قعدت مع ابي وقلتلو اني مرضانه ... وبعد شوي اجا اخي ايهم وفات على اوضتو
وكانت امي قاعده على جنب وصافنه .. كان بس نفسي فوت على راسها واعرف شو مصيري .. ولشو عم تخطط ..
بعد شوي ما قدرت ضل قاعده .. كنت حاسه نار جوا جسمي ما كنت قادرة شوف حدا ..
رجعت قمت على غرفتي وفتت بسرعه ..
وللمره الألف برجع بتمنى : ياريتني ما حكــــــــيت !! ياريت ..
ضليت ناطره امي تجي لعندي و تريحني من هالعزاب الي عم عيشو .. بس ما كانت تجي .. ما قدرت نام بنوب
عم اتقلب من جنب للتاني وفكر .. شو رح يصير .. لو بدا تحكي شي لابي كان حكت ..
اول ما طل الضو قمت من فرشتي .. كنت حاسة لحم بطني عم يدوب من الجوع ... كتير كنت موجوعه
فتحت الباب شوي شوي .. وطلعت عالمطبخ الي كان جنب اوضتي تماماً ..
فتت وفتحت البراد .. لقيت صحن لبنة طلعتو و تناولت رغيف خبز واكلت بسرعه .. جليتو وغسلت و قمت لارجع على غرفتي
بس سمعت صوت حدا ..
تطلعت حوالي وتاكدت انو ما في حركة كأنو الكل نايم بس من وين هاد الصوت ..
باب البلكون مفتوح .. قربت ومشيت وانا مستغربه بهل وقت مين صاحي ..
لوقت ما وصلت وعرفت مين الي صاحي .. او مين الي اصلاً ما نام ..
كانت امي لابسه توب الصلاه و قاعده بالأرض بالبرنده وحاطه القرآن الكريم بحضنها .. عم تقرأ بصوت مسموع شوي متل الهمس وعم تبكي
يا الله كيف كانو دموعا متل حبات اللولو ..
غصني قلبي و خفت تشوفني .. رجعت خطوة لورا وانا عم ابكي وبدي أركض على غرفتي ..
ما بعرف كيف حست علي مع انو ما طلعت اي صوت .. يا ربي كل هالئد الب الأم بيقدر يعرف كل شي !!
ام حمزة : رهـــــــــف !!
وقفت مكاني و بلعت ريقي .. فكرت اعمل حالي ما سمعت بس هي متاكده انو هي انا .. ما سألت مين هون
ندهتلي باسمي !!
نزلت راسي وطلعت لعندا و رجلي عم يرجفو .. ما رفعت عيني فيا .. اصلاً ما فيني ارفعا !!
ام حمزة : تعي لهون و سكري الباب وراكي
باب البرنده خشب ومتل المنهل فيه شبك.. رديتو وقربت لعندا
ام حمزة : اقعدي
رهف : _ _ _
ام حمزة بعصبية : حاج تبكي .. لا عاد تبكي لا عاد تبكي
رهف : حاضر حاضر .. طيب ..
ام حمزة : ما في الا حل واحد .. بس كرمال هاد الحل ..
رح كمل كل عمري وانا خجلانه ..رح اتمنى الموت بكل ليلة بعد هاليوم هاد
رهف : كيف يعني ؟
شبكت ايديها ببعضهن و غرقو عيونا بالدمع
ام حمزة : انا ما عندي غير هالــحــل .. ما في غيرو ... بس من بعدو .. رح يموت كل شي فيني ..
ما كنت فهمانه شي عليها .. ما كنت فهمانه شو بدو يصير .. فجأة مسكتني بقوة وتطلعت بعيوني
ام حمزة : بس لازم بالأول تقوليلي مين هو
رهف :انا .. انا
ام حمزة : انا لازم اعرف مشان اتأكد انو الي رح اعملو صح
غمضت عيوني بقوة و ما كانت الحروف تطلع من تمي .. على شوي بدي احكي
وارجع ابلع الكلمة .. افتح عيوني وبس شوف عيونا اسكوت وما اقدر احكي
ام حمزة : طيب .. قومي على غرفتك وما تطلعي منا .. انا بعد ساعتين رح اطلع من البيت .. رح حط لابوكي فطور وانتي اعملي حالك نايمه
وبعدك تعبانه .. ما بدي ياكي تحكي معو بنوب
رهف : اي
ام حمزة : قومـــــــي ..
رهف : اي ..
قمت عالسريع من مكاني وفتحت الباب انا وعم ارجف .. ومشيت بسرعه على غرفتي وسكرت الباب وراي
وقفت ورا الباب وصرت حاول اتنفس
كانت انفاسي مخربطة كتير .. ايدي عم ترجف .. ركضت على فرشتي و نزلت تحت الحرام
رهف : شو رح تعمل !! .. شو بدو يصير ..
ضليت مفتحه عيوني وما عم اتحرك من مطرحــي .. وبعد ساعتين سمعت صوت باب البيت عم ينفتح .. وعرفت انو امي طلعت متل ما قالتلي
شو هو الحل !! هو هالحل الي امي رايحه تعملو !! ليش قالت انو كل شي فيها رح يموت .. ليش كانت تحكيني بطريقه كأنها رايحه على قبرها برجليها ..شو رح يصيرررر .. لوين راحت امي ..
#العار
الجزء السابع
رهف : بتتزكر ابو محمود ؟
عباده : مين هاد لا ما بتزكر
رهف : لا اكيد بتتزكرو .. هاد الرجال الي كان اصلع و عندو سيارة صغيرة زرقا .. تزكرتو ؟
عباده : ايه ايه .. هاد الي كان جاركون و انتقل من شي سبع سنين ..
رهف : ايه هو ..
عبادة : شبو ؟
رهف : بتتزكر وقت كان دايماً يجيبلي اكلات طيبه وياخدني مشاوير ويجيبلي العاب كتير وانتو تغارو مني
عباده : ايه صح بتزكر منيح الله يرحمو من سنتين سمعنا انو مات بس لهلأ ما فهمت شو دخل ابو محمود بقصتك ..
سكتت شوي وما حكيت ..
وهو سكت .. ضلينا شي عشر دقايق .. وانا عم طقطق اصابعي ومتوترة
عباده : رهف !!!
رهف : _ _
عبادة : يعني .. انتي !!
شديت ايدي بقوة كأني خايفه من شي
عبادة : هو الي عمل فيكي هيك ؟
هزيت راسي وانا متشجنه وخايفه كتير
عبادة : ردي علي احكي معيييييييييي احكي معي
رهف : لك اي اي اي هووووو .. هووووووووو
هو كان ياخدني لاماكن بعيده وكان يئذيني .. هو ايه هو .. هو ايييييييييييييه الله يحرقو بنار جهن
م هو هووووووو
عبادة : بس كيف !!! .. كيف .. ليش ما قلتي لأمك لك ليش ما حكيتيلنا .. نحنا فكرنا انو انتي
رهف : فكرتو انو انا بعت شرفي بس مو هيك والله مو هيييييييييك مو هيك اقسم بالله
عبادة : لييييييه ما حكيتي .. ليه ساكته لهلأ .. ليه ما قلتي لعمتي .. ليه خليتيها تموت بقهرها وهي ما شبعت منك وانتي ما شبعتي منا
ليش هيك عملتي بحالك ليش
رهف : انا وقت قعدت معا كان بدي قلها .. بس انا تخربطت كتير .. ما بلشت بالحكي صح .. بدل ما بلش احكيلها كيف الشي صار
حكيتلها المصيبه فوراً .. وبس شفتا جنت علي انربط لساني
انت ما شفتا ما شفتا كيف صار ما فيني قلك شو الي صار وقتا .. كل ما توصل الكلمة لشفافي بس شوف عيونا ارجف واسكوت
قام عباده وحط ايديه على راسو وصار يروح ويجي بالغرفة بسرعه
رهف : انا ما فيني لومها .. هي كانت مصدومة بالحكي الي سمعتو بس انا موقفي كان صعب كتير .. انت مستتحيل تقدر تحس
اديه صعب واديه بدو شجاعه لاحكي .. و وقت استجمعت قوتي وكل طاقتي وقررت احكيلها .. خوفتني اكتر ..
بآخر لحظة .. وقت حسيت انو الحكي ما رح يغير شي بالحقيقه قررت اسكوت .. لان شفت انو ما رح يعمل فرق السبب
لان النتيجه وحده
عبادة : كيف قدرتي تضلي ساكته
رهف : ما كنت ساكته والله .. كل الوقت كنت عم اصرخ بس ما حدا عم يسمعني ..
كتير اوقات لما روح لعندا كرمال صالحها وما ترضى تحكي معي كنت فكر قلها بس كنت خاف من شغله
عبادة : شو هي ؟
رهف : كنت خاف انو وقت تعرف .. انها هي الي سلمتني بايدها للي عمل فيني هيك
شو رح يصير فيا ؟ .. بتعرف ؟ .. امي ما كانت مهملة او مستهترة .. بس هو كان شيطان بهيئة انسان
قدر يوصللها انو هو حاسس بالحرمان لان الله ما رزقو اولاد وامي كانت تتعاطف معو .. كتير كنت ابكي وقلها ما بدي روح معو
بس ما كانت ترد علي .. خفت عليها يصرلها شي وعقلها ما يتحمل
عبادة : انتي ظلمتي حالك
رهف : يمكن .. بس قلك شي .. حاسه اني راضييه عن حالي .. يعني على الأقل .. ما شفت بعيون امي نظرة خجل مني
لو قلتلها كانت رح تحس بالذنب تجاهي وانا ما بدي هيك .. بدي ياها كل عمرها تضل متأكده انو انا فخورة فيا
ومو زعلانه منها .. بكفيني انها ماتت وهي حاسه انها قامت معي بكل واجباتها .. بكفيني انو ضميرها كان مرتاح
ولو قلبها ما كانت مرتاح .. بس هاد اكتر شي قدرت عليه .. وربي بيشهد علي .. هاد اكتر شي ..
شفت بعيون عباده دمعه لمعت .. طلع من الغرفة بسرعه وتركني وراه ..
ضليت قاعده شوي وحاطه التياب بحضني
رهف : عملت كل شي بقدر عليه ..
قمت واخدت شنتي ورجعت على غرفة امي .. الغرفة الدافيه .. الغرفة الي كلها زكريات حلوة
زكريات بعيده عن هالأيام البشعه ..
لما كانت امي تحبني كتيييييييييييير ... كتيييييييير
يا الله شو كانت ايام حلوة ..
ضليت كمان اسبوعين عم اخدم ابي .. واخي حمزة اجا وقف بالعزا ورجع سافر لان مرتبط بشغلو .. وايهم كان كتير متأثر بالموضوع
بس رفقاتو وقفو جنبو .. وشوي شوي بلش يتحسن ..
وبعدا انا رجعت على غرفتي ببيت خالي وما كنت عرفانه شو رح اعمل لبعدين وهلأ شو مصيري ..
لرجعت رتبت حالي وتماسكت .. رجعت لدوامي ودراستي .. و انعزلت عن الكل .. صار حكيي اقل من اول بكتير
وبطلت اطلع اشتغل معهن .. و حماتي خفت عني بطلت تتحركشني كتير وصارت تتركني بحالي
كنت كل نهاري قضيه عم ادرس .. كنت حاول انسى الوضع الي انا فيه لان كل ما كنت فكر حس راسي رح ينفجر ..
بس عطول اصوات خناق نور و عباده واصل لعندي و عم يزعجني ..
كتر مشاكلهن كتير بالفترة الأخيرة وما كنت اتدخل او اهتم شو القصة ..
المشكلة انو البي لليوم عم يدئ لمعتصم .. مع انو تخلى عني ..
وثقت فيه كتييييييييييير . وتوقعت انو لما احكيلو يوقف جنبي
بس هو تخلى عني… وقتا انا كتبتلو كل شي برسالة و اعطيتو ياها و قلتلو يقرأها بالبيت و منحكي تاني نهار
و تاني نهار ما اجا… و التالت ما اجا… وضليت ناطرتو بنفس الكفتيريا على نفس الكرسي بنفس الوقت… بس ابداً ما اجا!! …
بعدا بتلات شهور عرفت من رفقاتنا انو خطب… و فهمت انو ما رح يقبل فيني بعد الي عرفو…
بس مع هيك ما كان يطلع من راسي بنوب…
كنت طالعه على دوامي و كنت تعبانه لان تاخرت بالسهرة انا و عم ادرس…
و وقت وصلت الجامعه لمحت معتصم…
فكرت حالي عم اتوهم…
لوقت ما ندهلي و سمعت صوتو
معتصم: رهف… رهف…
التفتت وراي و شفتو… عنجد هاد هو…
خفت و مشيت بسرعه و شديت الدفتر لصدري…
و ضل ماشي وراي لوقت ما ضيعتو بالعجئة
فتت على محاضرتي و نفسي مقطوع..
