#كمل اكل وهو مزعوج وفتون كملت اكل وهي ساكتة ومنتبهة كيف انزعج وعرفت انو مخبي شي بس ما بدو يحكي تركتو ع راحتو
_______
#اليوم التاني
جهزت فتون الفطور واكلت هي وابوها وابوها راح ع شغلو وهي جهزت حالها ونزلت لحتى تروح ع شغلها بس انصدمت لما شافت سيارة يمان
- فتون : هاد شو عم يعمل هون .. اكيد هي مو سيارتو انا عم اتوهم
#هي عم تحكي مع حالها نزل من السيارة
- فتون: انت شو عم تعمل بحارتي ؟
- يمان : صباح الخير
- فتون : من وين بدو يجي الخير وانا متصبحة فيك
- يمان : انا مو قلتلك لا تطلعي من البيت خطر عليكي
- فتون : اا عنجد ؟ ليكني طلعت وما صرلي شي
- يمان : امشي معي
#مسكها من ايدها ومشي
- فتون : تركني ما رح اروح معك ع مكان اتركني .. يمان عم قلك اتركنييي .. يماااان
- يمان : خيرررر
- فتون : اتركني
- يمان : لو انك مشيتي متل العالم بهدوء ما كنت جريتك هيك
- فتون : ما بدي روح معك ع اي مكان
- يمان : فتون لا تعاندي .. لا تطالعي جنوني فيكي
- فتون : بدي عاند يا اخي ما بدي روح معك ع اي مكان بكفي المصايب يلي عيشتني ياها انا بدي ارجع لحياتي الطبيعية
#كان بدو يرد عليها بس تدخل شب
- سالم : فتون .. في شي !
- فتون : اهلين سالم لا لا مافي شي
#يمان عصب بزيادة وشد ع ايدها
- يمان : يلا
- فتون: لك ما عم تفهم ؟ قلي ما عم تفهم ؟ شو يلي ما عم تفهمو بالضبط لحتى وضحلك ياه
- سالم : فتون مين هاد
- يمان : ما دخلك
- سالم : اتركها ما بدها تروح معك
- يمان : مرة تانية ما دخلك
#فتل يمان وبدو يروح بس سالم حط ايدو ع كتفو .. تطلع عليه يمان
- سالم : اتركها والا
- يمان : والا شو ! ها والا شو ترا انا كتير رح خاف من ولاد شوارع متلك
#مسكو سالم من جاكيتو وضربو براسو ع انفو .. مسح يمان نقطة الدم يلي نزلت وضحك
- يمان : مشكلتك انك حتى بالضرب متل ولاد الشوارع
#قرب يمان وضربو بوكس ع وجهو خلاه يوقع بالارض .. نزلت فتون لعندو
- فتون : سالم سالم انت منيح ؟
- سالم : منيح ما تخافي
- يمان : لا بقى تعلق مع عالم اكبر منك .. يلا فتون
- فتون : انقلع من هون ما بدي شوف وجهك طول ما انا عايشة
#تطلع فيها يمان بعصبية تنهد وحكالها
- يمان : براحتك انا عملت اللي علي ماني مسؤول عن اي شي بصرلك
#تركهن يمان وراح ع سيارتو ومشي وفتون ضلت واقفة عم تطلع لحد ما اختفت السيارة
- سالم : فتون .. فتون
- فتون : اي سالم معك
- سالم : مين هاد
- فتون : مو مهم انسى .. انت منيح ؟ بدك نروح ع المشفى
- سالم : بلا هبل ليش المشفى كلها ضربة صغيرة
- فتون : سالم انا عنجد بعتذر بالنيابة عنو عنجد
- سالم : ولا يهمك
- فتون : انا لازم امشي
- سالم : بوصلك ؟
- فتون : لا لا حابة اتمشى
#راحت فتون ع المشفى واول ما دخلت الكل قعد يسلم عليها
- اشتقنالك كتير دكتورة
