📚قصص||روايات||منوعة📚

بنات ابليس
الحلقة الرابعة
نحنا رح نحرق قلبك أكتر هلأ ورح نبعتلك كل الصور والأدلة يلي بتثبت كلامنا.. سكرت التلفون وصارت تبعت فيديوهات وصور!!.. بلّشت أدقق فيهم وأنا مو عارفة مين كل وحدة.. بس كان متصور معهم والأغراض يلي كانو بالشنطة نفسهم لابسينهم وبخلفية الصورة وبالمكان يلي همه فيه!.. احترت وما قدرت ابعتلها شي لأنها عملت بلوك بسرعة.. ومفكّرة انه هيك دمرتني بس ماكانت بتعرف انه هاد احسن شي عملته معي بهالوقت!.. قمت بسرعة بإتجاه باب البيت وحاولت افتحه لأوصل لجارتي شروق بس ما قدرت لأنه الباب كان مسكّر.. ضليت اخبّط على الباب لحتى تسمعني.. وفجأة سمعت طقة سكرة باب البيت عم تفتح لحالها !!.. رجعت لورا وأنا برجف والباب فتح
انتظرت لفتح الباب كامل وفجأة لقيت شروق.. دخلت وقالتلي أنا شروق لا تقلقي!.. قلتلها كيف جبتي مفتاح البيت!؟.. حكتلي أنا أخدته بس دخلت عندك وطبعته على معجونة صغيرة وانتي بتحكي معي بس ما انتبهتي.. نسخت عنه وخليته معي وما حبيت أحكيلك لأنه كنت متوقعة زوجك يحبسك.. صرخت عليها وقلتلها كيف بتعملي هيك!!.. قالت مو وقت الكلام واللوم.. انا اخدتلك موعد عند الشيخة زهراء.. لازم هلأ فوراً نقوم لعندها.. حكيتلها مين؟!.. حكت هلأ بتعرفي بس قومي بسرعة.. قلتلها بملابسي هيك!.. قالت متل ما انتي بس ادخلي معي شوي.. دخلت لغرفة النوم وقالتلي بدي كيس كبير.. اعطيتها وصارت تحط أغراض لزوجي وكل ما أسألها تحكيلي لا تسألي شي.. طلعنا من البيت واخدتني لمكان أول مرة بشوفه بحياتي.. حي قديم بس فيه بيوت فخمة.. التناقض العجيب يلي كان موجود بالمكان حيّرني لدرجة انه ما كنت عارفة بيت الشيخة يلي قالت عنها بيت متواضع أو بيت فخم!.. قالتلي هون.. أشّرت على بيت نصه كان لسه عم ينبنى جديد.. وكان طابقين كبار بس من أجمل البيوت الموجودة بهالحي!.. رنّت الجرس طلعت بنت صغيرة وقالت ماما بتنتظركم جوا.. أنا اسمي نايا وكانت مبارح بتقلنا في بنت رح تيجي لعنا اسمها مايا انتي هيّه مو هيك!.. قلتلها صح حبيبتي.. قالتلي خالتو انتي حلوة واسمك بشبه اسمي !.. بوستها وضحكتلها ودخلنا لجوا.. تطمنت شوي من بعد ما شفت البنت الصغيرة.. قعدت بالصالة متوترة.. شايفه نص اثاث وحيطان جوا عالعضم.. استغربت.. اجت البنت معها دفتر رسم.. قالتلي ارسميلي شي هون.. شفتها كاتبه كلمة نجران.. وحرف الألف مكرر تلات مرات.. قلتلها شو هاد.. قالت هون ارسمي.. اجيت ارسم قالتلي شروق.. هلأ بتيجي اتركي بنتها بحالها !.. دقيقة ودخلت من الصالة مره حلوة بعمري تقريباً ودخلت نايا تبتسملي !!.. نذهلت وسألتها بصوت واطي هي الشيخة!.. ابتسمتلي وقالت أنا زهراء.. تفضلي اجلسي.. حكت بعرف انك مستغربة توقعتي يكون عمري خمسين مثلاً مو هيك ؟!.. بس أنا تقريباً قدك.. الله أعطاني إلهام أنا مستغربة منه.. بس أنا بعرف السبب لهالشي!.. تطلّعت على الكيس وقالت هدول أغراض زوجك يلي طلبتهم من شروق؟!.. كنت رح أشرحلها حالتي قالت ما بدي تحكي شي.. صدقيني أنا بعرف.. مسكت الشعرة الحمرة يلي كنت محتفظه فيها وتطلّعت عليها.. حكتلي ريحتك وتصرفاتك ونظرات عيونك بتقول انك مأذية وأذية قويّة بس أنا صعب أعرف هلأ.. لازم أقعد مع نفسي واتفحص كل غرض.. حكيتلها بترجاكي حاولي أنقذيني.. جارتي حذرتني من يلي جاي وخايفة تتدمر علاقتي مع زوجي.. أنا لسه ما لحقت أفرح.. أنا متأكدة هوه ما كان هيك.. عم يتغيّر تدريجياً وحتى أنا عم بعمل تصرفات خارجة عن ارادتي!.. حكت قلتلك بعرف لا تشرحي!.. حافظة كل شي!.. انتي لازم ترجعي على بيتك وأنا رح أحكي معك تلفون وأحكيلك شو عرفت.. اعطيتها رقمي وقلتلها أنا ما بدي بس أنشفى من يلي صرلي.. أنا بدي أعرف مين يلي أذاني.. زوجي بقول عرف ست بنات وتعمّق بعلاقته معهم.. قلتلها شو سمعت من اخواته مياده ووجد.. وفرجيتها الصور يلي بتلفوني.. طلبت انقلهم على تلفونها.. وأنا رجعت على بيتي خايفة ومحتارة.. وأنا عالباب بحكي مع شروق.. قالتلي تركت ولادي عند امي لحتى اطلع معك.. حكيتلها انا اسفه بالأول ما ارتحتلك مابعرف ليه بس هلأ تأكدت انك انسانة منيحه.. رح أأمن بيتي عليكي ورح أخلّي المفتاح معك.. لو ما طلعت معك اليوم وكلام الشيخة زهراء ريحني شوي كنت بقيت محبوسة بالبيت.. دخلت عبيتها وأنا دخلت عالبيت.. كنت دايخة وحاسة نفسي جوعانة بس بنفس الوقت رح استفرغ!!.. كان بنتابني شعور انه في حدا معي بالبيت.. بس كنت بحكي يلي شفته مجرد هلوسات.. البنت يلي بشوفها شفتها بسبب شكوكي بزوجي.. بس فعلاً يلي بصير ما اله علاقة بهلوسة أو تعب.. أنا فعلاً مأذية من وحدة من البنات يلي كان بعرفهم!.. وكنت متشوّقة أعرف يلي رح تحكيه زهراء.. رحت لأطلّع شي من التلاجة رنّتلي أسماء اختي.. حكتلي ليه قفلتي بوجهي اليوم!.. احكيلي شو فيكي!.. حكيتلها صدقيني ما بعرف.. تخربطت حياتي فوقاني تحتاني وانا مو عارفة ليش.. قلتلها تخيلي نظفت نص البيت وما الي مراق انظف النص التاني.. جسمي هزلان وبحس بتعب.. قالت اذا بدك باجي اساعدك!..

وإنتي رح تصيري رهينة حقيقية عنا مو بس إفتراضياً ورح يتم تصفيتك خلال أيام!.. قلتله انت واحد كذاب وما فيك توصلّي!.. ثواني واختفى.. صرت اكتب وما يرد.. ضعت وخفت وأنا شايفة شرفي ومستقبلي وشهرتي مهددة!.. أنا من ساعتين كنت بحاول أعمل المستحيل لأوصل للجائزة والناس تحكي فيني وبشهرتي وبتأثيري.. هلأ شو رح أعمل!!!.. فتحت الباب وشفت أخواتي وحتى ستّي نبال أم أمي قايمة من نومها وواقفة.. سألت بيمان وأنا برجف.. بتعرفي شي إسمه شبكة الإنترنت المظلم؟.. قالت ما بعرف!.. صرت أبكي منهارة.. ودارين فتحت لابتوبها وقالتلي أنا سبق وقرأت عن هالشي!.. فتحت مواقع غريبة وصارت تقرأ وأنا الخوف زاد فيني.. هدول الأشخاص كيف وصلولي!.. كنت بعرف إنه شهرتي السبب!.. أمي توترت وصرّخت وقالت شو رح تعملي هلأ!!.. بهالوقت البنوك مسكرة.. ونص مالنا بحسابك وصورك هدول فضيحة للناس ولعيلة أبوكي!.. قلتلهم وين رؤى؟.. حكولي نايمة.. كنت شاكة إنه رؤى صوّرت شي اليوم بالبيت كونها من شلّة اليوتيوبرز المراهقين.. راحت ستّي قوّمتها من نومها وسألتها اليوم صوّرتي شي؟!!.. قالت ايوه!.. حكيتلها شو يلي صورتيه؟!.. قالتلي بإرتباك يوميات من البيت متل دائماً.. حكيتلها واليوم شو كان الموضوع؟.. قالت صورّتك من ساعات انتي وبيمان بالغرفة بدون لتشوفوني عم تحكو عن المسابقة ونشرته وكتبت خطة جهنّمية من أختي!.. كان فيديو صغير والصوت ما كان واضح.. يلي كان بدي ياه المشتركين يعرفو عن شو الموضوع السّري.. يعني أنا ما فضحتك!.. بس انا عم أحاول أحذفه بس ما عم بنحذف!.. قرّبت منها وضربتها.. طلبت منها تسكّر حساب اليوتيوب بس ما عرفت وحكتلي مو راضي حاولت ومو قابل!!.. لأول مرة بصير معي هيك.. بيمان قالتلي سكّري حساباتك وألتزمي الصمت.. أو.. قلتلها ما بصوّر الفيديو.. امي صرّخت فيني وحكت وبتنفضحي عالملا؟!.. صوّري الفيديو وخلصينا.. رفضت.. قالت دارين أنا عندي الحل.. قبل لتصير الساعة 12 رح نتصرّف.. قلتلها شو ممكن تعملي؟.. حكت في شب معي بالجامعة إسمه جايدن.. هاكَر وأظن بيعرف شو يعني الإنترنت المظلم!.. قلتلها بتوثقي فيه؟.. قالت الشب مقرر يخطبني.. امي صفنت فيها وستّي نبال قالت يبقى بنوثق فيه!.. اتصلي معه لأنه الوقت بمشي!.. دخلت دارين تتصل معه وأنا بقيت على أعصابي وبحاول اتواصل مع الشخص المجهول بس ما كان في رد.. وأمي بتوبخ رؤى.. بيمان قرّبت مني وحكتلي لا تفكري تروحي على المكان المهجور.. أنا شاكة إنه في حدا شاف الفيديو يلي نشرته رؤى وحلّله وفهم عن شو بنحكي وقرر يتصرف بسرعة ويخوّفك لحتى ما تروحي للمكان أو يمكن ليبعدك عن الجائزة.. وما بعرف إذا عم تفكري متلي أو لأ.. قلتلها شو قصدك.. جيمي؟!.. حكت ما بعرف بس إذا حدا قدر يوصل لصور محذوفة من تلفونك ووصل لعتبة بيتنا يبقى هاد شخص قريب.. نحنا لازم نتصرف ونحذف الفيديو من حساب رؤى قبل لينتشر.. قلتلها رؤى ما عندها مشتركين كتير بحسابها بس هاد ما بعني إني مو بخطر!.. نادت دارين على بيمان لتوصّف جايدن مكان البيت لأنها ما بتعرف توصّف الشوارع.. وأمي راحت للمطبخ تعملّي كاسة ليمون لتهدى أعصابي وستّي بقيت قاعدة مع رؤى عم تهدّيها.. الساعة كانت 10 و 45 دقيقة.. وأعصابي كانت بقمة التوتر.. أخدت تلفوني ولبست جاكيتي وطلعت من البيت بسرعة.. ستّي نبال نادت عليّه.. إيما وين رحتي!!؟.. طنشت صوتها وفتحت الباب وهربت لبرا
يتبع..
Mahmoud Salloum

