📚قصص||روايات||منوعة📚

#الجزء_الأول

بيكونو قاعدين وعم يحكو عن ذكرياتهم
بس في حدا فكرو مشغول وعقلو مو معهم
كانو عم يحكو كتير بس هيا عم تفكر .
رويدا: شكلو القدر لعب لعبتو معي ورح تنكشف الحقيقة اللي صرلها سنين مخباية ليش ياربي بعد هالسنين هي كلها تظهر الحق خايفة من ردات الفعل خايفة اخسرها وهيا اللي بقيت ألي من اهلي .
بتنتبه ميادة انو امها مو على بعضها .
ميادة: شبك امي فيكي شيئ .
رويدا بتكون شاردة ومو معهم بتدارك الوضع سلام وبتقلها شكلها مو مسدقة أنو نحنا هون وقبالها وبتنكشها من كتفها وبتقلها مو اختي ..
.
رويدا: اي اختي .
ميادة: انا رايحة اجيب غدا وراجعة لا توخذونا امبارحة نقلنا عهاد البيت ومافيه شيئ
بيوقف جواد وبيقلها وانا رايح معك ..
سلام بتنكش جيانا وبتقلها وانتي كمان روحي معن تفتلو شوي بالبلد .
ميادة حاسسها قلبها في شيئ غلط بس ما اهتمت بالموضوع وطلعت وهيا واولاد خالتها ..
.
بيكونو ماشيين بس في عيون عم تراقبهن
كان قاعد بسيارتو من بعيد وعم يطلع فيهن ..
وعم يقول بسره ياترى كيفك ياعمررري ع غيابي
اكيد هلئ كرهتيني معك حق مافيني لومك انا تخليت عنك 😔
بيشغل سيارتو وبيمشي وهو مقهور

بتتصل فيه ليا كتير بس مابيرد عليها
كان كرهان حتى يسمع صوتها
كرها وكره قربها ألو
هيا فرضت حالها عليه فرض
تيم مابقا تعرفي تحلي عني
بيرد عليها ببرود اعصاب وبيقول ألو...
ليا: ليش ألك يومين ماعم ترد على اتصالاتي مو كانو نحنا مخطوبين .
تيم: انتي قلتي كانو مخطوبين
بس انا مو معترف بهالخطبة كلها
ليا بتنقهر منو وبتقلو: عكل حال اذا مابتغير طريقة معاملتك معي بوعدك تشوف وجهي التاني .
تيم لحتى يغيظها اكتر: ليش كم وجه عندك انتي
تعي لحتى عدلك
وجه البراءة لما استغليتيني
وجه لما عملتي حالك اللي خايفة ع ميادة كرمال الصور وبعدها صرتي تهدديني انك تفضحيا فيهن .
ولا وجه الكره اللي قلبك كلو كره وحقد وغيرة منها
شو بدي عدلك ما شاء الله بمية وجه .
ليا بتعصب منو وبتقلو
حتى ولو صرت بألف وجه رح تتزوجني وغصب عنك
يا أما حبيبة قلبك رح تتصدر الصحف والمجالات بالفضيحة الكبيرة .
تيم : انتي مو بشر
انتي شيطان .
ليا بضحكة مستفزة: له يا تيمو انا ملاك بس مع اللي بحبن .
تيم: انتي وحدة متخلفة جاهلة ورح تلاقي رد على افعالك
وقتها مارح يفيدك حدا .
ليا: مو بحاجة حدا انا عم تفهم
هلق هيك تيمو نسيتي ليش اتصلت
بدك تجي لعنا عالبيت حماتك عاملتلك محاشي بتعرفك بتحبن .
تيم: ما حماتي متلك وألعن كمان .
ليا: بزعل منك ها حدا بيحكي هيك عن ام خطيبتو ولاحقاً مرتو .
تيم: بنتواجه يا ليا .
ليا: رئبتك ورئبت ميادة بين ايدي
مافيك تعمل حركة عم تفهم .
تيم بعصبية: خطبتك بطلب من امي تمام
لحتى بس ماتغضب علي
ماتوقعت انك تعملي هيك وتهدديني بمين بعشقي
لك انا خطبتك غصب عني وبالتهديد
ولو فيكي ذرة كرامة كنتي لحالك بعدتي .
ليا : انا لاني بحبك عم اعمل كل هاد .
تيم: اللي بيحب بيجرح
بعمرو اللي بيحبك ما بيجرحك .
ليا: هلق شو بدك بدك فكك من سجني لا ترجع لعند حبيبة القلب شو بدك تبررلها
وانت شفتها ياعيب الشؤم شو بدي قلك
بموقف مستبيح
وضليت واقف ومتكتف ماساعدتها حتى
مشيت بدون كلمة

#الجزء_الرابع
•
رويدا: مابعرف
عنجد مابعرف ولا بدي اعرف دخلك شو رح يفيد
بنتي ربيت بدون اب
وربيت ببيت جدها متسلط
خوالها ونسوانن عاملونا متل خدام عندهن
مافي حدا يدافع عنا ولا يحامي النا .
سلام بحزن : ذكرتيني بابي يالله شو مشتاقة
شوفو وشوف امي .
رويدا: امي دابت عغيابك .
سلام: بدي تساعديني لحتى شوفها .
رويدا: بس الاولاد يطلعو من البيت مرة تانية بنلاقي الفرصة المناسبة وبنروح .
سلام : وهو هيك .
بيسكتو لما بيوصلو ولادهم بيقعدو بيتغدو
وطول الوقت رويدا شاردة واضح هالشيئ عليها .
ميادة: امي شبك .
رويدا بتتلبك : شبني .
ميادة: انا عم أسالك من وقت رجعنا من المطار وانتي مو ع بعضك .
رويدا: كنت ناطرة هاللحظة اللي شوف فيها اختي سنين
ولما شفتها رجعتني عشرين سنة لا ورا .
سلام: والله انا مابعرف كيف مضو هالايام .
ميادة بقلبها في شيئ خالتي وامي عم يخبو ياترى شو هو .
بيخلصو غدا وبتضب ميادة السفرة وبتجلي الجليات وبتجي
بيندق الباب وبيكون ابو اكرم
.
ابو اكرم: ابني اكرم تحت وحابب يحكي معك .
ميادة : انا طيب ليش .
ابو اكرم: تحت بتعرفي يابنتي .
بتنزل ميادة معو وبتلاقي شب
واقف بس عاطيها ضهرو طول بعرض كتاف لابس اسود
بيفتل لعندها بيكون المسدس على خصرو
وعيونو السود المكحلة عم تقدح .
بتطلع فيه ميادة وبتتمعن بملامحو .

