📚قصص||روايات||منوعة📚

#لعبة_الحب_والإنتقام ( ج5)
----------
@rwayate
طبعاً هون كمان كان رفيق تيم من بعيد عم يصورن وأخد الصورة المطلوبة
وهيي صورة تيم عم يعطي الورد الأحمر لـ لونا
متل ما بعتو لياخد صور بالمطعم وهو ماسك ايدا وعم يلبسا الخاتم
وصورة وهيي عم تفتح الهدايا
وصورة وصورة ..
( طبعاً هدول هنن الصور اللي بعتلا ياهن ع الفيس وباعتلا : " هدول الصور اللي تصورناهن مبارح ياعمري .. عنجد كان يوم بيجنن " )
هي كانت خطة تيم ليوقع لونا
صار بايدو ممسك قوي عليها إنها عم تخون رفيقتا تالا
تيم بينادي لرفيقو ..
- تيم : شو حبيب مشي الحال ؟
رفيقو : إي طبعاً تفضل شوف
وراح رفيقو وتركن لحالن
- تيم ( بيورجي الصورة لـ لونا ) : شوفي ما أحلانا أنا وإنتي سوا وهالوردات
- لونا ( رمت الوردات بالأرض وهيي معصبة ) : تيم فهمني شو قصة هي الصور
- تيم : هدول الصور مفاجأة تالا اليوم
رح إهديا ياهن بعيد ميلادا
- لونا : لك شبك تيم اصحى ركز معي
إنت عم تمزح معي مو هيك ؟
- تيم : لا أبداً ما عم امزح
ما رح طول عليكي بالحديث مشان اتركلك مجال للمسا تفكري وتقرري كيف رح تكون الحفلة
- لونا : ما عم افهم عليك إنت شو بدك !!
- تيم : أنا مليت من تالا وللصراحة كنت من زمان بدي اتركا بس الشي اللي منعني اتركا هو انتي
كنت بدي طريقة لأوصللك وليكني وصلت
( هون لونا اصفر وشا وخافت كتير من تيم وما عاد طلع معا الحكي )
- تيم : لا تخافي طلبي منك مو صعب
كل اللي بدي ياه منك هو #قلبك
انصدمت لونا باللي عم تسمعو وفكرت حالا عم تحلم
- تيم : ليش متفاجأة كل هالقد مو إنتي كنتي متوقعة إني ما بحب تالا !
أنا من أول ما عرفتك وقبل ما أعرف رأيك فيني عجبتيني وحبيت اتقرب منك
ومن يوما وأنا فكر بالطريقة اللي احصل فيها ع قلبك وما كان قدامي إلا هالحل

#يُتبع ....#لعبة_الحب_والانتقام (6)
@rwayate
لونا: لك انت واحد ندل ووسخ
شو هاد الحكي اللي عم تحكيه !!
لك وتالا اللي بتعشقك وشايفة الدنيي بعيونك
كنت كل هالوقت عم تتسلى فيا يا حقير !!!
- تيم : تالا كانت بنت متلا متل كل هالبنات اللي عرفتن
ما كانت مميزة عنن بشي وكانت كتير غبية
وهيي اللي حبتني وتعلقت فيي بالأول مو أنا
- لونا : لك إنت شو عم تخبص !؟
هيي اليوم بتكون عم تحضر حالا ومبسوطة
إنت ما فيك ولا ذرة احساس إنت بلا قلب
- تيم : وشو ساوي إزا قلبي ما نبض إلا إلك
إنتي غير عن كل البنات اللي عرفتن وما عاد عبت عيني ولا بنت غيرك
- لونا : لك شو شايفني غبية هالقد لصدقك بعد كل اللي عرفتو هلأ !!
فعلاً إنك شخص مريض وبينشفق عليك
مفكر فيك تتسلى بكل البنات بهالبساطة !!
- تيم : أنا رح اعزرك هلأ واسمحلك تحكي شو ما بدك لإن بعرف الموقف مو سهل عليكي
وما رح اضغط عليكي رح اعطيكي كل وقتك لتتقبلي الفكرة
لونا : خراس يا حقير أنا هلأ رح افضح قصتك قدام تالا وخليا تعرفك ع حقيقتك
- تيم : بنصحك ما تتسرعي وتتفائلي كتير يا لونا
تالا بتحبني كتير ولما رح يوصلوا هالصور لإيدا لا تتوقعي منها إلا إنو تفضحك بين الكل ولا تستبعدي من جنانا تبعت الصور لأهلك
لهيك روقي واسمعي شو رح قلك ..

- تيم : أنا هلأ ما رح خبرا بشي وبوعدك الصور يبقوا معي وماحدا غيرك يشوفن
وبالنسبة لتالا أنا بعرف كيف إتركا بدون ما إجرحا
بس كل المطلوب منك تروحي وتفكري بالموضوع وتعطي فرصة لعلاقة بيناتنا
وبوعدك رح خليكي أسعد بنت بهالكون

أما إزا ما عملتي هالشي ف رح اترك تالا بطريقتي الخاصة
ورح تكون صورنا هيي المفاجأة اللي عم تستناها
والقرار عندك فكري من هون للمسا وقرري ..
#يُتبع ....

#أسير_أحلامي
#بقلم_أمل_الحياة
#الجزء_الثالث
سيلين بخوف : مين انتو .... وشو بدكم مني
مجهول : نحنا هون لنقضي عليكي ....
سيلين : شو عملتلكم انا ....
مجهول : مو شغلك .... وكمل كلامة بجدية : اهجموووو
سيلين : شو عم يصير شباب ... انا خايفة ....
وائل : سيلين انتي خليكي بعيدة مشان مايأذوكي ...
ونحنا رح نقاتلهم ... لانو باينتهم اعداءنا ...
سيلين : تمام انا رح اوقف بعيد ... بس انتبهو على حالكم شباب ....
ماجد وسياف ووائل : تمام ...
سيلين بخوف ودموعها على خدها .... وهي تشوفهم كيف عم يتقاتلو : قلتلهم المنطقة مو امنة .... ماحدى صدقني
مجهول من وراها : واخيرا رح نقتلك ....
وجه سيفه لعندها وكان رح يقتلها ....
بس بهالحظة في حدى مسكها وسحبها .... وحست حالها طايرة بالجو .....
سيلين بصدمة : وااااو شعور رائع انو نطير .... بس ماقلتيلي مين انتي ؟!....
.... : مو وقت الحكي هلق ... لازم نروح لمكان آمن ....
سيلين : يعني انتي مو عدوتي
.... : لاء انا صديقة .... وفيكي تناديني ايمليانا...
سيلين : اي تمام ... اهلا وسهلا ايمليانا....
ايمليانا: اهلين فيكي .... باينتهم خلصو قتال .... لازم ننزل عالارض ونشوف الوضع ...
سيلين : اي نزليني ....
كانت ايمليانا طايرة بالجو بدون أجنحة او اي شي تاني ...
نزلت عالارض والشباب كلهم بصدمة ...
وائل وهو يسحب سيفه عليها : انتي مين ... وشو بدك من سيلين
ايمليانا : انا من الفرسان ...
سيلين بإستغراب : بس الفرسان شباب ...
ايمليانا : لاء مو كلهم شباب .... في صبايا معهم
سياف : وكيف فينا نتأكد انك وحدة من الفرسان وماعم تضحكي علينا ؟!....
ايمليانا وهي تفتح ايدها اليمين : هاد الدليل ...
سيلين بفرح : اي صحيح ... انتي وحدة من الفرسان ... والوحمة بتأكد هالشي ....
ايمليانا : اي هالكلام صحيح ... ووصلتني اخبار انو الأشرار عندهم أسير من الفرسان ... وانا هون لساعدكم مشان نطالع الفارس من الحبس والظلم اللي هو فيه ....
سياف : كيف وصلتك المعلومات ....
ايمليانا : اسمعت الشباب اللي كنتو عم تقاتلوهم .... وكانو عم يقولو انهم رح يعملو مؤامرة ضدكم ... ورح يقتلو سيدة الفرسان .... ويأسرو الفرسان كلهم .... عشان يبقى الشر منتصر عالخير .... وسمعت انو عندهم أسير من الفرسان .... عشان هيك الحقتهم وجيت لعندكم مشان حزركم ....
سيلين : شكرا كتير الك ...
ايمليانا : العفو ... هاد واجبي ...
ماجد : منيح جيتي وحزرتينا ...
ايمليانا بتساؤل : قتلتوهم كلهم ؟!...
سياف : للأسف هرب واحد منهم وماقدرنا نقتله ...
ايمليانا بأسف : كان لازم تقتلوهم كلهم .... لانو الاشرار رح يعرفو مكاننا ورح يبعتو قوات اكبر للقضاء علينا ....
ماجد : بهالحالة رح اضطر استعمل قوتي ...
وانقلكن على مكان ثاني ....
سيلين : اي أحسن حل بالوقت الحالي ...
بمكان تاني ...
مجهول : نعم سيادتك قتلوهم كلهم وبقيت انا
ستيفن بعصبية : كيف صار هالشي .... العدد اللي بعتناه مو قليل
مجهول : مزبوط سيادتك بس هني كانو اقوى مننا ...
ستيفن : سمعني منيح مؤيد ... لازم نعمل خطة تخلينا ننتصر عليهم ...
مؤيد : شو بدك انا جاهز ...
ستيفن بخبث : بما انو عنا أسير من الفرسان .... رح تكون فرصة النا انو ندخل بينهم ...
مؤيد : كيف سيادتك مافهمت
ستيفن : يعني ياغبي . رح نبعتلهم شخص من عندنا على اساس هو واحد من الفرسان ...
مؤيد : بس في احتمال يكتشفو هالشي ...
ستيفن : لاء مارح يكتشفو هالشي انا متأكد
مؤيد : انا جاهز لتنفيذ المهمة
ستيفن : تمام ابعت حدى من رجالك بسرعة قبل مايغيرو مكانن ... وخليك على تواصل معو ...
مؤيد : تمام سيادتك ... بالإذن
منرجع عند سيلين والفرسان
سيلين : وين رح نروح
ماجد : والله مو عارف وين انقلكم .... اختارو المكان وانا جاهز ...
سياف : خدنا على مدينتي ...
ماجد : تمام اجتمعو مشان ننتقل
سيلين وهي تقعد : استنا شوي مو عارفة شو صرلي
وائل بخوف : شو في ؟!... عم يوجعك شي ؟!...
خايفة من شي ؟!...
سيلين بتعب : مابعرف ... راسي عم يوجعني وحاسة حالي دايخة شوي ....
سياف : ارتاحي شوي ...
ايمليانا وهي تقرب عليها : خدي مي اشربي وغسلي وجهك .... يمكن تستفادي شوي ...
سيلين : اي تمام شكرا كتير الك ....
( غسلت وجهها ورتاحت شوي )
ماجد : كيف صرتي ؟!... ان شاء الله حاسة حالك احسن ؟...
سيلين : اي منيحة .... احسن بكتير ...
وائل بإبتسامة : اي كتير منيح ... خوفتينا عليكي
سيلين : انا اسفة كتير شباب لانو خوفتكم عليي .... بتمنى تعزروني ...
سياف : عادي ياقلبي ولا يهمك ... المهم تكوني بخير ...
وائل بإستغراب : ياقلبي !!!
سياف وهو يرجع لورى ويعمل حاله مو مهتم : اسف مانتبهت ...
سيلين : ولا يهمك
ايمليانا : يلا شباب بما انو سيلين صارت احسن صار لازم نغير مكانا
ماجد : اي معك حق
بهالحظة سمعو صوت شاب !!!!
مرحباااا في حدى هوون ساعدونييي ....
سياف خاف على سيلين وحاوطها
وائل وهو يرفع سيفه : مين انت
الشاب : انا شخص عادي بطلب مساعدتكم ...

