📚قصص||روايات||منوعة📚

3?
قلي هالبنت مزعجة ومافي محل مابتدخله وبتلزق الزباين فيه .. إسمها أم الستة .. وصارت مشهورة قد مانطردت من المح?ت .. حكيتله ليه أسمها هيك .. حكالي ?نه إلها ست أصابع وإذا مانطردت بهالطريقة بتتوحش وبتصير تضرب بإيدها وأصابعها يلي متل الخشب .. بس باينها اليوم عق?نة الظاهر غلّتها منيحه .. حطلّنا الكاسات وراح .. وأنا صرت بفكّر .. حكتلي دعاء بشو سرحتي .. قلتلها أمشي معي بسرعه .. حكتلي ماشربنا شي .. طلعت من المحل وصرت أركض وأدوّر عليها .. حكتلي لشو عم تركضينا .. قلتلها وين راحت ..! حكتلي مين قصدك .. حكيتلها البنت .. قالتلي شو بدك فيها .. حكيتلها هي البنت يلي رح تخلصني من خالتي .. رح أخلص منها بهالطريقة .. حكتلي كيف؟ .. قلتلها بدي أجيبها على البيت ورح أترك ردة الفعل ?لها .. تخيّلي المواصفات يلي قالتلي عنها الصبح بالبنت يلي شافتها بتشبه هالبنت .. بس هي عيبها انه شعرها مجعد من الشوارع والوسخ .. البنت اكيد ما الها حدا وفي حد مشغلها لتبيع .. باين من شكلها .. قالتلي يعني رح تتبنيها؟ ..! قلتلها ? طبعاً .. بس بدي أكشف خالتي اذا مجنونه أو ? .. اذا شافتها وتعلقت فيها وقالت انه هي بنتها بتبقى مجنونه .. واذا نبسطت فيها بس ما تعلقت فيها وحستها انه مو بنتها بيبقى مافيها شي وكل يلي بصير معها تهيؤات وانا هيك بتأكد إنه
بعقلها شي أو ? .. حتى أرتاح من شكوكي بشغ

لة فقدانها للذاكرة يلي قالت عنه .. ? تنسي هدول أهلي يلي مشكك فيهم .. يعني أنا ممكن أكون لقيطة أخدتني وربتني وهيه مو واعية مين أهلي .. وغير هيك كنيتي غير عنها ويمكن حتى هيه ماتطلع خالتي .. حكتلي خيالك واسع الظاهر نعديتي من أيهم بهالفترة القصيرة .. قلتلها صدقيني معي حق ومو من خيال هالشي .. أخدنا الحكي ونحنا نمشي ونتشاور لعتمت الدنيا .. رجعت على البيت بعد ماحطيت البنت براسي .. وكانت خالتي طبيعية وعم تحضر تلفزيون وتقشر فواكه وتبتسم للشاشة .. حكتلي ادخلي سخنتلك الغدا .. استغربت من تصرفها ودخلت على غرفتي ?غير م?بسي .. وفجأة قطعت الكهربا .. عتّم كل شي فجأة ومديت إيدي على الباب وفتحته .. حكيت لخالتي وين حاطة الشمع .. أنا مو شايفه شي .. خالتي وين رحتي؟ ..! وفجأة حسيت شي قرّب من إيدي .. هزيتها عليه كان شي قاسي .. مسكته وتلمسته .. عرفت إنها شمعه .. قلتلها خالتي اعطيني ولعه أو كبريته .. مو وقت صدماتك ه? .. وفجأة سمعت صوت بغرفة خالتي البعيدة عني .. فتح الباب وطلع ضو .. كانت خالتي حاملة شمعه وقريبة من وجهها .. حكتلي ساعه للقيت شمعه .. وقت الكهربا كنت عم بشوف مسلسل والظاهر الهوا اليوم قوي .. إذا هيك أولها كيف هالشتوية رح تكون .. حكيتلها خالتي إنتي ماكنتي جنبي من شوي؟ !

#يتبع ...
#madeha

3?
ضلت تتصفن فيها .. وآخر شي قالتلي مين هاي ..! استغربت من ردة فعلها .. توقعتها تحكي شي تاني .. قلتلها بنت حابة تتعرف عليكي .. طلبت من تا? تروح لعندها .. قربت منها وباستها على خدها .. ماعرفت شو يلي خ?ها تعمل هيك .. خالتي فوراً ضحكتلها وقالتلها شو اسمك .. قالت تا? .. حسيتها فرحت .. وحسيت انه البيت عاجبها كتير ومبسوطه .. بقيت كل النهار بتحكي معها وبتطعميها وفرحانه فيها وانا بتطلع عليهم ومابحكي وفرحانه انه رح أخلص من تهيؤات خالتي .. بس يلي استغربته انه البنت بتضل تروح لجوا وتتركنا قاعدين وتمشي بالبيت وتتفتل وترجع لعنا .. كل ساعه او ربع ساعه تعمل هالشي .. أجا الليل وحسينا انه الهوا رجع قوي بهالليلة .. وكان باين رح تمطّر .. سألتها وين حابه تنامي؟ .. قالت لو عندك بكون مبسوطه .. حكيتلها أص?ً سريري كبير ورح تنبسطي فيه .. حكت أكيد .. خالتي قالت ? بتنام عندي بس البنت اصرّت تنام جنبي .. حكتلها شفت عندها ألعاب كتير وبدي ألعب معهم .. قلتلها ألعابي عحسابك .. دخلت معي لجوا .. وفرشتلها جنبي .. قلتلها ليه حكيتي بدي ألعب معهم قصدك عن ا?لعاب .. قالت ? .. انتي والبنت يلي هون بالبيت .. معك ومعها .. تطلعت فيها وقلتلها أي بنت ! ؟ حكت في بنت هون بالبيت كنت ألعب معها طول اليوم .. بس ه? راحت .. قلتلها انتي شفتي بنت بالبيت .. حبيبتي مافي حد هون .. حكتلي بدي أخبيلها هاللعبة .. ه? بتيجي تلعب .. قلتلها كيف شكلها البنت .. قالت بتشبهني وشعرها متل شعري .. بس ما الها اصبع سادس بإيدها اليسار متل أصبعي .. خفت كتير من ك?مها وصرت أتطلع على الغرفة وعالممرات .. خالتي رميزة صارت تطفي با?نارة لننام وطفت كل البيت .. بهاللحظة قشعر بدني وماعرفت أتصرف .. معقول ..! كل خيا?ت خالتي صحيحة ..! خالتي مو مجنونه ..! عم تشوف بنت بالبيت وفي روح بنت علقانه البيت فع?ً .. قلتلها حبيبتي بركي انتي توهمتي .. وشفتي شي مو صح .. قالت ? ? .. بالع?مة اعطتني شي اعطيكي ياه .. قلتلها شو هوه؟ .. حكتلي استني .. دخلت لجوا وهيه مو خايفة من العتمه و? البيت .. وانا واقفة مكاني وبتطلع .. كان بإيدها شي .. ورقة ! اعطتني ياها .. وقالتلي خدي .. ماكانت ورقة .. كانت الصورة يلي مزعتها ! يلي رميتها من الشباك وقطعتها شقف مجمّعة وملزقة منيح .. وطرف وجه بابا ووجه ماما يلي طيّره الهوا ودخل البيت موجود بالصورة ..! يعني البنت كانت معنا ..! مسكتها وإيدي صارت ترجف .. قلتلها متى اعطتك ياها .. حكتلي لمّا تركتك قاعدة مع خالتو الكبيرة يلي جوا ورحت دخلت جوا نادتني وقالتلي اعطيكي ياها .. حكيتلها نامي .. تطلعت على الصالة .. ظلمه .. وأنا برجف .. مسكت تلفوني ورنيت ?يهم .. قلتله أيهم .. في شي مو طبيعي عم بصير
يتبع ..
#madeha

#الحلقة_السادسة 6

قلي شو .. قلتله الصورة يلي مزعتها كاملة بإيدي وملزقة من جديد بشقفها يلي طارت ولحقناها اليوم .. حكالي كيف هيك ..! فهمته على كل شي .. قلي رزان ديري بالك على حالك .. انا خايف عليكي .. تعرفي إنه الفيلم يلي شفته في أحداث بتشبه يلي عم بصير كمان .. أنا مصدوم .. قلتله كيف ..! قلي قلتلك بنت البطل بتطلع حقيقة .. وبشوفها وبتظهر آخر شي .. بس هوه بموت .. ونهاية الفيلم مأساوية .. أنا خايف عليكي .. حكيتله أنا خايفة كتير .. أنا ه? مو عارفه كيف بدي أنام .. بقيت بحكي معه وأخدني الحكي وهوه بطمنّي .. لفيت راسي مالقيت تا? .. حكيتله تا? طلعت .. مالمحتها .. حكالي خليكي عم تراقبيها .. اذا فع?ً هيه شافتها يبقى صارو تنين يلي بشوفوها .. خالتك وهالبنت .. وإذا هيه عم تهرب من خالتك ومابدها تشوفها .. ففرصة تعرفي شو بدها وليه ساكنة البيت من تا? .. ?نه الظاهر حبتها ..!! سكّرت الخط .. كنت متشتته .. ناديت بصوت واطي .. تا? وينك؟ .. صرت بخاف من البيت .. دخلت للصالة شفت ضو المطبخ ضاوي .. قربت منه .. مديت عيني لعندها شفت تا? فاتحة الت?جة وحاطه أكل .. وكاستين عصير .. قلتلها متى طلعتي ماشفتك .. قالتلي من بعد مادخلت للغرفة صاحبتي وقالتلي جوعانه .. قلتلها انتي شايفيتها ه? .. حكتلي ? رايحة تنام .. قلتلها وين دخلت .. حكت لجوا .. اخدت تا? من أيدها بسرعه ودخلت معها لجوا .. قلتلها شوفيها وين موجودة .. حكتلي مارح أحكيلك .. قلتلها ليه .. قالتلي وعدتني ما اقلك شي .. بس بدي أقلك .. انه هيه مابتحبك .. دخلت غسلتلها أيدها وماحكيت و? شي .. بقيت طول الليلة خايفة وبرجف .. نيّمتها عالتخت وصرت بتطلع على الباب .. بأي لحظة بيجيني شعور أشوف
بنت داخلة عالغرفة ..