#الجزء_الخامس
•
اكرم بنبرة جادة: انتي ميادة العبدلله .
ميادة بتهز رأسها وبدون ماتحكي ولا كلمة بس بقلبها عم تقول والله هاد هو اكرم .
اكرم: حاسس كاني بعرفك ؟
.
ميادة: وانا كمان لتكون انت اكرم اللي دافع عني يوم اللي تعرضولي مجموعة شباب زعران .من سنين .
اكرم: انتي البنت الضعيفة اللي كانت عم تبكي وتستنجد .
ميادة: شو غليظ كنت عم ابكي لانو هنن كتار .
اكرم: اي اهلين ميدو خانم شو صار معك ...
•
ميادة: وبوقتها كانت سنة التخرج الي اذا بتتذكر وانت خلصتني من الزعران وصلتني عالجامعة .
اكرم : هاليوم مابنساه بعمري هلئ المهم خلينا بالمضمون
ابي خبرني كلشي
مافي داعي تخافي أبداً انا ضابط بالشرطة ومن واجبي حئئ بالموضوع
خبرني ابي من المكان اللي اخدك.منو
رحت وعملت جولة بالمكان طلع البيت مسجل باسم شخص اسمو تيم المسعود
بتشكي انو هو ألو أيد بالموضوع .
ميادة بتتذكر كيف تيم وعدها يروحو عالبيت بنفس اليوم
وبتتذكر كلام الشب لما قلها انو تيم اللي بعتو
بس مابتقدر تحكي وبتقلو لا مابشك
لانو تيم هو بيكون خطيبي السابق
.
اكرم: طيب ليش المشفى اللي تعالجتي فيها
ما قدمت بلاغ عن حالاتك
كان بوقتها فينا نتدخل
.
ميادة: جدي ماحب يصير في اخد وعطا بالموضوع
وفضل يسكر عالسيرة
حتى انا مو حابة قدم بلاغ .
اكرم: بس انتي عم تتستري عن مجرم .
ميادة: الله بياخدلي حقي منو .
اكرم: بتعرفي آنسة ميادة انا اكتر انسان بشفق
عليه اللي بيسكت عن وجعو
اللي بيكون ضعيف الشخصية ومابيدافع عن حالو ..
.
ميادة بتتنرفز من كلامو وبتوقف بدها تمشي .

أكرم: اهم شيئ انو الحقيقة تبان . وسدقيني رح اعمل كل شيئ لحتى تبان ،
.
.
ميادة: الحقيقة انا بعرفا وبس
مابدي حدا يتدخل
.
اكرم: معناتا بتعرفي المجرم وعم تكتمي عليه .
ميادة : ولا بعمري شفتو .
اكرم : بتعرفي مين بعتو .
ميادة بتسكت
.
اكرم: وصلت لا اللي بدي ياه
فيكي تمشي
بس المرة الجاية بدي تحكي كلشي عندك او رح اعرفو بطريئتي .

#الجزء_السادس
•
بتطلع ميادة وهيا عقلها مشوش
معقول ليش انا خبيت انو تيم بيعرفو
ليش ماحكيت عنو
معقول لهلق بفكر فيه
بتنرل وبتروح بتتمشى
لتصفي ذهنا وبترجع عالبيت بيكونو امها وخالتها نايمين
بس جيانا وجواد عم يسهرو .
ميادة: شو ينهن .
جيانا: لك نامو قال شو هنن مو متل هالجيل بيضلو سهرانين .
بتضحك ميادة وبتقلهن شو رأيكم نتابع فيلم
جواد: اكشن .
ميادة: لا عن الاطباء
.
جيانا لا رومانسي .
ميادة ييي مين بدنا نرضي .
جواد: طيب انا عندي حل شو رأيكن رعب .
ميادة موافقة حطلنا شيئ فلم لحتى اعمل بوشار وارجع .
بتمرق اول ليلة حلوة وع خير و بيمرق اسبوع ميادة بعدها عم تدور ع شغل وما عم تلاقي
وجيانا وجواد بينقلو اوراقهم وبتسجلو بالجامعة
وسلام عم تنتظر اللحظة المناسبة لحتى تلتقي بأهلها
أما رويدا عايشة مع صراع داخلي
شوفة احسان شعلت النار جواتها
اما ميادة.عم تابع حالتها مع اكرم رغم انها ماحبيتو بس هو الوحيد اللي عم يساعدها
ومتل كل يوم ميادة بتنزل بتتمشى لحالها لحتى تريح بالها
بس كل يوم قبل ماتنام لازم تتبلل مخدتها دموع
بتتذكر زكرياتها مع تيم
وقلبها موجوع منو وعليه
وبنفس الوقت كلو لئم . (تعلمت منك كيف يكون الأنسان لئيمً بلى رحمة وبلى قلب، أيقنت كيف تتبدل الأدوار من عاشق لا منافق ،
كن منافقاً ف المنافقين هم العاشقين )