#أسير_أحلامي
#بقلم_أمل_الحياة
#الجزء_الثالث

سيلين بخوف : مين انتو .... وشو بدكم مني

مجهول : نحنا هون لنقضي عليكي ....

سيلين : شو عملتلكم انا ....

مجهول : مو شغلك .... وكمل كلامة بجدية : اهجموووو

سيلين : شو عم يصير شباب ... انا خايفة ....

وائل : سيلين انتي خليكي بعيدة مشان مايأذوكي ...
ونحنا رح نقاتلهم ... لانو باينتهم اعداءنا ...

سيلين : تمام انا رح اوقف بعيد ... بس انتبهو على حالكم شباب ....

ماجد وسياف ووائل : تمام ...

سيلين بخوف ودموعها على خدها .... وهي تشوفهم كيف عم يتقاتلو : قلتلهم المنطقة مو امنة .... ماحدى صدقني

مجهول من وراها : واخيرا رح نقتلك ....
وجه سيفه لعندها وكان رح يقتلها ....
بس بهالحظة في حدى مسكها وسحبها .... وحست حالها طايرة بالجو .....

سيلين بصدمة : وااااو شعور رائع انو نطير .... بس ماقلتيلي مين انتي ؟!....

.... : مو وقت الحكي هلق ... لازم نروح لمكان آمن ....

سيلين : يعني انتي مو عدوتي

.... : لاء انا صديقة .... وفيكي تناديني ايمليانا...

سيلين : اي تمام ... اهلا وسهلا ايمليانا....

ايمليانا: اهلين فيكي .... باينتهم خلصو قتال .... لازم ننزل عالارض ونشوف الوضع ...

سيلين : اي نزليني ....

كانت ايمليانا طايرة بالجو بدون أجنحة او اي شي تاني ...
نزلت عالارض والشباب كلهم بصدمة ...

وائل وهو يسحب سيفه عليها : انتي مين ... وشو بدك من سيلين

ايمليانا : انا من الفرسان ...

سيلين بإستغراب : بس الفرسان شباب ...

ايمليانا : لاء مو كلهم شباب .... في صبايا معهم

سياف : وكيف فينا نتأكد انك وحدة من الفرسان وماعم تضحكي علينا ؟!....

ايمليانا وهي تفتح ايدها اليمين : هاد الدليل ...
@rwayate
سيلين بفرح : اي صحيح ... انتي وحدة من الفرسان ... والوحمة بتأكد هالشي ....

ايمليانا : اي هالكلام صحيح ... ووصلتني اخبار انو الأشرار عندهم أسير من الفرسان ... وانا هون لساعدكم مشان نطالع الفارس من الحبس والظلم اللي هو فيه ....

سياف : كيف وصلتك المعلومات ....

ايمليانا : اسمعت الشباب اللي كنتو عم تقاتلوهم .... وكانو عم يقولو انهم رح يعملو مؤامرة ضدكم ... ورح يقتلو سيدة الفرسان .... ويأسرو الفرسان كلهم .... عشان يبقى الشر منتصر عالخير .... وسمعت انو عندهم أسير من الفرسان .... عشان هيك الحقتهم وجيت لعندكم مشان حزركم ....

سيلين : شكرا كتير الك ...

ايمليانا : العفو ... هاد واجبي ...

ماجد : منيح جيتي وحزرتينا ...

ايمليانا بتساؤل : قتلتوهم كلهم ؟!...

سياف : للأسف هرب واحد منهم وماقدرنا نقتله ...

ايمليانا بأسف : كان لازم تقتلوهم كلهم .... لانو الاشرار رح يعرفو مكاننا ورح يبعتو قوات اكبر للقضاء علينا ....

ماجد : بهالحالة رح اضطر استعمل قوتي ...
وانقلكن على مكان ثاني ....

سيلين : اي أحسن حل بالوقت الحالي ...
.
.
بمكان تاني ...
مجهول : نعم سيادتك قتلوهم كلهم وبقيت انا

ستيفن بعصبية : كيف صار هالشي .... العدد اللي بعتناه مو قليل

مجهول : مزبوط سيادتك بس هني كانو اقوى مننا ...

ستيفن : سمعني منيح مؤيد ... لازم نعمل خطة تخلينا ننتصر عليهم ...

مؤيد : شو بدك انا جاهز ...

ستيفن بخبث : بما انو عنا أسير من الفرسان .... رح تكون فرصة النا انو ندخل بينهم ...

مؤيد : كيف سيادتك مافهمت

ستيفن : يعني ياغبي . رح نبعتلهم شخص من عندنا على اساس هو واحد من الفرسان ...

مؤيد : بس في احتمال يكتشفو هالشي ...

ستيفن : لاء مارح يكتشفو هالشي انا متأكد

مؤيد : انا جاهز لتنفيذ المهمة

ستيفن : تمام ابعت حدى من رجالك بسرعة قبل مايغيرو مكانن ... وخليك على تواصل معو ...

مؤيد : تمام سيادتك ... بالإذن
.
.
منرجع عند سيلين والفرسان
سيلين : وين رح نروح

ماجد : والله مو عارف وين انقلكم .... اختارو المكان وانا جاهز ...

سياف : خدنا على مدينتي ...

ماجد : تمام اجتمعو مشان ننتقل

سيلين وهي تقعد : استنا شوي مو عارفة شو صرلي

وائل بخوف : شو في ؟!... عم يوجعك شي ؟!...
خايفة من شي ؟!...

سيلين بتعب : مابعرف ... راسي عم يوجعني وحاسة حالي دايخة شوي ....

سياف : ارتاحي شوي ...

ايمليانا وهي تقرب عليها : خدي مي اشربي وغسلي وجهك .... يمكن تستفادي شوي ...

سيلين : اي تمام شكرا كتير الك ....
( غسلت وجهها ورتاحت شوي )

ماجد : كيف صرتي ؟!... ان شاء الله حاسة حالك احسن ؟...

سيلين : اي منيحة .... احسن بكتير ...

وائل بإبتسامة : اي كتير منيح ... خوفتينا عليكي

سيلين : انا اسفة كتير شباب لانو خوفتكم عليي .... بتمنى تعزروني ...

سياف : عادي ياقلبي ولا يهمك ... المهم تكوني بخير ...

وائل بإستغراب : ياقلبي !!!

سياف وهو يرجع لورى ويعمل حاله مو مهتم : اسف مانتبهت ...

سيلين : ولا يهمك

ايمليانا : يلا شباب بما انو سيلين صارت احسن صار لازم نغير مكانا

ماجد : اي معك حق

#أسير_أحلامي
#بقلم_أمل_الحياة
#الجزء_الخامس
@rwayate
سياف بحزن : الحل الوحيد انو ناخدها معنا .... ونبحث عن طبيب يعالجها ...

وائل : معك حق .... لازم نلاقي طبيب بأسرع وقت ...

( اتفقو انو يكملو مسيرهم ويبحثو عن طبيب يداوي سيلين .... وحزمو اغراضن وحملو سيلين وتابعو طريقن )

ايمليانا وهي طايرة : شباب ... شايفة قرية صغيرة قريبة من هون ...

ماجد بفرح : متأكدة !...

ايمليانا : اي طبعا متأكدة ... وقريبة كتير من هون ...

وائل بفرح : وأخيرا رح نعرف وين نحنا ... ونعالج سيلين ...

سياف : يلا شباب لازم نسرع ...

وائل : بس انا حامل سيلين ... كيف رح أسرع ؟!... مابقدر ...

آندرو : وانا مابقدر لانو جرحي لسا ماتعالج عالمظبوط ...

سياف : تمام .... يلا نكمل مشي ... المهم نوصل قبل مايحل الليل ...

ايمليانا : اي معك حق ...

بعد ساعتين متتاليتين من المشي .....
آندرو : وأخيرا وصلنا .... انا تعبت ...

ايمليانا : الحمد لله وصلنا وصار فينا نرتاح ...

وائل : خليكم انتو هون عند سيلين ... وانا وسياف رح نروح نبحث عن طبيب ....