أو تكون جنبي فجأة .. حتى شعرت بالخوف من تا? وهيه نايمة .. وبقي ك?مها براسي عم بنعاد .. البنت مابتحبك .. البنت مابتحبك .. لغاية ماغفيت .. كنت من تعبي حاسه نفسي شبه صاحية بس فعلياً عيوني مغمضة ونايمه .. حسيت بإيد عم تنمد لرقبتي وتشد عليه .. شعور خفيف بس بشتد بقوة لصار يخنقني .. حاولت أقوم ماعرفت .. أحرك رجليه أو أديه ماعرفت .. أو أصرخ ماقدرت .. حسيت إني مشلولة تماماً .. ومسلمه نفسي للشخص يلي بقتلني .. ولمّا أشتد الوجع عليه قدرت أصرخ بصوت عالي لصحيت .. لقيت الضو مضوي وتا? واقفة عند الباب وهوه مفتوح .. وأغراض غرفتي كلهم مبعثرين .. الم?بس وا?كسسوارات وكل شي بجهه .. قلتلها شو بصير .. شو هاد ليه غرفتي هيك .. قالت هيه مادخلني قالت رح تيجي تقتلك .. صرخت بصوت عالي ورحت لخالتي .. فتحت باب غرفتها مالقيتها .. حكيت لتا? وين المره يلي جوا .. قالتلي مابعرف بس في شي قالتلي ياه البنت .. حكتلي صحتني وطلبت مني أروح أحكيلها شي قبل شوي
يتبع ..

3
طلّبو منهم يطلعو لبرا ليلحقوه قبل ليبعد عن البيت .. وأنا كنت مستغربه من وجودهم .. سألت ايهم كيف أجو .. قلي خبّرتهم قبل ليوصلو .. حكيتله مابقدر أضل بالبيت لحالي .. بيكفي يلي شفته الليلة .. خدني لبيتكم .. خلصنا ك?منا مع الشرطة وأخدت شنطة م?بسي على أساس اروح معه بس قلي أنه صعب أجي لعنده مارح يسمح الظرف .. ا?حسن أروح للدار لعند خالتي ..! وصلّني للدار ونزلت .. حكالي ? تخافي .. وخلينا ننزل نحكي معهم .. دخلنا ل?دارة .. شفنا مديرة الميتم تمارا عم تدفي أديها على الدفاية ومعصبة .. سلّم عليها أيهم وقلها ممكن نشوف خالة رميزة .. حكت الخدامة رميزة قصدك؟ .. استغربت من ك?مها وقلتلها شو قصدك؟ نادت بنت من يلي عندها اسمها سوزان وقالتلها نادي على شغالتنا الجديدة رميزة .. دخلت خالتي وكانت تصرخ على سوزان وبتقلها مابدي أشوفها .. فتحتلها الباب ودخلت شافتني قاعدة وعم بستناها .. حكتلي شو جابك .. حكت لتمارا مابدي أشوفها .. حكيتلها خالتي أنا اسفه وبعتذر على كل ك?مي .. أنا ماكنت مصدقتك بس لليوم عرفت انه كل ك?مك صحيح .. أنا جاي أساعدك وأوفي بوعدي ?لك لت?قي بنتك ومابدي و? شي منك إ? تكوني رضيانه عني بترجاكي .. تمارا استغربت من أسلوبي والذل يلي ذاليته ?لها .. بس ماكان عندي طريقة تانية أ? أعمل هيك .. يمكن لو بقيت هون معها أحس بأمان

?نه مستحيل أرجع على البيت .. من بعد يلي شفته .. روح بنتها يلي ساكنيته وهالشخص يلي ?حقنا وهددنا بالقتل .. أيهم طلب مني أعمل هيك وأتحمل ?بقى .. ويمكن أقدر أعرف شي عن حياتي بتقربي من خالتي .. غفرتلي وقالتلي بس بشرط .. تبقي معي هون ..! هيه قالت هيك وانا انبسطت .. حكت تمارا يعني شغالتين ممتاز .. قلتلها شو قصدك .. حكتلي خالتك بتشتغل شغالة عنا .. بتسمح وبتنظف الحمامات بالدار .. واذا حابه بتصير متلها في حال بدك تبقي هون .. صرخت خالتي عليها وقالتلها أنا تبنيت البنت وصارت إلي بس وجودي هون لغرض معيّن وانتي بتعرفي شو هوه ..! ? تتكلمي معي بهالطريقة وتهينيني أكتر من هيك وإ? رح تندمي .. قالتلها وكيف رح تندميني ! ؟ .. قربت منها وبزقت عليها وقالتلها أشكالك يلي بدها تندمني .. قومي بسرعه على الحمامات .. أنا نصدمت من كمية الذل يلي مذلوليتها خالتي هون .. معقول أنا يصير فيني هيك .. أخدتها لجوا وطلبت من البنات يخلوها تنظف الحمامات من جديد وأنا قلت ?يهم ب?ها قعدتي هون بترجاك .. قلي أنتي هون بأمان .. مارح يصير عليكي شي .. هون في أمن وناس تحميكي بس برا حتى الشرطة مابتقدر تحميكي .. أنا شاكك يلي بهددنا ممكن يكون نفسه قاتل الشخص يلي دخلنا لعنده وقت ضاعت الصورة منا .. يمكن عم يلحقنا ?نه شفنا وجهه وبهددنا ليقتلنا !

#يتبع ...
#madeha

#ا?صبع_السادس ..

#الحلقة_التاسعة_والعاشرة 9

#قصة_رعب ..

حكيتله صح ! معك حق .. قلي الصورة معك؟ .. حكيتله لسه معي .. بس انت بتتوقع انه البنت خلّت تا? تعطيني الصورة لغرض معيّن .. وحتى وقت طارت للمكان يلي صارت فيه الجريمة كمان لغرض معيّن .. لشو بدها توصل هالحكاية أنا خايفة .. وفجأة دخلت تمارا تصرخ وتقول شو قلتي رح تضلي هون وتشتغلي متل خالتك و? رح تنقلعي؟ ..! قلتلها رح أبقى .. طلع أيهم وتركني وأنا ماكنت عارفه شو مستنيني بهالدار يلي كل شبر فيها كان بخوّفني .. دخلت لجوا لقيت في غرف كتير متل السجن بالزبط .. متل ماقالت تا? ..! المكان بخوّف ومتل السجن .. دخلتني معها لغرفة كبيرة وقالتلي هون خالتك بتنام .. هاد رح يكون سريرك وانتي بتشتغلي عنا من اليوم .. مابدي مشاكل مع البنات .. وخليكي هادية لحتى ماتشوفي شي عمرك ماشفتيه ..! تركتني وراحت وأنا صرت أتفحص المكان يلي أنا فيه منيح وفجأة سمعت صوت وراي بقلي أه? وسه? .. لفيت لقيت تا? ! حكتلي كنت عارفة رح تيجي .. قلتلها مين يلي عمل فيني هيك بالبيت انتي بتعرفي؟ ..! قالتلي صاحبتي وهيه قالت رح تنتقم منك وروحها رح تبقى موجودة حتى لو ماتت .. حكيتلها بس هيه اص? ميته ..! كيف روحها عم تنتقم مني ..! ولشو .. حكتلي انتي بتعرفي لشو .. تركتني وراحت وبعد شوي دخلو تنتين بنات للغرفة يضحكو وقالولي اهلين بشغالتنا الجديدة .. نورتي .. وحدة قالت أنا سوزان ويلي معها قالت أنا عبير .. وانتي من اليوم بتشتغلي عنا .. حسيتهم كلهم نفس ا?سلوب ونفس الك?م ..! دخلت فجأة المديرة تمارا وقالت روحي لعند خالتك ساعديها بالتنظيف .. عم تنستناكي .. تطلعت فيها وسكتت .. رجعت صرخت بوجهي وقالت شو ماسمعتي امشي ي? ..! قالتلي سوزان ? تبحي صوتك عشانها أنا رح أخدها .. رحت معها .. شفت خالتي عم بتنضف وهلكانه .. قالتلي شو جابك .. أنا مارح أسامحك .. قلتلها خالتي أنا جاية أوقف معك وأساعدك لت?قي بنتك هون .. ك?م تا? كان صحيح .. قدرنا نعرف أنا وأيهم إنه صحيح من تطابق ك?مها بأحداث الفيلم يلي قال عنه .. وبنتك فع?ً هون .. حكتلي وكيف رح تعرفي .. حكيتلها انتي ماعليكي .. اتركيني أعرف .. دخلوا لعنا سوزان وعبير وصارو يتمسخرو علينا ونحنا ننضف ويطلبو ننضف منيح .. عصبت بس خالتي قالت ?زم نتحمل .. راحو لجوا وأنا بقيت بنضف معها .. قلتلها ممكن تكون بنتك وحدة من هدول ..! ياخوفي الباقي يكونو هيك ..! خلصنا تنظيف ودخلنا لجوا .. صار نص الليل .. اكلنا أكل ماكان طيّب .. بس كنا مغصوبين إنه نتأقلم على الجو يلي نحطينا فيه غصب عنا .. خالتي كانت تعبانه ونامت خ?ل عشر دقايق .. نطفت ا?ضوية وأنا حاولت أغفى .. بس وأنا بحاول أنام سمعت صوت همس جنبي .. كان في صوت حكي بصوت واطي وماكان مسموع أبداً
يتبع ..

