📚قصص||روايات||منوعة📚

rwayate

قصة اليوم: #بين_نآرين
قراءة ممتعه🎶💙"
#ⴅმძ3Һค

📚قصص||روايات||منوعة📚

rwayate

«بين نارين»
بقلم: مروةآغا
@rwayate
لجزء_الأول (1) :
أنا مستحيل أبقى معو مستحيل لك هاد عامل عدة حسابات ع الفيس مشان شغلات عاطلة كيف بدك أبقى مع هيك واحد .. لك متخيلة معي كيف كنت جدبة .. كل الأيام كان عم يضحك عليي !!
مرام: والله أنا معك ياغزل بس ما هيك القصة لازم تطولي بالك إفهمي منو ولازم تعرفي ليش هيك عم يعمل
غزل: أختي يعني صار الحق عليي لك بتعرفيني ما مقصرة معو شي
مرام: حبيبتي والله ما قصدي شي .. أنتي بتفكري إنك ما مقصرة بس الرجال تفكيرن بالإهتمام غير تفكيرك .. لازم تسمعيه تفهمي وجهة نظرو .. ليكيه واقف تحت بيتنا من الصبح الله يرضى عليكي وكرمال ولادك
غزل: أف منكن أف أنا ليش دائما بسكت إلا كرمال هالولاد بس هلق خلص ماعاد ينفع معي شي قلبي قسي وصار متل الحجر
مرام: يا غزل لك شوفي شكلك شوفي حالك كيف صايرة عصبية وما بتتحكي والرجال ما دائما بيصبر لازم بيتو يكون راحتو سعادتو ومملكتو ما حضانة هاد عم يبكي وهاد عم ينط ومرتو ماعم تتحكى واغلب وقتا راسا بجوالا والرجال بحب يوصل ع بيتو يلاقي كل شي مرتب وجاهز
غزل: طيب وهوي مالو مسؤوليات وواجبات لازم كل شي أنا أنا أنا
مرام: أكيد وفراس أكتر واحد بيهتم بهالموضوع نسيتي كيف تدريس الولاد مسؤوليتو وكمان مشوار يوم الجمعة ما بينقطع ولازم انتي تعرفي كيف تجيبيه لصفك
اتنهدت وأنا عم أسمع كلام أختي مرام مع إني ما مقتنعة بكل شي عم تقولو لان عصبيتي كانت كبيرة وطاغي على كل مشاعري .. وتفكيري كان واقف نوعا ما لأن بهاد اليوم كانت المصيبة الكبرة يلي دمرت حياتي.
بعد ما طلعت أختي وقفت عالشباك المطل ع الشارع وشفتو عم يحكي مع جوز أختي وواضح شقد معصب ما أهتميت اتمددت بسرير بنت أختي وحطيت أغنية حزينة بتعبر عن كل مشاعري هلق ولتزيد مأساتي أكتر!!
{ كلو كذب ما حدا بيعشق حدا..
ما بينعتب علّي المشاعر فاقدها..
منك صعب يشفى قلب..
ضيعت دقاته سدى..
علمتني داوي الجرح بالجرح..
خليتني فكر بحالي صح..
ربيتني بكيتني ع سنين عمري الآخدها..
دمعي نشف راح الوجع مني..
عم أكتشف جرحك شو خادمني..
رجعلي قلبي لا إلي..
حسسني شو دمعي غلي..
كنت بحياتي مرحلي وكتير في بعدها..
كلو كذب.... }
يوم ورا يوم كنت عم فكر بكل شي .. تركت ولادي ببيت زوجي وحردت عند أختي مرام بعرف ما كنت رح أخلص من كلام أهلي لأن فراس كان إختياري وانا كنت قالتلة حالي عزواجي منو..
أغلب قصص الحب بمجتمعنا بتنتهي بالفشل للأسف أو يمكن الأهل ما بشوفو يلي نحنا شايفينو أو يمكن العقل بكون معمي عليه والقلب بكون مشتغل شغلو وطاغي ع كل المشاعر .. ومننسى عاداتنا وتقاليدنا وأخلاقنا وتربايتنا !! .. رغم القناعة التامة بالشي الصح يلي عم نعملو لان تفكيرنا هيك بكون محدود ومحاوط بهالة بيضة نقية مابتسمحلك تشوف شي أبعد منها
وبعض قصص الحب الخرافية وسعيدة الحظ بتنتهي بالزواج مثل قصة حبي مع فراس.
كل ما كان ينذكر قدامي شي بخص الحب قلهن فراس .. كل ما شوف لقطة رومنسية ع التلفزيون أو بوست ع الفيس أتذكر فراس .. وبالفعل هوي كان كل حياتي بس للأسف نحنا زواجنا قضى على قصة حبنا !!.
بتعرفو هاد الحب النقي والطاهر يلي بيخلق مع الإنسان أول ما يوعى ع الحياة هاد كان حبنا .. من أول ما فتحت عيوني ع الدنيا وكان عمري 11 سنة كنت شوف فراس دائما قبالي بأي مكان .. كان القدر يجمعنا سوا ع أي سبب بالسوق .. بالشارع .. وحتى لما اطلع من المدرسة كان يوصلني ع البيت يخاف عليي من النسمة الطايرة بقينا ع هالحال 3 سنين حب خالي من الألاعيب والخباثة او حتى الكذب .. لحتى صرت صف تامن يمكن صرت أوعى ومتلي متل أي بنت مراهقة بكون الحب شاغل تفكيرهن بس أنا حبي كان جاهز وكبران ومعشش جواتي .. بهالوقت صار يتقرب مني يحاول يحكي معي بس دائما كان عندي خوف ثقة أهلي فيي !! .. هالثقة كنت ما أققدر اخربا بس القلب لما بصير يفكر مكان العقل بيتغير كل شي وخصوصا كنت مراهقة صغيرة .. وحكيت معو بالسرقة وبقينا كمان 3 سنين ع هالحال كان حبنا عفوي ونقي وطاهر .. ما دائما نحكي نقطش كتير بس أنا بعرفو ناطرني لأكبر ليجي يخطبني وبالفعل أول ما خلصت البكلورية إجا .. انرفض كتير وعوائق أكتر وقفت بوجهنا وغير الناس وأهلي يلي عرفت بعلاقتنا وخلتنا نفترق عن بعض ورجعت عطيت وعد لأهلي ما عاد احكي معو ومن هاليوم خلص ما عاد في كذب والحمد لله رجعت ثقة أهلي فيي وبعرفو لساه بدو اياني وخليت كل شي للنصيب رغم حبي وشوقي الكبير الو ولحديثو بس مستحيل أعمل شي اغضب فيه ربي وأهلي .. رجع طلبني وبالنهاية وافق بابا بعدما شاف إصرارنا ع هالزواج وحمّلنا كل المسؤولية .. وأخيراً رح يتحقق حلمنا ونتزوج .. ما كنت حسو غريب عني لأن ببساطة ست سنين من عمرنا ما قلال وكانو كفيلات لنتعلق ببعض أكتر وخلال عدة شهور كانت حفلة الزواج.