و بس وصلت حسيت حالي جدبه!! .. ليش هيك مشيت بسرعه.. ليه ما وقفت و شفت شو بدو!! ليه كان يندهلي!! …
ضليت كل النهار و انا فكر شو رجعو هلأ… رح يصرلنا سنه و شوي متقاطعين…
و انا طالعه من دوامي ضليت دور عليه بس ما لقيتو…
رجعت عالبيت و ما اكلت و عبادة لاحظ اني مو على بعضي و سألني شبني… و مرتو كالعاده جنت و تخانقو
حملت حالي و فتت على غرفتي…
حاولت ادر
س بس ما قدرت…
حتى ما قدرت نام كل الليل…
و تاني نهار الصبح رجعت شفتو… حسيت البي رح يطلع من مطرحو…
بس هالمره ما حاول يحكي معي ابداً و انا ما خليت عيني تلتقي بعينو…
ضليت على فترة 10 ايام كل يوم الصبح شوفو ناطرني و عيونو مركزين علي و اتمنى انو يجي و يحكيني بس كان متل الحجر ثابت بمكانو و بس عم يتطلع…
بهديك الليلة كنت ماسكه الجوال و فاتحه على صفحتو على الفيس بوك عم اتفرج على صورو… و ما بعرف كيف بالغلط كبست على زر الاضافه!!!!
وقع قلبي و رميت الموبايل من ايدي…
انا كنت عامله حساب فيس باسمي يعني مبينه انو انا…
مسكت الموبايل و انا عم ارجف و بدي الغي الطلب و تفاجئت انو صار موافق على طلب الاضافه…
رهف: ييي لك انا شو عملت!! شو هالمصيبه ولي ولي..
كنت عم لوم حالي و خايفه كتير… لما وصلني مسج من معتصم…
فتحتو...و لقيتو باعتلي ( انتي رهف ما غيرها ؟ )
#يتبع.. #madeha
#العار
#الجزء_الحادي_عشر
مدلي ايدو مشان سلم عليه .. عملت حالي ما انتبهت وقعدت على الكرسي الي مقابيلو
رهف : بنتك كتير حلوة بس ما شبهك .. كأنو شبه امها
معتصم : ما بعرف .. يمكن
رهف : كيفك ؟
معتصم : انا منيح .. كيفك انتي ؟
رهف : عايشه الحمدلله
معتصم : عظم الله اجركم بالوالده ما حبيت قلك ياها على الهاتف ..
ضحكت ونزلت راسي : شكر الله سعيكم .. وقت اتزكر شو صار بيني وبين امي بحس ما الي حئ ازعل منك
معتصم : ليش شو الي صار ؟
رهف : لما انت تخليت عني
معتصم : ما تخليت عنك انا ..
قاطعتو وكملت حديثي : ما لقيت حل الا احكي لامي مشان نلاقي حل للموضوع .. لان اول عن اخر القصه رح تنكشف لهيك قلت خليني حط امي بالصورة
معتصم : ايه ؟
رهف : ايه .. بس لما سمعت المصيبه جنت .. وقبل ما اقدر احكيلها الي صار اجا ابي عالبيت وما كملنا حديثنا
وقتا حسيت بالضعف كتييييييييييييير .. وقعدت وانا عم فكر انو اديه ضربتي وشرشحتني .. هلأ ازا التلها انو هي بايدها اعطتني للمجرم الوسخ
اديه رح تتعزب ؟ .. قررت اسكوت لتهدى شوي وبعدين اشرحلها .. بس ما لحقت
معتصم : كيف يعني ؟
رهف : تاني نهار جابت ابن خالي وحكتلو وطلبت منو يستر علي مشان ما ننفضح .. وكتر خيرو هههههه ستر علي
معتصم : انا بعتزر منك سامحيني .. الموضوع كمان كان اكبر من طاقتي ما قدرت اتحمل
رهف : لا ما تحكي هيك .. الموضوع كان اكبر من رجولتك .. اكبر من حبك .. هيك بتنحكى
تطلع فيني و خنئ صوتو ورجع شغل سيجارة تانيه .. وصارت بنتو تبكي
رهف : انا في شغله ما عم افهما .. الي بيتروك حبيبتو .. ليش بسمي بنتو باسمها ؟
معتصم : يمكن مشان يتزكرها كل ما انزكر اسم بنتو قدامو .. انا كرمال هيك سميت بنتي رهف
رفع ايدو وطلبلي فنجان قهوة ..
رهف : هلأ شو بدنا نعمل ؟
معتصم : بدنا نتجوز ما هاد كان حلمنا ؟
رهف : ايه مزبوط .. ( كان ) حلمنا
معتصم : حاسك بعدك زعلانه مني بس مو مشكلة .. انا توظفت بشركة كبيرة
وهلأ عم اشتغل وراتبي كبير .. رح جيبلك بيت واخدك شهر عسل و دللك و اعملك كل شي بتتمنيه
رهف : وبنتك ؟
سكت شوي وكان مبين انو متردد : هلأ انا عم فكر بشي .. انو رجع مرتي بس مشان البنت
رهف : ههههههههههههه.. ههههههههههههههه
معتصم : ليه هيك عم تضحكي
رهف : هههههههه اخ يا بطني ... عنجد بتشكرك
معتصم : _ _ _
رهف : سهلت علي القرار .. كنت خايفه اندم بسبب قراري بس ريحتني كتير
معتصم : شو ؟
رهف : ليك .. رجع مرتك .. ودير بالك عليها .. وخليك رجال بئى .. حاجتك معتصم .. حاجتك
قمت من مكاني و كانت القهوة هلأ واصله
معتصم : رهف اقعدي خلينا نتفاهم .. اشربي الفنجان لتروقي اعصابك
رهف : صحه وهنا اشربو انت ..
معتصم : لك يا رهف .. رهف .. رهف
طلعت وانا عم اضحك .. اول ما حطيت رجلي برا المحل ضحكت ضحكه من كل البي .. ورفعت راسي و اخدت نفس طويل
رهف : خييييييييييي .. كنت رح اختنئ جوا ..
مشيت وانا مبسوطه كتير .. مرقت بين السيارات متل المجنونة .. طلعت عالرصيف ومسكت شنتي بايدي التنيت وصرت اتمشى قريب من السيارات
رن موبايلي طلعتو ولقيت معتصم عم يدئلي
حطيت الموبايل صامت .. فتت على مطعم وطلبت فروج مشوي وتبولة وسلطة و متبل و شوربة و بطاطا مقلية
سألني معك حدا ؟
قلتلو لا هدول كلهن الي .. ضحك وراح وبعد شوي بعتولي الطلب ..
بلشت اكول و انا جوعانه بس ما اكلت زياده لان الأكل اصلاً كان كتر
رجعت اشرتلهن
رهف : عندكن حلو ؟
هو : ايه عندنا مدام تفضلي شو طلبك
تطلعت عليه وقلتلو انا انسة مو مدام
هو : ايه عفواً يا انسه
رهف : بدي شوكلت كيك .. ممممممم وقطعة كنافة .. وبدييييييي كوكتيل فواكي .. وبدي
هو : هههههههه
رهف : لك ليه عم تضحك عنجد كلهن مشتهيتهن
هو : ايه بس ما اكلتي شي من الأكل واكيد هلأ ما رح تاكلي هاد الحلو كلو لان واضح انو حضرتك اكلك بسيط
بقى ليش كل هالطلبات
رهف : لك ايه مزبوط بس انا عم احتفل ..
هو : متل ما بدك
ضليت هنيك ساعتين بعدا طلعت الجوال ولقيت عباده وخالي دئولي بحدود الي 25 مرة
مسكت المنديل ومسحت ايدي ودقيت لخالي
رهف : ايه خالو ليكني جايه .. اسفه كتير يلا رح اجي بسرعه
طلعت وكانت الدنيه بلشت تعتم .. استعجلت ووصلت البيت وكنت فرحانة كتير وخالي كان خايف علي ومفكر انو طلعت من البيت زعلانه
قعدت انا وخالي لحالني ورجعنا حكينا بموضوعي .. ولامني كتير لانو ما خبرت امي وخليتها تموت وهي زعلانه مني
رهف : بس امي مو زعلانه مني
ابو عبادة : كيف
رهف : هي اجت بالمنام لحمزة وقالتلو يدير بالو علي واعطتو فستاني الزهري الي هي طرزتلي ياه
ابو عباده : _ _
رهف : وكانت مبسوطه كتير كما
ن هيك قلي حمزة
حط ايدو على شعري وضحك : الله يهدي بالك يا خالي
بستلو ايدو : يخليلي ياك خالي
وقررت ارجع ركز بدراستي لان اهملتها كتير بآخر فترة .. قربت امتحاناتي و كنت كتير ادرس وحس عيوني رح يطقو ويتنفخو كتير
بس كنت استمتع لان هاد المجال اصلاً هو رغبتي ..
كان عباده لسه عم يحاول يتقرب مني وانا كنت اتصرف معو يهدوء ..
رحت لعند نور وحاولت رجعها متل اخر مرة .. وقالتلي بس عباده يجيبلي بيت برجع
رهف : بس هو ما معو مصاري حرام مشان هالصغير ما تخربي بيتك
اتطلعت فيني وضحكت : ليش مين قال انو الي بيت .. يا رهف لو عباده بحبني كان عمل اي شي من الأول مشان ما يكسر خاطري
الي اكتشفتو .. انو عباده ما كان يحبني من الأصل .. وما كان فارق معو وجودي من عدمو .. والواضح انو بحبك الك
رهف : هههه الي ؟؟
تركتا وانا عم فكر بحكيا .. وما عم لاقي حل كيف بدي رجعهن لبعض ..
صار وقت امتحاناتي .. وكان عباده كل يوم يوصلني لان كنت ضل سهرانه كل الليل وما نام وكان يخاف علي دوخ بالشارع
كان يطلع معي ويشتريلي سندويشه ويضل ناطرني برا لقدم واطلع ..
مرقت علي فترة هادية .. ومعتصم مل كتر ما دئلي وما رد عليه وغيرت رقمي ..
خلصت امتحاناتي وبآخر يوم طلعت مبسوطه كتير ومرتاحه
رهف : عبااادة عبااااااااده
وقف وهو عم يضحك : بشري ؟
رهف : بيجنن كتييييييييير ممتاز
عبادة : الحمدلله الله لا يضيعلك تعب .. يلا نمشي
رهف : نمشي ؟ ليش ما نطلع بتكسي تعبااااااااااانه كتير
عبادة : بس انا حابب نتمشى الجو كتير حلو
ما قدرت ارفض مشان ما احرجو بس كنت دايخه كتير وتعبانه .. الي اربع ايام مو نايمه متل الخلئ وحاسه الدنيا عم تفتل فيني
مشيت معو وكان يحكي ومبسوط وانا ساكته وعم هز براسي ..
لوقت ما حسيت حالي ما عاد توازنت .. مسكت بتيابو و وقفت
عبادة : شبك ؟
رهف : و لا شي
عبادة : تعبانه ؟
رهف : دايخه كتير ..
لف ايدو حوالين خصري وقربني الو : تعي اقعدي هون ..
مشينا شوي لوصلنا لكرسي وقعدنا عليه
عبادة : يمكن نزل ضغطك .. خليني جيبلك عصير
رهف : لا خليك
عبادة : شو حاسة؟
رهف : حاسة انو شايفتك عشره .. في مية عباده حوالي ههههههههه
عبادة : فظيع شو مهضومة
رهف : الحئ علي تضرس
ضلينا قاعدين شوي عم نحكي لحسيت اني احسن .. قمنا وكملنا مشي ..
وبس فتت على غرفتي فات معي
رهف : شبك؟
عبادة : شبني ولا شي
رهف : ايه بدي نام تعبانه انا
عبادة : طيب نامي وانا بتفرج عليكي
رهف : يااااا سلاااام .. يلا اطلاع امانه بلا غلاظة
عبادة : طيب طيب .. هلأ رح اتركك بس راجعلك المسا
ضحك وطلع من الغرفة
رهف : سكر البااااااااااب وراك
عبادة : امرك رهف خانوم ..
رهف : دب ..
رميت حالي عالتخت وانا تعبانه ونمت وما عاد حسيت شي بالدنيا .. ضليت نايمة للساعه 9 بالليل .. قمت وراسي عم يوجعني
رهف : ييييييي شو هاد كلو نوم .. كأني فتت بغيبوبة
قمت من التخت و فتحت باب الغرفة وكان البيت هادي كتير وما فيه صوت ..
رهف : وينهن هدول ؟
مشيت لوصلت للصالة وهنيك لقيت خالي ومرتو وعباده كلهن قاعدين ..
