قناة

📚قصص||روايات||منوعة📚

@rwayate
📚قصص||روايات||منوعة📚
23.9k
عددالاعضاء
218
Links
2,827
Files
17
Videos
767
Photo
وصف القناة
قصص و كتب pdf 💚📚 محبي القراءة في نعيم لا يدركه غيرهم... لا تشيخ أرواحهم وعقولهم ولو شاخت أجسادهم.💚 فهرس القصص👇🏻💗 @rwayattt للتواصل @Rwayate_BOT بإدارة💙✨ ⴅÂÐЄĦÂ حسابي الانستغرام💚🌿👇🏻 https://instagram.com/madeha_alyan?igshid=YmMyMTA2M2Y=
-
انو هدول من قصص الرعب يلي بالقناة🦉👻👏🏻
البقيه مابقه اعرف عنوانهن☹️💚
Link
0
26.6k
15:152019/09/18
كتاب: رقائق القرآن
شفت اقتباساتو وباين فخامة😻🥺💙
رح بلش اقرأو اتشقلبوا اقرأوا معي 💚✨

• قراءة ممتعة🍿✨
᎗᎗᎗᎗᎗᎗᎗᎗
|| @rwayate📗💚'
Link
0
7.1k
19:192019/09/19
كتاب: رقائق القرآن شفت اقتباساتو وباين فخامة😻🥺💙
Link
0
8.1k
19:192019/09/19
Link
0
6.4k
10:102019/09/20
قصة اليوم: #زمن_الخذلان
.............
قراءة ممتعة🦋💙"
#ⴅÂÐЄĦÂ
Link
0
6.6k
10:102019/09/20
#زمن_الخذلان
#الجزء_الأول
#بقلم_فتاة_من_ورق

*بليلة من ليالي الشتا القاسية ... مو بس الشتا قاسية كمان هديك الليلة كانت قاسية و أمي كانت اقسى انسانة على وجه الأرض ... حضني أبي وياريتني ما كبرت ياريتني ضليت طفلة ابكي و اهدى بحضن أبي .

***************************************

*بعد مرور 10 سنين على هديك الليلة .....

* هلأ عمري 10 سنين و 6 شهور بالتمام و أخي عبيدة عمرو 11 سنة و 6 شهور .

لين : ماما ماما .
فاتن : نعم يا روح الماما .
لين : شوفي الانسة اليوم رسمتلي نجمة على ايدي و قالت لين الأولى على الصف .
فاتن : يا عمري انتي اشطر و احلى بنت بالدنيا كلها ، وانت عبودة شو اخدت ؟
عبيدة : اليوم اخدت 10 من 10 بالاملاء .
فاتن : دخيل قلبو الولد الشاطر يلي بدو يصير دكتور .
عبيدة : لا ماما انا بدي صير طيار .
فاتن : اممم احلى واشطر طيار بالدنيا ، يلا حبيباتي هلأ روحو غسلو مشان نتغدى .
عبيدة : حاضر ماما .

ام عمر : شو يا بنتي ؟ رح تحكي معهن اليوم ؟
فاتن : بصراحة يا امي قلبي محروق بس لازم احكي معهن بكفي كذب ما بدي يلوموني وانا من حقي اتزوج وعيش حياتي .
ام عمر : والله يا بنتي وانا قلبي محروق عليهن .
فاتن : رح رتب السفرة لنتغدى وانتي صحي البابا .
ام عمر : رايحة صحيه .

*قعدنا حوالي السفرة المكونة من ابي و امي و عبيدة و لين وانا ، بلشو عبيدة ولين يحكولي شو صار معهن اليوم هيك عودتهن يحكولي كلشي والابتسامة ما فارقت وجههن حسيت بالدمعة بعيني حسيت بغصة انو رح اتركهن ...

لين : ماما انتي ليش زعلانة ؟
فاتن : انا مو زعلانة حبيبتي .
عبيدة : انا شبعت .
فاتن : بس ما كملت صحنك .
عبيدة : خلص ماما بعد ما تدرسيني بكملو .
لين : وانا كمان شبعت .
فاتن : طيب حبيباتي قومو نغسل وبدنا نطلع نقعد بالجنينة انا و انتو بس .
لين : هييي وبدك تهزيني بالمرجوحة ؟
فاتن : اي يا عمري يلا امشو .

*ركضو عبيدة و لين قدامي تطلعت بأبي و أمي نظرة حزن ... تطلع فيني أبي و هزلي براسو بمعنى (اي) .

طلعنا عالجنينة و قعدنا انا و عبيدة و لين ...