📚قصص||روايات||منوعة📚

rwayate

عرس ولا بالأحلام كان بسيط ومتواضع بس مع حبيبي كنت شايفتو عرس ملوكي كامل مكمل ما ناقصو شي .. أول أيامنا سوا كانت بتجنن وشهر عسل ما صار متلو .. ومن أول شهر حملت وبلش الوحام والتعب ومع هيك فراس كان شايلني ع كفوف الراحة ويخبي إنزعاجو من هالشي أول ولد وثاني ولد وثالث ولد ورابع ولد ب8سنين كلن ورا بعض وبالنهاية هوي انفجر خلص ما عاد متحمل هالاستهتار وانا جسمي فرط قالولي جيبي ولادك مع بعض بترتاحي بعدين .. بس أنا هلق جنيت على حالي وعلى جوزي و على ولادي !! .. 4 ولاد عم أركض ما إلحق نسيت فراس والي خلف فراس وهوي بقي مقضي أغلب أيامو برا البيت ومع هيك كنت دائما حاول إهتم فيه وما خلي شي يبعدنا عن بعض بس دائما أول ما حط راسي ع صدرو روح نايمة وما أصحى لتاني يوم يكون هوي منفوخ زيادة عن قبل وأنا يادوب ألحق بين شغل البيت والتنظيف والطبخ والولاد .. ما بنكر قلة اهتمامي فيه بس هاد يلي صار ومجبورين نربي هالولاد كام سنة بيكبرو ومنرتاح .. هوي ما بفكر إنو ولادو جزء من حياتو كمان ولازم يهتم فيهن !!
بعدما جبت الأربعة عرفت إنو كنت لازم اتماهل شوي بيناتن .. لازم كل ولد ياخد حقو بالدلال والترباية والاهتمام جيلنا غير جيل قبل وولادنا غير ولاد قبل هلق كل ولد بدو طلباتو تكون مجابة .. ولادي الاربعة كانوا كل واحد يغار من التاني ودائما مشاكل ومقاتلات لحتى بالأخر بطلت حل مشاكل وفخار يكسر بعضو.
بس لما وعيت على حالي شوي وبلشت فكر صح وخصوصا بعدما دخلت على مجموعات خاصة فيها نصائح كتيرة وصرت شوف مشاكل النسوان وكيف بيعطوها حلول وبتصير الحياة سهلة كتير .. حاولت اكتب لشوف شو يقولولي بس دائما أرجع أمسح كل شي كتبتو وما كمل كنت جبانة بحل مشاكلي ومخربطة كلياً .. مرة وحدة كانت كاتبة عن مشكلتا بتشبه مشكلتي بالإهمال وعدم الإهتمام وتنظيم الوقت .. وشفت نصايح البنات وحلول ما كنت فكر فيها أبدا قرأت كتير وتابعت فيديوهات ع التنظيم والاهتمام حطيت ورقة طويلة عريضة قدامي مع قلم وبلشت أكتب كل شي لازم أعملو وقسمت الورقة لعدة أقسام 🌷
🌌أول قسم لديني 💙صلاتي قرآني أذكاري بركن مخصص بغرفتي لأن هوي الأهم بكل شي وعماد هالحياة ولما بتكون صلتكن بربكن قوية وعميقة بتقدروا تقاوموا هالحياة بأرياحية تامة.
🌌وثاني قسم إلي أنا 💚لذاتي ونفسي .. رياضتي إعتنائي بجسمي وهواياتي لان راحتي النفسية وتحسين شكلي إلي أنا قبل ما يكون لحدا غيري بتعطوا طاقة إيجابية لروحكن وبتصيروا بتحبوا الحياة أكتر .. مرة قريت جملة لهلق ما بنساها [ كوني كشجرة الرمان في خضرتها طيبة في ثمرها جميلة في زهرها ] صراحة هالجملة كتير معبرة وخلتني امشي ع نهجها لا تقولولي ليش رمان بيمشي الحال غير فواكه وكمان بيمشي الحال زهور انتو بتحبوها بس هيك المتل بقول !! .. بحب القراءة كتير بس أهملتا من لما اتزوجت وانشغلت وهلق رجعتلا صرت نزل كتب من الانترنت ع جوالي .. ماتعب حالي وجيب كتب نزل ع الجوال مافي أسهل منها وطبعا في لذة بقراءة الكتب بس مادائما هالشي متوفر .. واقرأ بوقت فراغي والقراءة طورتلي من طريقة تفكيري الإيجابية بنفسي وبمحيطي .. ومن لما كنت صغيرة كنت حب المطبخ والحلويات وهالشي كتير أهملتو لما اتزوجت لحتى دخلت ع مجموعات طبخ شجعتني واتعلمت من اليوتيوب وكل يوم صار عنا طبق حلو للسهرة.
🌌ثالث قسم كان لزوجي ❤️ مشان يحس بالتغيير يلي عم أعملو كرمالو ويعرف شقد بعطيه من وقتي وحبي .. حاولت رجع كتير شغلات قديمة متل صداقتي فيه يعني الصدق بالإحساس والحديث وتفريغ كل شي بدور بمخيلتنا لبعض متل قبل وكمان رسائل صغيرة بوسط التعب والمشاغل بتعطيكن ضحكة ونبضة لقلبكن بتسوا كل العمر كنت استعملها ببداية زواجنا دائما ولما يجي من شغلو شوفو كيف يكون ملهوف لشوفتي .. وطريقة الحديث بالعيون بصدق يلي كنت اتبعا قبل مع بسمة صغيرة ملائكية بتخلي صورتك الحلوة دائما بمخيلتو بعيداً عن النكد .. بس ما قدرت رجع كل هدول !! يمكن نسيت !! او اتأخرت !!.
🌌وقسم لولادي 💛 لعيشن ملوك وما حس حالي بيوم ظلمتن أو قصرت معهن بشيء .. صرت تابع ع اليوتيوب طرق لتعليم الولاد أو ألعاب مشتركة الي معهن وصار وقت البكي والصراخ هوي وقت الضحك ومابيمنع من شوية مشاكل وانا حلا طبعا وفي بصراحة صفحات بتجنن وفيها حلول لكل شي ماكنت فكر فيها ابدا دائما وقت فراغي الفيس وبس لحتى صار عندي ادمان فيه بس غيرت حالي وصرت افتحو بس لفترات قصيرة.
🌌وأخر قسم لبيتي مملكتي 💜 هوي العش الرائع يلي جامعنا انا كنت نظايفية شوي ماني سيئة بس الكركبة ماكنت الحق لشي وكلو اتخربط مع بعضو وكان رح يأدي لإنفجار وهلق رجع كل شي أحسن وايدي ما توقف عن الشغل كانت متل المكنسة لم كل شي بشوفو بطريقي ونظم الخزن أول بأول وأكيد هيك رح يبقى كل شي مرتب.
ببدأ من الفيقة الصبح بالشغل والتنظيف لأوصل للطبخة وللولاد وحتى بالنهاية للنوم..

