شريف : اي ماشي اختي .
جُهينة : باي .
ام شريف : الله معك حبيبتي .
ام شريف : رح خلي سمية تحضرلك فطور مشان تروح تفتح المحل .
شريف : اي الله يسلم ايديكن .
_________________________________________
#بقلم_فتاة_من_ورق
نهال : ليكي بما انو طلعنا على بكير شو رأيك نروح من هداك الطريق .
بشرى : ايا طريق ؟
نهال : يلي فيه جنينة .
بشرى : بس منطول لنوصل عالبيت .
نهال : عادي منتسلى ما بيكفي من البيت للمدرسة و المدرسة للبيت .
بشرى : طيب بس منمشي بسرعة .
نهال : اي حاضر .
*بحب هالطريق كتير خصوصا بأيام الربيع لانو بيتحول ل اللون الاخضر المزين بالورد و زهر اللوز ، البيوت بهالطريق كلها مرتبة و غالية طول عمري بتمنى لو بيتنا هون ... قطفت وردة و حطيتها على شعري ...
نهال : شايفة كل هاد الزهر يلي عالشجر .
بشرى : اي .
نهال : بعد فترة قصيرة كلو بيتحول ل لوز ومنصير منطلع من المدرسة منجي لهون منقطف لوز .
بشرى : بس هاد الشجر كلو طالع من جناين بيوت العالم كيف بدنا نقطف لوز العالم .
نهال : عادي حبيبتي هدول اغنياء وما بيهمهن اللوز يلي عالشجر .
بشرى : طمنتيني لاني بحب اللوز كتير .
_________________________________________
#بقلم_فتاة_من_ورق
جُهينة : اجا زباين ؟
صفاء : اي انسة اجا تنتين بس ما اشترو شي .
جُهينة : طيب روحي اعمليلي فنجان قهوة .
صفاء : حاضر .
جُهينة : ما اشترو شي قلتيلي هلأ بشوف شو صورت الكميرات وبعرف .
*تفرجت شو صورت الكميرات ، بغيابي اجا 4 زباين و ال4 اشترو ... كذبت عليي صفاء لحتى تضب المصاري بجيبتها .
جُهينة : صفااااااء .
صفاء : نعم .
جُهينة : معك دقيقتين لتنقلعي من المحل وماعاد بدي شوف وجهك بحياتي .
صفاء : ليش .
جُهينة : على اساس ما بتعرفي ليش ، عم تسرقيني كل هالايام مفكرتيني غبية .
صفاء : والله ما
جُهينة : اخرسي لا تحلفيييي لا تحلفي كذب ، ليش عم تكذبي عليي انا بشو مقصرة معك .
صفاء : بترجاكي سامحيني والله بعرف انتي مو مقصرة بس امي مريضة وانا عم اصرف على امي و اخواتي والراتب ماعم يكفيني .
جُهينة : كان فيكي تقوليلي ماعم يكفيني الراتب برفعلك ياه بس مو تسرقيني ، يلا انقلعي انقلعيييي .
صفاء : بترجاكي سامحيني .
جُهينة : قلتلك انقلعي احسن ما اتصل بالشرطة .
*زعلت وحسيت بقهر ، ليش الدنيا مو عادلة وليش في ناس مستعدين يمدو ايدهن عالحرام ... ليش انا قسيت على صفاء هيك يمكن لانها خذلتني بعد شغلها سنتين عندي ، والخذلان صعب .. صعب كتير .
#بقلم_فتاة_من_ورق
شريف : ليش الحلوة معصبة ؟
جُهينة : اهلين اخي .
شريف : اكيد متقاتلة مع صفاء لاني شفتها عم تبكي وهي طالعة من المحل .
جُهينة : فتحت تسجيل الكميرات وشفتها عم تسرقني .
شريف : روقي اختي مافي شي مستاهل .
جُهينة : ما هاد موضوعنا هلأ .
شريف : شو موضوعنا ؟
جُهينة : ليش رجعت للسهر ؟
شريف : حرام الواحد يغير جو ؟!
جُهينة : لا مو حرام بس الحرام هي طريقة سهرك شريف رجعت للشرب و للسهر .
شريف : جُهينة هاد شي بيخصني .
جُهينة : لا ما بيخصك هاد الشي بيخصنا كلنا ، انت سندنا وبتعرف منيح لو صرلك شي امك بتموت .
شريف : بعيد الشر عنها .
جُهينة : اخي انا عم احكي لانك انت رجال البيت بعد ابوك ، شبك ليش ماعم تستوعب ؟
شريف : ان شاء الله اختي ، انا بدي روح عالمحل هلأ ، بشوفك بعدين .
جُهينة : هاد الشاطر فيه تهرب من حكيي .
شريف : يلا سلام .
جُهينة : سلامات ، الله يهديك .
#رفيقة_الدرب
#الجزء_الثاني
#بقلم_فتاة_من_ورق
*ودعت بشرى و دخلت عالبيت ...
نهال : امي انا اجيت .
ام حمزة : اهلا وسهلا حبيبتي .
حمزة : اهلين وسهلين بالحلوة .
نهال : حمزة الحمدلله على سلامتك .
*ركضت لعند اخي حمزة وحضنتو ... عطوه اجازة بعد غياب 8 شهور .
نهال : اشتقتلك كتير اخي .
حمزة : وانا اشتقتلكم .
نهال : شو جبتلي معك .
حمزة : بصراحة احترت شو بدي جبلك ، لهيك امسكي هدول المصاري و روحي انتي وامك عالسوق واشتري شو ما بدك .
نهال : الله يخليلي ياك اخي .
ام حمزة : الله يرضى عليكن ، يلا نهال روحي بدلي تيابك وتعالي ساعديني .
نهال : حاضر ماما .
_________________________________________
#بقلم_فتاة_من_ورق
شريف : كيفك يا جهاد .
جهاد : اهلا وسهلا معلم تفضل .
شريف : حدا اجا بغيابي ؟
جهاد : اي معلم واحد جاب موبايلو للتصليح قال واقع بالمي و من ربع ساعة اجا واحد بدو يشتري موبايل قلتلو تعال بعد ساعة بيكون اجا المعلم .
شريف : تمام الله يعطيك العافية ، وين الموبايل يلي بدو تصليح ؟
جهاد : بالدرج معلم .
شريف : فيك تروح انت .
جهاد : يلا سلام .
شريف : الله معك
*مسكت الموبايل وبلشت صلحو ...
شريف : بستغرب هالناس ليش بتشتري موبايلات اذا كل يومين بيوقعوهن بالمي !
عبير : يمكن كرمال يشوفو المصلح .
شريف : عبير .
عبير : ههههه اي شو رأيك بهالمفاجأة .
شريف : احلى مفاجأة .
عبير : اشتقتلك .
شريف : وانا ا