الكل : تمام ...

آندرو : لاتتأخرو ...

سياف : لاء مارح نتأخر ... بس انتو لاتتحركو من مكانكن ...

ماجد : تمام ... نحنا بإنتظاركم ....

( راحو سياف ووائل يبحثو عن طبيب يعالج سيلين ... وبقيو ايمليانا وماجد وآندرو عند سيلين اللي داخلة بغيبوبة ... )

سياف : مرحبا اختي ... نحنا عم ندور على طبيب شاطر ... مشان يعالج صديقتنا ...

مجهولة : اول شي انا اسمي جوليا ... تاني شي مابعرف حدى هون .... انا جديدة بالمدينة ....

سياف : شكرا الك جوليا .... بالإذن نحنا لازم نمشي ...

جوليا : استنو ... انتظرو شوي ....

وائل : شو في ؟!...

جوليا وهي تضمهن : وأخيرا لقيتكم ....

وائل وهو يبعد عنها : شو لقيتي مافهمت !!!...

جوليا : انتو من الفرسان السبعة وانا وحدة منكم ... وصرلي فترة عم دور عليكم ....

سياف بقلبه ( اممم كيف عرفت انو نحنا من الفرسان .... معقول تكون من الأعداء وعم تراقبنا ؟!..)

جوليا بإبتسامة : ههه لاء انا ماني من الأعداء ... انا من الفرسان ....

سياف بإستغراب ودهشة : كيف عرفتي شو عم فكر ؟..

جوليا : لانو قوتي المميزة هي قراءة الأفكار ....

سياف : يعني هاد السبب اللي خلاكي تعرفي انو نحنا من الفرسان ؟!...

جوليا : اي .... وعرفت من تفكيركم انو سيدة الفرسان بغيبوبة ... وانا رح ساعدكن ...

وائل : كيف رح تساعدينا ؟!...

جوليا : بعرف وحدة من الفرسان ... اسمها شهرزاد ... هي قوتها المميزة هيي العلاج ...

سياف : واااو ... يعني واخيرا جمعنا الفرسان السبعة ....
@rwayate
جوليا : اي الحمد لله انا كتير مبسوطة ....

وائل : تمام نحنا بإنتظارك روحي جيبيها وتعي ...

جوليا : للأسف مابقدر جيبها بيوم وليلة ... لانو هيي بقرية مجاورة قريبة من هون ... يعني بدي يوم روحة ويوم رجعة ... ورح بات ليلة عندها ...

سياف : يعني رح ننتظرك ثلاث أيام !!!...

وائل : مو مشكلة مننتظرك ... بس لاتتأخري اكتر من هيك ... لانو سيلين بغيبوبة .... ولازم نصحيها بأسرع وقت قبل ماتتأزم حالتها ....

جوليا : تمام ... انا رح جهز غراض السفر وامشي .... بشوفكن بعد ثلاث أيام ....

سياف : تمام ... منشوفك ...

( رجعو وائل وسياف والبسمة على وجوههم ... )

ايمليانا : شو طمنوني .... لقيتو طبيب ...

سياف : لقينا شخص اهم من الطبيب ...

ماجد وهو يتطلع عليهم بإستغراب : شو لقيتو ؟!...

وائل : لقينا وحدة من الفرسان ... وقال انو رح تجيب وحدة من الفرسان قوتها المعالجة .... ورح تعالج سيلين ...

ايمليانا بفرح : لقيتو تنتين من الفرسان ... يعني واخيرا اجتمعنا ...

سياف : بس المشكلة انو هي بقرية قريبة من هون ... وبدها ثلاث أيام حتى تقدر تروح وترجع ...

ماجد : والحل ؟!...

وائل بحزن : الحل الوحيد انو ننتظر

ايمليانا : مافي مشكلة مننتظر ... بس المهم ترجع .

آندرو : طيب عرفتو نحنا وين ... او شو اسم المنطقة ؟!...

وائل : اي القرية اسمها قرية الأقزام ....

آندرو : امممم اسم غريب

ايمليانا : شباب لازم ناكل .... انا جعت ...

ماجد : اي والله معك حق ...

#أسيرة_الماضي
#بقلم_أمل_الحياة
#الجزء_الرابع

كانو قاعدين بالصالون عم يحكو ويتعرفو على بعض أكتر ... وبقيو لوقت متأخر من الليل سهرانين وعم يتناقشو ... بعدها نعسو وراح كل شخص على غرفته ...

وببداية يوم جديد صحيت مايا بكير وراحت عالمطبخ تساعد سما بتحضير الفطور ....

مايا : صباح الخير ...

سما : اهلين ... صباح النور ...

مايا : بشو فيني ساعدك ....

سما : يعطيكي العافية ما في داعي تتعبي حالك انتي ضيفتنا ..

مايا : لاء مابصير ... بما اني رح عيش معكم بالوقت الحالي فلازم ساعدك ...

سما بإبتسامة : تمام متل مابتحبي ...

تعرفو مايا وسما على بعضهم وصارو رفقات ...
بعد ماحضرو الفطور وفطرو كلهم، بدلو تيابهم وراحو تيم ومايا وميلا عالسوق يعرفو مايا على المدينة ويتمشو بالشوارع على أمل يلاقو بقية الفرسان ...

بعد ساعتين من المشي المتواصل ...
ميلا : والله تعبت ... انا مو متعودة امشي هيك مسافة ...

تيم بإنزعاج : اي طبعا ... لأنك أميرة وطول وقتك قاعدة ... واذا رحتي مشوار بتروحي عالخيل او بالعربة ...

ميلا : ما دخلك كيف كنت عايشة ياغيور ...

تيم : ييي على شو بدي غار ... على حبسك بالقصر طول ال17 عام اللي مرو 😏

مايا : خلصنا انت وياها انصرعت ... لسا متل توم وجيري ....

تيم بإستغراب : مين توم وجيري ؟!...

مايا وهي تكتم ضحكتها : ههههه مارح تعرفهم ....

بهالحظة شافو شخص عم يركض قريب منهم وباين عليه هربان ... وفي صبية عم تركض وراه وتصيح بأعلى صوت : حراااامييي .... سرقلي جزداني ....
وبلمح البصر صار الجزدان بإيد الصبية والحرامي وقع بالارض ... الموجودين انصدمو من اللي صار ... وماعرفو كيف رجع الجزدان لصاحبته والحرامي نال عقابه بوقوعه عالارض ...

مايا بتعجب : شفتو اللي انا شفتو ؟!...

ميلا : اي شفت ... بس ماعرفت شو صار ...

مايا وهي لساتها صافنة : في شخص ركض بلمح البصر ضرب الحرامي واخد الشنتة ورجعها للصبية بدون ماحد يشوفه ... بس الغريب بالموضوع إنو انا شفته ...

تيم : غريب احنا مو شايفين شي ؟!

ميلا : طيب وين الشخص اللي شفتيه عمل هيك ...

اطلعت مايا لمكان معين وأشارت عليه بإصبعها ... والغريب انو ماحد شايفو غيرها ...
فجأة انتبه الشخص على مايا انها عم تتطلع عليه ... قرب لعندهم والقى السلام بإبتسامة على وجهه

مجهول : مرحبا...

مايا : اهلين

مجهول : انتي شايفتيني ؟!

مايا : اي شايفتك ... بس حاسة ماحدى شايفك غيري😅

مجهول : ههههه حتى انا مستغرب انو شايفتيني ...

بهالاثناء كانو ميلا وتيم صافنين ببعض وعم يتطلعو على مايا بإستغراب ... لانو مو شايفين شي ولا سامعين حدى عم يحكي معها ...

مايا : ممكن اعرف مين انت وشو اسمك لو سمحت ؟!..

مجهول : انا .... بس عفوا بس مين انتي لحتى اقلك اسمي

مايا : عفوا اذا ازعجتك ... بس صار عندي فضول اعرف اسمك ومين انت ...

مجهول : انا غيث وانتي شو اسمك ؟!...

مايا وهي تصافحه : اهلا وسهلا انا مايا ....

صفنت مايا للحظات وصارت تفكر بعقلها. ( كيف انا الوحيدة اللي شايفته ؟!... معقول يكون واحد من الفرسان ؟!... اي عالاغلب انه واحد من الفرسان وقوته التخفي ... طيب انا لازم اتأكد من هالشي .... )

#أسيرة_الماضي
#بقلم_أمل_الحياة
#الجزء_السادس

بمملكة الضوء ... والملك مايكل ...
الملك مايكل بعصبية : كيف يعني ماعندك خبر بشي ؟!... مين الوصيفة انا ولا انتي ؟!

لونا بخوف : والله ... والله مابعرف شي ... تركتها بغرفتها ورحت على غرفتي نام ... وكان وقتها في أكتر من عشر جنود على باب غرفة الاميرة ... صدقني سمو الملك انا مابعرف شو اللي صار او وين هي الاميرة ...

الملك : ما عم صدقك ... حاسسك مخبية شي ... احكي شو بتعرفي ...

لونا بتوتر : عطيني الأمان سموك ...

الملك : ماخاب ظني ... اكيد بتعرفي شي وخايفة تحكي ... احكي يلا شو بتعرفي ...

لونا وهي ترجف : عطيني الأمان اول ...

الملكة شهرزاد : من بعد ازن الملك ممكن انا اتصرف ؟!...

الملك : اي اكيد ... تفضلي ...

الملكة وهي تحكي مع الحرس : خدوها عالحبس ... عذبوها وضربوها ... اذا بدكن تقطعوها ماعندي مانع ... المهم ماتقربو علسانها ... خليها تعترف عالي بتعرفه غصب عنها ...
وكملت موجهه كلامها للونا : او احكي بدون تعذيب وين بنتييي ...

الامير زيد : بعتذر عالتدخل ... بس ليش مابتعطيها الأمان وبتحكي بدون مشاكل ...