3
حكالي انه بخطر والرسائل كتر التهديد فيهم .. ورح يسافر فترة لتهدى ا?مور .. أنا مو ?زم أطلع من الدار ?نه في خوف عليه .. وانه مبارح حس بحد ورا البيت متوقع انه نفس الشخص يلي بهدده .. احترت بك?مه وماكنت عارفه مين بدي أكلف بالمهمة يلي بدي ياها خصوصاً من بعد ماعرفت انه رح يسافر فترة لبرا البلد من خوفة على نفسه .. يلي كان بدي ياه إنه حد يراقب المحامي ايمن ويعرف شو بشتغل لخالتي .. ويمكن يكون بعرف شي ومابده يحكيه .. هاد يلي كان بدي أعرفه وبهاللحظة قلت دعاء رح تساعدني .. اتصلت معها وخبرتها وقالتلي رح تساعدني وتحاول تقنع حسن خطيبها انه يعرف شي عنه ?نه مو ممكن تتخلى عني خصوصاً من بعد يلي عمله خطيبها معنا .. خالتي طلبت مني أطلع من الدار وقالتلي ضروري تطلعي .. قلتلها في خطر على حياتي .. مارضيت تسمعني وحكتلي قبل الليل بتكوني برا الدار .. مابدي أشوفك .. خلص اتركيني أنا ب?قي بنتي لحالي ومابدي وعودك .. ماخافت عليه وماسألت عني وكل يلي كان بدها ياه ت?قي بنتها من خ?ل تا? يلي حكتلها الليلة رح تعرفي شي عنها .. كل البنات يلي عرفتهم هون كانو بنفس ا?سلوب .. وماحد منهم طايقني .. رحت ضبيت غراضي ?طلع وخايفة من يلي رح أشوفه برا لو رجعت على بيتي .. قربت مني بنت
وقالتلي .. أنتي جديدة هون ليه صرتي بدك

تطلعي .. قلتلها انا مو نزيله بالدار .. حكتلي مو يتيمة يعني .. قلتلها يتيمة بس عندي بيت وبعرف مين أهلي .. حكتلي ? تخافي أنا مو متلهم .. حكتلي أنا ماريا .. أنا الوحيدة غير عنهم .. شفتي سوزان وعبير شو بعملو بالبنات .. قلتلها شفت وماعرفت ليه .. حكتلي الختيارة أم سعاد يلي بتأمرهم .. هيه ساكنة تحت مع مجموعة من بني الجن والشياطين وهمه حاميين الدار من زمان .. يلي بتعمله بالبنات انها بتخليهم يتباركو منهم لتحميهم .. بس هيه مابتطلع وتمارا بتعتني فيها وبتنزلها أكل وأغراض للقبو يلي تحت ... المكان يلي تحت مسكون وأنا كنت بخاف أقرب منه بس شخصيتي قويت من باركتني أم سعاد عن طريق سوزان رفيقتي .. صنفت بك?مها وخفت .. قلتلها ماريا فيكي تساعديني حتى ما أطلع من هون .. قالتلي ليه مابدك؟ .. قلتلها انا ?زم أضل هون .. خالتي مابدها ياني وأنا مو عارفه وين أروح .. لو طلعت رح انقتل .. انا مهددة بالقتل من شخص مابعرفه وخايفه شو أعمل؟ .. حكتلي وين مارح تروحي هون رح ي?قوكي هدول مابرحمو .. لهيك مافيه اساعدك .. قلتلها بترجاكي فكّري بطريقة أضل فيها هون ولو حتى بنام بالساحة الخارجية قالتلي ? مابزبط ?نه هيثم بحرسها وهوه حارس على الدار وبشتغل عند تمارا .. قلتلها مين هيثم ؟ .. وشو قصته معها .. قالتلي مابنعرف هوه بشتغل معها وبس وبعتني بالبنات الصغار يلي هون كمان

#يتبع ... #madeha

#في_علم_الغيب_قصص
#في_علم_الغيب_5 #في_علم_الغيب
الحلقة الخامسة
Telegram:@rwayate
الجنون وصل حدّه.. وكان لازم أعمل كمان جلسة طاقة ريكي لأفتح بصيرتي أكثر وأحلم أكثر!.. كان بدي أشوف خنساء!.. بدي أشوف البنت يلي أسرتني وتملكتني وبدي أعرف حياتي لوين رح توصل.. طلعت من الجامعة وقفلت تلفوني.. رجعت على البيت وقلت لعزة بدي رقم تسنيم.. حكت شو بدك فيه قتيبة؟.. قلتلها لازم تساعدني بشغلة.. قالت ما بعطيك ياه إلا لتحكيلي شو لسه بدك منها للبنت!.. قلتلها ما تخافي ما رح أقلها شي عن مستقبلها وكيف رح تموت!.. لأنه الحكي بوضع البلد رح ينفيني وينهيني.. أنا انخرست بس أخوكي مهدد بالقتل.. يمكن انكشفت أني منضم لحزب سياسي!.. خافت وقالت لأ مستحيل قتيبة ارجوك.. حكيتلها اعطيني الرقم.. قالت وين بدك تشوفها.. البنت من عيلة محافظة يعني حتى موهبة العزف عملت المستحيل لحتى أبوها وافق تمارسها.. لا تورطها بشي!.. اعطتني الرقم وحكيت معها.. قالتلي صعب أشوفك برا.. فيني اجي على بيتكم؟.. الحكي كان خطير أنا كيف رح أتفاهم معها.. بس ما كان قدامي غير هالسبيل.. وصلت البيت.. ودخلتها على غرفتي وسكّرت الباب بالمفتاح.. حكتلي قتيبة شو بتعمل رح تفضحني!.. أمك شو رح تحكي!؟.. قلتلها أبوس رجليكي أوقفي معي.. بترجاكي!.. حكت انت شو صرلك؟.. قلتلها أنا بحلم أحلام بتتحقق.. شفت بنت رح أشوفها بالمستقبل.. شفت حبيبتي يلي طول عمري بحلم فيها.. شفت الأنثى يلي من الخيال.. وبدي تساعديني أوصللها.. أنا حلمت فيكي من قبل لأشوفك.. فجأة سمعت صوت طبل على الباب.. عزة بتقول قتيبة لا تحكي شي!.. قتيبة!!.. قلتلها تسنيم بلدنا رايحة للهاوية.. كل شي رح يخرب.. قالت شو يعني؟!.. حكيتلها حرب أهلية رح تقتل كل شي حلو.. وانتي.. زاد الطبل على الباب.. قتيبة لا تحكي.. قتيبة لا تدمر البنت!.. تسنيم خافت وحكت افتح الباب وطلعني أنا مو فاهمة شي ومو حلو وضعنا هيك!.. قلتلها انتي رح تموتي.. وتحت القصف.. وبيتك رح يوقع فوق راسك!.. حكتلي مجنون.. قلتلها تعودت على هالكلمة.. المطلوب بكرا تيجي معي على الجامعة وتحكي إنه دانيا كانت منضمة لحزب تغيير سرّي.. وانها كانت تحت تهديد البنت يلي بشوفها بمنامي.. خنساء.. اوصفيها بأوصاف غريبة حتى إذا شفتها ما نأذيها ولا نأذي غيرها.. مطلوب منك بتحكي هالكلام وصدقيني كل شي رح يخلص.. أنا ما فيني أبحث بجامعة فيها أكتر من خمسين ألف طالبة عن كل يلي إسمهم خنساء إلا بهالطريقة.. قالتلي واذا ما كانت بالجامعة؟ وقتها رح تهتم إنك ورطتني ووسخت سمعة بنت صارت بقبرها؟.. قالت أنا فيني أساعدك.. قلتلها أنا رح أختصر عليكي أحداث حياتك.. وأحكيلك شو رح يصير معك.. لو حطيتك براسي رح أحلم فيكي وأقلك حياتك لوين رح توصل.. حتى ما تغلطي.. بالرغم ما بعرف اذا هالشي ممكن إنه الواحد يغيّر قدره.. بس ما بعرف!.. انا يلي خايف منه يصيرلي شي وما أقدر أشوف خنساء.. بترجاكي تسنيم!.. عزة عصّبت وصارت تضرب الباب.. قتيبة افتح!.. كنت شايف تسنيم مصدومة وبهاللحظة سمعت صوت ريان.. بقول شو في؟!.. حكتله ريان شو جابك من هلأ؟!.. قلها في وراق للجامعة نسيتهم هون وجيت اخدهم.. واخدت مغادرة.. ليه عم تطبّلي على باب قتيبة شو بصير جوا.. فتحت الباب وطلعت تسنيم بتبكي.. وقفها ريان وقلها شو عملك وشو بده منك؟!.. قتيبة شو عملتلها ؟!!.. حكت اخوك لازمه طبيب نفسي.. مستحيل يلي حكاه.. قلتلها لو بكرا على الساعة عشرة ما كنتي معي بالجامعة.. أنا رح أورطك مع الشرطة.. ريان كان مصدوم وطلب يعرف الموضوع.. عزة أخدت تسنيم وطلعو برا البيت وأنا سكّرت الباب وتركت ريان لوحده بالصالة بإستغرابه.. وكنت مستغل الوقت لأنه بابا وامي بزيارة لصديق لإله بس ما توقعت ريان يرجع بكير ويشوف يلي شافه!.. طلعت من البيت ورجعت على مركز علاج الطاقة.. هند حسّت إني تحسّنت وقالتي حاسيتك أفضل.. قلتلها يمكن صرت أقوى.. أنا جاهز للجلسة الثانية.. بعد ساعة ونص تماماً.. فتّحت عيوني.. حكتلي وضعك ما كان طبيعي أبداً.. انت شو كنت عم تشوف؟!.. قلتلها رح أحاسب وأغادر وإذا قررت أرجع رح تشوفيني.. شفتها قفلت الباب وحكتلي ما في طلعة!.. صفنت فيها وحكيتلها ليه بتقفلي الباب!.. إفتحيه وطلعيني.. قالت سمعتك عم تحكي كلام خطير.. وبصراحة أنا خايفة عليك.. انت شو عرّفك بهالأمور يلي كنت ترددهم.. قلتلها يعني سمعتي؟.. حكت سمعت وما بدي تطلع من هون وتأذي نفسك.. قلتلها ليه خايفة عليّه.. إنتي إنسانة فضولية.. قالت لازم تروح لدكتور نفسي.. أنا رح أساعدك أنا بعرف كتير دكاترة.. بس هالكلام مو لازم يطلع منك.. حاولت أخد منها المفتاح ما قبلت وفجأة بوجهي حكتلي أنا بحبك!.. صفنت فيها وما عرفت شو أحكي.. حكت من أول لحظة شفتك فيها شفت الإنسان يلي طول عمري بتخيّله يكون زوجي!.. أنا مستعدة أعمل أي شي لتقبل فيني وأكون معك.. مشاعرك وبكاك حرق روحي.. بدي أشفيك من أوهامك ومن يلي تركتك وخلّتك تحس إنه العالم الجاي بحياتك كله خراب!.. قلتلها أنا ما حد تركني وما حد وجّعني..

