شو جابك من هلأ؟!.. قلها في وراق للجامعة نسيتهم هون وجيت اخدهم.. واخدت مغادرة.. ليه عم تطبّلي على باب قتيبة شو بصير جوا.. فتحت الباب وطلعت تسنيم بتبكي.. وقفها ريان وقلها شو عملك وشو بده منك؟!.. قتيبة شو عملتلها ؟!!.. حكت اخوك لازمه طبيب نفسي.. مستحيل يلي حكاه.. قلتلها لو بكرا على الساعة عشرة ما كنتي معي بالجامعة.. أنا رح أورطك مع الشرطة.. ريان كان مصدوم وطلب يعرف الموضوع.. عزة أخدت تسنيم وطلعو برا البيت وأنا سكّرت الباب وتركت ريان لوحده بالصالة بإستغرابه.. وكنت مستغل الوقت لأنه بابا وامي بزيارة لصديق لإله بس ما توقعت ريان يرجع بكير ويشوف يلي شافه!.. طلعت من البيت ورجعت على مركز علاج الطاقة.. هند حسّت إني تحسّنت وقالتي حاسيتك أفضل.. قلتلها يمكن صرت أقوى.. أنا جاهز للجلسة الثانية.. بعد ساعة ونص تماماً.. فتّحت عيوني.. حكتلي وضعك ما كان طبيعي أبداً.. انت شو كنت عم تشوف؟!.. قلتلها رح أحاسب وأغادر وإذا قررت أرجع رح تشوفيني.. شفتها قفلت الباب وحكتلي ما في طلعة!.. صفنت فيها وحكيتلها ليه بتقفلي الباب!.. إفتحيه وطلعيني.. قالت سمعتك عم تحكي كلام خطير.. وبصراحة أنا خايفة عليك.. انت شو عرّفك بهالأمور يلي كنت ترددهم.. قلتلها يعني سمعتي؟.. حكت سمعت وما بدي تطلع من هون وتأذي نفسك.. قلتلها ليه خايفة عليّه.. إنتي إنسانة فضولية.. قالت لازم تروح لدكتور نفسي.. أنا رح أساعدك أنا بعرف كتير دكاترة.. بس هالكلام مو لازم يطلع منك.. حاولت أخد منها المفتاح ما قبلت وفجأة بوجهي حكتلي أنا بحبك!.. صفنت فيها وما عرفت شو أحكي.. حكت من أول لحظة شفتك فيها شفت الإنسان يلي طول عمري بتخيّله يكون زوجي!.. أنا مستعدة أعمل أي شي لتقبل فيني وأكون معك.. مشاعرك وبكاك حرق روحي.. بدي أشفيك من أوهامك ومن يلي تركتك وخلّتك تحس إنه العالم الجاي بحياتك كله خراب!.. قلتلها أنا ما حد تركني وما حد وجّعني..