- فتون : وانا اشتقتلكم واشتقت لمكتبي ولكل شي هون
#طلعت فتون ع مكتبها وبلشت بشغلها وكملت يومها بشكل طبيعي .. خلصت دوامها وطلعت تتمشى للبيت متل عادتها
بالبيت كان ابوها مجهز الاكل
- فتون : مسا الخير
- خالد : يعطيكي العافية
- فتون : الله يعافيك .. شو هاد
- خالد : اجيت قبلك وقلت لجهز الاكل
- فتون : عنجد انا كتير جوعانة
- خالد : باليوم يلي قلتيلي فيه انك ما بتقدري تجي كنت مجهزلك عشا كمان .. كنت عم فكر انو ما بدك تجي لحتى ما تشوفي اذا خلفت بوعدي .. او بدك تهربي مني
#فتون كانت بعالم تاني وهي عم تاكل ومو سامعة شي .. ضحك عليها واكل وهو عم يدعي الله انو يتحقق اللي ببالو
____________
#كانت قاعدة ع التخت وحواليها صور كتير وعم تتأملهم بحزن و بحرقة قلب فجأة اندق الباب
- نور : مين
- يوسف : هاد انا
- نور : تفضل يوسف
#دخل يوسف وشافها كيف زعلانة وعم تتفرج ع الصور بهم
- يوسف : ما صرلنا مجال نحكي متل الخلق والعالم
- نور : صار شي
- يوسف : انتي قلتي انو رح نخطب لانو غرتي ع يمان
- نور : ما بعرف طلعت مني فجأة
#ضحك يوسف ونزل راسو
- نور : في شي
- يوسف : لا انسي
- نور : يوسف نحن لازم نخبرهم بطريقة انو بطلنا نخطب
- يوسف: ليش غيرتي رأيك
- نور : انا بعتبرك اخي الكبير وسندي بهالحياة وكمان ..
- يوسف : وكمان ؟
- نور : وكمان انا بحبو ليمان ما بدي اظلمك معي
- يوسف : بس ..
- نور : بس شو
- يوسف : ولا شي فكري بطريقة وخبريني وانا معك
- نور : انا فكرت
- يوسف : بهالسرعة ناوية تتخلصي مني
#ضربتو ع كتفو ضربة خفيفة وضحكت
- نور : مو هيك بس طول الوقت حابسة حالي بالغرفة ومافي شي اعملو ف لهيك فكرت بطريقة يعني
- يوسف : هاتي لنشوف يا ستي شو هي الطريقة
- نور : ******
- يوسف : شو هالحكي مستحيل
- نور : ليش عصبت
- يوسف : لانو يلي عم تحكيه مو منطقي ابدا

كسرتو تكسير بس اجى حدا من وراي وضربني ع راسي وغميت لفترة لما فقت ما لقيت الشب وكنت متأكد انو كان عايش وجماعتو انقذوه .. اختفى الشب حتى اسم بسجل النفوس ما الو يعني عيلتو قوية كتير لدرجة قادرين يتلاعبو بوراق الدولة بسهولة ولهلأ ساكتين ما عطو اي ردة فعل
#كان عم يحكي وهو حاضنها وعم يلعب بشعرها .. رفعت راسها وتطلعت فيه
- فتون : انا شو دخلني
- يمان : انت ما دخلك بشي كل القصة انو يوسف كان بدو يطلب منك مساعدة كونك دكتورة مشان ينقذني بس كان بيعرف من الاول انو ما رح توافقي
- فتون ؛ شو ممكن يعملو
- يمان : يدخلوني ع السجن وبعدها بدبرو موتي
#سكتت شوي ما بعرف ليش قلبي وجعني لما حكا هيك رغم انو مجرم ووحش واناني وعصبي وكل الصفات السيئة مجتمعة فيه بس ما فيني شوفو عم يدخل السجن او يموت
- فتون : بشو بدي ساعدكن
- يمان ؛ اذا دخلت السجن رح تكوني حرة