عبادة : انا ما بدي طلئها لرهف ابي .. وهي ما طلبت هاد الشي انت ليش معتبر اني حابسها .. انا ما عم دايئها بشي
ابو عباده : بس اختي الله يرحمها خلت هالجوازة تتم بس مشان تغطي عالموضوع .. والبنت مو ماخده راحتها وانتو ما في بيناتكن شي
ام عباده : خلص والله تقطع قلبي على هالبنت .. طلقها خليها تشوف حياتها وانت روح شوف مرتك وشوف كيف بدك ترجعها
عباده : لك يا جماعه انتو ليش ما عم تفهمو علي .. انا بحبها لرهف .. والله العظيم بحبا .. ونور ما عاد بدا ياني
الشغله مو بالزور
ابو عباده : شو يعني ؟
عباده : يعني انا ما بدي طلقها لرهف ..
فتحت الباب عليهن و وقفت قدامهن
ابو عباده : صحيتي خالو ؟
رهف : بس انا بدي تطلقني عبادة ..
#يتبع #madeha
الجزء الثاني عشر #الاخير
وقف عبادة وما حكي شي
ابو عبادة: طلقها عبادة، البنت بدا تشوف حياتها…
ام عبادة: طلئها ابني…
رهف: طلئني لو سمحت..
عبادة: هه!! خلص هيك؟ هيك كلكن همكن رهف؟ طيب و انا؟ ..
قرب مني و عيونو صارو متل الجمر: انا قصرت معك بشي؟ زعلتك شي؟ جبرتك على شي؟
رهف: لا
عبادة: حرمتك من شي؟
رهف: لا
عبادة: غلطت معك؟
رهف: لا لااااا
عبادة: لكنننننن ليييييش؟ ليش ردي علي ليشششش
صار يعيط علي بصوت عالي… و خالي يقلو اتروك البنت وهو عم يحكيني..
عبادة: ما حسيتي بشي تجاهي؟ … تطلعي بعيوني رهف… ما قدرتي تحسي للحظة اني جوزك؟
رفعت عيني بعيونو…: لأ… ما حسيت…
فرد ايديه و رفع كتافو: خلص…!!
رهف: لو سمحت… خليني روح عيش حياتي انا تعبت..
عبادة: طالئ… انتي طالئ…
ما سدئت الي سمعتو… ما توقعتو يقولها… لوقت ما رجعت لوعيي ما لقيتو حوالي… كان طالع من البيت…
قعدت عالكرسي ما عاد حملوني رجلي..
غطيت وشي بايدي التنتين و خالي حط ايدو على كتفي: خلص خالو… مشي الحال حبيبتي…
تاني نهار من الصبح ضبيت غراضي كلهن و فضيت الغرفة… و وصلني خالي على بيت اهلي و قال لابي انو انا و عبادة ما تفاهمنا و هو بدو يرجع مرتو… تدايئ ابي كتير… بس مع الايام صرت حسو مبسوط انو رجعتلو.. كنت اعمل كل الطقوس و كل شي بالبيت متل ما كانت امي تعمل بالضبط… و حمزة بعت لاخي ايهم ليروح يشتغل معو برا البلد و سافر…
كملت دراستي بتركيز و كانت هي اكتر فترة بكون عقلي فيها صافي و تفكيري هادي… بلشت اشتغل على بحث الماجستير النهائي الي رح اتخرج و قدمو للهيئة التدريسيه و على اساسو بيقيموني…
دورت كتير شو ممكن اعمل و شو افضل موضوع احكي فيه.. ضليت شهر ما قدرت لاقي فكره مناسبه… و بآخر نهار كنت واقفه عم اطبخ
رهف: انا حمارة شي؟ لك عنجد انا حمارة….لقيتها لقيتهاااا
فات ابي على المطبخ: رهف بتحاكي حالك؟
رهف: بابا بابا لقييييت فكرة البحث
ابو حمزة: اخيراً؟ .. هاتي احكيلي
رهف: التحرش بالاطفال… بدي احكي بهاد الموضوع
سكت ابي و حسيت الموضوع ما عجبو..
رهف: شبك بابا؟
ابو حمزة: و لا شي بس هاد الموضوع معقد كتير بعدين انتي لازم تكوني قريبه من هيك حالات لتعرفي الاسباب و النتائج و الاثار النفسيه… هاد مشروع تخرج مو اي حكي.. و نحنا ما منعرف ناس بهاد الوضع الحمدلله
لفيت وشي و رجعت حرك الاكل عالغاز و ابتسمت: مزبوط… ما منعرف حدا… ??…
طبعاً بلشت شغل ضمن بحثي و كان اكبر تركيز على الاثار النفسيه للضحية و كيف لازم تتجاوز الازمه و ما تفقد ثقتها بنفسها..
غلط واحد بمشروعي كان نقطة ضعف عندي وهو ان كنت ابعد تماماً اني وجه اللوم و المسؤولية للام… و هاد طبعاً غلط لان الام بتتحمل المسؤولية كاملة عن طفلتها
بتتحمل مسؤولية ما تتهاون بمراقبة انفعالاتها النفسيه و عدم تقبلها لشخص معين او خوفها من شخص محدد..
بالذات بحالتي كان لازم امي تستشعر انو في غلط… يعني ليش كان انا بالذات يهتم فيني!! ليش كان ياخدني و يتاخر فيني لوقت طويل!! كان لازم نظرتها للامور تكون ابعد و ما تتعامل بحسن نية..كان في مواقف ممكن تكشفلها الحقيقه بس ما نتبهتلن يمكن لان اي ام بتكون مستبعده تماماً انو هيك شي يصير مع بنتا، يعني بتسمع بقصص التحرش و عندا علم فيهن بس ما بتتخيل انو حدا يئذي بنتها و المصيبه انو 90% من هي الحالات بتتعرضلها البنت من اشخاص قريبين كتير للعيله و محل ثقه بالنسبه الهن… لهيك امي كانت مطمنه انو بنتها بحضنها و اكيد محدا رح يئذيها…. بتمنى بس لو ما كانت طيبة هالئد… بتمنى لو ما خلت هداك المريض يلعب بمشاعرها و يغتصب طفولة بنت بعمر السبع سنين… بس هي كانت حدا عظيم بالنسبه الي
فنيت حالي كرمالها و كرمال تضل واثقه اني فخورة فيها… شو ما صار…
مرقو خمس شهور… كنت ارفض اسمع اي شي عن عبادة لان البي كان يرجف بس اتزكرو… كنت متوقعه انو رجع مرتو و كمل حياتو لوقت ما اتصلت فيني نور…
رهف: هلا نور كيفك
نور: تمام.. انا متصله اعزمك على عرسي
رهف: عرسك؟!
نور: ايه رح اتجوز و سافر… بعد ما تطلقت بفترة خطبتني رفيقتي لاخوها… هلأ هو كمان عندو ولد مرتو ميته بس كتير حباب و مرتاحتلو
رهف :سدئيني مابعرف شو ئلك انا كتير مستغربة
نور: هههه ليش يعني ما من حقي اتجوز مره تانيه؟ … لازم ادفن حالي!
رهف: لا لا مو هيك قصدي… بس انا فكرت انتي و عبادة
نور: شبنا؟
رهف: انو فكرت رجعتو لبعض!!
نور: هلأ بشرفك مابتعرفي ابن خالك شو وضعو؟ العاشق الولهان ترك اهلو و استأجر غرفه مع شباب و قاعد لحالو…
نحنا تطلقنا بعد المشكلة مباشرة… ليكي خطيبي عم يدئلي بدي رد عليه… مو ما تجي عالحفله ها بزعل منك… بااااي
رهف: لك نور!! نووور؟؟
#مال_الشام
#فصلت
-4-
مروان: هيييي هيييي علينا وبعدين معك مافي شي عم يعجبك
رهف: ليش عم تحكي معي هيك! انت شايف منطق اول ولد النا ما تشوفو و ما تكون جنبي بولادتي!!
قرب مني وقعدني عالتخت و قعد جنبي…
مروان: رهف حبيبتي انتي بتعرفي انو انا متلهف لجية ابنا اكتر من اي شي بالكون… بس شغلي ظروفو قاسيه و مشان ابني ما لازم اهمل شغلي… هلا اسمعي شو بدي قلك
انا كنت مأجل نزلتك لتصيري بشهرك بتنزلي بتولدي هنيك… لان هون مافي حدا يدير بالو عليكي
قد ما حاولت انا اعمل كل شي ما رح كون متل امك صح؟
رهف: صح بس كيف انت…
مروان: هس اسكتي ام راس…خليني كمل… بس خلفتي رح اخد اجلزة و انزل لعندك تاني نهار فوراً… بس تفتحي عيونك رح تلاقيني جنبك
رهف: بتوعدني؟
مروان: بوعدك
بالفعل ترتبت امور سفري و نزلت لعند اهلي و فرحت كير بشوفتهن… و بلشت اثث بيتنا الي بدون اثاث و مروان يبعتلي مصاري و يتطمن علي لوقت ما اجا موعد ولادتي…
اول شي قلتو و هن عم يفوتوني ع غرفة الولادة / اتصلو بمروان خلوووه يجييييي /
و بعدها مرت علي اوقات صعبه كتيرررررر و تعزبت بولادتي….
سمعت صوت طفل عم يبكي و عرفت انو صرت ام…
قالتلي الممرضه مبروك اجاكي بنت… ابتسمت و نمت نوووومة بتسوا الدنيا…
تاني نهار فتحت عيوني… و كان مروان جنبي متل ما وعد..
و امي و الكل بالغرفه و مبسوطين
رهف: وين بنتي؟
امي: رح قول للممرضة تجيبا…
قعدت احكي انا و مروان لبين ما يجيبو بنتي…
رجعت امي و وشها ما بيتفسر
امي: صهري بالله تعا معي عايزتك شوي
رهف: شو في امي؟
امي: لا بس بدهن مروان شوي
رهف: مين بدو ياه؟ لك شو في بنتي صايرلها شي؟
امي: ياربي دخيلك… حسبي الله ونعم الوكيل… حسبي الله ونعم الوكيل
مروان: شو في البنت صايرلها شي؟؟؟
امي: البنت… البنت… البنت طلعت معاقة
نزلت هي الكلمة علي متل الصاعقه و انقلب الفرح لدموووع و بكي…. ابشع شي كان هو مروان!! لهلا بتزكر ردت فعلو
مروان: معاقه!! … انا ما عندي ولاد معاقين… ازا معاقه ما بدنا ياها
امي: كيف يعني ما بدك ياها اخزي الشيطان لك ابني
مروان: ما بدنا ياهت يعني ما بدنا ياها… و ما رح نستلمها
رهف: انت شو عم تخبص هي بنتي كيف يعني ما رح نستلمها حنيت مروان؟؟؟
طلع وقتا من عندي و ما عاد شفت وشو لتلات ايام… عرفت باخر يوم انو رجع ع دبي
بدون ما يشوف بنتو…
#مال_الشام
#فصلت
-5-
بنتي ما كانت معاقه… بنتي كانت معها متلازمة داون
المتعارف عليها بالمجتمع بالمنغولية…
ضحكتها كانت متل الشمس… ملائكية
روح بريئة… حرمني مروان اتهنى فيها
من الزعل انقطع حليبي و ما قدرت رضع بنتي، بس كنت شايفتا وماني مسدئة… و مروان اختفى كأنو فص ملح و داب
اجت امو و باركتلي و لبست البنت حلق
قلتلها مروان وعدني يلبسها ليرة عليها اية قرآن…
قالتلي رح زكرو…
قلتلها و البنت ايمت بدو يسجلها!!!
قالتلي امانه لا تواخذيني مو عارفه اتفاهم معو طولي بالك علي!!
قلتلها كنا متفقين ازا اجتنا بنت نسميا ملاك… سجلوها ملاك..
حطيت بقلبي و سكتت،، بعد يومين اجا عمي (حماي) وقلي انو مروان وكلو يسمي البنت
رهف: سجلتوها ملاك؟
عمي: لا والله مروان ما رضي و قلي سميها مايا
رهف: مايا!! ليش هالاسم حصرا
حاول يتهرب مني كتير بس ما تركتو لافهم ليش ما سماها معناهحلفني مية يمين سميها هيك
عمي: قال ملاك رح يكون اسم بنتو السليمة مو بنتو المعاقه… و سماها مايا لان معناه انثى القرد… نزل راسو عالارض و قلي اسف ما طلع بايدي شي
و تركني وانا رح جن… و راح
كيف بني ادم بيعمل هيك ببنتو؟ ما حن قلبو يشوفا؟
ليش هيييك عم يعمل…. لييييش هيك ياربي دخيلك ليييش
حملت بنتي بين ايدي… سبحان الي خلقها الضحكة ما كانت تفارق وشها… و قلتلها يا حبيبتي يا امي لو سموكي شو ما كان رح تضلك ملاكي… وما رح خلي حدا يئزيكي تئبريني
بعد شهررررر كااااامل رنلي جوزي…
رفضت احكي معو بشكل قطعي… صار يتصل ع اهلي و يوسط اهلو لرد عليه و قال في شي ضروري و ما رضي يحكيه لحدا…
بعد اخد و عطا و جدال… اقنعوني احكي معو و انو اكيد عرف غلطو و حن ليشوف بنتو…. و بصراحه انا كنت كتيرررر مشتائتلو
وما حبيت بنتي تربى بدون اب لان رح تكون بحاجة سند تستند عليه….