#الجزء_الخامس_عشر

بتدخل ميادة عالبيت وهيا لونها مخطوف
.
بتركد لعندها امها وبتصير تسالها
شبك بنتي ليش هيك وجهك أصفر متل الليمون
.
ميادة عم تاخد نفس وتتذكر شو اللي صار
ماكانت قادرة تحكي ولا تتحرك
بس بتذكر مشهد ناقص
اي هيا شافت من بعيد كان في شب ملتم عم يطلع فيها
وكانها بتعرفو
كانو عيونو عم يقدحو شرار
بالرغم من كل اسئلة امها وخوفها عليها ألا ميادة كانت مو معهم وعم تحاول تتذكر وين شايفة عيون هالشخص .فجأة بتشهق بقو ة وبتطلع بامها بقهر...
.
امها: لك شبك والله خوفتيني .سلام واولادها عم يطلعو فيها بس ميادة.مو معهن .
ميادة: مافي شيئ ارهاق
انا بدي روح ارتاح
بتتركهم كلن عم يطلعو فيها باستغراب وبتمشي .
(مشاعر ممزقة ، روح مهشمة ،
قلب ينزف ألمً ، اين انت يا معذبي ، كم من الصعب البوح بمشاعري ، لا احد يهتم بما اشعر تبقي تلك المشاعر المبعثرة بداخلي لتنهش عظامي وتقتلني من الداخل لا ابقي جسد بلي روح وبلي مشاعر)
"___________________________"
فوراً بتتصل على اكرم
ميادة.بخوف: اكرم بدي شوفك ضروري .
اكرم: شغلة ساعة وبكون بالبيت .
ميادة.بس توصل رنلي .
بتسكر وبتتنهد
بتدخل جيانا لعندها وبتطلع فيها نظرات غريبة .
ميادة: ليش هيك عم تطلعي فيني .
جيانا: بدي اعرف شو صاير معك .
ميادة : تعي احكيلك بس ما تقولي لحدا .
بتحكيلها كل شي صار لا جيانا .
جيانا: وانتي متأكدة انو نفس الشب .
ميادة: مابنسي عيونو المشرانين بنوب
هاد هو نفسو .
جيانا: وشو رح تستفادي اذا خبرتي اكرم .
ميادة: ممكن نوصل لشيئ جديد
.
جيانا: يعني لو ماكان تيم هنيك ماكنتي هلئ هون والله اعلم شو كان صار فيكي
طيب ليش ليدافع عنك هلئ والمرة الماضية هو اللي بعتو .
ميادة: اكيد تيم ما خصو بهالشيئ
انا لازم اعرف كلشي
شعوري قلبي عم يقلي انو في شيئ غلط
ويارب يطلع شعوري بمكانو
حاسة في لعبة كبيرة
ولازم اكشفها .

#الجزء_السادس_عشر

جيانا: بدك تجننيني .
كيف تيم ماخصو .مو الشب هو اللي قلك انو من طرف تيم .. ميادة: شعوري هيك عم يقلي
انتي لو شفتي لهفتو علي اليوم
مابتقولي ممكن هو اللي بعتو وبتصير تتذكر لما ضمتو
وقلبها بيصير يرجف وبتشعر كأن كهربا عم تمشي بجسدها.
وبتتذكر كل ذكرياتها الحلوة مع تيم ..
وبتنسي كل اللحظات القاسية .
جيانا: كيف لما الانسان بيحب بينعمى على عيونو .وبيصير أعمي قلب كمان .

ميادة: بلعكس
انتي لانك ما جربتي الحب
اللي بيحب عنجد بيصير احساسو اقوى
ولازم يلحق احساسو بكل الاوقات
لان الاحساس مابخيب .
جيانا: الله الله عليكي يا عاشقة زمانك .
ميادة: بس خلص من هالشغلة رح دورلك على عريس .
.
جيانا بضحكة: لا انا بدي كون سلفتك
واخد اخو لا زوجك
ميادة: هي اذا تزوجت بالاول .
جيانا: لا ولو الف شب بيتمناكي .
ميادة بحزن ولتغير الحديث بتقلها هلئ احكيلي عنك
كيف الجامعة معك .
جيانا : ماشي حالها وبلشت اتعود وبتصير تحكيلا شو عم.يصير معها
بعدين بيرنلها اكرم .
ميادة : بتروحي معي بقلو شو صار وبنرجع بسرعة .
جيانا: اي ومنو بغير جو طق قلبي من الجامعة للبيت .
ميادة: قومي معي لكن .
بينزلو عبيت ابو اكرم وبيكون اكرم عم ينتظرهم عالباب
.
اكرم: يااهلين بالصبايا تفضلو .
بتطلع جيانا ب اكرم وبتدوب
وبتقول بقلبها ولي على قلبي على هالشبوبية .

#الجزء_السابع_عشر

ميادة بتنكشها وبتئلها فوتي معي

جيانا : اه اي يالله .
بيعقدو بالصالة وبتحكيلو كلشي صار معها ميادة
وكيف تيم وصل وخلصها منهن .. .
اكرم عم يطلع على جيانا ماكان مركز كتير بكلام ميادة .
ميادة.بتشعر عليهم كيف عم يتبادلو النظرات .
بتقلو بنت خالتي اسمها جيانا .
اكرم بيمد ايدو ليصافحا وبيقلها اكرم صديق قديم لا ميادة .
جيانا بتمسك ايدو وبتبادلو المصافحة
بتشعر كهربا مشيت بجسمها
وايدو دافية كتيررر
شعور حلو كتير بيستملكها بهاللحظة .
اكرم نفس الشعور اول مرة بيشعر هيك بوجود بنت .
ميادة: وهلئ صار عندك معلومات جديدة .
اكرم: رح خلي شب يراقبك من بعيد
طالما مرة ومرتين حاول يقرب منك اكيد رح يعيدها .
ميادة: عميل اللي بتشوفو مناسب
وهلئ اتاخر الوقت بنستأذن منك .
بيطلعو من عندو
واكرم فوراً بيعمل اتصال
كان تحليلنا بمكانو ذات الشب هو اللي تعرضلها .ورح حط شب يراقبها لنعرف مين هو
بس في شيئ ماعم افهمو
كيف كنت موجود انت ...
"___________________________"
.
.
اما عند تيم بيكون بسيارتو قاعد وعم يطلع على صورة ميادة بحرقة قلب
بتتصل فيه ليا
بيرد بدون نفس شو بدك .
ليا: لانك ما لبيت دعوتي اليوم كانت حبيبة قلبك رح تروح .
تيم: والله كنت عرفان انهن من طرفك
كيف فيكي تكوني بدون ضمير لهدرجة
.
ليا: المرة الجاية اذا ما بترد علي رح امرهن يقوصوها .
تيم: مابلومك اللي ماعندها قلب بيطلع منها كلشي .
ليا: اذا بتفكر تقرب منها مرة تانية بوعدك يكون موتها على ايدي
لا تلعب معي ياتيم
بتعرف مين ليا وشو ممكن تعمل