فاتن : يا ولاد .
عبيدة : نعم ماما .
فاتن : بدي احكي معكن بموضوع سمعتو عنو من قبل وبدي منكن تستوعبوني و تفهمو شو عم احكي .
عبيدة : اي .
فاتن : البابا اليوم رح يجي وياخدكن تعيشو معو .
لين : وين نعيش معو بالشغل ؟
فاتن : لا يا روحي البابا ما بينام بالشغل متل ما انا قلتلكن البابا عندو بيت و عندو ولاد صغار توأم كتير حلوين وهالتوأم اخواتكن .
عبيدة : اخواتنا ؟
فاتن : اي اخواتكن واحد اسمو جميل و التاني اسمو جمال عمرهن 8 سنين و لهالتوأم في ام حلوة و طيوبة كتير هي امكن رح تصير .
عبيدة : ليش بيصير الواحد يكون عندو امين ؟
فاتن : لا يا عمري ما بيصير وانا بدي ياكن تستوعبوني هلأ ، قبل 10 سنين لين كان عمرها 6 شهور و انت يا عبيدة كان عمرك سنة و ست شهور ، ابوكن تقاتل هو وامكن و تطلقو .
عبيدة : يعني انتي و البابا تركتو بعض من 10 سنين ؟
فاتن : لا امكن الحقيقية سافرت بعد ما تركو بعض هي و ابوكن .
عبيدة : شو يعني انتي امنا الحقيقية .
فاتن : انا عمتكن انا اخت ابوكن يلي نحرق قلبها عليكن و قررت تربيكن لانو كنتو صغار كتير ومو فهمانين شي بهالدنيا بس انا كل هالايام كنت احكيلكن حكاية .
لين : حكاية الولدين يلي ربتهن عمتهن .
فاتن : اي هي حكايتكن انتي و عبيدة .
عبيدة : يعني امي سافرت من زمان .
فاتن : اي .
عبيدة : لا انتي امنا انتي بتضلي امنا هديك يلي سافرت مو امنا .

*ركض عبيدة لعندي وحضني بقوة حسيتو عم يقلي لا تتركيني و قربت لين و حضنتني وبعيونها حكي كتير كأنها عم تقلي هي مجرد حكاية مو حقيقة .

علاء : عبيدة و لين .
لين : باباااا اشتقتلك .
عبيدة : بابا امي عم تقول
علاء : فاتن كلشي قالتلكن ياه صح انتو ولادي بس هي عمتكن ، انا اجيت لحتى اخدكن على بيتكن لتعيشو مع اخواتكن .
عبيدة : لا ما بدي اترك امي ما بدي ام تاني .

*كانت صدمة كبيرة النا خصوصي بعمرنا الصغير ما كنا قادرين نعبر او نسأل اسئلة واضحة وحتى لو سألنا ما كنا رح نستوعب الجواب ، بقينا عند عمتي بين جدي و ستي بالليل رجعنا تذكرنا الحكاية يلي كانت تحكيها عمتي فاتن ...

*باليوم التاني اجا ابي ومرتو و ولادو على بيت جدي جابو الي و لأخي هدايا كتير العاب و الوان وكلشي ممكن يبهر عقل الطفل الصغير ، حبينا جميل و جمال كتير لانهن توأم بيشبهو بعض نسخة طبق الأصل عن بعض ، بيت جدي و ابي و عمتي و حتى مرت ابي دارونا كتير لحتى ما تتعب نفسيتنا ونبلش نستوعب شوي شوي ...

فاتن : اخي غرفتك لما كنت عزابي جهزتها الك و لمرتك فيكن تطلعو ترتاحو فيها و بالنسبة لجميل و جمال رح ينامو مع اخواتهن بالغرفة .
علاء : الله يرضى عليكي اختي .
ابو عمر : ابني متل ما فهمتك كيف تتصرف انت و مرتك .
سماح : لا تعتل هم عمو كلشي بدك ياه رح يصير و احسن ان شاء الله .
ابو عمر : الله يرضى عليكن .
علاء : يلا ابي تصبح على خير .
سماح : تصبحو على خير .
ابو عمر : وانتو بخ
Link
0
6.5k
10:102019/09/20
ير .
ام عمر : وانتو بالف خير .

علاء : خلينا ننام بين الولاد هالليلة خلينا نحسسهن بحنية العيلة .
سماح : اي حبيبي وانا هيك عم فكر .

*فتح ابي باب الغرفة ودخل كنا انا و عبيدة و جمال صاحيين وعم نحاول نصحي جميل ونضحك .

علاء : معلش ننام عندكن اليوم ؟
لين : اي اي بابا نيمني جنبك .
علاء : اي من عيوني يا روح ابوكي .
سماح : وانا ؟
علاء : اي وانتي .