الفيديو نزل وأنا ما كنت عارفة مصيري بهاللحظة.. رجعت لورا وهوه صار يقدّم وأنا بصرّخ لاااا.. بترجاك ما تقتلني!.. سمعت صوت ظهر من برا.. وخيال تحرّك.. شفت القطة جنب الباب.. والشخص اختفى تماماً.. قرّبت مني وهجمت عليّه وصارت تخرمشني.. وكأنها بتعتدي عليّه وبتحاول تقتلني.. كنت بصرّخ وبس بدي أطلع وأهرب من هالمكان.. وقبل لأوصل الباب وفلاش كاميرة التلفون لسه شغّال.. لمحت شكل البنت!.. ويلي شفته كان بقمة الصدمة.. البنت كانت بيري!.. بيري حبيبة جيمي يلي تركني عشانها !!!.. ما كنت عارفة أنا بتوهّم ولا هالشي صحيح!!.. بس يلي شفته أكّدلي إنه هالبنت بيري!.. طلعت برا وقدرت أكون جنب السيارة.. فتحت الباب وجلدي كله بنزف دم.. وماسكة التلفون بصعوبة.. كان بدي أتصل مع حدا وأحكيلهم شو شفت!.. بس ما كنت عارفة شو أتصرف بهاللحظة.. سمحت بالمكالمات وأنا عم بسوق بسرعة.. وأول ما فتحتها رنّتلي بيمان.. فتحت الخط وقلتلها بيمان.. لو تعرفي شو شفت.. لو تعرفي شو صار!!!.. حكتلي يا مجنونة يا غبية انتي شو صوّرتي وشو نزّلتي!!.. فهميني شو عملتي!؟!!.. قلتلها يلي لازم أعمله.. ما بدي الشخص يلي هددني ينشر الصور أنا رح أنفضح وأخسر لو صار هيك!.. حكتلي صورك صارت بكل مكان.. كل شي انتشر.. صاحبتك غزل حكت معي وقالتلي انها رنّتلك لتخبرك شو وصلها بس ما رديتي عليها!!.. وصلها الصور يلي كانت بالحساب المسكّر من بعد ما وصل لأكتر من حدا كمان!.. وفي حساب وهمي عم ينشر هالأشياء.. انتي شو كنتي بتصوّري فهميني؟!.. قلتلها مو عارفة احكي رح أعمل حادث وأموت لو بقيت معك عالخط.. بس أوصل!.. بعد نص ساعة وصلت العمارة.. دخلت البيت لقيت الكل واقفين مصدومين.. وأول حدا صرّخ بوجهي كان أمي.. قالتلي مين البنت يلي قتلتيها؟!.. قلتلها انا ما قتلت حدا.. حكتلي ولك انتي بالفيديو كنتي عم تقتلي حدا.. قلتلهم أنا شفت بنت مقتولة بتشبه بيري وفي واحد اعترض طريقي هوه يلي كان بقتلها.. وأنا صوّرت خيالو قبل ليختفي وتيجي القطة تخرمشني.. بدليل شوفو الدم على إيدي!!.. فتحت امي التلفون وعيونها بتبكي.. وبلّشت تعرض مقاطع الفيديو!.. أنا عم بدخل وبتطلّع على الكاميرا وبضحك وبإيدي شي بشبه الخنجر.. بضربه براس البنت وفجأة بيجي شي بعترض الصورة وبصير عتمة.. حكيتلهم مو هاد يلي صار!.. كيف هالشي تصوّر!؟.. يعني انا ما كنت بوعيي!.. مستحيل!!!.. قالتلي انتي رحتي وقتلتي!.. صرّخت فيهم وحكيت أنا صرخت بالفيديو وطلبت النجدة.. قالت امي البنت يلي كانت بتطلب النجدة مو انتي!.. رجّعت بيمان الفيديو وسمعت الصرخات والنجدة!.. حاولت أبرر.. وقلت أنا ما قتلت.. المكان بالفعل مسكون ويلي صار غريب.. أنا شو عملت بنفسي!!.. بدل ما أكحلها عميتها ؟!.. أنا متأكدة القطة يلي ظهرتلي هيّه جن!.. أو هوه فعلاً مجرم!.. قالت امي بكفي تبرري!.. الناس ما رح تفهم هالشي يلي بتقوليه.. شوفي شو عم يحكو.. انتي بنظرهم هلأ مجرمة.. والفيديو ما كان فيه لا شخص ولا قطة!.. شو عملتي بحالك؟!!.. رمتلي التلفون وحكتلي يلا تفضلّي شو رح تبرريلهم؟.. اخدت تلفوني لأشطب الفيديو قبل لينتشر.. الحساب ما كان بيدخل!.. وبيعطني فشل الدخول!.. صرّخت الحساب ما عم يفتح!.. أنا خلص تدمرت!.. قلت لدارين مو حكيتي في شخص إسمه جايدن بتعرفيه؟.. ليه ما اتصلتي معه؟!.. خليه يجي بسرعة!.. قالت طلع عنده سفرة مع ابوه وهوه مو بالبلد هلأ!.. شهقت بيمان وقالت بيري!!!.. عم يحكو انك قتلتي بيري وفي مصادر من عائلتها بتقول انها كانت مختفية!.. رؤى قالت حسابك الفيسبوك عم ينشر الفيديو يلي صورتيه بالسناب!.. حاولت ادخل حساب الفيسبوك دخل بس ما بقدر أعمل أي أمر وبمنع النشر أو التراسل!.. شعرت اني ضايعة ويلي صار مؤامرة عليّه.. وغرابة كبيرة تحوّلت لكابوس حقيقي.. قالت امي الشرطة يمكن تيجي.. ستّي نبال حكت حفيدتي ما عملت شي.. أنا متأكدة إيما ما بتأذي حدا !!.. قلتلهم أنا رح أتصرّف.. أخدت تلفون بيمان وفتحت على حسابها.. جمهورها نصهم من عندي.. ويلي ممكن أصوّره من تلفونها رح ياخدوه وينشروه بنفسهم!.. فتحت سنابها وبدأت أحكي.. أنا ما قتلت حدا يا جماعة صدقوني.. الفيديو يلي شفتوه كان تحت التهديد.. يلي قتل بيري هوه جيمي!.. بدليل المكان يلي صوّر فيه!.. جيمي خطفنا وقتلها وكان بده يقتلني.. هوه مفصوم ومجنون!.. وخلّاني أقرّب منها وأمثّل إني قتلتلها بس ليبعد الشبهه عنه.. نزّلت الفيديو.. بتلفون بيمان كان واضح وتمام بس رؤى فتحته من تلفونها وقالت الفيديو نازل بس بدون صوت.. وفي تشويش واضح بالصورة!.. الصوت مختفي!.. متابعين بيمان كانو بسألو أنا شو عم بقول ؟!.. حكيتلها انشري فيديو ورا هاد واكتبي الكلام يلي حكيته كتابة.. أخدت بيمان التلفون وكتبت نفس الكلام.. وأول ما حاولت تنزّله حكتلي الحساب طلع لوحده!.. حاولت تدخل مرة تانية طلعلها فشل الدخول!.. قلتلهم هاد جيمي الواطي!!.. أكيد عم بنتقم مني!.. هوه ورا الحساب المسكّر وهوه يلي نشر كل شي.. قالت دارين وهوه ليش لينتقم منك؟..

طول عمري كنت بخاف منه!.. دخلت البيت شفت عزة بتضحك بصوت عالي مع امي وكنت لأول مرة بشوفهم مبسوطين هيك.. بقيت اتطلع عليهم بدون لأتكلم وبهاللحظة نسيت كل شي صار.. قرّبت منهم بهدوء وأنا ببتسم ونزلت على رجلين أمي وحطيت راسي على ركبها.. قرّبتني وحضتني.. كان بدي أنسى أي تفكير سيء.. وأمي على الفور صارت تلعب بشعري وتحسس على وجهي ولسه بتضحك.. عزة غارت وحاولت تبعدني وصارت تقول مو بكفي اقتحمت جلستنا وكمان بدك تاخد أمي مني!.. حاولت تبعدني وأنا غمضت عيوني مو مهتم لكلامها ومبسوط بأمي.. قرّبتها أمي منها وقالتلها لا تغاري وانتي الك حصة بقلبي تعالي.. حطت راسها جنب راسي على طرف ركبة رجلها التانية وصارت تلعب بشعرها وتضحكلنا.. وتدعيلنا تزوجنا.. عزة ضحكت وقالت انا موافقة يجيني أي عريس.. لو يجي أي واحد من الشارع هلأ ويدق الباب دغري رح بقبل بس ابنك هاد المفلسف يلي بده وحدة من الخيال شو بده يزوّجه؟!.. قالت امي لا تحكي على اخوكي.. رح يتزوج.. وأحسن بنت بالعالم يلي تستاهلو وتستاهل عقله وخياله.. بس يأشر عليها وأنا رح أروح برجليه أخطبله ياها لو كنت مكرسحه وبلا رجلين!.. قلتلها أنا بدي أضل معك ما بدي أي وحدة تاخدني منك يا أمي.. قالتلي انت رح تضل ابني المدلل يلي اتحملت كل أسئلته الفضولية كل حياتي.. بس خليني اتطمن عليك.. حكيتلها بتطمن بس أكون بحضنك .. قالت عزة شفتي كيف بيتهرب؟.. ما ضل بنت ما عينها فيه.. معجبات كتار وبكل رواية بجذب عدد أكبر منهم.. إذا ود قتلت حالها ليعبرها.. وبالجامعة!.. اتطلعت فيني وقالت بدك امي تعرف؟!.. ضميت حواجبي بعصبية.. وعزة قالت لا امي بس الله اعلم كم وحدة بتحبو!.. أنا شفت رسائل الغزل كلها!.. حطيت إيدي على تمّها وسكرتو.. وبقيت تحاول تحكي.. وامي تضحك.. قالت ود؟.. كل هاد بطلع من هالفصعونة وأنا بحكي ليه بتحب تيجي عنا كتير!.. والله ود حلوة ومرتبة شو رأيك نخطبلك ياها؟!.. ضحكت وبعيوني دمعة فرح.. تفكير أمي فعلاً كان يضحكني!.. حكت عزة أنا ماخدة ود على قد عقلها وبعرف انو مستحيل يحبها بس ما بدي أكسر بخاطرها للبنت.. بس المشكلة بإبنك يلي عم يجذبها بكل رواية بكتبها.. عم تعشقو بكل مرة أكتر!.. كانت عزة بتقلّب بتلفونها وفجأة شهقت.. امي سألتها شو في؟!.. قالت في بنت منتحرة بجامعة قتيبة!.. هالشي صح!.. قالت امي اعوذ بالله!.. قلتلهم صحيح وفي حد اغتال دكتور.. امي توترت وخافت وعزة بقيت تقرأ الخبر حكت ناشرين إسمها.. وهالإسم مو غريب.. انا اتطلعت عليها وقلتلها شو يعني بتعرفيها؟!.. قالت كنيتها سامعتها والإسم.. رح أتصل مع تسنيم.. هي صاحبة الي بتدرس معكم بنفس الجامعة وشاكة انو بتعرفها!.. دقيقة ورنت.. ومن طريقة كلامها عرفت انه البنت بتعرفها صاحبتها.. قفلت الخط وأنا قلتلها شو حكت؟!.. قالت بتعرفها صاحبتها وقريبة منها كتير.. وبتقول إنه البنت عندها اضطرابات نفسية وآخر فترة كانت مو طبيعية.. عم يقولو في شي أثر عليها وغير أسلوبها يعني يمكن انتحارها ما كان بإيدها!.. قالت امي كيف يعني؟!.. قالت عزة يعني ممكن تكون البنت مسحورة!.. قالت امي سحر وقتل.. نحنا وين عايشين!.. في ناس بتأذي هيك؟!.. قلت لعزة بتقدري ترجعي تتصلي مع تسنيم وتطلبي منها تيجي لعنا.. حكت عزة تسنيم ما عمرها اجت لهون.. ليه لتيجي.. قلتلها الموضوع بخص الرواية.. انا رح اعملك أي شي بدك ياه بس خلي هالبنت تيجي لهون!.. دخلت لغرفتي وحكيت الكلام يلي صار لوسام.. زاد التوتر.. بإنه موضوع البنت قريب من أختي.. يعني بالفعل الموضوع راح بإتجاه الحتمية بإنه كل شي عم يصير لسبب حتمي بس مجهول!.. قفلت البرادي ومن المغرب قررت أنام.. طفيت تلفوني ومن شدة القلق صابني وجع معدة.. توترت وما عرفت أغفى.. اندق الباب.. دخلت عزة.. حكتلي قتيبة.. انا حكيت لتسنيم تيجي بكرا.. بس بتقول إنه في كلام خاص صاير مع البنت صعب تحكيه.. يعني بتضل صاحبتها وما بدها تطلّع يلي صار عالملا عشان رواية.. قلتلها ضروري تيجي.. خليها تيجي وبعدين هالحكي!.. قالت رح تيجي.. بس في شي كمان خوفني من شوي.. حكيتلها شو!؟.. قالت وصلتني رسالة من رقم مجهول بتقول إنها بنت معك بالجامعة إسمها بنان.. بتحكيلي قولي لأخوكي يشيل الحظر قبل لأفضحو وأحكي لمين منتمي وشو عم يخبص.. بلا ما يوصل الكلام لوالده.. هي مين وكيف جابت رقمي!.. مو نفس البنت يلي كنت تعرفها بالجامعة؟!.. هديك ما كان إسمها بنان !!.. سبّيتها وعصبت.. وقلتلها احظريها وأنا هلأ بتفاهم معها.. قالتلي شو قصدها؟.. انت منتمي لحزب مو كويس؟!.. حكيتلها اطلعي عزة واقفلي الباب.. طلعت ورنيت على بنان.. حكيتلها من اليوم بتنسي واحد اسمه قتيبة.. انسي كل شي بينا.. نحنا تركنا خلص.. مو انتي البنت يلي بدي ياها.. ولو بوصل خبر لأهلي رح أدمرك وإعتبريه تهديد!.. قفلت بوجهها وحظرتها وبسبب عصبيتي قدرت أنام.. كان الجو هادي ولأول مرة بكون متل المخدر بالتخت.. حاسس بتعب وبراحة.. بدأت تتشكل صور..