- فتون ؛ رح كون حرة رح يجي اليوم يلي تتركني بحالي وتعملي بايدك مع السلامة
- يمان : صايرة بتحلمي وانت فايقة كمان
#ضربتو ع كتفو
وقمت نزلت لعند يوسف ونزل هو معي.. فتحت الباب ودخلت راسي
- فتون : ممكن ادخل
- يوسف : اكيد تعالي
#دفش يمان الباب بهمجية
- فتون : همجي
#تطلعت بيوسف
- فتون : اسفة ع اللي صار قبل شوي بس عنجد ما كنت بوعي يعني دخلت بصدمة من يلي حكيتوه
- يوسف ؛ بس ردة فعلك كانت غريبة
- فتون : اوقات بصير معي هيك لما تجيني كتلة مصايب
#اشرت باصبعتا ع يمان
- فتون : بس قلبي طيب لدرجة جاي انقذ كتلة المصايب يلي فوق راسي
- يوسف : حكالك
- فتون : نص الحكاية
- يوسف : يعني بتعرفي شو لازم تعملي
- فتون : لا
- يوسف: تعالي
#قربت ع طاولة المكتب بس قبل ما يبلش يحكي رن جوال يمان .. سكر الخط بس رجع رن مرة تانية وطلع من المكتب ليرد
- يوسف : شوفي الولد اكيد بالمشفى او يمكن ما يكون موجود بس الو سجل في بعض المشافي قدرت شوف السجلات وكاميرات المراقبة والبعض لا واول مثال مشفاكم والمطلوب منك تقدري تخليني ادخل ع سجلات المرضى وانا بتكفل بالباقي وكونك دكتورة معروفة بس رح يكون سهل
- فتون : سهل وحتى بقدر دخلك ع امن المراقبة وتشوف الكاميرات
- يوسف : تمام لكن امشي
- فتون : بس قبل ما ساعدكم عندي شرط
- يوسف : شو هو
- فتون : بدي ارجع ع شغلي ع مشفاي ع مكتبي ع جزء صغير من حياتي الطبيعية
- يوسف : موافق
- فتون : بس يما..
- يوسف : اتركيه علي انا بقنعو
- فتون : تمام
________
#طلعو فتون ويوسف ومن مشفى لمشفى بس عبث
- فتون : شكلنا ما رح نلاقيه
- يوسف : بقي مشفى واحد بس واللي هو مشفاكم
- فتون : شو يضمنلك ما يكونو عالجوه برا البلد
- يوسف: كان مكسر محطم ع الاخر اقل شي بدو عمليتين تلاتة هون ليتحسن وضعو ويسمحولو بالسفر خلينا نشوف مشفاكن وفي حال ما لقينا شي مندور ع طريقة تانية نلاقيه
#نزلت فتون ويوسف من السيارة ودخلو ع المشفى
- اهلين دكتورة
- اشتقنالك كتير
- اهلين
- دكتورة اهلا وسهلا
#الكل كان عم يأهل ويسهل فيها ويوسف واقف بعيد عنها كم خطوة
- فتون : تمام تمام شكرا الكن كلكن وانا عنجد اشتقتلكن واشتقت لشغلي ومكتبي بس صرلي كم يوم غايبة ولازم روح شوف شغلي لانو تأخرت بما فيه الكفاية
#مشيت ومشي وراها
- فتون ؛ تعرف لو كان يمان مكانك شو كان صار
- يوسف : شو
- فتون : كان صرخ وعصب وطربق الدنيا فوق راسي ومسح بكرامتي الارض واخر شي بيشحطني من ايدي ليكمل مسح اللي ضل من كبريائي
- يوسف : مو لهي الدرجة
- فتون : معك حق .. اكتر
#دخلت فتون ع مكتبا اللي مليان ملفات ووراق
- فتون : دارين
- نعم دكتورة
- فتون ؛ بعتيلي ادم وشيرين فورا
#فاتت وسكرت الباب
- يوسف : ليش ناديتي
- فتون : اتطمن رح يساعدوني ويسهلو الموضوع علي وما بيحكو شي
- ادم : دكتورة أخيرا اجيت..