#الجزء_الثامن_عشر

باليوم التالي بتجهز حالها ميادة
بتلبس بلوزة لون رمادي وبنطلون اسود
وبتحط لفحة لونها سودة حوالي رئبتها
بتظبط شعراتها
وبتحط شوية ميك آب لحتي تخفي آثار التعب من وجهها وبتمشي
.
رويدا: يعني قررتي ترجعي عالمشفى
.
ميادة: رح ارجع بس هالمرة غصب عن الكل .
رويدا: انتبهي عحالك وضلي طمنيني عنك وبدي قلك انو زوج خالتك جاي اليوم وبدهن يتركونا ويروحو يستقرو ببيتهن الجديد
.
ميادة: معناتا لاتخليهن يروحو قبل ما ارجع
ادعيلي امي .
رويدا: الله يرضى عليكي يابنت قلبي .
.
بتنزل ميادة وبيكون اكرم واقف وناطرها .
ميادة بتبتسم وبتمشي لعندو
شو عم تعمل
.
اكرم: قلت بوصلك بطريئي .
ميادة: لكن امشي .
بتطلع معو وبيسوق
كان واضح على اكرم انو متلبك .
ميادة بتبتسم وبتقلو شبك اكرم ليش متلبك .
اكرم: واضح علي مو .
ميادة: وكتيررر
.
اكرم: بصراحة مابدي تفهميني غلط بس بدي تحكيلي عن جيانا
يعني من الآخر في حدا بحياتا .
ميادة بضحكة : يا مصلحجي انت .
اكرم: لا ولو والله مو مصلحة بس سؤال .
ميادة: والجواب على هاد السؤال انو لا مافي
وأصلاً جيانا ما حبت ولا جربت الحب بعمرا .
اكرم: عم تمزحي معقول لهلق ماحبت .
ميادة: على علمي لا .
اكرم بيضحك من قلبو
طيب تفضلي وهي وصلنا .
ميادة: مااحلى الحب .
اكرم: مو حب اعجاب .
ميادة: اييي اعجاب قلتلي امبارحة كنت رح تأكلها بعيونك ... يالله يعطيك العافية وشكراً عالتوصيلة
شكلي رح اعتمد عليك بدل عمو ابو اكرم

#الجزء_التاسع_عشر

اكرم: وانا بأمر عيونك
يالله سلام
.
بتدخل ميادة عالمشفى بكل قوة وثبات
وبتكون بدها تدخل على مكتبها بس بتتفاجئ انو فيه حدا غيرها .
ميادة: عفواً بس مين حضرتك .
ميريدا بابتسامة وبتمد ايدها لا تصافحا وبتقلها
انا بكون ميريدا احسان
الدكتورة الجديدة بالمشفى
اختصاص امراض سرطانية .
ميادة بابتسامة: وانا ميادة العبدلله دكتورة سابقة واختصاصي جراحة وصحة عامة .
ميريدا: تشرفت بمعرفتك .
ميادة : وانا بالاكتر .
ميريدا: اذا عم تسالي عن مكتبك ف بيكون بجانب مكتب الدكتور صالح
ميادة بتبتسم : يعني تبدل .
ميريدا: اكيد تبدل زيدي على جراحة عامة انك صرتي مسؤلة عن جميع الاقسام ..
بتبتسم وبتقلها بتعرفي ماشربت قهوة بتشربي معي
.
ميادة : وانا كمان ماشربت .
ميريدا حلو كتير
لكن رح اطلب قهوة سادة صح .
ميادة : اي
.
ميريدا عم تتقرب من ميادة بشكل ملحوظ
وميادة كتير حبتها وعم تبادلها الشعور
.
ميريدا: بتعرفي ميادة انا بشبهك كتير .
ميادة : اي والله انتبهت على هاد الشيئ .
ميريدا: ممكن نصير رفقة لاني كتير رتحتلك .
ميادة : اكيد ليش لا .
بتوصل القهوة وبيشربوها ومن حديث لحديث بينقلو بلطف .
ميريدا بقلبها يالله اديش بتنحبي
واديش انظلمتي بحياتك .
ميادة: شكراً عالقهوة بس صار لازم روح عمكتبي وابدأ شغل اكيد صار علي تراكمات .
ميريدا: تمام الله يوفقك
بتطلع من عندها وهيا برضا كامل
وبتروح عمكتبها
اللي بيكون بجانب اهم دكاترا اللي بالمشفى

#الجزء_الواحد_والعشرون

رويدا: شو رايك بنتي
ميادة: شكراً كتير الكم بس انا قررت اني اطلب واستأجر البيت من عمو ابو أكرم
ومتل مو شايفين البيت منيح وكبير
واكيد رح يقبل
و نحنا هيك مابنكون تقل على حدا .
سلام: الله يسامحك يا روحي شو تقل وما تقل لك بحطكم بعيوني .
ميادة: هيك انا بكون مرتاحة ..
.
مرتضى: نحنا مارح نضغط عليكم
لهيك ايمتا ماحبيتو تستقرو عنا بيتنا مفتوح ألكم .
وهلئ يالله ضبيتو تيابكم لحتى نمشي .
سلام: كلو جاهز .
بتوقف رويدا وميادة .بيودعوهم وبيرجعو عالصالة بيقعدو .
رويدا بتلبك : عم تشوفي تيم .
ميادة: لا اليوم ماشفتو لاني انتقلت عغير قسم
وقليل لحتى شوفو .
رويدا: بس انا شفتو .
ميادة: ايمتا وكيف وشو بدو .
رويدا: ولا شيئ عم يطمن عنا
وعطاني ظرف فيه شوية مصاري .
ميادة بعصبية : وكيف بتقبلي تاخديهم منو
بتعرفي شو عمل فيني .
رويدا: بصراحة هي مو اول مرة
تيم من اول يوم اجينا لهون وهو عم يدعمنا
بس اليوم كان باين عليه تعبان ومقهور
خايفة يكون صاير معو شيئ
.
ميادة: مارح عاتبك ليش عم تشوفي
بس هي اخر مرة بتلتقي فيه وبتاخدي منو شيئ
نحنازمو بحاجتهن .
رويدا : تيم متلك مظلوم .
ميادة: كلشي عملو بأيدو مافي حدا فيه يجبرو .
رويدا: لا تكوني هيك قاسية
ماتعودت عليكي هيك قلبك الطيب لا تخسرية .
ميادة: قلبي مات من زمان
لهيك لا تطلبي من قلبي شيئ لانو مات
بتتركا وبتروح عغرفتا بتئعد عتخت (لا تكن في نظري مظلوم ، ابقى ظالم ليزيد كرهي لك ،
دعني أكرهك كم شئت لا تكن بريئاً ف البراءة متبرية منك )

