@rwayate
# زينب :- لاء والله العظيم ما عملت الحرام
رأفت :- والحيوانات يلي هربوكي ..هني ساعدوكي لسواد عيونك ماهيك
زينب :- ماحد هربني انا هربت لحالي
ميسون : رأفت
رافت :- اسكتي ميسون
ميسون :- لاء مارح اسكت حاجي لهون وبكفي خلص يا انا يا هي هون ماعاد فيني اتحمل..
رافت :- روحي من وجهي هلق ماني ناقصك
ميسون :- احكي شي مرت عمي
حماتي :- شوبدي احكي هالعالم عم يحرقوا قلبي يوم عن يوم..
رافت :- لاء يا امي ان ماخليت يبرد قلبك ما اكون اسمي رافت
حماتي :-شو رح تعمل
رافت :-رح. اخدها لجماعتي ليقيمو الحد عليها.هاي عار ع اهلها وعلينا ..
زينب :- لك اخرسوا..انا ما غلطت هاد ابنكن
رافت :- مين يلي يخرس ولي..
(( شفتو جاي لعندي بدو يضربني مابعرف كيف صرت بالمطبخ وحاملة سكين وعم هدد فيها ..
زينب :- ماحد يقرب عليه ماحدا
حماتي :- لااااااااااااا لا ترجعي تحرقي قلبي
ميسون :- عيلة مجرمين
رافت :- شو بدك تقتلينا ست زينب..اكمشي السكين منيح وحاجي ايديكي يرجفوو
حماتي :- رافت
رافت :- استني امي مابيطلع من ايديها شي خليها تقرب تعي ياحلوة
زينب :- انتو مابترحمو بكفي يلي عملتوه فيني
حماتي :- شو عملنا لالك فوق ما قبلنا فيكي مقابل دم ابني يلي لهلق مابرد دموو
زينب :- ماذنبي انا..روحو خدو حقو من يلي قتلوو
رأفت :- رح اخدو وحيات عيونك رح اخدوو..بس بكير بالاول لازم احرقكن واحد واحد
حماتي :- حاجي خلص انت وهي..
(( اتغيرت كل المعطيات من حماي ادخل ..ولاول مرة كنت اسمع صوتو ..كنت حسو ما الو هيبة ويلي مسيطر هو رافت وامو ع البيت.. كان عم يمشي خطواتو باتجاهي وانا عم اتراجع لورا خوف...لوصل لعندي واخد مني السكينة بهدووء..
حماتي :- ابو رافت هاي مجنونة
حماي :- اسكتي خولة اسكتي
رافت :- شو يابي شو بدك تعمل
حماي :- شو ناطرني لاعمل ..اتبهدلت بين العالم من كل ما ادخلو مخاتير بحياتنا
حماتي:- شو يعني رح تسكت عن حق ابنك
حماي :- لاء بس بكفي يلي عم يصير فتنا بمتاهات بدها حلم الله.
رأفت :- شو يابي بدك تترك اخي هيك روحو معلقة بين السما والارض وحقوو
حماي :- حقو وصلنا وصارت مرتك حامل
رافت :- ههههه حامل غابت شهرين ورجعت وبدك سدق انها حامل مني.
زينب :- والله العظيم ماحد لمسني
رافت :- انتي شايفتينا اغبياء شي..تعي لهون
زينب :- لوين اخدنيى
رافت :- بتعرفي
زينب :- اتركني
رافت :- قلت تعي وحاجي علاك
(( اخدني بالقوة ع السيارة ماكنت بعرف لوين رايحة وماحد وقفوو..كنت اصرخ واحكي واتخانق وابكي وابد صم اذنو عني..لوصلنا لمكان بقولو عنو الجبهه..نزلنا وفتنا لجو لعند نسوان مابعرف شو ملتهن ..
رافت :-لاتخلوها تتحرك من هون
(( هني كمشوني وفات لغرفة جوا ماكنت بعرف وين.. تركني بين نظرات النسوان المخيفة ..ساعة ونصف كانو كافيين ليطلع من جوا عيونوا عم يحكو غضب جديد..ومن بعدو طلع رجال اربعيني بدقن سودااا ومابريح القلب بالمرا ..تيابو ووجهو وكل شي فيه بيحكي عن حياة عذاب جديدة رح تقابلني كان يقولو لالو ابو النجار
ابو النجار :- جهزوها
(( قلن هيك وماكنت بعرف لشو قصدن بجهزوها ..اخدوني لجو وشلحوني تيابي وصارت تجبرني اغتسل غسول طهور .واتوضاا..الله لايسامحهن..كنت عم اتصرف وماكنت بعرف لوين روح..جابو جلابيه لونها ابيض ..وحجاب ابيض ولبسوني اياه..وهني برددوا كلمة الله يغفرلك ..الله يغفرلك مصيبتك..الله يجيرنا ..الله يبعد عنا شر الزنا ويحفظ فروجنا 😭 😭
زينب :- شو يعني ..ليش هيك عم تعملو
..بدهن يقيمو عليكي الحد لتروحي لعند الله خالية من الذنوب..
زينب :- ذنوب شووو
...الله يغفرلك اهلك ماعرفو يربوكي الله يسامحهن قلة دين ..
زينب :- بعدني عني لا تلمسيني ..انا اطهر وانضف منكن
.. الله يغفر الله يغفر ..
ابو النجار :- جهزتوها
...اي شيخنا
ابوالنجار :- اتوضت
..اي الله يرحمها برحمتو
زينب :- لوين اخديني
...مشي اختي مشي
زينب :- لوين
((, اخدوني لساحة فارغة ..وكلا رجال معهن سلاح مجتمعين وكانو ناطرين المختار وابي ليجوو مشان يقيمو عليه حد الزنا..نزلوني بحفرةونطرو وصول ابي..صرت نادي عليه يا ابي الله يخليك ..والله ماغلطت وبحلف ع المصحف..طيب والله حرام..وصرت اترجاهن وادعي عليهن لوصل يلي بلقني الشهادة ومن وصل وقلتو فيني احلفت ع المصحف اني ماغلطت واني حامل بإبنوو واني هربت لانو بيضربني وانو سادي..وقت سمعني قلت هيك هجم عليه رأفت ليرمي عليه حجر ويقيم الحد بنفسو..رجعو الشيخ..وقلن بالدين مافينا نقيم عليها الحد لتولد الطفل...
صرخ رافت بصوت عالي..
رافت :- لاء هالشي بصير هي والطفل ابن حرام لازم ينقام عليها الحد..