#بقي واقف وعم يتطلع بيوسف
- فتون : سكرو الباب
#طلعو وسكرو الباب
- فتون : اددددددددمممممم
- ادم : نعم دكتورة
- فتون : دخلو وسكرو الباب .. اسمعوني كتير منيح بغيابي اجت شي حالة ل شخص اكل ضرب كتير .. متعذب .. مشوه
- ادم : لا
- شيرين ؛ مبلا
#تطلع يوسف بشرين وبعدها تطلع بفتون لانو مو قادر يستجوب هو

- فتون : انت شفتيه ؟
- شيرين : اي
- يوسف : خلينا نشوفو
- فتون ؛ لحظة يوسف .. مين استلمو
- شيرين : هلأ العلاج كل الدكاترة بس بعتقد انو مسجل تحت ايد الدكتور زياد
- فتون: روحي تأكدي بسرعة وما تحكي اي شي قدام حدا
- شيرين : تمام
- فتون : ادم اهل المريض بالمشفى
- ادم : بظن بس الام
- فتون : روح مع شيرين وفي حال كان المريض باسم زياد بتروح عند ام المريض وبتحكيلا عني بطريقة تخليا تجي لعندي وتطلب مني عالج ابنها فهمت ولا عيد ؟

جاب معقم واجى لعندي .. قعد ع الارض
- فتون : انا بعقم لحالي
- يمان : هسس
#عقملي الجرح وانا دموعي نزلت اكتر.. مسكلي وجهي بايدو واتطلع فيني
- يمان : ليش بتجبريني اتصرف معك هيك ليش دائما بتجبريني طلع كل جناني وعصبيتي فيكي ويا ريتك بتتعلمي او بتحرميي تعملي هالشي .. لا بقى تعيديها
#قام وتسطح ع الصوفا وانا غسلت وجهي ورحت قعدت مقابيلو
- فتون : يمان
- يمان : امم
- فتون : خلينا نتطلق
- يمان : تمام
- فتون : عنجد بهالسهولة !!!!
- يمان: اي
- فتون : يعني رح ارجع عيش حياتي الطبيعية
- يمان : اي يلا نامي مشان تعيشيا بالمنام
- فتون : يمااانن عم تتمسخر عليييي
- يمان : لا
- فتون : لا تكون مستفز
- يمان : تمام
- فتون : و..
- يمان : فتوووون بدي نااااام خلصنا نفسك ما بدي اسمعوووو
#تركتو وقمت اتفتل بالبيت .. اول مرة بجي لهون مكان هادي ومنعزل ع ضجة الطرقات .. وقفت ع الشباك اتفرج ع الجو برا كان كتير حلو لدرجة ما قدرت قاوم وطلعت ع حديقة البيت
- فتون : فتون احكي فتون سكتي فتون روحي فتون تعي فتون عملي هيك فتون لا تعملي هيك اف اف اففففففف وانتي بكل مرة متل الغبية سمعا وطاعا برافو فتون برافو والله بهنيكي ع قوة الشخصية يلي عندك مينو هاد يعني مييييين ليش ما بتقدري تواجهيه .. حضرتك يلي بتفرضي رأيك ع الكل وبتمسحي الاراضي باللي بقلك حرف غلط بس يمان ما بتحكيه شي بيمسح فيكي الارض وبيتحكم فيكي متل اللعبة مرة بعاملك منيح مرة بذلك مرة بيحترمك مرة بيكسر كبريائك وانتي شووووو ساكتة ساكتة والله برافوووو والله عنجد لازم يعطوني اوسكاار افففف يااا اففف يعني ليش هيك يا الله .. بعترف كنت اغلط شوي هالقد يعني شوي صغيرة واوقات كنت اتقصدد ابهدل العالم لحتى افرض شخصيتي بس كمان هنن كانو بيستاهلو يعني لو ما غلطو ما كنت مسحت فيهن الاراضي .. بس النتيجة ندم والله ندمانة .. يا رب معجزة تخلصني من هالوحش وبوعدككك اكون حدا كتير منيح وما عصب ابدا بس يا رب العيشة مع هالوحش كتير صعبة وانا اعترفت بغلطي برأي بكفي عقاب لهون والله حاسة نهايتي رح تكون ماتت في سبيل عصبية الوحش ..
فتون بدي ناااام ننننن نومة اهل الكهف
- يمان : ما تعبتي
- فتون : لا يا الله حتى لما اهرب منو دقيقة لارتاح عم تخليني اتخيل صوتوو لهالوحش
#حط الشال ع كتافي وحاوط خصري ب ايديه وضمني
- فتون : ي...م..انن..