📚قصص||روايات||منوعة📚

rwayate

بلشت نفذ كل شي مكتوب أول شي البيت قبل الظهر بكون نظيف وجاهز مع طبختي وأنا بعدو بكون جاهزة ومرتبة حالي ع القليلة إلي لراحتي وثقتي بنفسي .. ونظمت نوم الولاد ع ال9 يكونو نايمين وبهالوقت ولا حتى شغل بالبيت أو المطبخ كل شي يكمل بالنهار والمسا إلي وألو لسعادتنا وحياتنا وراحتنا وما عاد في جوال أبدا او مابيمنع اذا اخدنا بريك وغيرنا جو بالسهرة بس يكون كل شي مشترك.
بس للأسف كان يلي ضرب ضرب ويلي هرب هرب .. لاحظت عليه كيف دائما مشغول وراسو بجوالو صرت فكر انو وين كنت أنا دائما ما شوفو مشغول كل هالوقت !! .. شهر كامل وأنا منظمة كل شي بالبيت والأوضاع مستتبة بس هوي ما أنتبه ولا أهتم !! .. بس انا ارتحت كتير ونفسيتي اتغيرت وحسيت ولادي ارتاحو بالتغيير وعاجبتن فكرة اللعب كل يوم بعد ما يكملو دراستهن وببساطة ماعاد في مشاكل .. إلا هوي ماعطاني ولا إشارة تحسسني انو يلي عم اعملو صح !!
معقول وصل لهالمرحلة من التطنيش واللامبالاة !!.
وأنا عنّدت وما عدت نفذت شي من المكتوب بالورقة لحتى بيوم خزقتا ورميتا وهوي ما أهتم ولا أنا كمان رح أهتم !!.. أسبوع تاني ونحنا ع هالحال كل واحد راسو بجوالو ما كنت أعرف شو عم يعمل لأن ببساطة ع جوالو في كلمة سر وهالشي كان مجنني .. لحتى بيوم من كتر ما أختنقت حكيت لجارتي ع النار يلي جواتي من الشك وحكتلي ع طريقة لراقب الواتس وبالفعل نزلت البرنامج وشفتو كتير عادي مجرد محادثات مع العيلة والاصدقاء .. وشكوكي رجعت طغت ع كل شي وصرت فور وأغلي من جوا ورجعت جارتي حكتلي ع طريقة لاعرف كلمة السر وهيي بتستعملا مع زوجا وبالفعل نفذتا جهزت حالي وجوالي بأيدي ع وضع التصوير وقعدت بقربو ولما تكت الساعة 10دقت أختي يلي كنت متفقة معا تتصل رنتين وفصلت وهوي أكيد رح يفتح جوالو وبهالوقت وجهت الكمرة عليه وصورت كل شي وتمت العملية بنجاح وصارت الكلمة معي واستغليت أول فرصة لأفتح جوالو وهون كانت الصدمة !!!!!!!...