الملكة شهرذاد : انت بالذات لاتسمعني صوتك ... حكيت خدوها عالسجن ... ما في داعي حدى يتدخل ...

الامير زيد بحزن : امرك سمو الملكة ... بس ليش عم تعامليني بهالطريقة ... بس لاني مو ابنك ؟!... شو ذنبي اذا امي كانت وصيفتك ؟!...

الملك : احترم نفسك زيد ... اعرف حالك مع مين عم تحكي ...

زيد بحزن : امرك ... انا بعتذر منكم ... بالاذن
طلع زيد من القاعة وهو عم بفكر ( ليش الكل هيك بعاملني ... بحياتي ماحسيت حالي أمير ... شو ذنبي انو أمي كانت جارية ... شو ذنبي حتى حرموني من حنان أمي وقتلوها وانا صغير ... الملكة شهرزاد انا رح انتقم منك بيوم من الايام ... انتي حرام تكوني وحدة من الفرسان القداما ... لك حرام تكوني ملكة ... انتي قتلتي أمي قدام عيوني وماسترجيت احكي ولا كلمة ... شو ذنبها أمي ... شو ذنبها .... )
رجع للماضي ... لليوم اللي ماتت فيه امه .. كان عمره وقتها خمس سنوات ...
شهرزاد : هههههه رح اقتلك ... انتي اغويتي الملك وجبتي منه زيد ... وانا اللي صرلي ثمان سنوات متزوجة الملك ماقدرت جيب وريث للمملكة ...

الجارية وهي تبكي : والله مو ذنبي ... مو ذنبي ... انا مادخلني ... وقت حملت بزيد كنت عارفة انه رح يجي هاد اليوم ... كنت عارفة 😭...
بترجاكي ماتأذي ابني ... اقتليني بس ماتقتلي زيد ... هو طفل مابيفهم ...

شهرزاد وهي تمسكها من شعرها : تمام مارح اقتله ... بتعرفي ليش ؟! لأني حامل وبعرف غلات الطفل عند امه .... ههههههه لاتستغربي ... اي انا حامل ... بعد انتظار دام ثمان سنوات ...

الجارية بفرح : شكرا لأنك رح تخلي ابني يعيش ... بس عندي طلب أخير ...

شهرزاد : تفضلي ...

الجارية : لاتقتليني قدام ابني ... بترجاكي خليه يطلع من الغرفة ....

شهرذاد : ههههههه رخيصة والطلب غالي .... بس مع هيك رح ارحمك ونفذلك آخر طلب بتطلبيه ...
ياحرااس ....

واحد من الحرس : نعم سمو الملكة ...

شهرزاد : خود زيد برى الغرفة ...

الحارس : امرك ....

رجع زيد للواقع مسح دمعته ورجع صفن ورجع للماضي ...
واقف برى الغرفة عم يكتم شهقاته ويتطلع عاللي عم يصير جوى من شق صغير بالباب ...
( مابنسى هداك اليوم اللي شفت أمي فيه عم تندبح ... وماقدرت قرب عليها ... رح انتقم لو شو ماكان الثمن )
.
.
منرجع لمايا وبقية الفرسان ...
خلصو اكل واستأذنو ورجعو عالبيت عند تيم ... مع انو الجدة أصرت عليهم يبقو عندها ... بس وعدوها يزوروها بغير أيام ....

كانو ماشين بالشارع والدنيا ليل كتير عتمة والشوارع فاضية ما فيها ناس ... وهني اخدين راحتهم عم يحكو ويتناقشو ومو منتبهين للعيون اللي عم تراقبهم ...

مايا : انا نعست ... صار وقت نومتي ...

تيم : يلا قربنا نوصل عالبيت ...

ميلا : اذا انتي نعستي انا تعبت وفرطت ...

تيم : اي كمان تدللي ... لسا من الصبح على تعبت وهلكت ...

ميلا : مادخلك انت ... منيح ماكنت شايلني عكتافك ...

#أسيرة_الماضي
#بقلم_أمل_الحياة
#الجزء_السابع

ميلا : تيم ... انت منيح ... بترجاك خليك صاحي مابقدر احملك عالبيت ... تيييم

كان تيم قاعد بالارض وحاطط ايده على كتفه من الألم ... وكتفه عم ينزف بشكل مو طبيعي ... والسهم لساته بكتفه ... غمض عيونه بتعب ومد ايده وسحب السهم من ايده بقوة ... وغاب عن الوعي من شدة الالم ..

ميلا : تييم ... تيم لاتموت نحنا بحاجتك ...

قعدت ميلا جنبه وحطت راسه بحضنها وهي عم تبكي بحرقة وتحاول تصحيه بس بدون فائدة ... بعد لحظات وقفت وحاولت تحمله او تحركه من مكانه ... والغريب بالموضوع إنو قدرت تحمله بكل سهولة ...
استغربت من هالشي ... بعدين ابتسمت بألم وركضت فيه على بيت اهله .... وهي عم تقول واخيرا اكتشفت قوتي المميزة ....
وصلت عالبيت ... دقت الباب بإيد وهي حاملته على كتفها بالايد الثانية .... فتحت أم تيم الباب ونصدمت ....
.
.
بمكان تاني عند مايا ...
صحيت مايا من نومها ... وحاولت تتذكر وين هي او شو اللي صار بعد ماخطفوها بس بدون فائدة .... قعدت وهي حاطة ايدها على راسها بألم ... وصارت تطلع حولها ... استغربت للحظة من الغرفة اللي هي فيها ... غرفة ملكية حلوة كتير واثاثها فخم ... وهي متسطحة على سرير كبير ومريح ...
مايا بصراخ : وين اناااا ... حدى يرد عليي ...

انفتح باب الغرفة بقوة ودخل شاب ووراه حارسين ...

الشاب : هههههه انتي بمملكة الظل يااميرة .... ان شاء الله عجبك استقبالها الك ...

مايا بعصبية : مين انت ... وشو بدك مني ...

الشاب : هلق ماعد تعرفيني ياميلا ... انا جاك ... هههه خطيبك ...

مايا بعد تفكير : جاك !!! انت ابن الملك ستيفن ؟!...

جاك : اي انا هو بذاته ... اسمعيني منيح ... انا مستحيل ويستحيل انو اتزوجك ... لان بحب بنت خالتي وبدي اتزوجها ...

مايا : اي تتهنا انت وهي ... بس ليش جبتني لهون شو بدك مني ؟!....

جاك بخبث : ههههه لاسباب شخصيه ... رح نخليكي أسيرة بمملكتنا ... لحتى نتفاوض مع ابوكي لمصلحة مملكتنا ... واكيد رح يستسلم ويوافق على مطالبنا وقت يعرف انو انتي عنا هههه ... لأنك بنته الوحيدة ومستحيل يفرط فيها ....

مايا : انا مو ميلا ... انا مايا ... تركوني بحالي مارح فيدكم ...

جاك : ههههه صايرة عم تعرفي تنكتي منيح ....

مايا : احترم نفسك ... بحكيلك انا مايا ... وهي اول مرة بشوفك ...

جاك : اكيد صاير معك فقدان جزئي للذاكرة 😐 ... على كلٍ سلام ... مارح ينفع الحكي معك ...
التفت ومشي خطوتين ليطلع من الغرفة ووراه الحراس ... بس وصل لباب الغرفة ورجع اتقدم لعندها بثقة ..
جاك : انسيت قلك ... اكيد عم تتسائلي ليش عم عاملك معاملة اميرة وليس أسيرة ... ههههه لأنك أميرة ... ومشان وقت تنحل المشكلة تحكي علينا بالمنيح قدام ابوكي ... بس يكون بعلمك انو اذا حاولتي تهربي ونجحتي ... رح امحي مملكتكم من على وجه الارض عم تفهمي !!!...

مايا بثقة : بس الفرسان السبعة رح يصدوكم ويغلبوك انت وجيشك ... ورح تنسحب من المعركة متل الفيران انت وفرسانك ... هههه قصدي فيرانك ....

جاك : شو قلتي ؟!.. كأنو سمعت جملة الفرسان السبعة ؟!..

مايا : اي الفرسان السبعة ... ليش مستغرب 😏

جاك بعصبية : احكي شو بتعرفي عن الفرسان السبعة ؟!..
قرب عليها ومسكها من شعرها بقوة : بحكيلك احكي احسن ماموتك بأرضك ...

مايا بإبتسامة : اي قتلني شو عم تنتظر ... بس قتلتني ماعد بتعرف شي عنهم ههههه

جاك بغضب : هيك لكن ... طيب ... رح اعرف كل شي بطريقتي ...

تركها وطلع من الغرفة وهو بكامل غضبه ... وطلعو الحراس وراه وسكرو الباب وقفلوه ...

ارتاحت مايا بعد ماطلعو من الغرفة ... واتنهدت وارتمت عالتخت ... وسرحت بتفكيرها لبعيييد ...
مايا : مين كان بيتوقع انو اصير أسيرة وبالماضي كمان ...
اممم بظن هلق الساعة 8 الصبح .... يا ترى شو صار ب ميلا وتيم بعد اختطافي ؟!...
.
.
عند ميلا وتيم ....
ميلا : شو دكتور طمنا !!!... كيف صار تيم ؟!

الدكتور : بصراحة حالتو صعبة ونزف دم كتير ... انا مستغرب كيف قدر يتغلب عالاصابة ويعيش ...

ام تيم : شو ممكن نعمل دكتور لحتى يتحسن أسرع ؟..

الدكتور : بعرف طبيبة شاطرة كتير ... ساكنة بالمدينة المجاورة ... عالجت كل الحالات الصعبة لحد الان ... واحتمال كتير تقدر تساعدكم ويسترد عافيته ...
@rwayate
ميلا : مشكور دكتور ... بس ممكن تعطينا معلومات أكتر عنها لنقدر نلاقيها ونتواصل معها ...

الدكتور : انا ماشفتها ولا مرة ... بس بيحكو أنها طبيبة شاطرة ... وعايشة مع أخوها التوأم ...