*نمنا كلنا جنب بعض ابي كان طول الوقت صاحي عم يمسح شعراتي بايدو و مرت ابي عم تمسح شعرات عبيدة بايدها ... حسسونا بالحنان و لأول مرة انا واخي منحس بجو العيلة المتكاملة و بلشنا نفهم سبب غياب ابي سابقاً ...

فاتن : تصبحو على خير .
ام عمر : وانتي بخير حبيبتي .

*انا فاتن عمري 29 سنة حاليا .. بلشت ربي ولاد اخي لما كان عمري 19 داريهن و خاف عليهن من النسمة الطايرة بكيت كرمالهن كتير و من حنيتي الزايدة عليهن صارو ينادولي ماما و اقتنعوا انو انا امهن بس كنت كل مرة احكيلهن حكاية (ولد وبنت تركتهن امهن و ربتهن عمتهن) يمكن انا غلطت اني كذبت عليهن بالبداية بس انجبرت اكذب لصغر سنهن وما كانو رح يستوعبو شي بهديك الفترة ، كنت ناوية ضل مخبية هالسر و كرس حياتي الهن اجاني كتير عرسان ورفضتهن كرمال عبيدة و لين ... وهلأ ابي رفض هالشي وقنعني التفت لحياتي وانو من حقي ابني عيلة ... علاء كان كل اسبوع ينام ليلة بين عبيدة و لين و يقلهن انا مضطر ارجع على شغلي و بنام بشغلي لانو مكانو بعيد ...
#زمن_الخذلان
#الجزء_الثاني
#بقلم_فتاة_من_ورق

*بصباح اليوم التاني...

*اجتمعنا حوالي السفرة لنفطر ، كانت كل ما تجي عيني على مرت ابي تبتسملي وانا ابتسملها كمان ...

فاتن : بابا .
ابو عمر : نعم .
فاتن : مبارح بالليل حكا معي عمر .
ام عمر : يا روحي هو كيفو .
فاتن : هو منيح كتير ماما وقلي انو عم يفكر ينهي امورو بأمريكا الشهر الجاي ويجي يستقر هون .
ابو عمر : ما قلي هيك شي مع انو حكا معي مبارح الصبح .
فاتن : اي لانو هو متردد بصراحة .
ام عمر : ليش يتردد خليه يجي يعيش بين اهلو و ولادو يكبرو جنبنا .
ابو عمر : الشغلة ما بالعواطف يا ام عمر انا لما بعتت عمر على امريكا من سنين بعتو ليبني حالو و يجمع كم قرش لكبرتو متلي انا هلأ بس طالما هو امن حالو خلص يرجع ولا يتردد .
علاء : انا بدي روح على شغلي .
ابو عمر : بدك تروح مشان ما تسمع حكي مني ؟ ولا بلشت تحس بالذنب لانك ما سافرت مع اخوك و سمعت كلمتي ؟
علاء : لا ابي بدي روح على شغلي لاني تأخرت .
سماح : الله معك .
ام عمر : الله يحميك .
ابو عمر : ما تنسى عالساعة 3 بتكون وصلت غرفة لين على بيتك .
علاء : اي ابي ما رح انسى ، سلام .
لين : غرفة الي جدو ؟
ابو عمر : اي يا روح جدو اشتريتلك غرفة حلوة كتير و رح نركبها ببيت ابوكي .
لين : فيها العاب ؟
ابو عمر : فيها العاب و دباديب وشو ما بدك .
لين : انا بحبك كتييير يا جدو .
ابو عمر : وانا كمان بحبك .

*ابي عمرو 32 سنة ما رضي يسافر و يسمع كلمة جدي فضل انو يبقى بالبلد و يشتغل حسب دراستو لهيك هو وضعو عادي كتير و بيتنا اجار ...

سماح : يلا يا ولاد امشو نغسل .
عبيدة : ماما ما بدك تغسليلي ؟
فاتن : حبيبي شو حكينا ؟
سماح : انا بغسلك يا بطل تعال معي وانتي لين الاميرة تعالي كمان .
لين : يلا .

*طول الوقت كانت عم تعاملنا مرت ابي بلطف ...

ام عمر : شو قصتها سماح كتير عم تتعامل بلطف يا خوفي يكون هدوء ما قبل العاصفة وبعدين تبلش تعذبهن .
فاتن : لا ماما ما بظن انتي نسيانة انو هي واعية و تفهمت كلشي من وقت اخدناها و تاني شي هي عمرها صغير لساتها ما تعدت ال25 يعني اكيد رح تستوعبهن .
ام عمر : ان شاء الله تضل هيك .
فاتن : ان شاء الله .