#الأصبع_السادس_قصص
#الأصبع_السادس_5 #الأصبع_السادس
الحلقة الخامسة
Telegram:@rwayate
قلتلها انتي شفتي بنت بالبيت.. حبيبتي مافي حد هون.. حكتلي بدي أخبيلها هاللعبة.. هلأ بتيجي تلعب.. قلتلها كيف شكلها البنت.. قالت بتشبهني وشعرها متل شعري.. بس ما الها اصبع سادس بإيدها اليسار متل أصبعي.. خفت كتير من كلامها وصرت أتطلع على الغرفة وعالممرات.. خالتي رميزة صارت تطفي بالإنارة لننام وطفت كل البيت.. بهاللحظة قشعر بدني وماعرفت أتصرف.. معقول !.. كل خيالات خالتي صحيحة!.. خالتي مو مجنونه!.. عم تشوف بنت بالبيت وفي روح بنت علقانه البيت فعلاً.. قلتلها حبيبتي بركي انتي توهمتي.. وشفتي شي مو صح.. قالت لأ لأ.. بالعلامة اعطتني شي اعطيكي ياه.. قلتلها شو هوه؟.. حكتلي استني.. دخلت لجوا وهيه مو خايفة من العتمه ولا البيت.. وانا واقفة مكاني وبتطلع.. كان بإيدها شي.. ورقة!.. اعطتني ياها.. وقالتلي خدي.. ماكانت ورقة.. كانت الصورة يلي مزعتها !.. يلي رميتها من الشباك وقطعتها شقف.. مجمّعة وملزقة منيح.. وطرف وجه بابا ووجه ماما يلي طيّره الهوا ودخل البيت موجود بالصورة!.. يعني البنت كانت معنا !.. مسكتها وإيدي صارت ترجف.. قلتلها متى اعطتك ياها.. حكتلي لمّا تركتك قاعدة مع خالتو الكبيرة يلي جوا ورحت دخلت جوا.. نادتني وقالتلي اعطيكي ياها.. حكيتلها نامي.. تطلعت على الصالة.. ظلمه.. وأنا برجف.. مسكت تلفوني ورنيت لأيهم.. قلتله أيهم.. في شي مو طبيعي عم بصير.. قلي شو.. قلتله الصورة يلي مزعتها كاملة بإيدي وملزقة من جديد بشقفها يلي طارت ولحقناها اليوم.. حكالي كيف هيك!.. فهمته على كل شي.. قلي رزان ديري بالك على حالك.. انا خايف عليكي.. تعرفي إنه الفيلم يلي شفته في أحداث بتشبه يلي عم بصير كمان.. أنا مصدوم.. قلتله كيف !.. قلي قلتلك بنت البطل بتطلع حقيقة.. وبشوفها وبتظهر آخر شي.. بس هوه بموت.. ونهاية الفيلم مأساوية.. أنا خايف عليكي.. حكيتله أنا خايفة كتير.. أنا هلأ مو عارفه كيف بدي أنام.. بقيت بحكي معه وأخدني الحكي وهوه بطمنّي.. لفيت راسي مالقيت تالا.. حكيتله تالا طلعت.. مالمحتها.. حكالي خليكي عم تراقبيها.. اذا فعلاً هيه شافتها يبقى صارو تنين يلي بشوفوها.. خالتك وهالبنت.. وإذا هيه عم تهرب من خالتك ومابدها تشوفها.. ففرصة تعرفي شو بدها وليه ساكنة البيت من تالا.. لأنه الظاهر حبتها !!.. سكّرت الخط.. كنت متشتته.. ناديت بصوت واطي.. تالا وينك؟.. صرت بخاف من البيت.. دخلت للصالة شفت ضو المطبخ ضاوي.. قربت منه.. مديت عيني لعندها شفت تالا فاتحة التلاجة وحاطه أكل.. وكاستين عصير.. قلتلها متى طلعتي ماشفتك.. قالتلي من بعد مادخلت للغرفة صاحبتي وقالتلي جوعانه.. قلتلها انتي شايفيتها هلأ.. حكتلي لأ رايحة تنام.. قلتلها وين دخلت.. حكت لجوا.. اخدت تالا من أيدها بسرعه ودخلت معها لجوا.. قلتلها شوفيها وين موجودة.. حكتلي مارح أحكيلك.. قلتلها ليه.. قالتلي وعدتني ما اقلك شي.. بس بدي