#الجزء_الثاني_والعشرون

بيمرق اسبوع وميادة من شغلها لا بيتها حتى ب اكرم ماعاد التقت كتير وبيتواصلو عالموبايل .. وبالمشفى بتقضيه مع ميريدا وعم يتعلقو ببعض بشكل ملحوظ للكل
أما تيم بس بيشوفو بعض بالمشفى وبيكتفو بنظرات مو اكتر
كلو كان ماشي طبيعي لحتى صار اليوم اللي نكشف فيه كلشي
.كالعادة بتروح ميادة وبيوصلها ابو اكرم عالمشفى .
بتتلتقى ب سهى قبل ماتدخل ع المشفى .
بتقرب منها سهى وبتسلم عليها .
سهى: صباحو شو اخبارك .
ميادة : من الله بخير .
سهى: بتعرفي انو امي مريضة وطلع معها سرطان بالدم .
ميادة بتزعل عليها بس ما بتبين وبتقلها الله يشفيا يارب والله لا يضرها .
سهى: بدي تسامحي امي لانها ظلمتك
صح امي ماعترفت بغلطها
بس انا بعرف الصح من الغلط
كلنا ظلمناكي يا ميادة وبتمني تسامحينا .
ميادة: تأخرتو كتير .
سهى: طيب سامحي اخي
اخي مو ذنبو انا بعرف ذنب مين
لاتحملي فوق طاقتو .
ميادة: شو هو اللي بعتك لتدافعي عنو
.
سهى: لا بس انا مافيني شوف الحق واسكت .
ميادة: بالنسبة لا اللي صار بيني وبين تيم ماضي وانتهى
وانا حالياً مرتبطة .
سهى بقهر: الله يوفقك بحياتك .
بتدخل ميادة بس بتختفي البسمة من على وجها
بتشوفها ميريدا وفوراً بتقرب لعندها
.
ميريدا: لازم احكي معك ضروري .
ميادة: شوفي .
ميريدا : مشي معي لخبرك
بيدخلو عمكتب ميريدا
وقبل ماتحكي بينفتح الباب وبيدخل تيم ..
.
ميادة: شو عم.تعمل هون .
تيم: مصيبة وقعت فوق راسنا .
ميريدا: يعني خبرت .
تيم بيأشر برأسو بأسى اي .
ميادة: طيب فهموني شو عم يصير

#الجزء_الثالث_والعشرون

تيم : بتتذكري من شهور لما عملتي عملية قلب مفتوح والمريض تاني يوم مات .
ميادة : اي بتذكر اول حالة وفاة ألي مستحيل انساها .
تيم بحزن: امو للمتوفي قدمت شكوى عليكي
وتشكلت لجنة لحتى تحقق بهالموضوع .
ميادة ما بيحملوها رجليها
بتكون بدها توقع ويغمى عليها بيقرب منها تيم وبيسندها
وبيقعدها عالكرسي .
تيم: لا تهكلي هم ياعمررري
رح اعمل كلشي بيطلع بأيدي لا اكشف الحق
.
ميادة: انا ما قتلتلو
العملية نجحت مابعرف شو صار ومات .
ميريدا: لاتخافي ابي شخصياً مهتم بالموضوع
.
ميادة: انا مو هيك بعمري مافكرت آزي حدا .
ميريدا: طيب قعدي وأهدي .
تيم: بالأزن منكم
بيطلع وبيتصل بحدا .
تيم: عم قلك ممكن تنسجن وممكن يسحبو شهادتها
وعدا عن هيك سمعة المشفى بتتدهور
لازم نتصرف .
اكرم: طيب انت خليك جنبها وانا مسافة الطريق بكون عندك .
تيم: اكرم لا تتأخر من دخلت عالتحقيق بتروح فيا
وحياتها المهنية بتنتهي
لازم نلاقي حل بسرعة
ونعرف نتصرف بأسرع وقت .
اكرم: طيب جاي مسافة الطريق بس .
تيم: بانتظارك انا .
بيسكر تيم وبيفتل بدو يمشي بيتفأجئ بوجود ميادة خلفو .
ميادة عم تطلع فيه نظرات غريبة ممزوجة بالخيبة والألم بتقلو بحروف مقطعة انت بتعرفو لا اكرم .
تيم بتوتر : اي .
ميادة: ومن ايمتا
تيم: من زمان كتير .
ميادة: شو اني مغفلة .