📚قصص||روايات||منوعة📚

rwayate

📚قصص||روايات||منوعة📚

rwayate

#الجزء_الثاني (2) :
@rwayate
الصدمة يلي خلت بيني وبين الجلطة شعرة صغيرة فتحت الفيس والماسنجر يلي كان مشغول فيه قبل ما ينام وأنا كنت عاملة حالي نايمة مع انو النار عم تشعل جواتي بس قاومت وصبرت حتى ما يكشفني .. وشفت حسابو مكتوب اسم وهمي من الأسماء الغريبة وعليها صورة فظيعة !! ولما اتعمقت أكتر بالمحادثة أكتشتف انو هالحساب لزواج المسيار وللأسف هالطريقة كتير رجل عم يستعملوها ليفرغو عن مشاعرن وكتير نسوان عم تقبل بهالشي لتستر ع حالا أو لتعوض عن نقص بحياتا وتلاقي رجال يحميها أو يكون إلها سند .. أكيد هالنوع من النسوان خطافة الرجال ما بتعرف إنو هيي قوية وبتقدر تعيش من دون رجال بببساطة لحتى تلاقي شريك حياتا المناسب بعيد عن هيك شي .. هالطريقة غلط كبير وأغلب الشيوخ بتعتبرو حرام!!
بتعرفو أنو الحق عليي لأن أنا فتحتلو عيونو ع الموضوع مرة قريت مقال عن هالموضوع وصار حديث بيناتنا وبالنهاية اتخانقنا لان هوي كأن رأيو هالشي يعتبر حلال أحسن من الزنا خصوصا مع هيك أوضاع صعب الزواج الثاني ومافي أهل بيقبلو بنتن تكون زوجة تانية ومافي مرأة بتقبل جوزا يتزوج عليها .. وهالطريقة ممكن يكون منفذ لكتير شباب ورجال وطبعا أنا كنت ضدو وبهالليلة نمنا كل واحد بطرف بس أبدا ما كنت متوقعة تكون عجبتو الفكرة وبلش ينفذها !!
ما كنت بعرف كام مرّة أتزوج بهالطريقة ومع كام وحدة بس يلي شفتو وحدة بس عم يحكي معا كل يوم تقريبا وبنفس التوقيت بالوقت يلي بكون فيه بالمطبخ أو لما نام !!
ما نمت ليلتها وأنا شايفتو قدام عيني عم يشخر برياحة وأنا النار بقلبي عم تغلي ورح تفور وتنفجر .. سمعت أذان الصبح وأنا قاعدة ع شباك غرفة الجلوس وعم أبكي ما نشفو دموعي أبدا إنو معقول هالحب القوي هيك صار فيه!! .. أول ما خلص أذان أتوضيت وقعدت بزاوية غرفتي ركن الصلاة يلي جهزتو لواظب على صلاتي .. وصليت الصبح وركعتين إستخارة ودعيت ربي كتير .. وأنا قاعدة بمكاني وعم فكر طلعت براسي الجنونة وقبل ما يفيقو ولادي صحيتو وقلتلو يلحقني ع غرفة القعدة .. أول ما وقف عند الباب بعدما غسل وجهو قلتلو يسكر الباب وإجا قعد بقربي
حط أيدو ع عيوني وقلي : ليش هيك منفوخين مانمتي صاير معك شي؟
غزل: أنت شو رأيك عامل شي!؟
عقد حواجبو وقلي والكذب واضح بعيونو لما شاف اللوم بملامح وجهي .. خبى عيونو عني لأن بيعرف رح أكشفو منهن مجرد ما غوص ببحرن رح أعرف إذا كان عم يكذب .. من زمان كان هيك بس هلق ما عرفت أققرا شي معقول لما القلب ببلش يقسى ببطل يعرف شو يفكر العقل!!
قعدت وشبكت أيديي ببعض وقلتلو بتحذير: أنا عم إسمع .. أحكي
#مروةآغا
وللأسف ما حكى شي وبلش ينكر وبلش يلعب ع الوتر العاطفي يلي فيي
فراس: غزل شبك حبيبتي شو صاير معك لا تكوني حامل جديد والهرمون مشتغل شغلو
عم يحاول ينكت ليغير الموضوع !!
لك رح أنفلج !!
بس أنا طالعت جوالو من ورا ظهري وحطيت كل شي قدامو وحطيتو تحت الامر الواقع للحظة بقي ساكت وما حكى شي وانا للحظة نزلت دمعتي بس اتذكرت ما اسمح لدموعي يبينو ضعفي ومسحتا بكف أيدي وقويت حالي ولو شوي
فراس: أنتي يلي وصلتينا لهون
غزل: أكيد مارح يكون عندك غير جواب واحد خاين شو بدو يطلع منك
فراس: كنت بدي أحكيلك بس ما قدرت
غزل: لانك عرفان حالك غلطان بأي وجه رح تحكيي أه
فراس: أنتي لو عرفتي تحافظي ع بيتك وعليي ما كان صار هيك
فراس: كالعادة بتحط اللوم عليي وبتنسى واجباتك لما كنت أحمل يطير عقلك بالولد ولما يجي بتخلي مسؤليتك منو ولما فنيت حالي وجسمي وراحتي معك ومع ولادك صار الحق عليي لان قللت بالاهتمام .. هاد عقاب ولا شو إسمو؟
فراس: إسمو غلطت ولازم نعيد ترتيب أمور حياتنا
غزل: كام وحدة
فراس: مافي غيرا
غزل: كيف اتعرفت عليا
فراس: مابهم
غزل: اكيد ما بهمني هيك شكيلات وسخة لك ماعم صدق معقول هاد فراس يلي قتل حالو ليتزوجني كيف قدرت تعمل هيك فيني كيييف
فراس: غزل حبيبتي والله كان كل شي غريب عليي والله مابعرف بس كنت مرتاح معا وهيي كتير منيحة
غزل: وانا صرت مامنيحة
فراس: بصراحة لأ اتغيرتي كتير
غزل: لك صرلي شهر مجهزة ومنظمة كل شي بالبيت كرمال حياتنا تتحسن وانت ولا اهتميت
فراس: شهر!! وين كنتي من 7 سنين من لما جبتي الولد الثاني خلص ماضل في شي اتأخرتي
غزل: اتأخرت!! لك كنت قلي احكيلي كنا رتبنا كل شي بس ماهيك!!
فراس: وحياتك هلق بيرجع كل شي خلص من بكرا ماعاد في كلمة سر بوعدك انتي الحق عليي انتي
غزل: رجع يقول انتي .. كل مرة هيك انا السبب او نحنا النسوان .. ليش انتو ما بتبادرو بالامر ولما بتوقع الفاس بالراس بتحطو الحق علينا !!
فراس: لان انتو عماد هالبيت وانتو بتخلقو فيه السعادة انتو مركز الاحساس والحب والرعاية
بقينا نحكي أكتر من نص ساعة وندور ندور ويرجع يحط اللوم عليي يمكن الحق معو بس ما هيك بكون العقاب ما بهاي الطريقة ! .. والمراة لما بتنجرح من حبيبا صعب كتير هالجرح يشفى