#الأصبع_السادس_قصص
#الأصبع_السادس_2 #الأصبع_السادس
الحلقة الثانية
Telegram:@rwayate
طلع أيهم من البيت وبقيت أنا وخالتي لوحدنا عم نطلع ببعض وساكتين.. وبدون ما أسألها شي أو أعاتبها على كذبها.. دخلت على غرفتي وخبطت الباب بإيدي وصرت أبكي.. طلّعت صورة قديمة لأهلي وصرت أتطلع عليها وبدون وعي مزعتها وكبيتها من الشباك.. حاولت أغفى بس صرت بحس بشعور غريب ماكنت عارفة شو هوه بالزبط.. يمكن لأني كنت مصدومة بكلام خالتي حسيت إني تعبانه ولازم أنام.. بس كان في شعور أنا متأكدة إني أول مرة بحسه بس ماقدرت أترجمه.. ولأني بكره أي شعور مفاجئ ممكن يصيبني.. طلعت من الغرفة بسرعه وشفت خالتي نايمه على الصوفة.. كانت عم تبكي.. حكتلي سامحيني ماكان بدي أحكيلك عشانك.. أنا ماكان بدي أعاتبها بس صارت تتكلم بسرعه وقربت مني وحكتلي رح توفي بوعدك مش هيك؟!.. رح تلاقيلي بنتي.. حكيتلها تركت هالمهمه لأيهم.. لو بطلع بإيدي شي مارح أقصر معك.. فتحت باب البيت وطلعت.. حاولت تلحقني بس منعتها.. ماكنت طايقة اشوفها ولا أتطلع بوجهها.. رّنيت لدعاء صاحبتي.. وقلتلها أني بالكافيه يلي عطول بنقعد فيه.. حسّت من صوتي اني تعبانه.. استنيتها هناك وأجت بعد نص ساعه.. فهّمتها كل شي.. ونصدمت.. قالتلي أنا صرت خايفة إنه خالتك تكون فعلاً مفصومة أو في بعقلها شي.. هاد الكلام مابتصدق.. كنت متدمرة وتعبانه وهيه حاولت تهديني قد مافيها وتقلي لازم خالتك تروح عدكتور نفسي.. ضروري توخديها.. بس أنا كنت بعرف إنها عنيدة ومارح تقبل ورح ترجع تتهمني إني عم حسسها إنها مجنونه.. كنا داخلين عأيام الخريف من كم يوم وكان الجو عم بتغيّر.. حسيت ببرودة والناس يلي بالكافيه بلّشت تطلع.. ماكان بدي أرجع على البيت بس دعاء اقنعتني نقوم بعد مانشرب شي سخن يهدي أعصابي.. طلبنا شي ونحنا عم نستنى صرخ صاحب المحل صوت وقال اطلعي برا وبكفي تيجي لهون!.. لفيت راسي وماشفت في حد معه.. بس كان باين انه عم بحكي مع حدا من ورا المكان يلي بطبخ وبجهز الطلبات فيه ومو باين للزباين.. قالتلي دعاء شكلها قطة دخلت المحل وعم ببهدلها.. قلتلها شايفتيه مجنون يحكي مع قطه.. حكتلي مين معه.. وفجأة طلعت من ورا الحيطة بنت شقرة قصيرة شعرها مجعّد وملابسها موسّخه وبإيدها ضمة ورد كبيرة.. مسكها من إيدها وطردها من المحل وجاب طلبنا وأجا لعنا.. حطلنا ياه على الطاولة وأنا قلتله ليه طردت البنت هيك حرام!.. قلي هالبنت مزعجة ومافي محل مابتدخله وبتلزق الزباين فيه.. إسمها أم الستة.. وصارت مشهورة قد مانطردت من المحلات.. حكيتله ليه أسمها هيك.. حكالي لأنه إلها ست أصابع وإذا مانطردت بهالطريقة بتتوحش وبتصير تضرب بإيدها وأصابعها يلي متل الخشب.. بس باينها اليوم عقلانة الظاهر غلّتها منيحه.. حطلّنا الكاسات وراح.. وأنا صرت بفكّر.. حكتلي دعاء بشو سرحتي.. قلتلها أمشي معي بسرعه.. حكتلي ماشربنا شي.. طلعت من المحل وصرت أركض وأدوّر عليها.. حكتلي لشو عم تركضينا.. قلتلها وين راحت!.. حكتلي مين قصدك.. حكيتلها البنت.. قالتلي شو بدك فيها.. حكيتلها هي البنت يلي رح تخلصني من خالتي.. رح أخلص منها بهالطريقة.. حكتلي كيف؟.. قلتلها بدي أجيبها على البيت ورح أترك ردة الفعل لإلها.. تخيّلي المواصفات يلي قالتلي عنها الصبح بالبنت يلي شافتها بتشبه هالبنت.. بس هي عيبها انه شعرها مجعد من الشوارع والوسخ.. البنت اكيد ما الها حدا وفي حد مشغلها لتبيع.. باين من شكلها.. قالتلي يعني رح تتبنيها؟!.. قلتلها لأ طبعاً.. بس بدي أكشف خالتي اذا مجنونه أو لأ.. اذا شافتها وتعلقت فيها وقالت انه هي بنتها بتبقى مجنونه.. واذا نبسطت فيها بس ما تعلقت فيها وحستها انه مو بنتها بيبقى مافيها شي وكل يلي بصير معها تهيؤات وانا هيك بتأكد إنه بعقلها شي أو لأ.. حتى أرتاح من شكوكي بشغلة فقدانها للذاكرة يلي قالت عنه.. لا تنسي هدول أهلي يلي مشكك فيهم.. يعني أنا ممكن أكون لقيطة أخدتني وربتني وهيه مو واعية مين أهلي.. وغير هيك كنيتي غير عنها ويمكن حتى هيه ماتطلع خالتي.. حكتلي خيالك واسع الظاهر نعديتي من أيهم بهالفترة القصيرة.. قلتلها صدقيني معي حق ومو من خيال هالشي.. أخدنا الحكي ونحنا نمشي ونتشاور لعتمت الدنيا.. رجعت على البيت بعد ماحطيت البنت براسي.. وكانت خالتي طبيعية وعم تحضر تلفزيون وتقشر فواكه وتبتسم للشاشة.. حكتلي ادخلي سخنتلك الغدا.. استغربت من تصرفها ودخلت على غرفتي لأغير ملابسي.. وفجأة قطعت الكهربا.. عتّم كل شي فجأة ومديت إيدي على الباب وفتحته.. حكيت لخالتي وين حاطة الشمع.. أنا مو شايفه شي.. خالتي وين رحتي؟!.. وفجأة حسيت شي قرّب من إيدي.. هزيتها عليه كان شي قاسي.. مسكته وتلمسته.. عرفت إنها شمعه.. قلتلها خالتي اعطيني ولعه أو كبريته.. مو وقت صدماتك هلأ.. وفجأة سمعت صوت بغرفة خالتي البعيدة عني.. فتح الباب وطلع ضو.. كانت خالتي حاملة شمعه وقريبة من وجهها.. حكتلي ساعه للقيت شمعه.. وقت الكهربا كنت عم بشوف مسلسل والظاهر الهوا اليوم قوي..

