شروق : اي اكيد انا منيحة
مراد : بس صوتك عم يحكي غير هيك ..انتي عم تبكي شي ؟؟؟
شروق : لا بس عم غير ثيابي هلق بطلع
مراد : اوك
مشي مراد وشروق غيرت تيابها ولبست فستان خفيف لون ابيض وفردت شعرها وعطتو الحرية لحتى ينزل على وجهها وتسطحت على بطنها وفتحت الفيس وفاتت على صفحة عمر وصارت تفتح صورو وتتاملو وتحكي مع الصورة وتقول : مو انت وعدتني ما حدا يلمسك غيري هلق عم تخلي وحدة غيري تلمسك وقدامي وانا مو طالع بأيدي شي ... طيب ليش ...ليش يا ربي
وصارت كل ما يمرق ببالها منظر نها وقت قربت من عمر وباستو تحس حالها بدا تجن وتفتح على الدردشة وتكتب وتمسح وتكتبلو ( انت واحد حقير ما بصير تلمسك فهام انت الي ) وترجع تمسحها وتحاول تفش القهر يلي جواها وما تقدر
وكان عمر عم يعيش نفس الحالة
في بيت عمر
قاعد عمر على الصوفة البيضة وماسك السيجارة بأيد وكاسة الخمر بأيد وعم يشرب وعم يفكر بصوت عالي ( انا شو فيني ... انا وقت تركتها وعدت حالي انساها واختار البنت يلي تليق فيني بس اليوم انا شو صرلي تمنيت امسك مراد وبعدو عنها ... طيب ليش رجعلي هل شعور مو كلشي كان تمام ))
وبعد ما ضاج راسو من إشارات الاستفهام يلي براسو ركا راسو على الكنبة وسافر بعالم الذكريات
( الذكريات )
ع نفس الكرسي يلي على الجبل مواجيه البحر يلي كانو شروق وعمر يلتقو فيه ونفس الكرسي يلي اعترفو لبعض عن حبهم
كانت شروق قاعدة وعم تستنا عمر والدمع بعيونها وحاملة مجموعة صور بأيدها
وفجأة وقفت سيارة عمر ونزل وقال وهوي متوتر : شوفي حبيبتي شوفي
وقفت شروق قبال عمر وقالت بصوت عالي : شو هاد يا عمر ... اه شو هل صور عم تخوووني ... عم تخوني انااا
فجأة تغيرة ملامح وجه عمر ورفع حاجب ورسم ابتسامة جانبية وقال : اي عم خونك .... انتي نشالله كنتي مفكرة انو رح نكمل العمر سوا وصدقني انو انااا( ورفع اصبعو وأشر على حالو ) كون الك انتي ( ورجع أشر باصبعو على شروق )
#انتقام_الاحبة_بقلم_زهرة_الشام
#الجزء_التاسع
فجأة تغيرة ملامح وجه عمر ورفع حاجب ورسم ابتسامة جانبية وقال : اي عم خونك .... انتي نشالله كنتي مفكرة انو رح نكمل العمر سوا وصدقني انو انااا( ورفع اصبعو وأشر على حالو ) كون الك انتي ( ورجع أشر باصبعو على شروق )
فجأة تغيرة ملامح وجه شروق وصارت ملامحها حادة وقالت : انت واعي على حالك شو عم تحكي ااااه ...شو قصدك
ركا عمر ضهرو على السيارة ورسم على وجهو ابتسامة جانبية وقال: قصدي انو مافي نصيب بيني وبينك...
مسكتو شروق من طرف جاكيتو وقالت : هلق جاي تحكي هل حكي بعد اربع سنين حب ..ااااااه هلق
عمر : هلق ولا بعدين يا شروق انا اهلي مارح يوافقو عليكي نحنا ما مناسب لبعض ...لازم نترك بعض
للحظة حست شروق حالها ضعيفة ونزل دمعها وهي عم تقول : احكي انك عم تمزح عمر ....مشان الله ...انا بحبك
ومسكت ايدو وحطتها على قلبها وحطت عينها بعيونو وقالت : انا مافيني اخليك لحدا غيري افهم ....مشان الله افهم
شال عمر ايدو من ايد شروق وقال : هاد الواقع يا شروق نحنا ما مناسب لبعض
صارت شروق تصرخ وتبكي وتقول : هلق ماعد ناسب لبعض؟؟؟ انت شووو؟؟ كنت مفكرني لعبة بأيدك؟؟؟؟
عمر : لا انا فعلا كنت حبك ..
شروق: كنت ؟؟؟؟ شو يعني ؟؟؟؟
عمر : اي كنت ..وغيرتك الزيادة هي يلي مللتني منك
قربت شروق من عمر وحطت ايدها على خدو وقالت وايدها عم ترجف على خدو: انا بغار عليك لاني بحبك ... عمر انا بحبك
شال عمر ايد شروق من على خدو وقال : شروق افهمي بقا ... خلص انا بدي انهي علاقتنا لهوون وبس اقطعي الامل ..انا ما بقدر اتزوجك
شروق : عمر مشان الله شو صرلك انا بحبك....وين وعدك الي ؟؟ ووين ؟؟؟
عمر : هاد اخر حكي عندي
ترك عمر شروق عم تبكي ومشي بأتجاه سيارتو ومشي بدون ما يطلع لوراه ... بدون ما يشوف الروح يلي اخذها معو وترك الجسم بدون قلب وروح
(( في الوقت الحالي ))
بعد ما رجع عمر لوعيو خبط كاسة الخمر يلي بأيدو على حيط وخلى القزاز يعبي المكان وصار يصرخ بأعلى صوتو : انا شو عملت بحالي ... انا الحق علي ما كان لازم اتركها
وعلى صوتو اجتمعو اهلو حواليه وصارو يحاولو يهدوه
حطت ام عمر ايدها على كتفو وهي خايفة وقالت: شبك يا ابني شو صرلك ؟؟ليش هيك شربان كثير ؟؟
شال عمر ايد امو من على كتفو بقوة وقال بعصبية : انتي الحق عليكي (وقام وقف وصار يحكي بصوت عالي : انتي السبب ...انتي
ام عمر : لك لشو انا السبب..شبك يا ابني
وبدون ما يجاوب اخذ مفاتيح السيارة وموبايلو وطلع والكل كان مصدوم منو
طلع عمر وكان مو شايف بعينو ولحقو ابوه وصار يحاول يمنعو يسوق بس عمر ما سمع منو وطلع بالسيارة ومشي بسرعة لدرجه وقت مشي تلاشت الغبرة مكان السيارة
وصار يمشي على سرعة 120 والدمع بعينو والسيارات يزمرو حواليه بس هوي ما كان بوعيو ابدا وصار يتذكر وقت كان مع شروق
الذكريات
بنفس المكان وعلى نفس الكرسي كانت شروق قاعدة وراكيت راسها على حضن عمر وعمر عم