#الجزء_الرابع_والعشرون

تيم: اسمعيني للآخر بعدين حكمي .
ميادة: عم تضحكو علي انتو الاتنين
.
تيم: نحنا كنا عم نساعدك .
ميادة: ماطلبت مساعدة من حدا .
تيم بيصرخ ميريدا تعي خدي ميادة لجوا واوعك تخليها تطلع .
بيتصل تيم ب عمتو وبيخبرا كلشي صار
ورويدا بتخبر سلام
وبيتفقو يجيو عالمشفى سوا .
اكرم عم يسوق بسرعة كبيرة بيوصل عالمشفى وبيدخل بتلاقى ب تيم .
تيم : ميادة سمعتني لما كنت عم احكي معك .
اكرم بيضرب كفوف ايديه ببعض مو وقتو هلق طيب
وشو قالت .
تيم: قال نحنا استغليناها وانها مغفلة .
اكرم: هالبنت مجنونة بربي
.
تيم: مو مشكلة تكرهني المهم روح ساعدها
اللجنة رح تبدأ تحقيق
من الممرضين المسعفين لحتى يوصلولها
.
اكرم: طيب بالاول رح اعمل كم شغلة وبعدين بروح بشوفا .
تيم: انا شاكك بشي ويارب يكون شكي مو بمطرحو .
اكرم: ليكون قصدك ليا
تيم: مين غيرا مابدو مصلحة ميادة .
اكرم: انت استدرجها بلكلام ولاتنسى كل مكالماتك مسجلة
لهيك اذا بتعترف انها السبب رح نفيد ميادة بسرعة .
تيم: لكن اتفقنا .
بيروح تيم عمكتبو وبيتصل ب ليا
اما اكرم بيحقق مع الممرضين كلهم وبيشك بوحدة منهم
وبيصير في علامات استفهام جديدة ...!!!؟؟؟

#الجزء_الثلاثون

تيم: حتى انا انصدمت
ماتوقعت انو هالشخص هو السبب .
اللجنة: ليكون مفبرك
.
تيم: فيكم تتأكدو من التاريخ
وعدا عن هاد كلو في ممرضة شاهدة على هاد الشيئ واستجوبها المحقق واتأكدنا من المعلومة
وهي دليل براءة الدكتورة ميادة صار بأيدكم بطلب من حكمتكم انو تدافعو عن الحق
وكل انسان ياخد جزاتو
وتنصرو المظلوم وتحاسبو الظالم .

اللجنة: طيب فيك تنتظرنا برا .بيطلع تيم وهو عيونو معلقة ب ميادة وخايف عليها
.
ميادة بتطلع فيه بحب وبتشكرو بعيونها .
بيكونو كلهم واقفين وعم ينتظرو
احسان: شو صار ياابني عرفتو شيئ
.
تيم عم يطلع ب جدو بحقد وبيقلو عرفنا كلشي .
ماجد بيتلبك وبيكون بدو يروح
بس بيكون اكرم وراه وبيمنعو .
رويدا: شو عم يصير خبروني
ليش محاصرين ابي هيك .
تيم : ميادة رح تحكي كلشي انتظروها لتطلع .
الكل عيونهم على ماجد
أما عند اللجنة بيرجعو وبيكررو السؤال
بتشكي ممكن رئيس الأطباء هو اللي استغل هالنقطة لطرفو
وعمل هيك
.
ميادة: هو بيكون جدي قبل ما يكون رئيس اطباء المشفى
لهيك مابفكر مجرد التفكير انو ممكن يعمل شيئ بيأذيني .
اللجنة: لازم تفتخي عيونك منيح يابنتي
السبب بموت مريضك هو رئيس الاطباء ماجد .
ميادة بتشهئ لا مستحيل .
اللجنة: بنوعدك انو رح يتعاقب أشد عقاب وينال جزاتو
وهلئ فيكي تتفضلي انتي بريئة .
بتطلع ميادة وهيا مقهورة وموجوعة كانت مشاعرها مو مفهومة ببتوقف قبالهم و الكل عم يطلعو فيها ويسألوها شو صار معها
بس ميادة نظرها معلق عشخص واحد
على جدها ماجد .
( ألم ترحم شعوري ، ألم تراعي صلة الدم التي بينا ، كيف لك ان تكون بلى قلب ، استبدلت قلبك بالحجر ، لكن والله الحجر بريئ منك انت أقسى من ان يكون قلبك حجراً ، انت بلى قلب وبلى ضمير )

#الجزء_الثالث_والثلاثون
.
ميادة بحزن : ليش هيك
احسان: انا كان مغلوب على أمري بالظبط متل امك .
بتقرب ميريدا لعند ميادة
ميريدا: معقول ماعم سدق ، من ايمتا وكيف وليش كل هي الأسئلة سألتها لا ابي قبل ما اجي عالبلد
وكان الجواب واحد وبس
انو بدو يلتقي ببنتو اللي نحرم منها كل هالسنين
.ماعرفت عندي اخت ألا بالصدفة
وكانت هالصدفة احلى شيئ مرق معي بحياتي .
بتمشي بخطواتها لعند امها
وعيونها مدمعة وبتقلها
ميادة انحرمت من حنان الاب
بس انا انحرمت من حنانك .
بتقرب منها رويدا وبتضمها وبتصير تبكي .
أما ميادة بتطلع ب ابوها بحزن
ليش مااجيت من زمان
ليش نطرت كل هي السنين

احسان: ماكان طالع شيئ بأيدي
وماكنت بعرف ليوم اللي صار معك الحادث عرفت بالصدفة
بس هلق انا ندمان عكل لحظة بعدت فيها عنكم
انا صح كنت بعيد بس كنت اعرف اخباركم
ماكنت متوقع انك بنتي
فكرت انو رويدا تزوجت وانك من حدا تاني .

بتقرب منو ميادة وبتضمو بشوق ولهفة .
احسان: بوعدك عوضك عن كل شيئ مرقتي فيه بحياتك
بوعدك غيرلك كل شيئ
بس انتي كوني قوية
وكل الماضي انسيه .
ميادة: ماكنت متوقعة بيوم انو يصير عندي اب
انا انحرمت من كتير شغلات بحياتي يا ابي .
احسان: ياروحو لا ابوكي بوعدك عوضك .
تيم بيطلع فيهم وبيتركهم وبيمشي
هو حقق اللي ببالو وكشف الحقيقة
وميادة هلئ صار عندها مين يحميها ومو بحاجتو .بس ميادة ماعم تروح من بالو (كانت ملاكي جميلة ونقية ، لاتعرف معنى للكذب ، نقاء قلبها أشبه بالماء العذب كلما ارتشفت منه يرويك وكلما اعمقت فيه يشفيك ، )

