عمي: هي البنت وطت راسي وراس ضيعتنا ولازم تاخود جزاها
كبارية القرية: ونعم الرأي
كان عم يجيني من بعيد صوت اختي ليا وامي كنت بحالة لا يرثى عليها وكأنو كلشي عم امرق فيه حلم ورح اصحى منو بهالحظة اجا ابن عمي الكبير ومعو السكينة الي رح يدبحوني فيا وصوت امي عم يعلا اكتر واكتر وعم يمزقلي قلبي من جوا اجتني القوة وكنت بدي احكي كلشي بقلبي قبل ماموت هيك هيك ميتة
سيلا: انا انا هي البنت اليتيمة بلا اب بلا سند الي عما باعا لرجال بقد ابوها مابيطلع بأيدو يتزوج مابيطلع بأيدو غير يعذب ويضرب ويذل انا هي الي عمي بعدا عن حبيبا عروة الي مارضي فيه لانو فقير انا الي تعذبت بسبب ظلم عمي ورح موت بسببو وبسبب شجعو وحبو للمصاري يلا يااهلي اقتلوني امييي سامحيني ليا اختي خبري عروة اني مظلومة وانجبرت على كلشي واني بحبو كتير ورحت عالمدينة للاقيه بس اكيد رح نلتقي بالجنة غمضت عيوني وتشاهدت شفت قدامي فرس ابيض واميري عروة قداما عم يمدلي ايديه فجأة بيجي صوت عروة وهو عم يقلن الي بيقرب عليها يعتبر حالو ميت فتحت عيوني كان هو عروة بنفس نظراتو نظرات الحب والحنان دقنو طولانة اجا مسك ايدي وسحبني لعندو ولف ضهرو عليهن وقلن الي الو شي عندي يجي ياخدو من نص بيتي كنت مصدومة من كلشي صار ماحسيت غير عروة ضمني بقوة وانا شديت عليه اكتر وهمسلي انا رجلآ بلا قدر فكوني انتي لي قدرآ
تمنيت لو توقف الدنيا عند هالحظة رحت ضميت اختي وامي وقلتلا لامي تسامحني خبرا عروة انو رح يجيب الشيخ اليوم ليكتب كتابنا
بالفعل مافي ساعتين الا وكان الشيخ عنا انكتب كتابنا ورحنا على بيتنا ليا كانت مخبرا اختو لعروة كلشي واختو خبرتو لعروة اني اتزوجت غصب عني
سيلا: اشتقتلك اشتقت لريحتك لكلشي فيك لصوتك لنفسك
عروة: انا اسف اسف لاني ماقدرت احميكي منن اسف لاني ماقدرت كون سندك
حطيت سيلا ايديها على تم عروة
سيلا: انت سندي وقوتي من لما كنت صغيرة ولهلق ولما اكبر
بوسلا ايديها وحطيت ايدا على وجو وهي عم تلمسلو وجهو بحنية هالحظة نست سيلا وعروة كلشي مرقو فيه
عروة ماحب يضغط على سيلا وتركا ترتاح بس سيلا ماكان بدا ترتاح لانو راحتا بتشوفا بعيون عروة بعد شوي
عروة: سيلا انتي بنت
سيلا:(بخجل)اي
عروة: يعني ماحدا لمسك غيري
سيلا: انا وعدتك اني الك وبس وربي ماخجلني
عروة ضما لسيلا بقوة على صدرو ونامو
كانت عم تمرق الايام اجمل ايام حياتا مع عروة كانو قاعدين بيجيا تليفون لسيلا بترد بتكون هبة بتخبرا كلشي صار وانو التقت مع عروة وتشكرتا كتير على كلشي ساوتو معا وخبرتا انو في واحد اسمو رضوان كان عم يسأل عليها بالحارة من كم شهر وانو عن طريقو ولاد عمي وصلولي
بشكر ربي الف مرة باليوم انو جمعني بعروة
بعد سنة...
عروة: شو حبيبتي مافي شامبو بدي اتحمم
سيلا:(منزلة راسا)لا والله كان بقيان شوي تحممت فيه
عروة: ولا يهمك حبيبتي بس اقبض الراتب رح جبلك كلشي بدك ياه
سيلا:(بحنان)مابدي شي غيرك انت الله يحميلي ياك
عروة: بعشقك ياعمري رح ضل عم اشتغل ليل نهار لحتى ماتحتاجي شي انتي وولادنا بالمستقبل
سيلا: وانا بموت فيك يلا روح تحمم رح اعمل شاي وطالعو عالاسطوح جيب معك الراديو لا تنسى
عروة: انتي بتأمري سيلا خانم
سيلا: Love You
عروة: Me To
طلعت سيلا عالاسطوح قعدت واستنت عروة اجا من وراها ومعو حرام غطا فيها حالو هو وسيلا وشغلا غنية
زيديني عشقآ لكاظم الساهر والنجوم والقمر فوقنا مع نسمات الهوا الباردة وعروة عم يطلع فيني وعيونو كلا حب
سيلا: حبيبي انت احلا شي صار بحياتي
عروة: هسسسس خليني سارح بعيونك
سيلا: عروة لا تخجلني
عروة: مرتي وحر فيا كيف مابدي بطلع فيها
سيلا: لا مافي لا تطلع علي بخجل
عروة: شو مشان انو مشتقلك كتير
سيلا: هأ هأ هأ
عروة: بتعرفي شو
سيلا: شو
عروة: بدي اكلك
سيلا: ياامي
سيلا هربت من جمب عروة ونزلت بسرعة عالدرج وعروة عم يلحقا استنيني جاييكي مافي مهرب وسيلا عم تهرب منو مسكا وحاوطا بأيده التنتين
سيلا: انت مابتشبع
عروة: حدا بيشبع من العسل
هيك عاشو سيلا وعروة بلا مصاري بلا شي بس ضل حبن وكرامتن فوق كلشي سيلا وقفت جمب عروة عالمرة قبل الحلوة كانو يوم ياكلو يوم يضلو جوعانين يوم يكونو دفيانين يوم يدفو بعض بنظراتن عاشو حياة بتجنن وكلا مغامرات مجنونة ماكان بدن لا مصاري ولا بيوت ولا سيارات لانو هالشغلات كلا مابتجي نقطة ببحر حبن لبعض والامان الي عايشنو مع بعض الحياة كلا مو مصاري مو دهب ولا املاك ولا اراضي الحياة امان استقرار حب تضحية
#انتهت.❤️