ميلا : مشكور دكتور ... رح ابحث عنها ولاقيها لو شو ماصار ....

الكتور : بالتوفيق يا بنتي ... يلا بالإذن في مريض عم ينتظرني روح عالجه ...

ام تيم : الله معك دكتور ... يعطيك العافية ...

راح الدكتور ... ودخلت ميلا وأم تيم لعند تيم على غرفته ...
ام تيم : شو رح نعمل هلق ؟!... الطبيبة بيتها بعيد ... وصعب نروح ونرجع بنفس الليلة ....

#أسيرة_الماضي
#بقلم_أمل_الحياة
#الجزء_الثامن

اطلعت بالملك نظرة مخيفة وضحكت ضحكة شريرة : ههههه انا مو شهرزاد ... شهرزاد قتلتها من زماااان ههههه

كان زيد والملك عم يتطلعو ببعض بإستغراب ... والحرس والخادمات نفس الشي ...

الملك مايكل : شو عم تقولي ... جنيتي رسمي ...

شهرزاد : لاء ماجنيت ... لسا فيني عقل ... ههههه
صفنت شوي بالملك وكملت : انو انا شو ناقصني عنها ... انا وهي توأم بس هي دايما الحظ معها ... انولدت هي بإيدها وحمة وانا لاء ... يعني هي من الفرسان وانا شخص عادي ... مع انو انا اختها التوأم ...شهرزاد وشهيناز ... عشت حياتي كلها وهي مميزة عني ... لوقت اللي خطبتها انت وشفت كمية الحب اللي بيناتكم ... ماقدرت اتحكم بمشاعري ... وقتلتها ... هههههه اي قتلتها .... ودفنتها بدون ماحد يحس ... واخدت انا شخصيتها وتزوجتك ... وقلت خلص فتحتلي الدنيا بوابها ... بس لاء ... ماهاد اللي صار ...

الملك بصدمة : قتلتي شهرزاد ... كيف طاوعك قلبك تقتلي اختك وتوأمك كييييف ؟!...

شهيناز : اي قتلتها ... بحقلي عيش حياة ملوك متلها....

الملك مايكل : وانا عم قول ليش شخصيتك صارت طماعة وجشعة بعد الزواج .... بس لانو بحبك تغاضيت عن الموضوع ...

زيد بحزن : احكيله شو عملتي بأمي ....

الملك مايكل : شو عملتي ؟!... وكمل بصراخ : احكيييي

اطلعت على زيد وصارت تبكي بحرقة 😭😭😭
وقت عرفت انو جاريتي جابت ولد منك ماتحملني عقلي ... انو انا شو ناقصني ... ليش انا الملكة لهلق ماحملت ... وهي جارية حملت وجابت وريث للعرش ...

الملك مايكل كان صافن فيها وعم يتألم بكل حرف عم يسمعو : كملي ... شو عملتي كمان ... احكي ...

مسحت شهرزاد دموعها وطلعت عالملك وهي عم تضحك : قتلتها ههههههه

الملك مايكل : ليش قتلتيها ... شو زنبها ....

شهيناز : زنبها انها خطفتك مني ...

الملك مايكل : حرمتي زيد من حنان امه بس لهالسبب ... لك حرمتيني من شهرزاد طول هالسنين وانا مالي خبر ... لاحظت اختفاء النجمة من على ايدك .. بس ماخطرلي تكوني شهيناز ... انتي دمرتيني بكلامك ... دمرتيني .... المي ماشية من تحتي وانا مو داري ...

شهناز وهي تبكي : انا اسفة ... بعرف اني غلطانة وعم أخد جزاتي ببنتي ... بس بترجاك سامحني ورجعلي ميلا ...

الملك مايكل : ماتركتي مجال لسامحك .... حرااااس

الحراس : أمرك ....

الملك مايكل : خدوها عالحبس ...

شهيناز : لاااااء ... انا الملكة ... اتركووووونييي
.
.
عند ميلا وغيث
غيث بعصبية : ليه ماخبرتيني مبارح ؟!...

ميلا بعصبية أكتر : كيف بدي خبرك والحادثة صارت بنص الليل !!...

غيث : خلص اهدي ... بعتذر اذا ازعجتك

ميلا : عادي ولا يهمك ... المهم هلق نبحث عن الطبيبة ونطلب منها تعالج تيم ....

غيث : بس طبيبة مشهورة متلها مستحيل تقبل تجي هي تعالجه ...

ميلا : منحاول مامنخسر شي ....

دخلت الجدة عالغرفة وقطعت عليهم الحديث
الجدة : تفضلو عملتلكم شاي وبسكوت ...

ميلا : يسلمو جدة ... ليش معزبة حالك ...

الجدة : لاعذاب ولا شي ... خدو راحتكم وكملو حديثكم ...

غيث : جدتي انتي اكيد سمعتي حديثنا ... صح ؟!

الجدة بإبتسامة : صح ...

غيث : تمام ... معناها احكي ل ميلا انو الطبيبة مارح تترك بيتها وتجي تعالج تيم ... لانها مو مضطرة لهالشي ...
ماعم تقتنع ميلا بهالشي ...

الجدة : شو بتخسر اذا رحت معها ... بجوز هالرحلة تكون خير الكم ... وتلاقو حدى من الفرسان بطريقكم ...

ميلا بإبتسامة : اي وانا هيك عم احكي بس ما عم يسمع ...

اطلع فيهم غيث وتنهد بإستسلام ....
غيث : تمام رح روح معك ...

ميلا : يلا جهز حالك ... انا جاهزة ...
.
.
منرجع عند مايا ...
كانت قاعدة جنب الشباك عم تطلع على حديقة القصر الخارجية ... وعم تفكر ياترى شو صار بتيم وميلا ... وكيف رح تتخلص من هالسجن وهالقصة وترجع لعالمها ...
قاطع تفكيرها صوت المفتاح ... وعرفت انو حدى رح يدخل لعندها ... وقفت واطلعت ناح الباب وببالها رح يدخل جاك ... بس اخطئت بتفكيرها ...
دخلت صبية وسكرت الباب وراها بسرعة وقفلته ...

مايا بتساؤل : مين انتي ؟!

الصبية بخوف : هشش لاتحكي شي ... احسن مايسمعونا ...

مايا بإستغراب : مين هدول ؟!

الصبية : الحرس ...

مايا : ليش مين انتي ؟!... وكيف دخلتي وخايفة من الحرس ...

الصبية : انا وحدة من الفرسان ... لحظة ورح احكيلك كلشي ... بس اصبري لحتى يهدى الوضع برى ...

مايا بإبتسامة : تمام ... اقعدي ورتاحي ...

بعد لحظات اقتربت الصبية من مايا وقعدت جنبها ...
الصبية : انا وحدة من الفرسان السبعة ... قوتي المميزة قراءة الافكار ورؤية ذكريات الشخص القريب مني .. او الشخص اللي جنبي ... طبعا هالقوة مابتشتغل اذا انا ماحاولت ...

مايا بإستغراب : اهلا وسهلا ... بس كيف قدرتي تتخطي الحراس وتدخلي لعندي ؟!... وشو بيثبتلي انك من الفرسان ومو جاسوسة من عند جاك ...

#أسيرة_الماضي
#بقلم_أمل_الحياة
#الجزء_الحادي_عشر
قاعدين كلهم بغرفة تيم عم يحاولو يهدو ام تيم شوي وينسوها إصابة ابنها ... وسالي عم تفحص تيم مشان تعالجه ...
@rwayate
ام تيم بحزن : طمنينا دكتورة كيف صار ؟!..

سالي : لاتخافي خالة كل شي تمام ...
حطت ايدها مكان الجرح وغمضت عيونها للحظات ... طلع ضو من ايدها واختفا الجرح ... كانو كلهم عم يطلعو عليها بإستغراب ... ابتسمتلهم وشالت ايدها ...
اتفاجئو انو الجرح اللي كان على كتفه اختفى ...

ميلا وهي تمسح دموعها : صار منيح ؟! ..

سالي : عملت اللي عليي ... وبعد شوي احتمال يصحى ... لازم يرتاح كم يوم ... ولازم يتغذى ليعوض الدم اللي فقده ...

ابتسمت ام تيم وحضنت سالي بفرح : يعطيكي العافية يابنتي ... مابتصدقي شقد فرحانة ... الله يخليكي لاهلك ...

سالي بإبتسامة : تسلمي خالة ....

مهند بإنزعاج : ماعنا اهل ...

سالي بعصبية : مهننند ...

مهند : اووف ياااه ... انا رايح اقعد بالصالون ...

غيث : الافضل نروح كلنا عالصالون ونترك تيم يرتاح ...

مهند : معناها انا رايح عالمطبخ 😒...

تركهم وطلع من الغرفة بإنزعاح ...

سالي : ههههههه بتصدقو انو هي أول مرة بشوف مهند معصب ... ياربي دخيلك ما عم اقدر وقف ضحك 😂

ميلا : طلعي كفي ضحك برى بالصالون ...

سالي : يلا رايحة ... وانتي ؟!...

ميلا : انا رح ابقى هون مشان بس يصحى تيم يكون في حدى جنبه ...

ام تيم : تمام عراحتك ...
.
.
.
قاعدين تحت الشجرة عم يرتاحو من الركض ...
مايا : يلا نيرمين ... قومي نكمل طريقنا قبل ماتغيب الشمس ...
........
مايا : يلا نيرمين ...
طلعت عليها بعصبية بس تفاجئت أنها نايمة ... قربت منها وحاولت تصحيها ... بقيت فترة تحاول تصحيها بدون فائدة ... قربت منها أكتر وتحسست حرارتها ...

مايا بخوف : يالله حرارتها كتير مرتفعة ... مو معقول تمرض ونحنا بهالحالة ... شو رح اعمل نحنا بمنطقة مقطوعة ... لك حتى مي مامعنا ...