بدي أعرف كل حجرات السفينة السريّة ومداخلها السفلية وكيف فيني أوصل.. ما بدي أنزل وأعلق أو أنأذى.. بدي حدا يكون معي بدون لا تنكشف الأسباب.. وأكيد فيني أعرف هالشي من الشخص يلي بتحبيه.. حكتلي بساعدك.. أوس هلأ بكون مع مساعد القبطان.. هوه شخص أمين وكتير طيّب.. رح أحكيله.. أنا كتير بحبك وبحب كل شي كنتي تقدميه وكنت دائماً خايفة عليكي بس كل مرة كنتي بتثبتي إنه قلبك قوي.. بس هلأ أنا لازم أوقف معك.. وكنت عم بتطلّع حواليه لأشوف نظرات الأشخاص يلي جنبي.. بالرغم إنه نصهم معروفين بس ما كنت متطمنة حتى من رجال الأمن يلي ممكن يكونو مدسوسين.. طلعت بنت عم تنادي على مرح وأنا إستغربت منها ومن الطريقة يلي بتنادي فيها.. قالتلي مرح هي صفاء عازفة الموسيقى بالسفينة.. وراقصة بالية.. إتعرفت عليها واتعلقت فيها.. قلتلها بهدوء.. أوعك تعرف أي شي!.. سبأ إنتبهت على نبرة صوتي الحادة.. وقالتلي الموضوع بس عن أمك ولا في شي تاني؟!.. قلتلها لأ بس هاد.. حكت مرح ما تخافي أنا ما بوثق بحدا.. وما رح أحكي عن الموضوع.. راحت عند صفاء ودخلو للسفينة وأنا بقيت مع سبأ.. قلتلها لازم نشوف أوس.. أنا خايفة تكون أمي هون!.. قالتلي تعالي.. دخلنا من باب ثاني.. لممر طويل كله غرف مراقبة وتحكّم.. وقالتلي بكون بطاقم الآلات.. شفناه عم يحكي مع موظفين.. نادته وهوه عرفني وسلّم عليّه.. وإستغرب من وجودي بالسفينة عهالرحلة.. حكيتله عن يلي صار.. وقلّي إنه ما فيه ينزل ويترك شغله بس فيه يعطيني خريطة لكل السفينة وفيها تدلني على كل الحجرات والمداخل والمخارج والغرف وأماكن شحن البضائع بالأحرف والأرقام.. أخدت الخريطة منه وسبأ حكتلي أنا ما فيني أتأخر على شغلي كمان.. قلتلهم بس أنا ما فيني أنزل لوحدي.. بدي حدا يكون معي.. قالت سبأ الطباخ مو راحمنا.. وما في أي بريك حالياً.. إذا بتحبي نزّلي صفاء.. هيه عازفة ووقتها طويل.. عم تقضي شفتات مع العازفين وهلأ عندها بريك أكيد لأنها نادت على مرح لتحكي معها بالمطبخ.. قلتلها ما في غير هيك بالأخص إنها بتشتغل بالسفينة من زمان.. نزلنا مرة تانية على الصالة.. وحكيت مع صفاء.. كنت قلقانة وشادة على الخريطة والوقت بقطع.. وأنا أفكاري عم تتغيّر كل دقيقة.. صفاء حكتلي فينا ننزل هلأ.. نزلنا من الأصنصير للطابق الثاني كان فاضي تماماً وبوابه مقفولة.. حكتلي ما بعرف شو يلي صار.. الوضع غريب.. أنا يلي بعرفه إنه المفروض يكون فيه بالرحلة 700 راكب.. والعدد كتير قليل.. الظاهر إنهم منعو الناس العاديين منها واكتفو بأصحاب النفوذ والعلاقات القويّة لحتى يسافرو.. قالت بس كيف ممكن تكون أمك هون؟!.. أنا ما فهمت بس عرفت يلي صار معك وكنت عم بشوف الحلقة قبل الرحلة وإستغربت من وجودك!.. قلتلها بجوز يلي صار خطف.. المهم هلأ خلينا نعرف شو في هون.. صارت تقول هلأ في طابق أخير وهوه الطابق يلي بتم فيه تخزين البضائع والشحن بمختلف أحجامها.. أما الطابق الأخير فما فينا نوصله لأنه خاص بالعمال وفيه صهاريج نفط وغازات وكتير صعب ندخله.. نزلنا للطابق السفلي.. شفنا صناديق كبيرة وشحن مغلفة.. قلتلها ما في شي عم يدلنا إنه في حدا موجود.. كل الأماكن فاضية!..

كان بشكل قزم.. وكلّمني بلهجة غريبة.. لهجة أفريقية.. ويلي إكتشفته إني أنا بعرف أتكلم هاللغة.. وبعرف لغة تانية.. أنا مو ضايعة وبعرف أتكلم!.. بس ذاكرتي ممسوحة!.. حكيت معه ودخلني.. كانت الغرفة كلها دخان.. سودة ومخيفة وقاتمة.. شفت وحدة لابسة أسود بآخر الغرفة.. كانت سمرة كتير وملامحها أفريقية.. قرّبت منها.. وقلتلها أنا ضايعة وما بعرف شي هون.. مو متذكرة ولا شي.. طلبت مني أقعد.. حكتني بلهجتها وقالتلي إسمي رومان.. كانت مستغربة من وجودي.. حكت إنه في سيّاح بييجو على هالجزيرة بس بغادرو بسرعة بسبب المشاكل يلي بتصير والأخبار يلي بسمعوها.. وطلبت مني ما أضل.. من بعيد حديث طويل.. ضيّفني القزم عصير جوز الهند.. وبدأت رومان تحكيلي عن حالي.. إني إعلامية وفي أشخاص حواليّه خدعوني وكلهم موجودين بالجزيرة.. وفي شخص منهم عم بخطط لقتلي.. بهاللحظة صدّقت الكلام يلي سمعته.. وإنه في شخص بده يقتلني!. حكتلي خدي حذرك لأنه الشخص عم يدوّر عليكي.. أما يلي كانو عم يخوّفوكي فمصلحتهم إنتهت معك وهلأ عم يحاولو يرجعو.. بس الباخرة يلي كانوا عليها إتدمرت وغرقت.. قلتلها طيب كيف وصلنا لهون؟!.. قالت جرفكم المحيط لأول الجزيرة من بعد وقت طويل إنتي ما كنتي واعية عليه.. لأنك كنتي بحالة إغماء بغرفة مع تنتين نسوان.. وطلعكم شخص إسمه ناصر.. ومن بعدها إختفى عنكم.. حكيتلها يعني هوه حطني على الشط؟.. قالت لأ.. في حيوان سحبك من الماي.. وواضح إنها معزة بريّة.. كانت عم تحط على إيدي رمل.. وتقرأ بعيوني.. حكتلي هالمعزة إلها حكاية بحياتك.. تقريباً هيه يلي جابتك لهون.. ووسوست للكل ييجو.. مع إنه الموضوع كان مرتب!.. كنت مصدومة من حديثها من بعد ما حكتلي تفاصيل حياتي القديمة والحاضرة وكل يلي صار.. وقالتلي في إلك حدا من لحمك ودمك هون.. وعم يدوّر عليكي.. قلتلها أكيد الأم.. إذا إلي أم عايشة فأكيد بتكون موجودة.. قالت ما بعرف.. يلي شايفته إنه في حدا من لحمك ودمك.. ومتخبي بمكان بعيد عن الأنظار.. يمكن سمع عن يلي بصير بهالجزيرة.. حكيتلها شو عم يصير؟!.. قالت في أشخاص معزولين هون عن العالم إسمهم أسُن.. وهدول بمنعو أي شخص يدخل هالجزيرة من آلاف السنين.. وإذا شافوه بقتلوه.. أو بخلوّه خدام عندهم مع عذاب وذل دائم.. أشكالهم مرعبة ومخبّيين بكل مكان.. بحملو رماح وسهام وأسلحة من صنعهم.. وبدهنو أجسامهم باللون البرتقالي يلي بصنعوه من الرمل ومادة أخرى بملكوها.. وبآمنو بالسحر والشعوذة وبأذو بعض بهالطريقة من خلال الحيوانات.. قلتلها وليه ما قتلوكي؟!.. ليه إنتي مو خايفة منهم برغم إنك منعزلة بهالمغارة؟!.. قالت لأني بمنع عنهم الأذى يلي بوقعو نفسهم فيه من السحر يلي بصنعوه وكله من خلال إيماني.. حكيتلها أنا خايفة وحابة أرجع للمكان يلي كنت فيه.. بس ناسية إسم المدينة وحتى الشارع!.. حكتلي في عندي شعور بحكيلي إنك ما رح ترجعي.. بالأخص إنه السبيل الوحيد لرجوعك إنتهى.. قلتلها أكيد في طائرات أو سبل ثانية ممكن توصلني.. قوليلي أنا من وين!.. حكتلي لأ.. ما رح أقلك.. لأنه كل يلي ببلدك بيعرفو هلأ إنك ميّتة إنتي وكل يلي معك!.. إنصدمت وقلتلها كيف؟!.. قالت وصلهم خبر إنكم إنتهيتو بمثلث برمودا.. قلتلها يعني إنتي بدك أضل هون!.. ليش؟!.. حكت لا تسأليني شي.. وحاولي تطلعي مع هيتا.. رجع القزم وقلّي قومي.. كنت عصبية وقلتلها ليه ما بدك أرجع؟!.. فهميني!!!.. قالت لأني قرأت إنك مسحورة بسحر من هالجزيرة بالذات!.. ورجوعك مستحيل!.. يا بتعيشي هون يا بتموتي هناك.. والخيار لإلك!.. قلتلها كيف؟!.. حكت من خلال ماعز.. نأخذ من هالجزيرة.. وإنقطع راسه.. كان هدفه خراب حياتك بوقت قياسي.. وخراب مستقبلك.. قلتلها أنا بدأت أتذكر.. عم بتذكر شنطة صغيرة أنا قلت لحدا من يلي كانو بحياتي إنه فيها مستقبلي كله.. كأنه حارس أو أستاذ.. قالت سائق تاكسي ببلدكم.. وأنهوه ليسرقو كل شي.. كنت خايفة.. وقلتلها يلي كان بده يأذيني كان ممكن يعمل هيك بدون ليسحرني من هالجزيرة ويدمر حياتي.. قالت لأنه يلي أذاكي مو نفس الشخص يلي سرق الشنطة.. وأنا ما بعرفه.. ولو شفته ما رح أعرفه.. بس هوه هون.. موجود معك.. كنت ببكي.. وصرت بصرّخ.. حكتلي إطلعي قبل ليجي عندي حدا من الأسُن ويأذيكي.. ما بدي أكسب خطية ضحية عندي.. قلتلها بس إذا طلعت أنا بجوز ما أرجع.. قالت أنا حاسة إنه في حدا رح يساعدك.. إطلعي من هون.. ولو القدر رجّعك لعندي رح أرجع أساعدك.. رومان ما بتتخلى عن حدا يا روسيل.. قلتلها إسمي روسيل؟!.. قلّي هيتا خلصت الزيارة.. فتحلي الباب وطلّعني.. هالإنسانة ذكرتني بكل شي بحياتي.. من أشخاص وأحداث ومواقف حصلت.. بس خوّفتني أكثر.. من قاتل عم يدوّر عليّه ومن مجموعة أشخاص مخبيين إسمهم أسُن.. مدفونين بكل مكان.. كنت عنيدة وبدي أعرف شو يلي صار.. وأوصل لنتيجة.. رجعت شفت المعزة واقفة.. كانت عم تستناني.. قرّبت منها.. حكتلي رح أخبّيكي.. قلتلها هلأ عرفت شو قصدك.. أختك إنقتلت بسببي أنا من شخص عم يحاول يقتلني!..