أقلك.. انه هيه مابتحبك.. دخلت غسلتلها أيدها وماحكيت ولا شي.. بقيت طول الليلة خايفة وبرجف.. نيّمتها عالتخت وصرت بتطلع على الباب.. بأي لحظة بيجيني شعور أشوف بنت داخلة عالغرفة.. أو تكون جنبي فجأة.. حتى شعرت بالخوف من تالا وهيه نايمة.. وبقي كلامها براسي عم بنعاد.. البنت مابتحبك.. البنت مابتحبك.. لغاية ماغفيت.. كنت من تعبي حاسه نفسي شبه صاحية بس فعلياً عيوني مغمضة ونايمه.. حسيت بإيد عم تنمد لرقبتي وتشد عليه.. شعور خفيف بس بشتد بقوة لصار يخنقني.. حاولت أقوم ماعرفت.. أحرك رجليه أو أديه ماعرفت.. أو أصرخ ماقدرت.. حسيت إني مشلولة تماماً.. ومسلمه نفسي للشخص يلي بقتلني.. ولمّا أشتد الوجع عليه قدرت أصرخ بصوت عالي لصحيت.. لقيت الضو مضوي وتالا واقفة عند الباب وهوه مفتوح.. وأغراض غرفتي كلهم مبعثرين.. الملابس والاكسسوارات وكل شي بجهه.. قلتلها شو بصير.. شو هاد ليه غرفتي هيك.. قالت هيه مادخلني.. قالت رح تيجي تقتلك.. صرخت بصوت عالي ورحت لخالتي.. فتحت باب غرفتها مالقيتها.. حكيت لتالا وين المره يلي جوا.. قالتلي مابعرف بس في شي قالتلي ياه البنت.. حكتلي صحتني وطلبت مني أروح أحكيلها شي قبل شوي.. قلتلها شو قالتلك!.. حكتلي أروح أقلها إنه بنتها كبرت.. وهيه موجودة بالدار يلي كنت أنا فيها.. وصار عمرها خمسة وعشرين سنة.. قلتلها يعني خالتي طلعت من البيت.. هيه مابتعرف الدار يلي رحت عليها.. قالتلي لا تخافي أنا قلتلها وين بالزبط.. توترت ورنيت بسرعه لأيهم.. ماكان برد عليه.. وفجأة باب غرفتي تسكّر لحاله.. لفيت مالقيت تالا.. قلت لأيهم تعال بسرعه أنا خايفه وبرجف.. خالتي طلعت على الدار الحقني بسرعه.. كان باب غرفتي مسكّر وأنا شايفة في حد جوا بتحرك.. باين من بلور الباب.. بس بشكل مو واضح ومتموّج.. قربت اذني ناحية الباب.. صرت بسمع صوت تالا عم تحكي.. وبهمس وبصوت واطي.. وصوت خزانتي بفتح.. مديت إيدي على الباب وتشجعت وفتحته..

#الأصبع_السادس_قصص
#الأصبع_السادس_7 #الأصبع_السادس
الحلقة السابعة
Telegram:@rwayate
سكّرت اللابتوب وقلتله أيهم أنا تعبانه.. حكالي خالتك بخطر.. كل شي شفناه بالفيلم صار معكم لهلأ.. يمكن في تفاصيل كانت مختلفة بس يلي صار أغلبه متطابق.. أنا برأيي الأفضل نلحق خالتك لأنه مابنعرف شو ممكن يصير معها هناك.. وجود تالا والحلم يلي قلتي عنه يمكن يكون صار لسبب معيّن.. قلتله بكرا رح نلحقها بس هلأ أنا تعبانه كتير.. بدي أرتاح.. قلي ديري بالك على حالك ولو بدك شي رنيلي.. طلع وكان الجو شتا كتير وعواصف برا بالشارع.. لبس منيح وودعني وطلّع.. كنت خايفة من منظر البيت ومنظر تختي بالذات.. ملابسي لسه على الأرض وكلام تالا لسه ببالي.. البيت فاضي ومو حاسه إني بخير.. نفسيتي سيئة ومابعرف شو مستنيني.. قلت مارح أستسلم لهالوضع.. نفرض عليه بس أنا لازم أعرف شو آخرة هالقصة يلي القدر حطني فيها غصب عني.. تحوّل الألم يلي جواتي لأمل من بعد ما ضليت أفكر بيني وبين نفسي