قعدت جنب نيرمين وصارت تفكر شو رح تعمل ...
كانت متوترة كتير ... خصوصا مو متعودة على هيك اجواء ....
مايا بقلبها ( يالله كنت مرتاحة مع امي وابي ... لك شو جابني لهون ... شو رح اعمل ... الجو بارد والبنت حرارتها مرتفعة وماعم تصحى ... لك قربت تغيب الشمس 😢)
حست بحركة قريبة منها ... اطلعت على نيرمين لقيتها نايمة ومستندة على جزع الشجرة بدون حركة ...
اطلعت حواليها وانصدمت بذئب عم يتطلع عليهم من بعيد وعم يجهز حالو ليهجم عليهم ...

مايا بخوف : لاء ياربي ... اكيد عم أحلم ... مو معقولة تكون نهايتي بكتاب ...
فركت عيونها ورجعت اطلعت مكان الذئب ... لقيته عم يتحرك ببطئ بإتجاهها ...

مايا بتوتر وخوف : لاااء ... مستحيل موت هون ... لازم ارجع عند امي وابي ...
طلعت حوليها بسرعة وقربت عالارض حملت جزع شجر كبير ... وصارت تقرب على الذئب بخوف وتحاول تبعده بالجزع اللي بإيدها وهي تاخده يمين وتجيبه يسار .... مع انو في بينهم أكتر من 10 أمتار ... بس فكرت انو بهالطريقة يمكن تخوفه ... بس للاسف صار العكس ...
. @rwayate
.
.
صحي من نومه وهو حاطط ايده على راسه بألم ... اطلع حوليه ... كانت الصورة قدامة غباش ... شوي شوي توضحت الصورة وشاف ميلا قاعدة عالكرسي جنب التخت ونايمة ... ابتسم على شكلها وصار يتذكر آخر شي صار قبل مايفقد وعيه ..

تيم بقلبه :( آخر شي بتذكره انو ميلا كانت حاملتني بخوف وعم تركض عالبيت .... لحظة لحظة ... كيف قدرت تحملني ؟!!!...) قاطع تفكيره صوت ميلا ...
_ انت صحيت تيم ؟؟؟

اتجلس تيم وهو يحكي بصعوبة : اي صحيت ... من متى نايم ؟!...

ميلا وهي تسنده : خليك مرتاح لاتتحرك ... صرلك نايم ليلتين كاملين ...

انتبه تيم لتغيير طريقة كلامها معه ...
( يالله من متى ميلا بتحكي معي بهدوء وبدون ماتستفزني ... لاء اكيد عم أحلم ... ) قاطع صوت ميلا سلسلة أفكاره ...
_تيم طمني متأكد انك منيح ؟!...

تيم : اي اي حبيبتي منيح اطمني ...

ميلا بخجل : حبيبتي ؟.....

تيم بصدمة : آه اسف بعتذر مانتبهت ....

تلبكت وصارت تحاول تغير الموضوع : ولا يهمك ... جوعان ؟! حضرلك الاكل ؟...

تيم : اي جوعان ...

هزت راسها مع ابتسامة وقامت تطلع من الغرفة ... بس اتفاجئت بإنه مسكلها ايدها ... التفتت لعنده بإستغراب وعلى وجهها علامات استفهام ؟؟؟؟....

تيم بإبتسامة : خفتي عليي ؟...

ميلا وهي متلبكه : لاء... اي... لاء...
توترت وغيرت الموضوع فورا ... انا رايحة جبلك الاكل لازم تتغذى مشان نروح ننقذ مايا ... خايفة يأذوها ...

تيم بإستغراب : ليش وين مايا ؟!..

ميلا : خطفوها جنود ستيفن من يومين قبل ماتغيب عن الوعي ... يمكن أنت من الضغط والتعب مو متذكر ...

تيم بعد تفكير : لحظة لحظة ... يعني مايا عند الأعداء ...
اطلع على كتفه بإستغراب : وين الجرح ؟!. كيف اختفى بهالسرعة ... احكيلي الصدق انا من متى نايم ...

#أسيرة_الماضي
#بقلم_أمل_الحياة
#الجزء_الثالث_عشر

واقفين قريب من القصر عم يراقبو الحرس من بعيد ... وعم ينتظرو اللحظة المناسبة ليدخلو بدون ماحدى يحس عليهم ... ميلا عم ترجف من البرد ... وتيم جنبها عم يضحك عليها لان بيعرف أنها مو متعودة على هيك جو ... مهي اميرة ودايما غرفتها دافية ...

ميلا : اي يااستاذ كيف رح ندخل بدون ماحدى يحس علينا ؟!

تيم : ماتخافي مدام انا موجود كلشي الو حل ...

كانت ميلا واقفة عم تراقب وهي عم تنفخ على ايديها وتفركهم ببعض مشان تخفف البرد ...
ميلا : حلها لكن قبل ماصير قطعة تلج مجمدة ...

تيم : هههههه ماتخافي انتي قوية وانا معك ... وهلق صار فينا ندخل بدون ماحدى يحس علينا بما انو الجو برد والدنيا ليل ...
شلح جاكيته وحطها على كتافها ... حملها وطار فيها لآخر طابق موجود بالقصر ...

ميلا بإستغراب : شو عملت ... انت لساتك مريض ومو منيح البرد الك ...

تيم : ماتخافي عليي انا منيح ومتعود على هيك اجواء ....

دخلو عالقصر من شباك كبير بدون ماحدى يحس عليهم ... وصارو يتسللو بين الممرات مشان ماحدى يكشفهن ويخبر الملك ...
كانت ميلا ماسكة بتيم من وراه وعم تلحقه وين ماراح مشان ماتضيع منه ... وهو عم يراقب الممرات ويمشي بخطوات بطيئة ...
حست ميلا بحدى عم ينقر على ظهرها نقرات متتالية ... وقفت بتوتر وزادت مسكتها لتيم وطلعت وراها بسرعة وصرخت ... صوتها خلا تيم يوقف ويطلع عليها بصدمة ...
ميلا بخوف : زيييد ...

انصدم زيد من صرختها وحط ايده على تمها وهو يهمسلها ...
زيد : هسسس شو ناوية تفضحي حالك ؟ ...

تيم بتوتر : ا م ي ر ... أمير زيد شو عم تعمل هون ... قصدي انو شو جابك يعني ...

زيد وهو يضحك : هههه اهدى وركز معي شوي ... شو انسيت انو انا ساكن هون ... انا اللي لازم اسألك هالسؤال 😂😂😂

اتنهد تيم واخد نفس عميق ومسك ميلا واطلع عليها نظرة حنونة مع ابتسامة بمعنى ماتخافي انا جنبك ... ورجع اطلع على زيد ..

تيم : بعتذر منك بس عنجد توترت شوي ... جينا نطمن على اوضاع المملكة وعليكم ونرجع ...

زيد : مين انت ؟!..

انحنى تيم بإحترام ورجع وقف ومد ايده لزيد : انا تيم واحد من الفرسان اللي رح يحمو المملكة ويضحو بحياتهم مشانها ...

زيد : اهلا وسهلا ... تفضلو على غرفتي لنحكي مشان ماحد يحس علينا من الحرس ...

دخلو على غرفة زيد وسكرو الباب ... ركضت ميلا على زيد وحضنته بفرح وحملته وصارت تدور فيه ... وهو منصدم من تصرفها وكيف قدرت تحمله ...

تيم : خلص بكفي ميلا ...

تركته وبعدت عنه شوي
ميلا : اشتقتلكم كتير ... سامحني لأني هربت ...

زيد : ونحنا شتقنالك ...
قرب منها ومسك ايديها وطلع عليها بحنان وكمل كلامه : اختي بعتذر منك لأني ضربتك كف من كم يوم ... صدقيني وقتها ماحسيت على حالي ... خصوصا انو وقتها زودتيها بالكذب ... ( وقعد يقلدها ) انا مو الاميرة ميلا. انا مايا ومدري شو ...

اطلعت ميلا على تيم وفرطو من الضحك ... وزيد عم يتطلع عليهم ومو فاهم شي ...
قعدت ميلا جنبه وصارت تحكيله كلشي صار بالتفصيل ... وبعد ماخلصت وقفت وسألته عن امها ووصيفتها لونا ...
زيد ارتبك وماعرف شو يخبرها ... حست عليه مخبي عليها شي وسألته بنظرة خوف
ميلا : اخي احكي وين امي ولونا ؟!.. هني بخير صح ؟!..

زيد بحزن : رح خبرك كلشي بس وعديني ماتعصبي وتتدايقي ... كلشي الو حل اتفقنا ؟...

ميلا : اخي ؟؟؟ احكي شو مخبي عني ...
.
.
.
صحيت مايا للمرة التانية على حلم مرعب ... وكانت عم ترجف من الخوف ... حس عليها سام وقعد جنبها وبإيده كاسة مي ...
سام : اشربي مي ولاتخافي ... اكيد كان كابوس ...

اخدت مايا كاسة المي ... شربت المي دفعة وحدة وتنهدت بإرتياح وطلعت على سام بإبتسامة ..
مايا : شكرا كتير الك ...

سام : ولا يهمك نامي ورتاحي ... وكوني متأكدة مارح اتركك لوصلك للمدينة اللي ناوية تروحي عليها ...

مايا بفرح : عنجد شكرا كتير الك ... مابعرف كيف اتشكرك ...

تسطحت مايا وحاولت ترجع تنام ... بس ماقدرت لان طيف كابوسها رجعلها من جديد ...
كانت بمكان عتم كتير ... فجأة ظهر ضوء على يمينها وشافت تيم وميلا وغيث ونيرمين وشبين وصبية ماعرفتهم ...
وظهر ضوء تاني على يسارها وشافت لونا وسما وسام وزيد وشبين وصبية كمان ماعرفتهم ...