#الأصبع_السادس_قصص
#الأصبع_السادس_6 #الأصبع_السادس
الحلقة السادسة
Telegram:@rwayate
صدقوني وعرّفو أنه نحنا يلي كنا بالسجن من يوم وحكو كنا رح نيجيكم الصبح لنسألكم أسئلة لأنه التحقيق بقتل الشب لسه ماخلص.. انتو شفتو وجه الشخص يلي ربّطكم ولا لأ.. لأنه لسه مافي دليل للقاتل ولا حتى بصمات.. كان الظاهر لابس بإيده بصمات الشخص يلي جوا هيه بس الموجودة.. كان لابس على وجهه ؟.. قلتله أيوه ماقدرنا نشوفه وربطنا وهرب.. ونحنا قلنا كل شي.. طلعت الشرطة وبقيت أنا وأيهم وتالا.. قلي ليه ماقلتي على أوصافه.. وملامح وجهه.. قلتله رح ندخل بسين وجيم وهلأ نحنا بدنا نلحق خالتي ونعرف اذا الكلام يلي قالته تالا صح أو لأ.. حكت تالا من جنب الباب بصوت واطي.. مادخلني.. هيه طلبت مني.. ماترجعوني على الدار.. أنا بكرهها.. بقيت برن لخالتي.. لحتى أيهم قلي أنا رح روح على الدار خدي بالك من نفسك.. وصى تالا تعتني فيه وقال للدكاتره يدخلو لعندي كل شوي وطلع.. ماكان بدي يتركني معها لأني كنت خايفة منها عنجد.. نظراتها وكلامها وأسلوبها كان بخوّف معي.. بقيت برن لخالتي ومابترد.. طلع الصبح وأنا بستنى.. وتالا غفيت جنبي.. مر ساعتين وأيهم أجا.. قلي خالتك بالبيت.. راحت على الدار وعملت مشكلة هناك.. والمديرة تمارا بلغت الشرطة عنها انها مجنونة وطردوها.. حالتها سيئة بالبيت.. فتحتلي بتبكي وسكرت الباب بوجهي ومارضيت تسمعني بس طلبت مني أجيبلها تالا.. حكيتله خدني لعندها.. قلي حالتك مابتسمح.. أصرّيت أروح.. حكيت مع الدكتور ضروري أطلع.. طلعني ووصلت البيت.. شفتها بتبكي ومنهارة.. قالت ذاكرتي صحيت بس وصلت للمكان.. وشميت ريحتها وفي شي حسسني بوجودها صدقوني.. أنا حسيت وقلبي بعمره ماكذبني.. بنتي هناك.. بنتي كبرت وهيه بالدار.. وكانت حاضنة تالا وبتبكي بحرقة.. وحكت في جزء من ذاكرتي نفتح.. بس مديرة الميتم الحقيرة منعتني.. أنا تشتت وبطلت عارفه أصدق مين.. قلت لتالا.. شو حكتلك البنت.. قالت قالتلي انها كبرت وانها هناك.. وبدها امها تروحلها.. صرخت خالتي وقالت شفتو !!.. روح بنتي لسه بالبيت.. روحها من وقت لفقدتها عم تطلبني وعم بحس فيها.. متمثلة على شكلها وهيه صغيرة لتقلي هيه وين من هالبنت يلي شايفينها !!.. كانت الساعه عشرة الصبح ودعاء رنتلي وقالتلي بتعتذر على اللي عمله خطيبها.. بس هوه بغار عليها وماتخيل يشوف واحد غريب ببيتي خصوصاً انه امي طالعه وهوه كان جاي يوخدني لعندهم.. بترجاكي لاتزعلي.. حكيتلها مازعلت بس خطيبك مابدي أشوفه.. حكتلي انها جاية لعندي لتعرف شو صار.. خالتي رميزة قالت كيف بدي أروح عالدار وهمه طردوني.. ماخلوني أشوف البنات.. يمكن لو شفتهم ذاكرتي تصحى وأحس فيها وأعرفها.. حكيتلها الا مانلاقي طريقة لتدخلي لعندهم جوا.. وفجأة دخلت تالا لغرفتي وسكّرت الباب.. خالتي استغربت وأنا قمت لألحقها أيهم قلي اتركيها يمكن تعبانه وبدها تنام.. بكفي يلي شافته اليوم بس بدي منكم تديرو بالكم منها.. اذا عنجد بتشوف بنت هون فهيه دليلنا الوحيد.. وأنا بدي أمشي متل ما أحداث الفيلم بتقول.. وفجأة خالتي قالت بدي أتبنى البنت !.. أنا نصدمت وقلتلها شو بتحكي!.. كيف يعني!.. قالت بدي أتبناها لو ماعملت هيك رح يوخدوها مني لو عرفو.. لأنه شفت صورها بالدار وبحكو مفقودة وهيه عهدة إلهم ولو عرفو مكانها رح يوخدوها مني ومارح أشوف بنتي أبداً.. أنا لازم أتبناها.. وأدفع كل مامعي من مصاري عشان تصير هالبنت ألي ومتل بنتي.. صدقوني بدي أحكيلكم شي.. أول مادخلت هالبنت البيت بطلت أشوف بنتي وماعادت ظهرتلي.. صارت تظهر لإلها.. وهيه عم تحكيلها شو تعمل.. ولوين توصل.. أنا واثقة فيها وبدي أتبناها.. قلتلها مستحيل هالشي ومارح أسمحلك تتبنيها.. هالبنت بدها تقتلني.. حاولت تقتلني مبارح وأنا كنت ناوية من اليوم أخلص منها وارجعها عالدار لهيك ماحكيت للشرطة.. قالت خالتي انتي وعدتيني ولا ناسية وعدك.. وعدتيني تلاقيلي بنتي ولا لأ!.. قلتلها وعدتك.. حكت لكن مافي طريقة نلاقي بنتي غير بهالبنت يلي جوا.. وصدقوني لو شو ماعملنا مارح نلاقيها غير من خلالها.. وخليكي قد وعدك لأنه لو خذلتيني صدقيني مارح أسامحك كل عمري!.. نصدمت بكلامها وتوترت وأيهم حاول يهديني.. وفجأة تالا صارت تصرخ بصوت عالي وتحكي لاااا... لاااا.. قمت بسرعه أركض مع خالتي وأيهم وفتحنا عليها الباب.. كانت على الأرض وشادة على وجهها وبتصرخ ومابدها تفتح عيونها.. وفي على الأرض حبلة طويلة من يلي بلعب فيهم وقت ألعب باليه.. حكيتلها شو في ورفعت ايدها من وجهها.. قالتي فلتيني.. انتي وحدة حقيرة.. قلتلها ليه بتسبيني.. حكتلي قتلتيلها.. انتي زعلتيها وقتلتيها لصاحبتي.. رح انتقم منك وأقتلك متل ماقتلتيها.. رجعت لورا وخفت.. وكانو عيونها حمر وأعصاب راسها رح تنفجر من كتر ما شدت على حالها.. مسكت بأيد أيهم وهيه حاولت تتعدى عليه وتضربني.. وهددتني وقالت شايفه اصبعي هاد وقت ما اقتلتك رح أدخله بعيونك التنين..

#الأصبع_السادس_قصص
#الأصبع_السادس_7 #الأصبع_السادس
الحلقة السابعة
Telegram:@rwayate
سكّرت اللابتوب وقلتله أيهم أنا تعبانه.. حكالي خالتك بخطر.. كل شي شفناه بالفيلم صار معكم لهلأ.. يمكن في تفاصيل كانت مختلفة بس يلي صار أغلبه متطابق.. أنا برأيي الأفضل نلحق خالتك لأنه مابنعرف شو ممكن يصير معها هناك.. وجود تالا والحلم يلي قلتي عنه يمكن يكون صار لسبب معيّن.. قلتله بكرا رح نلحقها بس هلأ أنا تعبانه كتير.. بدي أرتاح.. قلي ديري بالك على حالك ولو بدك شي رنيلي.. طلع وكان الجو شتا كتير وعواصف برا بالشارع.. لبس منيح وودعني وطلّع.. كنت خايفة من منظر البيت ومنظر تختي بالذات.. ملابسي لسه على الأرض وكلام تالا لسه ببالي.. البيت فاضي ومو حاسه إني بخير.. نفسيتي سيئة ومابعرف شو مستنيني.. قلت مارح أستسلم لهالوضع.. نفرض عليه بس أنا لازم أعرف شو آخرة هالقصة يلي القدر حطني فيها غصب عني.. تحوّل الألم يلي جواتي لأمل من بعد ما ضليت أفكر بيني وبين نفسي ساعة بالغرفة.. قمت وصرت أرتب بالغرفة وأحط الملابس بالخزانة.. وفجأة سمعت صوت باب سكّر فجأة جوا.. خبط بشكل قوي.. خفت وتركت يلي بإيدي وقرّبت من الصالة.. حكيت مين في هون؟.. كان هدوء ومافي غير صوت المطر يلي برا والهوا القوي.. رجعت لأكمل ترتيب ملابسي وقلت اكيد سكّر من الهوا.. وبعد دقيقة سكّر باب تانية بقوة أكتر من يلي سمعتها بالباب الأول.. قلت مافي هوا بالبيت والبواب مسكّرة.. شو يلي بصير.. قربت مرة تانية للصالة وصرت أمشي بالبيت وأتطلع جوا الغرف بطرف وجهي.. وأنا ماشية وعم بتطلع في حد شد ملابسي من ورا.. لفيت راسي شفت تالا !.. كانت تالا!.. بس بشكل تاني.. عيونها جاحظة وشعرها واقف وأبشع من الشكل يلي كانت عليه.. فتحت تمها وشفت سنانها حادة ومدببة.. كأنه مو طفلة.. قلتلها شو جابك.. انتي طلعتي مع خالتي شو يلي رجعك.. حكتلي أنا مو تالا.. أنا البنت يلي ساكنة بهالبيت.. كان صوتها مختلف.. وقلبي صار يدق وصرت أمشي بسرعة لباب البيت لأطلع.. بس في شي سحبني لورا وصار يشدني غصب عني.. لفيت وجهي شفتها موجهة إيدها على راسي وبتحركني متل مابدها بأصبعها يلي بإيدها.. كانت بتتحكم فيه بدون ما أقرب منها وبتشدني من راسي ووجهي وبتوقعني على الأرض حتى ما أهرب.. وأنا بصرّخ وبقلها اتركيني وهيه عم تضحك.. وفجأة قالتلي ليه حرمتيني منها.. أنا بدي أمي يلي أخدتيها مني.. حكيتلها أنا ما أخدتها منك.. انتي مابدك ياها.. حكت لأنها تركتني.. وعاشت معك.. حكيتلها رح أرجعلك ياها بس لا تأذيني.. قالتلي من اليوم مارح تشوفي النوم.. وحياتك رح تقلب لجحيم.. بدون ماتلمسني كنت عم أتحرك لا إرادياً من خلال أصبعها.. رفعتني للسقف ونزلتني للأرض بلمح البصر لدرجة إنه نكسّر السرير من وقعتي.. حسيت بألم بظهري شلّني.. وماقدرت أتحرك بس تلفوني كان على الأرض.. وكنت شايفتها عم تقرّب مني وأنا مو عارفه أتحرك.. وفجأة سمعت صوت الباب بخبط.. وصوت بنادي عليه.. رزان.. وينك!.. ردي عليه.. الصوت علي والخبط أكتر.. حسيت الباب نكسر.. وأنا حاولت أقوم من وجعي ماعرفت.. شفت أيهم بالبيت مرة تانية.. وما في أي أثر لوجودها.. أختفت نهائياً.. شافني نصدم واستغرب من سريري المكسور والأغراض المبعثرة بكل جهة.. قلي شو صاير؟.. حكيتله أنا خايفة يلي صار مابتصوره عقل.. انت شو جابك.. حكالي لازم نمشي من هون بسرعه.. في شخص اتصل معي وهددني بالقتل.. وقلي إنه مارح يتركك انتي كمان.. انتي مو لازم تضلي لحالك.. سحبني من إيدي لنطلع من البيت بس ماقدرت.. وجع ظهري كان قوي وأنا ماكنت عارفه أمشي.. وفجأة سكّر باب البيت.. قام وتركني وراح يفتحه لنطلع سوا.. وأول ماقرّب منه في شي شدّه متلي لورا وبعدله إيده ووقعه على الأرض.. وشفته بخبط راسه بالأرض بدون وعي.. تحملت ألمي وقمت بسرعه وحاولت أقرّب منه.. لمحت تالا واقفة جنب الحيط وعم تتطلع عليه وفجأة بتدخل لجوا وبتختفي.. بسمع صوتها عم بتغني وكل شي بصير بالبيت يهتز وبوقع على الأرض.. أيهم شادد إيده على وجهه وبتألم وأنا بتوجع من ظهري.. وبقلي مافي وقت لازم نطلع من البيت.. صرت أصرّخ بصوت عالي أتركينا.. أنا بكرهك بس صدى صوتي كان برجعلي وكأنها عم تمنعني أنا وياه لنطلع من البيت.. وفجاة بسمع صوت حركة برا البيت عند المدخل الخارجي.. أيهم قام وقلي ماتطلعي ولا صوت.. تطلع من عين الباب وشاف شخص مشي بسرعه وماقدر يلمحه من شدة المطر.. حكالي في حد برا البيت.. نحنا مو لازم نطلع.. بس وجود هالبنت ماكان تاركنا نبقى أكتر بالبيت وألمنا وتحكمها فينا مانعنا.. قلي مين يلي بعمل هيك رزان!.. حكيتله البنت يلي بالبيت.. يلي بتشوفها خالتي موجودة هون وطلع كل شي صحيح صدقني.. بس أنا شفتها بتالا.. تالا يلي بالبيت.. وهيه يلي عم تأذينا وتحركنا بأصبعها.. قلي كيف هيك وتالا راحت معهم!.. حكيتله هددتني قبل لتتطلع وهاد كان تهديدها.. خيال الشخص يلي برا ضل عم يوترنا.. وصرنا نشوف حركته السريعة من ورا الشبابيك..