*تاني يوم رحنا على بيت ابي المتواضع كان عبارة عن 3 غرف نوم و صالون و مطبخ صغير ، جدي جهزلي غرفة و جاب غرفة نوم جديدة لاخواتي ، صرنا نلعب انا و اخواتي بالساعات وشوي شوي بلشنا ننسى موضوع امنا ... بالنسبة لمرت ابي ضلت لطيفة معنا تدرسنا و تهتم فينا و برتابة مظهرنا ... عمتي فاتن صارت كل اسبوع تجي تنام ليلة عنا ...

*مضى الشهر واجا عمي عمر من السفر ، عمي عمر عمرو 38 سنة عندو صبي و بنتين ، الصبي عمرو 18 سنة و بنت عمرها 12 و بنت عمرها 9 سنين ...

عمر : ما شاء الله لين كبرانة و صايرة صبية .
سيلين : بابا انا صايرة صبية كمان .
عمر : هههه اي طبعا يا بابا وانتي كمان .
ام عمر : شو شايفة في غيرة .
وفاء : والله يا مرت عمو جننوني هي و اختها بموضوع الغيرة .
ام عمر : اي شي طبيعي .
وفاء : لو كانت سماح جايبة بنت كانت لين رح تغار منها كتير خاصة انو لين مانها بنت سماح و الدلال كلو رح يصير لبنت سماح .
فاتن : شو الو لزوم هالحكي وفاء .
سماح : لو الله باعتلي بنت رح يكون سعرها بسعر لين وما رح ميز بينهن ابدا و الدليل اني ما بميز بين عبيدة و جميل و جمال ، عن اذنكن .

*اخدتني مرت ابي و راحت تبدلي تيابي لاني وسختهن وانا عم اكل ...

لين : ماما .
سماح : شو قلتي حبيبتي ؟
لين : قلت ماما .
Link
0
3.5k
10:102019/09/20
*حضنتني مرت ابي بقوة لما سمعت هالكلمة ...
سماح : نعم يا روحي .
لين : ماما انا جعت .
سماح : خسى الجوع يا عيوني يلا هلأ مننزل و بطعميكي .
*قربت منها و بستها على خدها ...

ام عمر : وفاء سيرة لين و عبيدة ممنوع تنفتح ابدا ، سماح امهن التاني من بعد فاتن و الها شهر بتعاملهن بكل طيبة و حب .
وفاء : انا ما كنت قاصدة شي .
ابو عمر : خلص يا جماعة هاد الشي ما وقتو هلأ بعدين بتحكو و بتتفاهمو .
وفاء : امرك عمي .
ابو عمر : بلال .
بلال : نعم جدي .
ابو عمر : ما خبرتني شو ناوي تدرس ؟
بلال : هندسة .
ابو عمر : شوف يا جدي اذا بدك تدرس هندسة بدك تحدد نوع الهندسة اللي فيها شغل و بكل مكان مشان تشتغل اول ما تتخرج و تبني حالك متلي و متل ابوك ومتل عمك .
بلال : اي جدي هو هيك ان شاء الله .
علاء : ابي المسا بدي ياك بموضوع بيخص فاتن .
ابو عمر : اي خير ان شاء الله .
فاتن : يلا يا جماعة تفضلو الغدا جاهز .
ابو عمر : الله يرضى عليكي يا بنتي .

*كان الجو متوتر شوي بسبب حكي وفاء مع سماح بس طيبة قلب سماح ما سمحتلها تضل معصبة و زعلانة بالعكس ضلت عم تضحك طول الوقت .

*بالليل نمنا كلنا ببيت جدي طبعا بيت جدي بيساع 6 عيلات من كبرو ...

ابو عمر : اي ابي احكي عم اسمعك .
علاء : في دكتور جامعة عمرو 41 سنة رفيقي من زمان و اليوم طلب ايد فاتن مني و قلي تشاورو واذا الحج ابو عمر موافق بجي وبجيب معي جاهة لنطلبها رسمي .
ابو عمر : قبل الجاهة خليه يجي هو لعندي بالاول لحتى اعرفو منيح فاتن بنتي الوحيدة و بيهمني يلي بدو ياخدها يكون ابن اصل و يصونها .
علاء : امرك ابي يلي بدك ياه بيصير .
#زمن_الخذلان
#الجزء_الثالث
#بقلم_فتاة_من_ورق

*بعد اسبوع انخطبت عمتي للدكتور كانت خطبة صغيرة خطبة اهل ...