ساعة بالغرفة.. قمت وصرت أرتب بالغرفة وأحط الملابس بالخزانة.. وفجأة سمعت صوت باب سكّر فجأة جوا.. خبط بشكل قوي.. خفت وتركت يلي بإيدي وقرّبت من الصالة.. حكيت مين في هون؟.. كان هدوء ومافي غير صوت المطر يلي برا والهوا القوي.. رجعت لأكمل ترتيب ملابسي وقلت اكيد سكّر من الهوا.. وبعد دقيقة سكّر باب تانية بقوة أكتر من يلي سمعتها بالباب الأول.. قلت مافي هوا بالبيت والبواب مسكّرة.. شو يلي بصير.. قربت مرة تانية للصالة وصرت أمشي بالبيت وأتطلع جوا الغرف بطرف وجهي.. وأنا ماشية وعم بتطلع في حد شد ملابسي من ورا.. لفيت راسي شفت تالا !.. كانت تالا!.. بس بشكل تاني.. عيونها جاحظة وشعرها واقف وأبشع من الشكل يلي كانت عليه.. فتحت تمها وشفت سنانها حادة ومدببة.. كأنه مو طفلة.. قلتلها شو جابك.. انتي طلعتي مع خالتي شو يلي رجعك.. حكتلي أنا مو تالا.. أنا البنت يلي ساكنة بهالبيت.. كان صوتها مختلف.. وقلبي صار يدق وصرت أمشي بسرعة لباب البيت لأطلع.. بس في شي سحبني لورا وصار يشدني غصب عني.. لفيت وجهي شفتها موجهة إيدها على راسي وبتحركني متل مابدها بأصبعها يلي بإيدها.. كانت بتتحكم فيه بدون ما أقرب منها وبتشدني من راسي ووجهي وبتوقعني على الأرض حتى ما أهرب.. وأنا بصرّخ وبقلها اتركيني وهيه عم تضحك.. وفجأة قالتلي ليه حرمتيني منها.. أنا بدي أمي يلي أخدتيها مني.. حكيتلها أنا ما أخدتها منك.. انتي مابدك ياها.. حكت لأنها تركتني.. وعاشت معك.. حكيتلها رح أرجعلك ياها بس لا تأذيني.. قالتلي من اليوم مارح تشوفي النوم.. وحياتك رح تقلب لجحيم.. بدون ماتلمسني كنت عم أتحرك لا إرادياً من خلال أصبعها.. رفعتني للسقف ونزلتني للأرض بلمح البصر لدرجة إنه نكسّر السرير من وقعتي.. حسيت بألم بظهري شلّني.. وماقدرت أتحرك بس تلفوني كان على الأرض.. وكنت شايفتها عم تقرّب مني وأنا مو عارفه أتحرك.. وفجأة سمعت صوت الباب بخبط.. وصوت بنادي عليه.. رزان.. وينك!.. ردي عليه.. الصوت علي والخبط أكتر.. حسيت الباب نكسر.. وأنا حاولت أقوم من وجعي ماعرفت.. شفت أيهم بالبيت مرة تانية.. وما في أي أثر لوجودها.. أختفت نهائياً.. شافني نصدم واستغرب من سريري المكسور والأغراض المبعثرة بكل جهة.. قلي شو صاير؟.. حكيتله أنا خايفة يلي صار مابتصوره عقل.. انت شو جابك.. حكالي لازم نمشي من هون بسرعه.. في شخص اتصل معي وهددني بالقتل.. وقلي إنه مارح يتركك انتي كمان.. انتي مو لازم تضلي لحالك.. سحبني من إيدي لنطلع من البيت بس ماقدرت.. وجع ظهري كان قوي وأنا ماكنت عارفه أمشي.. وفجأة سكّر باب البيت.. قام وتركني وراح يفتحه لنطلع سوا.. وأول ماقرّب منه في شي شدّه متلي لورا وبعدله إيده ووقعه على الأرض.. وشفته بخبط راسه بالأرض بدون وعي.. تحملت ألمي وقمت بسرعه وحاولت أقرّب منه.. لمحت تالا واقفة جنب الحيط وعم تتطلع عليه وفجأة بتدخل لجوا وبتختفي.. بسمع صوتها عم بتغني وكل شي بصير بالبيت يهتز وبوقع على الأرض.. أيهم شادد