#الأصبع_السادس_قصص
#الأصبع_السادس_8 #الأصبع_السادس
الحلقة الثامنة
Telegram:@rwayate
حسينا بالشرطة دخلو وصارو جوا.. فتحنا الباب وطمنّا.. حكالهم أيهم يلي بعتلي التهديد كان هون.. طلّبو منهم يطلعو لبرا ليلحقوه قبل ليبعد عن البيت.. وأنا كنت مستغربه من وجودهم.. سألت ايهم كيف أجو.. قلي خبّرتهم قبل ليوصلو.. حكيتله مابقدر أضل بالبيت لحالي.. بيكفي يلي شفته الليلة.. خدني لبيتكم.. خلصنا كلامنا مع الشرطة وأخدت شنطة ملابسي على أساس اروح معه بس قلي أنه صعب أجي لعنده مارح يسمح الظرف.. الأحسن أروح للدار لعند خالتي!.. وصلّني للدار ونزلت.. حكالي لا تخافي.. وخلينا ننزل نحكي معهم.. دخلنا للإدارة.. شفنا مديرة الميتم تمارا عم تدفي أديها على الدفاية ومعصبة.. سلّم عليها أيهم وقلها ممكن نشوف خالة رميزة.. حكت الخدامة رميزة قصدك؟.. استغربت من كلامها وقلتلها شو قصدك؟ نادت بنت من يلي عندها اسمها سوزان وقالتلها نادي على شغالتنا الجديدة رميزة.. دخلت خالتي وكانت تصرخ على سوزان وبتقلها مابدي أشوفها.. فتحتلها الباب ودخلت شافتني قاعدة وعم بستناها.. حكتلي شو جابك.. حكت لتمارا مابدي أشوفها.. حكيتلها خالتي أنا اسفه وبعتذر على كل كلامي.. أنا ماكنت مصدقتك بس لليوم عرفت انه كل كلامك صحيح.. أنا جاي أساعدك وأوفي بوعدي لإلك لتلاقي بنتك ومابدي ولا شي منك إلا تكوني رضيانه عني بترجاكي.. تمارا استغربت من أسلوبي والذل يلي ذاليته لإلها.. بس ماكان عندي طريقة تانية ألا أعمل هيك.. يمكن لو بقيت هون معها أحس بأمان لأنه مستحيل أرجع على البيت.. من بعد يلي شفته.. روح بنتها يلي ساكنيته وهالشخص يلي لاحقنا وهددنا بالقتل.. أيهم طلب مني أعمل هيك وأتحمل لأبقى.. ويمكن أقدر أعرف شي عن حياتي بتقربي من خالتي.. غفرتلي وقالتلي بس بشرط.. تبقي معي هون!.. هيه قالت هيك وانا انبسطت.. حكت تمارا يعني شغالتين ممتاز.. قلتلها شو قصدك.. حكتلي خالتك بتشتغل شغالة عنا.. بتسمح وبتنظف الحمامات بالدار.. واذا حابه بتصير متلها في حال بدك تبقي هون.. صرخت خالتي عليها وقالتلها أنا تبنيت البنت وصارت إلي بس وجودي هون لغرض معيّن وانتي بتعرفي شو هوه!.. لا تتكلمي معي بهالطريقة وتهينيني أكتر من هيك وإلا رح تندمي.. قالتلها وكيف رح تندميني!؟.. قربت منها وبزقت عليها وقالتلها أشكالك يلي بدها تندمني.. قومي بسرعه على الحمامات.. أنا نصدمت من كمية الذل يلي مذلوليتها خالتي هون.. معقول أنا يصير فيني هيك.. أخدتها لجوا وطلبت من البنات يخلوها تنظف الحمامات من جديد وأنا قلت لأيهم بلاها قعدتي هون بترجاك.. قلي أنتي هون بأمان.. مارح يصير عليكي شي.. هون في أمن وناس تحميكي بس برا حتى الشرطة مابتقدر تحميكي.. أنا شاكك يلي بهددنا ممكن يكون نفسه قاتل الشخص يلي دخلنا لعنده وقت ضاعت الصورة منا.. يمكن عم يلحقنا لأنه شفنا وجهه وبهددنا ليقتلنا !. حكيتله صح ! معك حق.. قلي الصورة معك؟.. حكيتله لسه معي.. بس انت بتتوقع انه البنت خلّت تالا تعطيني الصورة لغرض معيّن.. وحتى وقت طارت للمكان يلي صارت فيه الجريمة كمان لغرض معيّن.. لشو بدها توصل هالحكاية أنا خايفة.. وفجأة دخلت تمارا تصرخ وتقول شو قلتي رح تضلي هون وتشتغلي متل خالتك ولا رح تنقلعي؟!.. قلتلها رح أبقى.. طلع أيهم وتركني وأنا ماكنت عارفه شو مستنيني بهالدار يلي كل شبر فيها كان بخوّفني.. دخلت لجوا لقيت في غرف كتير متل السجن بالزبط.. متل ماقالت تالا!.. المكان بخوّف ومتل السجن.. دخلتني معها لغرفة كبيرة وقالتلي هون خالتك بتنام.. هاد رح يكون سريرك وانتي بتشتغلي عنا من اليوم.. مابدي مشاكل مع البنات.. وخليكي هادية لحتى ماتشوفي شي عمرك ماشفتيه!.. تركتني وراحت وأنا صرت أتفحص المكان يلي أنا فيه منيح وفجأة سمعت صوت وراي بقلي أهلا وسهلا.. لفيت لقيت تالا! حكتلي كنت عارفة رح تيجي..قلتلها مين يلي عمل فيني هيك بالبيت انتي بتعرفي؟!.. قالتلي صاحبتي وهيه قالت رح تنتقم منك وروحها رح تبقى موجودة حتى لو ماتت.. حكيتلها بس هيه اصلا ميته!.. كيف روحها عم تنتقم مني!.. ولشو.. حكتلي انتي بتعرفي لشو.. تركتني وراحت وبعد شوي دخلو تنتين بنات للغرفة يضحكو وقالولي اهلين بشغالتنا الجديدة.. نورتي.. وحدة قالت أنا سوزان ويلي معها قالت أنا عبير.. وانتي من اليوم بتشتغلي عنا.. حسيتهم كلهم نفس الأسلوب ونفس الكلام !.. دخلت فجأة المديرة تمارا وقالت روحي لعند خالتك ساعديها بالتنظيف.. عم تنستناكي.. تطلعت فيها وسكتت.. رجعت صرخت بوجهي وقالت شو ماسمعتي امشي يلا !.. قالتلي سوزان لا تبحي صوتك عشانها أنا رح أخدها.. رحت معها.. شفت خالتي عم بتنضف وهلكانه.. قالتلي شو جابك.. أنا مارح أسامحك.. قلتلها خالتي أنا جاية أوقف معك وأساعدك لتلاقي بنتك هون.. كلام تالا كان صحيح.. قدرنا نعرف أنا وأيهم إنه صحيح من تطابق كلامها بأحداث الفيلم يلي قال عنه.. وبنتك فعلاً هون.. حكتلي وكيف رح تعرفي.. حكيتلها انتي ماعليكي.. اتركيني أعرف..