📚قصص||روايات||منوعة📚

rwayate

قلعتو من البيت وقلتلو بدي أبقى بالبيت فكر وربي ولادي وما بدي شوف خلقتو أبدا .. وطلع من البيت أول ما سكر الباب قناع الهدوء أنشال فورا وأنفجرت بالبكي كنت عم أبكي بحرقة وبهدوء انا بمكاني قاعدة وعم أرجفف وهز وغص وأشهق وأرجع أختنق.
راقبت شروق الشمس وصار وقت روحة الولاد ع المدرسة وأنا قاعدة .. أول ما رن المنبة ركضت ع الحمام غسلت وجهي ومسحتو بمكعب ثلج لتخف علامات البكي ومع هيك ولادي الكبار حسو بس ماحكيتلن شي ويوم ورا يوم عرفو في شي بيني وبين أبوهن.
#بين_نارين_بقلم_مروةآغا
أسبوع كامل وهوي برا البيت ومابعرف وين وماحدا عرف بشي حتى جارتي أتهربت منا وقلتلا طلع كلو فاشوش .. ماطاوعني قلبي خليه برا البيت أكتر وحسيت حالي رح أخسرو أكتر يمكن يتركني ويروح لعندا .. حاكيتو قبل ما أهلنا يعرفو ورجع ع البيت كان نايم ببيت صاحبو. كنت عم عاقبو بالسكوت وعدم الاهتمام .. كتير تعب لحتى رجعت حاكيه وحطينا خطوط حمر كتيرة وعرفنا شو إلنا وشو علينا

