رزان: طيب شوفي إذا في حدا بحياتو أو إذا بحب بنت ثانية انا رح انسحب ورح أنساه وما فكر فيه
سندس: طيب رح لمحلو ع الموضوع
رزان:لو ما بعتبرك مثل أختي ما بقلك
سندس:انتي احلا رفيقة وأخت بالدنيا
#الجزء_الثاني
#بقلم_Yasmina_homsieh
صالح:ليش ما عاد رحت لعندي
تيم:على شأن ما ازعجك بكلامي
صالح:انا بحب سندس وما بتخيل حدا يحكي عنها هي كل عيلتي إذا بتكون مبسوطة انا بكون مبسوط وإذا كانت موجعة انا بتوجع على وجعها ما بدي ياها تنأذا
تيم:اذا بتحبها مثل ما عم تحكي لا تلعب بمشاعر البنات كمان كل وحده فيهن عندها حدا يخاف عليها أبوها أو أخوها وهنن مراهقات ما بعرفوا الصح من الغلط إذا أنت ضحكت على هي وغيرك فضح هي وواحد وعدها يتزوجها وما وفى بوعدو رح يجي الدرو على أختك
"زورو صالح"
تيم : شفت كيف نزعجت إنتي انا لهيك عم قلك تبعد عنهن فكر فيها منيح ورح تلاقي انو كلامي مزبوط
____
سندس:حسام عم يطلب صورتي
رزان:أي؟!!!
سندس: رح ابعتها
رزان:لك لااا يا مجنونة
سندس:هوي يحبني وما عم يكذب علي
رزان:وبلكي هددك بالصورة نصيحتي الك لا تعمليها
سندس:هوي عم يزعل مني عادي هي صورة
رزان: انا نصحتك لا تستهيني بالشي إلي بدك تعمليه
"سندس كانت حاطه إصبع ايدها على الموبايل وبتردد بعتت الصورة"
سندس(بخوف): بعتتها
رزان(خايفة أكثر):لك ليش عملتي هيك
سندس(بتبكي): ما بعرف لأني بحبو كثيير.. اي بحبو.. وهوي وعدني يتزوجني
رزان:شو ردلك
سندس: شافها بس ما رد
رزان:....
____
صالح: خلص ما عاد أحكي معهن وعد
تيم: هههههه اي هيك بدي ياك خليك على وعدك
"برن موبايل صالح"
صالح: طيب بس لشوف مين هي وصدقني آخر مرة.ههههه
تيم: آخر مرة هه
صالح( وهوي عم يفتح المويابل): هههههه آخر مر....
"سكت وما كمل كلامو"
تيم: شوفي... صالح شبك
صالح: لااا.....لااا هي مو أختي لك شو عم يصير
تيم(أخذ الموبايل من إيد صالح): مايا وصورة أختك كيف هيك
صالح:انا كنت عم أحكي مع أختي كل الوقت وعم أضحك عليها
"قام يركد وطلع تيم معه"
تيم:طول بالك شو بدك تعمل
صالح: بدي أعرف ليش عملت هيك ليش... بحياتي ما فكرت انو أختي يطلع منها هيك (كان عم يسوق ويبكي مثل الولد الصغير) ليش خانت ثقتي لييييش فهمني ليييش
تيم: أنت عم تسوق انتبه رح تعمل حادث
صالح: يا ريت متت قبل ما شوف هالشي......كلو بسببي انا كلو بسببي
"بسرعة كان واصل عالبيت وصار يصرخ عليها كانت رزان بعدها موجودة"
صالح(معصب): سندس وليه وينك
سندس(بخوف):شو في أخي شو صاير
صالح(مسكها من شعرها):لك عم تسألي شو في ليه عملتي هيك لك ليش أحكي أحكي
"رزان كانت واقفة على جنب وخايفة وعم تبكي ولما بلش يضربها تيم تدخل"
تيم: لك حاج تضربها هي أختك بكفي
صالح: تيم بعد عني وما تدخل
تيم:ما إنتي كنت تقول انو انت سندها وكنت تخاف عليها من اي شي وما بتحب حدا يأذيها لك إنتي إلي أذيتها واسا بدك تكمل عليها
"صالح قعد على الأرض وصار يبكي وسندس كانت عم تبكي بحضن رزان وما كانو فهمانين شو إلي عم يصير"
تيم: رزان خذي سندس وفوتوا ع الغرفة
"دخلو رزان و سندس ع الغرفة"
تيم: ليش هيك عملت إنتي السبب انا قلتلك كما تدين تدان
صالح: ليش هيك صار والله ربيتها أحسن ترباية لك وثقت فيها ما كنت متخيل انو مايا هي نفسها أختي... أختي إلي ربيتها
تيم:خلص هلق قوم افهم منها وحاكيها بهدوء
صالح(بحزن): طلع معك حق بكل كلمة قلتها من قبل
تيم: هاد درس إلك والها
"دخل صالح لعندهن ع الغرفة"
صالح: هاتي لشوف أحكي أكيد رفيقتك المقربة بتعرف لهيك ما رح قللها تطلع خليها تساعد بالحكي ليش خنتي ثقتي ليش هيك عملتي
سندس(تبكي):شو بدي أحكي
صالح:طيب رح فرجيكي شو بدك تحكي
"فتح موبايلو على المحادثه إلي كان يحكيها مع مايا إلي هي نفسها سندس، سندس نصدمت وما عاد يطلع معها الكلام وقت شافت المحادثه"
سندس:أ.أ... أنت ح.. حسام..
صالح:اي انا.... انا الي كان عم يضحك عليكي بس لحتى يتسلا احكيلي كم شب حاكيتي كم شب بعتيلو صورك (عصب) أحكي لا تضلك ساكتة
سندس:والله ولا حدا بس انت والله وسأل رزان هي بتعرف والله ما عاد عيدها سامحني
صالح:هاتي الموبايل وطلعا برا البيت ما عاد في فهمتي
سندس(تبكي):فهمت... فهمت
"طلع صالح وسندس صارت تبكي بحرقة"
"تيم سمع كلامهم حس قلبو ارتاح لما عرف أنها ما حكت مع حدا غير حسام إلي هوي أخوها"
رزان:طولي بالك يا عمري
سندس:يالله أخي إلي بحياتو ما مد ايدو علي ضربني اليوم بس بستاهل الله ياخذني ياااا ربي
"قعدت تبكي هي ورزان حتى رزان زعلت لانو صالح كان يحكي مع بنات على مواقع التواصل"
"بعد مرور عدة أيام"
سندس: والله إني ندمانة الله يخليك أحكي معي
صالح:....
سندس: الله يخليك أحكي اي شي ضربني صرخ علي لا أضل مطنشني
صالح: .....
سندس(مكسورة):طيب مثل ما بدك
"دخلت سندس على غرفتها وصالح صار يلوم نفسو لانو عم يكسر قلبها وما عم يحكي معها وطلع من الب