هيك كل عمرها الانثى بتنجرح و بتسامح بدون مقابل
مسكت الموبايل و رنيتلو… وفورا رد
مروان: رهف… اشتئتلك كتيررررر…. بيتك مطفي بدونك و انا ما عم اقدر عيش بلاكي
ريحتك بكل مكان…. انا كتير اشتئتلك
رهف: هلا جايه تحكي هالحكي؟
و تزكرت انو بدي انهي الخلاف و ما كبرو…. فوراً تراجعت و قلتلو و انا كتير اشتقتلك…
سكت خمس دئايئ.. صوت نفسي و صوت نفسو بيحكو الف حكايه
بيحكو عتاب و وجع و زعل و قهر…. صوتو نساني كل عمايلو…
و قلت كل البشر بيغلطوووو و هو عرف غلطووو….
مروان: ما بدك ترجعي لعندي؟
رهف: امبلى، و باسرع وقت لان تعبت كتير… احجزلي باقرب موعد
مروان: دخيل الي خلئك ايه؟ ازا ما لقيتلك طيارة رح اجي اخدك ع ضهري
رهف: اوف هالئد مشتئلي؟؟
مروان: بس تجي رح تشوفي اديه مشتئلك… انتي خليكي جاهزة ايه؟؟
رهف: مروان ليك… البنت بدها تذكرة و لا ما بيحسبولها؟
و فجأة اختفى صوتو
حتى نفسو اختفى
رهف: الووو وين رحت شو فصل الخط؟
مروان: بس مو هيك كان الحكي… انا قلتلك قبل ما اطلع انو انا ما عندي بنت معاقه
رهف: شو يعني ما فهمت؟!!
مروان: يعني البنت بتتركيها عند بيت اهلك يربوها و مصروفها بيوصلها كل اول شهر…و مننسى كل هالالم الي عشناه و منجيب ولاد طبيعين!!!
رهف: بدك اجي و اتركها؟
مروان: بتتركي البنت… و بتضبي اغراضك… اوعي تفكري تجيبيلي هالقردة معك!!
#مال_الشام
#فصلت
-9-
رهف : يابي امي معها حق .. انا صار لازم ارجع لجوزي
ابي : له يا بنتي ، انا بعرف هالحكي مو من قلبك .. ازا انتي سمعتي امك وفهمتي انو بدنا نرجعك غصب عنك
بتكوني غلطانة .. غلطانة كتير .. هاد البيت الك ولاخواتك .. وانا الي ضيف عندكن لياخد الله امانتو
بست راسو وقلتلو الله يطولي بعمرك يا تاج راسي .. انا رح ضب اغراضي وانتو احكو مع مروان يرتبلي امور سفري ..
طلعت ع غرفتي و قعدت فكر ع مهل واحسب كل الاحتمالات وازا الي انا عملتو صح ولا غلط
ضبيت شنتي و صليت استخارة حتى ما اندم بعدين وكان قلبي مرتاح لقراري وللخطة الي ببالي
تاني نهار تفاجئت انو مروان حجزلي بنهاية الأسبوع يعني بسرعه كبيرة حسيت حالي لسه مو جاهزة و بعتلو رسالة طلبت منو بلطف
يأجل الحجز و ما نحكي لاوصل لعندو وهو كان بس بدو رضاي ومو مسدء انو رح ارجعلو ..
لوقت ما اجا موعد السفر ... و طلعت لعندو وكل الطريق وانا ادعي ربي ما كون تسرعت بقراري والله يساعدني لاتعرف لاني بحاجة قوة
وصبر ..
كان ناطرني بالمطار .. بس شفتو شميت ريحة ملاك
بعدت وشي عنو وبكيت
مروان : بعدك زعلانه مني ؟
رهف : لا ، بس الي صار معي مو سهل وانت لازم تتحملني لانسى جرحك
طلعنا ووصلنا على البيت ... كان متل ما تركتو مع ان مر على غيبتي 8 شهور ... بس كل شي متل ماهو
تيابي وخزانتي والشراشف
وترتيبي للاغراض ...
كان محضرلنا غدا تغدينا وكنا عم نحكي عن البلد واهلي واهلو وكل هالأمور وكل الوقت عم حاول عيني ما تجي بعينو
قمت جليت الجلي و فجأة انتبهت انو صار جنبي وعم يحاول يتقرب مني
وقع الصحن من ايدي وانكسر .. قلي لا تمدي ايدك وتجرحي حالك انا بلمو
تركتو بالمطبخ و طلعت وقلبي رح يطلع من محلو .. بس بعد وقت رجع اجا لعندي وكنت قاعده بالصالة
مروان : حبيبي ما اشتئتيلي ؟
رهف : امبلى .. اشتئتلك ..
ورجع حاول يتقرب مني بس هالمرة رفضت وقلتلو انا كان كلامي واضح
لسه جرحي ما طاب منك وبدي وقت لسامحك بشكل كلي ..
مروان : طيب .. وانا تحت امرك لترضي علي منيح ؟
وبالفعل بلشت ايامنا تمشي بشكل روتيني وكنت حاول اشغل حالي على الانترنت و شوف روايات وقصص واستنا الوقت المناسب لنفذ الخطة الي براسي
مع الأيام نفسيتي تحسنت كتييييييييييييييير سبحانو رب العالمين الي وهبنا نعمة النسيان ومروان كان بس بدو رضاي وانو اسامحو
ف بلشت ارجع رهف الطبيعية و المرحة و القوية ..
هيك لوقت ما قررت بلش اعمل الي جايه مشانو .. وصرت كل يوم والتاني نق عليه انو انا كتير دايئ خلئي
وما عم اتحمل القعده بالبيت وما عم اعرف شو اعمل
وهو ما كان يفهم علي شو بدي وكل يوم حاملني وماخدني مشاور ع شي مطرح
شفتها مطولة معو .. وقلت صار لازم لقمو ياها بالمعلقة وبشكل مباشر
#مال_الشام
#فصلت
12 ( الآخير )
كنت ع مكتبي عم اشتغل وما شفتو الا فات وهجم علي متل ليلة امبارح وكفى ضرب ...التمو الموظفين والأمن وسحبوه وزتوه برا
وهيك حادثة ما بنسكت عنها ابداً على هالأساس اخد انذار من شغلو وكانو رح يفصلوه بس انا تدخلت لان ما كان بدي اقطع
برزقو .. ما كان هدفي انتقم كان هدفي بس اخد حقي واخد فرصة الي ووصلت للي بدي ياه
خبرت اهلي بكل شي صار واستغربت انو ابي زعل مني كتير وقاطعني وما عاد رضي يحكي معي .. ورفضو يبعتولي اختي تسكن عندي
الكل حط اللوم علي ونسيو هو شو عمل فيني ...
بعد فترة سمعت انو مروان استقال من الشغل ... غصني البي و زعلت عليه وحاولت احكي مع رفيقو افهم شبو
ورفيقو قلي انو وضعو ابداً مو منيح ونفسيتو متحطمة وما رد ع حدا وترك الشغل
ضليت عم اسمع اخبارو لاسبوعين متواصلين واخر شي عرفت انو مرض مرضة قوية . وهون قلت خلص بكفي
لازم روح اتطمن عليه ..
بالفعل حملت حالي ورحت رنيت الجرس .. لما فتحلي الباب فيني قول انو ما عرفتو
باسبوعين بس شكلو كان مقلوب قلب ... ضحكلي وقلي انتي ؟؟
حسيتها اهانة او كلمة بذيئة
رهف : شو هي انتي ؟
مروان : اشتقتلك !!
رهف : دبحتني كلمتو ... موتتني من جوا .. كان نفسي قلو وانا اشتقتلك بس مو قادرة سامحك
كان نفسي قلو وانا بحبك وما بطلت حبك ولا لحظة بس كنت خاف منو
كنت خاف ارجع يجيني ولاد وعيش نفس التجربة معو لان معروف طبياً انو احتمال ولادة طفل مع متلازمة دوان بتصير
اكبر اذا كان الطفل الأول انولد بنفس الوضع
فات وفتت وراه وسكرت الباب لانو بعدو جوزي وما طلقني .. قدت وقعد جنبي ..
بعدين ما بعرف كيف حط راسو ع رجلي و صار يبكي متل الطفل
كان يبكي متل ملاك .. حطيت ايدي ع شعرو وقلتلو مروان بكفي
تعبت كتير ... نحنا مو مكتوبين لبعض .. وضلو يبكي حسيت قلبي تقطع عليه
حسيت سامحتو عن كل شي
حالتو كانت بتصعب ع الكافر .. اديش بحبني !! بس انا بحبو اكتر لان مع كل شي عملو ما قدرت اكرهو
احترت كيف هديه .. واهتديت لشغله وحده ...
رهف : بسم الله الرحمن الرحيم .. ﴿ إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنْتُمْ تُوعَدُونَ * نَحْنُ أَوْلِيَاؤُكُمْ فِي الْحَيَاةِ الدُّنْيَا وَفِي الْآخِرَةِ وَلَكُمْ فِيهَا مَا تَشْتَهِي أَنْفُسُكُمْ وَلَكُمْ فِيهَا مَا تَدَّعُونَ * نُزُلًا مِنْ غَفُورٍ رَحِيمٍ ﴾ [فصلت: 30 - 32]
وقتا ما عاد بكي .. فرحت كتير ... وكملتلو السورة لأن كنت حافظتها كلها .. لوقت ما نام ..
رفعت راسو عن رجلي ... وطلعت من البيت وكنت عم ابكي
انا كتير بحبوووو ... حاسة انو ظلمتو بس مو بايدي .. ازا برجع بيجينا ولد معو متلازمة داون رح يرجع يرميه ..
بس لا يمكن هو تغير ... يمكن الي صار غيرو
طيب كيف بدي اتاكد ياربي كييييييييف كييييييييييييف ...
سكرت بوشي الدنيا حتى شغلي تراجع بس كان لازم وقف ع رجلي واتماسك لان ما الي غير شغلي ووظيفتي
بعد شهرين ومروان على حالتو بالبيت بدون شغل ونفسيتو تعبانه ... صارت معي اعراض الحمل ..
رحت فحصت وفعلاً طلعت حامل
#تابع_الجزء_الأخير
ما عاد عرفت ابكي ولا اضحك ولا خاف ولا جن ولا شو اعمل ... اركض خبر مروان ولا خبي عليه
ارجع ع بلدي ولا لازم ضل هون
ما لقيت حدا اسألو الا جوز خالتي ابو حمزة .. اتصلت عليه وحكيتلو كل شي وضلينا نحكي وقت طويل
اعطاني رأيو ونصحني شو اعمل وانا فعلا نفذت كلامو
اتصلت ع مروان واعطيتو عنوان بيتي وقلتلو تعا لعندي
مروان : هه ليش ؟ شو بعد بدك مني ؟
رهف : ناطرتك .. لا تتاخر
تركتلو الباب مفتوح وكنت عم ارجف وخايفه كتيررررررررررررررر
فات ووقف وراي وقلي شو في ؟ محتاجه شي؟
وكان شكلو تعبان اكتر من اخر مره شفتو فيا
رهف : انا حامل
مروان : شووو ... حااااااااااامل ..
رهف :ايه حامل
بدون وعي ركض لعندييي .. غمرني وحط جبينو ع جبينو وغمض عيونو وقال يااااااااااااااا رب ... يااااااااااااااارب
رهف : مروان
مروان : بعرف ما بدك ترجعيلي ... بس هلا في شي بيربطنا .. شي لازم نسامح بعض كرمالو يا رهف
رهف : مروان .. انا عملت فحص والولد معو متلازمة داون ...
فجأة بعد عني .. وطلع من البيت ..
وقعت عالأرض وصرت ابكي ... وصرت قول يارب ليش خليتني اتأكل فيه خير .. لييييييييييييش ياااااااااااااارب
مرقو ساعتين ... كنت عم حاول هدي حالي واقنع حالي انو كل شي منيح وابني جاي عالطريق ورح ترجع لحياتي البسمة
ووقتا رن جرس الباب ..