بلال : شو هالحلو يا لين .
لين : شايف فستاني متل العروس .
بلال : اي انتي احلى عروس .
لين : ماما اختارتلي اللون الاحمر قالتلي حلو عليكي .
بلال : اي صح حلو كتير .
لين : كمان شوف شعراتي رتبتلي ياهن ماما و حطتلي تاج صغير .
بلال : اي طبعا لازم تحطلك تاج لانك اميرة .
سيلين : بلاااال انا اميرة .
بلال : هههه اي يا اختي انتي احلى اميرة .
سيلين : شيلني وديني لعند البابا .
بلال : حاضر .

*سيلين بنت عمي المدللة عمرها 9 سنين بلشت حس بالغيرة منها لانو الكل مدللها صحيح انا مدللة بس هي اكتر ...

*بعد شهر تزوجت عمتي والبيت صار فاضي من بعدها ، صرنا نروح لعند بيت جدي كل يوم لحتى نعوض غيابها و امي سماح تهتم بجدي و ستي و تعطيهن الدوا ...

ابو عمر : علاء .
علاء : نعم ابي .
ابو عمر : بدي ياك بموضوع .
علاء : احكي ابي شوفي ؟
ابو عمر : يا ابني بدي وصيك وصية .
علاء : تفضل .
ابو عمر : اذا صار عليي شي ما بدي تترك امك لحالها بتجيب مرتك و ولادك بتعيشو ببيت العيلة ، انت و مرتك بتحنو على امك
، اخوك عمر و مرتو ولا مرة حنو على امك .
علاء : بعيد الشر عنك ابي ليش هيك عم تحكي الله يطول عمرك ويديمك فوق راس هالعيلة .
ابو عمر : يا ابني ما حدا بيعرف ايمتا بينتهي عمرو حبيت وصيك هالوصية وخليها ببالك و نفذها .
علاء : الله يطول عمرك ابي .

*مشي ابي باتجاه غرفتو وحسيت انو مشيتو ما طبيعية او يمكن هلأ لحتى لاحظت انو مشيتو ما طبيعية ...

علاء : ابي انت منيح ؟
ابو عمر : انا منيح منيح الله يرضى عليك .

*بعد اسبوعين توفى ابي ، و كأنو كان حاسس انو مياتو انقطعت من هالدنيا لما وصاني ... كلنا تأثرنا بس اكتر حدا تأثر هو بنتي لين ...

*بعد ما انتهى العزا...

علاء : سماح قومي ضبي تيابنا و تياب الولاد .
سماح : ليش شوفي ؟ لوين بدنا نسافر ؟
علاء : ما بدنا نسافر على محل ابي وصاني وصية قبل ما يتوفى ولازم نفذها .
سماح : شو وصاك ؟
علاء : بدنا نعيش ببيت ابي نهتم بأمي .
سماح : واخواتك ؟
علاء :شبهن ؟
سماح : يمكن ما يقبلو او يفكرونا بدنا نستولي عالبيت .
علاء : هي وصية ابي وبدي نفذها غصب عن الكل ، قومي ضبي التياب .
سماح : حاضر .

*بهديك الايام كنت اتفرج على ستي كيف تقعد على المصلاية و تدعي لجدي ...

لين : تيتا .
ام عمر : نعم حبيبتي ؟
لين : جدو بيسمعنا لما مندعيلو ؟
ام عمر : اي يا روحي بيسمعنا .

*اخدت مصلاية جدي و صرت اقعد عليها كل يوم ساعات طويلة و ادعيلو و احكي معو ...

لين : اشتقتلك كتير يا ريت ترجع وشوفك ، جدو انا اخدت نضاراتك و خبيتهن بس ما قلت لحدا وانت ما بتزعل مني لما اخد من اشياءك .
سماح : مع مين عم تحكي حبيبتي ؟
لين : مع جدو ، تيتا قالتلي انو بيسمعني وانا كل يوم بحكي معو .
سماح : يا روحي انتي بس صار وقت النوم هلأ .
لين : ماما مبارح جدو زارني بالحلم .
سماح : شو قلك ؟
لين : قلي ضلي شاطرة بالمدرسة .
سماح : يلا ننام هلأ مشان يضل يزورك جدو .

*صرت اكبر و اوعى و افهم انو الحياة فيها مسؤوليات مو كلها دلال و عواطف ، صار همي الوحيد ارجع من مدرستي لساعد امي بالمطبخ و شوف ستي و اتطمن عليها و بعدين اتجه على دراستي ... صار عمري 15 سنة و بما انو نحنا عايشين ببيت الع
Link
0
3.0k
10:102019/09/20
يلة ما كان يتسكر باب البيت الا وقت النوم ولاد عمي دايما ببيت جدي و عمتي تجي هي وولادها كل يوم تطمن على ستي ...

بلال : لين لو سمحتي عمليلي كاسة شاي .
لين : حاضر .