إيده على وجهه وبتألم وأنا بتوجع من ظهري.. وبقلي مافي وقت لازم نطلع من البيت.. صرت أصرّخ بصوت عالي أتركينا.. أنا بكرهك بس صدى صوتي كان برجعلي وكأنها عم تمنعني أنا وياه لنطلع من البيت.. وفجاة بسمع صوت حركة برا البيت عند المدخل الخارجي.. أيهم قام وقلي ماتطلعي ولا صوت.. تطلع من عين الباب وشاف شخص مشي بسرعه وماقدر يلمحه من شدة المطر.. حكالي في حد برا البيت.. نحنا مو لازم نطلع.. بس وجود هالبنت ماكان تاركنا نبقى أكتر بالبيت وألمنا وتحكمها فينا مانعنا.. قلي مين يلي بعمل هيك رزان!.. حكيتله البنت يلي بالبيت.. يلي بتشوفها خالتي موجودة هون وطلع كل شي صحيح صدقني.. بس أنا شفتها بتالا.. تالا يلي بالبيت.. وهيه يلي عم تأذينا وتحركنا بأصبعها.. قلي كيف هيك وتالا راحت معهم!.. حكيتله هددتني قبل لتتطلع وهاد كان تهديدها.. خيال الشخص يلي برا ضل عم يوترنا.. وصرنا نشوف حركته السريعة من ورا الشبابيك..

#أسير_خيالي_قصص

#أسير_خيالي_11 #أسير_خيالي

الحلقة الحادية عشر

إنصدمت وقلتلها ما توقعتك تكوني بهالنذالة.. هلأ عرفت ليه كنتي مختفية.. إتفقتي معه!.. بشو أغراكي بالمال ولا بالزواج؟!.. فهميني!.. قالت بعدين بتعرفي.. قال نضال سلام رح تيجي وتعيش عندكم والليلة إنتي بترجعي.. قلتله شو عم تخطط وشو بدك تعمل إنت وهيّه؟!.. كل هاد لأني ما قبلت فيك.. قال عشان روح عمّك ترتاح.. إذا بدك أحمي آسر المسجون وأطلعه لتشوفيه الليلة بترجعي لغرفتك.. كان بضحك وكنت عارفة انه كذاب وعم يخطط لينتقم مني بس ما كنت عارفة كيف قدر يعرف.. طلع من المقهى وضلت سلام قاعدة.. قلتلها كيف عرفتو!.. كيف عرف كل شي!.. قالت بتتذكري اليوم يلي خبرتيني فيه إنه آسر بحرس البيت وأنا نزلت أركض للحديقة!.. قلتلها بتذكر ومن هاليوم إختفيتي وما عدت شفتك.. قالت فعلاً كان في شخص برا.. وكان بعرف إني موجودة عندك وعم نحكي عنه.. وقلي إذا ما بقرب من نضال رح يقتلني.. وإنه بعرف سر عن عيلتكم ورح يفضحه عن قريب.. قلي إنه نضال بالمستشفى ولازم أروحله بكرا.. ووقتها كان رواد بالشارع وبس دخل للبيت إختفى هالشخص ورا شجرة البلوط بالعتمة وقتها دخلت مرتبكة وأمك سألتني شو في!.. قلتلها ياقوت عم تتوهم وتقريباً عم تشوف رواد حالياً إنه آسر.. وأمك قالت لأبوكي.. بس أنا كنت خايفة لأنه صرت بحس هالشخص قريب مني بكل مكان ورح يقتلني.. وقررت أروح عالمستشفى.. كان وضع نضال صعب.. وواضح إنه متعرض لضرب قوي.. حكيتله عن يلي صار ومن وقتها إتفقنا عليكي.. لا أنا بعرف مين هالشخص ولا هوه بعرف!.. كل يلي بنعرفه إنه آسر!.. بالإسم!.. قلتلها شو مصلحته؟!.. حكت ما بعرف.. الظاهر إنك ما عم تتوهمي وهالإنسان موجود.. بس شو غايته منك ومنا كلنا ما بنعرف.. نضال يلي عمله طبيعي.. أي شخص بمكانه بعمل هيك.. لأنه إنأذى منك ومن شخص إنتي بتعرفيه.. وأنا مهددة وحياتي أغلى منك ياقوت!.. فلا تلوميني ولا تلوميه.. لومي نفسك.. إنتي مين بتعرفي!.. مشيت من صالة المقهى