.. وطلع النهار.. إنفتح الباب.. كانت أمي واقفة بعرض الباب.. وقالتلي عمك مات.. وإبنه مفقود.. وأبوكي منهار.. سكّرت الباب وقرّبت مني وقالتلي.. وأنا رح أنهي حياتك لو ما قلتي مين الحقير يلي دخلتيه لبيتنا!!.. مين بكون آسر إبن الحرام!!.. حكيتلها ما بعرف.. كانت إيدها بترجف وعيونها برفّو من الغضب.. حكتلي ما رح أرأف بحالك.. اليوم رح تتزوجي رواد!.. رواد الفقير المنتوف الجاهل خدامنا!.. رح تتزوجيه لو ما قلتي.. أنا جاية أعطيكي فرصة أخيرة قبل لأبوكي ينفذ.. إحكي!.. إحكي وقولي مين بكون!.. رجعت قلت ما بعرف.. رفعت إيدها لتضربني وبهاللحظة إنفتح الباب.. كانت حياة.. قالت لأمي.. صاحبتها سلام بالصالة وعم تسأل عنها بدها تشوفها.. وأنا كنت رح أطلعها لبرا.. قالت أمي لأ ما تطلعيها.. أجت برجليها.. قالتلي رح أرجعلك.. قفلت الباب وطلعت.. وبعد وقت طويل كانت سلام بغرفتي.. إتطلعت على الشباك وقالتلي إنتي شو مخبية عن أهلك؟!.. أمك حكتلي.. وعم تفكرني بعرف.. بس حلفتلها إني ما بحياتي سمعت عنه منك.. وبدها ما أطلع من الغرفة قبل لتعرف مين آسر.. ياقوت مين آسر؟.. حكيتلها ما بعرف.. قالت سلام.. أمك رح تزوجك لرواد!.. خادم بيتكم هاد الغبي يلي على البركة.. صدقيني رح تعملها.. واضحة الجدّية بكلامها.. صرّخت ما بعرف.. ما بعرف!.. قالت يبقى مين يلي دخلو البيت وخطفو إبن عمك؟!.. كيف عرفو بوجوده ببيتكم.. هزّيت راسي بإستهجان.. حطّت إيدها على إيدي وقالتلي ياقوت أوثقي فيّه.. إحكيلي مين بكون؟!.. يمكن إذا طلع شخص منيح نقدر نقنع أبوكي يزوجكم!.. قلتلها ما بعرف عنه شي!.. حكت يبقى في آسر بحياتك!.. كيف عرفتيه إحكيلي؟.. حاولت تفتح الجرار وتطلع القصائد والدفاتر وكنت عارفة إنه أمي حكتلها كل شي لتقدر تعرف كل التفاصيل المبهمة.. قلتلها رح أحكيلك بس لا تقرّبي من هالمكان.. رجّعت إيدها وقالت إحكي.. قلتلها آسر هوه شخص ما بشبه أي حدا.. إنسان جاي من بعيد من مكان صعب نوصله.. بس أنا بكون معه وين ما بكون.. صرلي خمس سنين بعرفه.. عشنا أيام ولحظات ما حدا بعرفها.. ويلي كتبته عنه مو كل شي صار.. في أشياء بقيت مخفيّة وما حدا عرفها غيري وغيره.. شفت سلام مستغربه.. قالت طيب كيف كنتي تشوفيه؟.. أنا دائماً بكون معك بالمعهد وبنروّح سوا.. وأمك عم تقول إنك كنتي عم تنزلي من الشباك.. بس صعب!.. إنتي بالطابق الثاني.. ونزولك من الشباك لبرا صعب وممكن يقتلك!.. كان هوه ينزّلك؟!.. أخواتك عم يقولو إنك كنتي بتشوفيه بالليل.. هيك قرأو بالورق!.. قلتلها بالليل وبالنهار وبكل وقت.. قلتلك آسر معي دائماً وعم يحميني.. أنا متأكدة إنه هوه يلي عمل كل شي صار مبارح.. هوه قلّي!.. وكان موجود قبل ليلة برا.. وبعّد بابا وأمي عن القصائد لحتى ما حدا يقرّب منهم!.. طلبت تقرأهم وحاولت تفتح الجرار وأنا بعدتها.. قلتلها لا تلمسيهم.. يلي بيني وبينه أسرار.. حكتلي إنتي خبرتيه إنه إبن عمك رح يتزوجك؟!.. قلتلها خبرته.. هوه بعرف كل شي.. قالتلي طيب مين بكون؟!.. ما تخافي ياقوت بحلفلك إني ما رح أقول لأمك.. أوثقي فيّه ياقوت!.. قلتلها أنا عنجد ما بعرف.. هوه شخص إقتحم حياتي فجأة.. كنت بحس بوجوده عم يحميني ويدعمني ويحرسني متل الملاك!.. وكان دائماً معي.. كان ملاكي.. في كتير لحظات صارت وتأكدت من حمايته لإلي ومنه هوه بالذات!.. وهوه كان بخبرني فيها قبل لتصير!.. بس أنا ما قلتلك.. حكتلي صحيح ولو ما انفضح أمرك ما كنت عرفت.. إنتي غامضة وغريبة.. هدوئك غريب ياقوت!.. مو بس أنا كنت شاكة إنه في من وراه شي.. حتى كل المعلمات كانو يقولو هالبنت مليانة من جوا.. بتتذكري المدرسة؟.. قلتلها من هالوقت وآسر معي.. نحنا كبرنا سوا.. بس لهلأ ما قلّي شي عن أهله وحياته.. بس يلي بعرفه إنه هوه موجود وعم يأثر فيني.. صدّقيني سلام!.. شفتها سرحت وصارت تتطلع حواليها.. إتطلعت بعيوني وقالتلي بهدوء.. ياقوت.. هاد آسر يلي بحياتك إنتي عم تشوفيه متل ما إنتي شايفيتني هلأ قدامك؟.. وعم تلمسيه متل ما أنا لامسة إيدك؟!.. أو وجود هالشخص بحياتك خيال مأثر عليكي وعم تحسي إنه موجود بينّا بالواقع؟!.. إتطلعت بوجهها وإبتسمت.. حكتلي بهمس.. أوثقي ياقوت وإحكي!.. سرك ما حدا رح يعرفه.. آسر موجود متل ما أنا موجودة معك وعم تحكي معه متل ما أنا عم أحكي معك؟!.. قلتلها صحيح.. قالت إعطيني دليل.. فتحت الجرار وطلعت الزنبقة الذبلانة وقلتلها هي منّه وريحة أصابعة لسه عليها.. شمّتها وأنا أخدتها ورجعتها.. قالتلي وهلأ وينه؟!.. قلتلها برا عم يحرس البيت وشافك!.. انصدمت وقامت تركض للباب

يتبع..

برأيك وحدة عاقلة كل الناس بحمدو بمهنيتها وأخلاقها وسويّتها ممكن تعمل هيك شي!!.. قلتلها ليش ممكن أكون أنا؟!.. الأسباب شو؟!.. وكيف ممكن أدخل بيتها وأنهي حياتها وحياة إبنها بهالسهولة بدون ما حدا يشوفني أو حتى كاميرا تكشفني!.. قالت صحيح كاميرة باب البناية ما في ولا واحد غريب دخلها وتم التحقيق مع كل السكان يلي
Telegram: @rwayate دخلو وطلعو من البناية وما في دليل.. ما في أي تفسير للشي يلي صار!.. لأول مرة بستصعب جريمة.. قلتلها يبقى إقبلي باللي صار.. هاد اللي بإيدك مو دليل ولا وجودها ببيتي قبل يوم من موتها دليل.. الوحيد يلي بعرف ترجمة كل التفاصيل الغامضة يلي بدك ياها هيّه وحدها!.. ليش كانت بدها ياني أطلع معها وليش أجت على بيتي.. وليش حتى ما طلعت من بيتها وقتلت إبنها ونفسها!.. نحنا ما بنعرف شي!.. قالتلي وهاد يلي بإيدي؟!.. أنا بدي أشوف كل الألعاب يلي عندك وأتأكد من يلي بشبهوها!.. قلتلها إنتي مش مخوّلة بالتفتيش وما معك أمر.. التحقيق معي إنتهى مبارح وأنا ما عليّه شي.. قالت وإذا جبت الأمر؟!.. أكيد رح تدفن القطع بالأرض قبل لنوصل.. وما رح تخلينا نركبهم ونعرف لأي صورة تابعة هالقطعة!.. قلتلها أنا مو خايف منك.. أنا ما حدا بؤمرني مين ما كان.. جيبي ورقة التفتيش وتعالي شوفي القطع كلهم.. بس إنك تحكيلي بدي أشوف هيك بسهولة.. فلا تحلمي!.. قالت أمي يا ستي إبني ما بقتل.. أكيد اللي صار شي نحنا ما دخلنا فيه!.. قلت لأمي هيّه محققة مش ست حدا!.. قلتلها الزيارة إنتهت.. ورح أعتبرها زيارة ومباركة بالبيت الجديد مش تحقيق!.. هزت براسها وإتطلعت على البازل بهدوء وحطته بالبالطو وقالتلي.. ولا يهمك.. مبارك البيت.. تشوفو على وجهه الخير.. راحت بإتجاه الباب وأمي قالتلها لسه ما ضيفناكي.. ناديت على أمي وسكّتتها وراوية طلعت.. أمي كانت معصّبة وقالت.. يلي صار مبارح مخيف وكلام ماجدة وإبنها مخيف أكثر!.. هدول ما رح يتركونا.. الأرواح يلي فيه عم تتنقل بالشارع والليل كل ما رح يحل رح يصير جهنم بالنسبة لإلنا.. نحنا لازم نشوف حل!.. صرّخت وقلتلها وين نروح؟!.. إنتي علقتينا!!!.. على أساس جايين نرتاح.. المصايب لحقتنا.. عم تقول ما بطلعو إلا إذا حدا منا مرتكب ذنب!.. شو ممكن يكون صاير؟!.. حكت لا تسألني أنا لسه ما ارتحت من ليلة مبارح وما ترد على كلام هالمجانين!.. لسه صوتها بأذني عم بتدندن.. كأنها لسه معنا.. أنا خايفة إنه هالبيت يكون فعلاً في لعنة مثل ما قالو.. يمكن كل حدا سكنه صابه شي!!.. ونحنا أول ما دعسناه أول شي صار إتهموك بجريمة قتل!.. وهالمحققة المجنونة طلعت بوجهنا!.. وباين إنها ما رح تتركنا لتلبسك القضية.. ضحكت وقلتلها معقول بتفكري إني ممكن أسمحلها؟!.. إنتي مو عارفة إنه عندي غضب كبير على كل حدا بإيده سُلطة على غيره!.. هيّه يلي علقت معنا مو نحنا!.. والله لو بقيت عم تلحقني لأخلي حياتها جحيم!.. قالت أمي خلص مكتوب علينا ما نرتاح.. المشاكل رح تضل لاحقيتنا.. حكيتلها لازم تغريد تجيب نص مبلغ هالدفاية بكرا وأنا رح أجيب الباقي ورح أشتغل بشغل بناسبني.. ما بدنا من حدا شي أبداً.. قالتلي رح أحضّر فطور الولاد جاعو.. طلعت برا أدخن سيجارة.. كنت بتطلع على البيت وبحكي بعقلي أنا لازم أعرف حقيقته.. وليه الأرواح يلي ماتو فيه طلعو أول ما دخلنا البيت!.. ليش صار هيك وشو هالترابط العجيب اللي صار فجأة؟!.. شفت دورية بآخر الشارع عم يتطلعو عليّه.. مسكت السيجارة وقذفتها بإتجاههم بعصبية.. نادت أمي لأدخل أفطر.. أيوب وأرغد بحضرو تلفزيون وتغريد معهم بتحط الصحون على الطاولة بسرعة.. قالت رح أتأخر على المكتب.. بهاللحظة أمي صرّخت.. دخلت للمطبخ.. لقيت أصابعها كلهم دم!!.. قلتلها شو صار جرحتي حالك؟!.. قالت لأ لأ!!.. ما انجرحت بس البلاليع طافحة دم.. هاد دم؟!.. تعال شمّه!.. قرّبت من إيديها وشمّيتهم.. حكيتلها صحيح ريحة دم.. كيف صار هيك؟.. قالت مش لاقية سكاكين بالمطبخ!.. انفقدو.. فكّرت واحد من الولاد كبّهم بالزبالة.. فتحت لأشوف لقيت البلاليع عم تنزل دم.. من وين أجا؟.. إتطلعت على الأرض كان في نقط صغيرة متباعدة.. حكت أمي كيف وصلو لهناك؟!.. أنا ما تحركت من مكاني لسه!.. قلتلها أسكتي.. قرّبت من النقط.. وصرت أمشي وأتتبعهم.. وصّلوني لباب غرفتي.. كان مسكّر.. سامع صوت أمي بتنادي من المطبخ.. وينك!.. تعال أنا خايفة وين رحت؟!.. تغريد بتنادي شو صار معكم؟.. تعالو إفطرو.. حطيت إيدي على إيد الباب وفتحته بسرعة!.. بهاللحظة إنصدمت وشهقت!!!.. أمي غسلت إيدها ولحقتني.. شافت حيطان الغرفة ملطخة بالدم ومكتوب على الحيط فوق سريري كلمة مُجرم.. بخط كبير ومتعرّج كأنه بأصابع إيدين!!.. تغريد بقيت تنادي وصوت التلفزيون طالع بصوت عالي.. لحقتنا وشافت المكتوب.. قلتلهم أنا ما قتلت.. ما قتلت!.. ما بعرفها ولا بعرف بيتها ولا قرّبت منها.. لا منها ولا من إبنها.. أمي قالتلي إهدى.. واضح إنهم معنا وكانو سامعين كلام المحققة.. تغريد دمّعت وقالت خايفة من البيت..