*ابن عمي بلال كل يوم بيجي لعنا وافرح وقت كان يترك الكل و يطلب مني اني ساويلو قهوة او شاي لانو بعدها يسمعني كتير حكي مدح ... ساويت كاسة الشاي و رحت على الجنينة وديلو ياها ...

بلال : اي يا عمري اكيد بكرى رح اجي شوفك ولو مو بلال يلي بيخلف بوعدو .
لين : احم .
بلال : لحظة شوي دقيقة و برجع بحكيكي .
لين : تفضل .
بلال : الله يسلم هالايدين اديش شربت شاي بس متل الشاي يلي بتعمليها انتي بحياتي ما شربت اطيب منها .
لين : تسلم .
بلال : الله لا يحرمنا منك بنت العم .
لين : صحة وهنا عن اذنك .

*مديح بلال الي كان يخلي قلبي يخفق بسرعة من الفرحة ... ولا مرة زعجني بكلمة او دايقني بالعكس كل همو انو يشوفني عم اضحك ... مشيت خطوتين و رجعت لحتى اسألو اذا بتحب جبلك شي تاكلو جنب الشاي ...

بلال : يا عمري هاد عمي اجا حكا معي شو قلو روح بدي احكي مع حبيبة قلبي ؟! اي اي هاد يلي صار بتعرفيني مستحيل اكذب عليكي .

*كالعادة دايما بيجي لعند بيت جدي كرمال يحكي مع البنات شو السر ما بعرف ... رحت على غرفتي و نمت بدون ما احكي معو او اسألو عن أيا شي .

سماح : نعم مرت عمو ناديتيلي بدك شي حبيبتي تعبانة شي ؟
ام عمر : لا يا بنتي انا مو تعبانة انا بدي ياكي بموضوع اضمن حقك فيه .
سماح : حقي بشو ؟!
ام عمر : ابصميلي هون .
#زمن_الخذلان
#الجزء_الخامس
#بقلم_فتاة_من_ورق

لين : مستنيني ؟
بلال : اي مستنيكي بدي اخطبك من عمي الغالي .
لين : اممم طيب سألت انا شو بدي لحتى اقبل فيك ؟
بلال : امريني .
لين : قبل ما نكتب كتابنا بدي اكسر شريحة تلفونك و بتجيب وحدة جديدة ولا بنت بتعرف رقمك بدك تنهي كل علاقاتك بما انك رح تخطب و تتزوج و تصير مسؤول عن عيلة و بدبحك اذا بتحكي مع أيا بنت بعدي .
بلال : بأمر عيونك انا ، بس يعني لسا ما حكيت بلشتي غيرة .
لين : انا ما بلشت غيرة انا بغار عليك من زمان بس ما كنت احكي .
بلال : بتغاري يعني بتحبيني ؟
لين : .....
بلال : اليوم رح احكي مع ابي و عمي .

*راح ابن عمي وانا حسيت قلبي رح يطير من فرحتي دلالو الي كل هالسنين خلوني اتعلق فيه و اتمنى يكون من نصيبي وربي حققلي هالامنية...

وفاء : شوووووو بدك تخطب لين لا حبيبي ما حزرت .
بلال : ليش امي ؟
وفاء : طب الجرة على تمها بتطلع البنت لامها .
عمر : وفاااااء .
وفاء : نعم .
عمر : انتي بتسكتي بوجودي ، ابني بدو بنت عمو وانا ما رح قلو لا و تذكري انو سماح هي يلي ربتها .
وفاء : عملو يلي بدكن ياه بس عرفو منيح اني مو رضيانة بهالشي ابدا .
عمر : ما حدا طلب رأيك .

*خطبني بلال و كل العيلة كانت مبسوطة وابي مرتاح و مأمن انو ابن عمي خطبني ما حدا غريب يعني ضمنان انو يصوني و يخاف عليي .

ام عمر : الله يرضى عليكن و يتمم عليكن .
لين : الله يخليلنا ياكي .
بلال : الله يطول عمرك ستي .
ام عمر : بلال لبس هالخاتم لخطيبتك هاد خاتمي و لين مسكي لبسي هالخاتم لبلال هاد خاتم جدكن بما انو بلال على اسمو .
علاء : الله يرحمو .
عمر : امين .

*مضى اسبوع على خطبتنا ... وكل يوم يجي بلال و يجبلي معو هدية ...

بلال : لين .
لين : نعم .
بلال : بدي اطلب منك طلب .
لين : شو هو ؟
بلال : ما بدي ياكي تدرسي بالجامعة .
لين : ليش ؟
بلال : لانك حلوة و بخاف عليكي وبعد شهر رح تصيري عروس ويصير عندك بيت و اهتمامات .
لين : بتخاف عليي من شو ؟
بلال : بخاف عليكي من كل الدنيا بخاف عليكي من نسمة الهوا انتي اميرة و الاميرة لازم تضل بالقصر .
لين : اممم طيب ماشي موافقة .
بلال : بحبك .
لين : وانا بحبك .