رحت وفتحت الباب .. انصدمت لما كان مروان ع الباب .. وكان بايدو ورد وعلبة صغيره
رهف : شو بدك ؟
مروان : بعرف انو تأخرت ... بس انا كنت واعدك انو ابنا الي رح يجي رح جبلو ليرة محفور عليه اية من سورة فصلت
رهف : بس الولد مو سليم ومعو متلازمة داون
حط ايدو ع تمي و قلي بكفي .. بكفي يا رهف ...
وضمني لصدرو ... بكيت كتيييييييييييير وشكرت ربي انو تفكيرو تغيررر وما عاد متل اول
ضليت شهر مخبرتو نفس الحكي انو الطفل مو سليم
انتقل بالسكن لشقتي لان كان متراكم عليه اجار بشقتو
وبعدا تواسطتلو عند مدير الشركة وشرحتلو انو كان في خلاف عائلي ومروان كان مريض كتير لهيك استقال
وبسبب نجاحات مروان وشغلو الي الكل بشهدلو فيه رجعو بس مو بنفس المنصب ليثبت دارتو ويرجع لمنصبو بتعبو
بعد شهر
رهف : مروان
مروان : عيوني ؟
رهف : بدي قلك شي رح يفرحك
رهف : قليلي ؟
رهف : الطفل سليم انا عملتلو فحوصاتو والحمدلله كامل مكمل ما فيه شي ابدا
مروان : بنحكي جد ؟
رهف : ايه والله بس هاد كان اختبار الك مشان ارجعلك .. بس كانك ما انبسطت ؟
مروان : ليش لانبسط ؟ بالحالتين هو رزقه من ربي...رح اشكرو عليها لان عرفت قيمة هالنعمة كيف ما كانت
وهيك ... تمت حكياتي .. انا رهف
#فصلت
#تمت
ضياء وينا رهف ليش لهلأ ما اجت ليكون صاير معها شي
ام اياد. شو قلت
ضياء. ماقلت شي
وصلت رهف هي وامها وراحت قعدت مقابيلو لضياء
صار يأشرلها انو وينك
وهي تأشر ع امها انو هي السبب
بس بلشت الحفلة ضياء بحب الدبكة كتير
شغل مجوز وقامو الكل ع الدبكة
وضياء الاول ووراه كلو بنات
اجت رهف ومسكت ايد ضياء وبلشو دبكة
شعور رهف لا يوصف انو ماسكة ايدو قدام الكل
وضياء حس انو هاد احلا يون بحياتو وكان عم يشد على ايد رهف ويضحك
وكل الصبايا غيرانين وكلهن بيتمنو انو ضياء يطلع فيهن بس هوا مو شايف الا رهف
رهام. ليكي كيف ماسكة ايد ضياء ومفكرة حالها بتعرف الدبكة
بيان. انا رح دبرها
رهام. شو بدك تعملي
بيان. هلأ بتشوفي
راحت بيان لعند رهف وسحبتها
ضياء طلع من الدبكة لانو مابدو يمسك ايد بنت تانية
رهف. شو هالتصرف هاد شو بدك
بيان. لك انتي نزعتي الدبكة كلا ما شفتي حالك كيف متل الغسالة بس عم ترجي هههههه
لا وماسكة ايد ضياء كمان
رهف. العمى شو انك حقيرة
طلعت رهف وهي تبكي ورايحة ع بيتهم
شافها ضياء ولحقها بدون ماحدا ينتبه
ضياء. رهف .. لك رهف استني شوي فهميني شو صار
مسكها من ايدها ووقفها
ضياء. شو صار احكيلي شو بدها منك بيان
رهف. ولشي
ضياء. كيف ولشي ليش راجعة ع البيت لكن
رهف. عم بقلك ما في شي
ضياء. اكيد سمعتك حكي مو هيك .. جاوبيني شو قالتلك
رهف. اي سمعتني حكي مو حلو كنت فرحانة كتير بس كسرت خاطري
يعني اذا هي نحيفة بحقلها تجرح كل العالم
ضياء. ولا يهمك ياعمري لاتهتمي لحكيها وخليكي اقوى من انو وحده متل بيان تأثر عليكي
وانت احلا منهم كلهم انا ماعم بجاملك لانو الحلا حلا الروح مو الشكل
رهف. لا تضحك عليي بهالحكي
ضياء. لك والله العظيم هي الحقيقة
بتعرفي انو بيان ورهام كل يوم بشوفهم ماشيين بالطريق والشباب لاحقينهم وماشيين وراهم
بس انتي غير عنهم انا بحبك كيف ماكنتي وماتهتمي لحكي الناس الفاضية
وبوعدك اني احكي مع امي بموضوع خطبتنا بأقرب وقت
ويلا هلأ خلينا نرجع وانا رح بهدلها لبيان
رهف. لا ماتحاكيها شي مابدي تعرف بقصتنا مشان ماتخربها عليي
ضياء. طيب متل مابدك بس لاتردي عليها شو ماحكت وبينيلها انك قوية
رهف. طيب
تعبو كتير بهداك اليوم وانبسطو ورهف قوت حالها وماردت ع حكي بنات عمها مع انو شافتهن وهنن يحكو ويتطلعو عليها
باركو لوئام وكل واحد راح على بيتو
بعد مرور اسبوع ضياء كل يوم يشوف رهف بس مل كتير من هالحالة وقرر انو يحكي لامو عن علاقتو برهف ويخليها تطلبلو ياها
في بيت ام اياد
ضياء. امي بدي احكي معك بموضوع
ام اياد. خير ان شاء الله
ضياء. انا قررت اتزوج
ام اياد. جد بتحكي ولا بتمزح متل عوايدك
ضياء. لا هالمرة جد
ام اياد. هاد احلا خبر بسمعو بحياتي الله يتمملك على خير ويبعتلك بنت الحلال الي تسر قلبك وخاطرك
ضياء. الله يسلمك ويخليلي ياكي ومايحرمني منك بس ما سألتيني مين سعيدة الحظ الي رح تكون كنتك
ام اياد. وكمان مختار البنت الي بدك تتزوجها
ضياء. اي كيف لكن
ام اياد. ماكان مبين عليك طلعت مخبا بتيابك
ضياء. ههههههه
ام اياد. مين هيا ؟
يتبع...
#حروف_الموت_الكاتبة_روان_الشبلاق
الجزء الثامن والاخير
ضياء. يا الله اديش صرلي ماسمعت هالكلمة من تمك لو تعرفي اديش اشتقتلك لوتعرفي شو مشتهي اني ضمك وبوسك
وبدي قول للكل العالم رهف رح تصير مرتي يا نااااااس
انا بحبها وبعشقها بجنون
رهف. ههههه لهيك سألت عني
ضياء. والله كنت كل يوم اتصل فيكي ويطلعلي مغلق صحيح اليوم افتحي موبايلك ولعاد تسكريه
رهف. بس خايفة خلي المحبس بأيدي شو بدي قول لأمي وابي
ضياء. امممم لزقي اصبعك بلزيقة وقولي انو مجروح ههههه
رهف. ههههههه بس فكرة منيحة
ضياء. تسلملي هالضحكة الي من زمان ماسمعتا
لك حاسس الفرح رجع لحياتي لك انتي دنيتي كلا عمري وحياتي وروحي بحبك وليه
رهف. وانا بحبك
رجع ضياء ع بيتهم ومبسوط كتير لانو رح يرجع يلتقي مع رهف متل الاول
دخلت رهف ع بيتهم وهي عم تغني ومبسوطة
وصل ع البيت وهو عم يضحك واستلمتو امو
ضياء. امي مابدي اسمع ولااااكلمة
ودخل ع غرفتو
لقا مرتو عم تستناه وشايلة صورة
يسرى. شو هي
ضياء. شو هي
يسرى. انا الي عم اسألك مين هي الي متصور معها ومخبي الصورة بخزانتك
ضياء. م ي ن سمحلك اتمدي ايدك عليها
يسرى. معناها مزبوط حكي امك هي حبيبت قلبك يا تافه ومخبي الصورة بخزانتك
ضياء. اخرسي ولا تطولي لسانك خليني رايئ واي نعم هي البنت الي كنت حبها
يسرى. يعني هلأ شو
ضياء. هلأ مافي بينا شي
يسرى. كذاب انت لهلأ بتحبها
ضياء. لك اخرسي والله بموتك
يسرى. مابدي اخرس لو مابتحبها مابتحتفض بالصورة بس الحق عليي الي قبلت عيش معك هالعيشة لمشرشحة
ضياء. مو عاجبيتك عيشتي هداااك بيت اهلك
يسرى. لكن ليش تزوجتني
اذا مابدك ياني
ضياء. ماكنت بعرفك هيك لسانك اطول منك
يسرى. هيك يا ضياء طيب اذا مابتحبها شلخ الصورة قدامي
ضياء. رجعي الصورة لمكانها بلا حكي فاضي
يسرى. لك لكن لساتك بتحبها
ضياء. لا تفتحي الماضي خلص رجعيها لمكانها
لانو هي مجرد ذكرى مو اكتر
يسرى. بالفعل انك تافه وحقير عم تستغبيني
ضربها ضياء كف ع وجها واخد منها الصورة ورجعها مكانها
ضياء. ع فكرة انتي جبرتيني اعمل هيك
يسرى. انقلع من الغرفة يا كلب الله ياخدك وياخد امك الي بلتني فيك مريض معقد
طلع ضياء ع الصالة شاف امو عم تبكي
ضياء. خير شو فيكي
ام اياد. ندمانة ع الي عملتو فيك
ضياء. بعد شو ندمتي شو بفيد الندم
بس خلص ما صار شي انا مسامحك لاني ارتحت كتير
مع يسرى
ومابهون عليي انك تظلك تتعذبي بسببها لهيك رح استأجر بيت الي والها ونطلع من هون
ام اياد. لا مشان الله يا ضياء لا تطلع من هون مشان الله يا امي لا تتركني لوحدي بهالبيت لكبير
كل هاد بسبب يسرى الله لا يوفقها شو طلعت بنت حرام
ضياء. امي انا مارح اتركك رح ظل طل عليكي كل يوم والثاني وهالحكي مو هلأ بدي اقل شي اسبوعين لجهز البيت
وخلص اذا مشان رهف انا مسامحك
ام اياد. خليك هون وبوعدك اني ازوجك رهف وبعتذر منها كمان
ضياء. رهف خلص نسيتها مع انو خسارتها كانت كتير منيحة وكانت تقلي بس نتزوج رح دلل عمتي ومارح اطلع من عندها ورح عاملها متل امي
وكنت رح شيلها ع كفوف الراحة ورح خلي الناس يقولها نيالها ع الكنة الي عندها
ام اياد. هيك كانت تقول رهف
ضياء. اي والله هيك
ام اياد. يا الله شو طلعت ظالمتك يا بنت اخي كنت مفكرة الجمال كل شي
بس ماصار شي طلق مرتك وبزوجك ياها
ضياء. لا امي خلص انا بحب مرتي ومن بكرا رح دور ع بيت واستأجرو
وعنجد انا سدئتك وقت قلتي انو بعد الزواج رح سامحك
وانو كل شي عملتيه لمصلحتي
ام اياد. مرتك والله مو منيحة طلقها لك بنت خالك بتسواها معقول نسيتها
طيب اذا نسيتها بس تشوفها بترجع تتذكر كل شي
كان بينكم
ضياء. لا لا خلص انسي رهف اصلا هي بتكون زعلانة منك ومعاد تقبل فيني
وهلأ بدي روح مشوار .. سلام
طلع ضياء من البيت ليحكي مع رهف
ضياء. هه شايفة يا امي انو خيارك غلط وانك رجعتي تترجيني لأتزوج رهف وانا رح اتزوجها عن قريب كتير بس لجهز بيتي لجديد مابدي سكنها معك لانو رح تعملي فيها متل ماعم تعملي بيسرى
وغير هيك رهف بتستاهل انها تسكن لحالها مو متل هي الشيطانة
ام اياد عم تبكي والندم عم ياكلها
اتصل ضياء برهف
قلهن ... فوتتا امي حممتا و بدلتلها تيابها و طعمتا شوربه ... كانت بالتخت والكل حواليها ... الكل كان ناطرها تحكي .... مفكرينها لسه تعبانه و كل شوي ينطروها تحكي .. وابراهيم ما عم يبعد عنها وعيونو معلقه فيها ... و هي كانت خايفه منو !! بعد صبر طويل الكل اتطلع فيني وقلي من وين جبتيها ؟؟؟ اتطلعت فيني سمر تطليعه ما عرفت معناها ابدا ...قلتلهن انها كانت بالبيت المسكون وما بعرف شو اخدها لهنيك و هي انصدمت من اجابتي ... نزلت دمعتا .. و لفت وشها ع الحيط و نامت ...