خلونا نعرف كل شي ولا تخبّو!.. حكومتنا ما رح توقف معنا.. نحنا بس بنقدر نطلّع نفسنا من هالمصيبة.. قال زاهر أبي قتل ولد صغير وأمه.. سمّهم.. كان بشتغل بكرم فيلا نائب شعب معروف.. الزلمة كان بسافر كثير بحكم شغله وأموره مع الدبلوماسيين.. ومرته ما كانت علاقتها معه كويّسة ومش طايقة هاد الوضع.. وطلبت الطلاق.. أبي كان حاقد عليه وعاللي بعمله بالشعب هوه والنواب.. بس ما كان قادر يوصله.. إبنه كان يحب ياكل من التفاح الأحمر الموجود بالكرم.. وأبي قطفله تفاحتين بإيده وسمّهم بالمبيدات السامة.. كان بده ياكل التفاحتين ليتأكد من موته بسرعة قبل ليسعفوه بس الولد أعطى أمه تفاحة منهم وماتت معه.. أبي كان مخطط يقتله ليتزوج أمه لأنه كان مفكر لطفها معه حب وكان بستنى تطلق زوجها ويعيش بالفيلا معها ليخلص من سيطرة أمي وعصبيتها وأوامرها.. بس الثنين ماتو وما طال شي!.. الناس إتهموها بالجنون بسبب زوجها وإنها سمّت إبنها ونفسها.. نهلة عرفت الموضوع يلي حتى الشعب ما عرفه وهوه إعترفلنا.. بالليل إنتقمت منه بالغول يلي خبرتنا عنه!.. ويلي لهلأ ما بنعرف شو هوه!!.. لارا قالتلي لو أنا صرلي شي وإتدمر مستقبلي مثل أختي ما رح أسامحك ورح أقتلك!!!.. قلتلها خلينا نفكر كيف نخلص منهم لترتاحي.. قال زاهر أنا حبستهم من خلال تعويذة.. قدرت أتوصللها من كتب الأرواح يلي قرأتهم وساعدني بتنفيذها ختيار خبير بهالأمور عايش فوق جبل.. هاد من سنين طويلة.. ما بعرف لو بعده عايش!.. بهاللحظة رن الجرس.. الكل اتنفض.. زاهر راح فتح الباب.. كانت تغريد.. كانت بتلهث ومبلولة.. قالتلي شو صار معك؟!.. قلتلها فحصو الدم يلي على الشرشف وطلع مو دم بني آدمين وصدقوني إنه دم قطة!.. ولجنة التحقيق بناءاً من النيابة أمرو بخروجي لأنه البازل مش دليل إدانة كافي.. أنا طلّعت نفسي بذكائي.. ما فيهم يعملولي شي.. لا بصمتي على قطعة البازل ولا حتى شافوني بالكاميرا.. بس هدول الأشياء الغامضة يلي صارو فجأة عجّزوهم بالأخص الست المحققة راوية!.. وأظن أنهم ما رح يتركوني.. قالت تغريد صحيح ما رح يتركونا.. اليوم حكت معي المحققة راوية وطلبتني للتحقيق.. أخدت رقمي من مكتب المحاماة يلي بشتغل فيه.. قالت أمي.. هالإنسانة ما رح تتركنا بحالنا!.. حكتلها تغريد في حال صار شي رح أخلي حدا من المحاميين يساعدنا.. قال زاهر إذا ما إلك إيد بالقصة كيف قطعة البازل أجت بمسرح الجريمة؟!.. على كلامكم ويلي إستنتجته إنها القطعة إلك وإنت متأكد.. قلتله ما بعرف.. مو قادر أعرف.. ولو بعرف ما رح أحكيلك.. إنت نسيت حالك وعم تتدخل بحياتنا الشخصية!.. إستغرب من كلامي وقال نحنا بنفس المركب.. جيران مع بعض.. ويلي عملته نهلة مبارح فيكم وفينا.. دليل إنه نحنا الثنين مهددين!.. لهيك لا تتصرف معي بهالطريقة.. قالت أمي وقت تتخانقو؟!.. هلأ خلونا نفكّر كيف بدنا نعيش مرتاحين.. وشو سبب كل شي بصير معنا.. إتطلعت بجويرية.. قلتلها القطة يلي حكيتي عنها ويلي كانت عندك شبه القط البري؟!.. حكت تماماً سودة بشعر طويل.. كانت نحيفة كتير.. إنت شو عرّفك؟.. قلتلها شايفة الدم يلي على الشرشف يلي بإيدي؟!.. إتطلعت بريبة وقالت أيوه شو فيه؟!.. حكيتلها دم إبن القطة يلي بتقولي ماتت!.. لارا قالت مستحيل نحنا دفنناها ورا الشجرة يلي ورا بيتنا.. ورا هاد الشباك!.. قلتلهم القطة طلعت من الشباك مبارح وطلّعت إبنها من تحت سريري.. كان ميّت.. دمّه على الحيط وعلى الأرض.. كان ببيتنا ونحنا ما بنعرف.. وفي حدا قتله.. وبتخيّل هاد كله لتوصيل رسالة مثل ما حكيتو!.. نهلة بالبيت!.. عايشة معنا.. ومو بس روحها وروح هالقطة البريّة.. أنا بدأت أتأكد ومو أشك إنه موت الدكتورة رونان جزء من حكاية نهلة.. في شي عم يرتبط بكل شي عم يصير قدام عيوننا ويوصلنا لهالجريمة.. حتى كلامكم عن أبوكم.. أبوكم قتل ولد وأمه.. ونهلة أبوها قتلها مع أمها وأخواتها.. وهالقطة دخلت البيت وسحبت إبنها لتقلنا إنه في حدا قتل إبنها!.. ورونان ماتت قتل مع إبنها.. مو ملاحظين إنه كل الجرائم بشبهو بعض!.. قالت جويرية لأ لأنه القطة ماتت بسبب الورق يلي بلعته وأنا خبرتك بهالشي ولارا دفنتها.. يعني ما حدا قتلها!.. شفت لارا بتتطلع بخوف عليها ونزلت عيونها.. قلتلها إنتي دفنتيها؟!.. قالت لارا أيوه ثاني يوم.. بس أنا قتلتها بسكينة المطبخ!.. ودفنتها وقت كانت جويرية بالمدرسة.. أنا خبرتها إنه القطة ماتت من الورق وما اتحمّلت.. خافت جويرية منها وقالت إنتي شو عم تحكي؟!.. قتلتيها؟!!.. قالت أيوه خفت أحكيلك لتتأثري وترسبي!.. القطة حكت وكان صوتها بصوت نهلة.. وقالتلي رح أخلّي أختك ترسب ورح يمر الوقت وتعيشي نفس اللي عاشته.. هددتني!.. وأنا ما قدرت أحكيلك هالكلام بسبب سيطرتك ومن خوفي منك ولحبك للقطة.. كان بدي أكبر وأدرس وما يصير فيني مثلك لأنه بعد كل شي صار كان متوقع إنك ترسبي.. وهاد يلي