📚قصص||روايات||منوعة📚

rwayate

📚قصص||روايات||منوعة📚

rwayate

#الجزء_الثالث (3) :
@rwayate
فينا نقول رجعت المي لمجاريها شوي وحياتنا رجعت أستقرت كل أغلاط الماضي نسيناها ورجعنا فتحنا صفحة جديدة وحطينا الخطط ومشينا ع هالطريق .. مرقو أكتر من سنتين ولادي كبرو شوي والمسؤولية عم تكبر معهن جوالو صار من دون كلمة سر وكل شي مكشوف تفكيري أرتاح واتطمنت.
بيوم كنت مشغولة بالطبخة أجت بنتي لعندي وقالتلي شافت أبوها راح ع الخرابة يلي ورا البيت قلتلا عليه شغل فيها لان زوجي عندو محل مفروشات وورا البيت في مستودع .. بس هوي بقي فيا وقت طويل وانا الفار لعب بعبي ما طلعت وخليت الثقة موجودة يوم ويومين وجمعة وهوي كل يومين يورح ع هالمكان ويغيب نص ساعة واحيانا أكتر رجعت شكيت فيه وحاولت راقبو وراقب جوالو وكمان ما شفت شي عليه .. هييييك لحتى قررت روح وشوف شو عم يعمل بعتت ولادي لعند اهلي و على أساس رحت معهن بس أنا كنت واقفتلو بالمرصاد وشفتو كيف دخل ع الخرابة وطالع جوال كان مخبيه ورا حجرة كبيرة شالا وطالع جوال اسود كبير مبين غير نوع لان جوال البيت عليه خط احمر طويل والثاني ما عليه شي وهالمرة ما دخل ع المستودع أخذ الجوالين وطلع ع البيت لان انا عند اهلي وهلق عرفت انو عم يلعب لعبتو الوسخة القديمة بس هلق أخد إحتياطاتو اكتر بجوال منعزل !!
نمت ليلتا عند اهلي وحاولت ما بين شي قدامهن لان اتعودت اضغط ع أعصابي .. خططت لكل شي تاني يوم نفذت الخطة.
#مروةآغا
طلعت من البيت وولادي عند امي ع أساس رايحة ع السوق كان بوقت المغرب دخلت ع الخرابة وصلت الحجرة بس للأسف كان لسا الجوالات معو راحت عن بالي شغلة أني تركتو يسرح ويمرح بالليل لحالو .. بسررعة رجعت ع بيت أهلي وجبت الولاد وبقيت فوق راسو وما اتركو يغيب لحظة.
بعد يومين خليت الولاد عندو على أساس عندي زيارة وطلعت ع الخرابة كان ليل واصوات وحركة كتيرة شي برعب .. حركشة فيران عم تنغل نغل وقطاط عم تلحقا وانا متت رعبة بس قدرت أوصل وطالعت الجوال من جحرو وخبرت أبن أختي لنروح سوا لعند رفيقو خبير الجوالات .. رغم الشكوك الكتيرة بس قدرت إكذب عليه وقدرنا نفتح كلمة السر ونفس يلي شفتو من قبل كان هلق بس المصيبة كانو 3 حسابات وهمية مفتوحين من 3 تطبيقات يعني 3 زوجات!!
بس بعدما قريت المحادثات كان لسا تعارف وبس وحدة زواج .. إتمالكت أعصابي كتير وشغلت مخي مابدي كون غبية متل اول مرة هلق لازم اشتغل شغلي قلتلن يتركوني لحالي بالمحل وطلعو..