وكنت ضايعة ودخلت لغرفة وئام وقلتلها كل شي.. حكت هددني بالسلاح وقلي ما أطلع من الغرفة وخفت عليكي يا أمي!!.. قلتلها ساعديني.. أنا ضعت كتير.. مو عارفة هالشخص عم يحميني ولا عم يزيد الوجع والقهر عليّه أكتر.. شو بده مني!.. قالت نضال عم يهددك والظاهر فيه يعمل كل شي!.. الليلة إرجعي على البيت.. وأنا ما رح أتركك ويمكن أجي لعندك وأبقى معك بالغرفة.. ووقتها رح نعمل كل يلي بدك ياه.. قلتلك ما عندي شي أخسره من بعد بنتي!.. بس أهم شي إنتي ما تخافي!.. قلتلها عن الكلام يلي قاله بسام.. حكيتلها معقول هالشخص من عيلتنا.. وممكن يكون آسر فعلاً من عيلتنا وأنا عم بتخاطر مع شخص بعرفنا كويّس!.. إذا بعرف جدتي والقصة القديمة يبقى بعرف كل شي عنا.. وأنا سمعته بقول كلمات جدتك والحديقة!.. يبقى كلام بسام يلي قاله اليوم صحيح!.. إنطرق الباب.. كان بسام.. قلتله إنت لسه برا؟!.. حكا شفت نضال طالع وما حبيت أواجهه!.. فكرته أذاكي!.. حكيتله رح أرجع على البيت الليلة.. وإذا حابب تبقى إبقى.. بس أنا ما دخلني بأي شي ممكن يعمله نضال لإلك!.. قال قلتلك ما بحب أخسر شي!.. حكيتله وأنا قلتلك إني مو صفقة.. وصعب تتملكني متل أي شي بتحبه وبتتملكه!.. قلي وأنا ما رح أجبرك.. إذا ما رغبتي من نفسك بالزواج مني ما رح أجبرك.. بالنهاية أنا مو نضال.. حكيتله ممكن أسألك سؤال وتجاوبني بصراحة!.. قلي تفضلي.. قلتله إنت ليش حبيتني؟!.. شفته إرتبك وإتطلع على وئام.. وبعدين قلي عجبتيني.. وعجبتيني من أول مرة شفتك فيها.. حكيتله كيف وضّح أكتر.. قال يعني كل شي فيكي متل ما كنت بحب وبتمنى!.. شعرك الأسود القصير وعيونك العسلية.. ولطيفة وحلوة وبريئة كتير وصوتك حلو وجذاب وفوق هاد شاعرة!.. قلتله بس هيك؟.. هاد يلي عجبك؟!.. قال بس!.. قلتله يبقى إنت ما حبيتني.. الحب أكبر من كلمة عجبتيني وعجبني شكلك!.. وأنا ما فيّه أتزوج واحد بس لأني عجبته وإستهواه منظري!.. قال بس عالأقل أنا حقيقي!.. حكيتله وآسر حقيقي ولهلأ مو مصدقة إنه ممكن يأذيني حتى لو كان مو موجود أو حتى لو كان فعلاً موجود!.. قالتله وئام.. إنت حبيت حدا صعب جداً.. بنت متمسكة بالخيال بشكل لا يوصف وعم تواجه النار لوحدها مع ناس ما برحمو.. نصيحة لا تضيع وقتك.. وخليه لأعمالك وصفقاتك الماليّة ويلي خسرته الأيام بتعوضك ياه.. قال ما تعودت أخسر.. وبتذكر مرة قلتلها إنه دائماً في أمل بالحياة ولازم نجرب ونجازف.. وأنا حابب هالمجازفة وبيكفي إنها وسط حرب.. يعني حتى حياتنا أو موتنا صار مجازفة مع الحياة!.. قال رح أنتظرك بالبيت!.. طلع وأنا بقيت مع وئام.. حكتلي رح نعرف مين آسر الحقيقي لو كان فعلاً حواليكي أو مسجون أو وين ما كان يكون.. علم التخاطر واسع وبعد كل شي قرأناه أكيد رح نعرفه!.. حكيتلها لسه حافظة وصفه عن بيته.. بيت أهله أكيد!.. بس ما قال إسم ولا منطقة وكل يلي قاله إنه البيت ببعد ساعة عنا وقريب من حدا معي!.. شو تفسير آخر جملة!؟.. قالت إشارة لشخص عايش معك..