- يمان : هئ الوحش
- فتون : خليني اشرحلك
- يمان : مافي داعي
- فتون ؛ كيف!!
- يمان : بقصد رح اقتلك بالحالتين اذا شرحتي او لا لهيك لا تشرحي خلي لسانك يرتاح شوي
#ضربتو بمرفق ايدي ع بطنو
- فتون : ما عاد تمشي عليي هالكذبة هي بطلت خاف منك
- يمان: تمام بنغيرها بعدين لحتى تخافي
_______
#اليوم_التاني
#صحيت ع صوت الجوال وهو برن ما هدييي .. مع مين قاعد بتحكي من الصبح
فتحت عيوني غصب وتجلست لقيتو واقف وعم يحكي
- يمان : تمام رح انطركن هون لكا .. تمام اخي بس تجي بحكيلك كل شي
#سكر الخط وتطلع فيني
- يمان : اخيرا صحيتي
- فتون : ليش انت بتخلي حدا ينام شو هالازعاج هاد
#طنشني وقعد يشوف بالملفات اللي قدامو
- فتون : ايمت حنروح
- يمان : انا عاجبتني القعدة هون مو حابب روح
- فتون : انا مو حاببتا
- يمان : فتون تركيني اشتغل بعد شوي رح يجي حدا .. وها بالمناسبة اختفي اوعك تبيني قدامو وتعملي مشكلة خبايصك وبعرفها
- فتون : الله يسامحك انا ما بعمل شي
- يمان : مزبوط
#سمعت صوت كلب من برا .. قمت ووقفت ع الشباك
- فتون : تمام ما زال شايفني مصيبة رح ريحك من هالمصيبة
#ما كلف حالو ورد علي حتى .. طلعت ع الحديقة كان في كلب ابيض كتير حلوو .. وكان في واحد عم يحطله اكل .. قربت وصرت الاعبو
- فيني اتركو امانة عندك شوي
- فتون : اكيد عمو
- انا ما بطول شوي وبرجع بس الله يرضى عليكي يا بنتي لا تتركيه لحالو يمان بيك كتير بعصب
- فتون : تمام
#راح الزلمة وانا بقيت قاعدة جنب الكلب وبحكيلو ع يمان وبسبسب عليه زي الهبلة ..
دخلت سيارة ع البيت كان يوسف ومعو حدا ما قدرت شوف وجهو
________
- يوسف : صراحة عرضك كتير مغري اغيد بيك بس كمان نحن لازم نفكر ونحسب كل خطوة بدنا نخطيها
- اغيد : اكييد وانا ما عندي مانع بتحبو تتناقشو هلأ او بنأجل الاجتماع
- يمان : الاجتماع صرلو اسبوعين بتأجل بكفي هيك عن اذنك خمس دقايق وبنرجع
- اغيد: تمام خدو وقتكن
#قامو يوسف ويمان ع الغرفة وهو وقف ع الشباك وشاف فتون كيف قاعدة جنب الكلب وبتشوبر ب ايديها ومندمجة كتير بالحديث .. طلع لعندها ووقف وراها وهي ما انتبهت لوجودو .. سمعت صوت يمان من وراها
- يمان : اغيد بيك
#التفتت وشافت يمان ويوسف جاين باتجاها وكان هو واقف قبالها .. عيونها توسعت والصدمة بانت ع ملامحها عكس ملامح اغيد اللي انقلبت لفرح

- نور : اي انا شو ح تعملي
- فتون : رح اعطيكي نصيحة نور .. لا تلعبي مع شخص ما بتعرفي عنو شي او خليني قلك ياها حرفيا لا تلعبي معي لانو مانك قدي واللي قبلك كانو اشطر
- نور : اللي قبلي ؟؟
- فتون : جليلة خانم ناطرتنا تحت
#نزلنا وركبنا بالسيارة وقدامنا كان في سيارة كلها رجال مسلحة ونحن بنص الطريق ..