صار.. صرّخت جويرية وحاولت تعتدي عليها وقالتلها الله ينتقم منك.. يمكن عم تنتقم منا بسبب يلي عملتيه فيها!.. ماجدة بعّدتها وحكتها أختك مرضت بهاليوم وكانت رح تموت!.. نسيتي؟!!.. صرّخت وحكيتلهم بس خلص!!!.. أنا بدأت أستوعب.. قال زاهر شو فهمت من يلي صار!؟.. قلتلهم لو الكلام يلي براسي صحيح يبقى الموضوع أخطر من ما تخيلت.. حكت أمي قلنا وفهمنا.. شو ناطرنا لسه؟!.. صفنت فيهم وقلتلهم يلي عم يصير أحجية مثل لعبة هالبازل.. وخدعة بشكل مدروس.. لازم نرتبها لنفهم!.. يمكن كلامي يكون مسموع منهم بس صدقوني في شيطان عم يلعب لعبة مع كل الناس يلي عايشين بهالشارع.. وعلى مر السنين.. في لعنة أكيد عم تتكرر.. في شي عم ينعاد لنفس الأسباب.. قال زاهر فهمنا!!.. إذا إنت بهالذكاء فهمنا لأنه نحنا ضعنا!!.. قلتله أبوك قتل الولد لسبب شخصي ودارى السُلطة مع أبوه النائب ليفوز بمرته وبيته.. وبالنهاية قتل أمه بالغلط وفي حدا إنتقم منه وقتله.. الناس ما عرفو هالشي بس نهلة عرفت!.. القطة ماتت قتل ويلي قتلها لارا لأسباب كمان شخصية.. كان بدها تدرس وما يصير فيها مثلك لهيك قتلتها وإنتي لليوم فكرتي إنها ماتت بسبب قتلها لنفسها بأكلها للورق.. بس في إيد خفيّة قتلتها.. ونهلة عرفت!.. وبدليل إبنها يلي كان بغرفتي ويلي بالتأكيد حدا قتله.. السكاكين دليل!.. بقولو رونان قتلت إبنها ونفسها.. بس كل الدلائل الغامضة بتوحي إنه في إيد بالموضوع وحدا معيّن بعرفني وبده ينتقم مني لأسباب معيّنة وأكيد شخصية!.. الناس مفكرين إنها قتلت إبنها ونفسها.. وما عرفو المخبى يلي المحققة راوية عم تحاول تكشفه من خلالي.. وبذات نفسها قالت إنها لأول مرة بتستصعب جريمة لأنه في شي غامض ومع هيك ما في أدلة!.. ولو بالفعل طلع في مجرم ورا هالجريمة الغامضة يبقى رح نتوصّل للشي الأكبر.. إنه بيت ثروت باشا العالي السفاح في من وراه شي غامض.. وإنه ممكن ما يكون هوه يلي قتل عيلته مثل ما الناس فكروه لليوم إنه هوه يلي عمل هيك فيهم وبنفسه!.. نهلة بتعرف كل شي.. والمحققة راوية يمكن معها حق.. المجرم ممكن يكون قريب.. ويمكن يكون عايش معنا بهالشارع!.. قال زاهر كلامك خوّفني.. معقول ممكن يكون في ترابط لكل شي صار؟!.. قلتله الأيام رح تعرّفنا.. إذا الجريمتين القديمات والجداد كان وراهم إيد فاعلة غير يلي فعلها ولأسباب شخصية أو لأ!.. نهلة بتعرف كل شي قلتلك.. كل شي تماماً وأنا متأكد حتى يلي مو قادرة تعرفه المحققة.. وهيّه حالياً الطبقة الحاكمة والمسيطرة علينا.. ونحنا الكادحين!.. وأنا قررت لأول مرة بحياتي إني أداري السُلطة لأعرف المخبى والحقيقة كلها.. لأنه السُلطة والحقيقة حالياً بإيد نهلة ويا أما بتنهينا يا أما بننهيها.. قالت تغريد شو نعمل يعني؟!.. كيف نبعد عن شرّها؟!.. قالت أمي خايفة تأذي الولاد.. نحنا لازم نرجع على البيت قبل ليرجعو.. طلعنا من البيت وشفنا سيارة راوية بالشارع جنب البيت الثالث.. قال زاهر شو عم تعمل هالسيارة جنب بيت ست نجلاء؟!.. قلتله سيارة المحققة راوية!.. قالت أمي شو لسه بدها منّا كل يوم بتلحقنا لهون؟!.. رحنا بسرعة بإتجاه بيتنا.. وفتحنا الباب.. قعدنا على الكنب صامتين.. قالت تغريد في ورق شجر عالأرض!!.. حكت أمي الشبابيك كانت مسكرة مبارح بس النار ولعت بالسجادة.. حكت وفي شي كمان!.. هاد وسخ قطط!!.. ورق الشجر بكل مكان بالبيت!!.. رفعت إيدي وطلبت منها تسكت وما تتكلم!.. صرنا نمشي بالبيت.. وأمي تتلفت حواليها.. تغريد تتبعني وأنا بتطلع بزوايا البيت.. وسخ القطط بكل مكان.. وورق الشجر بالزوايا.. قلت بصوت واطي نهلة؟.. وكررت مرة ثانية نهلة؟.. تغريد قرّبت من غرفتها وفتحت الباب.. كانت بعيدة عني كم خطوة.. صرّخت صوت عالي ودخلت وقفلت الباب.. قلتلها شو صار؟!.. شو شفتي وليه قفلتي الباب!!.. كانت بتصرّخ وبتتنفس بسرعة.. طلبت منها تفتح وصرت بخبّط على الباب.. بس ما كانت ترد.. أمي خافت وقالتلها شو بتعملي إفتحي الباب بسرعة!!.. بهاللحظة سمعت صوت وقع بالمطبخ.. تركت أمي واقفة جنب الباب ودخلت للمطبخ.. كانو السكاكين على الأرض مصفوفين وعاملين شكل عين.. والأواني بتحرّكو بهدوء.. وصوت دندنة النغمة الحزينة طالع من ورا شباك المطبخ بصوت هادي.. قرّبت بهدوء من الشباك.. وقلت نهلة؟!.. إطلعي وإحكي معنا لا تفكرينا خايفين منك!.. شو بدك منّا؟!.. كنت بتطلّع من ورا الزجاج.. وبستنى أشوفها.. قلتلها شو بدك منّا؟!.. كان صوت الدندنة بعيد بين الشجر برا.. بس سامعه من ورا الشباك.. سمعت صوتها بأذني بتهمس من قرب وكأنها جنبي وبتقول.. بدي ياكم.. لفّيت بسرعة وانتفضت.. ما في حدا بالمطبخ غيري!.. الهوا إشتد برا.. والشجرة اللي كانت واقعة فوق الشجرة يلي جنب البيت الحجر وانقطعت الكهربا بسببها وقعت على بيتنا ودخل جذع طويل منها من شباك المطبخ.. اتكسّر الزجاج ودخلت لجوا بقوّة وأنا جنبها.. كان بيني وبينها خطوة وحدة لتقتلني!.. تركت كل شي ورجعت لعند أمي.. حكتلي شو صار جوا؟!.. شو يلي وقع؟!..

خايفة المكتوب على الحيطان يتحقق!!.. شو بدها منا؟!.. قالت أمي روح دوّر على بنت صاحب هالبيت.. إتوسللها ترجعلنا مصارينا وتشتري البيت منا.. قلتلها لو نموت ما بتوسللها.. حكتلي يبقى أنا رايحة أدوّر عليها.. رح أخلي أبو ربيع يوصلني لإلها ولو بدي أبوس رجليها.. قلتلها إنتي بدك تذلي نفسك وتذلينا؟!.. هدول ناس ما بفكرو غير بمصالحهم.. ما رح يفيدك غير الذل!.. قالت بدي أجرّب.. وهلأ رايحة للحارة أشوف أبو ربيع ليحكي معها.. هوه بعرف رقمها وحكا معها.. طلعت أمي من البيت وأنا بنده عليها.. وتغريد دخلت لتعمل أكل لأرغد وأيوب.. وأنا حاولت أستجوب أيوب ليحاول يحكي بس كانو نظراته غريبه وبسرح بالحيطان والشبابيك.. طلبت من تغريد ما تخاف وتقعد هادية ولو صار شي تندهلي.. قلتلها رايح لبيت زاهر.. ورح أشتري خط تلفون جديد.. طلعت من البيت ودورية الشرطة كانت فوق بيت نجلاء.. كان زاهر طالع من بيته وشافني.. قلي كنت رح أجي لعندك.. وضع أخواتي متوتر والبيت كله.. يلي عم بصير بأكدلنا إنهم طلعو من البيت.. وصارو يتفتلو بينا وجوا بيوتنا.. هالعيلة ملعونة وبتأذي.. لهيك لازم أرجع أعمل يلي عملته زمان.. تروح معي على بيت الختيار الحاجب؟.. قلتله هاد الشخص يلي خلّصكم؟!.. قال الوحيد يلي رح يخلصنا.. عنده علم بكيفية الخلاص من شر الأرواح.. التعويذة إلها وقت وما بتستخدم غير لمرّة.. لهيك لازم نرجع نشوفه.. طلعنا على السوق.. إشتريت خط تلفون.. وركبا الباص بإتجاه إكليل الجبل.. كان بعيد عنا بيتنا ساعة وربع.. بس زاهر كان حافظ الطريق.. وصلنا البيت.. بقينا نطرق الباب لتعبت إيدينا.. لوقت ما أجا زلمة وخبّرنا إنه الختيار الحاجب اتوفى ببيته من زمان ومن سنين!.. تقريباً من الوقت يلي أعطى زاهر التعويذة وهالشي صدمة!.. نفس التاريخ ونفس التوقيت ونفس السنة!!!.. سألناه كيف مات؟.. قال طبيعي جوا بيته.. قال زاهر أنا شاكك بموته.. التوقيت نفسه وأنا لسه حافظه.. ليه ليموت بنفس هالوقت؟.. قلتله والعمل؟.. قال لازم ندوّر على شخص مثل الختيار الحاجب ليساعدنا.. رجعنا على البيت.. والثلج بدأ يذوب والشمس تطلع دافية.. زاهر دخل لبيته وأنا رجعت للبيت.. أمي كانت تصرّخ على تغريد وتغريد بتقلها ليه رحتي؟!.. قلّك لا تروحي.. حكيتلها شو صار؟.. قالت ما رضيت تشوفني وخلّت الحراس يطردوني.. يلي عرفته إنه إسمها ريما.. قلّي الحارس ست ريما ما بدها تشوفك وما فيها تساعدك لأنه البيت لأبوها وهوه مسافر.. ما قبلت حتى تطلع تشوفني وأجا حارس ثاني طلعني لبرا.. صرّخت عليها وقلتلها ذليتي نفسك!.. هلأ إنبسطتي؟.. قلتلك هدول ناس ما بهمهم حدا.. وأبو ربيع أنا رح أحاسبه.. قالت الزلمة ما دخله.. كل شي صار من إيدينا وهوه ما بعرف.. إتركه بحاله وخلينا نفكّر كيف نحمي نفسنا.. كان بداية الغروب.. الجو برد.. وصوت الكلاب المشردة بين الشجر

بتطلع بالليل.. سكّرت الباب وتربست الشبابيك.. اتعشينا وتغريد نيّمت أرغد وأيوب بسريرهم.. طلعت من الغرفة وقالت وأنا بحط أيوب على سريره وقع من جيبته هاد الشي!.. كان بإيدها شي صغير.. أمي قالت شو هاد؟!.. حكت يمكن بروش!.. شكله غريب وقديم.. من وين جابه؟.. وبهاللحظة سمعنا صوت أيوب ببكي.. دخلت أمي شافته واقف وكل الأغراض بالغرفة منثورة.. الأغطية والوسادات والملابس والألعاب والكتب.. ما في شي بمكانه.. الخزاين مفتوحة والأغراض تحت وفوق الخزانة وعالأرض.. كان واقف عند الشباك وبحاول يوصل للفصالة يلي بتفتحه.. وكأنه بستنجد بحدا وبدوّر على شي بين الأغراض من نظراته.. تغريد انصدمت وقالت من دقيقة حطيته بسريره.. كيف هالأغراض انتثرو هيك؟.. قرّب منها وبعيونه دمعه.. وفتح إيده.. قالتله عم تدوّر على هاد؟.. حاول ياخده منها بعّدته.. قالت أمي إعطيه ياه.. حكتلها إستني أمي.. قالتله مين أعطاك هالبروش؟.. ما كان بحكي وبمد إيده عليها.. بده ياه.. قالتله بنت؟.. حطّت شعرها على نص وجهها.. وحكتله وين شفتها؟.. مسكت إيده وفتحت الباب وطلعت.. كان برد قوي وهوا والجو رح يمطر.. وقفت بنص الشارع.. بين البيت الحجر وبين بيت نجلاء.. إتطلعت على نظراته ورفعت إيده ليأشر على البيت.. لف وجهه ناحية البيت الحجر.. وصار يضحك.. رجع فتح إيده.. أعطته ياه وكان عم يتطلع وكأنه شايف حدا جنب البيت.. الليل خيّم على الشارع وما كان في شي مبيّن غير إنارة الشارع.. وأمي كانت بتطلب من تغريد تدخل.. بس هيّه كانت عنيدة وبدها تعرف من وين جابه.. دخلته للبيت وراحت بإتجاه بيت ست نجلاء.. وانا طلبت من أمي تسكّر الباب ولحقتها ومعنا أيوب.. انفتح باب نجلاء وشفنا راوية.. قالت أهلاً شو سر هالزيارة؟!.. قلتلها كيف إنتي هون وسيارتك مو بالشارع؟!.. قالت الشرطة جابوني وسيارتي بقيت بمكان شغلي.. ما قلتلي ليه جايين؟.. قالت تغريد في شي معنا بدنا نشوف ست البيت.. دخلنا ونجلاء قاعدة مع بنتها جنب الدفاية وعم تحط الأكل على الطاولة.. قالتلها أخي معه هاد الشي.. وما عم يقول من وين جابه.. قالت رنوة أول مرة بشوفه.. هاد بروش نسائي.. بتعلق على الملابس وواضح إنه قديم.. راوية طلبت تشوفه.. طلّعت تلفونها وصوّرته.. قالت رح أتأكد من شي بكرا.. أيوب كان بصرّخ وبده ياه.. أخده من إيدها وشد عليه.. ورنوة قالت أخوكي اليوم خوّفني.. ظهر بغرفتي فجأة وكان طول الوقت عم يتطلّع بالغرفة وكأنه شايف حدا.. ولعب بشعري بطريقة غريبة.. حطه على عيوني وكأنه عم يقلّد حدا.. أنا بعرف يلي صاير بهالحي من زمان بس امي عم تبعدني عن المشاكل لراحتي النفسية وعشان وضعي الحرج.. بس أنا مو مرتاحة.. بدأت أنخنق من غرفتي.. وعم بحس طول الوقت كأني مراقبة.. في حدا جنبي وحواليه أو عم يتطلّع عليّه.. خايفة أنام.. وخايفة أطلع من البيت.. مو عارفة شو صار من بعد ما أخوكي ظهر بالبيت.. بهاللحظة أنطرق الباب.. ارتجفنا.. وأنا قلت يمكن أمي.. راحت راوية وفتحت الباب.. شفنا بنت واقفة وخايفة وبتبكي.. قالتلها راوية شو جابك إنتي لهون؟!.. كيف أجيتي!!.. قالت رنيتلك بس ما حدا كان عم يرد.. قالتها أنا أعطيتك رقم الشغل مو رقمي الشخصي.. وهلأ أنا ما بكون موجودة.. شو فيكي؟!.. حكت زوجي حاول يذبحني ويذبح إبني بالسكين.. اتغيّر وعم يتصرف تصرفات غريبة.. حاسيته إنجن وعم يشوف شبح رونان بكل مكان.. عم تقله خدولي حقي من يلي قتلوني وقتلو إبني.. وعم يحس إنه هوه يلي قتلها لهيك بده يريّح ضميره ويقتلنا.. رحت للنيابة وأخدت العنوان وسفّرت إبني مع أختي قبل ساعة للإمارات.. رايحة تحضر مؤتمر إعلامي لشهر كونها صحفية.. وما أمنّت على نفسي بالبيت.. بدي أبقى معك.. قلت لراوية مين بتكون؟.. حكتلي نفين جارة المغدروة.. قعدت جنب رنوة وحكتلها ست نجلاء بتنامي عنا الليلة.. وبكرا ان شاء الله بتلاقي حل.. تغريد قالت نحنا لازم نرجع على البيت مو لازم نترك أمي وأرغد لحالهم.. كنا بنتطلع على نفين بإستغراب وواضح إنها خايفة.. رجعنا على البيت وأنا بسأل تغريد.. ليه لزوجها يعمل هيك؟.. يحاول يقتلهم بنفس الطريقة يلي اتكررت الجرائم فيها!!.. واضح إنها مرعوبة.. ما في وحدة بتترك إبنها وبتسفّره بعيد وبتيجي بهالشكل إلا إذا في شي عنجد صحيح بكلامها!.. قالت ما بعرف أنا إحترت.. هالجريمة عم تلحقنا وكل حدا كان قريب منها عم يقرّب منا لهالشارع.. وصلنا البيت وفتحنا الباب.. ما شفنا أمي بالصالة.. نادت عليها تغريد ودخلنا للغرفة.. كانت أمي بغرفة أرغد.. أرغد واقف وسريره مكشوف وعم يتطلع عليها ويبكي.. وهيّه شايلة كل ساعات البيت وعم ترميهم من الشباك بإتجاه البيت الحجر.. قلت لأرغد شو صار؟.. قال كانت عم تحاول تطلّعني للبيت الحجر وقالتلي عم يستنوك.. بعدين مسكت الساعات ورمتهم من الشباك.. قرّبت منها وقلتلها ليه عملتي هيك؟.. عزيزة؟!.. إتطلعي فيني.. مسكت آخر ساعة ورمتها من الشباك.. قفلته وقلتلها شو صار؟.. ليه عم تعملي هيك؟.. قالت عشان ما نحس بالوقت.. سنة ال52 كانت صعبة..

