الحقيقة و هو قبل انو تضل سر .
جُهينة : وليش ما حكيتلي هالسر ؟
طلال : خفت انك تغلطي قدام امي و تحكي هالشي .
جُهينة : مستحيل يا طلال مستحيل اغلط بهيك شي لاني بحب امك من كل قلبي وما بدي ياها تزعل .
طلال : بتتذكري لما كنت غيب كم ساعة كل اسبوع .
جُهينة : اي بتذكر .
طلال : كنت اخد اختي صفاء و امها اعملهن مشوار و غيرلهن جو ، انا بحس اختي صفاء مظلومة بحياتها لانها ما عاشت طبيعي بين امها و ابوها ، ما عاشت حياة طبيعية متل اغلب البنات ، وكل هاد بسبب غلطة ابي يلي بنظرو مجرد نزوة .
جُهينة : مشان هيك كانت صفاء تحاول تتقرب مني .
طلال : اي كانت تحاول تتقرب منك لانها بتحبك على محبتي الك كان بدها تصير صديقتك المقربة .
جُهينة :........
طلال : رح اخدك لعند ام صفاء لتشوفي عقد زواجها من ابي .
جُهينة : اي اي امشي نروح هلأ خلي النار يلي بقلبي تنطفا .
طلال : امشي .

_________________________________________
#بقلم_فتاة_من_ورق

*ركبت بسيارتي و مشيت ورا طلال ... وصلنا على حارة بسيطة ... صف طلال سيارتو قبال بيت حر صغير .

طلال : هاد بيتهن .
جُهينة : يلا دق الباب .

*وقف طلال و دق الباب ...

ام صفاء : مين ؟
طلال : انا طلال خالتي افتحي .
ام صفاء : اهلا وسهلا يا عيوني .
طلال : اهلين فيكي خالتي ، معي جُهينة .
ام صفاء : اهلا وسهلا بنتي تفضلو .
جُهينة : شكرا .

صفاء : امي كأني سمعت صوت اخي هون .
ام صفاء : اي حبيبتي تعالي هاد اخوكي .
صفاء : طلال .
طلال : اهلا اهلا .
صفاء : جُهينة !!!
جُهينة : اي جُهينة .
صفاء : نورتي .
جُهينة : بوجودك .
طلال : خالتي انا حكيت لجُهينة الحقيقة ، بعد اذنك بدي عقد زواجك من ابي .
ام صفاء : اي من عيوني ، ثواني و بجيبو .
صفاء : انا بعتذر منك جُهينة ، صدقيني من زمان بدي اعتذر منك و فهمك الحقيقة بس طلال رفض .
طلال : صفاء جُهينة كانت بحالة صعبة كتير و ما قدرانة تسمع من حدا أيا كلمة بخصوص هالموضوع .
صفاء : المهم انها عرفت الحقيقة .
ام صفاء : تفضل يا ابني هي عقد الزواج .
طلال : شكرا الك خالتي ، تفضلي جُهينة .
ام صفاء : تزوجت ابو طلال بدون ما اعرف انو هو متزوج اصلا ، ربتنا امي 9 ايتام وانا كنت الكبيرة ، لما تقدملي ابو طلال وهو بيكبرني ب10 سنين حسيتو دنيتي كلها بس زواجي منو كانت فترتو قصيرة كتير ما تجاوزت السنتين ، ومع هيك سمعت كلمتو وجيت معو لهون كرمال ما تعيش صفاء محرومة من ابوها ، بس عاشت محرومة منو لانو هالشي سر و رح يبقى سر .
جُهينة : انا بعتذر منك خالة ، بوعدك انو يضل سر .

_________________________________________
#بقلم_فتاة_من_ورق

ام شريف : صارت الساعة 9 ولهلأ ما اتصلت جُهينة قولك تصالحو ؟
ام طلال : يا رب يكونو تصالحو يا رب .
ام شريف : يا رب ، انا بدي ارجع عالبيت .
ام طلال : اي وانا كمان هلأ بيكون اجا ابو طلال من المعمل .
ام شريف : لازم كل يوم نجتمع انا و انتي نغير جو .
ام طلال : ان شاء الله ، لا تنسي تتصلي فيني بعد ما تحكيلك جُهينة شو صار معهن .
ام شريف : اي اكيد .

_________________________________________
#بقلم_فتاة_من_ورق

*طلعنا من بيت ام صفاء ... وقف شريف قبالي تطلع بعيوني و حكا ...

طلال : هي شفتي بعينك الحقيقة و سمعتي بادنك كل القصة ، وهلأ شو ؟
جُهينة : هلأ بدي قلك اني كتير اشتقتلك .
طلال : وانا اشتقتلك يا عمري .
جُهينة : حبي الك ما خف ولا يوم و كل هالشهور عشت على امل اننا رح نرجع لبعض .
طلال : غيابك عني وجعلي قلبي و قهرني .
جُهينة : خلينا نرجع نبلش من جديد .
طلال : بكرا رح جيب ابي و امي و نجي لعندكن مرة تاني .
جُهينة : بانتظاركن .
طلال : بحبك .
جُهينة : بموت فيك .

_________________________________________
#بقلم_فتاة_من_ورق

شريف : عمي و مرت عمي بعد اذنكن رح اعمل العرس بعد شهر .
ابو حمزة : عراحتك ابني .
ام حمزة : اي يا ابني بس لسا الجهاز عند الخياطة و بدو 3 شهور ليخلص .
شريف : يا مرت عمي هلأ ماعاد حدا خيط كلو صار يشتري جاهز ، بكرا بجي باخدك انتي و نهال بتشترو كل الجهاز وكلشي ناقصها ، انسولي موضوع الخياط .
ام حمزة : متل ما بدك .

_________________________________________
#بقلم_فتاة_من_ورق

جُهينة : امي انا اجيت .
ام شريف : اهلا وسهلا حبيبتي ، طمنيني شو صار معك ؟
جُهينة : بكرا جاي طلال و اهلو مرة تاني ليخطبوني .
ام شريف :شو صار احكيلي ؟
جُهينة : يلي صار اني بعشقو لطلال بعشقو ومبسوطة كتير .
ام شريف : اي الله يسعدكن يا بنتي .
جُهينة : انا طالعة اتصل بطلال بدي عوض كل يوم عشتو بدونو خلال هالسنة .
ام شريف : الله يهنيكن .
#رفيقة_الدرب
#الجزء_التاسع
#بقلم_فتاة_من_ورق

(بصباح اليوم التاني)

جُهينة : صباح الخير .
ام شريف : صباح النور حبيبتي .
شريف : صباح الخيرات .
ام شريف : حماتك بتحبك جُهينة هلأ جهز الفطور .
جُهينة : هههه وانا بحبها لحماتي .
شريف : شو قال رجعت المي لمجاريها ؟
جُهينة : اي