#جيران_الشارع_العالي_7 #جيران_الشارع_العالي
الحلقة السابعة

طلعو من البيت وأيلول أخدت رقمي وأخدت رقمها لحتى أساعدها.. قالتلي يلي صار جوا أثبتلنا إنه كل شي صحيح.. ونحنا ما رح نتراجع.. برغم خوف هبة إلا إنه شخصية أيلول كانت قوية وكانت بتشجعها.. دخلت للبيت وأمي كانت واقفة بالصالة.. حكتلي جيلان وبريفان رح يوصلولك إشارة بالليل عن طريق أخوانك.. كنا لوحدنا بالبيت وقررت أناديها ثريا.. قلتلها أخواني هلأ بالمدرسة لا تأذيهم ولا تقربي منهم!.. الصغار ما إلهم ذنب يا ثريا.. قالتلي لهلأ ما فهمتنا؟!.. ما عرفت نحنا شو بدنا؟!.. قلتلها تساعدونا أو تأذونا؟!.. كل شي بقول إنكم عم تأذونا.. مين قتل جويرية؟.. ومين كان رح يحرق البيوت؟.. شدّت على راسها وقالت ما رح تفهم.. ومش عارف تفهم!.. نحنا ما بدنا يلي صار يتكرر.. ما بدنا أرواح تروح بدون ذنب.. قلتلها من شو خايفة إحكي!.. إنتي عارفة إنه مش أنا يلي عملت هيك.. يبقى مين وليش؟!.. سكتت وقالت روح شيل المرايا يلي ببيت زاهر.. قبل ليموت حدا ثاني!!!.. حكيتلها لشو حابين توصلو؟.. قالت ما في وقت.. أنا عم بساعدك.. قلتلها لا تأذي عزيزة.. إبتسمت وغمّضت عيونها.. وبهاللحظة أمي فقدت توازنها وكأنها غابت عن الوعي.. مسكتها وسندتها.. قالت وين راحو البنات؟.. أنا كنت نايمة؟.. متى نمت!!.. حكيتلها إنتي منيحة ما فيكي شي.. روقي وإعمليلنا غدا.. أنا رح أطلع شوي لبرا.. قالتلي إنت منيح؟.. صار شي!.. رجعت لبستني صحيح؟!.. هدّيتها وطلعت من البيت.. كانت سيارة الشرطة رايحة وشفت ست نجلاء بتكب كياس برا.. مشيت لبيتها وقلتلها شو هاد؟!.. قالت عم بكب الأحذية.. رنوة خايفة منهم وما بعرف ليش عم تطلب مني أعمل هيك!!.. وضع البنت غريب.. وحاسيتها عم تحكي بلسان وحدة ثانية.. آصف شو عم بصير يا إبني؟.. شو قلب هالشارع؟.. بهاللحظة طلع زاهر من بيته.. صار يصرّخ ويقول إلك عين تطلع من بيتك يا مجرم.. بإيدي لأدخلّك للسجن.. كنت بحاول استفسر من ست نجلاء بس كان صوته عالي وبستفزني.. هجمت عليه وضربته وتخانقنا بالشارع.. طلعت أمه وبعّدته عني وقالتلي إبعد عن بيتي يا مجرم.. رح نضل وراك.. مش رح نتركك!!.. كنت بصرّخ عليهم وبنفس الوقت كان بدي أقرّب منهم لأعمل متل ما حكتلي ثريا.. بس ما قدرت.. في شي إله علاقة بالمرايا!.. وكنت بالفعل خايف من الليلة.. خصوصاً إني فقدت التوقعات وعنصر المفاجأة صار حاضر دائماً.. لهيك قررت أداري السُلطة.. المرايا في بيتهم وهمّه المسيطرين