*وصلت على بيتي ، فتحت الباب و دخلت ...
سمر : شو صاير معك ؟ طلعت بهالوقت هاد وماعم ترد على تلفونك خير ؟
طلال : اقعدي سمر بدي احكي معك .
سمر : شوفي .
طلال : انتي انسانة منيحة كتير ، بدي صارحك لحتى ما تقوليلي بيوم اني ظلمتك .
سمر : احكي .
طلال : يا بنت الناس انا ظلمت مرتي هلال كتير و زعجتها و هلأ ندمان على كل لحظة بكيتها فيها و مستحيل ارجع بكيها مرة تانية ، انا ما رح اقدر اعدل بيناتكن خايف اظلمك لاني برتاح ضل معها ، بهيك حالة انتي بتقبلي تضلي مرتي ؟
سمر : ليش تزوجتني اذا بتعرف حالك ما رح تعدل ؟
طلال : صدقيني ما عندي جواب و ما عندي غير هالحكي يلي قلتو ، فكري على مهلك و انا معك بأيا قرار .
سمر : بدون ما فكر ، انا بنت ناس محترمين ، عندي شهادة و بشتغل ، تزوجتك عن غباء لحتى بطل اسمع من الناس جملة "يا حرام لهلأ ما تزوجتي" بس اذا هيك الزواج الف كلمة مطلقة اهون عليي من العيشة معك ، طلقني طلال انا مافيني عيش هيك مافيني استنى رحمة مرتك الاولى لشوفك .
طلال : انتي طالق .
___________________________________
#بقلم_فتاة_من_ورق
*بعد مرور شهرين*
بحر : تعبت من التفكير فيكي ، اكيد ما رح ضل ساكت اكتر من هيك ، انا ما بعرف شو ناطر .
*سكرت كتابي بقوة و طلعت من غرفتي ...
بحر : مساء الخير .
ابو علي : مساء النور .
منال : شو حبيبي خلصت دراستك ؟
بحر : اي .
ام علي : الله يرضى عليك و يفتحها بوجهك .
بحر : جدي ، ستي ، امي ، انا بدي احكي شي و بدي من الكل يسمعني .
ابو علي : احكي جدي عم اسمعك .
ام علي : قول .
منال : شوفي حبيبي ؟
بحر : انا .. انا .. جدي انت بتعرف شو بدي قول احكي انت .
ابو علي : هههه تكرم يا جدي ، بصراحة يا ام علي و يا بنتي بحر عشقان ست البنات و بدو همتكن لتروحو تخطبولو ياها .
منال : يا روحي انت .
ام علي : هي الاخبار يلي بتنسمع .
منال : قلي مين هي و بكرا من الصبح منروح انا و ستك منخطبلك ياها .
بحر : ما بعرف شو اسمها بس بعرف انها اخت رفيقي علاء .
ام علي : تكرم عيونك .
*بتذكر منيح اني هالليلة ما نمت من فرحتي .. كتبت الموقف يلي صار بيني و بين اهلي على دفتر مذكراتي .. كتبت عن احساسي اتجاه هالانسانة يلي لسا ما بعرف اسمها ...
___________________________________
#بقلم_فتاة_من_ورق
هلال : تأخرت عليي حبيبي .
طلال : كنت عند امي تعشينا سوا .
هلال : ليش ما جبتها تنام عنا ؟
طلال : قلتلها بس ما رضيت ، قال ببيتها بترتاح اكتر ، بعدين لا تخافي عليها قمر و عبير عندها و عم يهتمو فيها .
هلال : بكرا ببعت لعندها كريمة و هدية يرتبولها البيت و يطبخولها و ينامو عندها و خلي قمر و عبير يجو لعندي .
طلال : الله يرضى عليكي يا بنت الاصول والله ما غلط ابي لما ناداكي بنت الاصول .
هلال : ولو شو ما صار هي بتضل بمقام امي الله يرحمها .
طلال : وينو سيف ؟
هلال : يا عمري انا شرب الببرونة كلها و نام .
طلال : بدي صحيه و اسهر معو مشتقلو كتير .
هلال : الله يخليك فوق راسو و راس خواتو .
___________________________________
#بقلم_فتاة_من_ورق
*باليوم التاني*
ام علاء : نحنا منتشرف فيكن يا ام بحر ، انا لو بفتل الدنيا كلها ما رح لاقي لبنتي احسن من بحر يصونها و يخاف عليها ، علاء طول الوقت بيحكيلي عن بحر و اخلاقو و ما بخفيكي اني عطول كنت اتمناه يصير صهري .
منال : ونحنا لو منفتل الدنيا كلها ما رح نلاقي احسن من بنتك لابني و ما رح نلاقي احسن من عيلتكن و سمعة عيلتكن .
ام علي : ما شاء الله عليها هالبنت ادب و جمال و اخلاق .
ام علاء : بس النا طلب واحد .
منال : اطلبي .
ام علاء : بدي بنتي تكمل دراستها ، يعني ما بدي بس تضل على شهادة البكلوريا .
منال : اكيد رح تكمل ، لا تشيلو هم ابدا ، من هاللحظة الاء بنتي مو كنتي .
#بقلم_فتاة_من_ورق
*مشي كلشي متل ما بدي .. خطبت الاء و كنت اسعد انسان ..
علاء : رفيقي الغالي صار صهري .
بحر : شايف على هالصدفة .
علاء : لك تضرب نفسي شي مرة احكي كلمة ما تحولها لمسخرة .
بحر : ههههه احلى ابن حمايي .
* اعترفت ل الاء اني بحبها من لحظة يلي شفتها وهي معصبة .. اعترفتلها اني كل هالشهور ضليت عم فكر فيها و ما راحت عن بالي ولا لحظة ...
*بعد شهر من خطبتنا سجلت الاء بالجامعة و صرنا نروح سوا ...
بحر : صباح الخير مرت عمي .
ام علاء : صباح النور .
بحر : الاء جاهزة ؟ تأخرنا عالجامعة .
ام علاء : الي ساعة عم حاول صحيها ماعم تصحى ، شو رأيك تفوت انت تصحيها ؟
بحر : تكرمي .
*دخلت لعند الاء .. صرت اتأمل ملامح وجهها البريئ .. مسكت خصل شعرها الناعم بايدي ، قربت منها و همستلها بحنية...
بحر : اصحي حبيبتي تأخرنا عالجامعة ، الاء اصحي يا عمري يلا .
الاء : بسم الله بحررررر ، اطلاع لبرا اطلااااع .
بحر : شبك شو صرلك تحولتي لغوريلا هلأ كنتي ملاك .
الاء : بحر