صورت كل المحادثات .. ونزلت رقمي الواتس ع جوالو وبعتت كل شي صور ورجعت حذفت كل شي وطلبت منو يجيلي كلمات السر لحساباتو كلها بس قلي صعب وبتاخد وقت وجاب كلمة لحساب واحد بس ورجعنا الجوال متل ما كان .. حاولت خبي كتير بس أبن اختي شك وعرف هالموضوع بخض جوزي ما حكى شي لان شافني شقد متوترة وعم إرجف تركني عند باب بيتي وراح بعد ما نبهتو مايحكي لأي حدا .. ورجعت الجوال للمخبئ وكانت المهمة أصعب من قبل لدرجة في واحد دخل ع الخرابة فكر فيه حرامي بقيت جمدانة بمطرحي لحتى راح ودمي نشف بعروقي .. وطلعت من الخرابة بسرعة قعدت بالحديقة هديت أعصابي وفكرت بمصيبتي !! ربع ساعة ورجعت ع البيت كان قاعد عم يراقب التلفزيون .. عشيت الولاد ونيمتن وأمنت عليهم وانا عم أبكي ما واجهتو أبدا لان عرفانة شو رح يقول وشو تبريراتو رغم إني اتغيرت عن قبل والله كتير ورجعت كتبت ورقة جديدة نفس هديك وعم امشي عليها بس هوي خلص هالشغلة مشيت بدمو لو من الاول انتبهت عليه اكيد ما كنا وصلنا لهون .. ماقدرت نام وانا عم فكر كنت لازم اعمل شي ينقلب عليه لان الفرصة يلي عطيتو اياها خلص انتهت .. لما طلع الضو بعتت ولادي ع المدرسة وحطيت الصغار بالسرير بقربو وحطيت ورقة التنظيم ع مخدتي ليعرف اني كنت عم اعمل جهدي لحسن حياتنا وفوقا ورقة صغيرة مكتوب فيا ( كل شي انتهى والحب اتبخر شوفو فوق بالسما انا عملت يلي عليي وانت خربت كل شي عطيتك فرصة والفرصة خلص بح انتهت ) وضبيت شنتة صغيرة وما بقيت عندو ولا ثانية اضافية .. لبست وطلعت من البيت وأنا عم أبكي كرمال ولادي بس تركتن ليتربى ويعرف شقد كنت متعذبة فيهن مع اني كنت رح موت ع بعادن بس معلش هيك أحسن ألهن من الشنططة بيبقى بيت ابوهن أفضل .. بقي واقف كل النهار تحت بيت أختي حاول يحاكيني ويفهم مني كيف عرفت هالمرة ويصالحني بس أنا ماطلعت ولا شفتو ولا واجهتو..
#بقلم_مروةآغا
للأسف هلق قطع كل خيوط المودة يلي بقيت بيناتنا بعملتو .. وبرودو الزايد خلاني جن وطق بيعمل عملتو وبيرجع ع البيت ولا كأن صاير شي !!
بعدما اشتغل شغل الكبار والأهل وحكي الناس يلي كتر علينا انو شو السبب لحتى تركت بيتي بعد الحب الكبير يلي جمعنا!! .. وانا بقيت ساكتة ما حدا عرف غير اختي مرام مستحيل شوه سمعتو وبكرا إذا ولادو كبرو وعرفو شو رح يحكو!!
لليوم صار مارق أكثر من شهرين وأنا ع حالي ببيت أختي .. بالأول حاول كتير يرجعني بس أنا هلق كبر راسي سامحتو مرة بس ماني غبية لحتى سامحو مرة تانية بعدما عاد الكرة خلص القلب انجرح ومافي شي بيشفي هالجرح..