*قدر بلال يضحك على عقلي بكم كلمة حلوة و معسولة وانا لاني بحبو اصلا مستعدة نفذلو أيا طلب ...

*بعد اسبوعين كان بلال سهران عنا ...

عبيدة : بلال في سؤال بدي تساعدني بحلو .
بلال : اي تكرم عيونك .
عبيدة : تعال معي .

*راح بلال يحل السؤال لعبيدة لانو عبيدة بلش يدرس هندسة و بلال مهندس اصلا ... نسي تلفونو على الطاولة و ما بعرف شو يلي خلاني امسك تلفونو و افتحو ...

*فتحت التلفون و تمنيت لو اني ما فتحتو ... هو صح سمع كلمتي و خلاني اكسر الشريحة بس ما نهى علاقاتو كتير ارقام بنات و رسائل حب ... حسيت قلبي انكسر و صارو دموعي ينزلو لحالهن ...

بلال : في بتلفوني صورة لقانون بتخليك تحل كلشي بسهولة لحظة لجيب تلفوني اكيد نسيتو عالطاولة .
عبيدة : خود راحتك .

*اجا بلال لياخد تلفونو و شافني عم ابكي و ماسكة التلفون ...

بلال : لين .
*عطيتو التلفون و ركضت على غرفتي قفلت الباب و صرت ابكي بحرقة ...
بلال : لين لين خلينا نحكي .
عبيدة : شبها ؟
بلال : مافي شي .

*صارو بلال و عبيدة يدقو الباب قلتلهن بصوت مخنوق ...
لين : راسي عم يوجعني كتير تركوني نام .
عبيدة : جبلك دوا اختي ؟
لين : لا ما تجبلي شي تركوني بس .
عبيدة : امشي ابن العم خليها ترتاح .
بلال : ح
Link
0
2.8k
10:102019/09/20
اضر .

*بالليل بعتلي رسالة بلال ...
((سامحيني بوعدك انساهن كلهن بوعدك ما احكي مع غيرك بعد هاللحظة بوعدك صلح كلشي وماعاد نزل دمعتك))

*رديت عليه...
(( ما بدي توعدني ولا بدي منك تطلب السماح هاد طبعك وعم يمشي بدمك وبعرف انك رح تخلف بوعدك ... مسكت تلفونك وانا حاسة بالذنب قلت لحالي كيف ممكن تشكي بانسان صادق معك ، لما فتحت التلفون عرفت انو الصدق عندك تمثيل انت جرحتني و كسرت قلبي بتعرف اني ندمت لاني فتحت التلفون عالاقل كانت رح تضل صورتك حلوة بذاكرتي بس انت هلأ ابشع واحد بالدنيا و صورتك مشوهة بذاكرتي ، انا ما رح احكي شي لاهلي ولا لاهلك لحتى ما يصير كره بالعيلة بس متل ما خطبتني بكل هدوء رح نترك بعض بكل هدوء ... الله يسامحك))

*تركنا بعض انا و بلال كانت اقصر خطبة بالدنيا ... مخدتي هي الشاهد الوحيد على دموعي يلي كانت تنزل و تحرق خدي ... بعد شهرين بلشت ارجع لطبيعتي و ارجع للحياة بس رجعتلها و انا حاسة حالي كبرانة 10 سنين عن قبل ...

عمر : انا لهلأ ما فهمت السبب كنت ميت عليها كيف تركتها بهالسهولة ؟
بلال : ما قدرت افهمها ولا تفهمني .
عمر : اكيد ما رح تفهمو بعض ب3 اسابيع .
بلال : هيك احسن ابي انا ما بدي يصير مشاكل بعد الزواج و يصير كره بين العيلتين .
عمر : اي خير ان شاء الله .

سماح : لين انا حافظتك و ما مرت على راسي شغلة انو ما فهمك وما فهمتيه .
لين : يا ماما متل ما قلتلكن ما قدرنا نفهم بعض .
سماح : ماني مصدقتك انا متأكدة في شي اكبر بس انتي عم تخبي .
لين : صدقيني مافي غير هيك وانا مستحيل خبي لو في شي اكبر من هيك الله يوفقو بحياتو و يوفقني بحياتي .
سماح : امين .