قربو كلهم منها وصرخو بصوت واحد : نحنا معك مارح نتركك ... نحنا الفرسان ومساعدي الفرسان ...
بعدها اختفو كلهم ورجعت العتمة من جديد وظهر صوت ضحكة شريرة ... وهون صحيت من المنام ....
.
.
.
كانت قاعدة وعم تتطلع عليه بعدم تصديق ودموعها على خدودها ... وتيم واقف جنبها عم يحاول يخفف عنها ...
ميلا وهي تتطلع على تيم بإنكسار : سمعت ياتيم ... امي كذابة ... لاء اكيد هاد الكلام مو صحيح ... امي حنونة مستحيل تقتل ... امي بحياتها ما ازت نمله ...
اطلعت على زيد ومسكته من ايديه وطلعت عليه بألم ...

ميلا : زيد بدي شوف امي الله يخليك ... اخي بترجاك خدني عند امي ...

#أسيرة_الماضي
#بقلم_أمل_الحياة
#الجزء_الخامس_عشر

كملو طريقهم لوصلو على بيت سام ... تعرفو على اهله اللي استقبلوهم احلى استقبال ورحبو فيهم ... بعدها تغدو وسلمو عليهم وتشكرو حسن ضيافتهم ومشيو مسافرين عالمدينة مع بريهانت اللي اخدت ماريو معها ...
بس وقفهم صوت اخو سام .. ووعدهم يلحقهم تاني يوم بعدد كبير من أهالي القرى المجاورة اللي مابحبو الملك ستيفن وحابين يشاركو بالمعركة ضده ..
اعجب سام بالفكرة واتفقو يلتقو بعد يومين بساحة المعركة ... بعدها ودعهم ومشيو مكملين طريقهم ...

كانت بريهانت ماشية هي وسام قدام بخيولهم ... ووراهم مايا ونيرمين ... كل شخص على حصان ...

نيرمين بهمس : مايا رح احكيلك سر ..

مايا بفضول : تفضلي عم اسمعك ؟!...

نيرمين : بصراحة ... انا معجبة بسام ...

مايا : ههههههه. أخ ياقلبي مو معقول اللي عم اسمعه ههههه ..

نيرمين بإنزعاج : انتي مو معقولة مايا ... خليتيني اندم انو حكيتلك هالسر ...

مايا : ههههه لك انتي اللي مو معقولة ... ماصرلك بتعرفيه غير كم ساعة واعجبتي فيه ... بخاف بكرة انصدم بزواجكم ...

نيرمين بإزعاج : صدقاً انك غليظة ... روحي بطلت احكيلك اسرار ...

مايا : اذا أسرارك كلهم هيك لاتحكيلي ... هههه بمزح معك ... تعالي للجد ... عنجد معجبة فيه ولا عم تمزحي ؟

نيرمين : الله يسامحك هيك مواضيع مافيها مزح ... عنجد معجبة فيه ..

هزت مايا براسها وكملت الطريق وهي صافنة بالارض ...
( كيف صديقتي المقربة معجبة بنفس الشب اللي معجبة انا فيه ... اصحي على حالك مايا ... اصحي على حالك انت من غير عالم وبأي وقت يمكن ترجعي لعالمك لاتخلي مكان للحب بقلبك ... )
طلعت من افكرها وتنهدت وقت سمعت صوت نيرمين عم تنادي بإسمها ...
مايا بتساؤل : نعم ؟.. ليش ناديتيني ؟

نيرمين : وين كنتي صافنة ... يعني ضروري توقفي قوتي ... هي اول مرة بحس حالي عاجزة ... دايما بقرأ افكار اللي حواليي ... يعني خليني اعرف بشو عم تفكري وين المشكلة ...

مايا : لان في اسرار ...

نيرمين : اسرار قلتيلي ... بطلت احكيلك اسراري ... وهه ..
.
.
.
داخلة عالبيت وحاملة كتير أغراض بإيدها ...
لونا : سما تعالي احملي الأغراض معي عالمطبخ ..

سما : ليكني جاية

ميلا : وين كنتي لونا ؟.. من الظهر مختفية ...

اتنهدت لونا بتعب وقالت : آخ كنت بالسوق هلق حتى خلصت ...

ميلا : يعطيكي العافية ... قعدي ارتاحي شوي ...

لونا : ما في وقت لضيعو بالراحة ... في شغلة مهمة لازم تعرفوها كلكم ... وين باقي الشباب ؟

ام تيم : خير ان شاء الله يابنتي .. هني فوق بغرفهم ...

لونا : بعتو حدى يناديلهم لو سمحتو ... مارح احكي ليجتمعو الكل ...

ام تيم : تمام ... يا سامي....

سامي (اخو تيم 9 سنوات) : نعم ماما ...

ام تيم : اطلع لفوق نادي للكل ضروري ...

سامي : حاضر ماما ...

ميلا : خير ان شاء الله شغلتي بالنا ...

لونا : اصبري سيدتي ... لحظة ليجتمعو الكل ...

بعد لحظات اجتمعو كلهم بالصالون ... وعلامات الاستغراب على وجههم عم ينتظرو لونا لتحكي ...

لونا : من شوي كنت بسوق عم جيب أغراض للمطبخ ... صادفت بطريقي شاب ملثم عم يسأل الرايح والجاي على فرسان النصر ... للصراحة خفت منه انو ليش عم يسأل عنكم ... حبيت خبركم لتاخدو احتياطاتكم ...

هيثم : اممم غريب امره ....

تيم : وين شفتيه بالضبط ؟

لونا : بسوق ... بتحبو اخدكم لعنده ..

تيم : أي ياريت ... لازم نقبص عليه ونعرف شو عم يخطط ...

هيثم : تمام رح روح معك ...

سالي : ومهند بيروح معكم ... رح يساعدكم كتير ..

ميلا : وعدو على بيت غيث كمان ممكن يفيدكم ..

طلعو كلهم متوجهين على بيت غيث ... اخدوه وراحو عالسوق ... وطول الطريق عم يخططو شو رح يعملو ... او شو ممكن يكون هدفه بالسؤال عالفرسان ...
بعد لحظات وصلو على سوق المدينة ولقيو الشاب اللي حكت عنه لونا ...
تيم : متأكدة هاد هو ؟

لونا : اي متأكده ...

غيث : تمام يعطيكي العافية روحي عالبيت وبعد شوي منخلص شغلنا ومنلحقك ...

راحت لونا عالبيت وتوجهو الشباب عند الشاب المجهول ...
تيم : مرحبا ...

الشاب : اهلا ...

هيثم : سمعنا انو عم تبحث عالفرسان السبعة ؟

الشاب : اي صحيح ... بتعرفو شي عنهم ؟!...

مهند مع ابتسامة لطيفة : ليش عم تسأل عليهم ؟!

الشاب وهو صافن بمهند : القصة طويلة ... اخي جاسوس لهي المملكة وهو حاليا مع جنود مملكة الظل ... انا بقدر اتواصل معه من خلال الناي ... هو ناي سحري مافي غير واحد منه بكل العالم ... هو بيعزف عالناي وانا بعرف بشو عم يفكر من خلال هاد الدفتر ... يعني بإختصار بتوصلني متل الرسالة من اخي من خلال عزف الناي ...
ومبارح وصلتني رسالة منه بتقول انو الملك ستيفن جمع جنوده وتوجهو لهون بغرض الحرب ... وحكالي انو خلال يومين بالكتير بيوصلو عالمملكة ...
وانا عم ابحث عالفرسان مشان احكيلهم هالشي وانذرهم مشان يجهزو حالهم ...

#أسيرة_الماضي
#بقلم_أمل_الحياة
#الجزء_السابع_عشر

ارتفعت رايات النصر ... وبدأو الجنود يهتفو بالفوز ...
الكل كان مبسوط وفرحان ... كانت الخسائر كبيرة بس المهم انهم انتصرو ...
كنان مات وماقدرو ينقذوه لهالسبب دفنوه بعد انتهاء الحرب مباشرة .. وسام متصاوب بكتفه وعم ينزف كتير .. نقلوه على بيت تيم ليعالجوه ... وهيك اجتمعو الفرسان كلهم ببيت تيم ...
قربت سالي على سام وحطت ايدها عالجرح وبثواني اختفى الجرح ووقف النزيف ... بس لساته غايب عن الوعي ...

مايا بتساؤل : انتي من الفرسان ؟

سالي : اي انا سالي وحدة من الفرسان .. يالله شو بتشبهي ميلا ...

مايا : اهلا وسهلا فيكي ...

تعرفو الفرسان ومساعديهم على بعض وفرحو كتير بجمعتهم ...
مضى اليوم متعب على الكل لهالسبب نامو بكير ...
بس مايا بقيت طول الليل سهرانة جنب سام بإنتظاره يصحى ...
ونيرمين عم تراقبها من بعيد بقهر

اشرقت الشمس معلنة عن يوم جديد ومغامرات جديدة ...
صحي سام واتفاجئ بمايا قاعدة حده وعم تتطلع عليه ...
مسكلها ايدها بإبتسامة : مايا ...

مايا بفرح : سام ... الحمد لله يارب ... طمني كيف صرت ... كيف حاسس؟

سام : منيح الحمد لله بس تعبان شوي ... وين انا ...

مايا : انت ببيت تيم .. شاب من الفرسان ...

سام : خفتي علي ؟

مايا : اكيد خفت عليك ... مو انت صديقي ...

كانو عم يحكو ومو منتبهين للعيون اللي عم تتطلع عليهم وتسمع حديثهم بألم وكره (نيرمين)

سام : بس صديقك ؟

مايا : شو قصدك

سام : مايا انا بحبك و..

مايا : لاتكمل .. اسمعني اول .. انا اعجبت فيك من اول ماتعرفت عليك ... ومع مرور الايام حبيتك ... اي حبيتك ...

نزلو دموع نيرمين وتركتهم وطلعت من البيت بحزن ...

مايا : بس مستحيل نكون لبعض .. انا من غير عالم ورح ارجع لعالمي بأي لحظة ... وصديقتي المقربة بتحبك ... وانا مستحيل خونها ...