ومن هالوقت مزعت قميصي ودفنته بالشارع.. ووعدت نفسي أقطع الوقت وما أحس فيه.. تعرف ليش؟.. لأني متت.. قلتلها مين؟.. مين يلي مات؟.. حكت أنا.. الساعة سبعة وستة وعشرين دقيقة المسا خلص كل شي.. شفتها بتقلّب عيونها للسقف وبإتجاه الشباك.. وبتحاول تفتحه.. قلتلها بس!!.. تركتك ما فيكي شي.. شو صرلك؟.. شفتي حدا؟.. ضحكت وقالت شفته بتطلّع عليه هناك.. قلتلها وين هناك؟.. أشّرت على الممر بإتجاه باب الحمام.. وقالت رجع السفاح.. رجع ورح يقتلكم وإنت أول واحد!.. ورجع يقتلنا وإحنا أصلاً متنا.. متنا يا آصف.. يلي صار زمان رح يتكرر بهالبيت.. رح تقتلهم.. زي ما قتلت رونان.. ضحكت أمي بصوت عالي وتغريد إتطلعت عليّه بنظرات غريبة.. وقالتلي شو قصدها عن شو عم تحكي؟.. عم تتطلع على باب الحمام.. شو شايفة مين هناك ليه عم تتصرف هيك!!.. بترجاك شو هالكلام؟!.. إنت رح تأذينا وإنت قتلت؟!.. قلتلها أسكتي!!.. مو أمي يلي بتحكي.. في حدا جواها.. في شي صار من لمّا طلعنا.. شفتها بتتطلع على أيوب.. وقرّبت منه وأخذت البروش.. أيوب صار يبكي.. وهيّه كانت بتحسس بأصابعها فوق البروش بهدوء.. وقالت القميص يلي دفنته ورا البيت.. أيوب طلّعه اليوم.. برافو حبيبي.. مبسوطة إنك عم تساعدنا.. ولسه بريفان وجيلان رح يحكولكم تتمة القصة.. بس بطريقتهم الخاصة.. قلتلها مين بريفان ومين جيلان؟.. قالت بناتي التوأم الصغار.. أما نهلة فهيّه هلأ عند بيت ماجدة.. إشتاقتلهم لأنها كانت تحبهم زمان.. بس همّه حاولو يقتلوها حتى بعد ما ماتت!!.. مسكت إيد أمي وقلتلها.. عزيزة إتطلعي عليّه.. شو صار بس طلعنا؟.. قالت عزيزة هلأ جوا بيتنا.. عم تتعرّف على فايزة ولبابة ووتين.. قلتلها مين؟.. مين هدول؟.. وليه عم تتطلعي للممر.. شو شايفة؟.. قالت هناك رح يقتلني.. شفتها بتبكي.. وقالت رح يقتل ثريا.. رجع.. رجع من جديد!!.. بهاللحظة إنفتح باب الحمام.. وإنفتح شباكه.. ودخل هوا قوي.. وسكّر بقوة!!!!.. قالت سمعني ورجع دخل للحمام!!.. روح طلّعه.. طلّعه وقلّه يبعد عني وعن بناتي.. قلتلها مين ثروت باشا؟!.. صرّخت وقالت لا تجيبلي إسمه.. مو قادرة أنسى.. الساعة سبعة وستة وعشرين دقيقة.. دفنت القميص ومتت.. ثريا ماتت.. قلتلها إنتي ثريا؟.. حكت صح.. ثريا العالي مرته لثروت.. تغريد قالت خلينا نعمل شي!.. أمي بتروح منّا.. طلبت منها تسكت وقلت لأمي.. يبقى عزيزة بالبيت هلأ؟.. حكت قلتلك بالبيت!!.. هناك جوا.. أنا ثريا.. أكثر إنسانة إنظلمت.. روح إلحقه طلع من الشباك.. حكيتلها ثروت؟.. قالت لأ.. مش ثروت.. قلتلها مو ثروت يلي كان هون وإنتي خايفة منه؟.. صرّخت وقالت لأ.. لأاااا.. قلتلها مين؟!.. بهاللحظة إنطرق باب البيت.. طلبت من تغريد تمسك أمي.. وتبقى مع أرغد وأيوب.. الطرق كان قوي.. تغريد قالت رجلّيه عم يهتزو.. مسكت إيد أرغد وأيوب وكانت بتتطلع على الباب خايفة.. رحت وفتحت الباب.. شفت جويرية واقفة عالباب بتتطلع عليّه بهدوء بالعتمة وشعرها على نص وجهها وزاهر وماجدة ولارا بالشارع عم يركضو.. إتطلعت عليهم وضحكت وقالت مع إني بلعت المفتاح بس بياع الأنتيكا قدر يفتح الباب بطريقته ويطلعهم.. حكتلي دخلني وسكّر الباب.. حاولت أبعدها بس كانت أقوى مني وفتحته ودخلت.. شفتها بتدخل لجوا.. وزاهر وصل مع أمه وأخته لارا وقلي خلينا نلحقها.. بسبب صدمتنا فيها تركنا الباب مفتوح.. وانجمعنا كلنا بالغرفة يلي بتنام فيها تغريد مع أرغد وأيوب.. كانت جويرية حاضنة أمي.. والثنتين صامتين وشادين على بعض.. زاهر قال لجويرية إرجعي هاد مو بيتك.. صح مو بيتي وأنا مو أختك.. أنا نهلة.. أختك جويرية بالبيت مع عزيزة.. قلها وشو بدك منا؟!.. خلينا نتواجه هلأ وفهمينا!.. قالت بصوتها مو بصوت نهلة.. في أرواح انظلمت بسببكم.. وفي روح شريرة بينكم.. نحنا خايفين منها.. بدها تأذي وتقتل وتخرّب الدنيا.. أجت لهالشارع لتخرّب كل شي.. وتقتلكم واحد واحد.. عم بنبهكم إنه يلي صار ممكن يتكرر.. قلتلها مين؟.. عن مين قصدك؟.. إتطلعت أمي فيني وقالت ثريا إنظلمت.. وفي أم إنظلمت مثلها.. بس نحنا خايفين.. قال زاهر لا تخافو قولو ليش ظهرتو من جديد ومين يلي ظلم مين؟.. قالت وهيّه مدمّعة.. رونان.. رونان ما إنتحرت.. رونان إنقتلت.. والقاتل مو بعيد.. والجاي أكبر وأعظم.. جويرية صرّخت وهيّه بترجف وقالت لا تقولي.. نحنا دخلنا أجسامهم لحتى نحكي هالكلام ونشوف إذا رح ننقتل أو لأ.. معقول يهونو بهالسهولة؟.. معقول أنا أهون؟!.. بس حتى لو قتلتونا رح نرجع.. أنا قلت برجفة صوت.. فيكم تتطمنو نحنا ما رح نأذيكم.. بس قولو مين قتل رونان؟!.. قالت جويرية أسكت.. إنت كله منك.. إبعد عنّا.. شفتهم بتطلعو عليّه وتغريد قالت ما بتعملها صح آصف؟.. قالت جويرية نحنا خايفين نحكي.. من كثير أشياء.. بس بنعرف كل شي.. وباقي أهل البيت رح يوضحولكم يلي صار وتوصلكم الرسالة.. لتعرفو إنه السفاح واحد مهما تغيّرت الشخوص والأوقات.. بهاللحظة إنفتح الشباك.. سمعنا صوت بنتين عم يبكو..