- الشوفير : نور خانم في سيارة ورانا من لما طلعنا من البيت بشو بتأمرينا
#التفتنا كلنا لورا وفعلا كان في اكتر من سيارة حتى ومبين انو ماشين ورانا بالخطوة
- نور : كملو بطريقكن
- الشوفير : امرك يا خانم
#طالعت نور جوالا واتصلت ب يوسف بس فصل الخط.. اتصلت بيمان كذلك الامر ف ببعتلن رسالة " نحن ملاحقين "
- فتون : انتبببببه
#وقف الشوفير السيارة فجأة لان في سيارة اعترضت الطريق وقع جوال نور بارض السيارة
- نور : امي خليكي هون لا تنزلي ماشي
- جليلة : نور لا تنزلي انتي كمان الله يوفقك
- نور : لازم انزل .. فتون ديري بالك عليها
- فتون : تمام
#نزلت نور هي والشوفير وصارو يحكو مع الرجال بس كانو كتار ومستحيل نور تتفاهم معن لانها بنص عقل وفجأة شفناهن رفعو اسلحتن بوجه بعض .. ما تحملت جليلة ونزلت ونزلت انا وراها
- جليلة : مين انتو وشو بدكن
- معلم هي هي
- جيبوها
- نور : اصحك تخطي خطوة وحدة بفضي المسدس براسكن
#كنت واقفة وماسكة حالي غصب
- فتون : اصحك فتون اصحك ترجعي لهاد العالم اصبري هلأ بيجو يمان ويوسف اصبري اصبري
#قرب واحد قوصتو نور براسو
- نور : لا حدا يقرب عليها
- مسكوها لهي المجنونة
#قربو كذا واحد ع نور وصارت تقوص بشكل عشوائي بس مسكوها ورمو المسدس ع الارض .. كانت عم تحاول تفلت من ايديهن بس مسكها واحد من ايدها ولواها لورا كسرلا ياهاا
- نور : يا كلااااااااااااب
- جليلة : بعد عنها يا حقير
- جيبوها
#قربو ع جليلة ومسكوها .. التفتت لورا
- فتون : هلأ وقتك يمان عنجد طول الوقت بتضل وراي بكل خطوة هلأ الوقت المناسب لتتركني وتروح
#اخدت نفس وحركت رقبتي يمين ويسار لحتى طلع صوت الطق
- فتون : مرة وحدة فتون مرة وحدة
#حطيت ايدي ع كتفو ..
- فتون : تركها
- ما ناقصنا انتي كمان لا تدخلي
#نتر ايدي نتر مسكتو من قبة الجاكيت وضربتو ع راسو وبعدا ببلور السيارة. حط ايدو ع راسو عم يحاول يتوازن
قرب التاني يضربني مسكت ايدو وضربتا بركبتي كسرتا وضربتو بمرفق ايدي ع رقبتو
كانو جليلة ونور مصدومين مني كيف عم اقدر واجهن كلن وكأني تحولت من الدكتورة الطيبة لوحدة متوحشة .. فعليا ما كنت شايفة شي قدام عيوني
- وقفي ولا تقربييي
#التفتت كان حاطت المسدس براس جليلة
- فتون : تمام قوص
- رح قوص اذا بتقربي ما عم امزح
#كان سلاح نور اللي رموه منها جنبي
- فتون : تمام لا تقوص انا رح اتراجعع تمام
- نور : فتووون
- فتون : بس نور نحن ما لازم نتدخل
#ضحك واتطلع بجليلة يشمت فيها.. اول ما شال نظرو عني ضربت المسدس بطرف رجلي ليرتفع ومسكتو وقوصتو ووقع ع الارض ما فيه نفس .. جليلة ركضت لعند نور وانا التفتت لورا كان يوسف ويمان واقفين عند السيارات ومصدومين .. بعدت نظري عنهن ورميت المسدس من ايدي ومشيت وكنت ناوية اتجاهلن بس يمان مسكني من ايدي ورجعني لعندو
- يمان : شو هاد اللي شفتو هلأ
- فتون : شو
- يمان : هاد هاد
#اشر ع الرجال
- يمان : لك الصبح ما كنتي تعرفي تمسكيه وهلأ بدم بارد قتلتيهن