*بلال خطب و ماعاد اجا على بيت جدي لحتى ما يذكرني بجرحو الي ... ما حضرت خطبتو بس زعلت على خطيبتو المخدوعة بطيبتو ... بلال ممثل شاطر او يمكن هي خبرة اكتسبها من طول مدة حكيو مع البنات عرف كيف يسرق قلب أيّ انثى بسهولة و بمجرد حكي ...

*تقدملي عريس عمرو 30 سنة ... متعلم و غني كتير ، سأل ابي عنو الكل مدح من اخلاقو و امانتو ... فرحت انو عمرو 30 قلت لحالي اكيد عقلو ناضج و ماعاد تهمو التفاهة و الحكي مع البنات ... وبيوم الشوفة ...
#زمن_الخذلان
#الجزء_السادس
#بقلم_فتاة_من_ورق

بيوم الشوفة...

*لبست تياب عادية و رفضت حط أيّ نوع من المكياج على وجهي...دخلت على الغرفة و قعدت و خليت عيوني بالارض.. وما كنت متشجعة ابدا لانخطب .

ايهاب : كيفك ؟
لين : الحمدلله .
ايهاب : معلش تطلعي فيني ؟
*رفعت عيوني تطلعت فيه بسرعة ورجعت نزلت عيوني...
ايهاب : ما شاء الله عنك ، مافي احلى من البنت تكون على طبيعتها وانتي على طبيعتك .
لين : تسلم .

*طلعت من الغرفة و تركتو يحكي مع ابي ... خبرو ابي اني كنت مخطوبة قبلو وما حكا شي وقال كلو نصيب .

علاء : شو ابي انتي موافقة ؟
لين : متل ما بدك .
علاء : لا يا بنتي بدي اعرف اذا موافقة ولا لا الشغلة ما على كيفي .
لين : اي .
علاء : موافقة ؟
لين : اي .

*كان مبين عليه انسان محترم كتير و اكابر ... مهري كان عالي كتير والكل يتفاجأ لما احكي الرقم ... استمرت خطبتنا 3 شهور بعدا تزوجنا ... شفت بيتي خلال هال3 شهور كان اشبه بالقصر فخم كتير و كلشي بتمناه موجود و قلي انو طلب خدامتين من مكتب الاستقدام مشان هن يشتغلو بالبيت ... بعد العرس مباشرة رحنا شهر عسل على تركيا ما قعدت ببيتي ولا يوم ...

ايهاب : مبسوطة ؟
لين : بصراحة اي كتير مبسوطة كلشي حلو و مميز هون وخاصة هالمناظر الطبيعية .
ايهاب : عيونك هن احلى منظر طبيعي شفتو بحياتي .
*ابتسمت بخجل ...
ايهاب : يا الله اديشك خجولة النا 3 اسابيع متزوجين و لسا كل ما حكيتك كلمة بيصيرو خدودك حمر .
لين : ايمتا رح نرجع على بلدنا ؟
ايهاب : بعد اسبوع .
لين : بتعرف مهما كانت بلد الانسان بسيطة لو طلع و شاف البلدان المميزة بيضل بيحب بلدو و بيشتقلو .
ايهاب : صح حكيك مافي احلى من بلد الانسان بس انتي كتير حنونة لهيك اشتقتيلها بسرعة .

ام عمر : والله البيت ما حلو بدون لين .
سماح : من قبل عرسها باسبوع وانا عم ابكي على فراقها بس عم ادعيلها الله يسعدها .
عبيدة : كيفكن .
سماح : اهلا وسهلا بشيخ الشباب نحنا سبقناك بالغدا رح جهزلك السفرة .
عبيدة : اي والله لاني جوعان كتير اليوم ما فضيت اكل بالجامعة ولا لقمة .
ام عمر : الله يحميك و يرضى عليك يا ابني .

*راحت مرت ابي عالمطبخ ...

عبيدة : ماما .
سماح : نعم .
عبيدة : في شي بدي احكيلك ياه بس ما عرفان من وين بدي بلش .
سماح : احكي حبيبي من وين ما بدك بلش .
عبيدة : في صبية معي بالجامعة حلوة كتير و ناعمة و مؤدبة اخدتلي عقلي يا امي .
سماح : يا روحي انت حكيت معها ؟
عبيدة : رحت بدي احكي معها ...
*******************************************
عبيدة : مرحبا .
مريم : اهلين .
عبيدة : انا عبيدة عمري 20 سنة طالب هندسة .
مريم : اي العمر كلو .
عبيدة : بصراحة انا حابب اتعرف عليكي .
مريم : اسفة اخي انا ما بدي اتعرف على حدا ويا ريت ما توق
Link
0
2.7k
10:102019/09/20
مشاركات مشابهة

الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com

الرئیسيه
المجموعات و القنوات
Disclaimer

All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com