📚قصص||روايات||منوعة📚

rwayate

ناطف قلبي ع ولادي بس فراس حلف يمين ماشوفن ابداً برا البيت وإذا بدي شوفن لازم ارجع ع البيت وأنا مستحيل أرجع.
كنت عايشة بين نارين نار الرضى والقبول والرضوخ للأمر الواقع ودوس ع كرامتي وع حبي وأرجعلو .. ونار الإنتقام وشغل الشياطين وكيد النسوان..
وبعد تفكير طويييل وعميييق وتخطيييط قررت شو أعمل....
بعد عدة أيام فتحت عيوني ع صوت أختي عم تصحيني بعد المصيبة يلي عملتا قبل بليلة بالسرقة وأنا ما نايمة إلا كام ساعة
مرام: لك غزل قومي غزل شوفي شو صاير بالفيسبوك معجوق عجق
فتحت عيوني بتعب وعملت حالي مالي خبر بشي
غزل: شوفي أختي بدي نام حبابة
مرام: لك قومي صفحة الفيس تبعت جوزك مليانة صور المحادثات يلي بعتتلك اياهن هديك البنت الهيئة تركا وهيي فضحتو وكلام بزيئ كتير وجوزك لهلق ما ماسح شي
رفعت راسي وأنا مصدومة معقول لهلق ما مسح شي !! يمكن نايم بس أهلو بكونو عرفو ولازم يقولولو!!
فتحت صفحة الفيس وشفت الصور لسا ع حالن الناس كلا عم تعلق وتحكي أنو فراس انهكر حسابو وناس ما عم تصدق وناس عم تحكي حكي كتير .. بالمحادثات في صور الو والها مع بعض لان العلاقة اتطورت كتير وصار في لقاء ما بس حكي ورسائل كل شي كان موثق فيهن
ما شك ولا واحد بالمية كون أنا لان هديك البنت كانت مسكرة حسابا وقالتلو مشغولة لعدة ايام وانا استغليت هالوقت وحظرتا من عندو وعملت حساب وهمي نفس حسابا بالظبط واسما وحاكيتو منو على حسابو الاساسي ما الوهمي لان بس هاد معي كلمة السر وعلى أساس انهكر حسابا القديم وبلشت الحديث معو وقلتلو انو اهلا عرفو ولازم يتزوجا علناً وكنت عم هددو واتوعدلو وبعد يومين من رفضو فرجيتو انها بعتتلي الصور ع حساب الفيس الفيس تبعي مشان نتطلق وع اساس بيوما انا انهارت اعصابي فرجيت الصور ل اختي مرام وزوجا ومشان ما يشك فيي ويعرف أني فتحت جوالو ع أساس الصور اجوني ع البارد المستريح وهيي ورا كل شي وخليتو يكرها ع الاخر.
وإذا ما بيعلن زواجو منها رح تفضحو وهوي رفض .. وبالفعل فضحتو والناس كلا عرفت..
يلي زاد النار جواتي علاقاتو المستمرة معهن مع غيابي للبيت كنت دائما أفتح حساب الفيس الوهميي يلي عرفت كلمة السر وشوف شو عم يصير فراس غشيم بالفيس بوك ومابيعرف يغير كلمة السر أو بيعرف وما غيرا ياترى شو رح يصير وشو رح يعمل اكيد رح يتربى هالمرة ويبطل يعيدا .. كتير أسئلة وكتير أجوبة وأنا كنت ضايعة .. وكل شي كان عم يجنني أكتر وأكتر وما ندمت اي شي عملتو معو.
رجعو مرقو يومين والفيس معجوق عجق وسيرتو ع كل لسان .. بالبداية ما فهمت ليش ما حذف .. وبعدين عرفت من بيت احمايي انو ما عم يقدر يدخل ع حسابو لان من كتر ما خبصت ودخلت عليه انقفل وصار بدو خبير ليفتحو أو ينلغي كليا ليروح كل شي عليه .. بس انا صحيت ع حالي وع غلطتي يلي كنت عم قول مستحيل اعملا ورجعت حذفت كل شي والحساب الوهمي كمان طيرتو.
بقيت عم صلي واستغفر ربي ع عملتي لان الله بيدعينا للستر وانا ببساطة فضحت !! يالطيف !!
بقيت ادعي ربي مايصير شي ما منيح
ماحدا أبدا عرف شو عملت وانتقلت ع بيت أهلي بعد ما عرفو سبب حردي منو الكل وقف بصفي ونبذوه بس الغريب انو هالشي كان عم يزعجني مايفرحني مابعرف ليش يمكن خفت اذا حدا عرف شو يصير فيي وقتا !! او يمكن لان صرت شريرة وانا ما متعودة اعمل هيك شي بس كان لازم يتربى وهاي احسن طريقة .. على اساس انشر الصور لساعات وهوي يمسحهن ليتربى بس يلي صار زاد الطين بلة..