#الجزء_الثامن_والثلاثون

أما عند ميادة بتكون في حياة جديدة عم تعيشها
صار في مقارنة.بين امها وابوها
احسان دائماً عم يقدملها العون وبجانبه بكلشي بدها تعملو
وميريدا ماعم تتركهن لحظة لحالهم
بس في غصة جواتها
وماعم تلاقي ألها سبب .
بتكون قاعدة عالبرندا وعم تطلع عالسما
بتشعر على ايدين نحطت عكتفها
بتلتفت بتكون امها عم تحط عليا بطانية .
رويدا: الجو برد اليوم
هيك لحتى ماتبردي .
ميادة بتبتسم : شكراً
.
رويدا: مابدها تحكيلي بنتي الحلوة شبها
وبشو شاردة هيك .
ميادة بحزن: كنت اتمنى يكون عندي اب
وهي امنيتي تحققت بس مابعرف ليش مو سعيدة
برغم انو بابا احسان ما قصر بحقي من شيئ
وحتى طلب مني انو اسكن معو
بس انا رفضت لاني بدي ابقى معك وماتركك لحالك
بس في غصة بقلبي .
رويدا بحزن: صارت عيلتنا مقسمة لطرفين .
ميادة بابتسامة: وطلب مني ترجعيلو .
رويدا قلبها بيفرفح بس ما بتبين لبنتها: بعد هالعمر لك بنتي .
ميادة: لسا انتي ست الصبايا .
رويدا: الله يجير بخاطرك
.
ميادة: لك أمي الحزن هو اللي اكل ملامحك
بكرا عالسعادة والحب بترجعي احلى مني .
رويدا: لا وشو بدهن يحكو الناس .
ميادة: يعني انتي ماعندك مشكلة حالياً .
رويدا: تركي كلشي للايام ...
بعدين تعي لقلك يا مصلحة اجتماعية
عم تصلحي العلاقة بيني وبين ابوكي وطيب وانتي .
ميادة : شبني انا ؟
.
رويدا: مابدك تسامحي تيم
وترجعو لبعض .
ميادة: رغم كلشي سمعتو عنو
بس في شيئ عم يمنعني اتقدم ولو خطوة
خايفة لك امي ارجعلو .اتعرض لمتل هداك الموقف ويتركني • .
رويدا: لا بعيد الشر
بعدين تيم رجال والرجال قول وفعل .

#الجزء_التاسع_والثلاثون

ميادة: تركي كلشي للأيام ...
.
رويدا بتضحك وبتقلها بنت ا مك .
ميادة: كيف لكن اخدة كل اطباعك .
رويدا: بس ان شاء الله مايكون حظك متلي
وتضلي وحيدة طول عمرك .
ميادة بترجع بتطلع بالسما بحزن وبتتذكر يوم اللي لمحت تيم بالعزا
كان مهمل حالو
شعراتو مخربطة ودقنو طويلة
كان باين عليه الهم
الله يكون بعونك ياتيم فراق الاهل صعب
صعب كتير ..
.
بتمرق هالليلة ع خير
أما تيم بيصحى على رنة موبايلو
بيرد وهو عيونو مغمضة
اكرم: تيم بدي خبرك خبر حلو
نحنا قدرنا نمسك الرجال اللي حاول يعتدي على ميادة
وهو عندي حالياً .
تيم بيوقف بسرعة وبيقاو مسافة الطريق وبكون عندك .
اكرم: بانتظارك .
بيبدل تيابو وبيلبس بنطلون اسود وقميص اسود وبيطلع برات البيت .
بيوصل عالفرع وبدخل لعند اكرم ليتفاجئ بوجود ميادة .
اكرم: تعا تيم اتصلت ب ميادة لحتى تتعرف عليه (هو كان القصد من اكرم انو يثبت براءة تيم قبال ميادة وبرائة ميادة قبال تيم )
تيم بيتنهد بتعب وبيقلو طيب وينو .
اكرم: تفضلو معي
بيطلع اكرم وميادة بتوقف وبتصير عيونها مواجهة مع تيم .
ميادة: انا رحت على عزا بس ماشفتك لهيك من جوابي اني عزيك
الله يرحمها ويجعل مثواها الجنة. يارب والله يصبرك .
تيم بيغص قلبو وبيطلع فيها وبيقول بقلبو بس كرمال الواجب شو انا مابقي ألي مكانة عندك
لهدرجة نفرتي مني
وبيضل ساكت ومابيحكي شيئ .
ميادة عم تطلع فيه بحزن وبتقول بقلبها
ماعاد ينحكى معي ياتيم ليش عم تهرب نظراتك مني لهدرجة مو قبلان تشوفني .
ميادة بتمشي وبتلحق اكرم وقلبها عم ينزف .وتيم بيشعر عحالو وبيلحقها .

#الجزء_الأربعون

بالتحقيق
بيكون اكرم قاعد و قبالو بالظبط مجاهد
وبالغرفة اللي بيفصلهم حيط من زجاج وميادة.وتيم قادرين يشوفو كل شيئ .
اكرم بعصبية وبنبرة حادة بيضرب ايدو عالطاولة اللي بتكون حاجز بيناتهم وبيقلو .
اكرم: اي مجاهد احكيلي لشوف
ليش حاولت تعتدي على ميادة احسان
ومن بعدها حاولت تعتدي على ليا اسعد وطعنت امها كمان
مجاهد: مو أنا كل التخطيط منهم وانا بس أنفذ .
.
اكرم: من مين .
مجاهد: من ليا وامها
هنن اللي طلبو مني .
اكرم: بيكفي كذب .
مجاهد: بشو احلفلك ماعم اكذب .
اكرم: ليش حلفان واحد متلك مقبول
.
مجاهد بينزل رأسو بحزن .
اكرم: احكي كلشي او اقسم بالله رح خليك تتمنى الموت .
مجاهد: ليا كنت على علاقة معها من قبل
وكنا احلى تنين وانا بحبا لدرجة اعمل كلشي بتطلبو مني
بيومها اتفاجأت بصور ألي انا ووحدة مابعرفا ولا بحياتي شفتا
سألتها مين هي
بتقلي بنت بدي دمرها للعلم انو اللي كانت بالصور الحقيقة هيا ليا
انا ماهتميت بعدها بتطلب مني اني روح اخد هالبنت من مكان على بيت بعيد
واعتدي عليها وخبرها اني من طرف شخص نسيت شو اسمو
بالاول رفضت بس المصاري عميو عيوني
.
.
اكرم: الشخص اسمو تيم ؟
.
مجاهد : اي تذكرت تيم المسعود .
اكرم : كمل ليش سكتت
.
مجاهد: بيومها البنت كانت قوية وغدرتني وضربتني عراسي واغمى علي
لما خبرتها شو صار لا ليا حملتني الذنب وبطلت تحكي معي
صرت اتقرب منها دائماً وهيا بتصدني
لحتى من اسبوع بتتصل فيني هيا وامها بمهمة جديدة
بس هالمرة بتكون اني اقتل البنت .
انا رفضت هنن هددوني بالصور .بالمكالمات اللي معهن
اني اذا ماقتلتها رح يسجنوني .
حاولت اتقرب من ليا غصب عن ارادتها وقبال امها لحتى ربيهن بس امها بتفاجأني
وبتكون بدها تطعني بضهري
بيغمض عيونو وبيقول بس اقدرت اخدها منها واطعنا
وعلى اصواتنا التمت الناس وانا قدرت اهرب .
اكرم: بيضربو بوكس قوي
قليل شرف
وبيطلع من غرفة التحقيق