قصير أصلع بشوارب عريضة ووجه كبير.. وبنتين صغار شعرهم قصير.. وبنت طويلة بالنص شعرها على نص وجهها.. قلتلها هدول همّه!.. هي عيلة العالي؟!.. قالت بس لسه في أفراد منهم مفقودين بالصورة.. يلي عرفته إنه مو بس هدول كانو عايشين معهم.. قلتلها صحيح.. أمي قالت مبارح في فايزة وفي لبابة ووتين.. هدول مين يا ترى؟.. قالت عم ببحث.. أنا هلأ عاملة تحرياتي لأعرف كل شي عن هالعيلة.. وهلأ إتأكدنا إنه البروش لهالست.. بس ليش طلبت من هالولد يطلّعه من التراب؟!.. وكيف دخل بيت ست نجلاء.. وليش؟!.. قلتلها يبقى هلأ عم تتأكدي إنه السر بالعيلة مش فينا.. قالت وعندي شكوك إنه قصتكم وقصتهم جزئين لحكاية وحدة.. هالعيلة ما رح تترككم.. وموت جويرية أكبر دليل إنه المجرم موجود هون.. إتطلعت راوية بتغريد وقالتها بدي أحقق معك مرة ثانية.. بسبب اللي صار مع أمك مبارح وإختفاء أخوانك.. قالت إنتي شفتي كل شي مبارح.. ليه ليتحقق معنا؟!.. وشفتي إني بقيت موجودة معكم بالشارع ودوّرت على أخواني مع الشرطة.. قلتلها لأ يا تغريد مش مصدقة كلامي.. يمكن شاكة إنه أنا وإنتي أخفينا أخواننا لسبب.. قالت راوية إعطيني البروش.. وجهزي نفسك رح تلاقي سيارة الشرطة برا.. قالت تغريد أنا عندي شغل بالمكتب بعد شوي وما في وقت إلا لأطعمي أخواني وأطلع على شغلي.. حكت وأنا ما رح أعطلك.. دخلت تغريد وأعطتها البروش.. وبهاللحظة أيوب صار يبكي ويتطلع على الشباك.. طبطبت على ظهره وقالته بس حبيبي إهدى.. قرّبت مني وقالتلي.. ما رح أصدق إنه الأرواح ممكن يقتلو ولو زاهر وأمه أقنعوكم إنه في غول ساكن هالشارع وإنتقم من أبوهم من خلال هالعيلة!.. إبتسمت وطلعت.. وأمي صارت تضرب على وجهها وقالت رح تضل وراك لتسجنك بدون ذنب!.. ما رح تتركنا.. قلتلها خليها.. إذا هيّه حابة تلعب معنا خلينا نلعب معها.. كنت معهم بالبيت وتغريد طلعت مع الشرطة.. الشارع هادي والسما صافية.. وسيارة شرطة ثانية عند بيت زاهر.. في سيارة كانت جاية من بعيد.. تكسي!.. إستغربت مين ممكن يكون جاي؟!.. يلي عرفته إنه بيت ماجدة ما بعرفو حدا.. ومش ممكن يكون حدا جاي يعزيهم.. كانت السيارة بتمشي ببطئ وأنا بتطلع عليها.. قرّبت لعندي.. ونزل منها بنت.. حكتلي حضرتك ساكن هون؟!.. قلتلها صحيح نحنا ساكنين هون مين إنتي؟!.. نزلت بنت ثانية من السيارة وحكو للتكسي إرجعلنا بعد ساعة.. قرّبو مني.. حكتلي وحدة.. أنا أيلول.. باحثة بمجال الماورائيات.. قالت الثانية وأنا هبة.. باحثة بنفس المجال.. عم ندرس دكتوراة.. وموضوع بحثنا عن الخوارق والماورئيات وكل شي من ما وراء الطبيعة من وجهة نظر الناس.. يعني إذا الناس ممكن يصدّقو هيك أشياء أو لأ.. وهالشارع مادة زخمة لهيك موضوع.. قالت للبنت هبة هاد هوه البيت!.. قلتلها بيت ثروت العالي؟.. الظاهر إنكم قارئين عنه ودارسين كثير كويّس لحتى متأكدين إنه هاد البيت.. حكت أيلول أشهر ونحنا عم نقرأ عنه وعن أصحابه ويلي سكنوه بس ما قدرنا نعرف النهاية يلي آلت لأصحاب هالبيت.. معقول ثروت باشا العالي قتلهم؟!.. هيك بقولو.. لهيك أطلقو عليه بعد ما مات لقب السفاح.. بسبب شخصيتة القوية وجبروته.. حاولت تقرّب منه قلتلها وقفي.. إنتو جايين بكل سهولة تبحثو وتشوفو بدون ما تعرفو يلي صاير؟.. حكت أيلول على حد علمي إنه ما صار شي من بعد ما إنترك هالبيت.. وكل البيوت هون عايشين بسلام بس الضجة جاية من جواه.. نحنا جينا من فترة طويلة وكان هالبيت هاد مهجور.. إنتو متى سكنتو؟.. قلتلها الكلام رح يطول.. إدخلو للبيت قبل ليشوفكم حدا.. دخّلتهم للبيت وحكينا.. قالت هبة لهيك سيارة الشرطة برا.. قالت لأيلول.. الموضوع خطير وما توقعنا يكون عم يصير لهلأ بهالتفاصيل!!.. معقول بدك نكمّل.. قالت أيلول هاد المطلوب.. يكون واقعي وحقيقي وبخوّف.. بدي أبحث ميدانياً عن شريحة كبيرة من الناس يلي سمعو عن هالبيت وأهله وأشوف شو بعرفو.. لازم أبحاثنا توصل للعالمية بمصداقية كبيرة.. ونوثّق كل شي بالصور.. حكت هبة وكيف والبيت مشمّع بالشمع الأحمر؟.. وكيف وفي قضايا قتل عم تصير؟.. قلتلهم عليكم نور.. إنتو داخلين دائرة الخطر وجايين لمكان الدنيا والعة فيه.. البنت يلي إنقتلت مبارح حطت ألف سؤال قبال عيون الشرطة وهالمحققة يلي ما بدها تتركنا.. سكنت بالشارع جنب ست كبيرة إسمها نجلاء لتشوف كل شي بعينها وتتأكد.. والموضوع مش بهالسهولة.. حكت هبة لأيلول كيف نتراجع؟!.. ما بقيلنا شي.. والدكاترة أثنو على الموضوع لأنه فيه جانب سياسي.. أشهر طويلة عم نقرأ ونراجع ونبحث عن هالبيت وآخر شي كل شي ينقلب بلحظة!.. حكت أيلول أنا ما رح أتراجع.. وبدي أبحث عنه.. قلتلها هشش.. يمكن يكونو سامعينك.. نهلة بتعرف كل شي.. وروحها بكل مكان.. أخواتها التوأم مبارح أخدو أخواني ورجعوهم الصبح.. بقولو إنهم مش متذكرين شي.. أو يمكن دخلو البيت وهوه مقفول!.. أما أمهم ثريا روحها لبست جسم أمي.. وأمي كانت مغيّبة عن الوعي.. وحكتلنا ثريا إنه روحها بقيت بالبيت..

وظهرلي بهيئة أكثر شخص بحبه.. أمي.. برغم السيطرة والشخصية السيئة إلا إني بحبها ومش قادر أتخيلها تموت!!.. بقيت تحكيلي شو فيك؟.. شهقت وقالت إيديك زرقة.. ليه هيك؟!.. دخلتني وكان الغدا على الطاولة والبيت دافي.. غسّلتلي وجهي وقالت لازم هالبيت يتبارك.. انا صرت أسرح كتير وحاسة بخنقة وحاسة معي ناس موجودين.. عم بحط الشغلة وبرجع بفقدها.. وعم برتب مكان برجع بشوفه بشكل مختلف عن يلي عملته.. هوه فيني ولا بسبب حدا؟!.. أنا مشتته يا آصف وتعبانة.. شو شفت ليه وجهك وإيديك أزرق؟.. صار شي قول!!!.. قلتلها لأ ما في شي.. اليوم مش لازم نطلع من البيت.. عتبتة مش لازم نخطيها.. حكت ليه؟.. قلتلها إسمعي كلامي وإقفلي الشبابيك.. حكت حبيبي الشبابيك مقفولة.. عم بستنى أخوانك يرجعو والأكل جاهز.. هلأ أختك بترجع ورح نضل بالبيت متل ما بدك.. دخلت للغرفة.. وسمعت صوت الرعد.. المطر بدأ ينزل وإتأكدت من إنه الشباك مقفول كويّس.. كمّلت ترتيب البازل.. وكان لسه بدي كثير لأكمّل الصورة.. بس حتى لو إكتملت رح تبقى ناقصة لأنه القطعة الأخيرة بقيت مع راوية.. وكان عندي فضول أعرف القطعة من وين ناقصة.. ومن أي شباك من البيت.. سمعت صوت الباب الخارجي إنفتح.. قمت بسرعة وسمعت صوت تغريد.. طلعت من الغرفة وقلتلها ليش راجعة بكير؟.. حكت المحامي رافي صاحب المكتب قلي روحي إرتاحي.. كان واضح التعب عليّه.. وصار بعرف بالقضية.. رح يساعدنا.. ورح يوقف جنبك.. وهدول باقي مصاري زاهر.. هيك بنكون دفعنا حق الدفاية.. أعطت أمي فلوس للبيت وحكتلي في مصنع ملابس جديد فتحوه قريب من مكتب المحاماة وقدمتلي طلب ورح يحكو معي.. شكرتها وقالتلي حبيبي نحنا مو بحاجة حدا.. ورح نخلص من هالورطة.. أنا حطيت رقمي وعنوان البيت بجريدتين كإعلان.. في حال حدا إتصل معنا رح نتفاوض معه لنبيع.. أنا حاسّة رح نخلص قريباً.. حضنتها أمي وقالت هلأ أخوانكم برجعو.. سكبت شوربة العدس لكل واحد بطبقه وبمكانه ليبرد ورح أدخل أضب المصاري جوا.. قالت تغريد وأنا رح أدخل أغيّر ملابسي.. تركتهم ودخلت أكمّل البازل.. بقيت دقايق عم برتب.. وكنت بهاللعبة سريع البديهة.. بحط القطعة بالمكان المناسب.. سمعت صوت الباب الخارجي.. وبعدها صوت شي إنكسر.. بعد ثواني سمعت صوت أرغد بقول ليه هيك ماما؟!!.. ليش؟!!.. إستغربت وطلعت من الغرفة.. شفت الأكل على الأرض والصحون مقلوبة.. وأمي واقفة متجمّدة بهدوء وجنبها أيوب ببكي.. سألت أرغد شو صار؟!.. قال دخلنا البيت شفنا أمي عم تقلب الصحون وتكب الأكل على الأرض!!.. قلتله خد أخوك وأدخل بسرعة لجوا.. دخل معه وطلعت تغريد قالت شو في؟!.. أمي ضحكت وقالت كان الأكل طيّب.. تغريد خافت وقالت ليه عملت هيك؟!.. قلتلها جاوبيني ليش عملتي هيك؟.. قالت بيت العيلة مثل صحن هالأكل.. بعد ما نتعب بطبخه ونستنى ليستوي بتطلع الطبخة مُضرة بالصحة ومو نظيفة لهيك لازم نكبها.. لحتى ما نموت.. إنت بدك تموت؟.. قلتلها لأ ولا بدي حدا منكم ينأذى.. بس شو قصدتي؟!.. إنتي شو بدك منّا وليه رجعتي؟!.. قالت بناتي رح يفاجئوكم اليوم.. أما نهلة.. قربت تكتفي.. لأنه روحها تعبت.. تعبت كتير.. وإنتو السبب.. قلنالها نحنا بحالنا.. إنتو إتركونا!.. قالت ما بزبط.. رح تنتهو لو ما عملنا شي.. وما بدنا يتكرر!!!.. تغريد مصدومة وقالت رح أمسح الأرض.. قالت أمي الباب رح ينطرق.. الشر برا لا تفتح!.. قلتلها إنتي خايفة من شي.. إيديكي عم يهتزو!.. ووجهك أصفر.. شفتها بتتطلع ناحية الشباك وبإتجاه الباب.. بتقلب عيونها يمين وشمال.. حكيتلها قولي!!.. من مين خايفة؟!.. إحكي شو يلي عم بصير وريحيني!.. ثريا إحكي.. إحكي.. قالت الليلة رح يقتلني.. ويمكن يقتل حدا كمان.. قلت مين؟.. حكت إنت.. إنت بتعرف إنك قتلت رونان.. صح؟.. وجويرية.. حكيتلها لأ.. لأ أبداً.. في حدا قلّك تحكي هيك؟.. إنتي عم تتطلعي لمكان وشايفة حدا.. مين في هون؟!!.. بهاللحظة وقّفو عيونها عن الرمش والتقليب وصفنت فيّه.. وبهاللحظة إنطرق الباب.. لفيت راسي وإتطلعت عليه.. وقلت مين؟.. ما حدا رد.. رحت بإتجاه الباب.. وقرّبت منه وفتحته.. ما لقيت حدا.. لفيت راسي لأطلع على أمي ما لقيتها.. كنت بدي ألحقها بس بقيت واقف جنب الباب.. وناديت مين؟.. طلعت لبرا.. ونزلت على الدرج الصغير.. صوت الغربان رجع.. الباب سكّر بهدوء.. كنت سامع صوت حدا ببكي.. والصوت طالع من جوا البيت الحجر.. صوت بكا عالي هالمرة كثير.. ناديت تغريد إفتحيلي.. إفتحيلي مفتاحي جوا والباب إنقفل.. طبّلت على الباب.. وبهاللحظة سمعت صوت باب إنفتح.. كنت مستدير من ناحية باب بيتنا.. والصوت طلع من ورا!!.. كان صوت باب البيت الحجر!.. إنفتح!!.. رجّعت راسي بهدوء لناحيته.. شفت مرة واقفة وأول مرة بشوفها.. شعرها مفروق من النص ووجهها أبيض زي الثلج.. وعيونها زرق.. فردت إيديها ورفعتهم لفوق.. وقالتلي فايزة بتقلّك إبعد عن وتين.. وتين تعبانة.. بهاللحظة دخل من باب البيت كرسي متحرّك وصار يتدحرج من باب البيت لآخر الشارع..