#ياسمينة_أم_ليمونة
#الجزء_السادس
انا ماني سيئة .. ماني شريرة انا عانيت كتير ... دايما كنت عايشه بخوف وبتوتر وما كان في حدا جنبي تحملت كل الوجع لحالي ... انا كنت بحاجة حدا جنبي ... و الي كنت اتخبى بحضنو من كل الخوف تركني بعز حاجتي ... ما كانبدي أزيها ابدا كنت بس بدي ياها تروح من هون كنت بدي خوفها ... كانت بتزعل ... جابولها الدكتور و قلهن انو معها صدمه عصبيه و لازمها راحة و عنايه و ممكن يرجعلها النطق .. هالخبريه فرحتهن و خوفتني ... بس تحكي و تقلهن انو انا السبب شو رح اعمل ؟ رح يكرهني ابراهيم اكتر !! خللللللللللص خلص حاج فكر بابراهيم اصلا هو ما بستاهل واحد اناني ... انا لازم صلح الي عملتو عم اتحول لوحدة مجنونة... بلا رحمة، لازم اصحى ...
جهزتلها شوربة دجاج حاولت طعميها ما تقبلت مني ابدا .. كانت خايفه مني ... كان حقها تكرهني ... حقها تفكرني ما عندي مشاعر بس هي ما بتعرف شو الي عشتو و شو الي مريت فيه ... و ما بقدر هلا احكيلها لان هي اصلا خايفه وتعبانه لازم بس حاول اتقرب منها واهتم فيها لترجع لعافيتها وبعد هيك ما بهمني شو رح تحكيلهن .. وما بهمني ازا رح يتجوزها ابراهيم وما بهمني اي شي .. ما بهمني ابدا .... ضليت لاسبوعين حاول اتقرب منها ... كانت تحب الشعر كتير صرت اقرأ الها كتب شعر و قصائد .. عملتلها مرجوحه متل التخت برا و صرت طلعها المسويات و طعميا بايدي و اقرأ الها قصص و هي تضحك و تتسلى و كنت ضل حاول علمها ع الخياطه لان كانت كتيرر تحب الخياطه و اعمللها كل الاكل الي بتحبو ... قربنا كتيررررررررررررررررررر من بعض صرنا متل الاخوات بالزبط حبيتها كتير كتير بصعوبة تقبلتني بس انا تعبت كتير لالمس قلبها و خليها تغفرلي
كنت خاف عليها وما خليها تنام لحالها ضل جنبها لاتاكد انها نامت وما طفي الضو كرمالها ... ما بعرف شو الي مرقت فيه بسببي ... وما بعرف كيف كنت عم فكر لما عملت فيها هيك ... ابراهيم كان يزورها كل فتره و فتره اول شي كانت تخاف منو بعدين قلتلها انو الي حكيتلها ياه كزب و شرحتلها انو انا كنت حبو و انا صغيره وحلفتلها اني من كل البي انو هلا مبسوطتلن و بس بدي ياها تقوم وتتعافى بدي ارجع اسمع صوتها وانا رح زفها الو بايدي ... بس بدي اسمع صوتها ... بالبدايه كان مجرد تأنيب ضمير بالنهايه صار محبه و مشاعر سادئه من كل البي .. مره عملتلها عقد ياسمين ... زينت فيه شعرها وعملتلها اسوارة كمان ... كنت افهم عليها بالاشارة لان تعودنا بعض كنت افهم اغلب حكيها ... لبستها ياهن ... صارت تأشرلي ... فهمت انو بدها ليمون رحت جبتلها ليمونه وقسمتلها هي ... اخدت الليمون ... مسكتها بايد و مسكت طوق الياسمين بايد و اشرتلي بمعنى انو اختاري شي منهن ... بدون ما حس كنت بدي اخد الليمونه ... بس في شي وقفني ... يمكن زكريات مره صارت تخوفني من الليمون .. حسيت بحموضتو بتمي .. صفنت و فكرت ... ليش ؟؟ ليش بهداك البيت كان في ليمونه بالقسم الخلفي ... و ياسمينه بالقسم الامامي ... ليش ما كنت روح اسرق ياسمين ؟؟؟؟ كنت ما رح شوف شي ولا رح اكتشف شي ... ليش ما كان يشدني بياض الياسمين الصافي و ريحتوو ... شو السررر ... شدتني سمر من كتفي و رجعت تأشرلي لاختار ... ابتسمت .. و اخدت طوق الياسمين ... ضحكت ... و ضمتني ... حسيت بنور عم يملا قلبي ... حسيت ملامح الاطفال الحزينه صارت تضحك ... صرت شوف ملامحهن بالسما الصافيه مبتسمين ... كانت اكتر فترة مريحه بالنسبه الي من 5 سنين !! خمس سنين ما شفت فيهن الراحه ولا حسيت فيهن بالامان ... هلا حاسه اني احسن بكتير ... ابراهيم كان يقعد معنا ... يضحك معنا ... و يجبلي انا وياها ورد و فواكه ... حسيت بشي غريب ... حسيتو عم يهتم فيني متل اول !! متل ايام زمان ...كنا قاعدين و عم اقرأ لسمر قصه و فتت عالمطبخ اعمل شاي وتركت ابراهيم عندا ... لحقني عالمطبخ ... - ابراهيم : اشتئتلك ... ما سدئت انو سمعت صوتو ... فكرت عم اتوهم التفتت عليه ... قلتلو ما سمعت ؟؟
قرب وقلي: ما عم سدئ انك رجعتي ... والله اشتئتلك .. ضحكتك البريئة .... لمعة عيونك ... كل شي فيكي رجع فجأة ح
نيتك جنانك
#مال_الشام
#انت_عمري
@rwayate
-4-
فتت ع المطعم… كنت كتير خايفه بس البي عم يدئ
اد ما كنت خايفه اد ما كنت مبسوطة
هي مرتو… من ريحتو ههههه
كانت مخبرتني شو رح تلبس… تيور رمادي…
شفتا كانت ع الطاولة الي جنب الشباك….
كانت هاديه ومو مبين عليها العصبيه…
كنت بدي ارجع ع البيت… رجلي ما حملوني..
بس هي رفعت عيونا و عرفتني.. و اشرتلي بايدها…
ابتسمت… و قربت من طاولتها… ما كنت قادرة احكيلها كيفك.. و لا مرحبا
سحبت الكرسي بهدوء… و قعدت.. مجرد ما قعدت سمعت شي خربطلي كل كياني
كانت هي
اي اي هيييي هييي
ام كلثوم… ام كلثوم كانت هي عم تغني
رجعوني عنيك لأيامي اللي راحوا
علموني أندم على الماضي وجراحه
اللي شفته قبل ما تشوفك عنيه
عمر ضايع يحسبوه إزاي عليّ
أنت عمري اللي ابتدي بنورك صباحه
قد ايه من عمري قبلك راح وعدّى
يا حبيبي قد ايه من عمري راح
ولا شاف القلب قبلك فرحة واحدة
تجمدت و زادت نبضات قلبي…
صرت خبي عيوني
العب باصابعي
رفعت ايدي و ندهت للجرسون
لو سمحت ممكن تغير الاغنية؟
هو: عفوا بس المدام هي الي طلبتها… و اسرلي ع مرت زياد
تلبكت كتير… و قلتلو طيب اوك… شكراً الك..
و هون بلشت هي بالحكي… كان اسمها ميساء…
ميساء: زياد قلي… انو هي اغنيتكن… كان كتير يحبا
حكيها صدمني!! ما عرفت رد
ميساء: هههه ليش مستغربة… انا بعرف كل شي بس في شغلات انتي ما بتعرفيا و انا حبيت شوفك لقلك ياها
قولي… بدي اسمع كل حرف
ميساء…: ممممم من وين بلش؟
انا تجوزت زياد و انا على علم بعلاقتكن… و على اتفاق انو زواجنا ما رح يتتوج بالحب المتبادل ابدا
مع اني كنت اعشقو
ازا ما بحبك ليش تجوزك؟
ميساء: لنفس السبب الي تركتيه كرمالو… انتي تركتيه كرمال امك و هو تجوزني كرمال امو
طيب؟
ميساء: بعد 5 شهور فاجئني انو بدو يطلق!! … بس انا كنت حامل… اتفقنا انو نضل سوا لخلف و بعدا مننفصل..
ليش بدو يطلق!!
ميساء: ههههه ليرجع لعندك.. بس انا كنت تعلقت فيه كتير و قربت ولادتي.. و صار لازم لاقي حل مشان ما يطلقني
شو كان الحل؟
ميساء: الحل كان انو احكي مع مرام… بتعرفيا لمرام مو هيك؟
رفيقتنا من ايام الجامعة؟ طبعا بعرفا كانت دايما ع تواصل معي بس شو دخلها؟
ميساء: و هي كانت ع تواصل دايم مع زياد كمان كان يحكي معا قدامي و يسال عن كل تفاصيلك و ما يراعي مشاعري ابدا بس كنت اتحمل كانت تجبلو اخبارك … و وقت قربت ولادتي خفت كتير و حكيت معا… طلبت منا تخبر زياد انك تجوزتي و تعبت لاقنعتها و قلتلها انو زياد حياتو موقفه و رح تجيه بنت و بدو يطلقني… لوقت ما اقتنعت
حسيت الدنيا فتلت فيني!!! عيوني جمدو و الدم غلي بعروقي… و هي سكتت…
كنت عم اتطلع فيها و محتقرتها كتير… هي تكركبت… مسكت كاسة المي و شربت منها… و كملت حكي
ميساء: مرت سنه و انا خلفت و زياد ما شاف بنتو كان بحالة غريبه بس انا كنت كتير مرتاحه لان بطل يحكيلي شي عنك و ما عاد جبلي سيرة الطلاق ابدا
كيف طلع من قلبك تعملي هيك؟
ميساء: بس انا بدي صلح غلطي!
كيف؟ بدك ترجعيلي عمري؟
بدك ترجعيلي دموعي؟
ميساء: لا بدي رجعلك زياد..
ما فهمت
ميساء: ليكي انتي بتلفون واحد ممكن تتصلي فيه و تقليلو انو انتي ما تجوزتي و رح يزتني بالشارع و يتجوزك…. بس انا عندي بنتين و هلا حامل، … بدي منك سنه
سنه لخلف عند جوزي و بعدا انا رح ارجع لعند اهلي… و بجي باخدك لعندو بايدي
شو عم تخبصي!!
طلعت من شنتتها صور ولادها و صورة الايكو للبيبي الي ببطنها… حطتلي ياهن ع الطاولة…
ميساء: تحملتو سبع سنين… بدي بس سنه
ليكي بنتي الكبيرة اسمها ديما. كرمالها اتركيني عندو بس لجيب ابني
و بس يصير موعد ولادتك رح تلاقي لعبة جديدة؟
ميساء: وحيات ولادي بعد سنه من هلا رح اجي و اخدك لعند زياد بايدي… والله والله والله
سنه!!!
ميساء: بترجاكي…
سكتت و ما كنت فهمانه شي
ميساء: شو قلتي؟
#شمسك_ما_بتغيب
@rwayate
-1-
انا كانت حياتي كتير طبيعيه، روتينيه… و تقليديه
صبيه بال 24 خلصت دراستها و قعدت بالبيت
حبت ابن جيرانها و عاشو كم يوم مراهقة و تجوزو عادي جدا ما كان في اي شي بختلف عن بقية هالعالم…
جوزي مهندس و وضعنا كان مرتاح… و اجا هداك اليوم
و عرفت اني رح صير ام، كان عيد
لهلا بتزكر احساسي.. فرحتي
دموعي
كتير غريب هاد الاحساس
و فرحة جوزي كان متل الطفل الصغير و قال قومي بسرعه نجيب قرفه و جوز ههههه
طلع معي صبي و نوينا نسميه كرم و مرت احلى ايام عمري يمكن اي ام بهيك مرحله بتخاف ع طفلها بس انا كنت بالغ بخوفي كتيرررر عطول كنت موسوسه و كل يوم نط لعند الدكتورة بدون مبالغ… جوزي كان يفوت من الشغل يلاقيني جاهزة و لابسه و ياخدني لعندا
مره اجا لقاني نايمه و ارتعب يا حرام صار يصحيني و يقلي تعبانه؟ بسرعه البسي يلا بدنا نروح
قلتلو لا اليوم اخي رحت الصبح بكير مع امي ☺️
وهيك مضيتها دلال و توتر… عشقت جوزي كتير بهديك الفترة
حسيت انو حبيتو اكتر و و قربنا لبعض اكتر.. و قرب يشرف كرم بيك
عملنالو غرفه كتير حلوه. لونا ازرق فاتح و جهزنا تيابو و زيننا البيت و جهزت ضيافتو…
كنت كأني اميرة لما رجعت ع البيت و ابني على ايدي.. كان متل الملاك صغير كتيرررر و هادي… كان ماسك باصابيعي.. فتت ع البيت و حاسه حالي انسانه جديده… مخلوقه جديده
رهف اليوم كتيررررر مختلفه عن رهف ايام زمان..