- فتون : يعني هو انا تعلمت منك
- يوسف ؛ والفنون القتالية اللي صارت شو وضعا
- فتون : هلأ شوف كمان تعلمتا من يمان لما كان عم يتقاتل مع ادم
- يمان : قلتيلي
#يوسف راح لعند نور وجليلة
- يمان : وانتي تعي معي
- فتون : لوين
- يمان : لنتعرف ع بعض
#ركبنا بالسيارة وطول الطريق ما حكينا شي لا انا بادرت ولا هو لوصلنا ع مكان غريب وقديم ويمكن مهجور من مية سنة
نزلت بدون ما احكي شي ودخلنا ع البيت ونزلنا ع طابق ارضي .. كان يمان سابقني ودخل ع حلبة مصارعة وقفت وتطلعت فيه
- فتون : شو هالسخافة هي
#فتلت بدي ارجع اطلع
- يمان : ابوكي مع رجالي لا تنسي
#زورتو وطلعت وقفت قبالو
- فتون : لشو كل هاد
- يمان : قتالك اليوم كتير عجبني حابب نتنافس
#شلح قميصو ورماه ع الارض
- يمان : انا يمان من انا وصغير ربيت بعيلة مافيا وبشتغل بالمافيا
- فتون : عنجد
- يمان : لكن شو مفكرة واسمي بخلي الكل يرجف
#قرب ليضربني صديتو وفتلت وضربتو ع ضهرو
- فتون : وانا فتون دكتورة شاطرة كتير ومعروفة واسمي بخلي العالم اللي برا البلد تطلبني مشان عالجا
#مسكني من ايدي وفتلني وبالايد التانية حطها ع رقبتي
- يمان : هيك ما اتفقنا لازم نكون صريحين
#ضربتو بمرفق ايدي ع بطنو وفركشتو برجليي وقع ع الارض

#داء_وَ_دواء
#الحلقة_السابعة
#ياسمينة.
..
..
..
#لحد ما شافت يمان جاي لعندهم رعشة الخوف امتلكتها فورا
- يمان : ما خلصتو شغلكن
- جليلة : اهلين ابني .. لا لسه مطولين مو حضرتك بدك العرس اليوم ولسه لازم يروحو ع الكوافيرة
- نور : مافي داعي منعمل لحالنا شي بسيط بالبيت
- يمان : مافي عرس اليوم
#تطلعت فتون فيه مصدومة والفرحة غامرتها
- فتون : عنجد
#بعدين انتبهت ع نظرات جليلة
- فتون : قصدي ليش
- يمان : مشان اشغالنا رح نعلن خطبة نور ويوسف بالأول بعدين رح نتزوج انا وفتون
- جليلة : طيب ابني
- يمان : خلصتي فتون ؟
- جليلة : ما اختارت شي
#قرب من فتون وهمس بادنها
- يمان : يعني انتي بتحبي لما صرخ عليكي قدام العالم
- فتون : ما عجبني شي من هالمحلات
- يمان : بعتذر كان لازم اخدك ع ايطاليا تشتري مو هيكككك
- جليلة : ابني لا تصرخ هي صح ما اختارت شي بس انا جبتلا كل شي جبتو لنور مافي داعي تعصب
- يمان: امشي لكا
#مسكها من ايدها وشحطها قدام كل العالم وركبها بالسيارة
- فتون : هالتصرف مو حلو عفكرة
- يمان : قلتلك الففف مرة لا تعصبينييي لا تطالعييي جنانيي لااا تعمليي شي انتييي مو قدووو
- فتون : وانا قلتلك الفف مرة ما بدي اتزوجك . رديت عليي شييي ؟؟ اخدتتت رأيي لااا انا اليوم كنت ع وشك اني اتزوج اكتر حدا بكرهو بالكون كلو وحتى ما بعرففف السبب
- يمان : هاد يلي بدك ياه ؟ بدك تعرفي السبب
- فتون : بدي اطلع من حياتكك ارميك من حياتي انت ومواقفك وكأنو شي ما صار عم تفهم هاد يلي بدي ياه
- يمان : ليش . مشان تروحي تنامي بحضن زياد وتضححكي عليه ع كيفك
- فتون : اضحك عليه!
