- نارين : قلتلا الرسالة رح تاخد من وقتك ثواني بس رح تفيدك لاخر العمر .. ديري بالك ع حالك كتيرر منيح لان في عالم بدا تقتلك
وكتبتلا باخر الرسالة فاعل خير
- شيراز : وشو ردت
- نارين : انا حظرتا فورا وكسرت الرقم
- شيراز : وليش
- نارين : مشان اذا فعلا كان فيها تقدر تعرف لمين الرقم هلأ الرقم انحرق بحححح
- شيراز: والله تاري بيطلع معك يا اختيي
___________________
#مضى اسبوعين بحالة هدوء وطبعا ادهم عم يقول لشيراز انو البيت مش جاهز وشيراز عم تلاحظ ع نارين انها مخبية شي بس ما عم تعرف شو هاد الشي يلي ممكن تكون مخبيتووو
- شيراز : شو عم تعملي
- نارين : بسم الله . طيب ليش بتجي هيك بدون صوت بدك يصير معي سكتة قلبية
- شيراز : شو عم تخبي
- نارين : ولا شي
- شيراز : صرلك اسبوعين ع هالحالة
- نارين : طيب بعرفك عنيدة تمام انا عم خبي شي
- شيراز : شو هووو ؟؟
- نارين : ما بقدر قلك هلأ بس بوعدك لما يكون كل شي جاهز رح خبرك
- شيراز : ايمتى يعنيي
- نارين : شغلة كم يوم وحياة عيونك
- شيراز : ماشي رح انطر يومين بس وبدك تخبريني كل شي حتى لو ما كان يلي بمخك جاهز
- نارين: بتأمري
#تاني_يوم
- نارين : صباح الخير
- ادهم: صباح النور شو اليوم فايقة بكير غير العادة
@rwayate
- نارين : مزبوط عروة قلي انو هو بدو يطلع بكير ع الجامعة وقلت بروح معو احسن ما روح لحالي
- ادهم : ههه ماشي ماشي
- عروة : اي يلا لكن
- نارين : بس لسه ما فطرت شبك
- عروة : بتفطري بالجامعة بما انو ما عندك محاضرات بكير
- نارين: طيب يلا
#بالسيارة
- عروة : صار معك شي جديد
- نارين : لا .. رح جن
- عروة : مين ممكن يكون
- نارين: هاد يلي رح يجنني انو ما في ولا اي شي يدلنا عليه .. اديشو ذكي
- عروة : لا تخافي لسه معنا وقت
- نارين: شو رح نستفاد من الوقت عم قلك هالشخص ذكيي ذكيي لدرجة ما معقولة يعني ولا اثر ولا اي شي عم يترك وراه بلشت شك انو حتى العصابة ما بتعرفو وجها لوجه
- عروة : يمكن
- نارين : شوو
- عروة : يمكن ما بتعرفو يعني مو معقول مو مذكور حتى اسم الو
- نارين : ممكن يكون ما موجود
- عروة : كيف ما موجود ونحن متأكدين انهن ٤ اشخاص
- نارين : ما بعرف
- عروة : طيب هلأ وصلنا ع الجامعة المسا منحكي ماشي
- نارين : ماشي
____________
#المسا
- مروة : هاا ليكو اجى عروة
@rwayate
#قامت شيراز ركضت
- شيراز : وين نارين
- عروة : ما بعرف
- شيراز : كيف ما بتعرف مو هي بتضل معك لا تجنني
- عروة : وحياة الله ما بعرف
- شيراز : يا ربي دخيلكك
- ادهم : اهدي شوي هلأ ما بتشوفيها غير اجت
- شيراز : هلأ بدي اختيييي عم تفهم انت كيف بتتركا لوحدا بمدينة جديدة عليها
- عروة : انا ما تركتا .. كان عندي محاضراات ولما طلعت دقيتلا وطلع جوالا مغلق نطرت شوي ما اجت ف فكرتا رجعت ع البيت لحالا
- شيراز : ما رجعت .. ما رجعت .. ما رجعت وانا عم حاول دقلا من ساعتين واكتر
- مروة : وين بدا تكون راحت البنت
- عروة : خبرتو الشرطة
- شيراز : هه قال ما رح يبلشو بحث الا لما يمرق ٢٤ ساعة
- عروة : طيب بلكي بتكون طلعت مع رفقاتها
- شيراز : مستحيل كانت خبرتني بتعرف انو بالي رح ينشغل
- عروة : رح جرب دقلااا
- ادهم : ما ح تستفاد مسكر خطا
- عروة : طيب طالع دور عليها
- مروة: وين بدك تطلع بنص الليل
- عروة : ما بعرف بس لازم ترجع ما لازم يصرلها شي
- شيراز : وانت ليش متوتر ؟؟ شو يلي رح يصير لاختي
- عروة : .......
- شيراز : عم بسألك ما تجاوب شو ممكن يصير لاختي
- عروة : وانا شو بعرفني كل يلي بقصدو انو المدينة مو آمنة
- شيراز : يا الله.. يا الله
_________________