وأنا بدي طريقة لأدخل لجوا لحتى أنفذ كلام ثريا.. كانت ماجدة بتدخّل زاهر للبيت.. قلتلهم أنا ما قتلتها.. رجليّه جابوني لعندها بس ما قتلتها.. قبل لتموت مسكت رجلي وحكتلي خدلي حقي.. يلي صار معها طبيعي؟.. أكيد لأ.. يبقى موتها مش طبيعي.. بهاللحظة وقفو.. قالتلي ماجدة كلامك ما رح يفيدك.. من لمّا أجيت إنت وعيلتك لهون والمصايب نزلت علينا.. المحققة تركت حياتها وسكنت بينا لتكشفك على حقيقتك.. قلتلها ومع هيك طلعت.. أنا واقف قبالك وعم بحكي معك.. مضى شهر على الجريمة وما إنسجنت.. لو مسكو عليّه شي كنت هلأ عم بتحاكم.. بس أنا ما قتلت الدكتورة ولا حتى بنتك.. زاهر قال وشو بدك هلأ؟.. حكيتله نتفاهم.. لا نحنا ولا انتو فينا نطلع من هالشارع.. وإذا أنا كان بدي أطلع من هون فهلأ ما بدي.. أنا متلكم بدي أعرف مين ورّطني بالقضية.. ومين حط قطعة من لعبة البازل يلي عم بلعبها بمسرح الجريمة.. بدي أعرف مين قتل جويرية لأنه إسمي إندرج مرة ثانية بجريمة قتل.. ولو ما كان في شيطان بهالشارع بينا.. ما كانت جويرية قالتلي خدلي حقي.. قال زاهر لأمه وأنا بدي أعرف.. بس يا ويلك مني لو طلعت إنت يلي قتلتها.. قلتله في شخص مسلح هون.. ولو ما واجهناه وعرفناه رح نموت كلنا!.. قالت ماجدة لا تصدقه.. أنا حاسه إنه واحد مفصوم وكذاب وحقير وعديم أخلاق.. أنا ما إرتحتله أبداً.. كنت ماسك أعصابي وبداريها.. وقلتلها الله يسامحك.. بس لو راحت منك بنتك الثانية لا تلوميني!.. شفتها توترت وخافت وقالت لزاهر عم يخوّفني.. ما بدي نخسر لارا.. دخلو للبيت وأنا بقيت مع نجلاء.. قلتلها وين رنوة؟.. حكت مع نفين جوا.. نفين لسه عنا وعم تهدّيها.. قلتلها راوية مو هون صحيح؟.. قالت طلعت كتير بكير على شغلها.. طلبت منها أدخل.. وحكتلي إتفضل.. شفت نفين ورنوة قاعدين عم يحكو.. نفين خافت وتوترت.. وكانت رح تاخد رنوة بعربايتها لغرفتها.. قلتلها خليها.. حكيت شفت أمك عم تكب الأحذية.. إنتي من شو خايفة؟.. قالت عم بسمع أصوات ناس عم يمشو.. دعسات رجلين بكل مكان.. عم يتهيألي إنه في واحد عم يمشي حواليّه.. وما عم بشوف حدا.. أماكن الأحذية عم تتغيّر.. أمي لاحظت متلي.. وفي صوت جوا راسي عم يخبرني أبعدهم عن البيت.. أخوك شو عمل؟.. وليه أنا عم بحلم وبحس بأشياء شبه حقيقية.. موجودين معنا؟.. حاسهم معنا!!.. قلتلها إهدي.. مو لحالك كلنا هيك.. موت جويرية خوّفنا كلنا.. وما عدنا عارفين شو عم بصير.. بحس في معنى وتفسير لكل هاد.. بس مش فاهمه..