بلشت المباركات و هالعالم ما كانو يخلصو و انا مو مسدئة ضل انا و ابنا و جوزي.. بعد اسبوع خلصو العالم و ضلو الاهل و حسسناهن انو بدنا نضل لحالنا حتى امي طلبت منا تروح ع البيت لان جوزي بساعدني بشو مابدي
و هيك قعدنا انا و حسام و ابنا الحلو
و صرنا نتخانئ بيشبه مين اكتر؟
عيونو متل عيوني
انفو و شعراتو متل جوزي
و بس يضحك يطير عقلنا… للحظة حسيتو رح ينطق و يقلنا لك مو كنت اعقلو قبل ما تجيبو ولد 😂 😂
ما كنت خليه يبعد عني ابداااا ما كنت اشبع من ريحتو..
هديك الليله كان كتير يبكي و ضليت انا و حسام نتمشى فيه و نلاعبو ليسكت… عزبنا كتير بعدين حسام نام من التعب
ضلست عم لاعبووو لتعبت
قلت خليني طعميه يمكن جوعان الولد..
اخر شي بتزكرو اني كنت عم العب بشعراتو و شايفتو هدي و عم يغفو عيونو و كان عم يرضع… و من التعب
نمت… و ما حسيت…
-2-
رهف
رهفففف رهف قومي… رهف الولد
لك رهف
--- لك شبك يا الله اتركني نايمه
لك الولد راااااااح الولد راااااااح يا يابي قوووم حبيبي كرم قوم
ابني
رد ع ابوك
قوم ابكي… قوم حبيبي
لك يا بابا قومي يا عمري انت..
اخد معي وقت لاستوعبت شو الي صار…
بس اخد معي وقت اكتر لسه لاتقبل الي صار…
محدا لامني او عاتبني على الي صار بس انا النار كانت عم تاةلني و فتت بحاله عصبيه
يمكن طبيعي هيك
بس مو طبيعي ضل 4 شهور هيك..
ما كنت طيق حدا ابدا… صرت عصبيه و عدوانيه و الكل حاول يساعدني بس انا ما كنت رضيانه ساعد حالي…
لحد ما الكل يئس مني… و بطل حدا يزورني
حسام بعد شهر تحسن و قوى حالو و كمان ضل جنبي.. تحمل مني شي مافي مخلوق بتحملو
كان يعمل الاكل و يجيبو لعندي ع التخت و يضل يقنعني لاكول
ينظف و يغسل و يكوي و يمزح معي و يحاول يلعب معي و يفتح احاديث… بس انا كنت متل الحيط
بالعكس كنت انزعج منو و ضل قلو بس اتركني بحالي..
اجا يوم من الايام و قلي..
حسام: ليكي يا بنت الحلال لهون و بكفي الله اعطى و الله اخد مين انتي لتعترضي ع حكم ربك، بكفي والله مليت مليت من دموعك و عصبيتك… لك اتطلعي بحالك صايره متل الاموات
بالعاده بضل ساكته و ما برد بس هالمره رديت..
رهف: هه… و لا كأنو ابنك الي مات مو هيك؟
حسام: نعممممم!!!!! هلا هاد الي طلع معكككك؟!!!
هيك بتقليلي؟؟؟ هي جزاتي يارهف
العمى بئلبك شو بدك انتي شو بدك
رهف: بدي؟ … بدي تحلو عني و تتركوني بحالي
حسام: لك انا جوزك…. انا جوزك
تحملت كل شي و طولت بالي بس و بعدين؟ ع شو ناويه فهميني والله قرفت هالحياه
رهف: ازا مو عاجبك محدا جابرك تتحمل
حسام: كمااااان؟؟ … سكت حسام و حكى كلمه يمكن كان قصدو فيها يصحيني ع حالي… بس اعطت معي نتيجه غلج،، قلي ليكي اةا بدك تضلك هي انا بدي طلق..
لفيت وشي عالحيط و حطيت راسي لنام و قلتلو ايه طلق شو يعني
ما عادت فارقه..
مابعرف كيف طلع من تمي هيك حكي و كيف كنت اتصرف… بس ما حكيت كلمتي الا و فتح باب الغرفخ و فكرتو رايح…
وقف و قلي انتي طالق…. وطلع و سكر الباب و انا ما سدئت حالي شو سمعت.. اتطلعت وراي و ضليت اتطلع ع الباب بدون و لا كلمه…
#مال_الشام
#قصة_واقعية
@rwayate
-5-
هي الحادثة محت اي احساس فيني… محت تفكيري
… صرت مجردة من اي شعور او اي ردة فعل
كنت اكرهو بطريقه فظيعه
احلى احلامي كانت وقت احلم انو مات..
بس لو مات… رح عيش انا؟
لا
حتى موتو ما رح يردلي روحي…
هو كان يتصرف عادي كأن مافي شي صار
كان بس كل الوقت بيشرب… همو النسوان و المصاري…
هيك لوقت ما تغير شي بحياتي
يمكن بشي ليلة الله سمع صوتي و انا عم ابكي..
يمكن دمعة كنان
يمكن جرح سامر
او ضعف عماد…
كان في سبب قوي حتى الله يوهبنا هالامل…
دق الباب… فتح سامر…
كانت ست لابسة مانطو سكري و منديل ابيض..
صارت تبكي و ما فهمنا شي…
بس فهمنا وقت قام ابي وصار يصرخ و يعيط متل المجنون و يقلها انقلعي من هون… شو رجعك يا وسخه
شو جابك لهون شو بدك
انا مو قلعتك ليش رجعتي
فهمنا انو هي الي واقفه قدامنا
بلبسها البسيط
ملامحها الدافيه
بدموعها..
هي امنا!!
طيب ليش قالولنا انها ميته!
كيف الميت بيرجع بيعيش!
يعني شو الي عم يصير…
عماد و سامر فرحو كتير
بس انا و كنان ما كنا حاسين بشي… مو مسدئين شي
مو عارفين شو الحقيقة…
الي فهمتو انو اتهمها بشرفها و قلعها و طلقها… رجعت على اهلها و كانت من محافظة تانيه و اهلها ما خلوها ترجع بنوب..
تجوزت رجال عمرو 54 سنه… ئ ما جابت منو اولاد…
فاتت غصب عن ابي و صارت تشمنا و تبوسنا
و تضرب ع وشها و ع رجليها…
ما بعرف بس كنت كتير محتاجه هاد الحضن…
من مين ما كان
ما بهمني… بس كنت محتاجتو..
بالاخير قالتلنا انها بدها تروح بس وعد رح ترجع… بطل عندنا ثقة بحدا
ما نطرناها ترجع…
ما كان عندنا اي امل انها ترجع
مين المجنون الي بيرجع ع هالمقبرة هي.. مين!
#حب_مدفون
#الجزء_الرابع
وصل مروان ونزل من السيارة وقفت وجهزت حالي لاطلع معو
محمد:مافي تروحي
مروان:شو الي صار
محمد:هي مرتي وانا بدي اياها
رهف:ماني كندرة عندك ايمتى ما اعتزتني بتلبسني وايمتى ما بدك بتشلحني
مروان:شو القصه
محمد:اتركنا وروح انا بتفاهم معها
رهف:لا مروان لا تروح
مروان:شو جنيتو انتو لتنين
محمد:اسمعني منيح خليها بس اليوم لا ترد عليها لمرة وحدة هي معصبه مو اكتر
مروان:شو رهف
محمد:هي ما بتنسأل
مروان:ليكي رهف الشغل لفوق راسي يا اما اطلعي ما اما روحي مع جوزك
قررت اطلع معو بس ما تركني اجى لعندي ومسكني وشد على ايدي
محمد:والله ليتصلح كل شي
رهف:كزاب
محمد:انا عند وعدي
رهف:مالي اي رغبه فيك والله
محمد:بتحملك
مروان:وبعدين معك انت وياها
محمد:خلص اخر قرار روح انت ورهف معي
مروان:روح
رهف:.....
محمد:خلص روح على مسؤوليتي
مشاني معو على سيارتو فتحلي الباب وقعدت انطر الجواهر الي راح يحكيها
رهف:شو بدك مني
محمد:هلا بدي تروقي تهدي وبس لا تفكري لا بالماضي ولا بالمستقبل بس بهي اللحظه فكري
رهف:بحاول
محمد:ماشي حاولي معك معك خطوة بخطوة لحتى انصلح كل شي
رهف:معقول انت محمد
محمد:اي انا شو بدو يصير عليي
رهف:يمكن ...بس ازا بدك تصالحني خوف من اهلك ما بدي
محمد:شو دخل اهلي بتفكريني بخاف من حدا لسى ما عرفتيني
رهف:اي انت كتير غريب شفت منك العجايب بهي السنه وما عدا سنه الخطبه
محمد:بس تروقي راح وضحلك كل شي
رهف:......
ضليت ساكته طول الطريق لوصلنا ع البيت دخلنا سوى وانا بدلت تيابي اخدت قسط راحه استجمعت كل قواي وهالمرة ولا يمكن سدء اي تبرير ولاخر نفس ما راح اعطيه فرصه للتصالح واحد عم يجيب عشيقتو على بيتي بغيابي شو اتوقع منو كمان اتصل فيني مروان وانا دغري رديت عليه
مروان:رهف انا ما فهمت شي من شي بس اعطيتو فرصه اليوم مو اكتر وازا ما توفقتو خلص ارجعي لعنا معززة مكرمة
رهف:خلص ماشي وانا هيك مقررة من اول بس حابة اسمع اخر المستجدات
مروان:ماشي وخبريني شو بيصير معك
رهف:ماشي
سكرت تلفوني البست بيجامه سودة شتوية حاسة بالبرد حاطه الشر بين عيوني ولونن محمر من البكي وفيهن حزن كل ايتام العالم وظلم البشرية قعدت انطرو تربعت ع الكناية وحطيت ايديي بجياب الجاكيت وراقبتو بعيوني الدبلانين لوصل لعندي وقعد حدي
رهف:خير شو بدك تحكي
محمد:بدك توعديني بلاول
رهف:بشو
محمد:تسدءيني
رهف:حسب والله
محمد:اساليني وانا بجاوبك
رهف:لا انت الف على كيفك
محمد:متل ما بدك ..........يمكن ما تسدءي اني بحبك بس هاد واقع عم اتعايش معو كل يوم انا بحبك بدون ما احلفلك عايش على امل انو نفرح ببعض انا هيك طبعي متهور تصرفاتي انا ما برضى عنها انتي قلبك طيب متل لولاد لصغار وانا بعرف انو ورا هالبرود القوى والرد القاسي انسان مهزوم ضعيف وبخاف من كل شي الماضي المستقبل وكلامك بينزل عليي متل العسل لو بعمل حالي معصب وياما بستفزك بس لاتامل جمال هالعصبيه الممزوجة بالحنيه يعني وحدة متلك بتبكي على ولد جريج او ام ابنها مات او وحدة حبيبها تركها او مات بالمسلسل شو بدو بكون قلبها اكيد قلب ولد صغير بلاحظ عليكي شغلات كتيرة خلتني مع الزمن اتعلق فيكي............سكت وشغل سيكارة
رهف:كيف عرفت انو محمود خبص معي
محمد:كتير كان يحكيلي عنك عن حبو الك وشوقو لكبير الك كنت بيت اسرارو ولسى كلشي كان يحكيلي اياه بس بيني وبينو يمكن هو ندم وحس بغلطو اجى لعندي ع الغرفه وضل ساعه يمهدلي لحتى خبرني وانا ما حملتو هم بالعكس حكيتلو من شو خايف الاسبوع الجاي انشالله بتكون متزوجين ما صار شي حكالي رهف ما كان بدا وترجتني بس انا تيست وبصدها الي خلت رغبتي تزيد فيها وبالفعل امور العرس كانت ماشيه متل ما خطط ولاخر لحظه يحكيلي الله يكملها معي انا وصلتو ع الحلاق واتصلت فيني امي لتخبرني انو عمتي بالمطار وناطريتني قبل اوصل ع الصاله اتصلت فيه وما رد اجاني اتصال من امجد وعلى قد مو متلبك كان عرفت انو الي صاير مصيبه وخبرني انو محمود عمل حادث بطريق الرجعه ع الصاله عند الدوار طلعت بوشو شاحنه وما قدر يتحكم بالسيارة بعد ساعه الكل كان موجود بالمشفى وانتي كنتي بفستان عرسك دموعك ترجمولي كل معاني الاسى الصدمه كانت اكبر شي منك كنت متمني معجزة تعطيه عمر ل محمود ليفرح فيكي وبعدها كنت مقرر اخطبك بشكل رسمي بس لتروح موجة الحزن بس اهلك سبقوني واهلي من حبن ب محمود ما رفضو بالعكس ماما فرحت من قلبا وبابا كمان بايام الخطبه انا ما قدرت افرح او انبسط فيكي ظروف صعبه عن تمري فيها انتي وانا كان لسى ظهري مكسور جديد """اتزكرت محمود كيف كان بأحلى طلة كأنو عريس لا لا عنجد كان عريس وقت سمحولي شوفو قبل يكفنوه بكيت