- يمان : خلينا نكون صريحين وحاج تمثلي دور البنت المنيحة والدكتورة الانسانية يلي ما شهدتها الكرة الارضية كلها
- فتون : انت شو عم تخبص
- يمان : تخبيص قلتلي ؟ حكي مو صححح يعنيي . لك انا اليوم عم خلّص الشباب من اقرف بنت
- فتون : نزلنيي .. عم قلكككك نزلنييييي هلأ يلا وقف السيارةةة
#مدت ايدها وصارت تحرك المقود وقف يمان السيارة وكانت بدها تنزل بس قفل البواب
- يمان : ليش الحقيقة جرحتك
- فتون : حقيقة ؟ عن اي حقيقة عم تحكي فهمنييي لك اذاا انت انسان وسخ ومقرف مو يعني كل العالم متلك عم تفهممم
- يمان : مزبوط بس انتي بالذات ما بحقلك تحكيي يا شريفةة
#ضربتو فتون كف بكل قوتها
- فتون : اشرف منك ومن عيلتك كلا عم تفهم . واذا ما رح تفتحلي باب السيارة رح اكسرا ع راسكك
- يمان : كككيف بتتجرأيي
#التعصيب بين عليه .. عروقو كلها برزت وعيونو حمرت وصار يصرخخ
- يمان : كمم مرة نتبهتكككك لكك انا صوتك ما بخليكي تعليههه قدامييي عم تتجرأي وتضربينييي بدك اقتلككك بدكك فضي المسدس كلو براسكككك هلأ احكككييي ليشش ساكتة ولا هلأ لسااانكك اكلوو القطط مو هيككك
#نفخخ وضررب ايدو ببلور الشبااك .. ثواني وشغل السيارة ومشي وطول الطريق وهنن ساكتين
وصل قدام بيتها لفتون .. فتحت الباب ونزلت ودخلت ع بيتها ودخل هو وراها .. جابت علبة الاسعافاات الاولية
- فتون : عطيني ايدك
- يمان : ليش بدك تورجيني انك حنونة
#مسكت ايدو ورفعت كم القميص وبلشت تعقم الجرح وهي ساكتة ..
- يمان : خلصنا .. شفنا اديه انتي دكتورة شاطرة
- فتون : نص ساعة وبكون مخلصة
#راحت ع غرفتها وبلشت تضب غراضها ويمان عصب اكتر من تطنيشها وهو عم يحاول يستفزها
ضبت كل شي تياب..صور .. ذكريات الها بالبيت وكأنها كانت عم تودعو .. طلعت وهي عم تجر الشنتة وراها
- فتون : خلصت
#قبل ما يرد عليها مشت وطلعت من البيت .. طلع وراها وقفلت الباب .. رجعو ع البيت وطلعت ع الغرفة هي ويمان ولقت تياب اغراض كتيرة موجودة بالغرفة
- يمان : شكلا امي مدللتك كتير
#كمان ما ردت عليه وفتحت الشنتة وبلشت ترتب اغراضها بالغرفة وهو عم يحاول يتمالك اعصابو
- يمان : مطولة هيك . لان بلشت عصب من هالوضع
#عملت حالها ما سمعت وكملت ترتيب .. قام ومسكها من ايدها وفتلها لعندو
- يمان : لما احكي معك بتردي
- فتون : انا بطلت افهم عليك بحكي ما بيعجبك ما بحكي كمان ما بيعجبك شو اعمللل
- يمان : غريب انك ما تفهمي الشباب رغم انك خبرة بكل الانواع
#دفشتو وبعدت عنو
- فتون : لك انت شو يلي شفتو مني لحتى عم تحكيي هيك اااه شووو خبرني
- يمان : بدك تعرفي
- فتون : اي كتير حابة اعرف شو الشي يلي بخليك تكون وسخ مع بنت رح تصير ع اسمك
#فتح جوالو وعطاها ياه
- يمان : تفضلي شغلي الفيديو وشوفي
- فتون : زيااد !!
- يمان : اي زياد حبيب قلبك لا تخجلي شوفي الفيديو
# كان الفيديو عبارة عن زياد قاعد ع كرسي وعم يحكي
- زياد : انا وفتون منحب بعض من زمان يعني من اول ما توظفت هون تقريبااا