#الأصبع_السادس_قصص
#الأصبع_السادس_9 #الأصبع_السادس
الحلقة التاسعة
Telegram:@rwayate
أنا كنت مصدومه بكلامها ومو متوقعه هيك رد منها.. أنانيتها لتعرف مين بنتها كانت اكبر من كل شي.. وبقيت بفكّر وخايفة لصار أول الصبح.. نفتح الباب وماكنت لسه نايمه ودخلو ينامو.. عملت نفسي قايمه على الحمام.. ورحت تفقدت الغرفة يلي كانو متجمعين فيها.. ماكان فيها ولا بنت.. استغربت وطلعت لبرا أدوّر عليهم.. سمعت صوت واحد عم بحكي.. شدّني صوته للحظة وحسيت إني بعرفه.. قربت لأسمع منيح كان بحكي ويلي بحكي معه كان تمارا المديرة.. كان عم بقلها.. هاد يلي صار بس بترجاكي ماتقولي لحد لأنه ممكن أروح بداهيه ومو بس أنا انتي كمان.. حكتله يعني انت يلي كنت خاطفها لتالا.. وكل هاد عشان هيك.. حكالها هيه يلي أجت برضاها بس بترجاكي ماتفصليني.. أنا اعترفتلك بكل شي ومابدي الا تسامحيني.. حكتله اسمع عليه هيثم.. البنات يلي هون كلهم إلي ولأنك بتعرف كل شي وعارف يلي بصير أنا مارح أعمل فيك شي.. إنت متورط ولازم تبقى هون لحتى تحمي نفسك.. بس ياويلك إذا لعبت بديلك.. حكاها أنا من إيدك هي لإيدك هي.. وأنا اعترفتلك لأني خايف.. حسيت من صوته أنه سكت وباين إنه راح.. ركضت للغرفة يلي بتطلع على الباب الخارجي.. وشفته طالع.. شفته من ورا بس ماقدرت أشوف وجهه بس عرفت إنه إسمه هيثم.. وللحظة كان بدي أعرف مين هوه.. لفيت راسي شفت وحدة بتتطلع عليه وبتقلي ليه ماعم بتنضفي.. خالتك غرقانه بالمي بالحمام وانتي هون ولا عبالك.. يلا.. دخلت تمارا على الغرفة وقالت سارة على غرفتك عندك درس بعد شوي.. وانتي شو بتعملي هون؟.. عند خالتك عالحمامات.. حسيتها قربت منها بعد مارحت وصارت تحكي معها بصوت واطي.. طلعت لبرا وماسمعت كلامهم.. ولمّا وصلت الساحة شفت البنات الصغار عم بلعبو ومنهم البنت يلي شفتها معهم بالغرفه مبارح.. وتالا جنبها.. قربت منها بعّدت عني وضربتني على إيدي حتى ما ألمسها.. حكيت لتالا.. ليه هاي البنت بتتصرف هيك وشو يلي كان بصير مبارح بالليل بالغرفة عندكو؟.. سكتت وماجاوبت.. قلتلها انا بحبك ومابكرهك احكيلي.. حكتلي بس أنا بكرهك لأنك قتلتي صاحبتي ومارح أغفرلك لحتى تموتي.. وقريباً رح يكون أجلك هون بالدار.. ومارح تقدري تهربي.. ورح نقبرك كلنا ونجتمع كل يوم على قبرك نلعنه.. راحت معصبه وأنا بقيت واقفة وخايفه من كلامها.. في بنت كانت واقفة جنب الشجرة وسمعت كل الكلام وأنا ماكنت شايفتها ولا حاسة بوجودها أبداً.. وباينه أكبر من تالا بشوي.. قربت مني من نفسها بدون ما أحكيلها.. وحكتلي بدك تعرفي شو يلي بصير هون ؟.. البنات يلي هون بتعاملو كلهم بيتعاملو مع الشياطين ومديرتنا تمارا أولهم.. وبيطبقو يلي بسمعوه منها علينا نحنا.. لحتى نحمي نفسنا بس نطلع من الدار ونكون أقوياء مو متلهم.. حكيتلها من مين؟.. حكتلي في مرة ختيارة إسمها أم سعاد عايشة بقبو آخر المبنى وماحد بشوفها.. نحنا مابنعرف شكلها بس البنات الكبار بحكو عنها.. وفجأة سمعت صوت تمارا بتصرخ عليه وبتقلي انتي برا ياعديمة الأخلاق.. ادخلي لجوا عند خالتك وجيبي البنت يلي معك.. مشيت معها بهدلتني وأخدت البنت.. ونبهتني لو مارديت عليها رح تطردني مع خالتي.. رن تلفوني كان أيهم.. سألني كيف الوضع بالدار.. ماقدرت أفسرله شي وحسيت صوته تعبان حكيتله خير شو في؟.. قلي رجع يجيني رسائل تهديد والمجرم بمهلني يوم واحد لو ماخبرتك ترجعي على البيت رح يجي يقتلني.. قلتله وشو عرفه اني مو بالبيت؟.. وفجأة أجت لعندي بنت.. كان باين إنه بدها شي مني.. قربت مني.. حكيت لأيهم بحكي معك بعدين.. وقفت جنبي وقالتلي أنا بتول.. وبدي أحكيلك إنه العين عليكي هون من البنات.. الأحسن ما تحاولي تعرفي شي عنا.. سوزان وصلتلي رسالة أقلك ياها.. ماتدخلي نفسك بأي شي بالدار.. ولا تحاولي تخبري حدا بالشي يلي شفتيه مبارح لأنك رح تندمي.. قلتلها إنتوا ليه هيك أسلوبكم وليه كلكم هيك.. قالتلي نحنا كلنا إيد وحدة وكلنا نفس الأسلوب.. بس يلي بدي أوصلّك ياه تهديد صغير.. إذا خبرتي حد بالشي يلي عملوه مبارح عبير وسوزان رح تنقتلي والظاهر إنك من شوي كنتي عم تحكي مع حد على التلفون وكنتي بتخبريه.. صدقيني لو عرفت تمارا مارح ترحمك.. وهلأ البنات عم بشوفوكي وبراقبوا كل تحركاتك.. وماحدا رح يحّل عنك أبداً وبرجع بنبهك لو أفشيتي أسرارنا لحد هون رح نكسّر رجليكي هدول يلي بتلعبي فيهم باليه.. راحت وتركتني عم بحكي مع حالي وخايفه.. شفتها طلعت لفوق وصارت تتطلع عليه من الشباك وقربت سوزان وعبير منها وكأنها بتقلهم حكيتلها يلي وصوتوني عليه.. كانت جاسوسة لإلهم وأسلوبها أسوء بكتير منهم.. وإستغربت من كلامها.. كيف عرفت هالشي؟!.. معقول شافو ألبوم خالتي يلي ماقدرت أخده منها وإكتشفوا هالشي.. أو من تالا !.. ماكنت متصوّرة إنهم يكونو بهالكمية من الحقد والشر ولا متصوّرة إنها تكون بنت خالتي وحدة من هدول البنات!.. كان اليوم عم بمضي بهدوء وبدون أي أحداث مزعجة..

#الأصبع_السادس_قصص
#الأصبع_السادس_10 #الأصبع_السادس
الحلقة العاشرة
Telegram:@rwayate
قالتلها خالتي بدي رزان ترجع على بيتي.. أنا اسفه بس ماعاد بدي ياها.. حكتلها متل مابدك.. المهم انتي تلاقي بنتك يلي بتقولي عليها مع انه عارفه انه هيه مو هون!.. ومو من بنات الميتم!.. دخلت أنا لجوا.. مسكت التلفون وحكيت مع أيهم قلتله على كل شي.. حكالي انه بخطر والرسائل كتر التهديد فيهم.. ورح يسافر فترة لتهدى الأمور.. أنا مو لازم أطلع من الدار لأنه في خوف عليه.. وانه مبارح حس بحد ورا البيت متوقع انه نفس الشخص يلي بهدده.. احترت بكلامه وماكنت عارفه مين بدي أكلف بالمهمة يلي بدي ياها خصوصاً من بعد ماعرفت انه رح يسافر فترة لبرا البلد من خوفة على نفسه.. يلي كان بدي ياه إنه حد يراقب المحامي ايمن ويعرف شو بشتغل لخالتي.. ويمكن يكون بعرف شي ومابده يحكيه.. هاد يلي كان بدي أعرفه وبهاللحظة قلت دعاء رح تساعدني.. اتصلت معها وخبرتها وقالتلي رح تساعدني وتحاول تقنع حسن خطيبها انه يعرف شي عنه لأنه مو ممكن تتخلى عني خصوصاً من بعد يلي عمله خطيبها معنا.. خالتي طلبت مني أطلع من الدار وقالتلي ضروري تطلعي.. قلتلها في خطر على حياتي.. مارضيت تسمعني وحكتلي قبل الليل بتكوني برا الدار.. مابدي أشوفك.. خلص اتركيني أنا بلاقي بنتي لحالي ومابدي وعودك.. ماخافت عليه وماسألت عني وكل يلي كان بدها ياه تلاقي بنتها من خلال تالا يلي حكتلها الليلة رح تعرفي شي عنها.. كل البنات يلي عرفتهم هون كانو بنفس الأسلوب.. وماحد منهم طايقني.. رحت ضبيت غراضي لأطلع وخايفة من يلي رح أشوفه برا لو رجعت على بيتي.. قربت مني بنت وقالتلي.. أنتي جديدة هون ليه صرتي بدك تطلعي.. قلتلها انا مو نزيله بالدار.. حكتلي مو يتيمة يعني.. قلتلها يتيمة بس عندي بيت وبعرف مين أهلي.. حكتلي لا تخافي أنا مو متلهم.. حكتلي أنا ماريا.. أنا الوحيدة غير عنهم.. شفتي سوزان وعبير شو بعملو بالبنات.. قلتلها شفت وماعرفت ليه.. حكتلي الختيارة أم سعاد يلي بتأمرهم.. هيه ساكنة تحت مع مجموعة من بني الجن والشياطين وهمه حاميين الدار من زمان.. يلي بتعمله بالبنات انها بتخليهم يتباركو منهم لتحميهم.. بس هيه مابتطلع وتمارا بتعتني فيها وبتنزلها أكل وأغراض للقبو يلي تحت... المكان يلي تحت مسكون وأنا كنت بخاف أقرب منه بس شخصيتي قويت من باركتني أم سعاد عن طريق سوزان رفيقتي.. صنفت بكلامها وخفت.. قلتلها ماريا فيكي تساعديني حتى ما أطلع من هون.. قالتلي ليه مابدك؟.. قلتلها انا لازم أضل هون.. خالتي مابدها ياني وأنا مو عارفه وين أروح.. لو طلعت رح انقتل.. انا مهددة بالقتل من شخص مابعرفه وخايفه شو أعمل؟.. حكتلي وين مارح تروحي هون رح يلاقوكي.. هدول مابرحمو.. لهيك مافيه اساعدك.. قلتلها بترجاكي فكّري بطريقة أضل فيها هون ولو حتى بنام بالساحة الخارجية.. قالتلي لأ مابزبط لأنه هيثم بحرسها وهوه حارس على الدار وبشتغل عند تمارا.. قلتلها مين هيثم ؟.. وشو قصته معها.. قالتلي مابنعرف هوه بشتغل معها وبس وبعتني بالبنات الصغار يلي هون كمان.. بس بعرف كل شي عنها وهيه بتحسبله حساب برغم أنه هوه بخاف منها.. حكيتلها نزليني لعند أم سعاد.. حكتلي انتي مجنونه !.. بدك تنزلي على القبو!.. المكان المسكون يلي ماحد بنزله.. مافي بنت منا نزلت لتحت.. هالمرة مافي عندها رحمة ويمكن تقتلك.. برا ارحملك من النزلة تحت.. قلتلها ساعديني ورح اعطيكي يلي بدك ياه.. عرضت عليها مبلغ كبير ووافقت.. دفعتلها كل شي معي.. وشافتني خالتي رميزة.. قالتلي الله معك خبريني بس توصلي.. اتفقت مع ماريا أطلع من الباب الخارجي وأرجع مرة تانية من ورا الشجر بدون ليشوفوني.. حتى تنزلني لتحت قبل الغروب.. كنت خايفة بس مافي طريقة أضل هون غير هيك!.. عملت نفسي طلعت من الدار وشافتني تمارا وخالتي.. شفتهم دخلو لفيت بسرعه ورا الشجرة.. كانت ماريا بتستناني.. قالتلي تعي معي.. أخدتني لطريق طويل ورا الدار من ورا.. واله نزلة من تحت بتودي على غرفة فاضية للكراكيب الها باب.. قالتلي ضلي هون وأنا رح أفتحلك لتنزلي.. بعد ما أنزلك لا بتعرفيني ولا بعرفك.. تركتني واقفة ودخلت لجوا فتحتلي الطريق الخلفي يلي من بعد الغرفة.. كانو البنات بمشو بالممرات وضلينا نتخبى لحتى مايشوفونا.. أخدتني لنزلة تانية فيها درج طويل.. وقالتلي بتضلي نازلة لتحت لتلاقي باب اسود كبير.. أنا بعرف انه بفتح لوحده وهوه اصلا مفتوح مو مسكّر.. هناك أم سعاد.. لا تنسي أني نبهتك.. هربت وتركتني واقفة جنب الدرج.. ماكنت متخيل الدار هيك متل القلعه كلها سراديب وأماكن سرية.. لشو كل هاد!.. خفت وماكان عندي خيار تاني إلا أنزل أو أبقى مكاني.. بس خفت تنزل تمارا وتجيب أكل للختيارة يلي تحت متل ماقالتلي ماريا.. وتشوفني على الدرج واقفة.. لهيك كان ضروري أدخل القبو.. وقفت متردده وخايفه.. وطول وقفتي جنبه وأنا حاسه برعب من كلامها.. فتحت الباب ودخلت.. سمعت أصوات غريبة.. ماكنت عارفة أفسرها.. وضو خفيف باين من بعيد..