سام : بس انا بحبك انتي ...

مايا : مستحيل هالشي بعتذر منك .. وبتمنى تعطيها فرصة لنيرمين .. صدقني أنها طيوبة ورح تلبقو لبعض ...

تركته صافن وطلعت من الغرفة ... راحت عالمطبخ تساعد سما بتحضير الفطور ... وبعد ساعة اجتمعو كلهم على طاولة الاكل ...

مايا : وين نيرمين ؟

هيثم : طلعت من البيت الصبح بكير بس مابعرف وين راحت ...

مايا بإستغراب : بس نيرمين مابتعرف المنطقة هون ... وين ممكن تروح ؟

هيثم : اللي عدت فيه مو قليل ... خليها تشم هوى وتصفي ذهنها ... مملكتها ناطرتها

سما : كيف يعني ؟

هيثم : يعني هي الوريثة الوحيدة للمملكة بعد موت ابوها واخوها ...

بهالحظة دق الباب وراح سامي اخو تيم وفتح الباب ...
دخل غيث وجدته ..

غيث : مرحبا ... كيفكم ... ماشاء الله صاحين بكير ...

ام تيم : أي والله تفضلو فطرو معنا ...

غيث : شفت نيرمين من ساعة راكبة الخيل وطالعة من المدينة مع عدد من الجنود ...

وقفت مايا وحطت الخبزة عالطاولة بإرتباك : وين راحت ..

غيث : قال راجعة على قصرها مشان تتفقد احواله وترجع الوضع متل قبل ... وبعتتلك رسالة على لسانها بتقول
اسمعت كل شي حكيتوه انتي وسام وبتمنالكم التوفيق ياخاينة ...

مايا بصدمة : شوووو ... نيرمين هيك حكت ...

سام : اهدي شوي .. اكيد ماسمعت الحديث كله ...

مايا : بس مفكرتني خنتها ... شو رح اعمل هلق ... لازم فهمها اللي صار ..

قاطعهم دق الباب واتفاجئو بالأمير زيد ...

زيد : اكيد متفاجئين ... بس جيت اخذكم معي عالقصر ..
الليلة في حفلة كبيرة بمناسبة النصر والملك حابب يتعرف عليكم ويستضيفكم بالقصر اسبوع ...

ميلا : وانا كمان رح روح ؟

زيد : اي اكيد ...

ميلا : بس بابا...

قاطعها زيد : الملك سامحك وقرر يرجعك عالقصر ويعتذر منك كمان ...

ميلا : وماما ؟!

زيد : هالشي بتسأليه للملك ...

اتجهزو كلهم وراحو مع زيد عالقصر ...
استقبلوهم الخدم والوزراء ... واخدوهم عند الملك ...
دخلو على غرفة الملك والقو التحية وعرفو عن حالهم .. وبعدها راح كل شخص على غرفته بمرافقة خادم او خادمة ... ليجهزو حالهم للحفلة اللي رح تصير بعد كم ساعة ...

كانت ميلا واقفة قدام المراية وعم تدور بفستانها الطويل الإبتسامة كبيرة .. ولونا واقفه حدها وعم تتفرج عليها ..

ميلا : حلو شعري هيك ؟

لونا : بطيري العقل ...

قاطعهم صوت دق الباب ...

ميلا : تفضل..

دخل تيم عالغرفة وهو بكامل اناقته وهيبته ..
تيم : شو ماخلصت اميرتنا ...

ميلا : مبلا خلصت ... بس البس الطوق وأجي

قرب تيم منها ومسك الطوق : انا بلبسك ياه ...

قرب منها أكتر ولبسها الطوق وطبع بوسة على راسها
تيم : طالعة بتجنني ...

ميلا : وانت كمان ..

لونا : احم احم ...

تيم وهو ينتبه : هاه ... اي يلا نازلين ...
مسكلها ايدها وطلعو من الغرفة متوجهين لقاعة الاحتفال

كان الاحتفال كبير وبضم عدد كبير من التجار والنبلاء ...
والفرسان كلهم موجودين عدى نيرمين ...
الكل لابس احلى لبس وفرحانين ومبسوطين وعم يرقصو ...

قرب سام من مايا وطلب ترقص معه بس رفضت ...

#أسيرة_الماضي
#بقلم_أمل_الحياة
#الجزء_الثامن_عشر_والاخير

بعد انتهاء الحفلة طلبت مايا من الفرسان والمساعدين يجتمعو كلهم بغرفتها ...
استغربو من طلبها بس اجتمعو ليعرفو شو بدها ...

مايا : اكيد مستغربين ليش جمعتكم ... انا متل مابتعرفو من غير عالم ... ولازم ارجع لعالمي بأسرع وقت ...
وليصير هالشي بدي مساعدتكم ... ومساعدة نيرمين ...
بترجاكم ساعدوني لارجع لعالمي ورح اتمنى السلام لهالكتاب ...

زيد : فيكي تبقي هون بعالمنا ورح نعاملك احسن معاملة ... رح نعتبرك وحدة منا ...

مايا : متفهمة موقفك بس صدقني مابقدر ابقى هون .. لازم ارجع لوطني وعالمي ... اهلي عم ينتظروني ...

هيثم : طيب كيف فينا نساعدك ؟

مايا : لازم شوف نيرمين وفهمها سوء التفاهم اللي صار
وبس نجتمع كلنا بمكان واحد رح اتمنى ثلاث امنيات ومن ضمنهم انو ارجع لعالمي ...

ميلا : هيك رح تتركينا بهالسهولة ... والله تعودنا عليكي ...

مايا : والله رح اشتقلكم ... بس مهمتي خلصت ولازم ارجع ...

تيم : المطلوب هلق انو تشوفي نيرمين ؟

مايا : اي

تيم : جهزي حالك رح نروح بكرة لعندها

مايا : بس انا وانت ؟

تيم : اي رح نروح طيران ... ومابقدر احمل اكتر من شخص ...

مايا : تمام ...
.
.
.
تاني يوم المسا بمملكة الظل ...
الحارس : مين انتو ؟!

مايا : قلها صديقتها ...

الحارس : بعتذر منك الملكة رافضة تشوف حدى ..

مايا : لازم شوفها ضروري ...

الحارس : مين قلها .. قصدي شو اسمكن

تيم : قلها الفارس تيم ...

دخل الحارس عالقصر ورجع بعد شوي عند مايا وتيم ...

الحارس : تفضلو ...

دخلت مايا وتيم عند نيرمين ... واول ماشافت مايا امرت بتقليعها من القصر ...
@rwayate
مايا : اسمعيني بعدين قلعيني ...

نيرمين : شو بدي اسمع أكتر من اللي سمعتو هداك اليوم ...

مايا : انتي ماسمعتي كل الحديث ... رح اسمحلك تقرأي افكاري وتشوفي ماضيي ... وفيكي تشوفي شو صار هداك اليوم ... صدقيني انا بحبك وبردلك الخير انتي وسام ...

قربت نيرمين منها غمضت عيونها للحظات بعدها نزلو دموعها وصارت تبكي ..
نيرمين : مايا انا اسفة ... فهمتك غلط ...

مايا : ولا يهمك .. وهلق بدي منك تساعديني ارجع لعالمي ...

نيرمين : تكرمي ... الف طلب متل هالطلب ..

تيم : معناها انا ومايا رح نرجع عالقصر الليلة .. وانتي بتلحقينا مع خدمك وحراسك ...

نيرمين : خليكم اليوم وبكرة بتروحو ...

تيم : لاء وعدت ميلا ما اتأخر ...

نيرمين : تمام على راحتكم ... ان شاء الله اسبوع بكون بمملكة الضوء ...

مايا : ونحنا بإنتظارك ...

تركو قصر الظل ورجعو طيران بنفس الليلة على قصر الضوء ... وصلو تاني يوم الصبح ودخلو عالقصر ... اتفاجئو بحالة القصر المتوترة ... سألو الخدم شو في ليش الكل مرتبك والقصر صاخب ..

الخادمة : توفت اليوم الملكة شهرذاد وهي بالزلزالة

تيم بإستغراب : كيف ماتت ؟؟

الخادمة : والله ماحدى بيعرف ... دخلو الخدم ليوصلولها الاكل لقيوها ميتة ...

تيم : وميلا وين هلق ؟

الخادمة : هي بغرفتها ... قافلة عحالها الباب وما عم ترضى تحكي مع حدى ...

تيم : طيب فيكي تروحي ... بالاذن مايا بدي روح شوف ميلا واطمن عليها ...

مايا : عادي ولا يهمك ...
.....
وصل تيم على غرفة ميلا ودق الباب
ميلا : قلتلكم روحو من هون ما بدي شوف حدى ..

تيم : انا تيم حبيبتي فتحيلي الباب ...

بعد لحظات انفتح الباب ورتمت ميلا على تيم وحضنته ...
ميلا : قتلوها ياتيم ... قتلولي امي ...

تيم بإستغراب : مين قتلها ... احكي مين ؟!...

ميلا وهي تبكي بحرقة : اكيد ابي او اخي زيد ... انا شو ذنبي حتى حرموني من امي ...

تفاجئت بزيد واقف جنبهم
زيد : اختي صدقيني انا ماقتلت أمك ... صحيح كنت اكرهها لانها قتلت امي .. وكنت ناوي انتقم منها واقتلها ... بس شلت هالفكرة من بالي وقت شفتها جنت ... وقلت ربنا انتقملي منها ما في داعي اقتلها ... صدقيني اختي والله ماقتلت أمك ...

ميلا وهي تحضنه : اكيد بابا قتلها ... اكيد انتقم منها .. وين بابا بدي شوفه ... بدي عاتبه ...

زيد : من وقت عرف بوفات أمك وهو بغرفته ...

ميلا : خدوني عنده ...

راحو على غرفة الملك ودقو الباب اكتر من مرة بس ما في جواب ..
زيد : ياحراس ... اخلعو الباب ...