#الجزء_الثالث_والأربعون

بيوصلو وبيدقو الباب بيفتح مسعود الباب وبيتفاحئ .
تيم بضحكة : اشتقتلك خيرات الله لك ابي
وبيقرب وبيضمو بشوق كبير .
سهى بتكون خلفو وحاملة ابنها وبتقلو ونحنا كمان اشتقنالك ابي .
مسعود بدموع الفرح هاد سام حبيب قلب الجدو .
سام: اي انا بس انا حبيب ئلب حالو .
بتضحك سهى وبتقلو قصدو خالو
بعد السلام الحار والاشتياق
.
تيم: اي ابي احكيلنا شو صار بغيابنا

سهى بتغمزو لا ابوها .
مسعود: انا بعد ماسافرتو سكنت مع امي
وخالتك سلام سكنت قريب مننا وولادها بعد ما اتخرجو اشتغلو بالمشفى .
تيم: ياترى مكاني موجود .
مسعود: بدك تسأل صاحبتو .
تيم: ليش مين صاحبتو .
مسعود: احسان سجل المشفى باسماء بناتو وهو استقال
وعم يريح حالو لانو تزوج خالتك رويدا من كم شهر .واليوم عذمتني خالتك رويدا على خطبة وحدة من بناتها مدري ميازة مدري ميريدا .
تيم بيوقف بسرعة وبيقلو ميادة ألي .
مسعود عم يخبي ضحكتو : يمكن هيا يمكن اختا
انا لهلئ بخربط بيناتهم .
تيم: انا لازم وقف هالخطبة .
مسعود: ماعاد تلحق
الخطبة.بعد ساعة وباكبر صالة بالبلد
شكلو مدعوم العريس .
تيم: بخرب الدنيا انا ولا بخليا تتزوج غيري .بيطلع من البيت بعصبية وفوراً بيتصل على اكرم .
تيم: اكرم انا صرت بالبلد .
اكرم: نورت البلد
بس لاتوخذني مافيني شوفك
اليوم عندي مناسبة مهمة كتيررر
.
تيم: لك اكرم قصدك عن خطبة ميادة.مو هيك
قلي وريحلي قلبي
ميادة اللي خطبتها اليوم ؟
اكرم عم حاكيك رد علي
وين رحت ولاه
رد لك رد ...

#الجزء_الخامس_والأربعون

بتكون وائفة ميادة متل الاميرة بالفستان الذهبي المزين بالالماس ولا بشعراتها اللي متل الدهب
كانت طالعة بتاخد العقل
وسرقت عقول الكل بجمالها وبرقتها .
وبجانبها ابوها
احسان: وبحب عرفكم على خطيب ميريدا
وبيدخل جواد وهو حامل بوكية ورد جوري كبير بيقرب من ميريدا اللي لا تقل جمال عن ميادة
وبيبوسها من جبينها
وبيوقف حدها وبيمسك ايدها بلطف
.
أما احسان بيطلع ب تيم وبيبتسم وبيقول
وهلئ بعرفكم على خطيب بنتي ميادة
والكل بيطلعو عالباب ومن ضمنهم تيم
بس مابيكون في حدا
بيقرب احسان من تيم وبيقلو شو ياعريس
مابدك تتقدم لعاروستك
.
تيم بصدمة: انا .
احسان: اي انت لكن مين في غيرك .
بتدخل سهى وبتقلو
ابوك طلبها لا ميادة لما كنا بكندا
وطبعاً احسان بيك وافق يناسبنا
والرفيقة العزيزة ع قلبي هيا ميادة بتقرب منها وبتضمها
يااعمري طالعة بتجنني
واكيد اخي جن .
ميادة: هيك الظاهر
وبيضحكو سوا .
تيم: هلئ صح وقفتو قلبي
بس للصراحة حبيت هالمفاجئة
بس في غلط صغير رح تنقلب من خطبة لعرس .
الكل بيصير يضحك وبيقولو العريس مستعجل
.
تيم:: اذا ما بتوافقو انا رح اهرب .
احسان: هربت مرة بيكفي خلص البنت صارت ألك .
ميادة عم تطلع فيه ومو مسدقة .
وتيم شايفها وطاير عقلو
ومو مسدق صارت ملكو .كانو عم يطلعو عبعض وعيونهم عم تحكي ودقات قلوبهم عم تشرح شوقهن
وكأنهم لوحدهم بهالعالم .
ميادة بقلبها: اشتقتلك كتير لو تعرفت شو عانيت عغيابك وشو قضيت من بعدك
كلهن كانو بجنبي بس انا بدي ياك انت
انت وبس يا معذبي ..
.
تيم : اشتقتلك قد الكون كل دقيقة وكل ثانية ببعدي عنك كانت تحرقلي قلبي
حبيتك وعشقتك اكتر وانا اللي كنت مفكر رح انساكي
بحبك ياملكة قلبي