_وحظنتو بكل قوتي"كنت عم احكي معو "ليش محمود ليش ....تركتني اليوم وانا بدي اياك ليش عملت هيك فيني كسرت جناحاتي "كان اشبه بالملائكه ودعتو وانا عم بوس فيه بايديه المجروحين بجمالو بلونو المخطوف حتى الدفن حضرتو وكرامة الو عملت عدة اربع شهور وعشر ايام وبوقتها لبسوني خاتم خط
كانت حلوه كتير وبلشت حياتنا معها كان طاير عقلو رهف مووهيك بتشيلها حرا م.شادي لازم تتعلم تكون قويه مو متل امها من هلق رح علمها تكون متلي.رهف ههههه ستني شوي عليها عم تحكي معها وكأنها بتفهم عليك شادي واخيرا خلص الحمل والتعصيب ومزاج الحمل مو ياحلوه رهف اخ ماعد بدي ولاد خلص التوبه وبلشت حياتنا تتحسن رهف شبك فرحان كتيىر شادي اي كتير لان اهلي جاين زياره رهف عنجد شادي شبك مافرحتي رهف لا بلعكس بس تفاجئت. شادي امممم بعد كم يوم وصلو رجلي ماحملوني من خوف وكأني حاسه رح يصير شي سلمو علينا وقعدنا وهو كان فرحان كتير رهف حبيبي مارح تنام. شادي لا رح نام مع اهلي لان مشاقلهم كتير. رهف طيب ع راحتك وتاني يوم راح ع شغلو قعدت مع حماتي كانت ست مسكينه مو طالع بايدها شي صارت تحكيلي ع حياتهم صار وقت الغدا انا لازم قوم حماتي بس يابتني بنتك عم تبكي هاتي احملها ماكانت تسكت معها حماتي يارهف تعالي حرام الصغيره فرط قلبها انا بكمل عنك رهف ماشي مرت عمو كملت هي عني فات شادي ولي انا جوعان كتير وريحه طيبه كيفك امي حماتي اهلين ابني شادي ليش انتي عم تطبخي وين رهف حماتي الصغيره عم تعذبها من تعبي نمت جبنها بدون ماحس غير ع صوتو عم يصرخ شادي ليش نايمه وامي عم تشتغل هدا اخر الدلال هيك بتكرمي ضيفوفي وبلش ضرب اجت حماتي وعمي وهدوه وانا قمت حطيت غدا وكملت شغل وانا عببكي ع السكت وهون بلش يحكي لابوه ويشكي .شادي رهف اهلي لازم تخدميهن بعيونك رهف انو مو مقصره بس بنتي يادوب عمرها تلت شهور وعطول بتبكي حسي فيني شادي انا مادخلني ابي مو عاجبو وضعنا رهف طيب حاضر وهيك كل يوم مشكله كان لازم يفرجي اهلو انو هو فارض شخصيتو وانو هو متحكم بكلشي لحتي انا طيقيت رهف ليك شادي انا مابقا اتحمل رح زور اهلي اشتقت الهم كتير طيب رح اخدك. بس ستني شوي لما طلعت كان عمي ع الباب سالو لوين رايحين قلو قلي عمي لاتروحي شايف زيارتك لاهلك كتيره نحنا ماعنا هالعادات بس انا اصريت روح بس غير جو. رحت عاساس زياره اجا المسا ومارجع ياخدني.ماما شو رهف مارح تروحي اذا بدك بخلي اخوكي عمر ياخدك رهف لا ماما هلق بيجي اكيد مارح يتأخر انا ماجبت معي تياب لندى اتصلت فيه ماجاوب نمت عند اهلي ومارجع ماما اكيد لسا مشتاق لاهلو بس كم يوم وبياخدك. رهف بس ياما ما ما عم يرد ولاحاكاني شو قصتو. ماما طولي بالك رح خلي ابوكي يحكي معو رهف لا ماما خلص خليه ع راحتو مر شهر ع حالي هاد وانا مو عرفانه سبب غيابو حتي انو ترك البيت وانا ع نار عم استنا بعد شهرين اجا وطلب يشوف البابا قعدو لحالهم شادي عمي انا بدي طلق انا مو مرتاح بحياتي ابي بس شو السبب هيك هدا موسبب شادي انا مصمم بس بدي شوف رهف واحلف عليها كنت ورا الباب تبدلت ضحكتي لجمود طلع طلع علي حكا انتي طالق وطلع بدون اي شي تاني ماسأل ع بنتو ابدا راح وانا وقعدت بلارضي بكيت بدل دموع دم مصدومه هيك فور ا عند اول محك تركني طيب ليش. وبلشت الايام تمر ببطئ وانا ماعندي هم الا اعرف ليش هيك عمل حتي عرفت من اصدقاءو انو هي رغبت ابوه بعد كم شهر سمعت انو رجع سافر معهم وبلشت عاني اكتر وبنتي عم تكبر وتحرق قلبي كنت ضعيفه كتير وعطول عم ابكي ع حالي. ماما رهف مر شهور ع طلاقك وانتي ع نفس الحاله اليوم جارتنا جابتك عريس شو رأيك. رهف مابدي. اتجوز انا بحب جوزي مارح انساه مابدي غيرو ماما اسمو طليقك هو راح وعايش حياتو وانتي هون عم تستني وهم اصحي بقا رهف شو ماحكيتي مارح غير كلامي مابدي خلص كرهت شي اسمو رجاااال تركوني بحالي وبعد سنه وانا عنفس الحال ماتغير شي عطول عم راقبو ع الفيس شو تغير ليوم كنت عامله حساب بعتلو طلب صداقه حكا معي فورا. رهف ليش عم تحكي معي شادي لان مانسيتك انا ظلمتك. وماقدرت انساكي رهف بعد شو بعد مانحرق قلبي انا مارح سامحك سكرت وحظرتو
- فتون : كذاااب انا وياه مستحيل نتفق ع شي كييف بدي حبو
- يمان : كمليه كمليه لا تنكري من البداية
- زياد: حتى انو هي من فترة منيحة انتقلت لتعيش عندي بسبب ظلم ابوها وانا كنت شب وحداني ويوم بعد يوم صار في علاقة بيني وبينها
#وقفت الفيديو ورمت الجوال ع التخت
- فتون : لك هاد عم يكذب ويألف حكي من عندوووووو ما صار اي شي من يلي حكااه
- يمان : لسه لسه التسلاية لقدام كملي
- فتون : ما بدي
- يمان : رح تكمليه
- فتون : بس..
#عطاها الجوال مرة تانية
- زياد : وبعدين فتون لزمها مصاري لان ابوها كان بيصرف كل راتبها تقريبا ع المشروب والقمار ورهن البيت لحتى يلعب فيه قمار وكانت فتون رح تنرمى بالشارع بوقتها اجت .. اجت وعرضت علي ..
- كمل ليش سكتت
- زياد : صراحة بخجل قولها بس عرضت علي انو تنام مع رفقاتي مقابل مبلغ وتقدر تجمع المبلغ يلي هي محتاجتو وبوقتا قالت انو ما ضل عندا شي تخسرو
#رمت فتون الجوال ع المراية وانكسرت
- فتون : كذاااب لعماا شو ندل واطييي حقيررر
- يمان : طلع عندك وجهين
- فتون : انت مصدق هاد الحكي يلي قالو ؟ من كل عقلك بتصدق واحد مجنون متل هاااد
- يمان : مجنون قلتيلي
- فتون : لك روح اسأل كل يلي بالمشفى بيعرفو انو انا بكره زياد وانو دائما بحاول يعمليي مشاكل
- يمان : ما بدي روح اسأل حدا .. اثبتيلي انتي
- فتون : كيف
#بلش يمشي خطوة خطوة تجاها ويفك زرار قميصو بهدوء
- فتون : ش.. شو عم تعمل
- يمان : مو بدك تأثبتيليي
- فتون : فشرت اثبتلك بالطريقة الوسخة
- يمان : حاج تمثلي
- فتون : ما عم مثل مااا عم مثل
#انفجرت فتون بالبكي
- فتون : مزبوط بابا كان بيسكر وبيلعب قمار وحتى هو رهن بيتنا ولكن مو هاد البيت رهن بيتنا القديم وصفينا بالشارع وانا اشتريت هاد البيت من شغلي وتعبييي انااا لك انا مو بس كنت دكتورة كنت ادرس كتير طلاب لحتى جمع مصارييي بس زياد هو يلي كاااان دائما واقف بطريقي والسبب انو كان هو اشطر حدا بالمشفى بس لما اجيت انا صرت انا الدكتورة المعروفة بالمشفى واكتر من عملية عملتا خلت المشفى ينشهر اسمو وبلشت اترقى ع هاد الاساس وهو كان مقهور من هاد الشي ودائما يحاول انو يفشلني وبكتيرررر اوقات يتدخل بمرضااي مشان يتعبههن ويقول اني فاشلة وبعدينن .. بعدين هو يلي اجى وقلي انو غلط بحقي كتير وما كان لازم يعمل هيك واعترفلي انو بحبني بس انا يلي ما قبلت لان بعرفو وسخ وبعرف انو عندو علاقات كتيرة وحتى مع دكاترة كتير بالمشفى وهلأ جاي يحكييي هيككك وانت بتصدقو فورااا ..
#كانت قاعدة بالارض وعم تبكي وتحكي وتشهق .. مسكها من ايدها ورفعها وضمها
- يمان : تمام اهدي
- فتون : بعد هيك لا تقرب مني
#بلشت تدفشو وتبعد عنو
- يمان : لا تكبري القصة
- فتون : ما كبرهاا؟؟ لك لككك قلي انت هلأ بشو فرقت عن زياد ؟
- يمان : فتووون
- فتون : شو فتوننن بكل مرة بدك تهرب وتسكر ع الموضوععع
- يمان : ما عم اهرب وزياد انا رح حاسبو ع كذبو هاد
- فتون : لا انا بدي روح ع المشفى وهلأ واذا ما رح تاخدني رح روح احكي ليوسف كل شي وخليه هو ياخدني
- يمان : فتون قلتلك انا رح حاسبو خلص انهي القصة
- فتون : تمام بس لازم اني احكي معو وبهدلو غير هيك ما رح اتزوجك وبقول لا قدام الكل
- يمان : مشان اقتل ابوكي
- فتون : قتلووو وبقتل حالي بعدوو ما عاد فارقة معي عم تفهممم . هلأ بدي روح ع المشفى
- يمان : امنت بالله .. امشي
#راحت فتون مع يمان ع المشفى ووقف السيارة قدام المشفى
- فتون : انطرني هون انا بدي حكيه لحالي
- يمان : ماني ولد تضحكي ع عقلي
- فتون : بفتح مكالمة وبتسمع كل شي مو بدك اثبتلك انو هو كذاب !
- يمان : ماشي لنشوف اخرتها معك .. بس اوعك تحاولي تلعبي هيك او هيك
#نزلت فتون وضل يمان بالسيارة وعم يسمع كل شي من المكالمة .. وصلت لغرفة زياد اخدت نفس ودخلت
- زياد : فتون
- فتون : زياد لازم نهرب
- زياد : نهرب! وانا وانتيييي خير ان شاء لله
- فتون : موو انت قلت انو انا وانت منحب بعض وفي بينا علاقة وانا اكدت هالحكييي وقدرت اهرب منهن رح يقتلوني ويقتلوووك بسرعة
- زياد : شوووو .. لك انا كذاب مافي شي من يلي قلتو صح
- فتون : بعرف .. انت كذبت لانك بتحبني وبدك تنقذني
- زياد : انا حتى ما بحبكككك كذبت لاخربلك حيااتك .. سمعت انو رح يتزوجك ورحت ع الشركة لعندو وححكيتلو هيك ليقتلك واخلص منكككك
- فتون : بس انت قلتلي انك بتحبني شو نسيت
- زياد : لا ما نسيت كنت بدي استغلك وافضحك وتتقلعي من المشفى
- فتون : معقول ! انت !!
- زياد : اي اي عندي استعداد اعمل اي شي لارجع لمكانتي بهالمشفى
- فتون : مبروك لكننن رح ترجع لمكانتك لاني رح اهرب بس لقلك ما رح تنبسط كتير لان يمان رح يقتلككك عم تفهم رح يقطعك ويرميك للكلاب هاد ما عندو رحمة
الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com
All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com