#الأصبع_السادس_قصص
#الأصبع_السادس_12 #الأصبع_السادس
الحلقة الأخيرة (1)
Telegram:@rwayate
نزلت معهم بدون ما يحسّوا إني عم بتبعهم.. وكانت الممرات عتمه ومافي ولا إنارة ضاوية وماكنت بعرف كيف شايفين الطريق.. بس أنا كنت بتلمس الحيطان وبتبع خطواتي بدون خوف.. ماكنت حاسة إني خايفة من شي أبداً ويلي حاسسته إني حاقدة وبدي أتخلص من خالتي بأي طريقة.. تفكيري كان مشغول بالشر والحقد بدون ما أعرف ليه.. وصلو غرفة تمارا وسمعت صوت الباب فتح وشغّلو إنارة خفيفة جنب الغرفة.. دخلو وأنا بتطلع عليهم من فوق الدرج وفوراً نزلت.. شفتهم جوا الغرفة عم بدوّرو على الصورة.. وفجأة بدخل هيثم للغرفة وبقرب من خالتي وبضربها على وجهها.. بتوقع على الأرض.. بقلها اعطيني بطاقة البنك.. بترفض خالتي وبتصير تبكي.. بقلها قديش دفعتي لتمارا عشان تتبني تالا ! كتير صح!؟ رح تعطيني أكتر منها.. وإلا بقتلك.. هلأ بقتلك.. وين بطاقة البنك وشو رقها السري !.. بتضل ترفض وهوه بضرب فيها.. أنا فوراً بنزل لتحت وبحكيله البطاقة فوق مع ملابسها أكيد وهيه بس بتعرف الرقم السري.. بتقلي خالتي لشو عم تقولي هيك.. انتي فعلاً طلعتي بتكرهيني وبدك موتي تالا كان معها حق.. قالت تالا اقتلها يلا.. الظاهر مابدها تقول.. خالتي استغربت وخافت من تالا وقالتلها فوق ماتبنيتك بتعملي هيك!.. ليش!!.. قال هيثم لتالا اطلعي جيبي البطاقة أو جيبي شنطتها كاملة.. راحت تالا ورجعت بعد دقايق.. جايبة الشنطة.. فتحها وطلّع كل شي.. قلها وين البطاقة.. ضربها لتطلعها.. وطلعتها.. اخدها وطلب منها تقول الرقم السري بس مارضيت.. وقالت مارح اسمحلكم.. طلعتو كلكوا كذابين أنا بدي بنتي.. فتحت الصندوق الأسود يلي لتمارا مالقيت شي.. وقالت لتالا وين الصورة ؟.. حكتلها مافي صورة كل هالشي لعبة منا.. أنا وهيثم جبناكي لهون انتي وبنتك لنستغلكم.. انتي بتعطينا مصاريكي الكتيرة مقابل إني أعرفلك وين بنتك وطبعاً مافي بنت!.. ورزان لتنقتل لأنها كانت شاهدة على جريمة قتل بابا !.. انا استغربت بس كنت عم بتذكر كل شي بس فرحانة بمشهد القتل يلي شفته وإني رح أنفذه على أيهم قريباً.. بس خالتي مصدومة.. قالت بدي أرجع على بيتي هلأ.. صارت تضب بشنطتها وبالأغراض بس هيثم مسكها وقلها مو قبل لأعرف رقمك السري.. ورجع ضربها على وجهها.. ماكانت قابلة تحكي وكل ماتدافع عن نفسها يضربها.. بس تالا كانت بتتأثر بالضرب وبتتألم وأنا ماكنت بعرف ليه بس مبسوطه بإني شايفه مشهد ضرب.. وفجأة تالا صارت تدافع عن خالتي وماعرفت ليه وقالتله بس لا تضربها.. بكفي وصارت تضرب هيثم على رجليه وتبعده عنها.. وصارو عيونها حمر واستوحشت ومنظرها برعب.. بعد عنها وقلها إهدي بس ماكانت راضية تهدى وخالتي صارت تفقد صوابها ووقعت على الأرض.. قلي هيثم اقتليها.. أمرني بقتل خالتي.. وأنا قبلت.. اعطاني السكين يلي بإيده وبضل معه وبقتل فيه وحكالي اقتلي خالتك.. قربت منها وصرت بدي أطعنها صرخت تالا وقالت لأ.. لا تعملي متله.. مابدي أشوف المشهد مرتين لأ.. وبأصبعها السادس كانت بتأشر عليه وبتمنعني.. وفجأة بسمع صوت شرطة برا الدار.. هيثم بحاول يهرب وأنا واقفة بدي أقتل خالتي.. بنفتح الباب وبتدخل الشرطة مع تمارا ودعاء وخطيبها حسن.. بتصرخ عليه دعاء وبتقلي عرفنا الحقيقة.. عرفنا كل شي لا تعملي هيك ابعدي السكينة عن أمك.. خالتك بتكون أمك!.. بتصحى خالتي وبتوعى على هالمشهد وبتسأل شو بصير؟!.. بس أنا مو طبيعية وبدي أقتلها.. بتقرب دعاء مني وبتشوف الشنطة مفتوحه والأغراض على الأرض.. بتشوف الألبوم معهم.. بتفتحه وبتتطلع عليه.. وبتقلبه بسرعه وبتقول لخطيبها هيها.. اختها يلي قلنا عنها المحامي أيمن !.. وهي رزان وهيه صغيرة بنفس السن يلي بالصورة يلي كانت معها.. وهاد أبوها.. خالتي بتصرخ وبتقول هيه ماتت أنا بعرف.. ماتت وحرقت قلبي.. وبهاللحظة حكت دعاء ذاكرتها رجعتلها.. قالت ماتت.. يعني اقتنعت إنه بنتها ماتت.. حكتلي أمك رجعتلها الذاكرة !.. أنا رفضت أسمع وكان بدي بس أنفذ يلي قال عنه هيثم وإنه أقتلها.. الشرطة مسكتني وأخدت السكين مني وقعدوني لأهدى غصب عني.. بس أنا صرت متل المجنونه وأستوحشت متل تالا وبدي أضرب وأقتل أي شي بشوفه قبالي.. بقيت هيك للصبح.. وأنا تعبانه وببكي لنمت.. صحيت على صوت دعاء بتقلي كيف صرتي؟.. حكيتلها وين أنا ؟!.. قالتلي كيف حاسة ؟!.. حكيتلها منيحه بس مو عارفه شي.. انتي ليه هون.. شو يلي صار.. أنا بتذكر آخر شي كنت بحكي مع بنت اسمها ماريا هون بالميتم وطلبت منها أنزل لتحت عند وحدة إسمها أم سعاد !!.. حتى ما اطلع من الميتم وابقى جنب خالتي!.. حكتلي أمك مو خالتك.. بهاللحظة بلشت أوعى على كل شي وتذكرت يلي صار.. كانو كل البنات حواليه.. وعم بقربو مني وبتطمنو عليه.. بس مو عارفة شو قصد دعاء بأمي..